Post: #1
Title: تكريم الأم الســــــودانية في قنــــاة النيل الأزرق
Author: shammashi
Date: 03-23-2011, 08:03 AM
بالله البيقدر ينزل السهرة دي ينزلا لينا هنا.
عشان الماشاف عبط أمس يشوفوا هنا.
بعد داك نحـــــكي.
|
Post: #2
Title: Re: تكريم الأم الســــــودانية في قنــــاة النيل الأزرق
Author: shammashi
Date: 03-23-2011, 08:14 AM
Parent: #1
وزير الثقافة كرم أمه
الفاتح عروة كرم خالتو
والاتنين كرمو أم عمر البشير ممثلة في اختها (ما قدرت تجي لأنها عيانة شوية)
|
Post: #3
Title: Re: تكريم الأم الســــــودانية في قنــــاة النيل الأزرق
Author: shammashi
Date: 03-23-2011, 10:16 AM
Parent: #2
كما تم تكريم كمال ترباس
بس ما عارف تم تكريمو كأم أم كمؤدي لأغنية الله يسلمك.
غايتو ناس فجر الأوديسا لمن يجونا ينزلوا طياراتهم بارتياح فوق عمتو.
وزير الثقافة وهو بشكر في أمو قال كان بيقول ليها
You are under the table
وهي تفهما طايرة.
|
Post: #4
Title: Re: تكريم الأم الســــــودانية في قنــــاة النيل الأزرق
Author: الفاتح خليل الفكي
Date: 03-23-2011, 01:53 PM
Parent: #3
الأخ / شماسي
سلام واحترام ،،،
والله سهرة عبارة عن عبط من الوزير وحتي اصغر واحد في السهرة
حاجة تعمل طمام وعوارة ما عندها اي لازمة
شنو حكاية كل واحد يبكي ويبوس امو تحلف تقول ليهو 20 سنة ما قابل امو
يا ناس الام ما محتاجة لمثل هذه المبالغات والعبط
الام هي الحنونة والعطوفة وكل ايامها مفروض تكون عيد
دعواتنا بان يحفظ الله كل امهاتنا ويكونوا دائماً بخير
بعدي عليك يا شماسي الوزير كان قاصد شنو بالجملة دي You are under the table
وبرضو كان قاصد شنو بالقصة الحكاها عن البكر وشنو كدا ما عارف
يا ناس النيل الازرق بالله ارحمونا نحن ما ناقصين الفينا مكفينا
تحياتي لك أخي شماسي
أبو كريم
|
Post: #5
Title: Re: تكريم الأم الســــــودانية في قنــــاة النيل الأزرق
Author: Deng
Date: 03-23-2011, 02:33 PM
Parent: #4
شماشي.
أنا ما شفت الحلقة لكن قالو برضو تم تكريم والدة مقدمة البرامج نسرين سوركتي.
|
Post: #6
Title: Re: تكريم الأم الســــــودانية في قنــــاة النيل الأزرق
Author: jini
Date: 03-24-2011, 05:12 AM
Parent: #4
| Quote: وبرضو كان قاصد شنو بالقصة الحكاها عن البكر وشنو كدا ما عارف |
وهنا تكمن الاجابة!
Quote: والله سهرة عبارة عن عبط من الوزير وحتي اصغر واحد في السهرة
حاجة تعمل طمام وعوارة ما عندها اي لازمة |
هؤلا هم بكور السودان
ابن السودان البكر المشير عمر حسن قدقدو وصحبه الميامين
من أثكلوا أمهات السودان ورملوهم وشردوا رجالهم أبناء السودان العاقين الذين حرموا ذائقة الرحمة والشعور الانسانى يثكلون الامهات ويفجعونهم فى ابنائهم ثم يطلقون الرصاص امام منازلهن ابتهاجا طالبين منهن ان يزغردن لعرس ابنائهن فى الاخرة على بنات الحور " حوريات الجنة"وهم يتزوجون حوريات الفانية مثنى وثلاث ورباع رئيسنا ووزير ثقافته الهمام رفاقه الميامين !
وياتون ليخرجون لنا السنتهم ساخرين متبولين على رؤوسنا من خلال التلفاز وكاننا البكور لا هم !
جنى
|
Post: #7
Title: Re: تكريم الأم الســــــودانية في قنــــاة النيل الأزرق
Author: shammashi
Date: 03-24-2011, 06:39 AM
Parent: #6
أيوا الوزير البكر قال أمو كان بتشكرو تقول ليهو يالبكر الشنو كدا ما عارف.
ياخي في زول بيقول شكر امو ليهو. أم هي عقدة الشعور بالنقص؟
ما كل أم بتشوف إنو ولدا هو أحسن زول (هو ما سمع بمثل القرد في عين أمو غزال)؟
بعدين خالة الفاتح عروة الجابا تتكرم دي ياربي ما عارفة تاريخ الفاتح شنو. من دورو في تهريب الفلاشا إلى دورو الأمني القذر إلى دورر مع الإنقاذ؟
غايتو سهرة توري الدرك الذي انحدر إليه السودان.
يعني ديل بيفتكروا السودان دا خلاص بقى حقهم ويعملوا العايزنو فيهو.
بكرة يجينا واحد ويورينا بيعمل سشنو في غرفة نومو.
عفن.
وفعلا سهرة بكــــــــــــــــــــور.
|
Post: #8
Title: Re: تكريم الأم الســــــودانية في قنــــاة النيل الأزرق
Author: shammashi
Date: 03-24-2011, 06:43 AM
Parent: #7
| Quote: أنا ما شفت الحلقة لكن قالو برضو تم تكريم والدة مقدمة البرامج نسرين سوركتي |
يا دينق
وملاسي هو القدّم الدرع لأم نسرين.
فتأمل!
|
Post: #9
Title: Re: تكريم الأم الســــــودانية في قنــــاة النيل الأزرق
Author: Tabaldina
Date: 03-24-2011, 07:31 AM
Parent: #8
..
.
| Quote: يا ناس النيل الازرق بالله ارحمونا نحن ما ناقصين الفينا مكفينا |
ناس النيل الازرق ما عندهم ذنب مجرد وسيلة اعلامية
لنقل الحدث واكيد دعوة من ( منظمة اسمها شباب البلد )
7 ليال يدعو ويعلنوا للمواطنيين السودانيين بترشيح
امهاتهم او شخصيات تستحق التكريم عبر اذاعة البيت السودانى FM100
عشان فى الاخر يطلع مجهودنا فشوش ..
وزير الثقافة يكرم امه والفاتح عروة كراع ايضا يكرم خالته
وهم الاثنين يتمسحوا لام الرئيس .. ويقول ليكم مافى فساد ..
------
مؤسف فى ناس قدمت بروفايل لامهات يستحقن التكريم
من معلمات ومربيات وطبيبات لكن لاجل وزير الثقافة والسيد
الرئيس يمكن تجاوز كل الاحقيات ..
ولكن لم تجد نصيبها فى التكريم وانا منهم
|
Post: #10
Title: Re: تكريم الأم الســــــودانية في قنــــاة النيل الأزرق
Author: محمد أبوالعزائم أبوالريش
Date: 03-24-2011, 07:43 AM
Parent: #9
أحمد الله كثيراً وأصلي له أن عفاني من مشاهدة هذا العبط والإفك.
سؤال:
هل كانت ستكرّم والدة الرئيس لو لم يكن إبنها رئيس؟ كذلك والدة أو خالة الوزير.
هل سيصبح تكريم والدة الرئيس عادة سنوية؟ (أظن أنه تم تكريمها العام الماضي).
ما هو معيار الترشيح والتكريم، ومن الذي يختار؟
العزة والحب لجميع الأمهات .. أحياء وأموات.
|
Post: #12
Title: Re: تكريم الأم الســــــودانية في قنــــاة النيل الأزرق
Author: خالد عبد الله محمود
Date: 03-24-2011, 07:45 AM
Parent: #9
شماسي
فكرة الإحتفال ليست سيئة في حد زاتها و لكن التنفيذ جاء بصورة عشوائية و غير مرتبة ..
كنت أتوقع أن يكون في مقدمة المكرمات أمهات دار المايقوما و بعض الأمهات اللائي قمن بتبني و رعاية أطفال من هذه الدار لكن لم يكن هناك إلا أم واحدة و ليست من دار المايقوما من ضمن المكرمات
لم أفهم مغزي تكريم الوزير لوالدته و لا تكريم الفاتح عروة لخالته !!!!!!!!!
ده كلو كوم و جلابية محمود عبد العزيز كوم تاني !!!! 
|
Post: #11
Title: Re: تكريم الأم الســــــودانية في قنــــاة النيل الأزرق
Author: walid taha
Date: 03-24-2011, 07:44 AM
Parent: #3
Quote: وزير الثقافة وهو بشكر في أمو قال كان بيقول ليها
You are under the table |
صحي بالله الزول ده كان قاصد شنو بالكلام ده ؟!
|
Post: #13
Title: Re: تكريم الأم الســــــودانية في قنــــاة النيل الأزرق
Author: shammashi
Date: 03-24-2011, 07:57 AM
Parent: #11
| Quote: فكرة الإحتفال ليست سيئة في حد زاتها و لكن التنفيذ جاء بصورة عشوائية و غير مرتبة |
الأخ خالد
الفكرة سامية جدا لكن التنفيذ تم بصورة سخيفة. وحتى تكريمهم لأمهاتهم كان سخيفاً.
يعني شنو كل مسؤول أو واصل يجيب أمو أو حبوبتو ويكرما على حساب دافع الضرائب المسكين.
وليه يتم تكريم الرئيس والوزير؟
ياخي أم الرئيس دي ما كفاها كافوري وفلل دبي.
عارف السهرة دي ذكرتني نكتة
قالوا حفيد الشيخ مصطفى الأمين جاء من المدرسة يبكي.
قام جدو سالوا يا ولد بتبكي مالك؟
قال ليهو جيت الطيش في المدرسة
جدو قال ليهو علي الطلاق أبني ليك مدرسة تقرأ فيها براك وتجي الأول.
|
|