Post: #1
Title: قطر تتعهد بتزليل العقبات حول حصول السودانيين على التأشيرات والاقامات
Author: صلاح غريبة
Date: 03-23-2011, 06:37 AM
أبدت الحكومة القطرية موافقتها على منح السودانيين اقامات
وتاشيرات باجراءات ميسرة وتذليل كافة العقبات التي تعترض
حصولهم عليها.
وبحث الفريق أول أمن مهندس محمد عطا المولي عباس
المدير العام لجهاز الأمن والمخابرات الوطني اليوم مع
سمو الأمير حمد بن خليفة آل ثاني أمير دولة قطر
و وزير الدولة بالخارجية القطري آل محمود مسيرة سلام
دارفور وتسريع خطى التفاوض مع الأطراف وصولاً
لتحقيق السلام بدارفور.
وتطرق اللقاء إلى أوضاع السودانيين بدولة قطر بالتركيز
على إتاحة حق الحصول على إقامات وتأشيرات لهم حيث
التزم الجانب القطري في اللقاء بتذليل كافة العقبات للسودانيين
للحصول على الاقامات والتأشيرات مبدياً تفهمه للأمر على
أن يتخذ الجانب السوداني ما يلزم من الإجراءات المطلوبة.
وفي سياق منفصل أبلغت مصادر مطلعة (smc) أن عضو
حركة العدل والمساواة سليمان بشارة حاول الاعتداء بالضرب
على أعضاء الوفد الحكومي بالدوحة خلال اجتماع مشترك
حددته الوساطة للطرفين لتقريب وجهات النظر حول أجندة التفاوض.
وتفيد متابعات (smc) أن الوفد الحكومي تقدم بمذكرة احتجاج لدى الوساطة
المشتركة على السلوك المشين الذي بادر به عضو حركة العدل والمساواة.
الجدير بالذكر أن الاجتماع كان من المفترض أن يضم لجنة ثلاثية من الطرفين
يمثل العدل والمساواة فيها أحمد تقد لسان وأحمد حسين آدم وسليمان بشارة.
|
Post: #2
Title: Re: قطر تتعهد بتزليل العقبات حول حصول السودانيين على التأشيرات والاقامات
Author: معاوية عبيد الصائم
Date: 03-23-2011, 06:46 AM
Parent: #1
Quote:
وبحث الفريق أول أمن مهندس محمد عطا المولي عباس
المدير العام لجهاز الأمن والمخابرات الوطني
|
ده اول خبر صاح يجى منك يا غريب؟
بس عدل الصياغة..
جهاز امن الكيزان محتاج لاكبر عدد ممكن من افراد
جهاز الامن فى قطر ولذلك لسهولة الحركة فى دول
الخليج....وسط المعارضين...ونظام قطر اكبر نظام
داعم للكيزان ..
وعلاقة مدير جهاز امنكم بالمغتربين شنو...........حسب الرسالة
الموجودة بطرف الزميل دينق من احد اصدقائه وعينك المفتحة
تاريخيا حتكون من المؤسسين....................................حظك
حبوبتك ترتاح من خلقتك دى
فتك عافية ..معاوية .....ام الطيور و حجر الطير
|
Post: #3
Title: Re: قطر تتعهد بتزليل العقبات حول حصول السودانيين على التأشيرات والاقامات
Author: Azhari Mohamed
Date: 03-23-2011, 06:47 AM
Parent: #1
يا غريبة - قطر فتحت أجري أمشي عشان تجيب أجلهم
|
Post: #4
Title: Re: قطر تتعهد بتزليل العقبات حول حصول السودانيين على التأشيرات والاقامات
Author: عبد الناصر الخطيب
Date: 03-23-2011, 08:33 AM
Parent: #3
غريبة النجم
| Quote: قطر تتعهد بتزليل العقبات حول حصول السودانيين على التأشيرات والاقامات |
عقبال السودان برضوا يزلل عقبات الاقامة فيهو للسودانيين
تحياتي
|
Post: #5
Title: Re: قطر تتعهد بتزليل العقبات حول حصول السودانيين على التأشيرات والاقامات
Author: Hamid Elsawi
Date: 03-23-2011, 09:32 AM
Parent: #4
Quote: عقبال السودان برضوا يزلل عقبات الاقامة فيهو للسودانيين
|
شكراً عبدالناصر علي هذا التعليق البليغ جداً
عقبال
|
Post: #6
Title: Re: قطر تتعهد بتزليل العقبات حول حصول السودانيين على التأشيرات والاقامات
Author: عبد الناصر الخطيب
Date: 03-23-2011, 04:33 PM
Parent: #5
حامد الصاوي
مساء الخير ,,,
Quote: شكراً عبدالناصر علي هذا التعليق البليغ جداً
|
سيد البوست بتمني ما يكون فاهم أنو إنجاز مزيد من الدول تستقبلنا , وناسي أنو المشكلة الأساسية لو عندنا بلد
أدي الناس أبسط التسهيلات للعيش الكريم ما ظن الغربة تكون حل لانها في الأخر حل مّر ....
دولة قطر وباقي مغتربات السودانيين في كل الدنيا ليهم أكيد شكرنا لكين برضوا منتظرين يكون لينا بلد
متاح لاى وأحد فينا يعمل فيهو حياة , حيث أنا بلاقي شباب كتار خريجين جدد
ديل معناها ما جربو حتى يشتغلوا في السودان ... وده ببساطة معناهو الاغتراب بقي حل أول
ولما الامور تكون بالطريقة دي معناها في مشكلة كبيرة بتخلى الوضع الاستثنائي يكون العادي
والعادي يكون استثنائي , ممكن أنا من جملة السودانيين الشغلهم واستقرارهم بره السودان لكين
ما معني كده أني حاكون فرحان بالحته دي زمان كنت في السودان من الناس البرفضوا الفكرة دي
جمله وتفصيلا وتفكيري كان بصل فيها لحد التطرف _ البفشل في بلدو مستحيل ينجح بره _
فيما بعد الكلام ده طلع خيالي والشغل في السودان طلع نوع من حليب التيس وبقت الغربة أخر الحلول
بس مطلقا ما حاتمني المصير ده لغيري وبتمني صادق تكون للأجيال اللاحقة بلد توفر لي كل مقومات
الحياة الكريمة.
وبتمني أخونا صلاح غريبة يكون فاهم النقطة دي أنو الاغتراب حل مؤسف لما تنعدم كل الحلول الممكنة أنو الناس تكون في بلده .
-------
تحياتي
|
Post: #7
Title: Re: قطر تتعهد بتزليل العقبات حول حصول السودانيين على التأشيرات والاقامات
Author: طارق ميرغني
Date: 03-23-2011, 07:10 PM
Parent: #6
ماشا معاك هنا يا صلاح غريبه
ماشي كويس
اول بوست يجيب دخل
|
|