Post: #1 Title: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 09:30 AM Parent: #0
يا شباب عندي ويرلس وما قادره اشغله الرجاء من من يأنس في نفسه الكفاءه الاتصال علي بالمسنجر الداخلي
Post: #2 Title: Re: الابن معاويه حسين وكل خبراء الكومبيوتر والويرلس مساعده رجاءا Author: معاوية عبيد الصائم Date: 03-22-2011, 09:36 AM Parent: #1
الابن معاوية عبيد يناشد ابناء الخالة دوما المذكورين لعمل اللازم بسرعة
معاوية حسين معاوية الوكيل معاوية الارباب معاوية الزبير معاوية المدير معاوية عوض الكريم
اها ياخالة قصرت معاك انا شخصيا ما بعرف التكتح فى الموضوع بس رفع البوست اضعف الايمان
اريتك طيبة انت والولاد
Post: #3 Title: Re: الابن معاويه حسين وكل خبراء الكومبيوتر والويرلس مساعده رجاءا Author: محمد أبوالعزائم أبوالريش Date: 03-22-2011, 09:37 AM Parent: #1
غايتو جنس شلاقة عليك يا دوما ....
ويرليس شنو؟ ما تربطي الحبل البتعرفيهو وكت دا ما عارفاهو.
وكان ما إشتغل، فكّي سير المفحضة واربطيهو مكانو.
Post: #8 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 09:47 AM Parent: #3
لكين يا محمد ابو العزائم يا اخوي سير المحفظه دا يحوق وين ولا وين ؟؟
يدكم معاي يا شباب كب عندي شغله في المطبخ راجياني اوعكم اجي القاه مشي الصفحه التانيه حذراكم يا معين يا مهون القواسي هون
Post: #4 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 09:38 AM Parent: #1
يا مهون القواسي يا شاب اي واحد او واحده منكم عنده /ها فكره عن كيفيه تشغيل الوير لس يتصل علي للمساعده واكون شاكره كثيره
Post: #5 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-22-2011, 09:40 AM Parent: #4
نرفعو دي مساعدتنا غايتو
Post: #9 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 09:49 AM Parent: #5
لوول يا ولد يا فاروق انت بس ساعدني برفع البوست عارفاك ما بتعرف التكتح متل ابو حسين داك
Post: #6 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 09:41 AM Parent: #4
لوووول والله تب ما قصرت يا معاويه عبيد الصائم وسمينك الله يخليهم ويكثر من امثالهم وبرضوا العشم في البقيه ما انقطع
Post: #7 Title: Re: الابن معاويه حسين وكل خبراء الكومبيوتر والويرلس مساعده رجاءا Author: ABUHUSSEIN Date: 03-22-2011, 09:42 AM Parent: #6
طلباتك بقت كتيرة خلاص....
Post: #10 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 09:52 AM Parent: #7
ما بلحق طلباتك اتلقي نشفت ريق ساميه عشان تتلهي شويه ارفع لي البوست دا وكت رجلك مجبصه اصلوا فهم في الكومبيوتر ما عندك
Post: #11 Title: Re: الابن معاويه حسين وكل خبراء الكومبيوتر والويرلس مساعده رجاءا Author: يوسف محمد يوسف Date: 03-22-2011, 09:53 AM Parent: #7
من "الرحط " .. الى " الويرلس "
غايتو جنس حكاية !!
يا شباب .. خدوا بأيد خالتكم الوفية دوما.. عشان الخبارات !!
اريتك عافية اختى دوما
Post: #12 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 10:11 AM Parent: #11
Quote: من "الرحط " .. الى " الويرلس "
غايتو جنس حكاية !!
لووووول نان هي جنس حكايات يا يوسف يا خوي ؟؟ من العواتيب لي بكين شاكرين للمرور تسلم يا اصيل
Post: #13 Title: Re: الابن معاويه حسين وكل خبراء الكومبيوتر والويرلس مساعده رجاءا Author: يوسف محمد يوسف Date: 03-22-2011, 10:48 AM Parent: #12
Quote: لووووول نان هي جنس حكايات يا يوسف يا خوي ؟؟ من العواتيب لي بكين
و هاك كمان دى :
من احجار الطيور .. الى كوالالمبور
ومن ام كدادة .. الى جاكارتا
ومن ركوب اللورى .. الى السكن فى كافورى
دوما... تذكرى لبن كافورى المبستر ؟
يا شباب .. همتكم مع خالتكم
Post: #14 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 11:11 AM Parent: #13
Quote: دوما... تذكرى لبن كافورى المبستر ؟
لوووووووول عاد كيفن ما بتذكروا والله دومه البتتذكروا بقي احاجي تصدق يوم سايقني واحد من وليداتي ناس البورض ديل بعربيتو عظمه ساكت من الخرتوم لي بيتنا في الحاج يوسف انقر ما ضهبت؟؟!!!!!!!! والله الا بقينا نقيف ونسال يا وليداتي مربع اتنين بي وين ؟؟؟
Post: #15 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 11:42 AM Parent: #14
يا شباب ما في زول عنده خبره ولو جربنديه كدا ؟؟
Post: #17 Title: Re: الابن معاويه حسين وكل خبراء الكومبيوتر والويرلس مساعده رجاءا Author: Abdelmuhsin Said Date: 03-22-2011, 01:18 PM Parent: #15
يا خلف الله ...!!!!! ... عزبتنا ! ... عزبتنا معاويه دا نجضتوا نجاض .. والله احمدى ربك انه فى عضمو دا شغال .
ابوحسين المرجو عمل الازم .
Post: #23 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 04:37 PM
Quote: يا خلف الله ...!!!!! ... عزبتنا ! ... عزبتنا معاويه دا نجضتوا نجاض .. والله احمدى ربك انه فى عضمو دا شغال .
التجاهل
التجاهل
التجاهل
ما اتي لمساعده
يجب طرد الامنجيه
Post: #21 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 04:21 PM Parent: #7
Quote: طلباتك بقت كتيرة خلاص..
لووووووووول عاد جنس اسقاطات
Post: #16 Title: Re: الابن معاويه حسين وكل خبراء الكومبيوتر والويرلس مساعده رجاءا Author: Adil Osman Date: 03-22-2011, 12:36 PM Parent: #1
ورينا نوع الوايرلس، والمحفظة جلد ولا دمور، نجتهد ليك، لحدي ما يجو المعاويات.
Post: #20 Title: Re: الابن معاويه حسين وكل خبراء الكومبيوتر والويرلس مساعده رجاءا Author: متوكل بحر Date: 03-22-2011, 04:18 PM Parent: #19
جربندى بخبره جيدة جدا هل الويرلس تم توصيلة ام لا ؟ هل تم توصيلة ولكن لم يشتغل ؟ هل هناك صوفت وير مع الويرليس مانوع الويرلس وهل تعرف علية الجهاز ام لا ؟ احيانا بعد ان يتم التوصيل تحتاج ان تقفل الويرلس لمدة عشرة ثوانى وفتحة مجددا
Post: #22 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-22-2011, 04:29 PM Parent: #20
اهاالشباب ما قصروا تعال منسل لي برا جاوب لي علي الاسئله ما تعمل فيها حكايه العاونو في قبر ابوه دس المحافير .
والله ما قصرتوا معاي يا حبان شكرا كثير ليكم يا زينين حمامه متوكل بحر العوض ا لطيب وعادل عثمان بكون في انتظار الزول عشان يجاوب علي اسئلتكم وبرجع ليكم تاني ما تغيبوا
لووووووووووووول شفت يا كمال الشوبير كعب بالحيل ويرلسي انا شغال في امن وامان لكين في زول قال لي افتحي لي البوست و قال ماشي ينوم وبصحي تاني وبس ياها النومه لا هو لا زوجتوا ما لامه فيهم اها علمي علمكم عن وير لسو دا وانا اسه ميعاد نومي جاء وما عارفه البصحيه شنو عشان نسالوا . اها لازم نتظر لما يجيء يورينا مشكلتو شنو . انا برفع البوست وعليك الله تاني مر علينا ما تنسى .
Post: #26 Title: Re: الابن معاويه حسين وكل خبراء الكومبيوتر والويرلس مساعده رجاءا Author: محمد على طه الملك Date: 03-22-2011, 05:24 PM Parent: #25
الليلااا ..... على قول بت الشيخ .. دوما مشت تهابش لابتوب الناس وجابت خبرو.. إذا الشغلانه زيما تصورتها أنا بتكون بسيطة.. اللابتوب فيهو لمبتين واحده بتاعة البوَر والتانيه للويَر .. إذا واحده فيهم منوره احمر اعفصي وشوفي.. اهو يا طلعنا منك باجر واحد واللا اتنين. جربندي.
Post: #27 Title: Re: الابن معاويه حسين وكل خبراء الكومبيوتر والويرلس مساعده رجاءا Author: baha eassa Date: 03-22-2011, 05:26 PM Parent: #25
الويرلس في اللاب توب يتعطل من شيئين : تعريف الويرلس او مفتاح الويرلس في اللاب توب احيانا يكون off
Post: #28 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-22-2011, 05:46 PM Parent: #27
شكرا يا دوما ولا عدمناك يا ملكه الشباب المرو كلكم مشكورين المشكله بسيطه انو انا ما قادر اتصل بالويرلس يعني موصل كيبل من المودم لي اللابتوب وعايز الغي الموضوع ده
Post: #29 Title: Re: الابن معاويه حسين وكل خبراء الكومبيوتر والويرلس مساعده رجاءا Author: بدر الدين الأمير Date: 03-22-2011, 06:05 PM Parent: #28
Quote: شكرا يا دوما ولا عدمناك يا ملكه الشباب المرو كلكم مشكورين المشكله بسيطه انو انا ما قادر اتصل بالويرلس يعني موصل كيبل من المودم لي اللابتوب وعايز الغي الموضوع ده
سريع سريع قبل ما دوما تجي
الجهاز بتاعك معرف على أنو يدخل للإنترنت بواسطة الشبكة المحلية LAN فنعمل التالي عشان نلغي التعريف ده ونخلي الجهاز يدخل بالوايرلس
تمشي الكونترول بانل Control Panel وتختار Internet Options Connections Lan Settings
وتعمل (Select) على البوكس بتاع ال Automatically Detect Setting
وتعمل (Unsellect) على البوكس Use Proxy Server
وتضغط Apply
Post: #31 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-22-2011, 06:46 PM Parent: #30
شكرا يا العوض انا الويندوز بتاعي فيستا مشيت بس كلامك ده ما جاني عليك الله اخد بي يدنا واصبر علينا لحدي ما نحل المشكله
Post: #32 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-22-2011, 06:53 PM Parent: #31
عملتها بس بجيني مثلت اصفر وبقول لي press configuration button
Post: #33 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-22-2011, 09:08 PM Parent: #1
الويرلس دا عايز ليه أخصائي? هسع لو فتحتي باب بيتك و لفحتي ليك أي ولد إبتدائي مش كان علمك....
زولة حايمة في كل بلدان التكنلوجيا و still ما بتعرف للويرلس شن فايدة الإغتراب any way
شابكانا كل يوم " طلب مساعد, طلب مساعد" نحن شغالين عندك?
Post: #35 Title: Re: الابن معاويه حسين وكل خبراء الكومبيوتر والويرلس مساعده رجاءا Author: احمد محمد بشير Date: 03-22-2011, 10:48 PM Parent: #34
إنشاء الله اتحلت يا استاذة دوما.
Post: #36 Title: Re: الابن معاويه حسين وكل خبراء الكومبيوتر والويرلس مساعده رجاءا Author: عاطف رميتي Date: 03-23-2011, 00:09 AM Parent: #35
Quote: يا شباب عندي ويرلس وما قادره اشغله
العزيزة دومة
مساء النور
الواير لس تبع اللابتوب ولا جهاز مكتبي عادي ؟
وايه نوع نظام التشغيل تبع جهازك ؟؟
Post: #37 Title: Re: الابن معاويه حسين وكل خبراء الكومبيوتر والويرلس مساعده رجاءا Author: عاطف رميتي Date: 03-23-2011, 00:29 AM Parent: #36
أفتح الواير ليس بالابتوب عبر زر الواير ليس وتاكد انه قيد التشغيل
و من خيارات الشبكة بتلاقي واير ليس مودم اضغط بالزر الايسر على علامة او رمز الشبكة بعد تشغيلك للزر وظهور العلامة - بعد ذلك سوف تظهر لك الشبكات المتاحة في نطاق الواير لس اختار الشبكة المناسبة وفي انتظار ردك.
Post: #38 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-23-2011, 00:33 AM Parent: #37
شكرا عاطف بس براحه علي اول شئ زر الويرلس ده وين انا قبيل دخلت علي حسب وصف العوض بس بجيني press configuration botton ومعاها مثلث اصفر
Post: #39 Title: Re: الابن معاويه حسين وكل خبراء الكومبيوتر والويرلس مساعده رجاءا Author: عاطف رميتي Date: 03-23-2011, 00:43 AM Parent: #38
الاخ فاروق
نوع جهازك شنو
لازم تتأكد من تشغيل المفتاح.. بعض الاجهزة مثل توشيبا و HP يكون فيها مفتاح فعلا للوايرلس على جنب تأكد انه في وضع ON البعض الاخر يكون تفعيل كرت اللاسلكي بالضغط على زر Fn مع زر اخروبعض الاجهزة بيكون الزر تبع الواير لس تحت او فوق رسمة الواير لس
Post: #40 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-23-2011, 00:46 AM Parent: #39
شكرا يا عاطف علي طولة البال جهازي فوجتسو والمفتاح والله ما لامي فيهو
Post: #41 Title: Re: الابن معاويه حسين وكل خبراء الكومبيوتر والويرلس مساعده رجاءا Author: عاطف رميتي Date: 03-23-2011, 00:52 AM Parent: #40
الاخ فاروق
جرب الضغط على مفتاحي fn+f1
Post: #42 Title: Re: الابن معاويه حسين وكل خبراء الكومبيوتر والويرلس مساعده رجاءا Author: Maawya Hussein Date: 03-23-2011, 00:57 AM Parent: #41
اظن يا عاطف
fn+f2
Post: #43 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-23-2011, 01:01 AM Parent: #41
ضغطت ما جابت نتيجه بس انتبهت انو f1فيه علامه ويرلس
Post: #44 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-23-2011, 01:03 AM Parent: #43
معاويه ازيك يدك مع عاطف عليك الله
Post: #45 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-23-2011, 01:08 AM Parent: #44
الاخوان عاطف ومعاويه ده ايميلي [email protected] لو في امكانية تضيفوني وواحد منك ادخل جهازي من بعد يبدو لي بكون افضل لانو انا قاعد هبابه في التكنلوجيا دي
Post: #46 Title: Re: الابن معاويه حسين وكل خبراء الكومبيوتر والويرلس مساعده رجاءا Author: Maawya Hussein Date: 03-23-2011, 01:18 AM Parent: #45
سلام يا فاروق
لمبة الواير ليس في الجهاز ما مولعه ؟ قبل كدا الجهاز كان شغال واير ليس ووقف ؟ ولا من يومو كدا
Post: #48 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-23-2011, 01:21 AM Parent: #46
لا كان شغال ووقف اللمبه دي صراحه ما عارف جهتها وين حاليا موصل من المودم بتاع الدي اس ال بي كيبل وللاسف ولدي كسر ال######سه البنزل فيها الكيبل اطريت جبتا واحده خارجيه بنول فيها الكيبل عشان كده محتاج شديد لي الوير لس ده شفتا المعضله دي كيف يا معاويه غايتو الليله ما بفككم الا تحلو لي مشكلتي دي
Post: #47 Title: Re: الابن معاويه حسين وكل خبراء الكومبيوتر والويرلس مساعده رجاءا Author: عاطف رميتي Date: 03-23-2011, 01:19 AM Parent: #45
الاخ فاروق تمت الاضافة ع الماسنجر
بس ياريت تتاكد انو الواير لس اولا معرف ولا لا ؟
بالخطوات التالية :
اشر على جهاز الكمبيوتر كلك يمين ثم ادارة ثم ادارة الاجهزة
ثم لاحظ على network
يوجد واير لس ولا فيه عليه علامة صفراااا
وفي انتظارك
Post: #49 Title: Re: الابن معاويه حسين وكل خبراء الكومبيوتر والويرلس مساعده رجاءا Author: Abureesh Date: 03-23-2011, 02:52 AM Parent: #47
Quote: يا شباب عندي ويرلس
..
واللاى جاطت
Post: #50 Title: Re: الابن معاويه حسين وكل خبراء الكومبيوتر والويرلس مساعده رجاءا Author: Amani Al Ajab Date: 03-23-2011, 03:14 AM Parent: #49
Internet & Computer Help : How to Connect a Wireless Router
Post: #51 Title: Re: الابن معاويه حسين وكل خبراء الكومبيوتر والويرلس مساعده رجاءا Author: Kostawi Date: 03-23-2011, 03:25 AM Parent: #50
يا خرد
في زول سمع ب ال google TV
يا متخلفين!
إنتو و حبوبتكم مفروض يودكم الكوشة.
ما تحلموا...أنا ما بقصد كوشة العرس
Post: #52 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-23-2011, 04:07 AM Parent: #51
Quote: مافي زول يساعد الحبوبة دي
الزولة دي شايلة حلتها و حايمة في الحلة
بس تعرف للملمة القروش!!!
الويرلس دا عايز ليه أخصائي? هسع لو فتحتي باب بيتك و لفحتي ليك أي ولد إبتدائي مش كان علمك....
زولة حايمة في كل بلدان التكنلوجيا و still ما بتعرف للويرلس شن فايدة الإغتراب any way
شابكانا كل يوم " طلب مساعد, طلب مساعد" نحن شغالين عندك?
مسسسسسسخره والله
انا يا يابا بت الخرتوم محل الرئس بنوم والطياره بتقوم بالله شوف الاسكراب دا انا بطرف عيني ما بعاين ليك ناديت الوليدات السمحين مالي ومال الخرد المن زمن كيلوالضان بي قرشين ورطل السكر بي مليم والجاز من الكنتين .
قال شغالين عندك قال !! من سعاده حظك يا يابا عشان تشتغل عندي ؟؟!!
اسع لف سريع اتناول الورد والرد وواين وبلش الفصاحه دي
عامل وشك متل drei Tage Regen
Post: #53 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-23-2011, 04:14 AM Parent: #52
Quote: غايتو الليله ما بفككم الا تحلو لي مشكلتي دي
اها ان شاء الله مشكلتك اتحلت يا دكتور ؟؟!! غايتو كان ما اتحلت الا يعملوا معاك الشباب ديل Remote assistance session يا فاروق انت يا اخي مواعيدك ذاتها كعبه تجي الزول يكون نايم تمش الناس صاحيين .
Post: #54 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-23-2011, 04:32 AM Parent: #53
والله يا دوما لسه ما اتحلت
Post: #55 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-23-2011, 05:07 AM Parent: #54
you better buy a new wireless router
Post: #56 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-23-2011, 05:09 AM Parent: #55
ده اخر ما اتوصلتي والله قلت اشتري لابتوب جديد وادي ده تمبو
Post: #57 Title: Re: الابن معاويه حسين وكل خبراء الكومبيوتر والويرلس مساعده رجاءا Author: ABUHUSSEIN Date: 03-23-2011, 05:11 AM Parent: #53
طلباتك بقت كتيرة و الناس بقت تزهج منك
Post: #58 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-23-2011, 05:51 AM Parent: #57
Quote: طلباتك بقت كتيرة و الناس بقت تزهج منك
الناس ادوك توكيل قانوني ؟؟؟؟ بالله امش عامل كراعك المجبصه دي شوف ليك كلمات متقاطعه حلها
Post: #59 Title: Re: الابن معاويه حسين وكل خبراء الكومبيوتر والويرلس مساعده رجاءا Author: ABUHUSSEIN Date: 03-23-2011, 06:15 AM Parent: #58
Quote: بالله امش عامل كراعك المجبصه دي شوف ليك كلمات متقاطعه حلها
الكلمات المتقاطة ما بتاخد معاي دقيقتين بس لكن زي البوست دا بقضي لي وقت كتير
ختي جنب الجهاز مفراكة بظبط معاك
Post: #60 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-23-2011, 06:29 AM Parent: #59
Quote: الكلمات المتقاطة ما بتاخد معاي دقيقتين بس لكن زي البوست دا بقضي لي وقت كتير
ختي جنب الجهاز مفراكة بظبط معاك
خلاص تعال الناخد لي خشم خشمين معاك واقوم احمرالسمك والله محنني الايام دي عليك الله صحي جبصوا ليك كوووووووووووووول الساق ؟؟ والله بالغوا مع ساميه اسع لو جبصوا الاصبع بس كان بتلزك علي دكان الحلاق تتونس مع ا الزبائن ولا تمش تلعب الضومنه عشان ترتاح منك ومن طلباتك يا ساميه الشاي يا ساميه الفطور يا ساميه البانكيك بالقشطه والله ايامك يا ابو حسين خدمه خمسه نجوم
Post: #61 Title: Re: الابن معاويه حسين وكل خبراء الكومبيوتر والويرلس مساعده رجاءا Author: ABUHUSSEIN Date: 03-23-2011, 06:37 AM Parent: #60
أنا عذبت سامية بس
لكن شوفي إنتي عذبتي كم واحد...؟؟؟؟
Post: #62 Title: Re: الابن معاويه حسين وكل خبراء الكومبيوتر والويرلس مساعده رجاءا Author: فاروق عثمان Date: 03-23-2011, 06:40 AM Parent: #61
ابوحسين سلامات وكفاره معليش ياخ انا طلبت من دوما تفتح البوست بالتلفون جهازي فيه مشكله وبعد اتصلحت مؤقتا جيت داخل واتواصلت مع الشباب يعني الطلب طلبي انا يللا ساعدنا لانو المشكله لسه قايمه
Post: #63 Title: Re: الابن معاويه حسين وكل خبراء الكومبيوتر والويرلس مساعده رجاءا Author: ABUHUSSEIN Date: 03-23-2011, 06:49 AM Parent: #62
أخونا فاروق سلام
Quote: ابوحسين سلامات وكفاره معليش ياخ انا طلبت من دوما تفتح البوست بالتلفون جهازي فيه مشكله وبعد اتصلحت مؤقتا جيت داخل واتواصلت مع الشباب يعني الطلب طلبي انا يللا ساعدنا لانو المشكله لسه قايمه
كفر الله سيئاتك و شكراً ليك
أنا ما عندي مساعدة لكن روحي محرقاني ساكت
الكراع مجبصة و الحركة محدودة
تحياتي
Post: #64 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-23-2011, 08:12 AM Parent: #63
Quote: أنا ما عندي مساعدة لكن روحي محرقاني ساكت
الكراع مجبصة و الحركة محدودة
لووووووووويا فاروق انت قايل القبه تحتها فكي؟؟ ابو حسين دا بس جيبب ليه مسائل رياضيات عنده كتاب الحلول بشف منه وبنزلها ليك يعمل فيها الود عنده طايوق لكين غير كدي ما بفهم في التكنلوجيا التكتح الخشم بليله والحيله قليله
Post: #65 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-23-2011, 08:33 AM Parent: #64
يا دكتور فاروق كدي وريني انت السلك البتوصلو في اللاب توب عشان يشغل ليك الانترنت لما تفكه من اللاب توب عشان تشغله وير لس بتوصل السلك دا وين ؟؟ اوعك تقول لي بترميه في الهواء ساكت ا؟؟؟
Post: #66 Title: Re: الابن معاويه حسين وكل خبراء الكومبيوتر والويرلس مساعده رجاءا Author: ABUHUSSEIN Date: 03-23-2011, 08:41 AM Parent: #65
Quote: الخشم بليله والحيله قليله
غايتو الكلام دا ببعث فيني روح الشباب و الإطمئنان بي إني لسه صغير
عذبتي حرف اللام لكن
Post: #67 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-23-2011, 08:53 AM Parent: #66
Quote: غايتو الكلام دا ببعث فيني روح الشباب و الإطمئنان بي إني لسه صغير
روح شباب شنو الببعثها فيك ؟؟؟!!! الزول الخشمو بليله وحيلتو قليله دا بيكون في خريف العمر ملك الموت ماسك دفترو عارف النوع البيكون نضام من الرجال داك يا ولد اطفي النور يا بت وطي صوت التلفزيون يا ولد اجري جيب لي الحقه تلقاها تحت المخده فوق العنقريب التحت النيمه
يا ولد جيب السبحه يا بت تعالي جيبي التبروقه قول لامك تعمل الشاي وجيب معاك مويه وحبوب الضغط
والحيله قليله معنقل متلك كدي فوق نص السرير
Post: #69 Title: Re: الابن معاويه حسين وكل خبراء الكومبيوتر والويرلس مساعده رجاءا Author: Frankly Date: 03-23-2011, 09:34 AM Parent: #52
Quote:
عامل وشك متل drei Tage Regen
Post: #68 Title: Re: الابن معاويه حسين وكل خبراء الكومبيوتر والويرلس مساعده رجاءا Author: نوفل عبد الرحيم حسن Date: 03-23-2011, 09:07 AM Parent: #39
معقوله بس يا اخوانا ؟ لحدي هسي مافي زول قادر يحل مشكلة الويرلس دي ؟ كدي يا ماما دومة وريني نوع الجهاز ونوع الويرلس ونوع المشكلة شنو بالظبط ... وخلي الباقي علي
............................
هو زول بروح من بيتهم ,,, بقدر يوصف لينا الويرلس راح وين ؟ لوووووول لكن
Post: #70 Title: Re: الابن معاويه حسين وكل خبراء الكومبيوتر والويرلس مساعده رجاءا Author: doma Date: 03-23-2011, 09:52 AM Parent: #68
Quote: هو زول بروح من بيتهم ,,, بقدر يوصف لينا الويرلس راح وين ؟ لوووووول لكن
عاد يا نوفل يا ولدي الما بودرني من بيتنا شنو؟!!! كان ناس الانقاذ باعو السهلات كوووووووووولها وشخبتوا البلد شوارع ظلط وعملوا حلل جديده والسودان كووووولو بقي في الخرتوم الما بودرني شنو ؟
تصدق الوير لس دا بتاع اخوكم فاروق عثمان دا ك ومواعيدو بطاله بشتغل ورديات اها ما بعرف ح تساعدوه كيف !! وغير كدا في التكنلوجيا دي ما بفهم اي شئ باقي طبيب بشري هو . ما في طريقه الا زول فيكم يتكرم يعمل معه مواعيد في المسنجر الداخلي ويعمل معه رموت اسيستنس يدخل جهاز فاروق يشوف الحاصل شنو . الحل المكلف يشتري ليه wireless Router جديد ويجيب ليه ولد هندي يظبطوا ليهو.
Post: #71 Title: Re: الابن معاويه حسين وكل خبراء الكومبيوتر والويرلس مساعده رجاءا Author: متوكل بحر Date: 03-24-2011, 02:46 AM Parent: #70
سلام مجددا كما ذكرت انت انو الويرلس كان شغال ووقف المطلوب فى الحاله دى حاول كما ذكرت لك سابقا ان تفصل الجهاز بتاع الويرلس من الكهرباء اذا ما لاقى المفتاح لمدة عشرة ثوانى افصل الموديم والويرلس معا ممكن كمان واعيد تشغيلهم ثانيا وانتظر لمدة دقيقتين ولو ما اشتغل اعمل اعادة تشغيل للابتوب وشوف النتيجة بالتوفيق
Post: #72 Title: Re: الابن معاويه حسين وكل خبراء الكومبيوتر والويرلس مساعده رجاءا Author: ABUHUSSEIN Date: 03-24-2011, 06:07 AM Parent: #71
Quote: الزول الخشمو بليله وحيلتو قليله دا بيكون في خريف العمر ملك الموت ماسك دفترو عارف النوع البيكون نضام من الرجال داك يا ولد اطفي النور يا بت وطي صوت التلفزيون يا ولد اجري جيب لي الحقه تلقاها تحت المخده فوق العنقريب التحت النيمه
يا ولد جيب السبحه يا بت تعالي جيبي التبروقه قول لامك تعمل الشاي وجيب معاك مويه وحبوب الضغط
والحيله قليله معنقل متلك كدي فوق نص السرير
الله إسامحك..... ما إنتهيتي مني لكن... دي الضربة القاضية زااااتها
.
Post: #73 Title: Re: الابن معاويه حسين وكل خبراء الكومبيوتر والويرلس مساعده رجاءا Author: معتصم دفع الله Date: 03-24-2011, 07:31 AM Parent: #72
ماما دوما سلام .. إن شاء الله مشكلتك إتحلت ..
فاروق سلام .. بالنسبة لمشكلتك تأكد إنو الويرلس معرف .. أمشي لـ ( My Computer ) وإضغط الكلك الأيمن للماوس بتجيك كلمة ( Properties ) أضغط عليها .. تفتح ليك نافذة أمشي لـ ( Hardware ) بتجيك كلمة ( Device Manager ) تلقى كمبيوتر صغير أضغط عليه وتأكد إنو الويرلس موجود .. إذا ما موجود أعيد تعريفه مره ثانية من الدرايفر بتاعت الجهاز ..
