Post: #1
Title: أنا معجب بصلاح غريبة..وبس
Author: معتصم الجعيلي
Date: 03-21-2011, 05:01 PM
Parent: #0
عكليت... بارد.. مثابر
مباالغة..
وداير اعبر عن ده كلو.. وبدون اي اسباب اخري!!!
|
Post: #2
Title: Re: أنا معجب بصلاح غريبة..وبس
Author: القلب النابض
Date: 03-21-2011, 05:11 PM
Parent: #1
بار بحبوبته لا يستمع الا لها، ولا يسمع الا نصيحتها
ويثق في نبوأتها ...
لووووول
تحياتي
|
Post: #3
Title: Re: أنا معجب بصلاح غريبة..وبس
Author: طارق ميرغني
Date: 03-21-2011, 05:26 PM
Parent: #2
اكان كده خزلتني في زوقك والله
|
Post: #4
Title: Re: أنا معجب بصلاح غريبة..وبس
Author: معتصم الجعيلي
Date: 03-21-2011, 05:36 PM
Parent: #3
ماتقراها تاني كويس ياطارق ميرغني
|
Post: #5
Title: Re: أنا معجب بصلاح غريبة..وبس
Author: معتصم الجعيلي
Date: 03-21-2011, 05:54 PM
Parent: #3
ماتقراها تاني كويس ياطارق ميرغني
|
Post: #6
Title: Re: أنا معجب بصلاح غريبة..وبس
Author: خضر عطا المنان
Date: 03-21-2011, 07:13 PM
Parent: #5
العزيز / الجعيلي
اولا الف حمد لله على السلامة
ثانيا: دعك من (ود حبوبتو دا) وخليك
على اعجابك به ياسيدي !!!.
ثالثا : لا زال سؤالنا عن اين اختفت قناتكم الطيبة
وما السبب ؟؟.
كما ان سؤالي اليك ياعزيزي الكريم عن صديقي
المخرج محمد الحسن السيد ان كان لايزال بالسودان.
وعفوا ان جاءت بعض احرفي خارج الموضوع ..
لك مودتي خالصة
خضر
|
Post: #7
Title: Re: أنا معجب بصلاح غريبة..وبس
Author: إبراهيم عبد الحليم
Date: 03-21-2011, 07:30 PM
Parent: #6
معناها قريبا على شاشة هارمونى حنشوف حبوبة صلاح غريبة لايف live
لوووول
استاذنا العزيز معتصم الجعيلى
التحايا والاشواق
|
Post: #8
Title: Re: أنا معجب بصلاح غريبة..وبس
Author: جمال عنقرة
Date: 03-21-2011, 07:57 PM
Parent: #7
يا معتصم صلاح ما عاجبك براك .. كلنا عاجبنا
لقد عاد بنا هذا البوست إلي سنوات بعيدة خلت عندما كنا طلابا في مدرسة الأبيض الثانوية، وكانت جمعية الجغرافيا تجمعنا مع صلاح غريبة.. وصلاح لم يكن ينافسه أحد في النشاط سوي اخونا الدخيري، ،،، وكنا نحاول النشبه بهما...
ولأنه في زماننا ما كان في حسد كان نشاطهم عاجبنا..
ما قلت ليك كلنا عاجبنا... ومن زماااااااااااااااااااااااااااااااااااااااااااااااااان
|
Post: #10
Title: Re: أنا معجب بصلاح غريبة..وبس
Author: معتصم الجعيلي
Date: 03-21-2011, 10:39 PM
Parent: #8
ياجمال
اقرا كلام خضر دا وتعال راجع سريع
|
Post: #9
Title: Re: أنا معجب بصلاح غريبة..وبس
Author: معتصم الجعيلي
Date: 03-21-2011, 10:36 PM
Parent: #6
تحياتي خضر
والصديق المخرج محمد الحسن السيد لااعتقد انه في السودان وطال العهد منذ اتصالي به
امل ان تبلغة كل التحايا اذا علمت عنة خبر
اما اعجابي بصلاح فناتج عن اني بفكر هو بفكر كيف لما يقعد علي الكيبورد ويكتب
فدقته واصرارة علي السغالة لذيذ
واهي وجهة نظر
|
Post: #11
Title: Re: أنا معجب بصلاح غريبة..وبس
Author: فضل الصادق
Date: 03-21-2011, 11:38 PM
Parent: #9
سلام يا استاذ الجعيلي لا ادري الا يستشعر غريبة أن الناس قد ملوا دعابته الباردة وعزفه المشاتر وايقاعه غير المتقن فيرعوي ؟؟
|
Post: #12
Title: Re: أنا معجب بصلاح غريبة..وبس
Author: حبيب نورة
Date: 03-22-2011, 00:09 AM
Parent: #11
Quote: يا معتصم صلاح ما عاجبك براك .. كلنا عاجبنا
|
بوست إنصرافي شديد يا أستاذ معتصم
|
Post: #34
Title: Re: أنا معجب بصلاح غريبة..وبس
Author: معتصم الجعيلي
Date: 03-22-2011, 12:14 PM
Parent: #12
Quote: بوست إنصرافي شديد يا أستاذ معتصم
|
مافهمتك
المنبر دة لازم الزول يكتب زي الباقين وفي مواضيع معينة ولا شنو؟؟
|
Post: #13
Title: Re: أنا معجب بصلاح غريبة..وبس
Author: عبير خيرى
Date: 03-22-2011, 00:15 AM
Parent: #1
.
بردت لي بطني يا معتصم
الله يخليك ياخ
|
Post: #14
Title: Re: أنا معجب بصلاح غريبة..وبس
Author: صديق الموج
Date: 03-22-2011, 00:41 AM
Parent: #13
Quote: بردت لي بطني يا معتصم
الله يخليك ياخ |
عبير.....سلام
قصدك برد ليك بطنك والا طمم ليك بطنك؟
الله يطمم ليكم بطنكم انت ومعتصم،،،
|
Post: #15
Title: Re: أنا معجب بصلاح غريبة..وبس
Author: عبير خيرى
Date: 03-22-2011, 00:46 AM
Parent: #14
.
Quote: عبير.....سلام
قصدك برد ليك بطنك والا طمم ليك بطنك؟
الله يطمم ليكم بطنكم انت ومعتصم،،، |
يا موج ان ما قريت البوست ده كويس
القصة كلها ماشة عكس
أها .. تستعين بي صديق كيف؟
|
Post: #16
Title: Re: أنا معجب بصلاح غريبة..وبس
Author: سمير شيخ ادريس
Date: 03-22-2011, 02:15 AM
Parent: #15
صلاح غريبة .... ذبحتنا يا رجل
أهو صلاح غريبة قدامك شخصيا وفى ربع أول للمنبر
كدى أضغط فوق وقول لى لو طلعت بحاجة مفيدة
|
Post: #17
Title: Re: أنا معجب بصلاح غريبة..وبس
Author: Deng
Date: 03-22-2011, 04:24 AM
Parent: #16
المناضل دينق.
تحية مسكونة بدعاش المشك ومسنودة بتبريكات الكجور ونيران مباخر المكوك.
أستوقفني حديثك الشيق على المدعوا غريبة وبالمناسبة ولفائدة قراء البورد, لقد أفادني المناضل يوسف كجو وهو خريج طقت وقد زامل المدعوا غريبة في أحدا المراحل الدراسية, وكان معروف بصلاح غريبة (بضم الغين) ويتسأل بأنه بقدرة قادر أصبح أسمه صلاح غريبة. وقد زكر المناضل كجو أن غريبة كانت له عادة سيئة جدا وهو أنه دائمايكون عين الاساتذة ضد الطلاب وهو عضو بارز في شعب الطلاب التابعة للاتحاد الاشتراكي المنحل. ويضيف بأن كل أبناء كردفان الشرفاء يدركون ما حل بمناضلي حي القبة بالابيض وحملة الاعتقالات التي طالتهم والكل يعلم من هو الذي كان من وراء تلك الوشاية وهجمة كلاب أمن النميري على المناضلين. على كل حال نحن نتابع ملاحقتكم للسدنة ونستغرب كيف أن لسان المدعوا غريبة قد تطاول على أولياء نعمته في الاحاديث التي يعجز اللسان عن زكرها وفي الختام نثمن صمودكم وملاحقتكم لقوى الظلام وأتباعها أمثال غريبة وتقبل تحيات مناضلي الجبال وعنهم كربوس تية والاحيمر وعثمان قوعنج.
أخوكم دوما/ صلاح كجور
سلارا الجبال السودان الجديد.
|
Post: #18
Title: Re: أنا معجب بصلاح غريبة..وبس
Author: عزام حسن فرح
Date: 03-22-2011, 06:45 AM
Parent: #17
والله يا "دينق" بتنْحشِر في أمور "شِمالية" بِطريقة تُحْسد عليها.. يا "مُنْفصِل" دي أمور ذات إهْتِمام مُشْترك، إنت ما عِندك فوقا "مُشْترك" وبعدين تعال إنتو -الجنوبِيين يعني- مُش بكري سوا ليكُم منبر، البخليكُم تِتْحاومو بِجاي شنو، ولا ده شوق وذِكريات وحنين.. وكِده
صلاح غريبة.. أظرف البايخين
|
Post: #19
Title: Re: أنا معجب بصلاح غريبة..وبس
Author: nazar hussien
Date: 03-22-2011, 07:57 AM
Parent: #18
الرجاء ضبط المصطلحات...يا استاذ معتصم الجعيلي وربعه
فمن يعجب بصلاح غريبة...كمن يعجب بحالات حراق الروح
ولحظات قيء التسمم بانصاص الليالي...وما من سبيل لاستشفاء
تقعد تطرش وتتصبب عرق وتحمل روحك في كفك الي ان يختفي
صلاح غريبة...
والعجب حبوبتو...اسهال جاهز...
يخسّي عووووووووووووووووووووووووووووع من صلاح غريبة
ومن حبوبتو...والابيض ,,,والرياض وحلوان...والنطق الرسمي
ديل كلهن بقن يطممن بطني...
|
Post: #20
Title: Re: أنا معجب بصلاح غريبة..وبس
Author: ود الباوقة
Date: 03-22-2011, 08:02 AM
Parent: #19
Quote: يخسّي عووووووووووووووووووووووووووووع من صلاح غريبة
ومن حبوبتو...والابيض ,,,والرياض وحلوان...والنطق الرسمي
ديل كلهن بقن يطممن بطني... |
نزار
صلاح غريبة معليش
لكن حبوبتو النصيحة لي الله
دمها خفيف
عثل بث
شكرا حبيبنا الجعيلي ...
|
Post: #21
Title: Re: أنا معجب بصلاح غريبة..وبس
Author: Tabaldina
Date: 03-22-2011, 08:21 AM
Parent: #17
..
.
| Quote: تحية مسكونة بدعاش المشك ومسنودة بتبريكات الكجور ونيران مباخر المكوك. |
لكن يا دينق صحبك صلاح كجور زول Funny
دعاش المشك عديل ..
لقيتو الجلابة ما بعرفو المشك عملتو ليهو دعاش
قرقر قرقر قرقر
| Quote: وتقبل تحيات مناضلي الجبال وعنهم كربوس تية والاحيمر وعثمان قوعنج |
بعدين ناس جبال النوبه ديل ما بتوبوا من الماسورة الركبتها ليهم الحركة الشعبية
لسه بناضلو ومتابعين الديكـ ..
المهم ..
انا يا معتصم معجب بحبوبه صلاح غريبة
رؤيتها ما بتجلى والله .. للان
--------
خبيرة فى قراءة الفنجان
مخبرة حفيدها فى الفيس بوك
|
Post: #22
Title: Re: أنا معجب بصلاح غريبة..وبس
Author: عبدالدين سلامه
Date: 03-22-2011, 08:41 AM
Parent: #21
أستاذي وصديقي : معتصم تحياتي
كيف الحال ؟؟؟
مشتاقين
Quote: كما ان سؤالي اليك ياعزيزي الكريم عن صديقي
المخرج محمد الحسن السيد ان كان لايزال بالسودان |
ا
لصديق / خضر تحياتي
كيف قطر والعيال ؟؟؟
بالنسبة للأستاذ / محمد حسن السيد .. موجود بالسودان ... وفي الخرطوم في الفترة الأخيرة وهو على اتصال دائم معي .. وسأرسل لك رقم هاتفه على الماسنجر .
Quote: يخسّي عووووووووووووووووووووووووووووع من صلاح غريبة
ومن حبوبتو...والابيض ,,,والرياض وحلوان...والنطق الرسمي
ديل كلهن بقن يطممن بطني... |
إحترام الآخرين من تكنيكات الكتابة ... أنت وصلاح غريبه وحبوبته وفيسبوكه وغيرها كلها أشياء تخصكم ولكن ( الأبيض ) لايقبل منك أحد أن تصفها بهذا الوصف حتى لو أدمن ذكرها الشيطان ... فهي نقطة تمسنا جميعا ... أتمنى من الجميع مراعاة مشاعر الآخرين ... وأنت بوصفك هذا تسيء لمدينة لاتقل حجما وسكانا عن أمدرمان .. ولا تقل تاريخا وحضارة وأهمية عن أي مدينة بالسودان ... أنت باساءتك لها تسيء لنا جميعا ... ونغفر ليقيننا سلامة النية وعدم القصد غير أن الذكرى دائما تنفع المؤمن
مع تحياتي للجميع
|
Post: #23
Title: Re: أنا معجب بصلاح غريبة..وبس
Author: abubakr salih
Date: 03-22-2011, 09:07 AM
Parent: #22
| Quote: بفكر كيف لما يقعد علي الكيبورد ويكتب |
يا استاذ الجيعلي
هسه عمايل صلاح غريبة دى باقيلك عمائل زول بفكر؟ دي عمايل لا يقوم بها الا من تعطّلت عندهم هذه الملكة.
|
Post: #25
Title: Re: أنا معجب بصلاح غريبة..وبس
Author: وليد الطيب قسم السيد
Date: 03-22-2011, 09:13 AM
Parent: #23
صلاح يعجب دوله بحالها...
لك وله خوالص التحايا
|
Post: #24
Title: Re: أنا معجب بصلاح غريبة..وبس
Author: جمال عنقرة
Date: 03-22-2011, 09:11 AM
Parent: #22
معذرة اخى معتصم فلقد كنت بعيدا ولم اقرأ مشاركة الأخ خضر التي لفت ظري إليها إلا الآن، ولعلك تحيل الي السؤال عن هارموني بعد أن أجبت علي السؤال عن الأخ محمد حسن السيد... وللمشاريكن من غير أبناء الأبيض فنخن ومعتصم زملاء دراسة منذ أربعين عاماً أو يزيد، وبحق هذه الزمالة وغيرها من الصلات الودودة والتداخلات، أقول انتظروا هارموني قريباً في ثوبها الجديد القشيب، وأرجو أن يكون الجديد شديد
|
Post: #26
Title: Re: أنا معجب بصلاح غريبة..وبس
Author: عبدالله شمس الدين مصطفى
Date: 03-22-2011, 09:26 AM
Parent: #24
| Quote: ما قلت ليك كلنا عاجبنا... ومن زماااااااااااااااااااااااااااااااااااااااااااااااااان |
ده إعجاب من جوة القلب.
بس جايب النبذ لى حبوبته البريئة البقولا حاجات ما قالتا.
صلاح ده راجل غريبة, مش غريب....
|
Post: #27
Title: Re: أنا معجب بصلاح غريبة..وبس
Author: Nasruddin Al Basheer
Date: 03-22-2011, 09:41 AM
Parent: #26
| Quote: أنا معجب بصلاح غريبة |
بخيت وسعيد عليك
وإن شاء الله يضوّي ليك..
|
Post: #28
Title: Re: أنا معجب بصلاح غريبة..وبس
Author: Tabaldina
Date: 03-22-2011, 09:52 AM
Parent: #27
..
.
Quote: يخسّي عووووووووووووووووووووووووووووع من صلاح غريبة
ومن حبوبتو...والابيض ,,,والرياض وحلوان...والنطق الرسمي
ديل كلهن بقن يطممن بطني... |
واضم صوتى لود البلد سلامه
والله يا نزار حسين ما عهدناك .. بالجد اتلومت معانا
ومع ناس كردفان والابيض والرياض ..
--------
معقولة الابيض تطمم القلب ..
يا راجل .. انت شفتها ومتاكد
ولا ونسه ساااى ..
|
Post: #29
Title: Re: أنا معجب بصلاح غريبة..وبس
Author: nazar hussien
Date: 03-22-2011, 09:54 AM
Parent: #27
Quote: وأنت بوصفك هذا تسيء لمدينة لاتقل حجما وسكانا عن أمدرمان ..
ولا تقل تاريخا وحضارة وأهمية عن أي مدينة بالسودان ... أنت باساءتك
لها تسيء لنا جميعا ... ونغفر ليقيننا سلامة النية وعدم القصد غير
أن الذكرى دائما تنفع المؤمن
|
شكرا يا ابن سلامة...ولكن كجنتي للابيض لم تأتي الا
بعد ان اقترنت بصلاح غريبة....وهي كجنة مربوطة
بكجنتي لصلاح غريبة...وكل من يأتي من تالاه...وهي حالة
خاصة من حالات الكجنة...لا علاقة لها بالابيض وتاريخها
ونضالها ومحمد عوض الكريم قرشيها...وبان جديدها...
فاذا كانت هنالك شبهة اساءة لها فهي ليست مني
وانما كجنة في صلاح غريبة دا...
|
Post: #30
Title: Re: أنا معجب بصلاح غريبة..وبس
Author: Tabaldina
Date: 03-22-2011, 10:13 AM
Parent: #29
..
.
يعنى مصـّر ..!!
------
لولا انك نزار حسين .. ... ....
|
Post: #31
Title: Re: أنا معجب بصلاح غريبة..وبس
Author: ياسر السر
Date: 03-22-2011, 10:26 AM
صلاح لا يختلف فيه إثنان ،
غايتو يا غريبة مع رجوع هارموني للبث حا يكون عندك لقاء كااارب بس ما تنسى أخوك الكاشف ده سوقوا معاك إن شاء الله يمسك ليك الشنطة ديك ،،،، لووووووووووووووولللز
تحياتي لك أستاذي معتصم الجعيلي وتحاياي الخالصة للأخ الاستاذ صلاح غريبة ،،،
ياسر العيلفون
|
Post: #32
Title: Re: أنا معجب بصلاح غريبة..وبس
Author: التيجاني عبد الباقي
Date: 03-22-2011, 11:57 AM
Parent: #31
| Quote: بار بحبوبته لا يستمع الا لها، ولا يسمع الا نصيحتها |
صلاح غريبة كردفانى بسيط من اولاد المعاصر بالابيض معروف برقته
معاك حق استاذ الجعيلي
|
Post: #35
Title: Re: أنا معجب بصلاح غريبة..وبس
Author: معتصم الجعيلي
Date: 03-22-2011, 12:17 PM
Parent: #14
Quote: قصدك برد ليك بطنك والا طمم ليك بطنك؟
الله يطمم ليكم بطنكم انت ومعتصم،،، |
مونج
دعواتك واصلة
اسع في الدكتور من الطمام
|
Post: #33
Title: Re: أنا معجب بصلاح غريبة..وبس
Author: معتصم الجعيلي
Date: 03-22-2011, 12:11 PM
Parent: #13
والله انتي الوحيدة يا عبير
|
Post: #36
Title: Re: أنا معجب بصلاح غريبة..وبس
Author: التيجاني عبد الباقي
Date: 03-22-2011, 12:18 PM
Parent: #33
| Quote: بمناضلي حي القبة بالابيض |
معلومة خاطئة لان صلاح غريبة من حى المعاصر وليس القبة يعنى المعلومة مضروبة !!!
|
Post: #37
Title: Re: أنا معجب بصلاح غريبة..وبس
Author: nazar hussien
Date: 03-22-2011, 01:29 PM
Parent: #36
Quote: يعنى مصـّر ..!!
------
لولا انك نزار حسين .. ... |
يا صالح اخوي...صلي علي النبي
|
|