Post: #1
Title: 21 مارس : شكراً شعب السودان
Author: الشفيع وراق عبد الرحمن
Date: 03-20-2011, 11:02 PM
Parent: #0
بوست الغد
التحية الخالصة لشعب السودان، شيبا وشبابا، لتفويتهم الفرصة على مثيري الشغب والفتنة من طابور الحركة الشعبية الخامس ومن العملاء والمأجورين الذين يريدون احداث فوضى وشغب ييسر للحركة الشعبية الخروج بمكتسبات مقدرة من خلال مفاوضات الوضع النهائي لانفصال السودان
|
Post: #2
Title: Re: 21 مارس : شكراً شعب السودان
Author: الشفيع وراق عبد الرحمن
Date: 03-21-2011, 05:08 AM
Parent: #1
السودان الآن يمر بأخطر مرحلة في تاريخه، السودان الآن في مرحلة مخاض لتشكيل دولته الجديدة ما ستتمخض عنه هذه المرحلة سيكون (ثابتاً) لآلاف السنين بل للأبد
|
Post: #3
Title: Re: 21 مارس : شكراً شعب السودان
Author: doma
Date: 03-21-2011, 05:48 AM
Parent: #2
وعلاقه دا بي دا شنو ؟؟
الجنوب دا ما خلاص بابح
ماما امريكا وضعت يدها عليه
تاني ما في شئ ممكن تعملوه
اخذتوها صايمه في نيفاشا .
الناس اسع بقت في حله ملاحها يا وراق يا ابني
ولا انتوا البيكون متعشي فيكم ما بفكر في حال البايت القوا .
|
Post: #4
Title: Re: 21 مارس : شكراً شعب السودان
Author: عبد الملك يوسف الملك
Date: 03-21-2011, 09:52 AM
Parent: #3
| Quote: ولا انتوا البيكون متعشي فيكم ما بفكر في حال البايت القوا . |
هو البايت القوا منتظر ثورة تجيب الواقفين في الصف عشان يتعشى
كلهم مروا من هنا وكانوا سبب الجوع والبلاء انقلابات وطائفية عجفاء
كلهم حكموا وشبعوا حكم باسم الدين حكموا
باسم الامامة المقدسة حكموا
باسم الطبقة العاملة حكموا باسم المانفستوالماركسي
باسم الكجور حكموا والشريفة المستهبلة والاميرات الزنجيات
الجديد شنو عشان يقلبوها لتضع فوق رؤوسنا نفس الاحذية
جزمة تعرفا ولاجزمة ماتعرفا
والشعب بايت القوى
|
Post: #12
Title: Re: 21 مارس : شكراً شعب السودان
Author: doma
Date: 03-22-2011, 06:27 AM
Parent: #4
[Quote: جزمة تعرفا ولاجزمة ماتعرفا
والشعب بايت القوى |
طيب يا عبد الملك
الجزم القبالكم دي مش كنا بنعرفهم ??!!
مش كنا نقول احسن لينا من جزمه ما بنعرفها ؟؟!!
والله جزمتكم دي عرفنا الفيها وطممت بطنا
جزمه كم وعشرين سنه دي يا اخي مفروض تدخل متحف الجزم
حقوا شويه تفسحوا المجال يمكن يطلع زول افضل منكم
وبصراحه كدا انتوا اسوأ جزمه تمر علينا 
|
Post: #5
Title: Re: 21 مارس : شكراً شعب السودان
Author: عمر صديق
Date: 03-21-2011, 10:01 AM
Parent: #3
شعب السودان يعرف متي واين وكيف يتخذ قراراته المصيرية ويحدد خياراته ويختار قياداته
|
Post: #6
Title: Re: 21 مارس : شكراً شعب السودان
Author: عبد الملك يوسف الملك
Date: 03-21-2011, 04:39 PM
Parent: #5
فوق
من اجل الموعد الجديد
|
Post: #7
Title: Re: 21 مارس : شكراً شعب السودان
Author: صلاح غريبة
Date: 03-21-2011, 04:46 PM
Parent: #6
حبوبتي قالتها حكمة بس ما اهتميتوا بيها
المهم ... لخمتونا ساي
ونسيتونا عيد الام
|
Post: #8
Title: Re: 21 مارس : شكراً شعب السودان
Author: الشفيع وراق عبد الرحمن
Date: 03-21-2011, 06:42 PM
Parent: #7
شكرا يا شعب يا راقي
ما خيبت ظننا
|
Post: #9
Title: Re: 21 مارس : شكراً شعب السودان
Author: الشفيع وراق عبد الرحمن
Date: 03-21-2011, 07:14 PM
Parent: #8
Quote: وعلاقه دا بي دا شنو ؟؟
الجنوب دا ما خلاص بابح |
يا دوما انت ست العارفين
ده مرتبط بي ده وارتباط كبير
انت ما فاكرة زمااان، لامن الحركة تتزنق وتقوم تسلط ناس عرمان وباقان ويطلعوا مظاهرات مستغلين احزابنا الشمالية المتعفنة
انت ما شفت قانون الاستفتاء كيف تم تمريره؟ وكيف تمت مقايضدته بقانون الامن الوطني
الشغلة وااااضحة يا دوما
اعصرهم هناك عشان يرخو ليك هنا
الان الشمال في مرحلة تفاوض (صعبة) جدا مع الجنوبيين، ومن مصلحة الجنوبيين انهم يتفاوضوا مع حكومة ضعيفة مشغولة بمشاكل داخلية
وبجي هنا دور العملاء الخائنين لوطنهم، اثارة مشاكل وقلاقل في الشمال
من يقومون باحاكة هذه المؤامرة يعلمون علم اليقين باستحالة اسقاط الانقاذ الان، ولكن يودون خلق فوضى وتوتر يحقق بعض المكاسب لاسيادهم
يا ناس بغض النظر عن كل شيء نحنا دايرين الحكومة تكون في احسن حالاتها الاشهر القادمة
بتكاتفنا، المكاسب الح نتحصل عليها لن تخص المؤتمر وحده
المؤتمر والبشير كلهم الى زوال
وسيبقى السودان
ايدكم معانا يا شباب لنعزل الخونة والمأجورين
|
Post: #10
Title: Re: 21 مارس : شكراً شعب السودان
Author: الشفيع وراق عبد الرحمن
Date: 03-22-2011, 05:11 AM
Parent: #9
|
Post: #11
Title: Re: 21 مارس : شكراً شعب السودان
Author: doma
Date: 03-22-2011, 06:16 AM
Parent: #10
| Quote: لان الشمال في مرحلة تفاوض (صعبة) جدا مع الجنوبيين، |
احححي من ووجع قلبي والله العظيم اي واحد فيكم يستاهل ليه عضه في صنقورو من فوق
نيفاشا كلها كانت قسمه ضيزى
قبلتوها ومضيتوا الورق بلشوا خرخره
خسرتم الحرب الجهاديه وخسرتوا الجنوب
سفيتوا التراب وبتسسفوا في الشعب المسكين رماد فشل معاهداتكم
اها الشعب دا اسع خلوه ياكل شريعه
مش الشريعه دي اهم من وحده السودان ؟؟
|
Post: #13
Title: Re: 21 مارس : شكراً شعب السودان
Author: doma
Date: 03-22-2011, 06:39 AM
Quote: يا ناس بغض النظر عن كل شيء نحنا دايرين الحكومة تكون في احسن حالاتها الاشهر القادمة
بتكاتفنا، المكاسب الح نتحصل عليها لن تخص المؤتمر وحده |
لوووووول لوول والله انت احسن زول بيحكي نكته
المكتسبات دي لما كانت حلالكم بلالكم الشعب ما شاف منها التكتح
غير يمنظر عويناتو في ممتلكات المؤتمرجيه واتباعهم وآل البشير
اسع لما بقت فتات من بين فكي تمساح عشاري
مما ستتكرم به الحركه الشعبيه عليكم
ستوزعونه علي الشعب المسكين دا ؟؟؟!!!!!!!!!!!!
يا زول اخير قولها متل عبد الملك
ادوهم بالجزمه
المهم مكتوب عليها
جزمه حلال
وهم بايتين القوى
وحامدين شاكرين
|
Post: #14
Title: Re: 21 مارس : شكراً شعب السودان
Author: doma
Date: 03-22-2011, 06:47 AM
Parent: #5
| Quote: شعب السودان يعرف متي واين وكيف يتخذ قراراته المصيرية ويحدد خياراته ويختار قياداته |
والله ان شاء الله يا عمر صديق يا اخوي
وتطلع قيادات فيها فائده
مش متل الحراميه بتاعين الانقاذ ديل
|
Post: #15
Title: Re: 21 مارس : شكراً شعب السودان
Author: وليد الطيب قسم السيد
Date: 03-22-2011, 06:53 AM
Parent: #14
قلت لى طلعت ماسورة؟؟؟؟
مواسير الاوهام كل يوم فى ذيادة
يدخلو من هنا ويطلعو من هنا
الانقاذ يا سيدى صنعت شعب قبل كل شى....
|
Post: #16
Title: Re: 21 مارس : شكراً شعب السودان
Author: doma
Date: 03-22-2011, 07:07 AM
Parent: #15
| Quote: الانقاذ يا سيدى صنعت شعب قبل كل شى.... |
لول دجنتهم مش؟؟
بالهراوات والبنادق و التعذيب في بيوت الاشباح و الاغتصابات والتصفيات .
نعم الشعب الصنعتوه !!!
لا يهش لا ينش
وزير حربيتكم يبكي ويمتخط
احتل المصريون ارضكم وانتوا قاعدين متل الرخم
تشربوا في المثلج والمسخن .
اي جار عايز ليه خمشه خمشها الضحى الاعلي
وانتوا مدنقرين وعينكم مكسوره
حليل شعب السودان الكان وكان
|
Post: #17
Title: Re: 21 مارس : شكراً شعب السودان
Author: الشفيع وراق عبد الرحمن
Date: 03-22-2011, 10:30 PM
Parent: #16
| Quote: احتل المصريون ارضكم وانتوا قاعدين متل الرخم |
دوما يا اختنا
الله يهديك صحصحي معانا شوية
المصرين (شالوا) حلايب ونحنا (شلنا) مصر كوولها
خلي القلق، واسترخي، ودعي القيادة لنا
|
Post: #18
Title: Re: 21 مارس : شكراً شعب السودان
Author: doma
Date: 03-23-2011, 05:36 AM
Parent: #17
Quote: دوما يا اختنا
الله يهديك صحصحي معانا شوية
المصرين (شالوا) حلايب ونحنا (شلنا) مصر كوولها
خلي القلق، واسترخي، ودعي القيادة لنا |
لوووول
اها اسع قلت لي كيزان مصر اتحالفوا مع كيزان الخرطوم !!!
بالله شوفوا لينا برضوا تحالف مع جماعه طلبان يكون ما بطال
غايتوا النقولها ليكم
المصريون لو كيزان ولا غيرهم افلح منكم
يودوكم النيل ويجيبوكم عطشانين
اخير ليكم ترعوا بقيدكم
وتقعدوا في جنوب واديكم دا
بعد صنعتوا منه شعب مؤدب وبسمع الكلام
الخلا عادتو قلة سعادتو
الكيزان يسرقوا الكحله من العين ما يسرقوا ثوره الشباب المصري ؟!!!
القياده ما خلوها ليكم 22 سنه غير السرقه ما عمرتوا شئ ا
ها وروني شئ مدهش كدا من انجازاتكم
|
Post: #19
Title: Re: 21 مارس : شكراً شعب السودان
Author: الطيب رحمه قريمان
Date: 03-23-2011, 05:39 AM
Parent: #18
اللهم عليك بالكيزان الفاسدين القتلة والخونة ،
اللهم رد كيد الكيزان و أذيالهم و كل من يقف خلفهم ويدعمهم
اللهم عليك بهؤلاء الكيزان الفاسدين الخونة فأنهم لا يعجزونك
اللهم ياقوي ياعزيز يا جبار وفق رجال الشرفاء لما فيه خير السودان
اللهم عليك بالكيزان الفاسدين ، ومن عاونهم ومن ناصرهم بقول أو عمل
اللهم سلط عليهم جندا من جندك وأجعل تدبيرهم في تدميرهم وأجعلهم عبرة لمن لم يعتبر
اللهم عليك بهم اللهم عليك بهم يا أرحم الراحمين
اللـــــهم ومن أرادنا و السودان بخير فوفقه لكل خير ومن أرادنا والسودان و أهله بسوء فاقصم
ظهره واجعل كيده في نحره ولا تمهله بين يومه وأمسه
اللهم أجعل نحرهم فيهم فإنهم لا يعجزونك
اللهم اجعل نحرهم فيهم فإنهم لا يعجزونك
اللهم أجعل نحرهم فيهم فإنهم لا يعجزونك
اللهم إنا نسألك باسمك العظيم الأعظم الذي إن دعيت به لا ترد دعوة الداعي يا رب
أشغلهم ببعضهم البعض حتى تكف أيديهم عن السودان وأبنائه
اللهم عليك بالبشير و زمرته من الكيزان الفاسدين المنافقين فإنهم لا يعجزونك
اللهم عليك بالذين باعوا السودان و فصلوا الجنوب و وضعوا دارفور على شفاه حفرة من النار و قتلوا أهل دارفور
اللهم عليك بالكيزان و أذيالهم و كل من سار في دربهم قوشو ونافع و القطبى و بكرى و عبدالرحيم حسن و كل اعضاء المؤتمر الوطنى الفاسد .
القتلة و المغتصبين و الفاسدين فى جهاز الامن السودانى الفاسد
الكيزان و أعوانهم فأنهم لا يعجزونك
اللهم شلّ أيديهم واشدد على قلوبهم واجعل دائرة السوء عليهم
اللهم افضحهم على رؤوس الخلائق واجزهم بما يستحقون جزاءً من جنس عملهم في هذه الدنيا قبل الآخرة
بقوتك وجبروتك يا عزيز يا جبار
اللهم إني أٍسألك بقدرتك وعظمتك وعزتك وجلالك وقوتك وسلطانك
أن تذهب الفاسد عمر حسن أحمد البشير و زمرته من الكيزان و أعوانهم ومن والاهم من الفاسدين
اللهم يسر لشعب السودان حاكماً غير البشير يحترم شعبه ويحفظ أرضه ويصون عهده
اللهم ارزق شعب السودان حاكماً غير البشير يحترم الرأي والرأي الآخر
اللهم أعط شعب السودان حاكماً غير البشير لا يظلم أحداً ولا يفرض ضرائب ولا جبايات
اللهم امنح شعب السودان حاكماً غير البشير يحترم الحريات العامة والخاصة ويعرف رعاية حقوق الإنسان
اللهم اجعل للسودان حاكما يهتم لمصالح شعبه وبلده وترابه وأرضه فقط غير البشير
آمين
آمين
آمين
من هم الكيزان ... ؟
ادعو عليهم ... كما يدعون الله عليكم
|
Post: #20
Title: Re: 21 مارس : شكراً شعب السودان
Author: الشفيع وراق عبد الرحمن
Date: 03-23-2011, 11:22 PM
Parent: #19
يا قريمان والله كرهتنا بي مكنة م م دي ياخي
|
Post: #21
Title: Re: 21 مارس : شكراً شعب السودان
Author: عبد الملك يوسف الملك
Date: 03-24-2011, 00:05 AM
Parent: #20
والله يالشفيع الناس ديل محرجين بي شكل
ياخي الشعب ابا يعمل مظاهرات خلاص ماتحرجوه
الجايات اكتر من الرايحات
خلوه المرة دي فتران زهجان ما مقتنع
مافي داعي الحكاية تبقى زي الليمونة الناشفة يمصروها مصر
طلبة طلعوا في سوق ام دفسوا
عشرة قفلوا شارع المردة
تمانية حرقوا سوق مدني
والجزيرة ماشغالة بي الموضوع ولاالعربية بتاعة عبد الرحمن الراشد
ولا الحرة بتاعة الامريكان
يعني لو في مظاهرات قدر ده بخلوها لى ناس قريعتي راحت
خاصة عاويزين ممسك في السودان
|
|