Post: #5 Title: Re: الراجـل فيكم خليهو يطلع للمسيرة ! Author: عمر قسم السيد Date: 03-20-2011, 10:09 AM Parent: #4
دايرين تطلعوا مســيرة ليه ؟
لكن - كدا جربوا - ونشـوف البحصل شنو !
Post: #12 Title: Re: الراجـل فيكم خليهو يطلع للمسيرة ! Author: doma Date: 03-20-2011, 10:24 AM Parent: #5
Quote: دايرين تطلعوا مســيرة ليه ؟
اها اقول ليك انا لانكم يا اهل الانقاذ حراميه سرقتوا المال العام وافسدتم في الارض و قتلتم اهل دارفور وافقرتم الفقراء واثريتم ثراءا فاحشا خليه موضوع الجنوب انتهي اهل الجنوب نالوا استقلالهم وشالوا بترولهم خلوكم تكابسوا في اليابس . الاسعار في ارتفاع جنوني وجنيهكم داقي الدلجه أها الناس المساكين الما متلك يا عمر تسرق من وين عشان تجابه الغلاء ؟؟؟!!
يا اخانا فرانكلي الدي في نواحي اوربا افرز يا خي فان دومه التي في نواحي الصين ليست من النساوين تصدق طلعت قبل الناس بيوم ما فرزت انه اليوم الاحد الا الساعه تلاته بزمني
ولكن هناك من لا يفهمـون الا مثل هذا النوع من الإسـلوب !
ولهذا السبب تسخدم معهم الاسلوب الاحترافي (الراجـل فيكم خليهو يطلع للمسيرة) ؟؟؟؟؟؟؟؟؟؟؟
ادناه برضو يندرج تحت بند الصحفي المتحرف
Post: #15 Title: Re: الراجـل فيكم خليهو يطلع للمسيرة ! Author: محمد علي شقدي Date: 03-20-2011, 10:29 AM Parent: #7
Quote: تتيح لك هذه الصفة أدوات أفضل ولغة وأسلوباً أفضل مما تعرضه هنا
مجرد وجود العقل يا صاحبي وليس المهنه ما عارف لكن حاسي بانو عم ( الراجل ) ده داير يوصل رساله ما بطريقة ما نصبر نشوف لكي يجود علينا بايضاح وسيلة اختبار رجالة الشوارع الجديدة التي تتجاوز ما هو معلوم بالضرورة ( بنبان 0 ضرب 0 اعتقال 0 ولما لم يكن بعد الاغتيال من شئ فلا ضير ان نضيف ما استحدث اخيرا من اغتصاب ) اوانه يرمينا بشئ من علم ماوراء (الصدمة) او هي شهادة خاصه في دورة (داير ابقى مشهور) ----------------------------- اها ان شاء الله خير يا خوي
Post: #22 Title: Re: الراجـل فيكم خليهو يطلع للمسيرة ! Author: فيصل محمد خليل Date: 03-20-2011, 10:37 AM Parent: #15
ارجل منك و مكانك وراء حديقة القرشي
Post: #24 Title: Re: الراجـل فيكم خليهو يطلع للمسيرة ! Author: doma Date: 03-20-2011, 10:38 AM Parent: #15
صحفي شنو ؟؟!! الصحافه دي بقت مهنه من لا مهنه له عمر دا عند ي ليهو تلات مهن يختار منهن امنجي حرامي انقاذي منتفع اها شوف سعادتك امش جهز حالك وخليك استاند باي ما بطاله معاك المسيرات العداد بيكون رامي وبرضو يوم 27 في مسيره والمسيرات حبطرش ما تديك الدرب حظك ايامك باسطه
Post: #28 Title: Re: الراجـل فيكم خليهو يطلع للمسيرة ! Author: عبدالكريم الامين احمد Date: 03-20-2011, 10:44 AM Parent: #24
ديل صحفي الغفلة ياااااخ وخطابك ده يا اخونا عمر هو اكبر دافع يخلي الماداير يطلع يقوم يطلع لانو يااخ ليييييييه ياااخي السودان يكون فيهو زول عامل فيها صحفي محترف وخطابه ركيك وقبيح المنظر والمخبر
Post: #30 Title: Re: الراجـل فيكم خليهو يطلع للمسيرة ! Author: عمر قسم السيد Date: 03-20-2011, 10:44 AM Parent: #24
ان من يخرجون للمسيرات ا - رجال اقوياء - لا يتشبهون بالنساء و - يسبسبون - شعر رأسهم
لانكم جميعا لم تقدموا - مداخلة - نافعة .. ولم تفهموا ما ارمي اليه ..
وذكرتم اشياء لم يشير اليه البوست
عفوا .. اخرجوا لنستقبل غيركم
دكتاتور برتبة عريف
Post: #36 Title: Re: الراجـل فيكم خليهو يطلع للمسيرة ! Author: ibrahim alnimma Date: 03-20-2011, 10:56 AM Parent: #29
بالتأكيد زي الزول ده بكون علي يقين بان الدولة دي قاعدة بمنطق الرجالة علي الشعب السوداني.....اين قبعت رجالتك المزعومة لما اسرائيل دخلت الي الشرق وضربت كل المنطقة التي تحرسها الايادي المتوضئة والمجاهدة التي تعيش علي التمرة؟ اين رجالتك لما مصر احتلت حلايب؟ اين رجالتك لما الفشقة اخذت عنوة من بين يدي المجاهدين؟ انت اكيد بتترزق ياخوي .........الله يديك .............لكن والله حارة عليكم لو صقطت................بالله دي صحفي ده؟
حكمة قالها سون تزو (محارب صيني) في كتابه "فن الحرب"
الكلمة المتواضعة ومزيد من التجهيزات تعني التقدم للأمام، والكلمة العنيفة والهجوم علامة لنية الإنسحاب والتقهقر (سون تزو – فن الحرب)
Post: #46 Title: Re: الراجـل فيكم خليهو يطلع للمسيرة ! Author: عمر قسم السيد Date: 03-20-2011, 11:08 AM Parent: #40
هل المظاهرات حرب ؟
Post: #41 Title: Re: الراجـل فيكم خليهو يطلع للمسيرة ! Author: عبدالكريم الامين احمد Date: 03-20-2011, 11:03 AM Parent: #38
Quote: اخرجوا جميعا من هذا البوست !
اخرجو من البوست ثم لا تخرجو في المظاهرات..!! انت يا ابو عمار حكايتك شنو يا زول..؟؟ ومن قبيل شابك البشرية الهنا دي تعليمات واوامر وكلام خارم وتضخم انا فنكوشية وعامل فيها ابو دنان ضكر...!! ---------------- لن نطلع من البوست ده اها الراي شنو..؟؟
والله يا عمر البشير غرآك جد طول السنين خلآك تتحدى الغلآبة الكادحين وتنفُخ، أكان دآيرننا لاقونا في الشارع دحِيّن وبتدورنا نلحس كوعنا يا حانث اليمين ؟؟؟ يا زول أقيّف أسمع كلآم الشعب جوّك متحزمين أسمع هدير الشعب جوّك متلزمين حلفنا يمين، وتاني يمين لا نجارا لا نضارا ويّن شُفتُو القبور بتخوّف الميتيّن ؟؟؟ وويّن شُفتُو الشعوب قهروها رقاصيّن ؟؟؟ يوم دآك دآيرنّك تمام تركز تقيف ما تجري يا ابقلباً رهيّف ما تجري، ارجى الصاقعة في عِزّ الخريف اركز تمام، يوم نصرة الحق المُبيّن قسمنا يمين، ونطبُق فوقو تاني يميّن لا نجارا لا نصارا ويّن شُفتُو القبور بتخوّف الميتيّن ؟؟؟ إنتبهوا يا غافليّن خلّوا الصلف والكبرياء لا يغركم زبد الحُكُم اما الزبد يذهب جُفاء وينساب علي وجه الأرض عرق التعابا الأوفياء يغسل فساد الفاسدين ويطمِس رُسُوّم حُكماً لعيّن حلفنا يميّن، قسمنا يميّن لا نِجارا لا نِضارا ويّن شُفتُو القبور بتخوّف الميتيّن ؟؟؟ يا نافع قليل الشآن، امرُق لينا في الميدآن ولا تنسى، جيبو معاك علي السجمآن جهاز الأمن يا ######آن ويا غوّش العميل و######## يوم الحآرة ما تِدسوا يا خاينيّن يوم الحآرة امرقوا برّة يا خايبيّن حلفنا يميّن، لا نجارا لا نِضارا ويّن شُفتو القبور بتخوّف الميتيّن ؟؟؟ ليّه تِغتصبوا بنت العازة يا حاسديّن ؟ ليّه تأذوها يا منافقيّن ؟ تجونا تحت ستآر الدِيّن وإنتو في أصلكم فاسديّن لباس الهيّبة فوقكم شيّن عشان في أصلكم نجسيّن يوم الحق يهِل ويبيّن، عآد ما شيّن تقبلوا ويّن ؟ حلفنا يميّن، قسمنا يميّن لا نِجارا لا نِضارا ويّن شفتو القبور بتخوّف الميتيّن ؟؟؟ شباب العآزة، أمرقوا في النهار الحار سِلّوا الصارم البتآر علي حُكماً تجبّر و جآر قسمنا يميّن، نخوض النار نجيب التار، نساند جُمّلة الأحرآر نزرع في بلدنا سلآم و ننضُم لوطنا كلآم، كلآماً زيّن، عديّل ورزيّن يسعِد أهلنا السمحيّن، ويفرِح جُملة الطيبيّن، وعشان حاجاتنا تبقى كُويّسة يا زينيّن قسمنا يميّن حلفنا يميّن في درب النضال سايريّن، و برب العباد حآلفيّن لا نِجارا، لا نِضارا ويّن شُفتُو القبور بتخوّف الميتيّن ؟ ؟ ؟ ؟ ؟ ؟
ــــــــــ القذافي رسل ليكم من (الشديد بتاعه ولا شنو؟)
Post: #50 Title: Re: الراجـل فيكم خليهو يطلع للمسيرة ! Author: أحمد أمين Date: 03-20-2011, 11:12 AM Parent: #39
الانقاذ بعد عشرين سنه ده حصادها... لغة ركيكه... وافتراء على خلق الله.............. من هم اسيادك (النكرات) الذين تدافع عنهم حتى يمنعوا حق التعبير الذى انتزعه هذا الشعب مرتين من انظمه تشبه نظامك. لو لم تقم انتفاضه 85 لقطع النميرى رؤس تنظيم الاخوان جميعا.. لكن هذا جزءا الشعب الذى انقذهم من المقصله..............
Post: #42 Title: Re: الراجـل فيكم خليهو يطلع للمسيرة ! Author: عمر قسم السيد Date: 03-20-2011, 11:04 AM Parent: #35
نعم ..
ان من يجيدون تنظيم المظاهرات بدرجة - امتياز - للأسف يملكون القرار الان
وانتم - للأسف ايضا - لا تعرفون ( أ ، ب ) تنظيم المظاهرات
اللهم إنا لا نسألك رد القضاء ... لكن نسألك اللطف فيه.
Post: #47 Title: Re: الراجـل فيكم خليهو يطلع للمسيرة ! Author: فيصل محمد خليل Date: 03-20-2011, 11:10 AM Parent: #43
Quote: نعم ..
ان من يجيدون تنظيم المظاهرات بدرجة - امتياز - للأسف يملكون القرار الان
وانتم - للأسف ايضا - لا تعرفون ( أ ، ب ) تنظيم المظاهرات
حتى الشيوعيون " المحترمون " لا يعرفون
التحية للشرفاء والوطنيين منهم !
لا لا ما تعمل لينا فيها حريف ايها الحلوف
Post: #51 Title: Re: الراجـل فيكم خليهو يطلع للمسيرة ! Author: عمر قسم السيد Date: 03-20-2011, 11:13 AM Parent: #47
( حلوف ) ok
Post: #48 Title: Re: الراجـل فيكم خليهو يطلع للمسيرة ! Author: ibrahim alnimma Date: 03-20-2011, 11:11 AM Parent: #43
Quote: اخرجو من البوست ثم لا تخرجو في المظاهرات..!!
شفت التحفة دي ياعبدالكريم؟ ياخي ده منقة خالص
Post: #54 Title: Re: الراجـل فيكم خليهو يطلع للمسيرة ! Author: doma Date: 03-20-2011, 11:19 AM Parent: #48
لول عايز يعمل فيها حريف كيكي جهز كل ادوات اللبع ولا تاخذنك به شفقه
Post: #52 Title: Re: الراجـل فيكم خليهو يطلع للمسيرة ! Author: محمد أبوالعزائم أبوالريش Date: 03-20-2011, 11:13 AM Parent: #43
ود الباوقة عرفا ليكم ....
الزمزغة حاصلة.
Post: #55 Title: Re: الراجـل فيكم خليهو يطلع للمسيرة ! Author: عبدالكريم الامين احمد Date: 03-20-2011, 11:20 AM Parent: #52
Quote: شفت التحفة دي ياعبدالكريم؟ ياخي ده منقة خالص
هلا يا عنكبة وتحفة في شكل تيرومتر يعكس مدي الخلعة الخاشة في قلوب الناس ديل والتهتك والتفسخ القاعدين نقرا فيهو في البوست ده مااااا جاي من فراغ انها حالة من احوال مبادئي السكتات الدماغية عند الانظمة الدكتاتورية طوااالي الاعراض بتظهر في خطاب الحلاقيم والابواق بتاعتها
Post: #67 Title: Re: الراجـل فيكم خليهو يطلع للمسيرة ! Author: خالد أحمد شطة Date: 03-20-2011, 11:40 AM Parent: #58
Quote: الناس البطلعوا المسيره ديل لاقيهم انت وامثالك وابعدوا السلاح بعيد عشان تعرفوا الرجاله ...
الأخت نجلاء تحياتي ياغالية ياوطنية والله الطالعين احفاد أبوعنجة والذاكي طمل وعثمان دقنه والازهري والمحجوب وعلي عبداللطيف والخليفة عبدالله وبدرالدين والهندي والمرقني والمهدي وكل السابقون لاتركيع ولاتهديد سلاح نحن لها مودتي شـــــــــــــطة
Post: #68 Title: Re: الراجـل فيكم خليهو يطلع للمسيرة ! Author: مها عبد الله Date: 03-20-2011, 11:49 AM Parent: #58
المتداخلون الكرام تحياتي وسلامي يعني شغل العصابات ما بتعرفوهو إلاَ يوريكم ليهو عينة هذا ( الصحافي ) ، العاوزني يجيني والداير يطلع الشارع يجرب ، وصحفي تاني يصف المعارضة بأنها ( أجبن من الجبنة ) لووووووول دي بس العاوزه أفهمها ....... وهاهو عمر قسم السيد يتحفنا بعنوانه الراجل فيكم خليهو يطلع !!! شوف بس عزيزي القارئ بعد زوال هذه العصابة صعوبة العمل الذي سيُقابل الجميع وخصوصاً في مجال الصحافة ونوعية هؤلاء الإنتهازيوون !!! يشغلوهم وين ديل هسه بالله عليكم !!!
Post: #69 Title: Re: الراجـل فيكم خليهو يطلع للمسيرة ! Author: عمر قسم السيد Date: 03-20-2011, 11:59 AM Parent: #68
Post: #73 Title: Re: الراجـل فيكم خليهو يطلع للمسيرة ! Author: عمر قسم السيد Date: 03-20-2011, 12:48 PM Parent: #72
المتحدث باسمها لـ «الشرق الأوسط»: مسيرتنا سلمية.. وندعو سلطات الأمن إلى التعامل بشكل حضاري لندن: مصطفى سري دعت مجموعة «شباب من أجل التغيير» السودانية (شرارة)، السودانيين إلى الخروج غدا في كل المدن، وأمام السفارات السودانية في الخارج
المتحدث باسمها لـ «الشرق الأوسط»: مسيرتنا سلمية.. وندعو سلطات الأمن إلى التعامل بشكل حضاري لندن: مصطفى سري دعت مجموعة «شباب من أجل التغيير» السودانية (شرارة)، السودانيين إلى الخروج غدا في كل المدن، وأمام السفارات السودانية في الخارج في مسيرات للمطالبة برحيل نظام الرئيس عمر البشير، على غرار الثورات التي شهدتها المنطقة العربية في الأشهر الثلاثة الأخيرة. وشددت المجموعة التي دشنت موقعا على الـ«فيس بوك»، على أنها ستكون مظاهرات سلمية ولن تستهدف المؤسسات الحكومية. وحذرت من أن يعمد حزب المؤتمر الوطني، الحاكم، إلى دمغ المتظاهرين بأنهم خلايا إرهابية حتى يسهل قمعهم.
وقال المتحدث باسم المجموعة، مجدي عكاشة، لـ«الشرق الأوسط» الذي أطلق سراحه، أول من أمس، بعد اعتقاله لمدة 24 ساعة، إن مجموعته من الشباب ضاقت ذرعا بالأوضاع الاقتصادية والبطالة التي استمرت لأكثر من 22 عاما من حكم البشير، وستخرج يوم غد، الاثنين، مشيرا إلى أن المظاهرات ستكون سلمية «ولن تقوم بأي تخريب لأن السودانيين ينشدون التغيير الحقيقي»، داعيا الشرطة والأجهزة الأمنية إلى أن لا تقوم بضرب المتظاهرين حتى لا تنفجر الأوضاع، وأضاف: «على أفراد الشرطة والأمن أن يتعاملوا مع حقنا الدستوري في التعبير عن رأينا بالتظاهر سلميا، ولسنا ضد أجهزة الدولة، ولكننا مع تغيير نظام المؤتمر الوطني وإسقاطه»، وقال إن المجموعة ستتقدم بطلب إخطار، وليس بطلب إذن، إلى الشرطة والأمن لحماية مظاهرة غد، الاثنين، من اعتداءات متوقعة من أعضاء المؤتمر الوطني، وأضاف: «عضوية المؤتمر الوطني توعدتنا بعمليات اغتيال في الأيام المقبلة»، مشددا على ثقته بأن المسيرة ستحضرها جماهير كبيرة وأنها ستكسر حاجز الخوف والتردد لأنها تنشد التغيير الحقيقي، نافيا اتجاه مجموعته إلى تقليد ثورات تونس، ومصر، واليمن في الاعتصام في أحد الميادين، في إشارة إلى اعتصام مواطني تلك الدول في الميادين العامة.
وكشف عكاشة عن أن مجموعته سبق وأن قدمت خطابا إلى الأجهزة الأمنية والشرطية تدعوها إلى أن لا تقابل المسيرات التي يقوم بها المواطنون باعتبارها حقا دستوريا وأنها أوضحت في خطابها أن المظاهرات ليست ضد مؤسسات الدولة بما فيها الأمن، وأضاف: «لكن إن قامت بقمعنا فإنها ستصبح تابعة للحزب الحاكم وليست مؤسسات دولة، وسيصبح العداء شاملا»، وقال إن المجموعة تشكلت لأجل مطالب محددة تتمثل في محاربة الفساد وتشغيل العاطلين عن العمل من الشباب وإتاحة الحريات، وتابع: «نحن بدأنا عملنا في الـ(فيس بوك) قبل أن تبدأ الثورات في تونس ومصر»، وأضاف أن الأحداث التي شهدتها تونس ومصر جعلت المجموعة تفكر في عمل جاد، وتقبل تحديات المرحلة لأجل التغيير الشامل، مشيرا إلى المظاهرات التي انتظمت في الثلاثين من يناير (كانون الثاني) الماضي نظمته مجموعة «شرارة» وكانت عبارة عن عملية اختبار للنظام.
وقال: «استفدنا من تلك التجربة، رغم أنها لم تفشل، في أن لا نحدد مكان وزمان المظاهرة في وقت مبكر حتى لا ندع الأجهزة الأمنية تأتي لتحتل المكان وتعتقل الشباب قبل انطلاق المظاهرة»، وأضاف أن مكان مسيرة غد، الاثنين، لم يحدد بعد، وأن ذلك خاضع للدراسة والتشاور بغرض التأمين بشكل أفضل.
وقال عكاشة، (29 عاما) خريج جامعي، إن مجموعة «شباب من أجل التغيير» لا تقف وراءها جهة سياسية، وإنها تأسست منذ نوفمبر (تشرين الثاني) الماضي، وإنها تستقطب فئات عمرية محددة في الشباب بغض النظر عن اتجاهاتهم الفكرية والدينية والسياسية، وأضاف أن الحركة ليس لها إطار آيديولوجي وفلسفي، ولا تحمل محددات فكرية وليس هناك موقف من الدولة العلمانية أو الدينية، وقال إن مجموعته لديها اتصالات وتنسيق مع أطراف سودانية أخرى مشابهة مثل جماعة «قرفنا» التي تطالب بإسقاط الحكومة، وأضاف أن مجموعة «شرارة» منتشرة في الجامعات والأحياء، وأنها سبق أن خاطب كوادرها المواطنين في الأسواق وأماكن التجمعات المختلفة إلى جانب المنابر السياسية في الجامعات لتوعيتهم بالخروج في المسيرة التي سيتم تنظيمها غدا، الاثنين، لكنه قال إن المؤتمر الوطني سيحرك عضويته لإحداث أعمال تخريب وشغب وإلصاقها بمسيرات المحتجين على النظام، وتابع: «سيلصقون اتهامات الخلايا الإرهابية لتصبح ذريعة لإعلان الطوارئ وقمع المتظاهرين، ونحن نتحسب لكل ذلك»، وقال إن مسيرات مجموعة «شرارة» ستنتظم في كل مدن البلاد وأمام السفارات السودانية في الخارج للمطالبة بالتغيير، وأضاف أن المؤتمر الوطني عمل على تخويف السودانيين من الخروج ضده، وسيكون حريصا على أن لا يقمع في اليوم الأول المتظاهرين حتى بالغاز المسيل للدموع، لكنه يسعى إلى أن تحدد الجماهير متى وأين تخرج، مشيرا إلى أن والي الخرطوم، الدكتور عبد الرحمن الخضر، سبق وأن صرح بأن العاصمة نظيفة من أي سلاح، وقال: «لكن بعد أيام من تلك التصريحات عندما أعلنا عن أنفسنا قالوا إنهم قاموا بحملة تفتيش عن أسلحة، وعرضوا أربع بنادق وهذه دعاية فزاعة».
وقال عكاشة عن ظروف اعتقاله لمدة 24 ساعة وأطلق سراحه أول من أمس، إنه تم اختطافه من قبل مجموعة ادعت أنها تتبع لمسؤولين كبار في الدولة، وأضاف أن الجماعة التي اختطفته بدأت معه حوارا حول مطالب مجموعة «شباب من أجل التغيير» (شرارة)، وقال: «عندما أبلغتهم بالمطالب بتغيير النظام تحول الحوار إلى تهديد ووعيد وإنهم سيعلنون أن المسيرة تدعمها إسرائيل وأميركا وإنها خلايا إرهابية»، وأضاف أن الخاطفين كانوا في حالة ارتباك ولم يستطيعوا الثبات في موقف محدد من الاتهامات التي أرادوا أن تستبق المسيرة، مشيرا إلى أن الرقابة الأمنية حوله مكثفة وفي كل تحركاته لمعرفة بقية أعضاء مجموعة «شرارة»، وقال إن الرقابة تشمل الهواتف والمعاكسات في الطريق العام أثناء قيادته لسيارته، وتابع: «نحن لدينا كوادر لم تظهر ولن تظهر في الوقت الراهن».
الاخ عمر قسم السيد تحياتي لااعتقد ان هذا الاسلوب لمخاطبة المعارضين مناسب لاننا كمناصرين للانقاذ ليسو ارجل منهم فكلنا في ذلك سواء ولكن الفرق بيننا وبينهم اننا نملك قاعدة جماهيرية وهم لايملكون ونحن اكثر قوة وتنظيما وهم اشتات متشاكسون
انا أطمئنك يا عمر زول حايطلع مافي ديل افيونيون لا خلاق لهم هؤلاء لا هم لهم لا عقلية لهم يريدون فقط لقوانيين بني البشر ان تسود في الارض ولا يريدون لقوانيين الله ان تسود هؤلاء يريدون ليطفئوا نور الله بأفواههم والله متم نوره ولو كره الأفيونيون
صدقني غدا انا سوف اسرح امرح في شوارع الخرطوم ولنر هل سيخرجون أم لا أفٍ لكم ولما تدعون يا أفيونيون
Quote: لاخ عمر قسم السيد تحياتي لااعتقد ان هذا الاسلوب لمخاطبة المعارضين مناسب لاننا كمناصرين للانقاذ ليسو ارجل منهم فكلنا في ذلك سواء ولكن الفرق بيننا وبينهم اننا نملك قاعدة جماهيرية وهم لايملكون ونحن اكثر قوة وتنظيما وهم اشتات متشاكسون
والله ياعمر كورتكم فكت اذا معتمدين علي سارة منصور وعمر قسم السيد ده
فجر الغنا المأمول مستني جياتنا وطناً عظيم الشأن عمدانه هاماتنا ياظالماً في الغيب أو حتى بيناتنا لو في الحلم والنوم احذر ملاقاتنا لو لسه ما ولدوك احذر وليداتنا نحن إنكسار العيب ما بحني هاماتنا صاعين نكيل الصاع والسلم راياتنا
Post: #93 Title: Re: الراجـل فيكم خليهو يطلع للمسيرة ! Author: سيف الدولة كامل Date: 03-20-2011, 05:18 PM Parent: #92
يا زول أف دي بالعربي ولا بالعجمي...؟ غايتو بالعجمي معناتا كعب! كمان أفيونيون دي والله جديدة علينا... نحنا السودانيين لا نعرف الأفيون
نحنا ناس بنقو بس
جميل جداً هذا البوست الفيهو الألوان كلها بتطاقش والزول ده فعلاً نجح في إستفزازنا وخوفنا من الخروج بكرة أنا غايتو كلمتا أمي تخرج بدلي في بري وخليت لروحي المرقة الساهلة قدام الأمم المتحدة عشان بوليس نيويورك هنا بيحمي الناس البتظاهر
أما أمي الغالية... فليها الله
........................
يالها من أيام تلك التي قضيناها في القرشي الحديقة الخضراء
يبدو أن 21 عاما من "الملطشة" جعلت إحساسنا بليدا وفهمنا للأمور بطيئا. شخصيا عندي اعتقاد حتى اللحظة أن صاحب البوست يعني عكس ما تقول كلماته تماما! لكني أشكره كثيرا في كلا الحالين ، فقد قرأت كل المداخلات ، وضحكت غصبا عني. فعلا..شر البلية ما يضحك!!!
Post: #96 Title: Re: الراجـل فيكم خليهو يطلع للمسيرة ! Author: عادل عبدالرحمن إبراهيم Date: 03-20-2011, 07:50 PM Parent: #94
أول مرة الواحد يجد بوست صاحبه يتحدى ويظهر عضلاته وفجأة يهرب منه بدلا عن مقارعة الحجة بالحجة. لهذه الدرجة الكلام عن المسيرات والمظاهرات يصيب مناصري المؤتمر الوطني بالرعب.
دي (أُف) حقت .... (ولا تقُل لهما أُفٍّ) ........ وممكن تكون حقت واحد غلبو اليسويهو (دي بكون فيها خمّة نفس وغرويدة عيون) .... أو واحد في حاجة حرقتوا شديييد.
إلاّ قول لي يا المكاشف اخوي ........ إنت الحارقك شنو؟
اذا قدح الرجل الرجال الاخرين في رجولتهم أو قلل منها فهذا دليل علي وجود خلل واضح في هذا الشخص...وهذا الخلل قد يكون سيكلوجي او فسيولوجي.....فدحين ياخوي ابعد من نوعية الكلام دا عشان ما يجيب ليك الكلام
تانيا..انت قلت انك صحفي....وحسب علمي انو الصحفي سلاحو القلم...وانت كلامك دا معناتو عندك سلاح تاني....دحين يا تغير مهنتك..يا كلامك....عشان نحتفظ ليك بي حبة مصداقية.....دا لو فضل فيها أصلا
Post: #103 Title: Re: الراجـل فيكم خليهو يطلع للمسيرة ! Author: محمد الامين محمد Date: 03-20-2011, 10:15 PM Parent: #1
Quote: الراجـل فيكم خليهو يطلع للمسيرة ! 101 999 عمر قسم السيد 20-03-11, 08:57 م بواسطة محمد أبوالعزائم أبوالريش
Post: #108 Title: Re: الراجـل فيكم خليهو يطلع للمسيرة ! Author: ASHRAF MUSTAFA Date: 03-21-2011, 00:05 AM Parent: #103
يا خوانا بالمنطق كده في زول بيجي لسودانيين يقول ليهم لو إنتوا رجال...ألخ؟ ده كلام تطيح فيهو رقاب, أعتقد أن الرجل يحاول إستفزازكم بأكبر قدر ممكن من الكلمات الحارقة الملتهبة حتى تخرجوا في مسيرة الغد فربما يرى أن السودانيين كسالى وخملي ولن يجرؤا على الخروج ضد الحكومة فإختار هذه الكلمات المرصوصة بعناية كي تثير في نفوسكم الحنق والغضب وتخرجوا سراعآ إلي الشارع, أما إن لم يكن قصده كما وصفت فإما أن الرجل مخبول أو معتوه ولا أعتقد أنه يخدم نظام الأنقاذ في شيئ هذا إن كان منتميآ إليه, فالحكومة لا تريد للجماهير أن تخرج إلى الشارع ولا تستفزهم بهذه الصورة وخير دليل ما شاهدناه في شارع الستين والشجرة وأمبدة وغيرهم عندما سارعت الخطا بصوت مسموع لتلبية رغبات المحتجين الذين أغلقوا الشوارع في تلك المناطق ولم يبرحوا أماكنهم حتى حضور المسؤلين.
جاءنا البيان التالي : الأمن والشرطة في قمة الرعب والرجفة عرباتهم من هسع بتمشط في الشوارع لأنهم ماعارفين الناس حتجيهم من وين ؟؟ فغداً إما النصر أو النصر
Post: #113 Title: Re: الراجـل فيكم خليهو يطلع للمسيرة ! Author: محمد أبوالعزائم أبوالريش Date: 03-21-2011, 07:36 AM Parent: #111
Quote: Quote: الراجـل فيكم خليهو يطلع للمسيرة ! 101 999 عمر قسم السيد 20-03-11, 08:57 م بواسطة محمد أبوالعزائم أبوالريش
رايك شنو يا حضرة الصحفي الهمام في الرُجال و(الراجلات) الطلعوا في مظاهرات الليلة؟
قالوا ما شافوك هناك.
Post: #118 Title: Re: الراجـل فيكم خليهو يطلع للمسيرة ! Author: جعفر محي الدين Date: 03-21-2011, 02:27 PM Parent: #117
Quote: مجموعة من الصعاليك و - الصعلوكات - يريدون استبدال النظام ، يقولون انهم " قرفوا "
ياخي ربنا ما قسم ليك قسمة سمحة كلو كلو
هذا اللغة لا تخرج إلا من عقل مريض الشعب السوداني أكرم وأشرف وأرجل من الكيزان قاتلهم الله لو عندكم رجالة ورونا ليها في حلايب ولا الفشقة أو أي قطعة من السودان ذهبت لخارطة دولة مجاورة
هنا انا قاصد الاقتباس شكلو يكون باللاوندى (اللاوندى لهجة عامية غير مفهومة ) تستخدم احيانا من باب الهبسكة وهبسكة ذاتا ليس لها معنى محدد حسب اقوال صاحب المفردة الا وهو شخصى
Quote: عـفواً ..
اخرجوا جميعا من هذا البوست !
لانكم جميعا لم تقدموا - مداخلة - نافعة .. ولم تفهموا ما ارمي اليه ..
وذكرتم اشياء لم يشير اليه البوست
عفوا .. اخرجوا لنستقبل غيركم
يا جماعة قال ليكم اتخارجو وبلهجة ناس سوق الحرامية شتتو وبالراندوك كبو الزوعة وبلهجة العسكر والكجر اتخارجو ... اها فهمتو القصد كدا والله لا كين غايتو هبسكة فى هبسكة
