Post: #1
Title: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Hisham Amin
Date: 03-19-2011, 04:43 PM
Parent: #0
Quote: كتار فهموا قصة تحريك الثورات من الاسافير دى
بطريقة خاطئة ..
فى تلك الدول كان الانترنت وسيلة للتحاور اولا والتفاكر
والتشاور حول القرارات ومن ثم الاتفاق عليها
اما قصة تمرير قرارات ومواعيد ومذكرات
عبر تلك الاسافير دون طرحها للنقاش وتبنيها من من
كتبت باسماءهم فهذه افعال خطيرة
ولا تؤدى الى اى نتيجة .. |
شكرا دينا خالد على هذة المداخلات القيمة
التى بينت ركاكة الفكر المصاحب لكاتب هذة المذكرة
وعدم ادراكة لدور الانترنت الفعلى وكيف ومتى يتم تفعيلة
|
Post: #2
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Hisham Amin
Date: 03-19-2011, 04:44 PM
من هم الذين صاغوا هذه المذكرة ؟
او قل من هو الشخص الذى صاغ هذه المذكرة الضعيفة باسم السودانيين ؟
*********************************
شكرا على هذا الرد الشافى لمن فوضوا انفسهم للحديث باسمنا
ونحن لا نعرفهم ولا نعرف اجنداتهم ومنطلقاتهم
|
Post: #3
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Hisham Amin
Date: 03-19-2011, 04:50 PM
Parent: #2
الزج بالقرارات والمذكرات
التى تحمل اشواق البعض واحلامهم وامانيهم
وفرضها برفعها والحديث عن انها تمثل الجميع
دون ان يكون الجميع قد شارك فيها وعلم بها
ووافق عليها .. طرحها وكاننا نقول لها كن فتكون
لا يصنع الثورات بكل اسف !
كفوا عن احباط هذا الشعب ..
ولقد قالها وائل غنيم من قبل( نحن نطرح كل شى للنقاش
والحوار بطريقة ديمقراطية قبل اخراجة على الملاء)
ولكنة التقليد السودانى الاعمى لكل الاشياء فى حالتنا
|
Post: #4
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Hisham Amin
Date: 03-19-2011, 04:58 PM
Parent: #3
Quote:
من الانسب ان تنشر الافكار وتطرح للنقاش كمقترحات
اولا ... ودا من الف باء الديمقراطية والمشاركة
اذا اردنا فعلا ان ننسبها للجميع ,, التفاف
الناس حولها وتبنيهم لها هو وحده من يعطيها القوة . |
انها النفس السودنية اخت دينا خالد
تحلم وحدها وتعمل وحدها وتفكر وحدها
كان الله فى عوننا
اشكرك جزيل الشكر على هذة الاراء القوية
بخصوص مذكرة قناة الجزيرة واملى ان يناقش
امر هذة المذكرات الخارجة باسم السودانيين
فى المستقبل بين الاعضاء حتى ولو فى الخور
ومن ثم يتم صياغتها ونشرها.
كل التحايا
|
Post: #6
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Hisham Amin
Date: 03-21-2011, 03:53 AM
Parent: #5
وهاهى العريضة قد نزلت
بعد ان افتك الاخرون
من حولها لانها لا تمثلهم
شكرا استاذة دينا خالد
|
Post: #7
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Tragie Mustafa
Date: 03-21-2011, 04:02 AM
Parent: #6
شكرا هشام امين
وفعلا وقتها كنت متصفحه ولست مشاركه
واتفقت مع دينا جدا من حيث ضعف اللغهالتي خوطبت
بها قناة الجزيره وكأننا نستجدى منهم تغطية احداثنا وحراكانا السياسي.
ركز يا هشام
انت بصدد نقد المذكره وتحنسيها للجزيره
ولا نقدك للتظاهرات؟!
انا بصدد نقد اللغه المدجنه و الخانعه التي لا تمثلني في مخاطبة قناة الجزيره ال######ه وعنصريه
ومنحازه لاجندتها السياسيه.
|
Post: #8
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: doma
Date: 03-21-2011, 04:07 AM
Parent: #7
دينا خالد ما ست الفهم والراي السديد
|
Post: #10
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Hisham Amin
Date: 03-21-2011, 04:12 AM
Parent: #8
"دينا خالد ما ست الفهم والراي السديد"
لقد تفوقت على عقول ظنت ان الخلاص بيدها
شكرا دينا خالد مرة اخرى
|
Post: #9
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Hisham Amin
Date: 03-21-2011, 04:09 AM
Parent: #7
شكرا تراجى
لفد كتبت واوضحت الاخت دينا خالد
ما اتفقت انت علية وانا ......
للكل حق التعبير وللكل حق الاختيار
ولكن لا لصياغة فرد لمذكرة باسمنا
|
Post: #11
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Hisham Amin
Date: 03-21-2011, 06:59 AM
Parent: #7
|
Post: #12
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: دينا خالد
Date: 03-24-2011, 08:28 PM
Parent: #6
هشام شكلك اتفقت معاى فى الاراء
شفت لكن البرى دا ؟؟
اى زول داير ينجر ليه كلمتين
ويمررهم فى الزفه دى ..
عشان القصة لو نجحت بعدين يجى يتلحنا ..
وبعمل لينا فيها وائل غنيم السرى ..
اى كلام يتكتب بلسان ناس مفروض الناس
يوافقوا عليه اولا ..
ويكونوا شاوروهم فى .. ما بحلهم انه مفرغ
فى فورم دولى وبمحاكاة لغة المواثيق
وكدا .. ويكون مرسل من (نشيط جدا) اقصد ناشط
عشان يكون دا كفاية لاعتماده لخطاب موجه
من كل السودانيين
اولا اللفظ ذاتو بفتقد للحساسية والموضوعيه
لانو الشعب السودانى فيه ناس لا تعبر عنهم
هذه الرسالة ..
كما انها لفظة اقصائية استعلائية تلغى وجود الاخرين
وتقول اننا الكل فى الكل ..
والما عاجبو يشرب من البحر ..
ودا نفس النهج ال نحن بنحارب فيه ..
ولا ما كدا ؟؟
ــــــــ
شكرا ليك انت ..
|
Post: #13
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Hisham Amin
Date: 03-24-2011, 08:44 PM
Parent: #12
Quote: هشام شكلك اتفقت معاى فى الاراء
شفت لكن البرى دا ؟؟
اى زول داير ينجر ليه كلمتين
ويمررهم فى الزفه دى ..
عشان القصة لو نجحت بعدين يجى يتلحنا ..
وبعمل لينا فيها وائل غنيم السرى ..
اى كلام يتكتب بلسان ناس مفروض الناس
يوافقوا عليه اولا ..
ويكونوا شاوروهم فى .. ما بحلهم انه مفرغ
فى فورم دولى وبمحاكاة لغة المواثيق
وكدا .. ويكون مرسل من (نشيط جدا) اقصد ناشط
عشان يكون دا كفاية لاعتماده لخطاب موجه
من كل السودانيين
اولا اللفظ ذاتو بفتقد للحساسية والموضوعيه
لانو الشعب السودانى فيه ناس لا تعبر عنهم
هذه الرسالة ..
كما انها لفظة اقصائية استعلائية تلغى وجود الاخرين
وتقول اننا الكل فى الكل ..
والما عاجبو يشرب من البحر ..
ودا نفس النهج ال نحن بنحارب فيه ..
ولا ما كدا ؟؟
ــــــــ
شكرا ليك انت .. |
الفاضلة دينا انت فى راءى انا هشام المحسوب على الحكومة
وما انا بحكومة فقط وطنى وسودانى من امييز كتاب هذا الموقع واكثرهم
عقلانية فى التعامل مع مجريات الاحداث المتجددة ومن انجح من يتعامل مع
الواقع بفكر عميق وليس سطحية وتسرع.
تقبلى تحياتى
|
Post: #14
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: دينا خالد
Date: 03-24-2011, 10:39 PM
Parent: #13
هشام .. كسير تلج لممما الزول يعرق
دى على وزن اكل الايسكريم لما عرق !
لووووووب
ومن الحكومة كمان .. الله الله ..
ماما دوما !!
انتى الفهم والراى يفوتوك يمشوا ويييين يا ستهم ..
ـــــــــــــ
يعنى الواحد يمشى ويتحسس التلج فى جيوبو؟
|
Post: #15
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: Hisham Amin
Date: 03-25-2011, 04:49 AM
Parent: #14
Quote: هشام .. كسير تلج لممما الزول يعرق
دى على وزن اكل الايسكريم لما عرق !
لووووووب
ومن الحكومة كمان .. الله الله ..
ماما دوما !!
انتى الفهم والراى يفوتوك يمشوا ويييين يا ستهم ..
|
الفاضلة دينا خالد
ابدا ما كسير تلج ولكن قراءة بعقل ومغايرة
لقراءة الاغلبية المعارضة لما يكتب هنا. اولا
ثانيا تم تصنيفى من قبل مدعى النضال بالكوز والانقاذى وا واو وا
لاننى انتقدت عقم العمل العام عند البعض فيهم واسسة وابجدياتة ليس الا .
|
Post: #16
Title: Re: شكرا جزيلا دينا خالد ** اراء فى الصميم بخصوص مذكرة قناة الجزيرة
Author: دينا خالد
Date: 03-25-2011, 08:47 AM
Parent: #15
لكن يا هشام ياخ انت تبقى مع الحكومة لييه ؟
الحكومة دى دايرا ليها زول يدافع عنها ؟؟
هى ناقصة ؟
عندها اجهزة وترسانات وبشر للدفاع عنها
بتبتلع 70% من ميزانية الدوله ..
انت بتزيدهم واحد لييه ..
لوووووووووب دى زرزرة بس بى التهمة
حقيقى انا ما متابعة جيدة ولا ادعى معرفتى
بالناس هنا ..
لكن لا باس من خوض بعض النقاشات هنا
قبل ما التلج دا يسيح ..
قبيل بشوف فى التلفزيون الارادنه المعتصمين
فى ميدان عبد الناصر بالاردن مجموعات من الشباب
تم التنسيق فيما بينهم عبر الفيس بوك ..
اها كانوا بتسااااالموا ولاول مرة بلتقو بعض
داك بيقول لى انا فلان .. بالله انت فلان ؟ ويتقاااالدوا
يعنى هم اول اتعارفوا عن طريق الحوار والنقاش و
التشاور ومن ثم الاتفاق على برنامج عمل وليس
اتفاق على اشخاص ودا الفرق الجوهرى ..
البخلى هم شغلهم يتحرك ونحن شغلنا محلك سر
هم عملهم بنجض لانو تحتو نار ونحن شغل فى البارد
بحصل العكس .. نعتمد على معرفتنا بالاسماء والاشخاص
اولا ..
الناس سبب الكوارث دى قاعدة وراء الكواليس وتطلق
فى القرارات والمذكرات والبيانات والاوامر ..
وبتفتكر انو على البقية التنفيذ لانهم هم مقطعنها
وبيدهم خارطة الطريق ..
ولكن لا حياة لمن ينادوا .. فهؤلاء كفروا بمثل
هذه الطرق وبهؤلاء الاشخاص
يبقى بوضوح كدا القصة لازم تتناقش وتنجض منهم وفيهم
بس .. لا مكان للوصاية ..
التواصل عبر النت كان هو واحده من ابتداع الشباب لوسائل
جديدة فى التغيير ..
فما بنفع نجيب ليهم الطريقة القديمة عشان نمررها عبر
اختراعهم الجديد مش كدا ؟؟
|
|