الحفلة شغالة هسة في النيل الأزرق البتفوته نص عمرو ضاع ولاعزاء للأعزاء فيما وراء البحار!! وياحبيب ورد الأماني الحلوة في أعماقي فتتتتح !! وردي يا أحن الناس حنان يارب يديك ألف عافية
Quote: الحفلة شغالة هسة في النيل الأزرق البتفوته نص عمرو ضاع ولاعزاء للأعزاء فيما وراء البحار!! وياحبيب ورد الأماني الحلوة في أعماقي فتتتتح !! وردي يا أحن الناس حنان يارب يديك ألف عافية
من رأي -كمستمع للأسطورة - محمد وردي أنه قد آن الأوان ليتوقف عن الغناء .. فلا الصوت هو.. ولا الأوركسترا هي.. ما يفعله وردي الان هو تخريب لتلك الالياذات الدرر....
في مكان غير هذا كتبت مقال وبوست عن ( ثقافة التخوين) !
متوسمة فيك الخير يا أخوي وماعاوزاك تكون من الذين يخونون الناس وخاصة الرموز القدمت الكتير
ووردي قدم للشعب السوداني فن جميل وما عشان صورة ظهر بغني فيها وقاعد فيها البشير نلغي كل شيء سمح
قدمه لينا ورسخ في وجدانا من فن راقي وجميل حتى من دون ما نعرف ملابسات الصورة دي شنو !!
انا فتحت البوست ده كمستعمعة ومحبة لوردي الفنان ولفنه الجميل وياريت نقدر ماندخل السياسة في كل
حاجة في المنبر لانو الحال أصلاً محبط والواحد بحاول مرات يفتش عن حاجة كويسة وسط الشين .. ياريت !!
وتسلم وبكرة أحلى للبلد والشعب يارب
كن بألف خير
الأخت الأستاذة/ نــادية
سلام
لا نختلف أبدا في ما قدمه وردي.. صرح شامخ في تاريخ الغناء السوداني.. فنان القرن الماضي في افريقيا.. ماضي عريق.. لكن........................................................ معذرة.. ولا لا يا حبيبة.. العفو.. ثم العفو.. وليتها لم تكن مداخلة حتى تحبطك... لك العتبى..
والله يانادية قلت ازوق شوية من ناس "زنقة زنقة" . وانا استعرض القنوات القي ليك وردي متحكر حضرتها من قولت تيت - الله كريم- وبعد مجابدة اقنعت ناس البيت يجو يقعدو معاي وانو والله دي ما "الجزيرة" ولا "بي بي سي"
Quote: والله يانادية قلت ازوق شوية من ناس "زنقة زنقة" . وانا استعرض القنوات القي ليك وردي متحكر حضرتها من قولت تيت - الله كريم- وبعد مجابدة اقنعت ناس البيت يجو يقعدو معاي وانو والله دي ما "الجزيرة" ولا "بي بي سي"
هههههه والله أنا ذاتي زيك وكادت قنوات الزنقة زنقة تضيع مني الجمال الوردي ده
ارجو السماح بالتعليق فعلاً جاني إحساس نحن مغتربين السعودية ما زي الجماعة ديل مالنا.... ملاحظتي التانية الجمهور لم يتفاعل مع الفنانة الأثيوبية رغم إنها حاولت بالأغاني السودانية ترضيه بكافة السبل لكن جماعتك كأن على رؤوسهم الطير حتى قلت في نفسي والله ما تستاهلوها يا ناس دبي ما تخلو عندكم دم شوية هي صحيح ما زي وردي طبعاً بس حاولت أن تغني لعثمان حسين لإسعاد الجمهور .. شكرا
الأستاذة نادية لا أدرى ولماذا تمت المنتجة وعدم عرض النشيدين ؟؟؟ وقد كان التفاعل على أشده !!
القامة محمد عثمان وردي لا جدال في مواقفه ولو تشوبها الحدة في معظم الأحيان لكن المدهش أن تم التوافق على حفل في مدينة أبوظبي وألغي بعد التوقيع على الأتفاق أليس في الأمر عجب ؟؟؟
Quote: الأستاذة نادية لا أدرى ولماذا تمت المنتجة وعدم عرض النشيدين ؟؟؟ وقد كان التفاعل على أشده !!
ما بقدر أجاوبك على السؤال ده لكن أعتقد والله أعلم يكون الزمن مثلاً ؟! والملاحظ إنو عملية المونتاج تمت هناك في الامارات أعتقد وناس النيل الأزرق بيكونوا أكثر دراية طبعاً
Quote: القامة محمد عثمان وردي لا جدال في مواقفه ولو تشوبها الحدة في معظم الأحيان لكن المدهش أن تم التوافق على حفل في مدينة أبوظبي وألغي بعد التوقيع على الأتفاق أليس في الأمر عجب ؟؟؟
برضو السؤال ده ممكن يجاوبوا عليهو المنظمين للحفل في أبو ظبي وإحتمال يكون لأسباب موضوعية وليس سياسية موش ممكن أخي نيو سوداني ؟؟
هو وردي .. فنان من كوكب آخر .. أتى ليسعد أهل الأرض التعيسة .. (وفي رواية ليتعسهم) ..
أسه عليك الله يانادية كان قعدت أسمع في مقدمة بناديها أو الود .. أو مقطع واحد من مرحباً يا شوق .. (أثقلت كفي الضراعات .. مثلاً) .. مش أحسن مليون مرة من النهيق القاعدين يهرونا بيهو الجنيات العاملين تففهم (جمع تِفة) زي ليفة الجبنة ديل؟؟؟؟
لكن بس ...
للأسف لابد من لكن هذه .. أنا لو في مكان أبو الورود لجلست أنقي لي كم واحد من (الجنيات ديل) ولسمحت لبعضهم بترديد أعمالي .. مع المتابعة الدقيقة لأدائهم .. وذلك حتى أمكن الناس من الاستماع المستمر لهذه الأعمال بأصوات أكثر شباباً .. ولا شئ يخلد أيها الهرم النوبي العظيم!!!!!
Quote: هو وردي .. فنان من كوكب آخر .. أتى ليسعد أهل الأرض التعيسة ..
بالتاكييييد هذا هو وردي بذات وردية فنه النادي !!
Quote: أسه عليك الله يانادية كان قعدت أسمع في مقدمة بناديها أو الود .. أو مقطع واحد من مرحباً يا شوق .. (أثقلت كفي الضراعات .. مثلاً) .. مش أحسن مليون مرة من النهيق القاعدين يهرونا بيهو الجنيات العاملين تففهم (جمع تِفة) زي ليفة الجبنة ديل؟؟؟؟
ياتهم ديل ؟ هو ( الجيل) خلا شعراً زي التفة تاني ماكله ناااعم وسمح بطل حسادة ياخ ههههه
Quote: لكن بس ...
للأسف لابد من لكن هذه .. أنا لو في مكان أبو الورود لجلست أنقي لي كم واحد من (الجنيات ديل) ولسمحت لبعضهم بترديد أعمالي .. مع المتابعة الدقيقة لأدائهم .. وذلك حتى أمكن الناس من الاستماع المستمر لهذه الأعمال بأصوات أكثر شباباً .. ولا شئ يخلد أيها الهرم النوبي العظيم!!!!!
أعتقد هرمنا النوبي الشامخ سمح للفنانة أسرار وأبو بكر سيد أحمد بترديد بعض أغنياته والله أعلم ! ربنا يديهو العافية العملاق وردي صوته لا يشيخ وقوي وجميل وحنين كمان من وجهة نظري الشخصية طبعاً!
Quote: ارجو السماح بالتعليق فعلاً جاني إحساس نحن مغتربين السعودية ما زي الجماعة ديل مالنا....
ما فهمتك من ناحية شنو تقصد مازي ناس الأمارات ؟ لو على السماحة والله ناس السعودية سمحين مافي كلام
Quote: ملاحظتي التانية الجمهور لم يتفاعل مع الفنانة الأثيوبية رغم إنها حاولت بالأغاني السودانية ترضيه بكافة السبل لكن جماعتك كأن على رؤوسهم الطير حتى قلت في نفسي والله ما تستاهلوها يا ناس دبي ما تخلو عندكم دم شوية هي صحيح ما زي وردي طبعاً بس حاولت أن تغني لعثمان حسين لإسعاد الجمهور ..
لا ياخ إتفاعلوا بس الكاميرا ماكانت بتركز مع الجمهور لكن كانت بتركز مع الفنانة ( وش باسم) !
Quote: وردي في الوجدان لا زالت اغنية جميلة ومستحيلة تذكرني سبعينات القرن الماضي
في اولى ثانوي حفظتها وموسيقاها عن ظهر قلب ولأجلها تعلمت العزف على العود والاكورديون( بالله شوف الدنيادي في يوم ما كنت داخل منافسة مع القامة الموسيقار بفرقة وردي احمد عثمان ساطور!!!! هو كان بمثل عطبرة على الاكورديون وانا بمثل الدامر مع الفنان الصاوي والمخرج التلفزيوني الصديق عازف الكمان يحيا الهجا!!!!!). ومن ذلك الزمن احاول حفظ اغنية عصافير الخريف وغالبني لاني ما بعرف نوتة. دي اغنية شنو ودا ابداع شنو دا؟؟؟ التحية للقامة وردي وربنا يديهو طولت العمر وكذلك الجماعة اليسار تقست
Quote: وردي في الوجدان لا زالت اغنية جميلة ومستحيلة تذكرني سبعينات القرن الماضي
في اولى ثانوي حفظتها وموسيقاها عن ظهر قلب ولأجلها تعلمت العزف على العود والاكورديون( بالله شوف الدنيادي في يوم ما كنت داخل منافسة مع القامة الموسيقار بفرقة وردي احمد عثمان ساطور!!!! هو كان بمثل عطبرة على الاكورديون وانا بمثل الدامر مع الفنان الصاوي والمخرج التلفزيوني الصديق عازف الكمان يحيا الهجا!!!!!). ومن ذلك الزمن احاول حفظ اغنية عصافير الخريف وغالبني لاني ما بعرف نوتة. دي اغنية شنو ودا ابداع شنو دا؟؟؟ التحية للقامة وردي وربنا يديهو طولت العمر وكذلك الجماعة اليسار تقست
نادية سلامات
فلتسـمحـي لـي بعد إذنك بالرّد علـى مداخلة الأخ مـحـمّد الشّيخ
سلامات أخـي مـحـمّد الشّيخ أتـمنّـى تكون بـخيـر
سبحان الله كلامك ذكّرنـي بذكرياتـي الـخاصّة مع جـميلة ومستحيلة والتّـي قدّمتها فـي صباي علـى الأكورديون فـي الدّورة الـمدرسيّة
Quote: في اولى ثانوي حفظتها وموسيقاها عن ظهر قلب ولأجلها تعلمت العزف على العود والاكورديون( بالله شوف الدنيادي في يوم ما كنت داخل منافسة مع القامة الموسيقار بفرقة وردي احمد عثمان ساطور!!!! هو كان بمثل عطبرة على الاكورديون وانا بمثل الدامر مع الفنان الصاوي والمخرج التلفزيوني الصديق عازف الكمان يحيا الهجا!!!!!). ومن ذلك الزمن احاول حفظ اغنية عصافير الخريف وغالبني لاني ما بعرف نوتة. دي اغنية شنو ودا ابداع شنو دا؟؟؟
عليك الله جيب لينا هنا فيديو نسمع ونشوف عزفك بكل الآلات الموسيقية العزفت بيها جميلة ومستحيلة ينفع ؟!
فلنجعله بوست الذكريات السمحة مع وردي وأغنياته رأيك شنو ؟!
Post: #51 Title: Re: وردي والنيل الأزرق وناس الامارات موباااالغة ياخ !! Author: Adil Osman Date: 03-20-2011, 05:17 PM