Post: #1
Title: حكومه ########ه
Author: مناهل ابراهيم
Date: 03-17-2011, 10:00 AM
ياكيزان انتو خايفين مالكم
مش انتو قلتو احنا شباب فيسبوك ساى والمعارضه هشه واحنا حبه ومامؤثرين طيب سيبونا نطلع مظاهراتنا ونوزع منشوراتنا وننضم فى اسواقنا ونرفع شعارات اسقاطكم عاليا جد حاجه تحير يفكوا معتقل يدخلوا مناضل تانى مليتوا شوارع الخرطوم بالكومرات والعساكر نوزع منشور صغيرون كده مكتوب فيو لا للغلاء يجوك ناس الامن طايرين غايتو حكومة السجم والرماد والكضبن والصهينه.
|
Post: #2
Title: Re: حكومه ########ه
Author: كمال علي الزين
Date: 03-17-2011, 10:26 AM
Parent: #1
| Quote: طيب سيبونا نطلع مظاهراتنا ونوزع منشوراتنا وننضم فى اسواقنا ونرفع شعارات اسقاطكم عاليا |
والله يامناهل يابتي بتبالغي ..
نخليكم تطلعوا وترفعوا لافتات وتبقى علينا حكاية (كان شالوهو مابنشال وكان خلوهو سكن الدار)
لحدي مانلقى البشير بخاطب في الشعب قائلاً :
فهمتكم ..
وعيت الآن ..
أنا لن أترشح ..
لقد خدمتكم ..
والله ماكنت عارف إنو إنتو جعانين والبلد فيها فساد
و..
و..
وتبدأ المسرحية إياها التي تنتهي ب :
إرحل ..
وكده ..
دي يامناهل تلقيها عند الغافل ..
وجزاك الله خيراً ..وكده ..
|
Post: #3
Title: Re: حكومه ########ه
Author: مناهل ابراهيم
Date: 03-17-2011, 10:27 AM
Parent: #1
شكلو السستم سحب باقى العنوان الكلمه المسحوبه ج ب ا ن ة
|
Post: #5
Title: Re: حكومه ########ه
Author: Abdlaziz Eisa
Date: 03-17-2011, 10:34 AM
Parent: #3
Quote:
شكلو السستم سحب باقى العنوان الكلمه المسحوبه ج ب ا ن ة
|
الأخت مناهل
سلام
طبعا الحكومة عندها كل شئ ضدها يعني النهاية وهي عارفة تماما انها ما مرغوبة..
فعلا حكومة جبــانة..
تحياتي
|
Post: #4
Title: Re: حكومه ########ه
Author: MOHAMED EL-BEELI
Date: 03-17-2011, 10:31 AM
Parent: #1
سلام اخت مناهل ..
الشخوت (######) دى تطلع شنو؟
جب انة ام كلـــ بة ام نعت آخر لا يحلو لك كتابته؟؟
وضحى باستخدام الاسبس عشان تقفلى باب التأويلات والتخمين وكل ما يمكن ان يخطر على البال كما حدث فى بوستك السابق.
|
Post: #6
Title: Re: حكومه ########ه
Author: مناهل ابراهيم
Date: 03-17-2011, 10:48 AM
Parent: #4
شكرا كمال على المرور
كرسى السلطه مابزحوا منو بالهين واموال الشعب شغالين فيها عربى وافرنجى فاهمه انهم ما حيخلو البلد باخوى واخوك لكن انا غايظانى البجاحه بتاعت الكيزان بحاولو يستهينو بينا ماعنهم برجفو نحن نحمل منشور وملصق وبيان وحناجر وهتاف وشعار وكيبورد وهم يحملون عصى وسلاح ورغم عن ذلك خائفون
نغنى ونحن فى اسرك وترجف وانت فى قصرك
|
Post: #8
Title: Re: حكومه ########ه
Author: saif massad ali
Date: 03-17-2011, 10:54 AM
Parent: #6
مناهل
سلام
اريتها كان ########ة وبس
حكومة ام فكو عريانة
|
Post: #9
Title: Re: حكومه ########ه
Author: عاطف مكاوى
Date: 03-17-2011, 10:55 AM
Parent: #6
والأغرب تصريحاتهم بدأت مثل
لا نحن لسنا كتونس ومصر وليبيا واليمن وفلسطين والبحرين وسوريا وعمان والسعودية والجزائر ....الخ
وبعد كوم يوم سوف تقرأين هنا للكيزان وأذنابهم التالي :
ما قلنا ليكم انتو مناضلي كيبوردات بس .... ومظاهراتكم لم تنجح كما كنا نتوقع
يقولون ذلك .... جنبا الي جنب بوستات المناشدة باطلاق سراح المعتقلين والمعتقلات ........... عالم عجيبة.
|
Post: #7
Title: Re: حكومه ########ه
Author: osama fadlalla
Date: 03-17-2011, 10:52 AM
Parent: #4
| Quote: الشخوت (######) دى تطلع شنو؟ |
عارف الشخوت دي لمن تكون في وصف الانقاذ احسن ما يتم توضيحها لانه مهما اوتيت من خيال لن تجد وصفا يليق بها.
تحياتي الحارة اخت مناهل
نغني ونحنا في اسرك
ترجف وانت في قصرك.....
فعلا ########ه
|
Post: #10
Title: Re: حكومه ########ه
Author: مناهل ابراهيم
Date: 03-17-2011, 11:30 AM
Parent: #7
شكرا عبد العزيز على المداخله فعلا هم اجبن مايكونو لكن الخواف ده مابقعد يقراء قصائد الشجاعه ويتباهى بالقوه من فراق
الكيزان ديل اجبن واضعف من رايت
|
Post: #11
Title: Re: حكومه جبــــــانه....!!
Author: Abdlaziz Eisa
Date: 03-17-2011, 11:52 AM
Parent: #10
حيكومة جبـــانة..
الكيزان ديل اجبن واضعف من رايت
|
Post: #12
Title: Re: حكومه ########ه
Author: مناهل ابراهيم
Date: 03-17-2011, 12:09 PM
Parent: #10
شكرا يامحمد على تنبيهك لكن انا اصلا وضحت فوق وبعدين اقول ليك كلام الحكومه دى افتح باب التاويلات من الالف للياء اى حاجه لافقه معاهم
حكوة الحراميه
حكومة القتله
حكومة تغتصب النساء
حكومة تنتهك الحريات
حكومة الكذب والفجور
حكومة الغش
حكومة ديكتاتوريه
حكومة الاعتقالات
حكومة بيوت الاشباح
حكومة التعذيب
حكومة الاغتيالات
حكومة ضد الشعب
حكومة الظلم
حكومة تجار الدين
حكومة الفصل التعسفى
حكومة الفصل السياسى
حكومة تجويع الفقراء
حكومة شرهه تاكل من دم الغلابه وما بتشبع
حكومة تطارد النساء بمايسمى النظام العام
حكومة الفساد
حكومة اهانة الشعب السودانى
حكومة الجهويه والعنصريه
حكومة شردت الشباب فى صحراء العطاله
حكومة دمرت موارد الشعب السودانى
حكومة تخدم نفسها فقط
حكومة ... و... و...
كفايه ولا ازيد
|
Post: #13
Title: Re: حكومه جـبــانة
Author: قيقراوي
Date: 03-17-2011, 12:18 PM
Parent: #12
كمال الزين الزول الزين
Quote:
دي يامناهل تلقيها عند الغافل ..
وجزاك الله خيراً ..وكده ..
|
عرضت قناة العربية تحقيق عن كيف اندلعت الثورة المصرية
اسراء - بتاعة 6 ابريل ديك - كانت كاتبة في بروفايلا في الفيس بوك ما معناه :
" ثور .. ثورة حتى النصر .. مبروك انتصار الثورة التونسية، و عقبالنا يا رب في مصر "
واحد علق :
" دنت بتحلمي يا ماما "
كلنا عشنا حلم الماما .. و شهدنا انتصار الثورة المصرية
و كل يوم بدهشونا شباب مصر
احلمي يا مناهل .. احلمي
و رهاني عليك مجيد
التعديل : انتصار الثورة جا هكذا ( النص )
|
Post: #14
Title: Re: حكومه ########ه
Author: مناهل ابراهيم
Date: 03-17-2011, 12:20 PM
Parent: #12
شكرا سيف على مرورك
دى حكومه حاله مايل وحكايته حكايه
|
Post: #15
Title: Re: حكومه ########ه
Author: سعد مدني
Date: 03-17-2011, 12:26 PM
Parent: #14
فعلاً حكومة ########ه
|
Post: #16
Title: Re: حكومه ج ب ا ن ة ش د ي د
Author: حبيب نورة
Date: 03-17-2011, 12:32 PM
Parent: #15
فوق يا مناهل
باكر ضواي
|
Post: #17
Title: Re: حكومه ########ه
Author: مناهل ابراهيم
Date: 03-17-2011, 12:38 PM
Parent: #15
شكرا عاطف مكاوى لمرورك
انا جد عايزه لى واحد من الكيزان ديل يجاوب
وكت نحن مابنخوف وشباب ساى هم بتراجفو مالم؟ ومدورين امن وبوليس واعتقال وتعذيب ووو
|
Post: #18
Title: Re: حكومه ########ه
Author: مناهل ابراهيم
Date: 03-17-2011, 12:46 PM
Parent: #17
شكرا اسامه
غايتو جابه السستم لكن ماقصر معانا غايتو الكيزان ديل تفتح قوسين وتكتب اى شئ عندك برضك ما تكون وصفتم صح
فكوا دربنا وجعتو قلبنا
|
Post: #19
Title: Re: حكومه ########ه
Author: مناهل ابراهيم
Date: 03-17-2011, 12:55 PM
Parent: #18
شكرا قيقراوى لمرورك
حاحلم وازيد الحلم شباك لو بتدوم كان دامت لغيرم ومصير الحق يبين والظلم ينجلى وسيذهبوا غير ماسوف عليهم مجرمى الحرب هؤلاء
|
Post: #20
Title: Re: حكومه ########ه
Author: مناهل ابراهيم
Date: 03-17-2011, 01:03 PM
Parent: #19
شكرا سعد مدنى على مرورك
باب القفص القافلنو الكيزان ديل لو فتحنا ذى بروفايلك ده بعد ده لا بحلهم نافع لا على عثمان عشان كده هم بقولوا معارضه هشه وبحاصروا فينا عشان ماينفتح شباك الحريه البزلزلم ده
|
Post: #21
Title: Re: حكومه ########ه
Author: BAKTASH
Date: 03-17-2011, 01:12 PM
Parent: #20
| Quote: انا غايظانى البجاحه بتاعت الكيزان |
ما براك .. ديل غايظين الشعب المسكين دا كوووووووولو..
تحياتي مناهل..
|
Post: #25
Title: Re: حكومه ########ه
Author: مناهل ابراهيم
Date: 03-17-2011, 02:49 PM
Parent: #21
شكرا BAKTASH على مرورك
فعلا فى المواصلات النقاش كلو بتكلم عن الغلاء والفساد والجماعه الكذابيين ديل بتاع الامجاد فى سوق الخضار الباعه المتجولين المعاشييين فعلا خلاص فاض بينا الكيل لكن الظلم ليلته قصيره
|
Post: #22
Title: Re: حكومه ########ه
Author: مناهل ابراهيم
Date: 03-17-2011, 01:15 PM
Parent: #20
ياحبيب نوره تسلم
ولا قيتك
همومك فوق هموم ألخير
وفى حال البلد..والريف
فى النايمين على الأحزان
فى التايهين ورا الاشواق
متين تنزح هموم الصيف
ولاقيتك
غصينا مال على الامواج
وهفهف فوق خضرة القيف
|
Post: #23
Title: Re: حكومه ########ه
Author: علي سيد همد
Date: 03-17-2011, 02:03 PM
Parent: #22
فوق
|
Post: #31
Title: Re: حكومه ########ه
Author: مناهل ابراهيم
Date: 03-18-2011, 11:15 PM
Parent: #23
شكرا على سيد همت على مرورك
ودايما فوق
|
Post: #24
Title: Re: حكومه ########ه
Author: Abdlaziz Eisa
Date: 03-17-2011, 02:03 PM
Parent: #22
سالم حميد:
حيكومة الفقر الدمار
الكضبن والصهينة
اللي ناقص ايامنا كاس
اليالطيف سوس البحر نردم قفاهو حجر .. حجر
من ها الرصيف
الما قدر قدام سريحة الموج يقيف
الما انستر الرزقية وناس وايه
نسقيها كاس اسقينا
نوريها كيف عشق الحياة
سنانا فوق حجر القصاص
سوانا ناس ضرب البحر
جوانا احد من الرصاص
|
Post: #26
Title: Re: حكومه ########ه
Author: عبدالكريم الامين احمد
Date: 03-17-2011, 03:06 PM
Parent: #24
هلا يا مناهل
وبني كوز ديل وتاريخيا ما تشوفي النفخة والفشخرة بالسلاح والرصاص الميري المضارين وراه ده ديل ناس (خوافين خوف السنين) في اقرب (عكة) ليك علي حيفكو البيرق وهاك يا دسدسة ولبيد..!!
وهم عارفين كده عشان كده بوغلو في العنف معتقدين بانهم قادرين علي قمع الاخريين واسكات صوتهم وارهابهم بالادوات والموارد بتاعة البلد من اعلام وامن وبوليس مغفل نافع..
ولكن ومهما طال الزمن ليهم يوم
وسيسكهم هذا الشعب
كركور كركور
جخنون جخنون
زنقا زنقا
|
Post: #27
Title: Re: حكومه ########ه
Author: عبدالأله زمراوي
Date: 03-17-2011, 04:04 PM
Parent: #26
مسكاقمي...
حكومة الموبقات والدمار يجب أن تذهب. شكرا مناهل...
|
Post: #33
Title: Re: حكومه ########ه
Author: مناهل ابراهيم
Date: 03-19-2011, 01:10 AM
Parent: #27
شكرا عبدالأله زمراوي
ستذهب غير ماسوفا عليها
|
Post: #28
Title: Re: حكومه ########ه
Author: Abd Alla Elhabib
Date: 03-17-2011, 04:39 PM
Parent: #26
سـلام يا مناهـل
وكمان حـلو الرجـفي والخـوف في كيزان البورد ..
واحـد يجي يقول ليك البشـير ده مؤيد من الله ولن يجـدي التظاهـر ضـد الحكومـة
وآخـر يحبط بإجتهـاد شـديد مقلـلا مـن شأن المظاهـرات وسـاخرا منهـا !!
وغـيرهـم .. كـل يحاول أن يطمئن نفسـه أن حكـومة الخـزي والفساد باقية
قاسـمهم المشـترك الخـوف والرعـب من حقيقـة ذهاب الإنقاذ وتبخـر أحلامهـم
في البقاء والسيطرة علي خلق الله ومواصلة السـرقة والنهـب والتعذيب ..
الكيزان حاقدون علي الشعـب السـوداني الذي كل ما لقي فرصة ليركلهم فيها
فعـل بلا تـردد.
فلتسـقط حكومـة اللص الكاذب البشير وليذهب الكيزان غير مأسـوف علـيهم.
|
Post: #29
Title: Re: حكومه ########ه
Author: بدر الدين الأمير
Date: 03-17-2011, 06:51 PM
Parent: #28
(نلم الدقون الكبيرة
ونحدر فقر
سمنتها الليالى الضليمة)
|
Post: #30
Title: Re: حكومه ########ه
Author: سمير شيخ ادريس
Date: 03-18-2011, 08:06 PM
Parent: #29
هديمك يا وليد مقدود
و صابحنا الفقر و الجوع
صبح باب التكل مسدود
كمل حتي الملح في البيت
وشن همّ الملح في البيت
وكت ملح الدموع موجود؟
دحين يا وليد
هو ديل موُ قالوا ناس إنجاز ؟!!
وشن سّوولنا مما جونا
غير حرقو الفضل بالجاز ؟
كّل شيتا صعب في السوق
من الكبريتة للطايوق
و كان جانا البخت تموين
رطيل سكر و صابونتين
نجيب من وين ؟
واخوك مرفود
و عدمان الشهر ملين ؟
أمس زازيت اكوس الدين
مشيت لسمية بت مامون
لقيت جابولها تلفزيون
سمح بالحيل
تشوف الصورة بى كم لون
وكت في نشرة ألأخبار
ظهر ملك البلد يضحك
جضومو كبار
مزرر للكرش بزرار
لا مهموم
لا مغموم
لا زعلان
و شيهو يراري بالألوان
وقّد في حشايا تباق نار
طريت رفد الوليد و الجوع
و سال دمع الغبينة الحار
اريتك يا ملك فد يوم
يخلى الجوع عينيك ما تنوم
أريتك يا ملك فد يوم
تحس بي غصة المظلوم
دحين يا وليد
هو ديل ما لهم و مال الدين
وكت قولهم كلام الله
و فعالهم ما فعال صالحين
كتير فيهم عديل حقار
و بالقرآن كمان تجار
و كضابين
أكان بنزين عدم .. أو جاز
وتعبوُ الناس
و ضاقو خلاص
صفوف واقفين
يقولولك إرادة الله
وكان عدم الرخيص و الغالى في التموين
يقولولك ده . غضب الله
و كان الموية صبحت طين
يقولولك ده من امريكا .. والعملا
حمونا الشب
ولاد الكـــــــــــب
عشان الشعب يحرن تب
يقبّل من صراط الدين
دحين يا وليد
هو ديل ما لهم و مال الدين
أكان كنزو الدهب و المال
بلايينهم تسوى جبال
وعرباتهم تخطف العين
و بناياتم قصور في قصور
وحاة الله و كتاب الله
أكان ادونا طوب فد سور
كان سوينا
الف أويضة لي مسكين
فترنا من الخطب يا وليد
و من طيش العقيد و عميد
و من قل القرش في الايد
و من تعب الوقوف في الصف
ومن غبن الرصع بالكف
و من حفر الدروب و اللف
و من خت الحلم في الرف
كل يوماَ نقيحنا يزيد
دحين يا وليد
هو كم دغشاَ
عشان نلقاهو دافرنا
و تعبنا شديد؟
و كم حولا صيامنا صبر
عشان يشرق هلال العيد ؟!
اح ح يا وليد
لا حتى الخبيز إنضاق
و لا هدما كسانا جديد
و شوف المغسة كيف يا وليد
سموُ شقانا صالح عام
و كل دمعاَ نزل من عين
و كل جوعاَ سكت بالدين
و كل زيناَ محاهو الشين
ختو وقعيتو في الإسلام
حرامهم يا وليدي حلال
وا نحنا حلالنا كلو حرام
يقلبو الدين
نصّل سكين
و ناسين الحساب قدام
اخر زمن يا وليد
نشوف كل البشاتنلون
يفوت هولاكو دوب نرتاح
ينط في الكرسي نابليون
اريتك يا أمير حالي
جعيص في الكرسي في الخرتوم
و ساويلك الف والي
نبايعك للظلم و الجوع
نبايعك وكل ضيم مشروع
نبايعك و جيتنا جيش و دروع
نبايعك و الحكم مقلوع
نبايعك و القسم مخدوع
نبايعك من سجن عالى
أخر زمن يا وليد
حصيف العين يلاقى و يشوف
زمان ظلم السلف بالسيف
و حسه السيف كلاشينكوف
غير زمن الهوان و الجوع
كمان طالع زمان الخوف
ديل ما برتو لى إنسان
كم ولداَ وقع نشفان
وكم زهراَ
كِتل و اتحت في رمضان
لا شهراَ حرام إتصان
لا كفنا ستر صبيان
لا شاهد قبر معروف
لا اماَ برد نارها
سكت و إرتاح نزيف الجوف
دحين يا وليد
أ كان حسع
ده ديش مصعب
و أكان بيرق علي الكرار
منو الكفار ؟!!!
منو القاصدينو بالتكبير
و بالتهليل و ضرب النار؟!
اخاف نحنا
و أكان نحنا
أخير نضحك
كتير سبب الضحك بخته
شوف المغسة يا وليدي
ديل ما حسه ناس حُقار؟
ده ذى دق الطبول للموت
وذي وقد البلد بالنار
إلا نشوف أكان ساهرين
معاك يا جوع
و أ كان ضيقنا إتحفر في ضلوع
و أكان صابرين علي الفجار
وحاة الله و كتاب الله
وكت نغلي و نكوس التار
لا سوراَ بقيف في وش
و لا لهب الغبن بترش
و لا صفاَ يميل بالقش
كل ظالماَ يقع و يندش
و سيل دمع البلد ينقش
لا بحبس حلقنا الخوف
و لا بترجع
اكان لعلع كلاشينكوف
هديمك يا وليد مقدود
و صابحنا الفقر و الجوع
صبح جلد البطن مشدود
شن بتسو
و أخيك من شهر مرفود
و قالو صالح عام
عشان قال العوج في العود
نان ما يقول
أريت يقول
عديل يا زول
هديك البغلة في الابريق
ما هامينا صالح عا-
وديش مصعب و لا الحجاج
و لا بكتل قلبنا الجوع
و موت منقذنا ولا الضاج
خلي الضيق يزيد يا وليد
بكرة الضيق يخلى الناس
تبقى عُصّار علي الحقار
و تبقي حريق
قريب يا وليد صيامنا يتم
و يهل و يشرق هلال العيد
نحس طعم الخبيز
و يتبدل هدمنا جديد
هاشم صديق
|
Post: #37
Title: Re: حكومه ########ه
Author: مناهل ابراهيم
Date: 03-19-2011, 01:45 AM
Parent: #30
تسلم سمير شيخ ادريس
ويسلم هاشم صديق
|
Post: #36
Title: Re: حكومه ########ه
Author: مناهل ابراهيم
Date: 03-19-2011, 01:37 AM
Parent: #29
شكرا بدر الدين على مرورك الراقى
|
Post: #34
Title: Re: حكومه ########ه
Author: مناهل ابراهيم
Date: 03-19-2011, 01:29 AM
Parent: #28
شكرا عبد الله على مرورك
ستسقط حكومتهم وسيحاكموا وسيكتب التاريخ
|
Post: #32
Title: Re: حكومه ########ه
Author: مناهل ابراهيم
Date: 03-18-2011, 11:29 PM
Parent: #26
شكرا عبد الكريم
فعلا جبنـــــــــــــاء وخوافيــــــــــــن
|
Post: #35
Title: Re: حكومه ########ه
Author: صديق الموج
Date: 03-19-2011, 01:33 AM
Parent: #32
مناهل ......سلام بطعم الحريه
بس انتو واصلوا كفاحكم الحاجات بتبقى كويسه،،،
|
Post: #38
Title: Re: حكومه ########ه
Author: مناهل ابراهيم
Date: 03-19-2011, 02:02 AM
Parent: #35
شكرا صديق الموج
انه سلام عظيم
وحنواصل عشان الحاجات تبقى كويسه
|
Post: #39
Title: Re: حكومه ########ه
Author: Abdlaziz Eisa
Date: 03-19-2011, 11:53 AM
Parent: #38
|
Post: #40
Title: Re: حكومه جبــــــــــــــانه
Author: Abdlaziz Eisa
Date: 03-21-2011, 06:28 AM
Parent: #39
عشان التغيير..
عشان باكر يكون أفضل..
عشان الحاجات تبقى كويسة..
|
Post: #41
Title: Re: حكومه جبــــــــــــــانه
Author: عاطف مكاوى
Date: 03-21-2011, 07:13 AM
Parent: #40
حكومة جب.انة
|
Post: #42
Title: Re: حكومه جبــــــــــــــانه
Author: عمار عوض
Date: 03-21-2011, 07:18 AM
Parent: #40
غنى يا خرطوم وغنى وشدى اوتار المغنى وضوى من جبهة شهيدك امسياتك واطمانى
ديل انحنا القالو متنا
وقالوا فتنا
وقالوا للناس انتهينا
نحنا منك ريح وهبت نار وشبت فى وجوه الخانو اسمك يا جميلة
عشان الحاجات تبقى كويسة
|
|