Post: #1
Title: السماح للمغتربين بادخال السيارات المستعملة
Author: مصطفى احمد الضو
Date: 03-16-2011, 12:31 PM
وأخيراً انتصر الجهاز لمغتربيه..
|
Post: #2
Title: Re: السماح للمغتربين بادخال السيارات المستعملة
Author: مصطفى احمد الضو
Date: 03-16-2011, 12:34 PM
Parent: #1
بقرار وزاري :
وزارة التجارة الخارجية تسمح للمغتربين باستيراد العربات المستعملة
استثنت وزارة التجارة الخارجية في قرارها الخاص بحظر استيراد السيارات المستعملة ، فئة المغتربين حيث سمح لهم القرار الوزاري رقم ( 24 ) 2010 م باستيراد عربة واحدة للاستعمال الشخصي على ألا يتجاوز عمرها ثلاث سنوات وذلك في حال العودة النهائية ، واشترط القرار تقديم خطاب معتمد من جهاز تنظيم شئون السودانيين العاملين بالخارج يحدد فترة الاغتراب وتأكيد العودة النهائية ، كما استثنى القرار حظر العربات المستعملة من الشاحنات والآليات المتحركة وتشمل آليات التربة ، الروافع ، آليات السفلتة والآليات الزراعية شريطة الا يتجاوز عمرها عشر سنوات .
المصدر: اعلام جهاز المغتربين
|
Post: #3
Title: Re: السماح للمغتربين بادخال السيارات المستعملة
Author: راشد فضل
Date: 03-16-2011, 12:47 PM
Parent: #2
مشكلتك مع الجهاز كانت عربية وبس يا ابو محمد؟؟
أنا غايتو غير كدا وبضمن ليك مصطفى يوسف وقيل كمال ادريس واعتقد ان القائمة ستطول والله اعلم
مع خالص تحياتي
|
Post: #5
Title: Re: السماح للمغتربين بادخال السيارات المستعملة
Author: Hisham Ibrahim
Date: 03-16-2011, 01:02 PM
Parent: #3
دا الإنتصار عندكم ؟
منو البقدر يأمن ليهو سيارة عمر موديلها 3 سنوات ..
ياخي الأقساط لمن تنتهي حقت السيارة بتكون مر على الموديل 5 سنوات ..
والا الوهم ديل فاكرين بس الواحد راجي نهاية آخر قسط واغراضو في السيارة ..
نحنا سياراتنا من آخر موديل 13 سنة ،، وفي ناس راكبين موديلات 78 لسه ...
خليكم مع الناس في محنها ما مع الظالم في ظُلمه وغيه ...
لعنة الله على الجهاز وكل من حوله وفيه ووراءه ....
هذ الجهاز الذي أرانا صنوف القهر والعذاب ، والله الغُربة كوم والجهاز دا كوم براهو ..
الله يلعن اليوم السوو فيهو الجهاز دا ويلعن الفكر فيهو وكل من تولى فيه كرسي ليوم الدين ....
استغفر الله العظيم من الإستفزاز ال######## الرخيص ...
العاملين بالخارج .. إنتو العاملين بالخارج بتعرفوا ليهم شنو ؟؟
بس هم مطية لإغراضكم ال######## من فساد وقهر وظلم للعباد وأهلهم ..
سيارة موديل عمرو 3 سنه !! 3 سنه في غوانتنامو يا وهم ...
هسع الجهاز دا يوم فيهو واحد لاقى ليهو لجنة والا ناس طالبين خبرات ؟؟
الناس البره دي ما عاجبها الغُربة ، لكن جابرها الأمر من المُر ذاتو ...
كفى قرف يا أهل الجهاز .. كفى
|
Post: #9
Title: Re: السماح للمغتربين بادخال السيارات المستعملة
Author: Mamoun Ahmed
Date: 03-16-2011, 01:34 PM
Parent: #3
وليه يكون لازم تكون موديلها حدو تلاته سنوات فقط؟
الانا عارفو معظم العربات تشتري بالتقسيط
ولايتم امتلاكها الا بعد اكمال الاقساط لمده اربعه سنوات
في الغالب
اذن القرار يستفيد منه فقط من يشترون عربات بالكاش
وهؤلاء فئة نادرة جدا
لن يستفيد من القرار سوى التجار
|
Post: #4
Title: Re: السماح للمغتربين بادخال السيارات المستعملة
Author: محمد عبد الماجد الصايم
Date: 03-16-2011, 01:00 PM
Parent: #2
أستاذنا مصطفى .. أخباركـ والأمور
قرار لا يُسمن ولا يُغني من جوع!!
|
Post: #6
Title: Re: السماح للمغتربين بادخال السيارات المستعملة
Author: مصطفى احمد الضو
Date: 03-16-2011, 01:20 PM
Parent: #4
Quote: مشكلتك مع الجهاز كانت عربية وبس يا ابو محمد؟؟
|
ود فضل.. كيفنك
مشكلتنا طويلة مع الجهاز
.. وأنا طبعاً خارج قائمة الثلاث سنوات
بل وحتى العشرة .. زي حالاتك وكيمو ودرش والبقية.
خارج النص:
كويس الشفناك بهذا الخبر (المستفز!!)
|
Post: #7
Title: Re: السماح للمغتربين بادخال السيارات المستعملة
Author: مصطفى احمد الضو
Date: 03-16-2011, 01:22 PM
Parent: #6
| Quote: على ألا يتجاوز عمرها ثلاث سنوات وذلك في حال العودة النهائية |
الاثنان.. يحتاجان لإعادة نظر..
|
Post: #8
Title: Re: السماح للمغتربين بادخال السيارات المستعملة
Author: ابوبكر قسومة
Date: 03-16-2011, 01:27 PM
Parent: #6
أخونا مصطفي أحمد الضو
الخبر ده منذ عام 2010 وهذا واضح من رقم القرار (24/2010) , يعني الجهاز لا انتصر للمغتربين ولا شتين .
|
Post: #10
Title: Re: السماح للمغتربين بادخال السيارات المستعملة
Author: مصطفى احمد الضو
Date: 03-16-2011, 02:01 PM
Parent: #8
| Quote: يعني الجهاز لا انتصر للمغتربين ولا شتين . |
الأخ أبوبكر
أذكروا محاسن موتاكم..
|
Post: #11
Title: Re: السماح للمغتربين بادخال السيارات المستعملة
Author: الصادق خليفة
Date: 03-16-2011, 02:40 PM
Parent: #10
| Quote: قرار لا يُسمن ولا يُغني من جوع!! |
ود الصائم قلت وقولك الحق
|
Post: #12
Title: Re: السماح للمغتربين بادخال السيارات المستعملة
Author: Hadia Mohamed
Date: 03-16-2011, 02:56 PM
Parent: #2
وزارة مستهبلة
|
Post: #13
Title: Re: السماح للمغتربين بادخال السيارات المستعملة
Author: ebrahim_ali
Date: 03-16-2011, 03:42 PM
Parent: #12
| Quote: ود الصائم قلت وقولك الحق |
ود الخليفة وقولك الفصل
يعني سيارة لا يقل موديلها عن ثلاثة سنوات وعودة نهائية، الأخيرة هذه أرى أنكم لم تنظروا لها
|
Post: #14
Title: Re: السماح للمغتربين بادخال السيارات المستعملة
Author: اميرة السيد
Date: 03-16-2011, 03:47 PM
Parent: #13
Quote: دا الإنتصار عندكم ؟
منو البقدر يأمن ليهو سيارة عمر موديلها 3 سنوات ..
ياخي الأقساط لمن تنتهي حقت السيارة بتكون مر على الموديل 5 سنوات ..
والا الوهم ديل فاكرين بس الواحد راجي نهاية آخر قسط واغراضو في السيارة ..
نحنا سياراتنا من آخر موديل 13 سنة ،، وفي ناس راكبين موديلات 78 لسه ...
خليكم مع الناس في محنها ما مع الظالم في ظُلمه وغيه ...
لعنة الله على الجهاز وكل من حوله وفيه ووراءه ....
هذ الجهاز الذي أرانا صنوف القهر والعذاب ، والله الغُربة كوم والجهاز دا كوم براهو ..
الله يلعن اليوم السوو فيهو الجهاز دا ويلعن الفكر فيهو وكل من تولى فيه كرسي ليوم الدين ....
استغفر الله العظيم من الإستفزاز ال######## الرخيص ...
العاملين بالخارج .. إنتو العاملين بالخارج بتعرفوا ليهم شنو ؟؟
بس هم مطية لإغراضكم ال######## من فساد وقهر وظلم للعباد وأهلهم ..
سيارة موديل عمرو 3 سنه !! 3 سنه في غوانتنامو يا وهم ...
هسع الجهاز دا يوم فيهو واحد لاقى ليهو لجنة والا ناس طالبين خبرات ؟؟
الناس البره دي ما عاجبها الغُربة ، لكن جابرها الأمر من المُر ذاتو ...
كفى قرف يا أهل الجهاز .. كفى
..........................................................
والله عافيت منك يا هشام
ده الكلام الكل مهاجر ومغترب عاوز يصرخ بيه بس ما قدرنا نعبر.. اتفشيت فيه تمام وبردت قلوبنا
[Profile] [Edit] |
|
Post: #15
Title: Re: السماح للمغتربين بادخال السيارات المستعملة
Author: محمد عبدالقادر سبيل
Date: 03-16-2011, 04:06 PM
Parent: #14
اخي مصطفى
السلام عليكم ورحمة الله وبركاته
هل مسموح للمغترب بادخال هذه الموديلات بدون رسوم جمركية وضرائب ؟
ام ان وجه الانجاز هو فقط في ادخال موديل السنة الفاتت ؟
شكرا
________________
رب اشرح لي صدري
|
Post: #16
Title: Re: السماح للمغتربين بادخال السيارات المستعملة
Author: الامين موسى البشاري
Date: 03-16-2011, 04:08 PM
Parent: #14
إذا رأيت أنياب الليث بارزة *** فلا تحسبن ان الليث يبتسم
الله يستر معناها بل أكيد في ضرائب تقيلة جايه على المغتربين
عشان يعوضوا بترول الجنوب
...
...
__
سلام
|
Post: #17
Title: Re: السماح للمغتربين بادخال السيارات المستعملة
Author: الامين موسى البشاري
Date: 03-16-2011, 04:08 PM
Parent: #14
إذا رأيت أنياب الليث بارزة *** فلا تحسبن ان الليث يبتسم
الله يستر معناها بل أكيد في ضرائب تقيلة جايه على المغتربين
عشان يعوضوا بترول الجنوب
...
...
__
سلام
|
Post: #18
Title: Re: السماح للمغتربين بادخال السيارات المستعملة
Author: welyab
Date: 03-16-2011, 04:17 PM
Parent: #13
حول مشكلة موديل السيارات عند العودة النهائية للمغتربين والمقدرة بثلاث سنوات لاتفي الغرض والحكاية في النهاية ستكون مجرد بيع وشراء للتصاديق المستخرجة لحاملي تاشيرات الخروج النهائي وتنشط سوق السماسرة والتجار الباحثين عن التصاديق ...
الفكرة من حيث المبدا جيدة وتعطي فرصة لذاك المغترب الذي اضاع من سنين عمره السنوات الطوال في اقتناء سيارة - اي العودة بها من مغتربه - ولكن كما اسلف الكثيرون في تعليفاتهم بان القدرة الشرائية للمغتربين لا تحقق لهم ذلك فاغلب المغتربين لا يملكون كامل قيمة سيارة بتلك المواصفات عند عقد نية العودة النهائية -ان كانت طوعية او اجبارية - لانه كما قيل لو هو مظبط نفسه كويس يكون يادوب سدد الاقساط .. وبذلك لن يستفيد المستهدف الحقيقي (المغتربين) الذين يكابدون الكثير حيث انه اصبح من المعتاد ان تصدر قرارات باسمائهم!!! ليستفيد بها قلة قليلة منهم وجمع غفير من التجار والسماسرة وصانعي القرار .
ولكن هنالك تجارب سابقة واساليب متبعة لدى كثير من الجاليات المغتربة فالنظم المعمول بها في دولهم... تتيح لهم فرص افضل بكثير ..
فمثلا هنالك فترة سماح ممتدة الى خمس سنوات بشرط ان يكون المستفيد هو المالك الاول -( يعني الاستمارة تكون طلعت من الشركة باسمه قبل تلك السنوات الاربعة أو الخمس حسب الموديل ) اما في حالة الموديلات المتاخرة ثلاث سنوات فلا مانع بان تكون الملكية منقولة - بيع وشراء -
وكمان السؤال ليه عند العودة النهائية؟؟؟ ليه ما تكون مرة واحدة للمغترب ؟؟؟
يعني ممكن واحد يعمل خروج نهائي ويستفيد من المنحة ويرجع تاني بتاشيرة جديدة ويكرر العملية اكثر من مرة !!!
|
Post: #19
Title: Re: السماح للمغتربين بادخال السيارات المستعملة
Author: عبد الملك يوسف الملك
Date: 03-16-2011, 10:11 PM
Parent: #18
مصطفى الضو
اول مرة تكتب كصحفي وليس كزول مغبون
هذه مغالبة للنفس تستحق عليها التقدير
الهجوم على الجهاز اذا عمل او لم يعمل
الهجوم على الجهاز بسبب وبدون سبب
ومن لايشكر الناس لايشكر الله
لن تطيقوا مع الرجل صبرا.... والله يعمل ليل نهار
من اجل المغتربين بحكم عمله وبحكم رغبته ان ينجز
وقف في الايام الاخيرة ضد وزارة المالية التي ارادت ادخال قدر من التحويل الالزامي
ووقف ضد ادارة الضرائب التي ارادت اعادة الضرائب على كل المهنيين
وقف مع ادارة الخدمة الوطنية حتى رفت سقف الخدمة المدنية فخرجنا كلنا من مظلتها
وقف مع الجمارك حتى اتاحوا لاي مغترب اعفاء لاغراضه في اي مرحلة ودون شرط العودة الطوعية
واشهد الله انني تمتعت بذلك الحق الحلال
بعض الناس لن يعجبهم العجب خلقوا وفي جوفهم بئر اساءة ما ان يروا شيئا يتحرك
الا وصبوا عليه دلوا من الاساءة
شكرا صديقي قائد جهاز المغتربين
لن يشكروا لك صنيعا لكن تكفيك راحة الضمير
|
Post: #20
Title: Re: السماح للمغتربين بادخال السيارات المستعملة
Author: مصطفى احمد الضو
Date: 03-18-2011, 10:01 PM
Parent: #19
Quote: منو البقدر يأمن ليهو سيارة عمر موديلها 3 سنوات ..
ياخي الأقساط لمن تنتهي حقت السيارة بتكون مر على الموديل 5 سنوات ..
والا الوهم ديل فاكرين بس الواحد راجي نهاية آخر قسط واغراضو في السيارة ..
نحنا سياراتنا من آخر موديل 13 سنة ،، وفي ناس راكبين موديلات 78 لسه ...
خليكم مع الناس في محنها ما مع الظالم في ظُلمه وغيه ...
لعنة الله على الجهاز وكل من حوله وفيه ووراءه ....
هذ الجهاز الذي أرانا صنوف القهر والعذاب ، والله الغُربة كوم والجهاز دا كوم براهو ..
الله يلعن اليوم السوو فيهو الجهاز دا ويلعن الفكر فيهو وكل من تولى فيه كرسي ليوم الدين ....
استغفر الله العظيم من الإستفزاز ال######## الرخيص ...
العاملين بالخارج .. إنتو العاملين بالخارج بتعرفوا ليهم شنو ؟؟
بس هم مطية لإغراضكم ال######## من فساد وقهر وظلم للعباد وأهلهم ..
سيارة موديل عمرو 3 سنه !! 3 سنه في غوانتنامو يا وهم ...
هسع الجهاز دا يوم فيهو واحد لاقى ليهو لجنة والا ناس طالبين خبرات ؟؟
الناس البره دي ما عاجبها الغُربة ، لكن جابرها الأمر من المُر ذاتو ...
كفى قرف يا أهل الجهاز .. كفى
|
أوافقك أخ ابراهيم
في كل ما ذكرت عن الجهاز
وأدواره الغائبة طوال السنوات الماضية..
|
|