Post: #1
Title: اعلان توقف من يوم 22 الى يوم 25 مارس
Author: د.نجاة محمود
Date: 03-16-2011, 03:00 AM
Parent: #0
وانصح كل الرماديين و الضحكونجية والكيزان وأذيالهم والامنجية
والشينات والقواعد من النساء وتبارك
يعملوا برضوا اختفاء كامل
المرة دي فيها ضبح اسفيري عديل كدا
لو مشوا المناضلين ولم يجدو احد والثورة طرشقت
بقدر الحماس والاحلام حيجي الاحباط
وحيسكوكم في كراكير الاسافير حرف حرف كلمة كلمة جملة جملة
اي حاجة حتكون مباحة في الافترماث حق
زلزال 21 مارس..
الارضة جربت الحجر
|
Post: #2
Title: Re: اعلان توقف من يوم 22 الى يوم 25 مارس
Author: القلب النابض
Date: 03-16-2011, 03:07 AM
Parent: #1
لوووول يا دكتورة
الجماعة بقو يفكو حديقة حيوان كاملة في البورد
يعني دايرة تقري ليك حاجة إلا تزحي الحمار كدي حتين تقري
اتخيلي ..
ابوانقدخ زاتو خشى الميدان.. شايل ليو ضفدعة ..
يبدو انها ستكون
ذات الحمير.. ذات الضفادع الله اعلم ...
|
Post: #3
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-16-2011, 03:23 AM
Parent: #2
| Quote: ذات الحمير.. ذات الضفادع الله اعلم ... |
لووووووووووول
مرة زمان صاحبتي اشترت منقة وقاطعة الديم الكيس ووقع المنقة اشتت
اها بس في شباب كدا قاعدين
بقو يغنو شايل المنقة يا لون المنقة ما عارف كيف نحنا بنشقى
اسع انت تغني يا شايل الضفدع يا شكل الضفدع
والحمار الخ الخ
بالجد اخدي اجازة كاملة في الايام المذكورة اعلاه
|
Post: #4
Title: Re: اعلان توقف من يوم 22 الى يوم 25 مارس
Author: محمد المسلمي
Date: 03-16-2011, 03:44 AM
Parent: #3
Quote: وانصح كل الرماديين و الضحكونجية والكيزان وأذيالهم والامنجية
والشينات والقواعد من النساء وتبارك
يعملوا برضوا اختفاء كامل
المرة دي فيها ضبح اسفيري عديل كدا
لو مشوا المناضلين ولم يجدو احد والثورة طرشقت
بقدر الحماس والاحلام حيجي الاحباط |
الدكتورة نجاة لكي التحية الجماعة الذين يدعون للخروج هم لايخرجون الاهنا في البورد
|
Post: #5
Title: Re: اعلان توقف من يوم 22 الى يوم 25 مارس
Author: khaleel
Date: 03-16-2011, 06:02 AM
Parent: #4
سلام دكتورة
وحتي ان لم تنجح يوم 21 مارس ايضا
سياتي مائة واحد وعشرين مارس اخر
المعركة طويلة مع الجبهة الاسلامية
وحتما سيرحل التتار من ديارنا
|
Post: #6
Title: Re: اعلان توقف من يوم 22 الى يوم 25 مارس
Author: Hussein Mallasi
Date: 03-16-2011, 06:07 AM
Parent: #5
Quote:
وحتي ان لم تنجح يوم 21 مارس ايضا
سياتي مائة واحد وعشرين مارس اخر
المعركة طويلة مع الجبهة الاسلامية
وحتما سيرحل التتار من ديارنا |
ما عرفتك يا خليل 
|
Post: #7
Title: Re: اعلان توقف من يوم 22 الى يوم 25 مارس
Author: khaleel
Date: 03-16-2011, 06:17 AM
Parent: #6
صباح الخير يا ملاسي
لازم نعمل
back up
مش في علم الهندسة بقول ليك اعمل التصميم لي
worst case
اذا فشلت يوم 21 مارس
ما تحصل شماتة
|
Post: #8
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-16-2011, 04:16 PM
Parent: #7
يا خلي
لا يوجد شماتة فقط حزن لقطع رحط ما دافعين المهر حقو..
من سنة 2008 بتحول لتخطة نار
المرة دي اليفتشو زول غيري عاد
|
Post: #9
Title: Re: اعلان توقف من يوم 22 الى يوم 25 مارس
Author: Barakat Alsharif
Date: 03-16-2011, 07:08 PM
Parent: #8
Quote: مش في علم الهندسة بقول ليك اعمل التصميم لي
worst case |
يا ريت لو طبقوا النظرية دي على العنوان الفوق
21 مارس ستخرج (شوارع) الخرطوم
عنوان فانتازي سريالي عريض المنكبين ، وكلام غزل منظوم لذيذ يجعل النوم مريحا لظلوط، وحرف (السين) واخته (سوف) هما مخدة لا من مخدة له، وبين اليقظة والأحلام يرى الرائي ميدان ابوجنزير وقد احتل نصف شاشة قناة الجزيرة، النصف الآخر محجوز لليبيا واليمن، وبن قنة تدير حوارا مع.. (رشحوا لينا واحد من سودانيز اون لاين يكون حنكو سنين زي المصريين) يعلن هذا السودانيز اون لايني أنه حتى لو تحرك الفكي ابوجنزير شخصيا من مكانه وطلب منهم المغادرة فهم لن يغادروا الميدان.....هيييييع في رجالة اكتر من كده؟؟؟
وين ود الباوقة؟؟؟
ملحوظة
ظلوط قرر ان يقاضي قناة الجزيرة التي لا تهتم بتفسير احلامه، حتى لو كانت نتيجة آخر (مرقة) للشارع هي شمار في مرقة وحضرنا ولم نجدكم
|
Post: #10
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-17-2011, 00:59 AM
Parent: #9
كلامك دا يا بركات بيوصلك شنقة الايقونة
انت برضو تاحد اجازة
مع المودة
|
Post: #16
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-17-2011, 02:53 AM
Parent: #4
يا مسلمي الموضوع كله محزن جدا
كل مرةمظاهرة بعداك اطلقوا سرح علان وعلان شنو
ولا جديد ولا تغير
سلطة باطشة
تتغير فقط بصندوق الاقتراع.ز
|
Post: #29
Title: Re: اعلان توقف من يوم 22 الى يوم 25 مارس
Author: mayada kamal
Date: 03-18-2011, 02:29 PM
Parent: #16
يا دكتورة
ازيييييييييييييييييييك
ختي في بطنك بتيخة صيفي
والله ديل ما يطلعوا نملة الشارع
خليكي من يطلعوا مظاهرة كاملة النصاب
Quote: سلطة باطشة
تتغير فقط بصندوق الاقتراع |
صناديق الاقتراع دي
الحكومة في الانتخابات الاخيرة دعمت الاحزاب ودفعت قروووش عديييييييييييل ليها .......عشان تقوي نفسها وتنازل الحكومة في الانتخابات
لكن الجماعة قبضوا
وعملوا نايمين على القروش
وشفتوا كلكم مافي حزب كمل للاخر
بل انسحب ت وماااااااااااصت زي حلاوة القطن
|
Post: #11
Title: Re: اعلان توقف من يوم 22 الى يوم 25 مارس
Author: mohamed osman bakry
Date: 03-17-2011, 01:56 AM
Parent: #1
| Quote: وحيسكوكم في كراكير الاسافير حرف حرف كلمة كلمة جملة جملة |
زنقة زنقة
|
Post: #13
Title: Re: اعلان توقف من يوم 22 الى يوم 25 مارس
Author: Yassir Tayfour
Date: 03-17-2011, 02:23 AM
Parent: #12
يا بيان سلام
هل انت دايرة تغيير النظام ده؟
لو دايرة تغيير التغيير ده حيتم كيف؟
|
Post: #14
Title: Re: اعلان توقف من يوم 22 الى يوم 25 مارس
Author: طارق أحمد أبوبكر
Date: 03-17-2011, 02:27 AM
Parent: #13
|
Post: #15
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-17-2011, 02:49 AM
Parent: #13
سلامات
عايزة تتنظم معارضة ممتازة وطنية
المعارضة دي تحدد ززمن لتغيير النظام
ويتغير النظام بالاحلال بدون اي دم يسيل ولا انقلاب..ولا فوضى
اي زول كان عارف نيفاشا ومقرراتها وكان في انتخابات بعد 5 سنوات
اها داك كان الوقت المفروض تبدأ فيه معارضة منظمة ومركزة
بعمل خطة محكمة للفوز بالانتخابات.
طريقي الى تغيير النظام هو صناديق الاقتراع.
بالديمقراطية .ز بس الناس تشتغل في التوعية والتنظيم
الان في اننتخابات قادمة بعد اربعة سنوات
بدل كل مرة ندخل الشباب ديل في موضوع خسران
ننظمهم ونرتبهم عشان يقدروا من الان يشتغلوا عشان الانتخابات القادمة
بالعمل الاجتماعي والانساني وسط الاحياء وعمل النماذج القدوة
كما فعلت حماس خدمت الشعب وقدمت له الخدمات المميزة
حتى اقتنع بهم واعطاهم اصواتهم بغالبية ساحقة.
الصبر والنظام هو طريق التغيير
بدون ما يموت اي زول كفاية الماتو
شهوة لبلاد تطالب ابناءَها
باقل من الموت جيلا فجيلا
وفيها من الوقت وقتٌ نخصصه
للخطايا الحميمه والغلط الادمى البسيط
وزحزحةِ الافتراض البطوليِّ عنّا قليلا
فمسكينةٌ أُمَّةٌ حين تحتاج كلَّ البطولات من كلِّ أبنائها
وتعيش الحياةَ قتيلا قتيلاً
|
Post: #17
Title: Re: اعلان توقف من يوم 22 الى يوم 25 مارس
Author: Yassir Tayfour
Date: 03-17-2011, 03:03 AM
Parent: #15
يا بيان سلام تاني
التغيير عن طريق الصناديق طبعاً هو الحل المثّل، ولكن كيف نعمل مع نظام لا يؤمن بالديمقراطية إبتداءا، نظام يعتمد على أزرعه الأمنية لبسط سيطرته على كل شيء، نظام يسرق موارد الدولة بإعتراف مراجعه العام، نظام يسجن ويعذب ويغتصب الأبرياء دون جريمة؟
ومن يحمي الإنتخابات ذاتها من التزوير كما حدث في الإنتخابات السابقة؟
___
هل لنا أن نقول لما إنتفض الشعب التونسي والمصري على أنظمتهم المماثلة لنظام الإنقاذ وكان بإمكانهم تغيير تلك الأنظمة عن طريق صندوق الإقتراع؟
|
Post: #20
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-17-2011, 03:47 AM
Parent: #17
| Quote: هل لنا أن نقول لما إنتفض الشعب التونسي والمصري على أنظمتهم المماثلة لنظام الإنقاذ وكان بإمكانهم تغيير تلك الأنظمة عن طريق صندوق الإقتراع؟ |
دي خياراتهم والى الان ما عارفين الاوت كوم شنو
خلينا ننتظر ونشوف
اذكر انه جيلي انا
غير الحكومة بالمظاهرات سنة 1985
وشوف الحصل شنو الان؟
جا الالعن من نميري
يدينا للبلد يا شباب
اخدمو الشعب دا وحينتخبكم
|
Post: #18
Title: Re: اعلان توقف من يوم 22 الى يوم 25 مارس
Author: Adil Hamza
Date: 03-17-2011, 03:23 AM
Parent: #15
| Quote: ويتغير النظام بالاحلال بدون اي دم يسيل ولا انقلاب |
سلام يا د.نجاة
بالاحلال ده مستحيل يحصل
و فوز الاحزاب المعارضة عن طريق الانتخابات برضو مستحيل
انت نسيتى الخج
طيب الدبارة كيف
عادل
|
Post: #19
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-17-2011, 03:43 AM
Parent: #18
سلامات
الخج دا حصل لانه المعارضة دقوسة
موش من حق اي جهة تحرس الصناديق دي؟
انا مثلا تم اختياري هنا من المراقبين
وقد قمتت بأداء واجبي 100%
ولم يحدث اي خج لدقة اللجنة في اتباع المرسوم.
لو الناس كانت جادة كانت مشت وحرست اي صندوق
وتأكدت من ابتاع التعليمات..
يعني نلوم ا السارق والمسروق..
وتشوف يا عادل لو الناس من اسع بدات في حملات التوعية والخدمات
مافي زول يقولي ميزانية
لو في الحي اتكونت لجنة للنظافة ولجنة لعمل فصول تقوية او محو امية او ارشاد صحي
والدكاتر الكتار ديل عملو يوم للمسنين حامو بالبيوت بيتا بيتا
فحصو الضغط لكل الناس الناسحتعرف الشباب ديل شغالين
بعداك الشباب ديل ذاتهم حيقدمو مرشح منهم ويقولو للناس دا مرشحنا للبرلمان
انتخبوه .ز او ناس الهنجسات والمعمار مشو صانو الجامع والمدرسة الفي حلتهم
برضو الناس حيشوفو عملهم
لو اتعملت فصول تقيوة لابناء الحي مجانا
او فصول محو الامية او فصول اعداد الفاقد التربوي عشان يعيدو الامتحان تاني
برضو الرياضة..
تمشو لملح الارض تساعدوهم بدون اي اجندة سياسية
بعداك ترشحو ناسكم للبرلمان
لو فقط ادوكم المجموعة المن 18 سنة الى 30 سنة حتفوزو
ودي بس عايزة مقدرات تنظيمية ..
مافي طريقة تغيرو بالسلاح لانه ما عندك سلاح والنموذج العايز يغير بالسلاح الان لبيا
حيجو يوم يحنوا لايام الغذافي ذي ما العراقيين اسع بحنو لايام صدام
الامن والسلام دا ما عندهم ثمن.
عشان كدا التغيير بالاحلال هو الحل الوحيد.
وصنع القدوات بين الشباب دي اهم حاجة..
لكن الهيصات الاسع دي كلام فارغ ساي ولا تؤدي الى اي تغيير
الا مزيد من الاحزان لغبش.
بعدين في كثير من المنظامات تقدم مشاريع وهمية وـاخذ عليها ميزانية من المنظمات العالمية
الحاجة دي المفروض تتعمل للشعب موش لاغراض شخصية..
ولذلك ممكن اسع شباب من اجل ابتغيير وشرارة "وقرفنا"
يعملوا عمل للصيف القادم..
وشوفو كان تنقدرو
|
Post: #21
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-17-2011, 03:58 AM
Parent: #19
ايدكم نموذج لرجل قدوة
كان يجمع تبرعات ويسال اخته المعلمة
ه\\عن من هم احوج الناس وللمعلم معرفة جيدة بما يدور في الحي
لملامسته للحياة في كل بيت عبر تلاميذه
وكان ليلا يذهب ببوكس مليان شوالات عيش
ويطرق الباب ويرمي الشوال ويدور يمشي
دون ان يجرح شعور انسان..
اها نحنا محتاجين لناس ذي ديل.
ناس من الشعب المتعب دا ولديهم من الاخلاق والشهامة ما يفوق ما لدي كيزان الانقاذ جميعا
زول ذي دا بيهزم اي انسان
لان مدخله انساني ما سياسي..
يلا نجرب المداخل الانسانية ونغير الحكومة ..
مهما عملت الحكومة لا تستطيع ان تلقي القبض على من يعمل فصول تقوية
او يزور العجائز في البيوت ليفحص الضغط والسكري لهم
او زول عنده عربية يساعد العجائز يوديهم المجلس عشان يشيلو معاشهم
الذي يصرف نصفه في المواصلات
او ياخذ المعوقين من مكان الى مكان كما كان يفعل صديق لي
اكشتف بالصدفة في المنطقة الصناعية حيث مصنع للاطراف الصناعية
هناك تجد عدد لا يملك حق المواصلات
فكان ينقلهم الى اي مكان يتظاهر ان هذا اتجاهه حتى لا يحسسهم بالنقص
دي المداخل يا شباب العمل الانساني وشوفو كان تتقدرو
عايزين نواب شباب في البرلمان كفاية تمومات العدد ديل
|
Post: #22
Title: Re: اعلان توقف من يوم 22 الى يوم 25 مارس
Author: أمير عثمان
Date: 03-17-2011, 04:04 AM
Parent: #19
Quote: اي زول كان عارف نيفاشا ومقرراتها وكان في انتخابات بعد 5 سنوات
اها داك كان الوقت المفروض تبدأ فيه معارضة منظمة ومركزة
بعمل خطة محكمة للفوز بالانتخابات.
طريقي الى تغيير النظام هو صناديق الاقتراع.
بالديمقراطية .ز بس الناس تشتغل في التوعية والتنظيم
الان في اننتخابات قادمة بعد اربعة سنوات
بدل كل مرة ندخل الشباب ديل في موضوع خسران
ننظمهم ونرتبهم عشان يقدروا من الان يشتغلوا عشان الانتخابات القادمة |
د. نجاة ... سلامات
الإنتخابات و التحضير لها يحتاج الى عمل شاق و مثابرة ودراسة للخارطة السياسية لكامل أقاليم السودان
وتاسيس مكاتب إفليمية وحشد الشباب للتطوع و العمل الجاد وحفز الجماهير و قبل ذلك برنامج سياسى مقنع و ملهم للجماهير.....
وبالنظر لوضع الأحزاب والفعاليات المعارضة حاليا ومقدراتها التنظيمية العقيمة ولعجزها عن العمل الجاد و بذل العرق فإنهم يستسهلون المظاهرات!!!!!!!
وتحياتى وإحترامى للجميع ...
|
Post: #23
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-17-2011, 04:08 AM
Parent: #22
| Quote: برنامج سياسى مقنع و ملهم للجماهير.. |
زهذا مربط الفرس..
شكرا ليك لوجهة النظر المقدرة .
مع التحية والاحترام
|
Post: #24
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-17-2011, 11:12 AM
Parent: #23
محمد عثمان البكري
وين الحي بيك يا ملك
منقطع النظير كدا مالك؟
|
Post: #25
Title: Re: اعلان توقف من يوم 22 الى يوم 25 مارس
Author: سليمان الرفاعي
Date: 03-17-2011, 04:12 PM
Parent: #24
| Quote: جا الالعن من نميري |
منو فيهم ؟ الجو بعد الإنتفاضة ولا الأنقذو الإنتفاضة؟
والله يا دكتورة الواحد أقرأ ليك بي عين وأكون بحك في العين التانية والكلام أكون ماشي كويس ولما أفتح العين التانية إلقاك طبزتيها!!
ـ
Think positive pls,
|
Post: #26
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-18-2011, 01:44 PM
ذي ما تشوف
|
Post: #27
Title: Re: اعلان توقف من يوم 22 الى يوم 25 مارس
Author: أبو عبيدة البصاص
Date: 03-18-2011, 02:19 PM
Parent: #26
بيان لا فض فوك وليتهم يفقهون
|
Post: #30
Title: Re: اعلان توقف من يوم 22 الى يوم 25 مارس
Author: تبارك شيخ الدين جبريل
Date: 03-18-2011, 02:41 PM
Parent: #27
Quote: وانصح كل الرماديين و الضحكونجية والكيزان وأذيالهم والامنجية
والشينات والقواعد من النساء وتبارك |
تبارك دا ما كان تختّيهو تبع "الشينات" ... عشان يرتاح ...
والله انا يوم 24 و25 حا اكون على سفر فى هيوستن، تكساس ... وزمنى كلّو يا طيارة يا شغل يا نوم ... ويوم 22 بكون لسة نايم من سكسكة يوم 19 ...
(اخونا عبدالله الشيخ .. ياخى تشويه الناس بالطريقة دى ما جميل ولا حاجة)
... المهم ....
|
Post: #31
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-18-2011, 03:01 PM
Parent: #27
مشكور يا البصاص
كيف الاسرة؟
|
Post: #32
Title: Re: اعلان توقف من يوم 22 الى يوم 25 مارس
Author: معاوية الأرباب
Date: 03-19-2011, 06:57 AM
Parent: #31
Quote: وكان ليلا يذهب ببوكس مليان شوالات عيش
ويطرق الباب ويرمي الشوال ويدور يمشي |
يعني لو أنا ما عندي مطمورة عيش , ما أطمع في ولوج البرلمان ؟
سؤال من فضلك : لو كان سكان الدائرة من المحس والشايقية ممن لا يتعاطون الفتريتة , كيفن الدبارة معاهم ؟
وبعدين ما حددتي لينا حق الطاحونة على منو ؟
|
Post: #33
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-19-2011, 08:27 AM
Parent: #32
ما قادرة افهم عايز تقول شنو يا ارباب؟
هل عندك حاجة محددة عايز تناقشها وما قدرتا تعبر ولا شنو؟
لانه يبدو انك غاب عنك المورال حق القصة دي خالص خالص
وطبعا الزول بحترم الفروق الفردية. لان الفهم قسم ذي الريد
|
Post: #34
Title: Re: اعلان توقف من يوم 22 الى يوم 25 مارس
Author: معاوية الأرباب
Date: 03-19-2011, 09:34 AM
Parent: #33
معليش يا دكتورة أخديني على قدر حبة المخيخ الفي راسي المكودس دا
أنا كنت فاهم أنو من يتصدى لقيادة الناس من خلال الوسائل الديموقراطية عليه أن يقدم نفسه وأفكاره مؤطرة في برنامج انتخابي
يطرح من خلالو حلول لمشاكل الناس في مجال الصحة والتعليم والاقتصاد وضمان التوزيع العادل لمخرجات التنمية
وخلق فرص حقيقية لتوظيف طاقات الشباب . الناس تنتظر من يمكنها من وسائل الزراعة والصناعة والصيد وخلق البيئة المواتية
المشجعة للعمل الكريم من خلال التشريعات , أما من يتصدق عليهم بجوال عيش فلا بد انه سيطرق الابواب يوما ما , سائلا المقابل وهو
صوتهم في صندوق الاقتراع مما يعد رشوة بينة ومدانة .
التوسل بالاعمال الخيرية للوصول لكراسي السلطة يحبط الأجر عند رب العباد ان كان فاعلها يرجو الأجر منه , ويفسد السلطة
والعمل العام ان كان فاعلها يرجو ثناء العباد (وأصواتهم ).
لا يخلون مال بسلطة الا وكان الشيطان ثالثهما .
|
Post: #35
Title: Re: اعلان توقف من يوم 22 الى يوم 25 مارس
Author: د.نجاة محمود
Date: 03-19-2011, 09:42 AM
Parent: #34
اوكي برضو وجهة نظر
|
Post: #36
Title: Re: اعلان توقف من يوم 22 الى يوم 25 مارس
Author: معاوية الأرباب
Date: 03-19-2011, 10:33 AM
Parent: #35
ما دام أوكي بالمرة قحي حق الطاحونة ( هههه مع شئ من الكلكلة ومساعدة من صديق )
عمر البشير طلب من منظمات الاغاثة ان يكون حدهم مطار الخرطوم - وهو محق في ذلك - لتحييدهم وضمان عدم تاثيرهم على الرأي العام .
أقام الأخوان المسلمون في مصر شبكة خدمية واقتصادية واسعة وموازية للاقتصاد الرسمي على مدى 30 عاما ومع ذلك لم تجد فتيلا في تغيير نظام يملك ترسانة
من أدوات البطش والقمع , حتى اطاحته هبة جماهيرية ثورية فتحت الطريق للتداول السلمي للسلطة في جو معافى في ميدان سلاحه الأفكار وليس الصدقات .
صراحة يا دكتورة قولك أن السبيل لتفكيك سلطة الدكتاتورية والبطش يتم عبر صناديق الاقتراع فيه كثير من الشتارة ( والغتاتة )
فالعين لا تقوى على مصارعة المخرز .
|
|