اتجاه لتغيير قانون الصحافة ولجنة لتأمين المواقع الإلكترونية

الخرطوم: هادية الهادي
كشف المجلس القومي للصحافة والمطبوعات عن وجود اتجاه لتغيير قانون الصحافة والمطبوعات وسنّ تشريع جديد لمواكبة الصحافة الإلكترونية، فيما أعلنت وزارة الداخلية عن تشكيل لجنة مختصة لتنظيم وتأمين المواقع الإلكترونية «الفيس بوك» والنشر عبر الإنترنت.وأكد الأمين العام للصحافة والمطبوعات بروفيسور علي محمد شمو في ورقته الضوابط التشريعية والقانونية للصحافة الإلكترونية التي قدمها بالدورة التدريبية التناول الصحفي لأخبار الجريمة بدار الشرطة أمس أكد عزم المجلس وضع تشريع جديد لمواكبة الصحافة الإلكترونية وتغييرات التكنولوجيا الموجودة لتمكين التعامل معها. من جهته كشف مدير دائرة مكافحة الجريمة المعلوماتية بالإدارة العامة للمباحث عميد شرطة المشرف مأمون عن تشكيل لجان لتنظيم وتأمين المواقع الإلكترونية من النشر المخالف للقانون، وقال إن التحريات في مثل هذه الجرائم تحتاج لدقة حتى يتم الوصول لدليل

رقمي يتم بموجبه الوصول للموقع الإلكتروني والمجرم. وأشار المشرف لوجود تنسيق بينهم وبين البوليس الدولي «الإنتربول» يتم عبره إحضار الجناة من الدول الأخرى والقبض عليهم، واعتبر أن الفيس بوك من المهدِّدات الأمنية داعيًا إلى ضرورة وضع التدابير لمواجهة الشركات التي تعمل على تأمين هذه المواقع والفضاء الإلكتروني والشبكات الإلكترونية التي ترد عبرها هذه الجرائم.

Quote: من جهته كشف مدير دائرة مكافحة الجريمة المعلوماتية بالإدارة العامة للمباحث عميد شرطة المشرف مأمون عن تشكيل لجان لتنظيم وتأمين المواقع الإلكترونية من النشر المخالف للقانون، وقال إن التحريات في مثل هذه الجرائم تحتاج لدقة حتى يتم الوصول لدليل رقمي يتم بموجبه الوصول للموقع الإلكتروني والمجرم. وأشار المشرف لوجود تنسيق بينهم وبين البوليس الدولي «الإنتربول» يتم عبره إحضار الجناة من الدول الأخرى والقبض عليهم، واعتبر أن الفيس بوك من المهدِّدات الأمنية داعيًا إلى ضرورة وضع التدابير لمواجهة الشركات التي تعمل على تأمين هذه المواقع والفضاء الإلكتروني والشبكات الإلكترونية التي ترد عبرها هذه الجرائم.

أها والحرامية الزيك ديل ما حا تتخت ليهم عقوبة ؟؟

تههههههاي

Quote: ولجنة لتأمين المواقع الإلكترونية

هل ستعمل اللجنة لتأمين المواقع ضد السرقات؟

عارف يا أبو الريش زولنا الفوق ده يعتبر أحسن عينة للزول العينو قوية وما بخجل داك

ده نموذج يستحق الدراسة والتحليل والتشريح والتشخيص الجسدي والنفساني

وإنو كيف البني آدم ممكن يكون لمن يأخد شكل الـعُـرة

زي العاهة الدلاهة ده لو ما كان موالي للانقاذ تكون زاتو حاجة غريبة وضد طبيعة الأشياء

عارف يا الرسمت ما تعانى منه فى شخصى
لك ان تذهب لطبيب نفسانى عدل هو الوحيد الممكن يساعدك
قل ان تجد العلاج المناسب لحالتك يا فنجاط زمانك .......

كدعورى متلك ما عندنا حتى الزمن عشان ناخد ونعطى معه..وحتى
ناخد ونعطى معه شنو ولو كان الزمن بيسعفنى؟؟؟؟املا كيسك يا ارملى
وتعال... ما بملك البوست ده والا كنت صنعت منك ارقوز.....

Quote: أها والحرامية الزيك ديل ما حا تتخت ليهم عقوبة ؟؟

حتى عديمى الفائده متلك رايح تتخت ليهم قوانين وعقوبات

يا الهادي ياخ موالاتو دي يعرفها هو براهو ....

أنا المحيّرني زول بيسجّل تواجد ومداخلات كل يوم بدون خجل. غايتو أنا لو قبضوني قبضة زي دي، باعمل رايح من البورد ده سنتين تلاتة، لحدي ما الناس تنسى الموضوع، بعدين أجي أتاوق أشوف إحتمال الناس تتذكر والا لأ.

ده لو ما لغيت أي علاقة بالإنترنيت.

Quote: وأكد الأمين العام للصحافة والمطبوعات بروفيسور علي محمد شمو

بروفيسور علي محمد شمو هو رئيس المجلس، أما الأمين العام فهو العبيد مروح.

أنا سؤالي محدد يا الـعُــرة ..

الحرامية الزيك ديل لمن يسرقوا من النت، في القوانين الجديدة عقوبتهم حا تكون شنو ؟؟

والمخيخ العلوي موقعه شنو من الإعراب في القوانين الجديدة دي ؟؟ هههههههههههههه

Quote: أنا المحيّرني زول بيسجّل تواجد ومداخلات كل يوم بدون خجل. غايتو أنا لو قبضوني قبضة زي دي، باعمل رايح من البورد ده سنتين تلاتة، لحدي ما الناس تنسى الموضوع، بعدين أجي أتاوق أشوف إحتمال الناس تتذكر والا لأ. ده لو ما لغيت أي علاقة بالإنترنيت.

ما عشان كده يا أبو الريش أنا بقول ليك زول زي ده عاوز تشريح وتحليل نفساني معمق

ده عاوز يتحول في الأول لي كونسلتو من كبار أطباء وعلماء النفس عشان يشوفوا الحاصل شنو

حتن بعد داك يفكوهو عشان يجي يقعد مع الناس..

جاء في مساهمة وليد المنقولة

Quote: واعتبر أن الفيس بوك من المهدِّدات الأمنية

ما بلومهم
من العمله فيسبوك في حسني وبن علي

Quote: ما بلومهم من العمله فيسبوك في حسني وبن علي

ما حصل لعلى وحسنى كان الشعب محتاج لذلك
عندنا هنا فى السودان الشعب والحكومه اخوات ولا انفصال بينهم

Quote: عندنا هنا فى السودان الشعب والحكومه اخوات ولا انفصال بينهم

حكومة فصلت جزء من البلد وقتلت وتقتل في كل البلد افسدت وتسكت عن انتهاك
العرض و الارض والاجواء من الجيران والاغراب حتى الصهاينة حكومة صادرت البلد
بكل مورادها لصالح قلة فاسدة مفسدة - حتى اصبح الفساد متلازمة ناس الحكومة
حكومة جهارها الامنى تروع المواطن
وتقول اخوات
هي الخوة دي كيفنو
قال اخوات
خليكم عايشين في وهكم ده

Quote: وتأمين المواقع الإلكترونية

ضد السرقات من نشالي قوقل.

هل تعلم يا صاحب المخيخ العلوي أن العقوبة الحدية للسرقة الإسقيرية هي قطع البنصر والإبهام لليد اليمنى في السرقة الأولى.
ثم قعطعهم في اليد اليسرى في السرقة التانية.
في السرقة التالتة يقوموا يقطعوا السبابة والخنصر في اليمنى
ولو ما ارتدعت يقوموا يبتروا ليك الكفين.

لكن والله الزيك دا باصابع الكرعين يمشي ينشل.

غايتو لطشتك بتاعة يا ساريا الجبل ديك حقوا يطبقوا فيك عليها حد الحراية عديل!!!!!!!!!!

Quote: أنا المحيّرني زول بيسجّل تواجد ومداخلات كل يوم بدون خجل. غايتو أنا لو قبضوني قبضة زي دي، باعمل رايح من البورد ده سنتين تلاتة، لحدي ما الناس تنسى الموضوع، بعدين أجي أتاوق أشوف إحتمال الناس تتذكر والا لأ.

قالوا واحد عامل فيها الواد فارس والجكس كلو مكسر فيهو بيجي يتصيد حسان الحلة جنب البير ويرفع ليهن صفايح الموية فوق رؤوسن.
يوم وهو يرفع في الصفيح المليان موية لواحدة، قام زيييييط قكاها ليهو ريح.. والحسان فقعن الضحكة.
زولك بقت ليهو خجلة وقام بي ليلو هرب من البلد.
جاء راجع بعد سنين عدة لكن بالضفة الأخرى من النهر ليستكشف هل لا زال الناس يذكرون فعلته أم نسوها.
شاف ناس من الحلة على الضفة الأخرى من النهر وقعد يكورك ليهم يا جماعة فلان رجع الحلة؟؟
الجماعة ردوا عليهو وقالوا ليهو والله فلان دا من ضرطتو ديك نجع وتاني مافي زول شافو.
قام أخونا طوالي كبر اللفة ورجع من حيث أتى.


أها.... أخونا دا بيجي كل مرة وقايل الناس نسيت.

من هم الكيزان ... ؟

Quote: الشعب والحكومه اخوات ولا انفصال بينهم

وا حلاتي يا ناس

Quote: حكومة فصلت جزء من البلد وقتلت وتقتل في كل البلد افسدت وتسكت عن انتهاك العرض و الارض والاجواء من الجيران والاغراب حتى الصهاينة حكومة صادرت البلد بكل مورادها لصالح قلة فاسدة مفسدة - حتى اصبح الفساد متلازمة ناس الحكومة حكومة جهارها الامنى تروع المواطن وتقول اخوات هي الخوة دي كيفنو قال اخوات خليكم عايشين في وهكم ده

يا عمك كلام المعارضه ده انساهو كلو نجر ساى

لينا بالشى القدامنا.....حاولتو اخراج الشعب ده لى الشارع كم مره؟؟؟؟

خرجو معاكم؟؟؟؟؟؟ ما سالتو انفسكم ليه ما خرجو معاكم؟؟؟؟؟
لو بتمتلك اجابه سوف تمسح حديثك ده وبتعرف انو دى خرمجه قلميه ساى منك

قال راعي البوست

Quote: ما حصل لعلى وحسنى كان الشعب محتاج لذلك عندنا هنا فى السودان الشعب والحكومه اخوات ولا انفصال بينهم

طيب وقت الحالة عسل بينكم وبين الشعب معتبرين الفيسبوك من مهددات الامن القومي ليه؟؟؟
هو الفيسبوك دا ما الشعب ذاتو بيتكلم ويتنظم
والجات منك إنكم ما خايفين من الشعب
وطيب؟؟؟؟؟؟؟؟؟؟

غايتو ما فضل ليكم إلا تقولوا الكلام في بيت البكاء من مهددات الأمن القومي

اللهم عليك بالكيزان و أذيالهم و كل من سار في دربهم قوشو ونافع و القطبى و بكرى و عبدالرحيم حسن و كل اعضاء المؤتمر الوطنى الفاسد .
القتلة و المغتصبين و الفاسدين فى جهاز الامن السودانى الفاسد
الكيزان و أعوانهم فأنهم لا يعجزونك
اللهم شلّ أيديهم واشدد على قلوبهم واجعل دائرة السوء عليهم
اللهم افضحهم على رؤوس الخلائق واجزهم بما يستحقون جزاءً من جنس عملهم في هذه الدنيا قبل الآخرة
بقوتك وجبروتك يا عزيز يا جبار
اللهم إني أٍسألك بقدرتك وعظمتك وعزتك وجلالك وقوتك وسلطانك

أن تذهب الفاسد عمر حسن أحمد البشير و زمرته من الكيزان و أعوانهم ومن والاهم من الفاسدين
اللهم يسر لشعب السودان حاكماً غير البشير يحترم شعبه ويحفظ أرضه ويصون عهده
اللهم ارزق شعب السودان حاكماً غير البشير يحترم الرأي والرأي الآخر
اللهم أعط شعب السودان حاكماً غير البشير لا يظلم أحداً ولا يفرض ضرائب ولا جبايات
اللهم امنح شعب السودان حاكماً غير البشير يحترم الحريات العامة والخاصة ويعرف رعاية حقوق الإنسان
اللهم اجعل للسودان حاكما يهتم لمصالح شعبه وبلده وترابه وأرضه فقط غير البشير
آمين
آمين
آمين

Quote: خرمجه قلميه