خضر حسين خليل واحد من اميز الشباب العرفتهم في حياتي , متورط بي سودانية و شيوعية (حسب علمي) و ضكرنه ما انزل الله بها من سلطان , ممكن الاسكور بتاعو في الفراسة و الصبر علي المكاره يصل مستوي مثابرة و صبر جنود عمر المختار إبان ثورة الليبيين علي الإستعمار الإيطالي/القذافي.التشبيه بفرسان ليبيا هنا لتطويل مساحة الونسة و الدواس و توسيع دائرة الصراع الفكري (مد الله و بارك في ايامو) يا قيقا و مشرف و ود جبرالله و امجد فريد و مكاوي و بكري صالح و بدر ود موسي و آخرين ( آخرين دي بتاعت ناس عوض جادين الزمان ديك ) و قيل ايضا, لإستقطاع اراضي جديدة وقطع الطريق امام جنود المؤتمر الوطني بأرض سودانيزاونلاين تحت شعار جناَ قابض رقبتك (المؤتمر الوطني ) كان نجضت شغلك ولا بسوي شي. قريت لي خضر حسين - المداقرني في اسمي الحركي ده - كتير من الآراء الجيدة كعادتو, كدي قبل ما نقرر نفصلوا او نعفيهوا من إشتراكات الشهور الجاية خلونا نتونس ونسة شيوعيين في أجندة اهم من اب راس كبير ده.
الجند الاول:
مصير التحالف بين الامة و الشيوعي علي ضوء المستجدات الاخيرة في سوداينزاونلاين بالنظر الي مجهودات بدرالدين اسحق وآخرين ؟
نقظة نظام يا زميل قبل الدخول للاجندة و الواضح انها بستلزم من الزملاء السالقين يأمنو تم قبل قليل اطلاق سراح الزملاء سامر صلاح، ومهند الدرديري، وعبد العظيم البدوي و الطالب كمال محمد عثمان. لا زال عادل كرار و طارق عبد المجيد و معتز تروتسكي رهن الاعتقال
استاذنا فاروق كدودة بطرافته المعروفة ايام اعتقالهم في سنوات الانقاذ الاولي و ترحيلهم من بيت اشباح لي كوبر وصولا لسجن بورتسودان و في نهار قائظ قال مقولة سار بها كُتاب الأعمدة و مسجلي الاحداث حين قال البلد عدمت الشنقيطي ؟
بقرأ كتير هنا او في الفيسبوك اخبار علي شاكلة كلام امجد ده
Quote: لا زال عادل كرار و طارق عبد المجيد و معتز تروتسكي رهن الاعتقال
و طوالي الردود بتكون من نوع ربنا بفك اسرهم و يتباري الرفاق في تكديس قصائد درويش و حميد و القدال و ايمن ابو الشعر علي قرار نطيل حبالهم لا كي نطيل حياتهم لكن لتكفيهم لينشنقوا
كيف الكلام ده يا زملاء ؟ منو بطيل حبال منو و ماهي الآليات ؟
______ امجد شكرا علي الابديت يا فنان
Post: #5 Title: Re: ونسة شيوعيين .. Author: خالد العبيد Date: 03-15-2011, 00:52 AM Parent: #3
ههههههههههههههههههههههههههههههه والله يا ود العبيد واثقين منك , وانا المتلوم معاك والله ياخي التلفونات عندك خلينا نعمل مواعيد في الاسكايب و اوفي ديني ليك انت طالبني كم اغنية ؟
_____ بمناسبة دفع الاشتراكات دي يا خالد, احد رواد الغناء السوداني كان لمن يجيهو مندوب الحزب للمالية كان بقول متذمراَ من جدية المندوب ( ناس التركية السابقة جو)
Post: #8 Title: Re: ونسة شيوعيين .. Author: محمد مكى محمد Date: 03-15-2011, 01:08 AM Parent: #5
إنتوا لسه حيين ?المكاشفى نزل نعى قبيل :(
الزول ده مع ختان البنات , الغريبه ما قادر يطهر بنات أفكارو... ..........
ركزوا مع كلام ودالعبيد خصوصا فى موضوع الإشتراكات ده..
بالتأكيد الخلاف البارز الان يمكن ان يهدد التحالف بنكسة قد تلقي بظلالها على مجمل القوى المعارضة لهذا النظام وما يقوم به ملاسي (وآخرون تعلمونهم علم اليقين) سوف يفرمل ويعوق جهود الشعب السوداني في الاصطفاف المعارض واقترح اصدار بيان (اعتذار) من الحِسِبْ والله الموفق..
Post: #9 Title: Re: ونسة شيوعيين .. Author: محمد هشام Date: 03-15-2011, 01:13 AM Parent: #6
ونسة ديناصورات :)
Post: #10 Title: Re: ونسة شيوعيين .. Author: خالد العبيد Date: 03-15-2011, 01:21 AM Parent: #6
Quote: بمناسبة دفع الاشتراكات دي يا خالد
سلام يا خدر حكى لي الزميل عباس وهبة هذه الطرفة
زميلنا الخالد الجزولي سعيد كان ضابط المالية ضبط صاح احد زملاء الفروع قام بتسليم مالية فرعو متأخرا ثلاثة ايام بلياليها سأله الجزولي عن سبب التاخير ثلاثة ايام فقال الزميل: والله يا زميل القروش دخلت علي فرد الجزولي سريعا وضاحكا بعد ان استلم المالية: دخلت عليك ولا دخلت عليها!!
يا خدر انا وصلتنى دعوتك من باب (آخرين) دى ......المهم انتهز الفرصه دى عشان اقول لامجد ...حمد لله على سلامة الرفاق و لو معاك تلفون خالد توفيق(بطيخه) رسلو علشان اقول ليهو حمدلله على السلامه ....و بعدين دا شنو يا فرده, وصل بك الحال للحد الذى تلتفت فيه لمحمد عادل ؟! محمد عادل عديل كده؟!! و الله انا لى يومين زعلان شديد منك يا امجد (محمد عادل؟) .....يا صاحبى فى ناس انا استكثر فيهم سلام الله البسيط دا, تجى انت تعمل معاهم حجه و محاججه . يا اخى رحم الله امرئ عرف قدر نفسه.
و بعدين شوف خصمك بهناك كاتب ايه اوع تزعل من خصمك دى علشان انت براك العملتها فى نفسك و قتما ناقشته و حاججته (محمد عادل يا امجد ؟! بالغت يشهد الله)
Quote: هل تنسى دماء الشهيد الامام الهادى الذى اقتيل بدم بارد هل ننسى دم الخال العمده محمد احمد مصطفى حسن وهل ننسى دم الشهيد الناجى ودم محمد صالح عمر
صاحبك دا فاكر انو محمد صالح عمر دا كان انصارى او حزب امة (تتصور!) ....يا اخوانا زول يتبرع و يوصل للشاب دا حقيقة كونه محمد صالح عمر دا كان اسلامى عديل كده جُيشت الجيوش و جُهزت كتائب الارهاب تحت اسمه .....عليك الله دا زول انا بتخذ منه خصيم يا امجد؟ إن الخصيم بالمخاصم يعرف ...لا لغه ولا سياسه ولا فكر و لا تأريخ و لا إملاء ولا ذوق ...ايه دا ؟!
بمشى اشرب شاى احمر وسيجارة من نفس اللون وبجى اتابع الونسة دى بمزاج.
Post: #15 Title: Re: ونسة شيوعيين .. Author: بدر الدين احمد موسى Date: 03-15-2011, 07:43 AM Parent: #14
خدر
يا فنانا سلامات
الزميل زي عايز يقترح جند يا زملا
الزميل زي كان بفكر في انه بنحتاج لسيرفر مكرس للميدان dedicated server
وزي عمل حبة هوم ويرك ولقى انه في بريطانيا ممكن نؤجر واحد في حدود 60 استرليني في الشهر او 600 استرليني في السنة من هنا http://www.fasthosts.co.uk/dedicatedservers/ وطبعا ممكن نلقى ديل احسن بس نشوف شركة عندها سيرفرات عالية التامين الزميل بقترح تكوين لجنة للميدان في اوروبا, وتحديد مسئول مالي تصله التبرعات
في اعتراض يا زملا?
بعدين الزميل اسف لانه اتاخر, المواصلات وكدة!
الكيس بالله ياخدر!
Post: #16 Title: Re: ونسة شيوعيين .. Author: محمد يوسف الزين Date: 03-15-2011, 08:06 AM Parent: #14
..
Post: #17 Title: Re: ونسة شيوعيين .. Author: محمد عبد الماجد الصايم Date: 03-15-2011, 08:13 AM Parent: #16
ملمومين في الحرم إن شاء الله
Post: #18 Title: Re: ونسة شيوعيين .. Author: أبو ساندرا Date: 03-15-2011, 08:15 AM Parent: #16
خدر جينا مع آخرين ... عندي اولاً وصية من صلاح الامين لامجد فريد قاليك يا امجد كورتك فكت ...
بعدين يا جماعة صراحة كده نحن حزب الامة ده ما عندنا معاهو علاقة عاطفية او زواج مقدس ... بنتفق معاهم في برامج سياسية ... تقود لاهداف ... ومن هنا بيجي التحالف ... وممكن في لحظة تاريخية تانية نختلف معاهم وما يكون في تحالف ... بالعربي كده ... كل الاحزاب السياسية الوطنية ... (بالله يا خدر ركز لي علي وطنية دي ) ممكن يلمنا معاها برنامج حد ادني لفترة ... او العكس ... الا ان الاحترام في كل الاحوال يبقي بيننا ... لان حزب الامة في نهاية الامر حزب وطني لديه اسهاماته العديدة في الحياة السياسية السودانية وفي تاريخ البلد ... ... لا ننكر ان هنالك الكثير من الاخطاء التي وقعت ... منا او منهم ... في مراحل مختلفة ... بالتاكيد لا اعني ما يعنيه البعض مثل حوادث الجزيرة ابا ومقتل الامام الهادي المهدي وغيرها ... بل هي اخطاء الممارسة السياسية ... نتجاوزها نحن ويتجاوزونها هم لان السياسة غير العلاقات العاطفية ...
لكن يا امجد اامن علي كلام الزميل .. (كورتك فكت)
Post: #20 Title: Re: ونسة شيوعيين .. Author: محمد عبدالرحمن Date: 03-15-2011, 08:31 AM Parent: #16
Quote: بعدين دا شنو يا فرده, وصل بك الحال للحد الذى تلتفت فيه لمحمد عادل ؟[U]! محمد عادل عديل كده؟!! و الله انا لى يومين زعلان شديد منك يا امجد (محمد عادل؟) .....يا صاحبى فى ناس انا استكثر فيهم سلام الله البسيط دا, تجى انت تعمل معاهم حجه و محاججه . يا اخى رحم الله امرئ عرف قدر نفسه.
تحيات ياخدر لك وللزملاء ..
وصيتى للزميل محمد الامين الذى كتب اعلاه ..وصيتى له ان يرجع ليعيد قراءة ورقة الاستاذ عبدالخالق محجوب (اصلاح الخطأ فى العمل بين الجماهير) بالتركيز على مسلك الشيوعى الفرد بين الجماهير ..فهذا التعالى و(التافف) الذى يخرج به القارىء عندما يقرا ما كتبه الزميل يتناقض تماما مع جوهر ماطرحه الاستاذ عبدالخالق محجوب فى تلك الورقة التاريخية الشهيرة...
Post: #39 Title: Re: ونسة شيوعيين .. Author: خضر حسين خليل Date: 03-15-2011, 12:57 PM Parent: #26
وين اللائحة من الكلام ده ؟
ــــــ بمناسبة اللائحة ياخدر ويارفاقا يحكي انو في زميل وبعد أحداث 19يوليو مباشرةً لقي ليهوو عقد عمل وسافر ليبيا المهم الزميل ده من الفترة ديك بقي مقطوع من الحزب ، المهم وبعد سنوات طوال رجع لأرض الوطن بعد غربة وشوق . المهم ناس فرع الحزب في حلتهم مشوا ليهو وبعد حمديل السلامة والمطايبات قالو ليهو يا زميل نحن ناس فرع السكن وجايين ندعوك لإجتماعنا القادم . عمك رحب بالفكرة شديد وأبدي ليهم تجاوبو وقبولوا للعودة للعمل وسط صفوف الحزب المهم جاء يوم الإجتماع : الزملاء خشوا في الأجندة توشك ونقة طويلة عن ضرورة انعقاد المؤتمر الخامس وشكلة وعووك ورورووك . المهم النقاش كلو اتحول لضرورة المؤتمر الخامس وفشل القيادة والنقة المعلومة ديك وعمك يعاين ساي . في نهاية الاجتماع الزملاء اتذكرو انهم مارحبو بالزميل الجديد وبدوا طوالي في الترحيب وطلبوا منو انو ينضم ... عمك عاين ليهم كده وقال ليهم : في الحقيقة أنا عندي مقترح واحد بخصوص المؤتمر الخامس ده قالو ليهو : اتفضل قول مقترحك
قال ليهم : أنا بقترح ياخوانا إنو المؤتمر الخامس ده شكلو من المستحيل يقوم وبالتالي أنا بشوف إنو الناس تحاول تعمل المؤتمر السادس وبعد داك نرجع نعمل المؤتمر الخامس ده
ــــــــــــ نطلب من قراء المداخلة دي قراءتها بذهنية قديمة (قبل الخامس وكده) وبعقل مفتوح كما تقول الحكاية
Quote: و الله انا لى يومين زعلان شديد منك يا امجد (محمد عادل؟) ..... يا صاحبى فى ناس انا استكثر فيهم سلام الله البسيط دا, تجى انت تعمل معاهم حجه و محاججه . يا اخى رحم الله امرئ عرف قدر نفسه.
محمد الامين سلامات يا انسان
ان من يترفع عن هذا الشعب لايحق له ان يتحدث باسمه ومحمد عادل حتى ولو جنح لايصح فيه مثل قولك يعني لو دخلتو فلي صراع مع اي من الاحباب الاخرين ستقولون مثل هذا القول ام ان محمد عادل ورفاقه يدخلون تحت جند (مغفل نافع)
يامحمد الامين ومحمد صالح عمر العاوز يتستهر بي ذكر محمد عادل له وجهله بنتظيمه كان متحالفا مع حزب الامه وقدم نفسه في سبيل ما آمن به من بمبادي اليس ذلك موقف يحسب لمحمد عادل وحزبه انهم يوفون بعهودهم التي خلفت الشهداء في شأن هذا السودان ... ترى كيف يكون تناولكم غدا لتاريخ تحالفهم مع حزب الامه ؟؟!!! اذا كانت هذه هي النظره التقييمية لحقوق التحالفات وكيف يجب التعامل بها من خلال التعليق الذي تفضلت به ؟
Quote: احد زملاء الفروع قام بتسليم مالية فرعو متأخرا ثلاثة ايام بلياليها
اها من المرات المريرة مع الدقيق جدا الزميل جدا خالد العبيد زوج الزميلة رقية عبيد وطبعا هم اصدقاء محمد عبيد المحامى ومعاوية عبيد الفاضى والشباب كلهم فى جريدة الشبيبة..فى زول بتاع طباعة...فكرة الاسماء ما داخلة راسو....فقال لخالد كدى تعال فك لى الغ########ة دى.. خالد قال ليهو يامكى ما تقدم طلب وتبقى زميل.. مكى قال ليهو وبعدين ابقى مكى عبيد مش.....
تحياتى للناس الهناك.....
خدر داير احكى قصة صوصل ونورى ......والزميل منير عبدالله...ههههههههههه والاعتصام فى منزل المرحومة ماما عوضية ايام تكسير بيوت امبدة القالوا عشوائية
اذن انت تتفق مع ضرورة " اصلاح الخطا في العمل وسط جماهير البورد "
اذن انتظرونا :
بجيب ليكم كسر همسلف في المحكمة دي
-------
ايوة يا دكتورة بيان الشيوعيين ديل ما يمارسموا ضلالم القديم المقيم في تغبيش وعي شعبنا ديل انقلابيين بس .. و الما من شعبنا ما منك ياخ ديل بقولوا في اشعارم - الشبه سرية - ح تروح للشمس مبارينك يا للهول رسمي و شعبي!! شوفتي كيف؟ ما حدها الانقلاب ساي! ديل مكنات مبرمجة رسمي! بارك الله فيكم
أول حاجة أنا زعلانة من زملاء كتيرين هنا لأنهم ما عارفين قيمة وقتهم وجهدهم وبيهدروا امكانياتهم في جدل لا يودي ولا يجيب وبيتجيبوا للاستفزاز من ناس اصلا جايين للغرض دا كلامي دا ما مدعاة للتعالي لكن الحوار لو مثمر وبيؤدي لنتائج ودي نادرة في هذا الموقع نخش فيه أذروايس التجاهل ( رددها ثلاثا وأشار لمعارضة ###### السرة).
يعني هو التجني والدعاية المضادة للحزب والشيوعيين بدت امبارح ولا الليلة
ما اهو الحزب عايش . افنكر انو الناس توفر مجهوداتها ليكون البيان بالعمل.
مثلا راس نضيف ومعرفة زي العند بكري علوم دي مش اولى يستفيد منها الحزب في مجال الدراسات والبحث بدل الكلام مع ناس اصلا جايين بقناعات مسبقة وساكين عليها بالضبة والمفتاح. , واخرين جايين عشان اهدار الجهود. بكري دا مثال لاني عارفة امكانياتو .
وبعدين انت ظاتك يا خدر صوت وصورة ونباهة بدل تقعد تعافر في ناس الكلام معاهم ما جايب تمن حبر كيبورده ما تمشي تجهز لينا اناشيد الثورة القربت ولو كره الماكافرون دي.
يا شباب نحن شايلينكم لعوزة.
بعدين حكاية الكيس المدور دي ما لذيذة كدا بيتطفشو مننا جيل اصبح فليه الرهان, تمباك وكمان تشحدوه من بعض, ياييي ايه الارف دا. على كل حال ونستكم لذيذة زيكم. كان قدرت بجي تاني كان ماقدرت العفو والعافية.
واحدة جاية متضهبة, لا لنا ولا اخرين ( لنا واخرين تتذكروا دي؟؟؟؟)
لاتوجد خصومه دايمه فى السياسيه توجد مصالح دايمه نحتلف ونتفق فى رؤيتنا للاحزاب الاخرى ونتفق ونختلف على حسب الظروف التى تتطلبها المرحله.. الان القضاء على السرطان الذى انهك البلد همنا الاوحد ..خلافات امجد ومحمد عادل اقرب للخلافات الشخصيه لاتمثل رؤيه اى حزب ينتمون اليه وناس المديدة الحارة والاغراض دخلوا ليذيدو من حد الخلاف والتشويش على التحالف ولكن دون جدوى ..
تحياتى لكل المرور الفوق فردا فردا شيوعيين وحزب امه
القدال - و معلوم بالضرورة انو : [ القدال ما لبس حرفو الكرفتا .. لكن انّق فيهو الفعل ]* قال فيما قال، وغنوها عقد الجلاد فيما غنوا مع [ الناس في بلدي يصنعون الحب ]** : غتسنا بعيد مساااااااافة .. مسافة تبقى قدر مسالك الريدة
شفت كيف؟
الحال واقف يا صديق .. محل ما خليتنا ذاتو.. مكانك سر! مع انو دوام الحال من المحال .. لكن برضو انت بس غيب و تعال تلقانا نحن يا نا نحن .. المافي شنو؟
--------
* خالد عباس ** شفت فخر صناعتنا الوطنية!؟ .. و الله العلم اتطور! .. بقوا يصنعوهو هو!؟ بت ال######## الشعيرية .. باكر يلايقوها عديل
الحركة بتاعت منسوبي الوطني في تشكيكهم في منسوبي تيار الديمقراطية في المنبر و محاولة دمغهم بصفات الامنجية او الغواصات او ..الخ , دي حركة منظمة جدا حسب متابعتي ليها و لابسه توب جديد كرب سادة و اصفر, يكتب بدرالدين اسحق متهما حمور زيادة مثلا و يأتي آخر و يدي النقارة عصا و ..الخ. الغرض خلق صوت عالي داخل و خارج سودانيزاونلاين و تضخيم الاشاعة حول احدهم عشان تساور الشكوك بقية افراد تنظيمو و يحصل الاحتقان ثم القطيعة بينو و بينهم و يكون منسوبي الوطني كسبوا تشوية صورة احدنا و عزلو من المعركة القائمة.
_____ والله يا خضر حسين عارفك خجلان و ما داير تجي عشان شكرتك , سمح باقي نضمي السمح فيك خليتو , تعال ياخ و ونس (:
Quote: ثلا راس نضيف ومعرفة زي العند بكري علوم دي مش اولى يستفيد منها الحزب في مجال الدراسات والبحث بدل الكلام مع ناس اصلا جايين بقناعات مسبقة وساكين عليها بالضبة والمفتاح. , واخرين جايين عشان اهدار الجهود. بكري دا مثال لاني عارفة امكانياتو .
هكذا تطلق الحنابيك الشيوعية بعد تتملي بهوليوم الاكاذيب والاوهام بذكرك ببوخارين يا سناء ولا بانشتاين؟؟؟؟؟ لو بكور بفرغوا للدراسات والبحث محمد حسبو وكوستي يعملوا ليهم قبة نجي نبوس كرعينهم كل يوم ونتبرك بثقافتهم وعلمهم وعمقهم؟
عندي صاحبا لي قالي والله يا بيان اسع لو كنت في الحزب الشيوعي كان عملوا ليك قبة جو ناس بكوري يدل اتبركوا فيها وقالو مدد يا رفيقة مدد
Quote: الحركة بتاعت منسوبي الوطني في تشكيكهم في منسوبي تيار الديمقراطية في المنبر و محاولة دمغهم بصفات الامنجية
والله بس الجزاء من نفس العمل شابيكن اي زول امنجي وحرامي وكوز اسع لما بقت عليكم بقت حارة يا مولانا؟؟
يلا بالله شوف صغار بغاثكم ديل ودربوهم خلوهم يبقو ذي الجمهورين عيني باردة عليهم يشهوا الزول يبقى جمهوري من شدة التهذيب ومراقبة الذات تعريف يا خدر قاعدة لي 11 سنة بكتب ما يوم شوفتا زول قال انه عايز يبقى شيوعي ولكن شوفتا عدد بقى جمهورين.. لانهم ناس محترمين..
القال حارة منو اسه يا ستنا !! ده تنوية, ما ننوه كمان يا دكتورة ؟
Quote: النقد الذاتي يا مولانا واجب وطني واخلاقي..
افووو .. وانت قايلة شنو ؟ اسه ود النعيم ده ماخد صوت لوم زي الترتيب و الاجتماع لسه ما بدأ , ما شايفاهو صاري لينا كيف اسه (: بالمناسبة يا نجاة بمناكفتك للشيوعيين جوة البوست ده ما حا تشوفي اي نقد ذاتي ولا اصوات لوم, الاصحاب لما يكونوا عاوزين ينتقدوا بعض يا نجاة بمشوا يقعدوا جنب البحر براهم و يتحاسبوا ما بقعدوا في نص الحلة, اسه نحن مشينا البحر نتلاوم , انت جبتي ناس الحلة و لحقتونا في بحرنا
سلامات يا شيوعيه عموما صحبتكم سمحه لأنو ناس بسيطين عيبكم الكبير إغتيال الشخصيات معنويا و بتفجروا فى الخصومه مشكلتكم إنكم إتجاه واحد و يا طريقكم يا البحر الشيوعي كان بقى رأس مالى أختاهو طوالي لأنو بيشتغل بي مكنتين و ببقي برجوازى صعب شديد الشيوعيه فى العموم أذكياء جددددددا أفضلكم علي الإطلاق هم المنتمين للطبقة البرجوازيه و لكنهم شيوعيين بالفكره (بدون زعل عليكم الله و ده راى شخصى و الموضوع ونسه) و زىما قالوا (قلنا ليكم دافعوا عنهم ما قلنا ليكم أبقوا فقرا) عبد الخالق ولا منو ما عارف القال الكلام ده؟ أى شيوعي كان لقي طريقه يبقي برجوازى ما بيابا و بيني و بينكم الراحات سمحه و الله
الاسمو بلاغات بتاع فلان لابس قميص بمبي و علانة شنطتا برجوازيه لسه في؟ (اتذكرتا تورتة صلاح الزين)
قيل: الشيوعيه اصناف اصناف, صنف بعرس امو و صنف بعرس اختو و صنف الله ذاتو ما بعرفو ... أى صنف انت؟ و قيل في التصانيف أيضآ: في الاتحاد السوفيتى "العظيم" تعطل قطار ستالين أمر باعدام سائق القطار رميآ بالرصاص خرتشوف أمر بارساله لمدرسة تأهيل ثقافي ماركسى بريجنيف قال .. لنغمض اعيننا و نحلم أن القطار يسير! و الغميضة الياها لحدى ما لحقو - و لحقنا معاهم - أمات طه! العجيبه لسه في ناس مغمضه و حاسه بالقطر ماشي , له في خلقه شئون.
ما دام جابت محاسبات و جلد و عوارة , اصرفو 15 عضه و نص في راس أمجد و معاها 9 و ربع لبكرى .... شرطتو عين "الحِسب" معقول زى دى تمشي فيكم و تباروها كده؟ أمجد عرفنا مكنتو الحيجيبا - إيفا و كده - انت مالك يا بكرى ما قااااعد اباطك و النجم ( يا بكتاش زولنا البقول "الحِسب" مشترك و لا شنو؟ )
آخرون دى كبيرة كفاية؟ بتشيلنا كلنا؟ الونسة دى ما تطعموها بي حاجه خلونا نتفكفك شوية .... حليل سطوح ناس مجتبي ... كان فيها جند واحد و هو القلوب ... لو لحقت السطوح اتكلمت الشاف حزبكم اتفرقت ما كضب ...
الشباب الطلعو من المعتقل ... اتمنى يكون اخر اعتقال ... الاحترام و التقدير لبسالتهم و جسارتهم , يبقي الأمل أن تعود الحياة حياة عادية لبشر عاديين ,العمل السياسي يكون عادى زيو و زى حفلة عرس و لا ماشي الشغل و لا دافورى الحلة و لا ... و لا .... . لا يزيدك لا ينقصك الا بما تكونه أنت كانسان, و تكون مافي حاجة اسمها ونسة شيوعيين أو "أساسيين" , تكون الونسة ونسة و بس, ونسة لذيذة أو بايخة و لا فرق آخر.
شهوة لبلاد تطالب ابناءَها باقل من الموت جيلا فجيلا وفيها من الوقت وقتٌ نخصصه للخطايا الحميمه والغلط الادمى البسيط وزحزحةِ الافتراض البطوليِّ عنّا قليلا فمسكينةٌ أُمَّةٌ حين تحتاج كلَّ البطولات من كلِّ أبنائها وتعيش الحياةَ قتيلا قتيلاً شهوةٌ لبلاد تقل الاناشيد فيها وفيها نعود الى نمنمات احتياجاتنا العابرات بلا خجل او ندم
قبل عدة سنوات أنجز التحالف الديمقراطي بولاية كلورادو الأمريكية مهرجانا ثقافيا وقد دعونا فيه زملاء من خارج الولاية وعبر البحار .... أذكر منهم صدقي كبلو صلاح الزين .. عبداللطيف علي الفكي ... أسامة الخواض ... صلاح أبوجبر .... الموصلي ... الفنان عبدالهادى عثمان ...وكورال التحالف الديمقراطي بواشنطون الكبرى وآخرون
المهم :
عملنا جلسة نهارية خاصة بالشيوعيين والديمقراطيين والضيوف ... كانت علي جزئين الجزء الأول محاضرة قدمها صدقي كبلو عن التحالف بين الديمقراطيين والشيوعيين والجزء الثاني طلبنا من الضيوف أن يقولوا أى شئ ....
من ضمن ما قاله صلاح الزين : قال وأنا عضو بالجبهة الديمقراطية بجامعة الخرطوم .... وفي مرة من المرات انتحي به (لا أذكر اسمه الآن) جانبا وطلب من أن يُقدم طلب عضوية للحزب الشيوعي .... قال استغربت جدا لهذا الطلب الغريب ... وبعد ما نزلت يديني من رأسي من الدهشة ....... سألته السؤال التالي: يعني أنا الزمن ده كلو ما عضو في الحزب الشيوعي؟ وطبعا قطع مصارينا من الضحك بحكاوى أخرى تعرفونها.
من ضمن ما قاله أسامة الخواض : قال السبب الوحيد الخلاه يقدم استقالته من الحزب الشيوعي .... هو (جند أُخرى) لأن هذا الجند في الغالب بياخد ساعتين نقاش.
سلامات يا خدر اخرين بتاعت عمك دى انا ما بعرفها لكن بعرف اخرين بتاعت نعمات كوكو تبادل؟؟؟؟
اها اتونسو و نحن بنتصنت ليكم وكان فى عصره بنعصركم
والله زمان يا عصام جبرالله صاحبك و صفوه عباس ماشين هسه دى لام الحسن وانا المسكينة دى المرض ما خلانى شفت الكج ده كيف؟؟ هسه راحت على زرة يد سااااكت ومعاها هوزيزه اااااخ
محمد عبد الرحمن ... مش لك السلام و بس, بل لك السلام و القــيام معاً ...شفت الناس مقامات كيف ؟
يا سيدى لو انك قرأت الوثيقه المسماة باصلاح الخطأ فى العمل وسط الجماهير لوجدت انها قد إجتهدت فى توضيح الشعره الفاصله بين التـواضع و الوضــاعه, حض عبد الخالق على الأولى و ذم الأخيره. ولنا فى مسلكه الشخصى كما ورد فى سيرته أسوة حسنه (رضى الشعب عنه و ارضاه)
أما الزميل عاطف مكاوي حقو يسمع كلام سنا دا ويوعاهو جيداً
يا راوية دى المرة الرابعة تقصديني فيها - مرة في الجزء الأول لبوست رفاق مصر عندما تحدثت عن الصادق حسن - ومرة في خطأ املائي في عنوان بوست ... وبعد التعليق كتبت كلمة لم تعجبني ... لكن عملت ما شايفها. - برضو كلام في بوست آخر ولكن من الأفضل عدم ذكره لأن فيه آخرين. - وهذه المرة
لكن طالما الموضوع ونسة بقول : الونسة حول العالم ..... والناس ما بتعرف ظروف بعض.
Quote: أول حاجة أنا زعلانة من زملاء كتيرين هنا لأنهم ما عارفين قيمة وقتهم وجهدهم وبيهدروا امكانياتهم في جدل لا يودي ولا يجيب وبيتجيبوا للاستفزاز من ناس اصلا جايين للغرض دا كلامي دا ما مدعاة للتعالي لكن الحوار لو مثمر وبيؤدي لنتائج ودي نادرة في هذا الموقع نخش فيه
لاحولا ياعاطف شايل قدر دا في قلبك وكاتم فك عن نفسك فك يابني بالمناسبة أنا أخدت كلام سناء بجدية وماونسة وكدي أقراهو تاني لانه لو شتيمة بالقطع مابكون عاوزة أشتم بكوري وخالد ديل ناس قريبين لي وعزيزين علي شديد ___________________ بالنسبة لي لستتك بتاعة الزعل دي في بوست الصادق بتذكر تماماً تعليقي في بوست شاهين لاني ماكنت عاوزة أفسد عليك إحتفالك بالصادق ولاني بحترم جداً ناس أقرباء الصادق بالدم بالنسبة للغلطات الاملائية في العناوين و من غير ما أقول ليك المفروض إنت براك تعرف أنها غلطات مميتة الباقي وضحو لي أكتر
و الله الحمد لله في بوست خدر و فى ملاحظات العزيزة سناء الصبّاغ دي، اصلا عندي رغبة الايامات دي ان أسفر عن وجه الباحث الاكاديمي فى بنفسي و أكتب عن الشيوعية الفلسفة نصيرة الفقراء.
Post: #71 Title: Re: ونسة شيوعيين .. Author: بدر الدين احمد موسى Date: 03-15-2011, 06:52 PM Parent: #69
فرصة يا زملا
طيب اقتراحي داك مالو ما عايزين تدخلو الاجندة?
الزميل ممكن يسحبه او اقتراح تصويت (اكتر حاجة كنت بكرهها في الشغل التصويت)
بعدين عندي اعتراض على السلوك الاستاليني (مكتوبة مخصوص كدة) للزميلة سناء الصباغ "بعدين حكاية الكيس المدور دي ما لذيذة كدا بيتطفشو مننا جيل اصبح فليه الرهان, تمباك وكمان تشحدوه من بعض, ياييي ايه الارف دا."
الكيس دا اظنه حقوق انسان ولا شنو يا جماعة?
هههههههه يا سناء والله اخوك في حياته لا خت سفة في خشمه, ولا سيجارة, ولا شرب موية مرة! بس عايز كنت اجيب
الجو-الانفايرومنت- بتاعنا زمان عشان ندخل في المود!
بعدين الزميل بامن على كلامك يا زميلة انه الزميل بكري يبطل اهدار جهوده ويوفرها لحاجات احسن.
في نفرين في البورد دا لو نسينا انهم موجودين و "فتحنا ليهم" الدنيا بتكون جميلة خلاس!
بس قولو لما يظهروا: "محمد معانا ما تغشانا" تلاتة مرات!
تحت تحت, انا قلتها من امبارح, ههههههههه!! (ما معانا زعل يا ناس الجا اجتماعنا براه, يتحمل)
بعدين ياسر طيفور دا مافي زول قادر يجيب طلبه ولا شنو? مكاواته دي فيها ريدة شديدة خلاس.
حمور دا بذكرني بالاصدقاء الغياظين ديك البذكروك بمقولة "النفيسة فيها وما بكتب طلب" هههههه
Quote: . و الله الحمد لله في بوست خدر و فى ملاحظات العزيزة سناء الصبّاغ دي، اصلا عندي رغبة الايامات دي ان أسفر عن وجه الباحث الاكاديمي فى بنفسي و أكتب عن الشيوعية الفلسفة نصيرة الفقراء.
قرقرقررقرررقر مركب مكنة محمد حسبو ولكن وين الثريا من الثرى حتى صيغة الكلام فطيرة وما عندها معنى,,
لو روزماري دا شيوعي بالجد وما لبط كما ذكر لي شيوعي مخضرم المفروض الحزب يسحيه ويكتر لينا من حسبو وكوستي ومعتز شم
عشان ننضم ليه ..
Post: #73 Title: Re: ونسة شيوعيين .. Author: سيف النصر محي الدين محمد أحمد Date: 03-15-2011, 07:13 PM Parent: #69
السلام عليكم و رحمة الله ممكن يا شباب العارف تلفون صلاح ابوجبر يلزو لي بالماسنجر.
يا خدر الزميل نقد بقي ما بستخدم موبايلوا إلا في (البكيات) والمناسبات الإجتماعية تضامنا مع قادة الحركة الشعبية بعد الوثيقة إياهاوالتنبيه إياه لمدراء شركات الإتصالات العاملة في السودان!!
فيا دكتور سيف النصر فلتعلم ان اي مكالمة او محاولة إتصال مع الزميل ابوجبر او ايا كان,هي مكالمات مرصودة من قبل سلطة المؤتمر الوطني!! (وش مازح)
Quote: بعدين ياسر طيفور دا مافي زول قادر يجيب طلبه ولا شنو? مكاواته دي فيها ريدة شديدة خلاس.
يا بدرنا ريدة شنو؟ إنت ما سمعت الحديث القائل: يُحشر المرء مع من أحبّ؟ داير تحشرني مع خدر وخضر وبكري وأمجد؟ لا بأس من أن أحشّر مع إبي ساندرا، لأنه أمّ الناس ببيت الفنون ؛) ___ وبالمناسبة، نصيحة من حادِب ومريد ؛) البوست ده أدخلوهوا واحد واحد، عشان ما يجي واحد يفجركم، الدنيا ما معروفة، والنت سرو باتع؛)
فى زملاء فى بيتهم بتونسوا عن ود اهلهم الزميله قالت لاخوها الزميل ده برجوازى صغير الحبوبه ماعندها علاقه بالحزب لكن الراجل البتكلمو عنو قريبه نطت قالت ليهم هوووووى برجوازى كبييييييييييييير والله
Post: #91 Title: Re: ونسة شيوعيين .. Author: احمد محمد بشير Date: 03-16-2011, 01:25 AM Parent: #90
فرصة يا زوز على حس وثيقة مرتضى اعلاه و على حس ذكر الحركة الشعبية و ما يمكن ان يتلوه من ذكر للحركات التانية سين سوال : هل نحارب بالاسلحة الخاطئة في الحرب الخاطئة يا زملاء يعني الصراع في دائرة التقسيم الموجود بالاساس على الساحة السياسية الان، و الذي تستطيع فيه قوى اليمين او بالاصح قوى التخلف الاجتماعي دي كلها تقديم المسج بتاعتها بصورة جاذبة و و بتجيب دخل في سوق الله اكبر السياسي دا (الانتباهة - اسحق احمد فضل الله - الهندي عز الدين نماذج) ، دي ادوات بتقدر تستلب المواطن السوداني و تأثر على تكوين اتجاهات رأيو السياسي دا بانها تبسط الخطاب السياسي بصورة مخلة .. تترجمو في اشكال بدائية زي عرب - زنوج ، مسلمين - كفار - عرب - غرابة ، بنات ناس - ما بنات ناس ( و دا ابداع جديد في الخطاب السياسي الرسميشعبي للجبهة الاسلامية ) .. الخ الي اخر الثنائيات الممكن اي واحد فيكم لو قعد عشرة دقايق مع روحو يطلع مليون مثال ليها. الخطاب اياً كان رأينا فيهو و كيف انو بيحول الانسان من كائن معقد و بتأثر على تفكيرو عوامل متداخلة و متعددة الي تفكير احادي العامل بسيط و مخل هو خطاب قادر يوصل و يدخل عقول الناس و يأثر عليهم و على طريقة تفكيرهم و اختيارتهم السياسية البتكون مكونة من العوامل المتعددة التانية البيلغيها خطاب اليمين دا. بالجانب التاني نسبة لظروف سياسية كتير و وضع اجتماعي و سياسي معقد، الجبهة التقديمية في المجتمع كلها ما قدرت تترجم الخطاب التقدمي بتاعها لمسج قادرة للوصول للجماهير. في حين المسج اليساري دا الحاجة الوحيدة البتميزهو انو خطاب حقوق. مفترض نظرياً اذا بيتقال الكلام بتاعو عديل و بدون حسابات تانية انو يكون اقرب لافهام الناس و اتجاه اراءهم. لكن المشكلة انو (حزبنا العظيم دا و من لف لفه من قبائل اليسار) قررو انو يخوض معارك تانية غير معارك الحقوق دي حالياً ، فبالتالي خطابو هنا مرهون بشروط و واقع هو ما قادر ينتج فيهو خطاب متوازن و صلب و بيوصل مثال مثلاً( موضوع المهمشين) ،السكوت الضمني لخطاب اليسار عن خطأ التحول المزمن لقضية التهميش الاجتماعي و الاقتصادي لقضية بتاعة جهويات و ethnicity. السكوت الضمني هو معناها قبولنا الضمني لأننا نخوض المعركة السياسية على اساس الجهوي دا ، و دا ملعب خطاب الجبهة الاسلامية بيكسب فيهو لأنو بيبسطها بصورة مخلة و مقصودة و اقرب للفهم البدائي في عقول الناس ( نحن عرب و ديك زرقة و على هذا الاساس ) .. دا فهم بيمشي في المجتمع ، اها نحن هنا دورنا ( ما كحزب بس كتقدميين جميعاً) نوافق على الخطاب و نقيف في الخندق الضد الحكومة بس لأنو الحكومة دي اصلاً كعبة و بالمناسبة الحلول البتقدم فيها الحكومة بتاعة الحل بالقطاعي و انو يدو كل زول كوم دي بتحل القضية بالمفهوم بتاعهم و انتصار الخطاب دا اصلاً غرضو انو يحل القضايا دي بالصورة و يحتفظوا لروحهم باكبر قدر من الكعكة
ولا نرجع الصراع دا لساحتو الحقيقية و نعدل الفهم بتاع (شماليين و زرقة) في ريسين الناس بتقديم خطاب مغاير مقنع. بانو لأ لا الشمال هومجينيس لا الزرقة هومجينيس. هنا في ناس كويسين و ناس كعبين ، و هناك في ناس كويسيين و ناس كعبين و في كل الطرفين في مستغلين و مستغليين الخ الخ الخ الي باقي الصورة الممكن تكونو متفقين معاي فيها و دا ما بيلغي انو في اصلا قضية بتاعة هوية في السودان ، لكن حلها اصلاً ما حيكون بتقسيم الكيمان و كلو زول بكومو بديلاً لخلق دولة مواطنة حقيقية فيها حقوق و واجبات و مساوة و على قاعدة عقد اجتماعي متكافئ.
Quote: Quote: ليعيد قراءة ورقة الاستاذ عبدالخالق محجوب (اصلاح الخطأ فى العمل بين الجماهير
هههههههه. لو ما عندك الوثيقة نجيبا ليك من الصحفي الجديد في الميدان
يا د. محمد النعيم الكلام ليك خضر يا فنان الله يعطيك العافية سلام حسن حيدر
Post: #98 Title: Re: ونسة شيوعيين .. Author: خالد العبيد Date: 03-16-2011, 02:02 AM Parent: #94
نواصل الونسة ! زمان يا خدر لمن اترشحت للحزب في 83 بدوي تاجو كان بجي بيتنا لبعض المحاضرات خارج نطاق الكورس الحزبي ومعاهو دكتور طبيب من اولاد الديم .. امسك عن ذكر اسمه الآن لكن الكورس الحزبي درسنا ليه شخص آخر لا اعرف اسمه .. وهذا ما يهمني هذا الزميل قدم لنا كل محاضرات الكورس الحزبي آخر درس قدمه لنا بعنوان : كيف تواجه الاستجواب .. ثم انصرف كان الارض ابتلعته بعد الانتفاضة انا دخلت كل دور الحزب في العاصمة المثلثة تقريبا لم التقيه ولم اصادفه في ملمة من ملمات الحزب العلنية او السرية قابلته مرة واحدة في بيت عزاء جيرانا وعرفته على الفور اقتربت منه وقدمت له الشاي وجلست جواره .. عرفني وقال لي كلمة واحدة اختاني فختيته وانصرفت سريعا بعد سنين عرفت وبحزن عميق انه رحل عن الدنيا التحية والمجد والخلود لك ايها الزميل الشامخ عبدالوهاب احمد صالح وان اخطأت في تركيب الاسم ارجو من صديقي العزيز حيدر قاسم ان يصححني
Post: #99 Title: Re: ونسة شيوعيين .. Author: حمور زيادة Date: 03-16-2011, 02:07 AM Parent: #94
Quote: نسيتو ايام زمان لما كنتو تتلبدو بالليل زي الحرامية وتشخبتو في الحيط
سألني شاب قريبي من محامي مشهور و كبير في السن .. فقلت ليو ده بعثي. فرد الشاب بكل استغراب : بعثي كيف يعني ؟ يعني بيكتب في الحيط ؟
الشيوعيين ديل عارفنهم ناس مناشير ساي غايتو. مناشير و اغتيال شخصية و كورال. للدقة يعني و كده.
ـــــــ ويقول ليك ديموقراطية مافي .. شيوعيين ملمومين جهارا نهارا و يمارسو الهضربة في ظل الحكومة الاسلامية الرشيدة.
يلحقوني و ينجدوني انشالله الشيوعيين يا يمه أريتم في طرفي بركة سيدي المهدي كلامن در و فوق ده كلوا منجضيين لي الاعداء و إنت يا بكور أو الفتى بوخارست انشالله لا تفوت لا تموت يخدر ضراعك و يكتر نفاعك و يسلم يراعك يا أبفهم و راي تسلم البطن الجابتك ماها ندمانة و عصايتك دايما قايمه مش زي خدر الغناي أب عصايتا نايمه البجامل الخيانة
إمضاء أخريات
Post: #102 Title: Re: ونسة شيوعيين .. Author: مرتضي عبد الجليل Date: 03-16-2011, 04:34 AM Parent: #101
Quote: إنت يا بكور أو الفتى بوخارست انشالله لا تفوت لا تموت يخدر ضراعك و يكتر نفاعك و يسلم يراعك يا أبفهم و راي تسلم البطن الجابتك ماها ندمانة و عصايتك دايما قايمه مش زي خدر الغناي أب عصايتا نايمه البجامل الخيانة
لوووووووووووووووول يا خدر الونسة جابت ليها عصايايات كمان؟
كامل دعمي للعصاية القايمة والود الغناي القريب من لاهاي.
تحية يا شباب ، وشوفوا الجند الاقترحو الزميل بدر الدين دا
أُثني كلام الزميل (الصحفي).
Post: #104 Title: Re: ونسة شيوعيين .. Author: بدر الدين احمد موسى Date: 03-16-2011, 06:23 AM Parent: #102
حمور زيادة
ازيك ياخ عقدتني عديل كدة انا والله ما عارف الحبيب محمد عادل قال ليك شنو لكن لو فيه اغتيال شخصية اكيد انا ما قصدت! ياخي لو عارف صديق دي عندنا كبيرة كيف كان تطالب بيها في المحكمة الدولية ذاتا انا قلت كلامي في سياق ونسة ياخ وزمان ونستنا غالبا ما تكون يا قبل الاجتماع او بعده وبرضو غالبا ما تكون في منو المفروض نجيب طلبه ومنو العاملين لينا موية في ضهرنا وما قادرين على طلبه. زمان جدا جدا قريت -دا كان اول كتاب شيوعي اقراه- كتاب بتاع جيفارا وفي الكتاب مقال رهيب عن من هو الشاب الشيوعي وجيفار طبعا لانه كان شاطر-طبيب- قال انه مفروض الشيوعيين يكونوااشطر الطلبة واحسن الناس. ويجندوا احسن الناس ,عشان كدة انا جندت زول واحد في طول حياتي التنظيمية وجاء اول دفعته لكن لو كنت عايز اجند زول تاني صدقني ممكن تكون انت لو دا بتعبره اغتيال شخصية ما عارف اقول شنو
اها النحكي ليك الحصل للكتاب: استلفته مني زميلة-عضوة هنا في سودانيز- وادته لياسر عرمان بعد كم شهر ياسر عرمان مشى الحركة الشعبية ولهسع كتابي ما جاني راجع! اموت واعرف اثر الكتاب داك في انضمام ياسر عرمان للحركة الشعبية.
جيت أسلم عليكم يا شيوعيين ومعاي هديتي في يدّي, أتمني تقبلوها ياخ.....!
_
__ أها زمانات الكورال شباب جميل ومتحفز أنيق وحالم بي مستقبل جديد وواعد الثقافة والآنشايد الطاعمة وجميلة. مهرجانات, ليالي ثقافية, ميادين وساحات وعي وإستنارة.. ثقافة ومزارعين وإقتصــــــاد فلاحين وعمال ونقابات.
ممكن يــــــــــــاخ..!
Post: #106 Title: Re: ونسة شيوعيين .. Author: ibrahim alnimma Date: 03-16-2011, 07:19 AM Parent: #104
Quote: ويقول ليك ديموقراطية مافي .. شيوعيين ملمومين جهارا نهارا و يمارسو الهضربة في ظل الحكومة الاسلامية الرشيدة.
تعرف ياحمور في حاجات كدة بتحيرني عديل ،،،،،،لما قام انقلاب الجبهة الاسلامية تجنبت في البداية حد التحريم الشعارات الاسلامية واعتقلت الترابي ،،،،،،،وكنت اناقش في واحد من رموز الجبهة الطلابية آنذاك عن هوية الانقلابين الجدد ،فقلت له ياخي الجماعة ديل لو حلقو اللحي ولو استهلو البيان بايات من التوراة برضو كيزان،،،،،،،،فقام الرجل الله يسامحو قال لي" ياخي الجماعة ديل في بيان رقم واحد عديل كده قالو اتو ليحاربو الراسمالية الطفيلية هسة بالله ديل ممكن يكونو اسلايمين؟" فياخي الناس ديل ماقالو الكلام ده صادقين مهما تظاهرو بانهم اعطو الشيوعين حرية الضحك والونسة وحتي عقد المؤتمر الخامس،،،،،،،هذه ليس مجاملة ولكنها جاءت بشق الانفس............وهناك سيداحمد الحسين الذي قال ولله لو منظمات حقوق الاسنان والمجتمع الدولي لذبحونا في المحطة الوسطى.......... لكن المحير فعلاً استمرارهم في بيع فكرة العداء لامريكا والقتال في ازاحتهم من قائمة الدولة الداعمة للارهاب....... اتونسو ياشباب بعافيتكم متابعين بعمق..............
Quote: ويقول ليك ديموقراطية مافي .. شيوعيين ملمومين جهارا نهارا و يمارسو الهضربة في ظل الحكومة الاسلامية الرشيدة.
Post: #107 Title: Re: ونسة شيوعيين .. Author: ibrahim alnimma Date: 03-16-2011, 07:23 AM Parent: #104
Quote: يلحقوني و ينجدوني انشالله الشيوعيين يا يمه أريتم في طرفي بركة سيدي المهدي كلامن در و فوق ده كلوا منجضيين لي الاعداء و إنت يا بكور أو الفتى بوخارست انشالله لا تفوت لا تموت يخدر ضراعك و يكتر نفاعك و يسلم يراعك يا أبفهم و راي تسلم البطن الجابتك ماها ندمانة و عصايتك دايما قايمه مش زي خدر الغناي أب عصايتا نايمه البجامل الخيانة
إمضاء أخريات
هم وهو فعلاً كذلك ياعفراء ......ابوبكر طاقة انسانية وعقلية جبارة ........... موسوعة هذا الرجل ..........تعجبني فعلاً قدراته ..........وأهو انا بقولها ليه من باب الزميل للزميل كالبنيان يشد بعضه بعض...........بقول ليه لا تنجر كثيراً وراء الشتائم فهذه ساحة معروف من يتقنها وهو يستظل بظل السلطة وسوف يندم يوم ان يفقد هذا الظل .......
Post: #108 Title: Re: ونسة شيوعيين .. Author: بخاري عثمان الامين Date: 03-16-2011, 07:58 AM Parent: #104
Quote: بخاري اوع تكون مقلبتنا و طهرت الولد ؟
طبعاً لا ..
عصام عبد الحفيظ مصر اننا نجز الموضوع
لكن أمين قال : عمو طارق قال بغني لي
وأنا ح أنتظره ودي ما خستك في نزلتك الجاية
ننجز القصة يا زميل بس ما تتطول
Post: #109 Title: Re: ونسة شيوعيين .. Author: بخاري عثمان الامين Date: 03-16-2011, 08:34 AM Parent: #108
Quote: تعرف يا بخاري انت من قلائل قلائل آل شيوع الانا بحترمهم
بالجد انت نموذج لرجل فاره الانسانية دي حاجة نادرة في الرجال الحايمة دي
بس حبيت اكاويك ساي..
( الزميلة ) دكتورة نجاة هههههه
الزميلة دي كيف معاك ؟؟
عارفك بتكاوي فيني والله ...
شكرا يا سيدتي لحسن الظن
Post: #110 Title: Re: ونسة شيوعيين .. Author: بخاري عثمان الامين Date: 03-16-2011, 08:38 AM Parent: #109
Quote: ويكتر لينا من حسبو وكوستي ومعتز شم
آمين يا رب
دكتورة الناس ديل أصحابي شديد
كوستي أسمه محمد أحمد
Post: #111 Title: Re: ونسة شيوعيين .. Author: محمد عبد الماجد الصايم Date: 03-16-2011, 08:56 AM Parent: #108
Quote: لكن أمين قال : عمو طارق قال بغني لي وأنا ح أنتظره ودي ما خستك في نزلتك الجاية ننجز القصة يا زميل بس ما تتطول
أها .. أها .. عاجبك جنس دا ! أهن ديل .. نصّ النهار .. وفى قارعة طريق البورد. لا يراعوا مشاعر الناس .. لا يقدروها لا يحترموا كبير .. لا يعاينوا لصغير نصّ النهار ملمومين ويتونسوا فى حوش بكرى.
(أو كما قال المواطن محب العساكر الوطنيين ثمانينات القرن الماضى)
عندي إقتراحات للقادم إذا كان زمن القادم بسمح - سيرفر الميدان (إقتراح بدرالدين) - عاوزين تبرعات + مواقع تأمين سيرفراتها ممتاز و عندها ضمانات باك اب + تصميم جاذب للموقع. - تطوير و تفعيل عمل فرع سودانيزاونلاين - التنسيق مع احزاب تجمع القوي الديمقراطية بالمنبر - مناقشة و التخطيط لكيفية دعم إنتفاضة 21 يناير و الانتفاضات اللاحقة اعلاميها في المنبر و خارجو. يعني نمشي للامة و الاتحاديين في (بوستات ونستهم) و نطلب منهم مندوب يوصل لينا خطط احزابهم للتنسيق حول خطة عمل دعم 21 يناير اقترح الاجتماع يحدد مناديب الفرع من هسة. - الاهتمام ببوست وثائق الحركة الشعبية الاخير - إستكتاب الزملاء ضباط معاش القوات المسلحة لتحليل الوثائق + التنسيق مع كوادر الحركة الشعبية.
____ الكيزان و الامنجية مامحتاجين خطة لرصدهم و الرد عليهم , دي حاجة بتحصل بالفطرة من الزملاء
Post: #124 Title: Re: ونسة شيوعيين .. Author: حمور زيادة Date: 03-16-2011, 11:57 AM Parent: #120
يا بدر ياخ كانت مزاح ما اكتر.
ـــــــــــ لكن الجد اني اصلا لا انوي دخول الحزب الشيوعي.
Post: #121 Title: Re: ونسة شيوعيين .. Author: بخاري عثمان الامين Date: 03-16-2011, 11:16 AM Parent: #118
Quote: غايتو يا بخاري تكون صدفة جميلة تزامن دة مع جيتي السودان ونسمع طارق أبوعبيدة مرة أخرى
خاصة الغنية الكتبتها ولحنتها نجلاء سيداحمد
بوشكش حبيبو
كده نتقل من ونسة شيوعيين الي تنسيق شيوعيين
ادينا زمن جيتك السودان ( في الخاص ) ونشوف
طارق أبو عبيدة ونظبط القصة ..
واحتمال كبير تستمع لاغاني جديدة للواعدة الصاعدة نجلاء سيد أحمد
الإنترنت لعب دور مشهود في الثورة التونسية ومن بعدها المصرية فهل يتوقع ان يكون له نفس الدور في التعبئة والحشود وإدارة الثورة السودانية ؟ الإجابة ، حتى الآن ،،، لا كبيرة فمازال استخدام النترنت محصور جدآ في السودان وفي المدن الكبيرة تحديدآ ولذلك ، اقترح ان تعمل الخلية الإسفيرية هذه وتعكف على ايجاد وسائل فعالة للتواصل مع الجماهير والعمل وسطها وجذبها لمواقع النضال يجب ان تتفتق عبقريتنا عن مقترحات صائبة لإدراك ادوات ناجعة نتمكن بها من تمرير المعلومات والأخبار وحشد الحشود وتجميعها وادارتها
تعال معاك اخرون ( اخرون ما ذي بتاعت طارق الفوق دي )
مرسلين ليكم وفد المقدمة يوم الجمعة
و نقرأ و نشوف . . . كان فيها ثورة بنجي غايتو
اسي دي بقرا لي في كلام عجيب و الله .. و اتحسر على بلدنا الشقينا بيهو داك الَمخَرج الانيق ..
Quote: تحتاج اليمن إلى عدالة جديدة وأفكار جديدة ووجوه جديدة ورؤى جديدة وسياسة تعليمية جديدة وإلى منهج دراسي جديد يقدم حصص الموسيقى والرسم على جدول الضرب وفقه ماقبل 1500 عام
مواهبنا ضايعة ساي ياخ! شبكونا اجمع و اطرح و عيك عاك .. اوك اورو روك العرب و العجم جوك! ما في زول جس موهبتنا ذاتو!
Quote: تحتاج اليمن إلى خطاب سياسي جديد، يمجد قيم الحب والتسامح والعمل.. خطاب يعد الشعب بأن محلات بيع الورد ستكون أكثر من المقابر، وأن المراكز الثقافية ودور عروض السينما والمسرح ستكون أكثر من أقسام الشرطة وأن عيد الشجرة هو اليوم الوطني الأغر. < تحتاج اليمن إلى خطاب ديني جديد يتحدث عن الغد لا عن قريش وبني قينقاع ونواقض الوضوء. تحتاج اليمن إلى مساجد تدعو في كل صلاة إلى محبة الله ومحبة الإنسان خليفة الله في الأرض، ولا تحرض ضد فئة أو فكر أو دين آخر. < تحتاج اليمن إلى رجال دين جُدد لا قداسة لأحد فيهم، القداسة لله وحده والوطن. < تحتاج اليمن إلى حدائق أكثر من المعسكرات وإلى معامل ومصانع أكثر من مقرات الأحزاب.
زملاء الخارج يمكن ان يكون لهم دور كبير جدا في تنشيط الفرع الاسفيري وتنفيذ واجباته بدقة ومهنبة عالية خاصة زملاء امريكا / كندا / استراليا/ بريطانيا / والدول الاوربية لزملاء هذه الدول اقول يمكنان نبتكر ونبدع وسائل دعم جديدة للحزب والميدان ليس بالضرورة ان يكون الدعم كاش مثلا : شراء تجهيز وشراء حقيبة لكل صحفي بالميدان تتكون من : لابتوب .. كاميرا .. فلاشات .. الخ انا من هسه متبرع بي حقيبة ساوصلها شهر ديسمبر القادم اتخيلوا من خمس قارات نجهز خمس حقائب صحفية بس في سنة كاملة !! اقتراح قابل للتعديل يا زملاء
Post: #144 Title: Re: ونسة شيوعيين .. Author: خضر حسين خليل Date: 03-16-2011, 11:45 PM Parent: #143
ــــــ القدة فشلت يارفاقا
Post: #145 Title: Re: ونسة شيوعيين .. Author: سناء عبد السيد Date: 03-17-2011, 00:28 AM Parent: #144
زمان ايام الثانوي و ايام الكيزان مسخنين و معذبننا
كنالمن نشوف كوزة من كوزات الإتحاد مارة بنقول ..اني ارى رؤوسا قد اينعت- كنا بنبه بيها بعض لمن يكون عندنا إجتماع
واحدة من الكوزات جات مارة قمتا انا قلت اني ارى رؤوسا قد اينعت و حان قطافها..قامت الكوزة قالت لي سبحان الله اول مرة اشوف لي( شووعية) حافظة ليها قرءآن
دي مشاركتي ليكم في البوست ما عندي ليكم رسوم إشتراك
Post: #146 Title: Re: ونسة شيوعيين .. Author: محمد حيدر المشرف Date: 03-17-2011, 04:00 AM Parent: #145
Quote: خاصة زملاء امريكا / كندا / استراليا/ بريطانيا / والدول الاوربية
Quote: عاصم فقيري يا اخوي , عندك مداخلتين واحدة بالعربي في الصفحة الاولي ما فهمتها و التانية الفوق بالتركي دي برضو ما فهمتها, كيف الشورة ؟
اولاً المداخلة الأولى دي أنا عاوزك إنت تشرحها وذكرت ليك إني أنا ذاتها مافاهمها
أما الثانية دي فلزوم التامين والعملي والسري وكدا لأنو البورد فيهو فيهو عناصر مهما ترفع التأمين تلقاهو برضو ضعيف وبالرغم من كدا قدتكم مستمرة ما عرفنا ننبهكم كيف
عاصم فقيري _________________________________ شايف الصداقة دي كيف يا خدر
Post: #148 Title: Re: ونسة شيوعيين .. Author: بدر الدين احمد موسى Date: 03-17-2011, 08:28 AM Parent: #147
خالد العبيد
كلامك جميل يا زميل! مع المشرف اثني.
كيف الامتحان يا خدر اوعك تبقى زيي! قربت اكتب ليها سياسة الخليفة الخارجية هههههههه
Post: #149 Title: Re: ونسة شيوعيين .. Author: عبدالكريم الامين احمد Date: 03-17-2011, 09:41 AM Parent: #148
صدق القال الشيوعيين ديل ما يلموفي حتة ما تسمع الا( وس وس وس وس وس) ناقين مع بعض
نحن الذين نفخنا , في الصخر في الحديد , في الإنضبات الصارم واصلنا الحياة بالحب وحده و الكل يعرف بأناَ نزفنا دما حينما شوهت النجمة على يد قمر الخسوف الجهم الآن سترون من نحن و فيم نفكر الآن سترون من نحن و فيم نفكر نحن فضة الأرض النقية معدن الإنسان الحق نجسد حراك البحر الدائب دعم كل الآمال و لحظة في الظلام لا تسلبنا النظر و دونما عذاب سنلقى حتفنا
------
بابلو نيرودا - ايسلا نيجرا - الأعمال الشعرية الكاملة - ترجمة : كمال يوسف حسين - إتحاد كتاب الإمارات و دار الفارابي
Post: #151 Title: Re: ونسة شيوعيين .. Author: خالد العبيد Date: 03-18-2011, 00:23 AM Parent: #150
سلام يا كيكي
Quote: صدق القال الشيوعيين ديل ما يلموفي حتة ما تسمع الا( وس وس وس وس وس) ناقين مع بعض
حكى لي احد الزملاء في جامعة الخرطوم بانو الزميل " سوس " واظن ده لقبو كان في غرفتو بيصلح في الراديو بتاعو لاحظ انو في كوز براقب فيه من الشباك سوس بقى يصوط في الراديو بالمفك ويتكلم مخاطبا: الو موسكو الو موسكو .. ايوه شايفو .. شايفو قلت شنو ؟ امشى اطلع دينو حاضر يا زميل .. حاضر
الكوز فك سايقنو للريح !
بالله يا كيكي واحد يكتب لينا عن سوس يقال انه راجل نكتة وشاعر رصين
من اللبس البيحصل بينك و بين ( فكي إسحق ) في الأسماء
مع الإعتزار لك و الخجل منك يا زميل في هذا الربط و المقارنة
فقط هي تشابه أسماء بينك و هذا الدعي
.
ودي معاوية كرفس
.
Post: #154 Title: Re: ونسة شيوعيين .. Author: خالد العبيد Date: 03-18-2011, 04:31 AM Parent: #153
نقطة نظام الزميل كرفس ماتلخبت الاجندة والبوستات مشاركتك دي محلها هنا.. مش هناك في بسوت عاطف انا جبتها.. تاني ما تلخبت
أذكر و أثناء إعتقالنا في العام 1995 بسجن كوبر و في أثناء ونسة بين (صديقي مجدي بحر و صديق يوسف و سعودي دراج ) سأل صديق يوسف مجدي بحر إنو بقرأ وين ذكر له مجدي إنو طالب في جامعة السودان فقال له صديق يوسف أنا ذاتي إتخرجت من المعهد الفني .. نفس جامعتكم. فقال سعودي دراج لصديق يوسف : يا راجل يا عجوز إنت عايز تقارن نفسك بالشاب دا. فرد صديق يوسف: أسكت ساي .. نحنا لمن كنا في المعهد الفني في الخمسينات و قبل الإستقلال خرجنا في مظاهرة و كان شعارها (أطلقو سراح الذاكي طمل و سعودي دراج ) .
ودي معاوية كرفس
Post: #155 Title: Re: ونسة شيوعيين .. Author: بخاري عثمان الامين Date: 03-18-2011, 11:37 AM Parent: #154
Quote: ياخي اهلي في البركل كتبت لي بوست عن حفرة الدخان طلعوني شيوعي
ما خاتيين عليك والله يا ود جبرين انت قايل الشيوعي ده شنو ؟ كلام في التابو و بنطلون جنز و بعد داك صلعة ولا شعر مبرم ما فرقت
Post: #164 Title: Re: ونسة شيوعيين .. Author: خضر حسين خليل Date: 03-18-2011, 10:22 PM Parent: #162
يا كرفس
أنا كلما اقابل بنبن بصراحة بقيت اقطع فيك بقيت جرافي ونسيت المنافي ده غايتو حيكون شعارنا في اول لقاء ثلاثي
ـــــــــ دعوتك بتاعت الملوحة دي متين لأني قريت الرسالة حوالي واحدة ونص ضهر
Post: #166 Title: Re: ونسة شيوعيين .. Author: أم سهى Date: 03-19-2011, 04:00 AM Parent: #164
انت يا (خدر) شكلو رايح ليك اجتماع وكدة
أما (خضر) والله اجتماعو ده وكلامو بس ناقص ناس الشرقية وبيت (القصيد )بتاع حي العدامة داك وبيت الخبر الكان لامي الناس كلهم طبعا ما بقدر اقول اسمو هاهاهاه يا حليل خالد الطيب وزهير الله يرحمو اييييه يا زمن اها اخليكم تواصلو اجتماعكم لكن ما شايفة الزميلات غير سناء ولا يا ربي هي ممثلة وحدة النساء في المكتب ده لوووول تقول فرع حزب في السعودية لوووووووووووووول سوري يا زملاء لكن اسمو شنو بيت الخبر داك يا خضر
Post: #167 Title: Re: ونسة شيوعيين .. Author: خالد العبيد Date: 03-19-2011, 04:54 AM Parent: #166
Quote: لكن اسمو شنو بيت الخبر داك يا خضر
سلام يا ام سهى البعرفو انو بيت الرياض اسمو العاصمة العلمانية ويا فيه عمايل!!
Post: #168 Title: Re: ونسة شيوعيين .. Author: سيف النصر محي الدين محمد أحمد Date: 03-19-2011, 06:26 AM Parent: #167
خدر .. غايتو البوست ده الشيء الوحيد الطلعته بيهو منو انو الواحد طشه لمن ونسة الشيوعيين ذاته راحت ليهو .. الله يدي العافيه ويلم الطاشين .. لكن عجبتني شديد دي من ابوساندرا
Quote: تتفتق عبقريتنا
وانا مع مشروع خالد بتاع الشنط .. وسلام لكل من مروا ومن لم يمروا والمره الجايه كان بلغتونا بالقادم بنجي وكان ما بلغتونا بنعرف القنوات البنوصل بيها بلاغنا ـــــــــــــــــــــــ ود السر!
انا زول زمالتي فكت ...ممكن احضر الاجتماع دا بمناسبة زمالتي فكت دي مرة كان معانا في جلسة زميل سابق ولما بدينا ننشد الكورالات قام الزول دا شارك معانا في الكورال
بكفاءة عالية جدا فقام زميل قال ليهو يا زول لسة زمالتك ما فكت ,,
فرد عليه الزميل السابق يا زول دي بام فتفت ما بتفك ...
دي غشوة للاجتماع عشان ادفع التبرع بتاعي
لاحظو تبرع ما اشتراك
عشان ما يجيني زول يعمل الحالة واحدة ويقول لي تعال للقادم يا زميل .
عشان ما يجيني زول يعمل الحالة واحدة ويقول لي تعال للقادم يا زميل .
كان كدا نلحق نعدل
شرحو
------
في مجالنا المهني - المحاسبة - عندنا الشهادات المهنية بسموها " زمالة " برضو مرة صحابن لينا داخل معاينة و مشى لزول - يدعي انو زميل - اداهو نظام بخرة كدا لما شفناها لقيناها ما عندها أي علاقة بالمهنة كلو كلو!! واحد سالو : قلت لي الزول دا زميل في ياتو فرع!؟
Post: #173 Title: Re: ونسة شيوعيين .. Author: بدر الدين احمد موسى Date: 03-20-2011, 08:21 AM Parent: #172
لياقتكم تعبت وبقيتوا تفتروا سريع يعني زي النقة الكنتوا بتكبوها في الاجتماعات دي لو اشتغلتوا بنفس الكفاءة كان البوست دا وصل عشرمية صفحة.
أول حاجة قلتوا ونسة بعد سوية قلبت اجتماع والزميل عصام جبر استفسر وشايفاكم شختوا ليه وكدا ما كويس يعني هو لو ما منضبط لكن برضو بنحتاج لي لسانو الطويل دا عشان يأدب لينا الكيزان.
بكور قال واحدة من فوائد البوست وراه الناس البيحبوه لكن بقول ليه الاهم انك تعرف امكانياتك وما تهدرها في الهواء.
كلام امجد دا ابقوا عليه عشرة بتاع الامن دا ما هين!!!!
صلاح الامين يازول انت زمالتك ما بتفك يعني لو انت دفعت بيرع كيكي يدفع شنو مابنقبل الا اشبراكات.
شايفة بدر الدين مصر على الكيس والله يابدر ما ستالينية لكن في زميل ساكن معاي في البيت وطوالي سافي وخايفة اسالوا يطلع من النوع البيسف ويطلق قلت اخير أشوف لي طريقة قرار حزبي يجاذف لي الشغلانة بدون خسائر في التحالفات.
أم سهى وسناء ومناهل وعفراء وسهام بالله حافظوا على التوازن الجندري في الونسة دي عشان ما تقلب حاجة تانية لانو سمعت لي سيرة سطوح وطعموا لينا الونسة وحسة حتجيب ليها سيرة ابو حمور.
لياقتكم تعبت وبقيتوا تفتروا سريع يعني زي النقة الكنتوا بتكبوها في الاجتماعات دي لو اشتغلتوا بنفس الكفاءة كان البوست دا وصل عشرمية صفحة.
أول حاجة قلتوا ونسة بعد سوية قلبت اجتماع والزميل عصام جبر استفسر وشايفاكم شختوا ليه وكدا ما كويس يعني هو لو ما منضبط لكن برضو بنحتاج لي لسانو الطويل دا عشان يأدب لينا الكيزان.
بكور قال واحدة من فوائد البوست وراه الناس البيحبوه لكن بقول ليه الاهم انك تعرف امكانياتك وما تهدرها في الهواء.
كلام امجد دا ابقوا عليه عشرة بتاع الامن دا ما هين!!!!
صلاح الامين يازول انت زمالتك ما بتفك يعني لو انت دفعت بيرع كيكي يدفع شنو مابنقبل الا اشبراكات.
شايفة بدر الدين مصر على الكيس والله يابدر ما ستالينية لكن في زميل ساكن معاي في البيت وطوالي سافي وخايفة اسالوا يطلع من النوع البيسف ويطلق قلت اخير أشوف لي طريقة قرار حزبي يجاذف لي الشغلانة بدون خسائر في التحالفات.
أم سهى وسناء ومناهل وعفراء وسهام بالله حافظوا على التوازن الجندري في الونسة دي عشان ما تقلب حاجة تانية لانو سمعت لي سيرة سطوح وطعموا لينا الونسة وحسة حتجيب ليها سيرة ابو حمور.
Post: #177 Title: Re: ونسة شيوعيين .. Author: خضر حسين خليل Date: 03-21-2011, 09:16 PM Parent: #176
اقبال يا زوز
عاملة شنو يا رفيقة ماذا عن سهي وسارة تحياتي لهم
بخصوص بيت الخبر : إسمو بيت الفضيلة يا اقبال فضيلة شديدة
Post: #178 Title: Re: ونسة شيوعيين .. Author: بدر الدين احمد موسى Date: 03-21-2011, 09:56 PM Parent: #177
سناء الصباغ
تحياتي
انت عارفة انا اكتر زول بتعاطف معاكم في موضوع السفة دي! كنا في البيت اربعة اولاد-نقصنا واحد شهر حداشر الفات- واكبرنا كان سفته زي ما بقولو دقار! امنا-الله يرحمها- كانت كبيرة في السن وشغالة, فوقع عبء تنضيف البيت والغسيل ومرات حتى الطبيخ على انا! اخوي يجي من الجامعة يوم الخميس ويرجع الجمعة بالليل, لكن مخلفات السعوط مبالغة!! تلقيها تحت السرير بالصف. ومرات يكون راقد في البرندة يقوم يجدع السفة في الحوض-مسافة 5-6 امتار- وعلي انا تنضيف كل ذلك, وارجاع الحالة لما كانت عليه! تلقيني ماسك ليك نفسي وانا بكنس في الاوضة والبرندة ولما اكون عايز اتنفس اجري برة اخد لي نفسين وارجع. ياخي قصيرو كدة حكاية التمباك دي والله حاجة ما كويسة خالس خالس. الغريبة يا سناء هسع اخوي بطل السعوط لان بناته قدرن عليه واستعملن حق الفيتو! انا طبعا ما كان علي الا السمع والطاعة ههههههه
Post: #179 Title: Re: ونسة شيوعيين .. Author: بدر الدين احمد موسى Date: 03-22-2011, 06:34 AM Parent: #178
قيقراوي
وينك يا وجيه?
يا قيقراوي ياخ لو كنت عايز تعرف الطبقة العاملة, عاملة شنو?! كنت تجي البوست داك! طلعت ليك الدكاترة طبقة عاملة, لما صاحبك خرخر, رقيناه لبرجوازي صغير "المافي شنو" زي قولك! ياخ انت والله مقصر معانا بهناك كلكم حرنتو خليتوني براي الت واعجن مع صاحبي. طلونا مرة يا جماعة ينوبكم ثواب!!
يا قيقراوي انا لما اشوف الاسم دا بكبر اللفة طوااالي بالله لا تشتكينا ولا حاجة, بس انت تامر ونحن ننفذ بلا شكاوي!! اسمع, اخوك دا يكون زينا, وابو الدقيق, متعنين الشمس عديل! لكن بيني وبينك الكتب القصيدة دي فنان عديل كدة بالله انزل من البرج العالي بتاع "المسقفين" دا, وتعال لينا بهناك في سوق الله واكبر داك, شغالين امسك لي واقطع ليك هههه.
اها هاك يا سناء يا قول {امي غاب و جاب} كنت غاتس مع كلمات فيصل محمد صالح بنتضامن مع صفية اسحق
آه يا بنيّة .. آه يا بنية مجروحة وجوة الجوف غُصّة مظلومة وأقوى من الظالمين يا الدايرة سفينة الحق ترسى شان الحاجات تبقى كويسة
البت الشايلة هدير العالم في جُوَّاك ومتيمنه صوتك وكاسرة القيد يا بت يا نور وكتين العالم ضَلمة شديد مسكونة شديد بي بكرة العيد والجايي من الأفراح أسة يا الدايرة سفينة الحق ترسى شان الحاجات تبقى كويسة
بتشوفي الضوْ من وين والدنيا ضلام بتلاقي البسمة متين وحولك ظُلام تتنفسي كيف والكتمة بتملا العتمة، السَهَلة،الأرض التحت، الأفق الفوق ضايق انا صدري ومخنوق .. ولقيتو يقينك لافيني بي انه الحق لازم يرسى شان الحاجات تبقى كويسة
أجمع الحضور على تسجيل اشادة للزميل لانجاز التكليف في زمن قياسي وبطريقة كويسة جدا عشان الحاجات تبقى كويسة.
يا طارق عشان انت كويس وفيصل محمد صالح كويس وصفية اسحق جميلة وكويسة لازم الحاجات تبقى كويسة
بدون مجاملة اللحن عجبني جدا وحسيت بيه منسجم مع الكلمات
سر سر يا خدر
(سر دي ياها سير لكن الكيزان بيكتبوها غلط لانها فعل امر مجزوم بحذف حرف العلة)
تحسبا يمكن يكون ملاسي ولا E هناي داك واحد فيهم متلبد بي هنا يقوموا يطيروا لينا الونسة في راسنا ونحن ما فايقين لي تامل اليومين ديل بنهب في نار المظاهرات حبة الجمرات الجبناهم من ليبيا ديل قربن يمسكنها.
حارنك نحنا ودارنك الما من شعبنا ما منك حزبا فى القلب مضارنك عشقا جوانا اتارنك فخرا للشعب السودانى والطبقة العاملة الثورية
-------
يا بدر دا شاعر الشعب ياخ
الدرب بوين قلت لي؟
الرابط .. الرابط
Post: #189 Title: Re: ونسة شيوعيين .. Author: بدر الدين احمد موسى Date: 03-24-2011, 07:07 PM Parent: #188
قيقراوي
يا وجيه
يا قيقراوي ياخ دي المرة التانية تزرني في موضوع الشعر دا ياخ, القصة شنو? انت عارف الشعر والقصص والروايات دي انا ماليش فيها نصيب, ما تزرزر ياخ!
زمان-زمنا نحنا السمح داك- كان الشباب جنهم يقروا ماركيز ويسمعوا مصطفى سيد احمد, اخوك كان ماشي اطرش في زفة! انا فناني المفضل بوب مارلي ومرات عديل كدة ما بفهم مصطفى سيد احمد-غير ناطقين بها وكدة! يوم بتكلموا عن ديالكتيك قارسيا ماركيز قمت نطيت قلت اشارك, فقلت ليهم ياخ كلام قارسيا ماركيز دا واقعية سحرية-قوقلتها(حلوة مش) من مجلة, وما اديتهم المصدر ولا حاجة- وانها مجرد سرد خيالي وما مرتبطة باي واقع عشان نتكلم عن الثوروية فيها والديالكتيك وووو انقر الرد كان شنو? ههههههه ما حا اقول ليك, لكن لغاية اليوم تاني ما اتكلمنا مع بعض انا والزميل داك! فاتعظت انه لما يكون الموضوع بتاع شعر وحاجات زي ديك اقعد في علبي وما اهاتر. غايتو الله في!
Post: #190 Title: Re: ونسة شيوعيين .. Author: سيف النصر محي الدين محمد أحمد Date: 03-24-2011, 07:20 PM Parent: #189
رقم تلفون ابوجبر ده سر حزبي و للا شنو يا ناس امريكا؟
Post: #192 Title: Re: ونسة شيوعيين .. Author: بدر الدين احمد موسى Date: 03-24-2011, 08:04 PM Parent: #190
سيف النصر
ازيك
والله يا سيف انا في الحقيقة لا اعرف تلفون الزول الجميل ابو جبر!
وفي الحقيقة انا شفت ابو جبر مرة واحدة سنه 89 في شقته في مصر اتخرجنا, وقلنا نمشي مصر كدفعة, ركبنا القطر من الخرطوم. في القطر اتسلبط فينا واحد من طلاب مصر-السبب كانن معانا بنات! وانا يوم واقف في محطة القطر بديت اغني واحدة من اناشيد كورال الحزب فجاء الشاب-اظن اسمه ابراهيم عبدالجليل- فقال لي ياخ انا عارف انك شيوعي, طبعا حيرني عديل ! وقعد يمثل لينا انه جبهة ديمقراطية. لما وصلنا القاهرة طلب مني امشي معاه لزيارة واحد صاحبه, في الطريق قال لي ياخ انحنا ماشين نزور رئيس الشيوعيين في مصر! طبعا عرفت انه ما عنده علاقة لا بالحزب ولا الجبهة الديمقراطية من ما قال لي رئيس. المهم مشينا شقة ابو جبر فاكرمنا ايما كرم, وضربنا الفول المكرب لديه و شربناالشاي
Quote: رقم تلفون ابوجبر ده سر حزبي و للا شنو يا ناس امريكا؟
يا سيف النصر ياخ انا i will breach التأمين الحزبى و ارسل لك رقم صلاح ابوجبر,والمعارفو انت انو الشباب كلهم قاعدين يضحكو لمن انت طلبت رقم ابوجبر, لانهم عارفين انو الزول دا ما برد التلفون لو قامت القيامه (محدش عارف ليه!) ...الطريقه الوحيده للوصول لصلاح ابو جبر هي(عبر القنوات الحزبيه) ....ح ارسل ليك التلفون و انت و حظك, بُفضل ان تسبق التلفون برسالة إيميل او ان تتنكب القنوات القلتها ليك .
Quote: يلحقوني و ينجدوني انشالله الشيوعيين يا يمه أريتم في طرفي بركة سيدي المهدي كلامن در و فوق ده كلوا منجضيين لي الاعداء و إنت يا بكور أو الفتى بوخارست انشالله لا تفوت لا تموت يخدر ضراعك و يكتر نفاعك و يسلم يراعك يا أبفهم و راي تسلم البطن الجابتك ماها ندمانة و عصايتك دايما قايمه مش زي خدر الغناي أب عصايتا نايمه البجامل الخيانة
والله يا عفراء كلامك دا داير ليهو اجتماع عـام تحت جند واااااااحــد..
أنساه ياخ نحن لينا مدة طويلة نحنس فيه ونفتش ليه من زمن بوست ناس محمد جعفر داك عمل فيها مجنون طوالي شختنا ليه!!!!! اي نعم نحن ما عارفين ظروفه لكن مهما كانت صلاح البنعرفو دا ما بعدم الحيلة في التواصل لذلك اوصيك بالتشخيت الى حين اشعار آخر. (طبعا دي محاولة استفزاز لأبو جبر عشان يظهر)
الزميلات وينكن؟؟؟ قلنا ليكن الوزنة مهمة في الونسة دي.
Post: #197 Title: Re: ونسة شيوعيين .. Author: سيف النصر محي الدين محمد أحمد Date: 03-25-2011, 02:48 AM Parent: #196
شكرا يا بدر موسى على الاهتمام و الحكاية الجميلة عن ظروف مقابلتك لابوجبر،ياخي انت زول "وناس" عديل كده. و شكرا يا محمد النعيم و انا في الانتظار، انت اديني رقم التلفون and I will take my chances بعدين ابوجبر ده معروف من ايام مصر زي ود الموية اصلو ما بيتمسك.
Quote: يا دكتور سيف انت الزول دا مغروض فيه كدا لي شنو؟؟؟
ابدا و الله يا سناء، الموضوع انو أنا هناك في بلد ابوجبر و قلت دي فرصة نسترجع فيها الذكريات.
Post: #198 Title: Re: ونسة شيوعيين .. Author: salah elamin Date: 03-25-2011, 07:52 AM Parent: #197
تحية رفاقية ,,,,مش بتقولوا كده يا زملاء
تحية للاصدقاء سناء و سيف النصر
وسناء هي اول زول اداني دراسة اسس عمل تنظيمي وانا برلوم واندهشت جدا لانو اسمها الحركي كان الزملية عيسى
والصديق سيف سكنا مع بعض لفترة وكان معانا صديقنا الجميل جمال فارح وجمال الان من رجال الاعمال الديمقراطيين
وكلما الاقيهو يا سناء بقول ليهو انت بتكون شغال في فرع السماسرة الشيوعيين والديمقراطيين
,,,في فرع بالاسم دا يا زملاء ؟.....لانو انا زمالتي فكت يا سيف..
سيف النصر لما جاء برلوم عندو زول قريبو اسمو احمد صيدلة
وكان اتحادي لكنه كان صديقنا يعني اتحادي مركب مكنة زميل
قام جانا في الشقة وقال لينا غندكم زول جديد جابوه برلوم في كلية الطب
يا زول طوالي مشينا عشان نوصلوا بفرع الجيهة الديمقراطية انا وزميلنا عادل الجعلي يا سناء .
لما مشينا ليهو اول حاجة قال لينا يا زملاء انا منتظر قرار من فرع الحزب اني اشتغل في الجيهة الديمقراطية ولا ما اشتغل
عادل الجعلي عاين لي وقال لي ..الزميل جاي مولود بسنونو ولا شنو؟
المهم بعد فترة شفت ليك البرلوم سيف بقى السكرتير السياسي بتاع ج د في المجال
ومن ركن نقاش لركن نقاش .
سناء تحياتي للعيال و للزميل وان شاء الله يكون بطل التنباك.
ويا سيف لعرفة والعيال الف تحية
ونحية لكمرد ابوجبر لو لميت فيهو.
انتهى
مش التقارير كانت بتنتهي كده يا زملاء
Post: #199 Title: Re: ونسة شيوعيين .. Author: محمد عبد الماجد الصايم Date: 03-28-2011, 09:17 AM Parent: #198
) و قيل ايضا, لإستقطاع اراضي جديدة وقطع الطريق امام جنود المؤتمر الوطني بأرض سودانيزاونلاين تحت شعار جناَ قابض رقبتك (المؤتمر الوطني ) كان نجضت شغلك ولا بسوي شي. 
