Post: #1
Title: سودانيز أون لاين ذنوب وحسنات !!
Author: نادية عثمان
Date: 03-14-2011, 11:05 PM
سودانيز أون لاين دنيا ساحرة ومدهشة لمن تتفرج عليها من برة تتمنى تدخلها وتكون جزء منها ولمن ربنا يسهلها عليك وتبقى عضو وجزء أصيل من المنبر بحصل شنو؟!
|
Post: #2
Title: Re: سودانيز أون لاين ذنوب وحسنات !!
Author: نادية عثمان
Date: 03-14-2011, 11:16 PM
Parent: #1
سنوات وسنوات مرت من عمري من زمن إنضمامي لأعضاء المنبر الأعزاء وعضواته العزيزات، سنوات شهدت تحولات كبيرة في حياتي كان أهمها نيلي لأقسى لقب يمكن أن تبتلى به امرأة وهو لقب ( أرملة) !! ولولا وقوف الجميع هنا معي لما تجاوزت محنتي حتي اليوم!!
|
Post: #3
Title: Re: سودانيز أون لاين ذنوب وحسنات !!
Author: نادية عثمان
Date: 03-14-2011, 11:23 PM
Parent: #2
سودانيز أون لاين جمعتني بناس رجال ونساء من أجمل مايكون ولو قضيت عمري ساجدة لرب العالمين أشكره على أن جمعني بهم برضو ما بكفي !
|
Post: #4
Title: Re: سودانيز أون لاين ذنوب وحسنات !!
Author: نادية عثمان
Date: 03-14-2011, 11:31 PM
Parent: #3
هنا إتعلمت كتير من فنون الحياة والتعامل مع الناس وتمارين النفس الطويل وسعة الصدر قدر المستطاع وتقبل الرأي والرأي الآخر والمناقشة الموضوعية والصبر على المغالطات وتحمل الأذى والتسامح والتجاوز والإعتذار!
|
Post: #5
Title: Re: سودانيز أون لاين ذنوب وحسنات !!
Author: قاسم المهداوى
Date: 03-14-2011, 11:43 PM
Parent: #2
ممكن اقول سلااام ولا صعب ؟؟؟؟
لسبب بسيط ... حتى السلااام اضحى من الصعوبات
ولا ابرى نفسى من تلك الصويبعات
فمعاشرة القوم تكسبك صفاتهم او قدتاتى اليهم بكل ما تتصف به
من جمال وقبح ايضا
قدمنا الجمال على القبح لان الجمال يتقدم على القبح
ولا ن الجمال يمحو القبح ... ولا كيف
هكذا اعتقد وتلك هى رؤيتى للاشياء
ولكن ( كما يقول د منصور خالد دوما )
او .... ما الذى يحدث ؟؟؟
او.... ثم ماذا بعد ؟؟؟؟
البعض جاء الى سودانيز اون لاين بفكر وعقل متقد
والبعض الاخر جاء كتواصل اجتماعى
وفئة اخرى جاءت كمتفرجة وبضع مداخلات على شاكلة ( فتأمل )
واخرون جاءوا من باب الهبسكة .... وهبسكة هذى تعنى ... الجنون المؤقت والزهايمر المتقطع
والبكاء المستمر والرقص على ايقاع الزمن الاشتر بسبب وبدون اى سبب
تلك هى المسألة ( كما قال هاملت )
معزرة للاطالة والخروج والتحلق بعيدا عن السرب
المهداوى قاسم
|
Post: #6
Title: Re: سودانيز أون لاين ذنوب وحسنات !!
Author: PLAYER
Date: 03-14-2011, 11:57 PM
Parent: #5
| Quote: ولمن ربنا يسهلها عليك وتبقى عضو وجزء أصيل من المنبر بحصل شنو؟! |
مهما حصل (خيرآ ام شرآ).......يستحيل فراق هذا المكان او أهلها
حكمة اليوم
مشيناها خطى كتبت علينا .. ومن كتبت عليه خطى مشاها
|
Post: #7
Title: Re: سودانيز أون لاين ذنوب وحسنات !!
Author: نادية عثمان
Date: 03-15-2011, 03:32 AM
Parent: #6
سودانيز أون لاين جنة ونار، محنة وقسوة، صدق وكذب،وضوح وخداع ، شفافية وزيف، جمال وقبح ، رقة وعنف ، نور وعتمة ، تواضع وغرور، غدر ووفاء ، صداقة وعداء ومحبة وبغضاء وألف وياء !!
|
Post: #9
Title: Re: سودانيز أون لاين ذنوب وحسنات !!
Author: Abdlaziz Eisa
Date: 03-15-2011, 04:01 AM
Parent: #7
Quote:
سودانيز أون لاين
جنة ونار، محنة وقسوة، صدق وكذب،وضوح وخداع ، شفافية وزيف، جمال وقبح ، رقة وعنف ، نور وعتمة ، تواضع وغرور، غدر ووفاء ، صداقة وعداء ومحبة وبغضاء وألف وياء !!
|
الأستاذة نادية
سلام
ربما من هذا وذاك...
الإنسان العادي في اعتقادي دائما يتخير الخير.. الجانب الحسن..
واحيانا يجد الواحد نفسه وسط الهبباي دون أن يسعى اليها..
ورد الفعل محسوب علينا في الحالتين..
تحياتي
|
Post: #16
Title: Re: سودانيز أون لاين ذنوب وحسنات !!
Author: نادية عثمان
Date: 03-15-2011, 05:33 PM
Parent: #9
الأخ الأكرم عبد العزيز عيسى
حبابك
Quote: ربما من هذا وذاك...
الإنسان العادي في اعتقادي دائما يتخير الخير.. الجانب الحسن.. |
إذن ياريت كل الناس الفي الدنيا ( عاديين) والله !!
Quote: واحيانا يجد الواحد نفسه وسط الهبباي دون أن يسعى اليها..
ورد الفعل محسوب علينا في الحالتين.. |
قلبي رهيف ومابقدر على الهبباي في عز الصيف !!!
هكذا قال المغني ولكن الوضع في سودانيز أون لاين مختلف جداً !!
|
Post: #13
Title: Re: سودانيز أون لاين ذنوب وحسنات !!
Author: نادية عثمان
Date: 03-15-2011, 04:56 PM
Parent: #6
بلير الحكيم
حبابك
| Quote: مهما حصل (خيرآ ام شرآ).......يستحيل فراق هذا المكان او أهلها |
صدقت .. فهذا المكان ينطبق عليه قول الشاعر :
( لا بعدك بفرحني .. لا قربك بريحني .. وفي الحالتين أنا الضائع) !
|
Post: #12
Title: Re: سودانيز أون لاين ذنوب وحسنات !!
Author: نادية عثمان
Date: 03-15-2011, 04:16 PM
Parent: #5
قاسم المهداوي
حبابك أخوي وسلام يغشاك وين ما تكون
Quote: البعض جاء الى سودانيز اون لاين بفكر وعقل متقد
والبعض الاخر جاء كتواصل اجتماعى |
وفي كل فوائد !
تسلم يارب
|
Post: #8
Title: Re: سودانيز أون لاين ذنوب وحسنات !!
Author: عاطف عمر
Date: 03-15-2011, 03:59 AM
Parent: #1
تحياتي وسلامات نادية
وصباحك خير ( حسب توقيتنا )
سودانيزأونلاين هى تجسيد مصغر للحياة السودانية
بكل تفاصيلها
وبكل تناقضاتها
كما نتخير أصدقاءنا ومعارفنا في الحياة ، نتخيرهم أيضاً هنا
ربما يكون الفرق أنه في الحياة العامة إن من يأتيك في دارك يأتيك بكامل رضاك ، أما في سودانيزأونلاين ( أو المواقع التفاعلية بشكل عام ) فإن مجرد فتح الإنسان لبوست هو بمثابة دعوة للجميع للولوج لداره
ومع كل ذلك
فلا ننكر أنه أضاف لحياتنا الكثير
كوني بخير
|
Post: #10
Title: Re: سودانيز أون لاين ذنوب وحسنات !!
Author: munswor almophtah
Date: 03-15-2011, 08:52 AM
Parent: #8
ياخ إنتى من حسناتها وصدقها ووفائها وصبرها وجلدها وهيبتها ورونقها
وألقها وعلقها.
ياخ من قولة تيت لغتك واحده ونفسك واحد وطريقك واحد دوبتى وأشعرتى
وأنثرتى.
ياخ سلام عليك ويا سلام عليك
منصور
|
Post: #11
Title: Re: سودانيز أون لاين ذنوب وحسنات !!
Author: Hussein Mallasi
Date: 03-15-2011, 08:57 AM
Parent: #10
Quote:
واخرون جاءوا من باب الهبسكة .... وهبسكة هذى تعنى ... الجنون المؤقت والزهايمر
المتقطع والبكاء المستمر والرقص على ايقاع الزمن الاشتر بسبب وبدون اى سبب |
وصف نفسه فأحسن الوصف .. فتأمل!
|
Post: #14
Title: Re: سودانيز أون لاين ذنوب وحسنات !!
Author: محمد المرتضى حامد
Date: 03-15-2011, 05:14 PM
Parent: #11
ندويه،
لو عرفنا أن المكان الذي نتواجد فيه يجب أن يظل نظيفا ستنتفي السيئات..
النظافه من الإيمان ،
سلامي لإيمان..
|
Post: #29
Title: Re: سودانيز أون لاين ذنوب وحسنات !!
Author: نادية عثمان
Date: 03-16-2011, 12:47 PM
Parent: #14
ياسر طيفور حبابك أخوي
Quote: يا نادية
سودانيزأولاين دي مكان كويِّس جداً، |
لو ما متاكدة إنو مكان كويس بيكم كلكم ما كنت بكون فيهو يا ياسر صدقني !
لكن البزعلك يجي زول يصفك بما ليس فيك ويتحدث عن مواقفك بدون ما يعرف ماهي مواقفك أصلاً !!
يا ياسر أنا ما قعد أجي هنا أقول شنو هو ( ثمن) مواقفي البدفعها من دمي وأعصابي لانو مواقفي
دي ما بقيفها لشخص وإنما لوطن وشعب جميل يستحق الحياة الكويسة !
ليه هنا مابنخلي بعض كل زول يحب البلد بالطريقة الشايفها صاح بدون ما يجي زول يقول ليهو
مابتعرف تحب يا ياسر .. شيء مؤلم ياخ موش ؟!!
الحمد لله على كل شيء !!
|
Post: #27
Title: Re: سودانيز أون لاين ذنوب وحسنات !!
Author: نادية عثمان
Date: 03-16-2011, 11:57 AM
Parent: #14
صديقي وأستاذي الرجل (الكنز) مولانا محمد المرتضى حامد
Quote: ندويه،
لو عرفنا أن المكان الذي نتواجد فيه يجب أن يظل نظيفا ستنتفي السيئات..
النظافه من الإيمان ، |
هنا لا نحتاج لأكثر من نظافة ( الكيبورد) من سوء طقطقة حروف تجرح وتؤلم حتى لو لم تكن موجهة للمرء منا مباشرة فوجودها بيننا مؤذ جداً! ويحملنا ذنوب ليس لنا يد فيها سوى وجودنا في هذا المكان وحبنا له !!
إيمان بتقول ليك مشتاقين ياخالو وخلي بالك منك شديد
|
Post: #21
Title: Re: سودانيز أون لاين ذنوب وحسنات !!
Author: نادية عثمان
Date: 03-15-2011, 09:49 PM
Parent: #11
حسين ملاسي أخوي العزيز حبابك وياريت تدلو بدلوك في موضوع البوست كمان وتوريني كيف بتشوف سودانيز أون لاين بخيرها وشرها ؟
|
Post: #41
Title: Re: سودانيز أون لاين ذنوب وحسنات !!
Author: قاسم المهداوى
Date: 03-16-2011, 11:10 PM
Parent: #11
معزرة يا نادية
لك يا ملاسى
يا سحس ما تروق وتروق المنقا او المنقة
شنو يا سحس
مالك يا سحس
الحاصل شنو يا سحس
يا سحس
يا سحس
اها كدا كــــــــيف ؟؟؟؟
او
ولا كـــــــــــــيف
يا سحس
أهدأـ يا سحس
يا سحس
انت راكب غلط والله
برضو ولا كــــــــيف ؟؟؟؟
يا سحس
انا زول شرانى شديد
ياخ خلى الشر كامن فى علبو
؟؟؟؟؟؟
ولا كـــــــيف
قاسم المهداوى
|
Post: #18
Title: Re: سودانيز أون لاين ذنوب وحسنات !!
Author: نادية عثمان
Date: 03-15-2011, 06:28 PM
Parent: #10
العزيز الرجل الإنسان الفنان منصور
بركة الجابك البوست عليمي الله مفتقدة كتابتك والدوبيت والأيام السمحة يا حليلها !
Quote: ياخ إنتى من حسناتها وصدقها ووفائها وصبرها وجلدها وهيبتها ورونقها
وألقها وعلقها.
ياخ من قولة تيت لغتك واحده ونفسك واحد وطريقك واحد دوبتى وأشعرتى
وأنثرتى.
ياخ سلام عليك ويا سلام عليك |
دي عين الرضاء يا غالي لكن كلام بحملني مسئولية يارب أكون قدرها ياخ !!
منصور ما إشتقت تدوبي عليك الله ؟!!
|
Post: #17
Title: Re: سودانيز أون لاين ذنوب وحسنات !!
Author: نادية عثمان
Date: 03-15-2011, 06:13 PM
Parent: #8
عاطف عمر العزيز
حبابك أخوي
Quote: سودانيزأونلاين هى تجسيد مصغر للحياة السودانية
بكل تفاصيلها
وبكل تناقضاتها
كما نتخير أصدقاءنا ومعارفنا في الحياة ، نتخيرهم أيضاً هنا
ربما يكون الفرق أنه في الحياة العامة إن من يأتيك في دارك يأتيك بكامل رضاك ، أما في سودانيزأونلاين ( أو المواقع التفاعلية بشكل عام ) فإن مجرد فتح الإنسان لبوست هو بمثابة دعوة للجميع للولوج لداره
ومع كل ذلك
فلا ننكر أنه أضاف لحياتنا الكثير |
كلام موزون وزي الدهب وما محتاج زيادة كلمة ولا ناقص حرف !
تسلم يا زول يا نيل !
|
Post: #19
Title: Re: سودانيز أون لاين ذنوب وحسنات !!
Author: خلف الله عبود
Date: 03-15-2011, 07:09 PM
Parent: #17
نادية العزيزة
سلام
زي ماقال عاطف ، سودانيزأون لاين صورة مصغرة للدنيا ... للمجتمع الخارجي الحسي ...
فيه الصالح والطالح ، ....
و مشكلة الناس الجميلين زيك يا نادية ، الناس البيحبوا يشيعو الخير والجمال في الناس ، أنهم بيلقو شئ كتير من سوء الفهم أو سوء النية .... ودا سببو أنه في ناس داخلين المنبر لقضاء الوقت أوالمهاترة أو غير ذلك من أنشطة الفراغ ....
الناس الجادين بيحاورو بأدب الحوار، ودا نحن مفتقدينو في البعض ، إلا قليلا ... والقليل دا هو أس الخير ...
وعلى أي حال تحربة الحوار في بلدنا مرت بتجارب كتيرة ، وسودانيز أون لاين تجربة جديدة نسبيا ، ولازم تمر بمخاض ينتهي قطعا بأن يتعلم الجميع أدب الحوار ...
والعميد بكري يوم شكره مابيجي ، وهو أكتر الناس البيحملو رسالة الحوار النظيف ...
وفي النهاية لا سبيل لنظافة الحوار ، غير الحوار وإستمرار الحوار ...
زي ما قال المرحوم المحجوب ، وزيز خارجية السودان ، في الزمن الجميل : ( إن علاج الديمقراطية هو المزيد من الديمقراطية ) ...
وإنتي يانادية إتحملت الكتير ، ودا الخلاك صاحبة قدرة على الحوار الخلاق ... وصاحبة قدرة على نشر أريج الحب والحرية ، للكل ...
تسلمي يا نادية .
|
Post: #20
Title: Re: سودانيز أون لاين ذنوب وحسنات !!
Author: محمد الامين محمد
Date: 03-15-2011, 07:30 PM
Parent: #19
احسن هنا ولا هارموني
مذكرة البوست الزماااان داك
بس اوع تقولي انا بتاع مشاكل
|
Post: #22
Title: Re: سودانيز أون لاين ذنوب وحسنات !!
Author: ساميه حامد
Date: 03-15-2011, 10:09 PM
Parent: #20
تحية اختي نادية
انا جديدة في المنبر
والحمد لله لحدي هسه لاقيت حسنات اكتر من سيئات ( وإن شاء الله ما تلاقيني)
واجمل ميزة اني إتواصلت مع ناس راقين وحلوين شديد امثالك وغيرك كثيرين
وبالمناسبة نحن إتلاقينا في الحفلة العملوها ليك بورداب الرياض قبل ما اكون عضوة في المنبر
ومن الناس الاتواصلت معاهم ناس من اهلي لحمي ودمي وناس معارف اخبارهم كانت مقطوعة عني وسنين ما سمعت عنهم حاجة لاقيتهم هنا
الشيء السيء في سودانيز انوالحاصل في البورد عكس المقولة السائدة إختلاف الرأي لا يفسد للود قضية
لانو اي اتنين إختلفوا في اي شيء ولو بسيط تقوم قيامة البوردو ما بتقعد إلا بحذف البوست وفي حالات نادرة باعتذار المختلفين لي بعضهم
وزي ما قلتي كل مكان فيهو الصالح والطالح فعلينا ان نفعل ما يرضيه ضميرنا زي ما قلتي في البوست السابق
تقبلي تحياتي واحترامي لك فانت نموزج مشرف لنساء بلادي ودمتي بخير
|
Post: #23
Title: Re: سودانيز أون لاين ذنوب وحسنات !!
Author: Hisham Ibrahim
Date: 03-16-2011, 07:31 AM
Parent: #22
كل يوم أصابح فيهو سودانيزاون لاين هو يوم طبيعي ..
اليوم الغير كدا بكون بالنسبه لي يوم غير طبيعي وناقص كتير ...
إنتمائي له كان لأنه منبر يحوي كل الناس ..
أمشي فيه بحذر وأكتب فيه رأي عسى ان يجد من يسمعه او يؤيده او يخّطئه كما الجميع
سعياً وراء مستقبل مشرق لوطن كان يتسع لنا جميعاً،، وأصبح اليوم وطن يسع ناس معينين..
وأشاركـ فيه إجتماعياً مع ناس كثير منهم من لم تراهم عيني ، احببتهم من خلال حروفهم حتى البروفايلات حببتنا في بعضهم ..
سودانيز اون لاين وطن تعشقه واهـله ...
كلنا يا نادية بنغزف لحن واحد مهما إختلفنا ( حب الوطن والناس ) .. فهذه طبيعتنا ...
اعيب عليه احياناً كثيره أن لُغته تتدحرج الى مكان سحيق لا يشبهنا ولا يشبهه ...
،،،،،،،،،،،،،،،،،،،،،،،،،،،
دي حبه شوية من كتير
|
Post: #24
Title: Re: سودانيز أون لاين ذنوب وحسنات !!
Author: Abdlaziz Eisa
Date: 03-16-2011, 08:17 AM
Parent: #23
Quote:
حبابك
Quote: ربما من هذا وذاك...
الإنسان العادي في اعتقادي دائما يتخير الخير.. الجانب الحسن..
إذن ياريت كل الناس الفي الدنيا ( عاديين) والله !!
Quote: واحيانا يجد الواحد نفسه وسط الهبباي دون أن يسعى اليها..
ورد الفعل محسوب علينا في الحالتين..
قلبي رهيف ومابقدر على الهبباي في عز الصيف !!!
هكذا قال المغني ولكن الوضع في سودانيز أون لاين مختلف جداً !! |
الأخت الأستاذة/ نادية
سلام
قصدت بعاديين.. أي بالفطرة.. الخير في قلب كل انسان بالفطرة.. لكن الإنسان هو الذي يغير الموازين ويقلبها لعوامل متعددة..
هبباي سودانيس دي هي الفوق عادية..
فأحيانا كثيرة بغض النظر عن الموضوع وعنوان البوست.. تهب رياح الخماسين ومن خلفها الهبباي وتنقل تضاريس الأرض جميعها بهول لا أول له ولا أخر..
لك العتبى في الحصل وأنت بحصافتك لا تعجزك النوازل .. فقلمك شامخ..
تحياتي
|
Post: #25
Title: Re: سودانيز أون لاين ذنوب وحسنات !!
Author: lana mahdi
Date: 03-16-2011, 08:49 AM
Parent: #24
نادية الحبيبة
أفضل شيء مع سودانيز أن نتعامل مع هذا المكان كجزء مقدر من حياتنا ولكن ليس كل حياتنا
مكان للتثاقف وتبادل الرؤى والمعلومات وقد يفضي لعلاقات إنسانية غاية في الرقي ..
وأن نجعل توقعاتنا من المكان وناسه معقولة..
لا أحزن البتة لو تصرف معي إنسان هنا بسوء
فقط أذكر نفسي أننا في عالم (إفتراضي) لو قابلت مواجهي بالسوء (ذات جماعة) لما عرفته..
وهنا أضحك من فكرة الغضب من إنسان تجمعني به (نقرة كيبورد) لا أكثر..
ومحبتي وتقديري لك..
لنا
|
Post: #26
Title: Re: سودانيز أون لاين ذنوب وحسنات !!
Author: ابو جهينة
Date: 03-16-2011, 09:22 AM
Parent: #25
تحياتي نادية و كيف البنية و أسرتها
سودانيز أون لاين جنة ونار، محنة وقسوة، صدق، شفافية وزيف، جمال وقبح ، رقة وعنف ، نور وعتمة ، تواضع وغرور، غدر ووفاء ، صداقة وعداء ومحبة وبغضاء وألف وياء !!
تماما كحال البلاد و العباد
لا فرق بين الدنيا خارج الإسفير و داخله ، عالم يعج بالأضداد
و لكن العزاء هو وجود ما هو بالأحمر أعلاه
|
Post: #28
Title: Re: سودانيز أون لاين ذنوب وحسنات !!
Author: السمؤال بدرالدين
Date: 03-16-2011, 12:01 PM
Parent: #26
سلام بت الرجال
سودانيزاونلاين زي الحلة فيها المجنون والعاقل
المصيبة في ناس عايزة تفرض وصاية علي الغير
علي المستوي الشخصي افتخر واسرتي الصغيرة بمعرفتك
لما لمسناهو من نبل في تعاملك مع الاخرين وبدون فرز
تسلمي
|
Post: #45
Title: Re: سودانيز أون لاين ذنوب وحسنات !!
Author: نادية عثمان
Date: 03-17-2011, 04:29 PM
Parent: #28
السمؤال بدر الدين يا أخوي الحنين
سلام ود الرجال
Quote: سودانيزاونلاين زي الحلة فيها المجنون والعاقل
المصيبة في ناس عايزة تفرض وصاية علي الغير |
المجنون والعاقل هينة ومقبولة بس قصة زول يفرض وصايته على زول كبير زيو دي الما فهمتها !!
Quote: علي المستوي الشخصي افتخر واسرتي الصغيرة بمعرفتك
لما لمسناهو من نبل في تعاملك مع الاخرين وبدون فرز |
ويشهد الله أنا فخورة بيك وأنت واحد من النبلاء البفخر أن جمعني بهم هذا المكان والله !
تسلم أبو البنيات أخوي العزيز
|
Post: #44
Title: Re: سودانيز أون لاين ذنوب وحسنات !!
Author: نادية عثمان
Date: 03-17-2011, 04:14 PM
Parent: #26
أستاذنا الفاضل جلال ( أبو جهينة)
حبابك ملايين والله
Quote: تماما كحال البلاد و العباد
لا فرق بين الدنيا خارج الإسفير و داخله ، عالم يعج بالأضداد
و لكن العزاء هو وجود ما هو بالأحمر أعلاه |
نعم كلام سليم لكن زي ماقلت فوق أنا كنت بظن وليس كل الظن إثم !
إنو هنا في العالم الإفتراضي ده لو بنقدر نحاول نخرج الخير الجوانا ونلجم شيطان الشرور !!
ويبقى من أهم ميزات هذا المكان أن جمعتني بأديب أريب ورجل مبدع مثلك يا أستاذ جلال
وتسلم يارب وخليك قريب فوجودك مفرح بحق
|
Post: #39
Title: Re: سودانيز أون لاين ذنوب وحسنات !!
Author: نادية عثمان
Date: 03-16-2011, 04:33 PM
Parent: #25
الحبية جداً لنا أم الحبيب الوليد
حبابك ملايين
| Quote: أفضل شيء مع سودانيز أن نتعامل مع هذا المكان كجزء مقدر من حياتنا ولكن ليس كل حياتنا |
شخصياً بتعامل معاه كجزء من الجزء لكنه جزء عزيز بغيب وأرجع ليهو بشوق وما بستغنى منه !!
Quote: مكان للتثاقف وتبادل الرؤى والمعلومات وقد يفضي لعلاقات إنسانية غاية في الرقي ..
وأن نجعل توقعاتنا من المكان وناسه معقولة..
لا أحزن البتة لو تصرف معي إنسان هنا بسوء
فقط أذكر نفسي أننا في عالم (إفتراضي) لو قابلت مواجهي بالسوء (ذات جماعة) لما عرفته..
وهنا أضحك من فكرة الغضب من إنسان تجمعني به (نقرة كيبورد) لا أكثر..
ومحبتي وتقديري لك.. |
كلام عين العقل يا لنا ودوماً أذكر نفسي بما تذكرينه بها من أن هذا العالم محض ( إفتراض) !!
لا أغضب ممن لا أعرفهم فيه !!
ولكنه به أناس عرفتهم داخل وخارج هذا المكان يمكن أن الوم أياً منهم بعشم لا يتعدى حدود هذا المكان ولا أحمل لاحدهم أي بغض أو ضغينة في داخلي أبدا !!
تسلمي وخليك قريبة
|
Post: #38
Title: Re: سودانيز أون لاين ذنوب وحسنات !!
Author: نادية عثمان
Date: 03-16-2011, 04:07 PM
Parent: #24
الأخ الأكرم عبد العزيز
Quote: قصدت بعاديين.. أي بالفطرة.. الخير في قلب كل انسان بالفطرة.. لكن الإنسان هو الذي يغير الموازين ويقلبها لعوامل متعددة..
هبباي سودانيس دي هي الفوق عادية..
فأحيانا كثيرة بغض النظر عن الموضوع وعنوان البوست.. تهب رياح الخماسين ومن خلفها الهبباي وتنقل تضاريس الأرض جميعها بهول لا أول له ولا أخر.. |
أي أنا فهمتك ولكن كنت بتمنى لو يستطيع البوردابي الزميل تغليب نزعة الخير على الشر الجواه عشان المكان ده يبقى حلو .. مثالية حد ( الإفراط) موش ؟!!
| Quote: لك العتبى في الحصل وأنت بحصافتك لا تعجزك النوازل .. فقلمك شامخ.. |
الحصل لي بحصل ليك ولغيرك وهو شيء عادي لكن الأمنية تظل في مسألة حوار (نظيف) بدون أحكام مسبقة وإتهامات مجانية .. تفتكر ليه الحوار هنا ما بوصل لشيء في الغالب يا أستاذ عبد العزيز ؟
سؤال محيرني والله !
|
Post: #36
Title: Re: سودانيز أون لاين ذنوب وحسنات !!
Author: نادية عثمان
Date: 03-16-2011, 03:50 PM
Parent: #23
الأكرم هشام إبراهيم
Quote: سودانيز اون لاين وطن تعشقه واهـله ...
كلنا يا نادية بنغزف لحن واحد مهما إختلفنا ( حب الوطن والناس ) .. فهذه طبيعتنا ...
اعيب عليه احياناً كثيره أن لُغته تتدحرج الى مكان سحيق لا يشبهنا ولا يشبهه ...
،،،،،،،،،،،،،،،،،،،،،،،،،،،
دي حبه شوية من كتير |
ياسلام عليك والله !
إنت لخصت الشغلة كلها في السطور الفوق دي !
لكن برضو تعال كمل كلامك وخلي الحبة تبقى كتير سمح؟
تسلم يارب
|
Post: #33
Title: Re: سودانيز أون لاين ذنوب وحسنات !!
Author: نادية عثمان
Date: 03-16-2011, 02:32 PM
Parent: #22
العزيزة سامية حمد
حبابك وتسلمي يارب
Quote: انا جديدة في المنبر
والحمد لله لحدي هسه لاقيت حسنات اكتر من سيئات ( وإن شاء الله ما تلاقيني) |
حبابك ملايين ويارب مايلاقيك سوء كلو كلو يارب !
Quote: واجمل ميزة اني إتواصلت مع ناس راقين وحلوين شديد امثالك وغيرك كثيرين
وبالمناسبة نحن إتلاقينا في الحفلة العملوها ليك بورداب الرياض قبل ما اكون عضوة في المنبر
ومن الناس الاتواصلت معاهم ناس من اهلي لحمي ودمي وناس معارف اخبارهم كانت مقطوعة عني وسنين ما سمعت عنهم حاجة لاقيتهم هنا |
تسلمي ياغالية وفعلاً سودانيز بتلم الزول في ناس ما كان بقدر يلاقيهم إلا هنا !
Quote: الشيء السيء في سودانيز انوالحاصل في البورد عكس المقولة السائدة إختلاف الرأي لا يفسد للود قضية
لانو اي اتنين إختلفوا في اي شيء ولو بسيط تقوم قيامة البوردو ما بتقعد إلا بحذف البوست وفي حالات نادرة باعتذار المختلفين لي بعضهم
وزي ما قلتي كل مكان فيهو الصالح والطالح فعلينا ان نفعل ما يرضيه ضميرنا زي ما قلتي في البوست السابق
تقبلي تحياتي واحترامي لك فانت نموزج مشرف لنساء بلادي ودمتي بخير |
كلام سمح زي ستو وأنا سعيدة بيك أخت وصديقة وزميلة يا سامية وكمان إسمك زي اسم أختي الكبيرة
وبيك وبأمثالك المكان أحلى . خليك قريبة وجودك مفرح بالجد يا سمسمة !
|
Post: #31
Title: Re: سودانيز أون لاين ذنوب وحسنات !!
Author: نادية عثمان
Date: 03-16-2011, 01:51 PM
Parent: #20
محمد الأمين أخوي
حبابك مليون
| Quote: احسن هنا ولا هارموني |
هههههههه بالغت فوكا !!
غايتو في هارموني ماف زول بشاكل ولا بجوط ولا بكورك !!
كل زول بصور برنامجه بكل أدب وإحترام ويمشي بيتهم !
في هارموني البرنامج بقروش هنا البوستات ببلااااااش ( وش بضحك) !!
| Quote: مذكرة البوست الزماااان داك |
ياتو فيهم تقصد ؟!!
| Quote: بس اوع تقولي انا بتاع مشاكل |
أنت حاشاك المشاكل أخوي .. أنت بتاع شبك بس .. ههههه بهظر معاك سمح؟
حبابك في أي وكت أخ كريم ابن أخ كريم
|
Post: #30
Title: Re: سودانيز أون لاين ذنوب وحسنات !!
Author: نادية عثمان
Date: 03-16-2011, 01:37 PM
Parent: #19
الفنان الإنسان الجميل خلف الله عبود
حبابك مليون
Quote: زي ماقال عاطف ، سودانيزأون لاين صورة مصغرة للدنيا ... للمجتمع الخارجي الحسي ...
فيه الصالح والطالح ، .... |
ده كلام سليم لكن تفتكر صعب شديد لو حاولنا نتخلى عن ( طالحنا) برة وجينا بي ( صالحنا) بس هنا ؟!!
| Quote: و مشكلة الناس الجميلين زيك يا نادية ، الناس البيحبوا يشيعو الخير والجمال في الناس ، أنهم بيلقو شئ كتير من سوء الفهم أو سوء النية .... ودا سببو أنه في ناس داخلين المنبر لقضاء الوقت أوالمهاترة أو غير ذلك من أنشطة الفراغ .... |
سبحان الله يا فنان ربنا بذاتو وجلالو بيقول إنو جزاء الإحسان هو الإحسان لكن هنا في الغالب خيراً تعمل شراً تلقى !!
Quote: الناس الجادين بيحاورو بأدب الحوار، ودا نحن مفتقدينو في البعض ، إلا قليلا ... والقليل دا هو أس الخير ...
وعلى أي حال تحربة الحوار في بلدنا مرت بتجارب كتيرة ، وسودانيز أون لاين تجربة جديدة نسبيا ، ولازم تمر بمخاض ينتهي قطعا بأن يتعلم الجميع أدب الحوار ...
والعميد بكري يوم شكره مابيجي ، وهو أكتر الناس البيحملو رسالة الحوار النظيف ...
وفي النهاية لا سبيل لنظافة الحوار ، غير الحوار وإستمرار الحوار ...
زي ما قال المرحوم المحجوب ، وزيز خارجية السودان ، في الزمن الجميل : ( إن علاج الديمقراطية هو المزيد من الديمقراطية ) ... |
ده كلام كويس لكن مهم نفهم الديمقراطية صاح في الأول موش ؟!
Quote: وإنتي يانادية إتحملت الكتير ، ودا الخلاك صاحبة قدرة على الحوار الخلاق ... وصاحبة قدرة على نشر أريج الحب والحرية ، للكل ...
تسلمي يا نادية . |
تسلم أنت يارب .. ده كلام كتير وكبير علي أنا زولة بسيطة بتحب الناس وبتتعلم من الدنيا والمنبر !
|
Post: #32
Title: Re: سودانيز أون لاين ذنوب وحسنات !!
Author: ismeil abbas
Date: 03-16-2011, 02:20 PM
Parent: #30
مرحبآ بالزينة......لك التحية.
Quote:
سودانيز أون لاين جنة ونار، محنة وقسوة، صدق وكذب،وضوح وخداع ، شفافية وزيف، جمال وقبح ، رقة وعنف ، نور وعتمة ، تواضع وغرور، غدر ووفاء ، صداقة وعداء ومحبة وبغضاء وألف وياء !! |
الدنيا كلها مبنية على المتاقضات الجنة والنار. الليل والنهار والبوح وألأسرار..والحصيف يفهم سر ألأشياء..سودانيزأون لاين بعض من هذه ألأشياء.
سعيد بطلتك ...تقديرى وأحترامى.
|
Post: #34
Title: Re: سودانيز أون لاين ذنوب وحسنات !!
Author: عبدالعزيز الفاضلابى
Date: 03-16-2011, 02:35 PM
Parent: #32
Quote: ياخ إنتى من حسناتها وصدقها ووفائها وصبرها وجلدها وهيبتها ورونقها
وألقها وعلقها.
ياخ من قولة تيت لغتك واحده ونفسك واحد وطريقك واحد دوبتى وأشعرتى
وأنثرتى.
ياخ سلام عليك ويا سلام عليك
منصور |
|
Post: #35
Title: Re: سودانيز أون لاين ذنوب وحسنات !!
Author: PLAYER
Date: 03-16-2011, 02:42 PM
Parent: #34
| Quote: هنا البوستات ببلااااااش |
حكمة اليوم
الدفع هنا بالحب والأحترام اذا أحسنت...وبالحقد والكراهية أذا أسئت
|
Post: #37
Title: Re: سودانيز أون لاين ذنوب وحسنات !!
Author: نوفل عبد الرحيم حسن
Date: 03-16-2011, 03:55 PM
Parent: #35
سودانيز اون لاين
في السابق جمع كل ألوان الطيف ومختلف الضروب
فن - سياسة - ادب - خير - جمال ... الخ
الان .. سياسة ثم سياسة ثم بعض من هذا وذاك بنسبة أقل من القليل
الي اين يسير ؟
..................
سلامات نادية
|
Post: #40
Title: Re: سودانيز أون لاين ذنوب وحسنات !!
Author: وليد الطيب قسم السيد
Date: 03-16-2011, 04:38 PM
Parent: #37
تحياتى استاذة نادية
سودانيز اونلاين نور ونار من اراد نورها فليستصلى بنارها
|
Post: #42
Title: Re: سودانيز أون لاين ذنوب وحسنات !!
Author: سناء عبد السيد
Date: 03-16-2011, 11:36 PM
Parent: #40
سودانيز اونلاين عاملة زي الدنيا مرة معاك ومرة عليك
ومن اجمل الحاجات القدمتا لي اني اتعرفت عليك
ندوية الشوق بحر و فياضانات سونامي عديل .. والله بتبالغي مالك يختي قاطعة قدر ده
|
Post: #43
Title: Re: سودانيز أون لاين ذنوب وحسنات !!
Author: عبدالله كع
Date: 03-17-2011, 06:59 AM
Parent: #42
| Quote: ولمن ربنا يسهلها عليك وتبقى عضو وجزء أصيل من المنبر بحصل شنو؟! |
تقعد تعاين سااااااااااااكت - وفي النهايه تعيش الحاله !!
سلام يا ( ناديه )
و دي ميزة هذا المكان .. كلنا اخوانا
|
Post: #55
Title: Re: سودانيز أون لاين ذنوب وحسنات !!
Author: نادية عثمان
Date: 03-19-2011, 03:07 PM
Parent: #43
أخوي عبد الله كع
حبابك ملاييييين والله
| Quote: تقعد تعاين سااااااااااااكت - وفي النهايه تعيش الحاله !! |
ومرات تضحك !!
ومرات تبكي !!
ومرات تتمحن !!
ومرات تستغفر !!
ومرات تدمدم تنووووم والمنبر فااااتح وأنت مسجل حضور .. صاح ؟!!
|
Post: #52
Title: Re: سودانيز أون لاين ذنوب وحسنات !!
Author: نادية عثمان
Date: 03-19-2011, 02:26 PM
Parent: #42
سنوية بت عمو عبد السيد ياعسلنا الرائق ومصفى
Quote: سودانيز اونلاين عاملة زي الدنيا مرة معاك ومرة عليك
ومن اجمل الحاجات القدمتا لي اني اتعرفت عليك |
تسلمي لي وما أعدمك وإنتي والله زولة ماساهلة ويعلم الله كم فرحت لمن قابلتك في القاهرة ياغالية !
| Quote: ندوية الشوق بحر و فياضانات سونامي عديل .. والله بتبالغي مالك يختي قاطعة قدر ده |
أنا هنا .. وإنتي هنا ولا هناك ولا هنووووك ؟!
|
Post: #50
Title: Re: سودانيز أون لاين ذنوب وحسنات !!
Author: نادية عثمان
Date: 03-19-2011, 02:06 PM
Parent: #40
وليد ود عم الطيب قسم السيد حبابك أخوي
وكيف الأهل كلهم بالبشاقرة عساهم بخير يارب
| Quote: سودانيز اونلاين نور ونار من اراد نورها فليستصلى بنارها |
ولا نقول إلا مايرضي الله والحمد لله على كل شيء ..!
سلم على طارق وقسم وإسماعيل ياخ سمح؟
|
Post: #49
Title: Re: سودانيز أون لاين ذنوب وحسنات !!
Author: نادية عثمان
Date: 03-19-2011, 01:38 PM
Parent: #37
نوفل
حبابك أخوي
Quote: سودانيز اون لاين
في السابق جمع كل ألوان الطيف ومختلف الضروب
فن - سياسة - ادب - خير - جمال ... الخ
الان .. سياسة ثم سياسة ثم بعض من هذا وذاك بنسبة أقل من القليل
الي اين يسير ؟ |
والله العظيم انا ذاتي بقول لنفسي كلامك وسؤالك ده !!
المشكلة إنك لمن تكتب عن أي موضوع غير السياسة لو في الفن أو الأدب مثلا يا يقع بوستك في الصفحة الخرطومية !
يا كمان يجيك واحد يقول ليك ( الناس في شنو وأنت في شنو) ويحبطك إحباط السنين مثلاً ..!!
الحل شنو ؟!
|
Post: #48
Title: Re: سودانيز أون لاين ذنوب وحسنات !!
Author: نادية عثمان
Date: 03-19-2011, 01:13 PM
Parent: #35
بلير يا حكيمنا العزيز
| Quote: الدفع هنا بالحب والأحترام اذا أحسنت...وبالحقد والكراهية أذا أسئت |
يا ريت تكون المعادلة كدا فعلا وفي ذلك عدل مقبول ولكن !!
|
Post: #47
Title: Re: سودانيز أون لاين ذنوب وحسنات !!
Author: نادية عثمان
Date: 03-17-2011, 06:28 PM
Parent: #34
عبد العزيز الفاضلابي
والله وما مجاملة ولا رد لمجاملتك لكن بالجد أنت واحد من أحسن حسنات هذا المكان !!
تسلم ياااااارب وخلي بالك منك سمح ؟
|
Post: #46
Title: Re: سودانيز أون لاين ذنوب وحسنات !!
Author: نادية عثمان
Date: 03-17-2011, 05:40 PM
Parent: #32
أخوي فارس الأخلاق النبيلة إسماعيل عباس
حبابك ملايين
| Quote: الدنيا كلها مبنية على المتاقضات الجنة والنار. الليل والنهار والبوح وألأسرار..والحصيف يفهم سر ألأشياء..سودانيزأون لاين بعض من هذه ألأشياء. |
سودانيز أون لاين فعلاً سر الأشياء وجنونها وغموضها !!
تسلم ووينك مختفي كدا ؟!!
|
Post: #51
Title: Re: سودانيز أون لاين ذنوب وحسنات !!
Author: Abdlaziz Eisa
Date: 03-19-2011, 02:17 PM
Parent: #46
Quote:
أي أنا فهمتك ولكن كنت بتمنى لو يستطيع البوردابي الزميل تغليب نزعة الخير على الشر الجواه عشان المكان ده يبقى حلو .. مثالية حد ( الإفراط) موش ؟!!
Quote: لك العتبى في الحصل وأنت بحصافتك لا تعجزك النوازل .. فقلمك شامخ..
الحصل لي بحصل ليك ولغيرك وهو شيء عادي لكن الأمنية تظل في مسألة حوار (نظيف) بدون أحكام مسبقة وإتهامات مجانية .. تفتكر ليه الحوار هنا ما بوصل لشيء في الغالب يا أستاذ عبد العزيز ؟
سؤال محيرني والله ! |
العزيزة الأستاذة/ نــادية
سلام
(((بدون أحكام مسبقة وإتهامات مجانية)))
في سودانيس اونلاين يوجد القليل من الحوارات وسط الغث من الشحن المشاتر..
كثير من الناس لا تقرأ..
ولا تأتي للحوار..
الناس تبدأ بالدوران حول الكاتب وليس ما يكتب..
ويكون الدخول في البوشت من أجل كتابة الأحكام وفق ما يتحصل عليه من معرفة عن ماهية الكاتب..
مع سؤالك حملتي الي الإجابة.... في كلماتك باللون الأحمر أعلاه..
نتمنى أن تسود روح الخير والمحبة بين الناس وتوفر حسن النية عند القراءة وعند الرد..
تحياتي
|
Post: #53
Title: Re: سودانيز أون لاين ذنوب وحسنات !!
Author: محمد المرتضى حامد
Date: 03-19-2011, 02:37 PM
Parent: #51
| Quote: سودانيز أون لاين ذنوب وحسنات !! |
غايتو يا ناديه أنا لا أقنط من رحمة الله في ما يليني من ذنوب.
|
Post: #54
Title: Re: سودانيز أون لاين ذنوب وحسنات !!
Author: خالد أحمد شطة
Date: 03-19-2011, 03:07 PM
Parent: #53
تحياتي وسلامات ناديةبت عثمان
مساء الخير
سودانيز أون لاين
لم أجد له وصف الا هذا الوصف.
كتب عمر بن الخطاب رضي الله عنه إلى عمرو بن العاص رضي الله عنه صف لي البحر وراكبه ، فكتب إليه عمرو بن العاص :
( إني رأيت خلقاً كبيراً يركبه خلق صغير ، ليس فيه إلا السماء والماء ، إن ركد فرّق القلوب ، وإن تحرك أراع العقول ، يزيد فيه ا ليقين قلة ، والشك كثرة ، هم فيه دود على عود ، إن مال غرق ، وإن نجا سرق ) .
مودتي
شـــــــــــــــطة
|
Post: #59
Title: Re: سودانيز أون لاين ذنوب وحسنات !!
Author: نادية عثمان
Date: 03-22-2011, 04:30 PM
Parent: #54
خالد شطة
حبابك أخوي
Quote: إني رأيت خلقاً كبيراً يركبه خلق صغير ، ليس فيه إلا السماء والماء ، إن ركد فرّق القلوب ، وإن تحرك أراع العقول ، يزيد فيه ا ليقين قلة ، والشك كثرة ، هم فيه دود على عود ، إن مال غرق ، وإن نجا سرق ) .
مودتي |
غايتو عجبني شديد الكلام الفوق ده والله الله يديك ألف عافية يارب !
|
Post: #57
Title: Re: سودانيز أون لاين ذنوب وحسنات !!
Author: نادية عثمان
Date: 03-19-2011, 04:25 PM
Parent: #53
مولانا ، صديقي الخلوق ود المرتضى
| Quote: غايتو يا ناديه أنا لا أقنط من رحمة الله في ما يليني من ذنوب. |
والله وأنا كمان لا أقنط أبداً من رحمة المولى فيما نركتبه من ذنوب في هذا المكان !!
عارف الذنوب البتقع علينا زي شنو مثلاً ؟
مثلاً تكون بتقرأ ليك في بوست وفجأة تلاقيك مداخلة فيها والعياذ بالله خوض في عرض زول ولا بهتان ليهو ولا إفتراء عليهو !!
أها إنت ما عملت غير إنو عينك وقعت على الكلام ده وقريتو ولو من باب الفضول أو لتعرف ما الذي يحدث فتقع في المحظور وترتكب ذنب لا إيدك لا كراعك .. شفت كيف ؟!!
|
Post: #56
Title: Re: سودانيز أون لاين ذنوب وحسنات !!
Author: نادية عثمان
Date: 03-19-2011, 03:54 PM
Parent: #51
العزيز الاستاذ والأخ عبد العزيز
حبابك
Quote: كثير من الناس لا تقرأ..
ولا تأتي للحوار..
الناس تبدأ بالدوران حول الكاتب وليس ما يكتب..
ويكون الدخول في البوشت من أجل كتابة الأحكام وفق ما يتحصل عليه من معرفة عن ماهية الكاتب.. |
لكن ليه تفتكر وما هي أهمية شخص الكاتب في حد ذاته بمعزل عن ما يكتب ؟!!
يعني البحث عن الشخصي في حياة الكاتب هو الهدف لعملية إغتيال للشخصية
لو البكتبه ما عجب البقرأ ليهو مثلا ً ؟!!
|
Post: #58
Title: Re: سودانيز أون لاين ذنوب وحسنات !!
Author: خضر عطا المنان
Date: 03-19-2011, 07:39 PM
Parent: #56
| Quote: مثلاً تكون بتقرأ ليك في بوست وفجأة تلاقيك مداخلة فيها والعياذ بالله خوض في عرض زول ولا بهتان ليهو ولا إفتراء عليهو !! |
العزيزة / نادية
تحياتي :
في مثل هذه الحالة ينبغي على صاحب البوست – أي كاتبه – ان يتصدى لمثل لهؤلاء الذين يتصيدون الأسماء للاساءة اليهم عبر بوستات غيرهم .. لانني – وبكل صراحة وتجرد – أعتقد جازما أنها مسؤولية صاحب البوست / كاتبه للحفاظ على شيئين هماغاية في الأهمية :
أولا : مسار البوست حتى لا ينحرف لما لا يرغب فيه صاحبه ويجد نفسه منجرا وراء ما لايفيد مادة البوست أو يضيف اليه .
ثانيا : الحرص على احترام ومراعاة صاحب البوست / كاتبه لضيوفه الذين تكرموا وجاءوا بمحض ارادتهم لتشريفه هناك .. هنا تبرز الضرورة الكبرى في ان يردع صاحب البوست كل مراهق مثلا أو مريض نفسي .. أو .... أو.. الخ أساء الى أحد ضيوفه دون مبرر لا سيما أولئك الذين اعتادوا أن يخوضوا اما في أعراض الآخرين – كما تفضلت – أو النيل منهم أو من سمعتهم أو مكانتهم .
فلا اعتقد ان انسانا سويا ومحترما يمكن أن يقبل اهانة لضيف من ضيوفه حتى لو كان على خلاف معه .. أليس كذلك ؟؟.
كما أظن بان العبرة في ماذا كتب فلان وماذا طرح من افكار او رؤية وليس من هو هذا الفلان !!!.
ختاما : شكري لك بلا حدود على افتراعك هذا البوست المهم بنظري .. و يحمل معنى جديرا بالتوقف عنده دون شك .
خضر
|
|