Post: #1
Title: انتو اسمك لمن يظهر فى البورد بالاحمر دى معناها شنو??
Author: د.محمد بابكر
Date: 03-14-2011, 06:07 PM
انتو اسمك لمن يظهر فى البورد بالاحمر دى معناها شنو??
|
Post: #2
Title: Re: انتو اسمك لمن يظهر فى البورد بالاحمر دى معناها شنو??
Author: سارة علي
Date: 03-14-2011, 06:10 PM
Parent: #1
معناها انك فتحت بروفايلك وقريتو..
وبنفس الفهم البوستات البتفتحها بتبقى حمرا ...
ـــــــ
عفوا
|
Post: #3
Title: Re: انتو اسمك لمن يظهر فى البورد بالاحمر دى معناها شنو??
Author: ABUHUSSEIN
Date: 03-14-2011, 06:12 PM
Parent: #2
| Quote: انتو اسمك لمن يظهر فى البورد بالاحمر دى معناها شنو?? |
معناها أخدت إنذار و لو عملت حاجة تاني ببقى لونك أسود
|
Post: #4
Title: Re: انتو اسمك لمن يظهر فى البورد بالاحمر دى معناها شنو??
Author: د.محمد بابكر
Date: 03-14-2011, 06:12 PM
Parent: #2
مع انه ده ما حصل لكن مافى مشكله...وشكرا ياساره
|
Post: #5
Title: Re: انتو اسمك لمن يظهر فى البورد بالاحمر دى معناها شنو??
Author: د.محمد بابكر
Date: 03-14-2011, 06:17 PM
Parent: #4
انا اصلى black قايلنى كمان مضروب بالوهمه بتاعة الاجداد القرشيين عشان كده احسن تشوفوا ليكم لون تانى تعاقبونى بيهو قال اسود قال..
|
Post: #6
Title: Re: انتو اسمك لمن يظهر فى البورد بالاحمر دى معناها شنو??
Author: د.محمد بابكر
Date: 03-14-2011, 06:21 PM
Parent: #5
شفت حكاية اللون الاحمر دى اتاريها مبوظه اعصاب ناس كتار فى اقل من خمسه دقايق خشوا تلاتين نفر طيب انتو كنتوا مقطعنها فى مصارينكم ليش??
|
Post: #7
Title: Re: انتو اسمك لمن يظهر فى البورد بالاحمر دى معناها شنو??
Author: ABUHUSSEIN
Date: 03-14-2011, 06:21 PM
Parent: #5
Quote: انا اصلى black قايلنى كمان مضروب بالوهمه بتاعة الاجداد القرشيين
عشان كده احسن تشوفـوا ليكم لون تانى تعاقبونى بيهو قال اسود قال.. |
منو هم ديل ....؟؟؟
|
Post: #8
Title: Re: انتو اسمك لمن يظهر فى البورد بالاحمر دى معناها شنو??
Author: د.محمد بابكر
Date: 03-14-2011, 06:26 PM
Parent: #7
الناس البقلبوا اللون ومعليش لو انت ما منهم بس انا قلت تكون منهم لانك الوحيد الحدثتنى بحكاية قلب اللون دى ياخى ما تتحسس لو انت ما منهم...
|
Post: #9
Title: Re: انتو اسمك لمن يظهر فى البورد بالاحمر دى معناها شنو??
Author: محمد مصطفي مجذوب
Date: 03-14-2011, 06:34 PM
Parent: #5
دكتور محمد
سلام
محمرين اسمك مالك .. قايلين فوقك ظار واللا شنو؟
في رائي تتوب ...وتستغفر يا زول
وتخليك هدي ورضي ... زينا كدي
تبطل مناكفه وتقول ( اكان قتو كي ..معاكم .. واكان قتو كي ...معاكم)
اسمك طوالي حيبقي بالاخضر او بي لون blonde .. او حتي يمكن لون زينب ....
الخواف ربي عيالو.. يا زول
امال ايه .. انت قايل ايه!
الدنيا مصالح
|
Post: #10
Title: Re: انتو اسمك لمن يظهر فى البورد بالاحمر دى معناها شنو??
Author: tayseer alnworani
Date: 03-14-2011, 07:01 PM
Parent: #9
د محمد يا صديقى
يكونوا متخيلنك احمر جوة وبره
هههههههههههههههههه
ازيك ياخى ومشتاقيين وطالبنك عيدية ياخى نسيتنا فى 8 مارس
ااعمل حسابك البورد ده ما بدور اللون الاحمر بهيج ناس هنا كتااااااااار
هههههههههه
|
Post: #11
Title: Re: انتو اسمك لمن يظهر فى البورد بالاحمر دى معناها شنو??
Author: عادل الباهي عبدالرازق
Date: 03-14-2011, 08:17 PM
Parent: #10
Quote: معناها انك فتحت بروفايلك وقريتو..
وبنفس الفهم البوستات البتفتحها بتبقى حمرا ...
|
| Quote: معناها أخدت إنذار و لو عملت حاجة تاني ببقى لونك أسود |
جميع المتداخلين سلام
ياسارة وأبوحسين عليكم الله رسونا علي بر
عشان الواحد يعرف رأسوا من رجلينوا ، ما
نجي داخلين يوم نلاقي نفسنا مربوطين في الجارج 
|
Post: #12
Title: Re: انتو اسمك لمن يظهر فى البورد بالاحمر دى معناها شنو??
Author: manal eltahir
Date: 03-14-2011, 09:38 PM
Parent: #11
معناها الحمره الاباها المهدي....ودي عندها معني وااحد..... اللي هو انك ما طلعت في اي مظاهره.
|
Post: #13
Title: Re: انتو اسمك لمن يظهر فى البورد بالاحمر دى معناها شنو??
Author: Zomrawi Alweli
Date: 03-14-2011, 09:45 PM
Parent: #12
| Quote: انتو اسمك لمن يظهر فى البورد بالاحمر دى معناها شنو?? |
الليلة !!!!!
يمكن ناس الحزب الشيوعي سجلوك ؟؟؟؟
|
Post: #22
Title: Re: انتو اسمك لمن يظهر فى البورد بالاحمر دى معناها شنو??
Author: almulaomar
Date: 03-15-2011, 06:46 AM
Parent: #2
تحياتي
شوف أقرب إسم من أسماء الأعضاء الخمسة بالمنتدي أو عنوان أى موضوع من الموضوعات هنا وأطبظو بالماوس بي كليك واحد وبعدين أمشي فوق وأعمل تراجع باك تو أو دوس ألت + ليفت أها حا يفضل إسم الزول الطبظتو دا محمر لغاية ما تعمل ساين أوت.
|
Post: #14
Title: Re: انتو اسمك لمن يظهر فى البورد بالاحمر دى معناها شنو??
Author: بكري الصايغ
Date: 03-15-2011, 02:58 AM
Parent: #1
(1)-
اللون الأحمر ودلالاته
*******************
http://www.al-jazirah.com.sa/magazine/29102002/bc65.htm
-(2
رمزية اللون الأحمر
******************
المصـدر:
http://ar.wikipedia.org/wiki/%D8%A3%D8%AD%D9%85%D8%B1
الموقع:
-ويـكيبيا-
(3)-
اللون الأحمر:
*************
الأساس الواقعي لجماليات اللون في شعر الأغربة الجاهليين
http://annales.univ-mosta.dz/index.php/archive/154.html
***********************************************************
***- هو أول الألوان التي عرفها الإنسان في الطبيعة، ينتمي إلى مجموعة الألوان الساخنة المستمدة "من وهج الشمس، واشتعال النار، والحرارة، وهو من أطول الموجات الضوئية المرئية"(38).
***- أكثر الشعراء القدماء من استخدامهم هذا اللون نتيجة وعيهم الجمالي والمعرفي لدوره في أصل الوجود والواقع، لذلك نجد تقدم ذكره في الأدب العربي وتنوع ألفاظه التي كثرت" لتعبر عن ماهيته وقيمته، ومدى نقائه، ودرجة تشعبه وهي:
*****
الحدود الوضعية العلمية للون"(39) من ذلك قولهم: أحمر، أحمر قانئ، وأرجوان، ونكع، وناكع، وورد ومدمى، وكرك وعاتك، وباحر، وبحراني، وذريحي، وثقيب، وحانط، وغضب، وعبروا عن الحمرة الصافية الخالصة المشرقة بقولهم: أحمر ناصع، ويافع، وزاهر، ويانع، وغير ذلك، وقالوا لكل أحمر: إضريج وجريال، وعندم، وقالوا للأحمر القاتم القريب للسواد: أسفع، وأحسب وأدبس، وكميت، وأصبح، وأجأى، والأحمر المختلط بصفرة قيل له: أخطب، وأصهب، وأكهب، كما قالوا للأحمر المائل للبياض: أشقر، وأعقر.
***- ونعت العرب أيضا اللون الأحمر بلون اللهب بالألهب كما قالوا للرجل الأحمر: أشقر، أما إذا كان الجبل أحمر فهو: هضبة وإذا كانت الأرض حمراء الحصى فهي خشرمة، وقالوا: أقشر للأحمر الذي ينقشر وجهه(40).
***- تظهر السمات الواقعية للون الأحمر في شعر الأغربة عبر ارتباطه بالدم، وتكوين الحياة. فقد نقلوا هذا الارتباط إلى أشعارهم، ليعبروا عن علاقته بتجاربهم الذاتية وأحاسيسهم، ولاسيما أن هذا اللون "يثير روح الهجوم، والغزو، والثأر، ويخلق نوعا من التوتر العضلي، كما أنه مثير للمخ وله خواصه العدوانية" (41) هذه الخواص التي تنسجم مع حياة الأغربة الذين ربطوا بين الدم واللون الأحمر في أشعارهم ليحملوه ما تمتعوا به من قوة وعدوانية، وشراسة، تمثل أهم مقومات شخصية الشاعر الغراب الذي ألح على تصوير بطولته من خلال تأثير دمويتها(42):
سبقت يداي له بعاجل طعنةٍ *** ورشاش نافذةٍ كلون العندم
وقد نسب الأغربة الأشياء إلى ألوانها، فسموا السيف الأبيض، والقوس الحمراء، والدرع الأصفر على نحو ما تكرر في قول الشنفرى(43):
وحمراء من نبع أبي ظهيرة *** ترن كإرنان الشجي وتهتف
وقوله(44):
أركبها في كل أحمر غاتر *** وأقذف منهن الذي هو مقرف
وقوله(45):
وباضعةٍ حمر القسي بعثتها *** ومن يغز يغنم مرة ويشمت
***- على الرغم من كثرة استخدام الشعراء الأغربة اللون الأحمر، بقي مرتبطا بصورته المادية الواقعية "الدم"، كونه يحقق للإنسان الجاهلي مظهرا من مظاهر العزة، ودلالة من دلالات القوة، فهو "أعز الألوان في لعبة الحب والحرب"(46)؛ ويبدو ذلك جليا في حالة عنترة الذي يمعن في تقديم نفسه لعبلة مسربلا بدم الأعداء، كما يقرن حصانه بصورة مشابهة، ليلفت قلب عبلة نحوه، حاثا إياها على تقدير بطولته الحمراء، لعل صخب لون الدم يخفي تحت ركامه سواد بشرته، يقول عنترة عن إقحام حصانه في القتال ليخضب بالدم، فيرى كأنه لابس قطيفة حمراء(47):
وأكرهه على الأبطال حتى *** يرى كالأرجواني المجوب
***- بات الدم عند عنترة الهدية المثلى التي يستهوي بها عبلة، فهو دائما يخصها في السؤال عن استجمال لباسه من دم الأعداء، طامعا بحظوة عندها عبر الدم الذي صار وردته المحببة التي يقدمها قربان عشقه لعبلة المسرفة في الغنج والتمنع(48):
سلي يا عبل قومك عن فعالي *** ومن حضر الوقيعة والطراد
وعدت مخضبا بدم الأعادي *** وكرب الركض قد خضب الجواد
***- لطالما وحد عنترة في شعره عالم الحب وعالم الحرب، بانيا مقوماته الشخصية في هذا المشترك من هذين العالمين، فكان يذكر الدم وعدة الحرب في مقام الغزل ليصف أعضاء الحبيبة بها(49):
فولت حياء ثم أرخت لثامها *** وقد نثرت من خدها رطب الورد
وسلت حساما من سواجي جفونها *** كسيف أبيها القاطع المرهف الحد
***- وهكذا قد شكل اللون الأحمر عنصرا أساسيا في ألوان لوحة الشعر الجاهلي، فكان أشدها كثافة في التعبير عن إرادة الشاعر الغراب، وأحلامه، ونفسيته وحقيقة ارتباطه الأصيل بالواقع والحياة.
------------------------------------
***- خلي بالك يادكتور من الوردة الحـمراء.
|
Post: #15
Title: Re: انتو اسمك لمن يظهر فى البورد بالاحمر دى معناها شنو??
Author: Abdlaziz Eisa
Date: 03-15-2011, 03:51 AM
Parent: #14
|
Post: #16
Title: Re: انتو اسمك لمن يظهر فى البورد بالاحمر دى معناها شنو??
Author: nazar hussien
Date: 03-15-2011, 05:40 AM
Parent: #15
معناه : بوستاتك شاربة من لون الشفق عند المغارب
|
Post: #17
Title: Re: انتو اسمك لمن يظهر فى البورد بالاحمر دى معناها شنو??
Author: محمد عبد الماجد الصايم
Date: 03-15-2011, 05:52 AM
Parent: #16
معناها باسووردكـ بقى سُخن .. شوف موية البروفايل
|
Post: #18
Title: Re: انتو اسمك لمن يظهر فى البورد بالاحمر دى معناها شنو??
Author: mohmed khalail
Date: 03-15-2011, 05:57 AM
Parent: #17
معناها تكون من ناس ساكواها السواها
وفي الحالة دي لا بيني لا بينك
(وجه اخضر سنونو بره زي وجه ود الصايم ده)
|
Post: #19
Title: Re: انتو اسمك لمن يظهر فى البورد بالاحمر دى معناها شنو??
Author: محمد عمر جبريل
Date: 03-15-2011, 06:24 AM
Parent: #18
|
Post: #21
Title: Re: انتو اسمك لمن يظهر فى البورد بالاحمر دى معناها شنو??
Author: shammashi
Date: 03-15-2011, 06:28 AM
Parent: #19
معناها بل راسك لأبو صلعة وأكتب وصيتك
فانت مقنطر.
|
Post: #20
Title: Re: انتو اسمك لمن يظهر فى البورد بالاحمر دى معناها شنو??
Author: زهير الزناتي
Date: 03-15-2011, 06:27 AM
Parent: #18
معناها بقيت ختري ...
يا دكتور كلام سارة صاح ... حينما يكون لديك كاتب فضل تود متابعة مداخلاته ... اضغط علي اسمه ... يفتح بروفايله ... وبعدها يظهر لك اسمه بالاحمر دوماً ... وكذلك البوستات التي تفتحها ... كما قالت الاخت سارة ....
|
Post: #23
Title: Re: انتو اسمك لمن يظهر فى البورد بالاحمر دى معناها شنو??
Author: محمد عبد الماجد الصايم
Date: 03-15-2011, 07:12 AM
Parent: #20
| Quote: حا يفضل إسم الزول الطبظتو دا محمر لغاية ما تعمل ساين أوت |
أها يا مُلا .. كان ما عمل ساين آوت الطبظوهو دا يحرق؟
|
Post: #25
Title: Re: انتو اسمك لمن يظهر فى البورد بالاحمر دى معناها شنو??
Author: محجوب البيلي
Date: 03-15-2011, 07:51 AM
Parent: #24
| Quote: معناها باسووردكـ بقى سُخن .. شوف موية البروفايل |
Quote: Quote: حا يفضل إسم الزول الطبظتو دا محمر لغاية ما تعمل ساين أوت
أها يا مُلا .. كان ما عمل ساين آوت الطبظوهو دا يحرق؟
|
ما نصيح
|
Post: #26
Title: Re: انتو اسمك لمن يظهر فى البورد بالاحمر دى معناها شنو??
Author: Mohammed Awad
Date: 03-15-2011, 09:06 AM
Parent: #23
| Quote: أها يا مُلا .. كان ما عمل ساين آوت الطبظوهو دا يحرق؟ |
|
Post: #27
Title: Re: انتو اسمك لمن يظهر فى البورد بالاحمر دى معناها شنو??
Author: almulaomar
Date: 03-15-2011, 09:20 AM
Parent: #23
| Quote: أها يا مُلا .. كان ما عمل ساين آوت الطبظوهو دا يحرق؟ |
ما في المروحة الفي السي بي يو بتعمل تبريد وكده نظام يا نسمه ولو إتعطلت حا يحرق هو والكمبيوتر كمان ويا نت ما دخلك فايروس.
ما قلت لي ما داير حاجه من مدينة زواره ما عارفها (وةاره يا راجل) وين شوف قوقل إيرث ولا أقول ليك أفتح الماسورة أقصد قناة الجزيرة قبل ما يشوشو عليها أصلو الأيام دي الحروب بقت إلكترونية تكون بتتفرح في أمان الله وفاتح خشمك مع الحدث جيييييط تقوم تجيك رسالة في الشاشة (نو سيجنال) وفي الحتة دي إلا تفتش ليك على مسواك.
|
Post: #28
Title: Re: انتو اسمك لمن يظهر فى البورد بالاحمر دى معناها شنو??
Author: محمد مصطفي مجذوب
Date: 03-15-2011, 10:27 AM
Parent: #27
آخر زول كان يخطر علي بالي انو من ناس البتاع واحد اخونا اسمو بكري الصائغ
اخونا د. محمد الخلعة كتلتو من اللون الاحمر قلنا يمكن سمع ناس هيئة الامر بالمعروف والنهي عن المنكر السعوديه تحظر الزهور الحمراء قبل Valentine واصدروا اوامرهم لمحلات الزهور و الهدايا بإزالة كل زهرة لونها أحمر او اي سلعه لونها أحمر وخاف من الحد والتعذير بعد التحذير
يقوم بكري ود الصايغ يطلع ..ونحن ما صدقنا نهدي في الراجل بي توب ...وإستغفر يا زول ...وخليك هدي ورضي ... يا زول ..وبطل مناكفه... يا زول , يقوم بكري ود الصائغ يطلع بي شيتا ماعرفناهو مكاوا .. وواللا فتاوي من باب | Quote: اللون الأحمر ودلالاته و رمزية اللون الأحمر وهاك يا حدود وضعية من قانئ، وأرجوان، ونكع، وناكع، واشتر وأعقر. |
خلانا نحن ذاتنا نباري في اوصافو للاحمر المحمر لامن عيونا ذمعت وفقرنا وقعت
سمح يا بكري ده الحاله انت ود صياغ ، نان اكان كنت ود جزازير ...كنت سويت في صاحبنا ده شنو؟!
|
Post: #29
Title: Re: انتو اسمك لمن يظهر فى البورد بالاحمر دى معناها شنو??
Author: محمد امين مبروك
Date: 03-15-2011, 10:49 AM
Parent: #28
كل ما زٌكِر خطأ...
ظهور البوست باللون الأحمر يعني انه مراقب من شعبة الانترنت بجهاز الامن الوطني ِ
|
Post: #31
Title: Re: انتو اسمك لمن يظهر فى البورد بالاحمر دى معناها شنو??
Author: محمد مصطفي مجذوب
Date: 03-15-2011, 01:08 PM
Parent: #29
محمد امين مبروك
سلاممت
يا زول انت متأكد؟
نان تاني اكان كدي د. محمد بابكر اللا يرسل لينا مرسال . حتين نطل علي كلامو البشتت فيهو
زولك ما داير يغتس حجرنا تب!
|
Post: #30
Title: Re: انتو اسمك لمن يظهر فى البورد بالاحمر دى معناها شنو??
Author: عمر علي حسن
Date: 03-15-2011, 01:06 PM
Parent: #27
| Quote: معناها باسووردكـ بقى سُخن .. شوف موية البروفايل |
يا دكتور .. مالك علينا ؟
نحن اعتدنا اخد الامور علي علاتها .. ويوم ادوني الباسويرد طلع اسمي بالاحمر .. لما بصيت
يمين شمال لقيت ناس كتار بالاحمر .. ما قلت حاجة رغم اني ازرق زي ما سيادتك عارف ..
لافكرت في شيوعي ولا سكواها ولا في ابصلعة ولا طبظت اي اسم .. لكني دلوقتي بقيت موسوس !
شوف ياخي .. الكاتل الله والحايي الله .. من بين الخيارات المطروحة من المتداخلين ساكواها اخف
الاضرار .. وفي النهاية ساكواها يفوت ولا حد يموت ..
عمر علي حسن
|
Post: #32
Title: Re: انتو اسمك لمن يظهر فى البورد بالاحمر دى معناها شنو??
Author: د.محمد بابكر
Date: 03-15-2011, 02:05 PM
Parent: #30
| Quote: ظهور البوست باللون الأحمر يعني انه مراقب من شعبة الانترنت بجهاز الامن الوطني |
والله دى احسن حاجه خليهم يراقبوا فى نقتنا لامن واطاتم تصبح.. قال شعبة الانترنت قال..
تيسيركل سنه انت وكل نساء بلادى بخير ولك العتبى حتى ترضى..
بالنسبه للحبيب بكرى فقد بذل جهدا عظيما لكن شايفه اتعب الشباب شويه عموما كتر خيرك يا بكرى..
بخصوص الجماعه اللاوزوا فنصيحتى ليهم يقرطوا على الرياضه مع انه انا زى بتقول امى فى موضوع الرياضه دى (يخربنى)..
شكرا يا شباب مع انكم اختلفتوا شديد وقد جاء فى الاثر ان فى اختلاف امة محمد رحمه ولكم جميعا كامل الود والتقدير...
|
Post: #33
Title: Re: انتو اسمك لمن يظهر فى البورد بالاحمر دى معناها شنو??
Author: د.محمد بابكر
Date: 03-15-2011, 02:22 PM
Parent: #32
Quote: ناس هيئة الامر بالمعروف والنهي عن المنكر السعوديه تحظر الزهور الحمراء قبل Valentine واصدروا اوامرهم لمحلات الزهور و الهدايا بإزالة كل زهرة لونها أحمر او اي سلعه لونها أحمر وخاف من الحد والتعذير بعد التحذير
|
والله يا المجذوب دى حاله (سعبه) الجماعه ديل بعرسوا على (المغته) زى ما بقولوا فى الكنكان???
|
|