حار من نارو.... ناس السودان جنو: إحباط محاولة تهريب أسلحة من السودان إلى مصر

العرب اون لاين نقلا عن رويترز:http://www.sudaneseonline.com/cgi-bin/sdb/2bb.cgi
القاهرة ـ قالت مصادر أمنية في مصر إن الجيش لاحق ست عربات على الأقل لدى محاولتها تهريب أسلحة إلى مصر قادمة من السودان الأسبوع الماضي. وقال مصدر أمني "كانت هناك محاولة تهريب يوم الخميس الماضي ومنعها حرس الحدود" مضيفا أنه تم ملاحقة العربات قرب مدينة أسوان في جنوب مصر. وكانت العربات تحمل ذخيرة وقذائف صاروخية وتم رصدها بينما كانت تسير في طريق صحراوي قديم يربط بين مصر والسودان. وأكد مصدر آخر أن حرس الحدود اعترض طريق العربات بعد دخولها الأراضي المصرية. ويمثل أمن الحدود المصرية الأولوية الكبرى للمجلس الأعلى للقوات المسلحة الذي يحكم البلاد منذ تنحي الرئيس حسني مبارك يوم 11 فبراير شباط.. "رويترز"

الجن بتداوا ...كعب الاندراوه

يا فرحة ماتمت لمجرمى لانقاذ!!!

بعد ما تنفسوا الصعداء برحيل حسنى مبارك اللى كان ماسكهم من ايدهم البتوجعهم وعصرهم بجريمتهم ضده ومحاولة اغتياله فى اديس أببا ،

جوو تانى بجريمة أخرى ... محاولة تهريب أسلحة من السودان إلى مصر

ماقلنا ليكم ديل:

معتادين اجرام

والخلى عادته قلت سعادته

تحياتى

تحياتي يابروف
أجزم ... أنهم لا يعرفون ولا يفقهون ولا يتابعون ولا يبالون
البلد (########ة) هايصة -
والهم الأكبر لهم هو كرسي الحكم ، وإحكام القبضة الحديدية على الخرطوم ...
في الأذهان حادثة ضرب الطيران الاسرائلي تلك القافلة التي (يقال) انها شبكة تهريب سلاح لغزة بسواحل البحر الأحمر عام 2009 ، حتى تأريخه حكومتنا اللا رشيدة لا تملك أي تفاصيل عنها.
مع خالص الشكر
الشفيع ابراهيم

وجرجروهو ليك من اضانو زي ال.... للقاهرة

الا امشي اشوف الكيزان ديل قالوا شنو في بوستاتهم العجيبة

Quote: الا امشي اشوف الكيزان ديل قالوا شنو في بوستاتهم العجيبة

عزيزي احمد
هم كيزان مصر محتاجين لسلاح من كيزان السودان ..واللا سلاح السودان العلي قلتو والمشتت شمال وغرب وجنوب وشرق مكفي ناس السودان
واللا الغلبا راجلا جات تأدب حماها
علم الله واسع

Quote: يا فرحة ماتمت لمجرمى لانقاذ!!! بعد ما تنفسوا الصعداء برحيل حسنى مبارك اللى كان ماسكهم من ايدهم البتوجعهم وعصرهم بجريمتهم ضده ومحاولة اغتياله فى اديس أببا ، جوو تانى بجريمة أخرى ... محاولة تهريب أسلحة من السودان إلى مصر ماقلنا ليكم ديل: معتادين اجرام والخلى عادته قلت سعادته تحياتى

مهيرة ياحبيبة
اريتو حالك زين
مصيبتنا انو اولي امر السودان ديل ..لا بقروا تاريخ و لا بستوعبوا دروس
والمصيبة الاكبر .. علي الرغم من انو قالو المؤمن لا يلدغ من جحر مرتين ... مؤمنين السودان ما عارف دايرين ليهم كام لدغه ... عشان يعرفوا الله واحد
اتلدغو من القذافي ... وما صحصحوا .. هسع واقفين معاهو ضد البشريه كلها
وقفوا مع الاريتريين ضد اثيوبيا .. واول ما الاريتريين وقفوا علي طولهم ... استهدفو السودان .. والارتريين لي يوم الليله بسووا للسودان في سهر الجداد ولا نومو
اتلدغو من اثيوبيا .. ورجعوا .. تاني قاموا عليهم وهسع الاثيوبيين معسكرين في الفقشه ...والسودان يشيل ويديهم
وخليك من الحكاية اللي هسع .. السودان ما شم العافيه منها العافيه .. حكاية العواسه العاسوها هم والاطربنش بتاع اليمن في حرب العراق - الكويت ..
موضوع الجنوب لي هسع نارو ملهلبه .. وبدل ما ينطموا يشوفو ليهم طريقة مخارجه .. عشان يمروقو من حكاية الارهاب وهلم جرا
غمدوا وفتحوا .. ودايرين يفتحوا ليهم جبهه مع مصر
با عالم يا هوي ...
زول يدي الناس ديل راسهم
ويقول ليهم ..والله .. وتا الله انتو ما ناقصين

Quote: تحياتي يابروف أجزم ... أنهم لا يعرفون ولا يفقهون ولا يتابعون ولا يبالون البلد (########ة) هايصة - والهم الأكبر لهم هو كرسي الحكم ، وإحكام القبضة الحديدية على الخرطوم ... في الأذهان حادثة ضرب الطيران الاسرائلي تلك القافلة التي (يقال) انها شبكة تهريب سلاح لغزة بسواحل البحر الأحمر عام 2009 ، حتى تأريخه حكومتنا اللا رشيدة لا تملك أي تفاصيل عنها. مع خالص الشكر الشفيع ابراهيم

الاخ الكريم الشفيع
تحيه وتقديرا
كما تعلم يا عزيزي فإن الشينه منكورة .. وافضل وسائل الدفع بالضد إدعاء الصمم والبكم من قبيل ( لا سمعت ولا رأيت)
فما كان غريبا اللا تدعي الحكومة الرشيدة عدم معرفة التفاصيل ولم يفتح الله عليها بما تقوله انذاك.. علي الرغم من ان تلك التفاصيل كانت ومازالت علي قفا من يشيل
وإذا افترضنا ان الموضوع موضوع كراسي حكم واحكام قبضتهم علي الخرطوم ... فهل تهريب سلاح لمصر في وقت كل اعين العالم مركزة عليها ... او القيام بالانقلاب بالجنوب سيخدم ذلك قضية الكراسي
الغريب في الامر ليس انكار حكومة الشمال اي ضلع لها في محاولة انقلاب الجنوب من عدمه علي الرغم من انها سوي ان أنكرت ام لم تنكر انني قد اسقط في يدي ان افهم كيف تأتي لحكومة الشمال او اي من فكر في الانقلاب سواء ان كان بدعم من الشمال ام لا إ ن محاولة انقلاب مثل هذا يمكن ان تنجح في هذا الوقت او إن مجرد محاولة انكارها ستنفع في زمن الاقمار الصناعيه هذه التي ترصد دبيب النملة السوداء علي الارض الصماء ومع جيوش الاستخبارات والصحفيين التي لا يكاد يحلوا منها شوارع جنوب السودان إن لم يكن السودان برمته
الموضوع وما فيه حسب تقديري الغير مؤسس ...
اما إن حكام الخرطوم يخططون سياساتهم الخارجيه علي معطيات قاصرة النظر و ساذجة سذاجة لا يحسدون عليها
او إن من بين من يخطط وينظر للخرطوم من يخدم ويغلب مصالح اقل ما يقال فيها إنها بعيده كل البعد عن مصالح السودان والسودانيين حكومة وشعبا
وكان الله في عوننا ... فالجاهل عدو نفسه ... والحماقة اعيت من يداويها

القاهرة ـ قالت مصادر أمنية في مصر إن الجيش لاحق ست عربات على الأقل لدى محاولتها تهريب أسلحة إلى مصر قادمة من السودان الأسبوع الماضي. وقال مصدر أمني "كانت هناك محاولة تهريب يوم الخميس الماضي ومنعها حرس الحدود" مضيفا أنه تم ملاحقة العربات قرب مدينة أسوان في جنوب مصر. وكانت العربات تحمل ذخيرة وقذائف صاروخية وتم رصدها بينما كانت تسير في طريق صحراوي قديم يربط بين مصر والسودان. وأكد مصدر آخر أن حرس الحدود اعترض طريق العربات بعد دخولها الأراضي المصرية. ويمثل أمن الحدود المصرية الأولوية الكبرى للمجلس الأعلى للقوات المسلحة الذي يحكم البلاد منذ تنحي الرئيس حسني مبارك يوم 11 فبراير شباط.. "رويترز

آي والله يا خالد ....قالوا ده كلو
الله يكفينا شر قلنا وقالوا
محنوك ما ياهو!