يوميات " رمادي" بسودانيزاونلاين ..

قكرت في ارسال هذا البوست ولكني ترددت كثيراً لان ذلك سيكشف كيف ندير اعمالنا .. ولكن قلت بعض الشفافية لا تضر ، رغم ان اللجنة المركزية ربما تحاسبني على افشاء بعض القضايا التي صنفت سرية او سرية للغاية ولكن ه يوميات سأكتبها ، وليواصل معي السادة الرماديين كتابة بعض مالديهم ..

فكرت من اين ابدأ...

إذا بدات بمكتب الاشاعة او المعلومات سانضرب من اول مداخلة بقذائف الرفاق والكيزان وانا في غني عن ذلك .

اذا بدأت بمكتب المصادر والغواصات سيصاب البوست بغواصة روسية باكستانية تفحر عصب المنبر. وتجرح عصب الكلام.

إذا بدأت بسكرتارية السياسية وتناولت الخطط سيصاب البوست بهجمات من الحركة الشعبية والاحزاب الاخرى

التي تدار من داخل الحزب .

اذا تحدثت عن المنظمات الانسانية واللافتات التي نديرها من الداخل ستثير المستفيدين ...الخ

اذا تحدثت عن حربنا مع الكيزان والشيوعيين جاء كل الرفاق حولي وهتفوا ... انت بس

لذلك سأكتب في البداية عن الحرب مع الكيزان والشيوعيين ثم انتقل الى الموضوعات الاخرى

ـــــــــــــــــــــــــــــــــــــــــــــــــــــــــــــــــــــــ
البوست دا مسبل

وهدية "نموذح" لكيزان البورد..

ولو منكم يا كيزان وشيوعيين الصورة التي يضعها احدهم فيها حمار وثعلب اضع صورته هو شخصياً مكانها

وانا بشجع اللعبة الحلوة

الفكرة طبعآ عجبتني قت أعملها كيتن في ود المشرف والقلب النابض

مافي حاجة تاني غير رمادي

قلنا نخش...

أخش ولا ما أخش!

أخش ولا ما أخش!
____________

لو خشيت يا أشرف أنا أول واحد حا أرشك ... كدي جرب ... وقرب تعال ما تبتعد .

تحيات اخوك ودهارون

Mohammed Haroun

Quote: أخش ولا ما أخش! ____________ لو خشيت يا أشرف أنا أول واحد حا أرشك ... كدي جرب ... وقرب تعال ما تبتعد . تحيات اخوك ودهارون

هههههههههههههههههههههههههههههههههههه
فاتت عليك يا ود هارون ياخ
(أخش ولا ما أخش) دي قاصد بيها الكلام البقولوا الرمادي
يعني أنا خشيت ومرقت وإنت لابد لي بره الباب ههههههههه
تعرف يا ود هارون من ما غيرت الطاقية إمورك جاطت

أها يا ود هارون إنت كواحد من الرماديين
كدي حاول أدينا Statement
يعني كيوم من يومياتك وكده يا راجل يا طيب

السلام عليكم يا اشرف و الصلاة و السلام على حبيب الله محمد

استهواني مصطلح رمادي على الأقل ح يمرقك من كونك من السود او "البيض" ووقت اصلو لصق فينا النجيّهو ونقعّدو تمام
دا غير كونه شاهد على عدم إيمان و جهل مطلقيه بما يدعونه من مبادئ ورؤى
لذا و لأني مغرم بضبط المصطلحات و تحقيقها فلي تحفظ على بعض ما ورد في مداخلة البوست الرئيسة
من حديث عن لجنة مركزية وسكرتاريات مختلفة مما يوحي بنوع من التنظيم
ودا بضرب مشروع و روح فكرة الحالة الرمادية في مقتل
فهي في نظري مرادف للإستقلالية و البعد عن أي شكل من اشكال التنظيم
فالرمادي مستقل برأيه وما بباري راجل متله ولا بياخدلو توجيهات او ارشادات غير من ضميرو
وما عندو خطوط ما يتعداها غير البختها لرقبتو وما عندو الكلام الني و خمج ناس "المصلحة العامة تقتضي ..." و " لاصوت يعلو فوق صوت المعركة" وهلم خزعبلات وبطيخ
اها يابا عشان كدي بقول لك الرمادي لا عندو تنظيم لا سكرتير لا امين عام لا سيد لا راعي يقولو يمين يمين شمال شمال
بس راسو دا محل يقول ليه اكتب يكتب ووقت يدور يطنش كمان بي كيفو

ود البشرى
الزول الجميل
مشتاغون ياخ

شايفك يا ود البشرى ماخد مسألة رمادي دي بجدية شوية وعامل ليها قوانين وخطوط مرسومة وحدود
الموضوع ده لا يعدوا أن يكون هزار فقلما أهازر في هذا البورد واليوم قلنا نروح عن أنفسنا شوية
ربما تنطبق عني بعض أو كل الصفات التي ذكرتها لعدم إنتمائي لأي جهة ولحريتي الكاملة في إبداء
رأيي دون تقييد من حزب أو تحدث بلسانه أو دفاعآ عنه, ولكني آخذ الإمور ببساطة أكثر دون التقيد
كذلك بمراسيم أو خطوط حمراء أتبعها طالما أن حديثي ليس فيه إساءات أو ملافظ جارحة وهي ما تحكمني
على عكس حكم الأحزاب أو الزعامات, ولكن لا يعني هذا عدم الدفاع المشروع عن النفس عند الهجوم.

وبالمناسبة أنت تعرف طبعآ أن الكلام أعلاه منقول من بوستين (وليس لي) مع إضافات لا تذكر مني
لخلق روح الدعابة والطرافة في البوست..

ترمة..
على عكس الكثيرين في هذا المنبر...
لا أدخل بروفايلات لمعرفة من هذا أو ذاك أو من يتبع أو ما هي قبيلته أو تتبع سيرته الذاتية
أو سرقته من القوقل...ألخ, ولا تهمني في شيئ...لا يهمني اللون السياسي وأحاول أكون حقاني
قدر المستطاع.
أعيش حياة بسيطة جدآ وأحاول قدر الإمكان عدم خلق عداوات أو الدخول في إساءات أو مجادلات عقيمة ألخ.

جدية شنو يا اشرف ياخ
متين لاقاك رمادي جاد
يعني إلا املا ليك المداخلة الوشوش الخضرا العويرة ديك حتى تفرزها




_________________________________
دا لا يمنع انو كلامي صاح برضك
فمن ميزات سودانيز اونلاين انو اي زول دائما على حق و كلامه صحيح لايقبل الجدل و الباقين على خطأ
(أها... عدد اتنين وش اخضر عوير)

اها يا اشرف

برضو مسبل.
البوست مسبل كما قلنا ...
عملتو بنفس فكرتك دي

رش رش من طرف بلا رحمة




ولا يسأل الرمادي عما يفعل




ــــــــــــــــــ

تحياتي للوالدة والبت الضاربة طناش ..اتمنى ان تكون بلغت الصحة

Quote: اها يا اشرف برضو مسبل. البوست مسبل كما قلنا ... عملتو بنفس فكرتك دي رش رش من طرف بلا رحمة ولا يسأل الرمادي عما يفعل ــــــــــــــــــ تحياتي للوالدة والبت الضاربة طناش .. اتمنى ان تكون بلغت الصحة

سلام أختنا الفاضلة سهير وكيفنك والأسرة لعلكم بخير
شكرآ على السؤال الوالدة تحسنت كتير والحمد لله
بس والدي كان راقد مستشفى قرابة الإسبوعين
وكانت حالته خطرة جدآ وعنده إلتهاب رئوي حاد
لكن الحمد لله خرج قبل 3 يوم
أختي بخير بس غيرت تلفونها

البوست مش عملتيه بفكرتي لكن بالأحرى أنا الناقله من بوستك

ـــــــــــــــــــــــــــــــــــــــــــــــــــ

حتى العودة (بإذن الله)...

هههههههههههه فعلآ الرماديين ما جادين
بمناسبة جادين ..وين الأخ جاد عضو المنبر؟؟
الراجل ده مفقود خالص ياخ

كلامك صاح وعداك العيب يا ود البشرى
وإنت واحد من الناس الأنا بعتز بيهم جدآ في المنبر

ترمة

بما أنك رمادي يا ود البشرى
أدينا خشم خشمين في البوست ده
(لو لقيت فرقة)