Post: #1
Title: DKEEN من أين جئت بهذه الفرية ؟!!
Author: walid taha
Date: 03-13-2011, 12:11 PM
فى بوست مطاعم سودانية !!!!
كتب DKEEN :
| Quote: الغريبةاكتر زول متعب ممكن تتعشى معاه في مطعم هو وليد طه.. |
DKEEN عزيزي من أين جئت بهذه الفرية؟!!!
|
Post: #2
Title: Re: DKEEN من أين جئت بهذه الفرية ؟!!
Author: DKEEN
Date: 03-13-2011, 12:45 PM
Parent: #1
Quote: ابو رغود..
في الاجازة الفاتت على شرف وجودي هناك ..عزمتنا مها في مطعم في شارع المطار
وقالت :جديد وسمح ونجربو,,
مشينا جماعة ..
لقينا بتاع مصريين ..والحق يقال المطعم نضيييييييف وكلو قزاز..
لان المطعم غالي قمنا طلبنا سندوشات..
ونحنا قاعدين نفكر نطلب في شنو تاني..
الجرسون المصري قال لينا: سريع بس لاني مستعجل...
طنننننننننن
الناس دي سكتت
قامت مها عاينت ليهو كده وقات ليهو بي استنكار :مستعجل ؟؟
مستعجل دي شنو ياخوي..انتا شغال قبطان ؟؟
انتا موش الويتر بتاع الطربيذة دي ولا نحنا قاعدين في ميقات قرن المنازل؟؟
طبعا انا ماعرفتا العلاقة بي كلام مها وقرن المنازل ..بس فهمتا انو مها عايزة تخمو وتخلص حقنا في الاهانة..
الجرسون قلا ليها : طب ياستي ممكن تطلبو؟؟
مها قات ليهو بي زعل: لا ما ممكن ..جيب لينا زول شغال جرسون وفاضي لينا ومامستعجل موش تجيبو لينا دكتور يخدمنا..
الجرسون حسى بي انو مها حتفكها فيهو شديد: قال ليها: اسفين ياستي..بس الشغل زحمة..
مها : بعد داك قالت كلام كتير مااتذكر منو إلا (حليل الخليفة عبد الله التعايشي..)
وقامت عاينت لي انا ولؤي وكوركت
انتو ساكتين مالكم؟ عاجبكم الحلبي ده؟؟
قومو يلا.. بلا مطعم بلا حريات اربعة..
اتذكر مشينا اتغدينا مع المغرب في محل (اقاشي) في حي العمدة جنب مقابر البكري..
محل كراسيهو في الشارع وحوض غسيلو برميل ظهري اللون..
وصابونة غسيل بروة..
وخمسة كراسي حديد بتاعة الحفلات القديمة دي..
واذكر اني مالقيت كرسي وقعدتا في كبوت العربية..
واذكر انو لؤي زعل من جلوسي على الكبوت لانو كان بعتقد انو الجلوس على كبوت المازدا بديك احساس بانو الواحد : حمار..
والاعتقاد ده لازم لؤي من ايام الجامعة ..
وانا بصراحة ماسالتو شنو العلاقة بين الحمار وكبوت المازدا..
مها اليوم داك اكلت (الاقاشى) بنهم شديد ..وقالت: اقاشي من زول محترم ولا دهب المعز..
واصرت على المرور بمنزل الخليفة عبد التعايشي ونحنا في طريقنا لي بحري ..
وشالت فاتحة تقيلة هناك.. |
اييييييييييييييييييييييييييييه ولا دايم إلا وجه الله
|
Post: #3
Title: Re: DKEEN من أين جئت بهذه الفرية ؟!!
Author: دينا خالد
Date: 03-13-2011, 03:29 PM
Parent: #2
| Quote: ييييييييييييييييييييييييييييه ولا دايم إلا وجه الله |
ولوووووووووووووووب ما قلتو نوبة !!
ــــــــــــــــ
انت كمان يا طه عيينك فى الفرية وتطعن فى ضلها ؟؟
|
Post: #4
Title: Re: DKEEN من أين جئت بهذه الفرية ؟!!
Author: walid taha
Date: 03-14-2011, 05:41 AM
Parent: #3
انت كمان يا طه عيينك فى الفرية وتطعن فى ضلها ؟؟
العتب على الفيل يا دينا:)
|
Post: #5
Title: Re: DKEEN من أين جئت بهذه الفرية ؟!!
Author: حمزاوي
Date: 03-14-2011, 05:48 AM
Parent: #4
حامد نارتي وحموك تبايع
شيه السبير
شيخ الزبير
|
Post: #6
Title: Re: DKEEN من أين جئت بهذه الفرية ؟!!
Author: حمد فتح الرحمن
Date: 03-14-2011, 06:23 AM
Parent: #5
| Quote: DKEEN عزيزي من أين جئت بهذه الفرية؟!!! |
انا شاهد و الدليل ولدك حمودي البدأ يشيب من هسه
|
Post: #7
Title: Re: DKEEN من أين جئت بهذه الفرية ؟!!
Author: احمد التجانى احمد
Date: 03-14-2011, 08:25 AM
Parent: #6
السلام عليكم يا وليد طه
بعد الاطلاع على البوست المرفق "مطاعم سودانية: 2007"
بعد مضى ما يفوق الثلاث سنوات نود ان نعرف ماذا تم بخصوص مشروع المطعم السودانى الراقى بحى العليا
تحياتى
|
Post: #9
Title: Re: DKEEN من أين جئت بهذه الفرية ؟!!
Author: walid taha
Date: 03-15-2011, 06:06 AM
Parent: #6
همد إمبس
إنت شاهد طبعا ياخ معقول ننسى الألوان ;)
قلت لى يشيب ؟ كدى إِرجع البصر كرةً
|
Post: #8
Title: Re: DKEEN من أين جئت بهذه الفرية ؟!!
Author: walid taha
Date: 03-14-2011, 11:17 AM
Parent: #5
يا خال مسكاقمي
آبدول بعد دخل القفص الحديدي شكلو ما حيتذكر حاجة قلنا نذكرو
أرقد عافية يا خال
|
|