Post: #1 Title: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-12-2011, 07:47 AM Parent: #0
اولاً لان الرياضة اما نصر او هزيمة ... والفريق الافضل هو من يفوز في غالب الحال ...
Post: #2 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: omer osman Date: 03-12-2011, 07:51 AM Parent: #1
Quote: لماذا فاز المريخ و انهزم الهلال
1- غياب مساوي وديمبا الاتنين مع بعض خلقت ربكة رهيبة جداً في دفاع الهلال.
2- وسط الهلال بالأمس (صفر كبير) هيثم مافي وقاطع موية ونور حتى المشاكل والحماقة امبارح خلاها.
Post: #4 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: تاج السر محمد حامد Date: 03-12-2011, 07:56 AM Parent: #2
الأخ زناتى تحية مريخية خالصة ،،
والتعازى موصولة لكل بيت هلالابى
بيت بيت .. وحاره حاره ..
تاج
Post: #13 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-12-2011, 03:01 PM Parent: #4
صديقي العزيز ... تاج السر .... تشكر علي التعازي ... وانشاء الله نجي نعزيكم قريب ... ونرد ليكم المجاملة ... واكيد طالبني تلفون ...ومتلوم معاك لوم السنين ...
Post: #3 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: امير عوض الجمري Date: 03-12-2011, 07:53 AM Parent: #1
Quote: اولاً لان الرياضة اما نصر او هزيمة ... والفريق الافضل هو من يفوز في غالب الحال ...
اجابة كافية وشافية يا زناتي .. وان كان مريخ هلال لا تخضع لنظرية الافضل هو المنتصر ..
البركة في الوليدات الجداد ناس عبده جابر .. لكن البقية لقد (هرموا) زي ما قال دكتور المشرّف
Post: #5 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: حمزاوي Date: 03-12-2011, 07:58 AM Parent: #3
أمانة المسمار ما حار
Post: #6 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-12-2011, 08:06 AM Parent: #5
في البدء التهاني لكل المريخاب الذين تكالبوا علي البوست ...كما تكالب اهل المؤتمر الوطني علي الغنائم ... وليس تكالب النسور علي الجيفة ... لان الهلال لن يصير جيفة في يوم من الايام ...
التهانئ لكل الاحباب بقيادة جنابو عمر عثمان ... ونمشي لقدام ...
Post: #7 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: Amira Elsheikh Date: 03-12-2011, 08:21 AM Parent: #6
Quote: في البدء التهاني لكل المريخاب الذين تكالبوا علي البوست ...كما تكالب اهل المؤتمر الوطني علي الغنائم ... وليس تكالب النسور علي الجيفة ... لان الهلال لن يصير جيفة في يوم من الايام .
اعصابك يازول ...باعد بينا وبين المؤتمر الوطنى قدر ماتقدر .. يخيل موضوع الجيفة اكثر دقة
Post: #8 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: محمد البشرى الخضر Date: 03-12-2011, 08:45 AM Parent: #7
سلام يا زناتي وهاردلك التشكيلة اللعب بيها ميشو مفروض تترش عشرة لو المريخاب شدو حيلهم شوية, أو لو كان في صانع لعب حقيقي في المريخ العجب مثلا يعني ما ممكن ميشو يجرب تشكيلة زي دي و خلي النص اتنين ارتكاز وهيثم لوحده وتلاتة مهاجمين قدام هيثم ما قدر يقوم بالشي البنى عليه ميشو خطته فخلا النص للمريخ وعزل التلالتة مهاجمين تماما التغيير الأخير بدخول حمودة للنص وخروج مهاجم تالت كان كويس لكن متأخر هدف الفوز غلطة مدافع ودي لا يلام عليها ميشو طبعا عموما كويس انها هزيمة في بداية الموسم ولا زال هناك متسع لتداركها من الحسنات اننا اطمنا على مستوى محترفي هجوم المريخ كلتشي و ساكواها
Post: #15 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-12-2011, 03:52 PM Parent: #8
م ب خ سلامات
والله تحليل فني احسن الف مرة من بتوعين الاستديو التحليلي ...واحد صاحبي قال لي حضرت الاستديو التحليلي ... قلت ليهو ياخي حرام عليك تبقي علي هزيمة واستديو تحليلي ... المهم اعتقد ان ميشو لم يتسطع ان يدير المباراة بشكل كويس ... وكان من الافضل له ان يخرج احد المهاجمين ويدخل بشة او مهند الطاهر ... لان الهلال هزمه البارحة خط وسطه ... في وقت مال فيه لاعبي الارتكاز للدفاع .... شكراً علي التمرور والتحليل السليم ...
Post: #9 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: موسي الراجل Date: 03-12-2011, 08:46 AM Parent: #7
هلال مخنق ونجم آفل وكان الله فى عون مشاهدى العك والعك فى بلدنا (طير ازرق اللون)
Post: #10 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: فايزودالقاضي Date: 03-12-2011, 09:08 AM Parent: #9
مبرووووووووووووك للصفوة النتيجة الطبيعية والمستحقة ...
فترة اولى مريحة وموسم مبشر ....
والتعازى موصولة لسيد الخُمرة ...
Post: #11 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: عمر علي حسن Date: 03-12-2011, 02:05 PM Parent: #10
دون تعليق علي المداخلات الحمراء فالهلال ما كان يستحق الفوز ولم اكن لافرح بفوز ياتي بالصدفة .. كما يفعلون .
الاوجب علينا كهلالاب ان نحمد الله اولا ان الخسارة جاءت مبكرة ومن المريخ وليس ممن هم دونه من المنافسين .. وان ننظر ثانيا في اسباب تراجع مستوي فريقنا وفقدانه لطعم ونكهة الكرة الهلالية وتراجع ادائه المنتظم منذ ان تولي امره المدرب الصربي ميشو ..
لو لعب الهلال مباراة الامس بدون مدرب لانتصر .. في كل المباريات التي تلت ختام دوري 2010 كان الهلال الاسوأ حتي في المباريات التي فز فيها بالخمسة والثلاثة وكان فوزه بلا طعم وبكرة عشوائية لا تدل علي ان هناك فريق اسمه الهلال يستمتع الناس بوجوده وادائه قبل فوزه ..
وهم نفس اللاعبون الذين تركهم مصطفي يونس والحيدوس وريكاردو وكامبوس وكانهم مردة وشياطين .. لماذا تحولوا بتقهقر منظم الي جنائز
من قال اننا راضون عن هذا واننا نسمح باستمراره لنخرج مبكرا من المنافسات الافريقية وربما المحلية ..
ان فوز المريخ علي الهلال ليس خبرا .. ولكن الخبر ان لا يجد المريخ خيالا للهلال في الملعب .. فيفوز .. والخبر ان يفوز شباب مصر علي الهلال وأن يعيش الهلال علي فضلات اخطاء الموردة والنيل ليفوز وان يتوقف الهلال عند تماسك النيل وضعاف الفرق المصرية ليخرج بالتعادل ..
سنتحدث الي مجلس الادارة ولست اشك انهم قد استوقفهم ما اري وانهم قد تحركوا فعلا لاعادة الهلال الي السماء ..
اما افراح اهل المريخ وصحافته فهي حقهم وشانهم لكننا نحترم المريخ فائزا علينا او مهزوما منا بمقدار العطاء والسمو الواجب ان نعطيه معا لمعني التنافس .
ولا تياسوا فالهلال قادم وميشو ذاهب
عمر علي حسن
Post: #12 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-12-2011, 02:29 PM Parent: #11
يا امير ... الهلال فريق ما هين ... وهزيمة عابرة لن تؤثر عليه .... اتمني ان تسير الامور كما نريد ... خاصة في الجانب الاداري حيث اللعب في الخفاء والضرب تحت الحزام في ظل الصراع الحاد في الجناح الهلالي ... ليس هذا تقليلاً من فوز المريخ ... الا انه تحذير مما سياتي ... اعتقد ان الصراع الهلالي سيصل للمرة الاولي الي مرحلة تكسير العظام وسيكون الفريق الضحية الاولي والاخيرة بلا شك ...
Post: #17 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-12-2011, 04:54 PM Parent: #10
يا فايز لسانك الطويل ده بتبلعه ... عشان كده ما طوله ... لسهولة البلع وكده ... رغم الهزيمة .. كل المؤشرات بتقول فريقنا الافضل ... واذا نمتوا علي الانتصار ده واطاتكم اصبحت ...
Post: #16 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-12-2011, 04:49 PM Parent: #9
موسي الراجل ... سلام وتحية ... وقيل اشواق ...
العك الكروي لا سبب له ... لاعبي الهلال البارحة كانوا يلعبون دون دافع .. حتي ميشو لم يتحرك من مقعده ... لذا كان العك مقنن ... اما التعليق والنقل التلفزيوني ... غايتو الله يكون في عوننا باقي الموسم ...
Post: #14 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-12-2011, 03:28 PM Parent: #5
حمزاوي .....
عليك الله كورة امبارح دي مفروض الناس تعلن حداد تلاتة ايام وتنكس اعلام الفريقين ... الغالبين والمغلوبين ... غايتو لو مقتنين بفريقكم ده ... الله ادانا
Post: #18 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-12-2011, 05:44 PM Parent: #14
ايضاً لا تعليق علي حديث قامتنا والهامة الهلالية العالية عمر علي حسن .... لكني اعتقد ان الهلال في ازمة ادارية وهذا المجلس لا يستطيع ان يكون في قامة الهلال الذي نريد ...
Post: #19 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: عثمان الحسن أبوروف Date: 03-12-2011, 07:22 PM Parent: #18
مبروك لأهل الصفوة شبر شبر دار دار زنقة زنقة
الفوز المستحق
وكل سنة وأهل الهلال مزنقون
شبر شبر دار دار زنقة زنقة
Post: #20 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-13-2011, 06:23 AM Parent: #19
عثمان الحسن ... مبروك الانتصار .... بس نتوعدكم باننا سندك حصونكم باك باك .. وحارس حارس ... وجناح حناح ... ولن نترككم الا بعد ان يرجع كل محترف الي قواعده سالماً كما تعودنا ان نفعل معكم طيلة السنوات الماضية ... بس الله يلمنا فيكم ...
Post: #21 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: ABDELMAGID ABDELMAGID Date: 03-13-2011, 07:06 AM Parent: #20
Quote: في البدء التهاني لكل المريخاب الذين تكالبوا علي البوست ...كما تكالب اهل المؤتمر الوطني علي الغنائم ... وليس تكالب النسور علي الجيفة ... لان الهلال لن يصير جيفة في يوم من الايام ...
يا راجل .. ياخى إنتو عندكم يا رشاشات قناة كامله إسمها ( قوون ! ) لا تسبح إلا بحمد ( زريبة العيش ) و ( بنى زرقان ! ) يمتلكها الرشاشة ( رمضان أحمد السيد ! ) السكرتير المالى لنقابة الصحفيين الإنقاذية بقيادة الهلالابى و العضو و القيادى بالمؤتمر الوطنى ( محى الدين تيتاوى ! ) و إن أنكر الأصوات لهو صوت ( الغنم ! ) ... غلبناكم ده شى عادى لانكم سوف لن تطالوا الأعظم المريخ عرضا و طولا ... و كأسات أرضا و بحرا و جوا محمولا ... عبدالماجد
Post: #22 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-13-2011, 07:32 AM Parent: #21
يا عبد الماجد ... الله يسالك ان جبت سيرة المريخ مقرونة بالمؤتمر الوطني ... انا ضربت مثل للتشبيه وبس ... غايتو الفي بطنوا حرقص ... المهم يا حبيب قلنا البوست ده للتعازي ... ياخي اقل حاجة تقول لينا كفارة ... ولا هاردلكم .. ولا اي حاجة ترفع بيها معنوياتنا مش تقوم فينا سداري كده ...
Post: #23 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: على محمد على بشير Date: 03-13-2011, 08:35 AM Parent: #22
تم حزف المشاركه وشكرا زناتى للتنبيه ولقامتنا الرياضيه العتببى حتى يرضى وامسحا فى وش زهير دا
والما بيعرفك يجهلك
Post: #24 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: Abdlaziz Eisa Date: 03-13-2011, 09:05 AM Parent: #23
عظم الله اجركم
Post: #25 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: mohmed khalail Date: 03-13-2011, 09:07 AM Parent: #23
لماذا لم يعلق احد على الفاظ الصفوة في الثانية 23 من عمر هذا الفيديو..
انها والله سقطة لا تغتفر..
ومبروك للمريخ
Post: #26 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: محمد عيد Date: 03-13-2011, 01:57 PM Parent: #25
زهير .. ياخى البركة فيكم
وانشاء الله مـــا آخر الاحزان الهلالية ..!
قال ليك هلالابى متفائل مشى الكورة من الساعة 12 الضهر وطبعا زى ما عارفين الكورة إنتهت بمسمار ساكواها أها ... زولنا جاء البيت زعلان داير يطق قال لى مرتو : قومى سوى العشاء مرتو قالت ليهو : سمح بس أمشى قفص الجداد جيب بيض مشى زهجان عاين فى القفص (فيهو عشرة جدادات ) لقى بيضة واحدة بس. قال : ما ناقص إلاَّ دى ... حتى البيض واحدة ؟!!!. مرتوا سمعتوا وقالت ليهو : أنا عارفة ؟!!! ... يمكن الديك زامبى ...!!
Post: #27 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: Hatim Gubara Date: 03-13-2011, 02:27 PM Parent: #26
تعرف يازناتي هلال مريخ ديل زي الحزبين الديمقراطي والجمهوري في أمريكا في امريكا.. الديمقراطيين لمن الأمور ما تمشي كويس.. تلقاهم بينقدوا ممثلينهم وحزبهم وممكن حتى يصوتوا لجمهوريين.. أما الجمهوريين فبيموتوا موت مع تيمهم ومستحيل يصوتوا لديمقراطي.. فخلينا عليك من النقد الذاتي وأسباب الهزيمه.. والمجلس كعب والمدرب كعب.. وإتعلم من فريق الحزب الجمهوري...
Post: #28 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-13-2011, 02:43 PM Parent: #27
عليك الله يا جبارة ورينا .... شعار الفريقين عشان نقدر نعلق علي هذه المسالة بكثير من التعمق ... ونشوف الحالة دي من شنو.؟
Post: #29 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: محمد عيد Date: 03-13-2011, 03:18 PM Parent: #28
Quote: عليك الله يا جبارة ورينا .... شعار الفريقين عشان نقدر نعلق علي هذه المسالة بكثير من التعمق ... ونشوف الحالة دي من شنو.؟
الشــعار .. نيابة عن ود جباره
Post: #30 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: Hatim Gubara Date: 03-13-2011, 03:27 PM Parent: #28
الله يسألك.. داير ليك شرح والا بتدردق فوقي؟ انا ما لاقيت لي مريخابي يوم قال لي فريقنا لعب كعب.. كان المريخ دا لعب زي الواطه.. يقولو ليك العجب احسن لاعب في افريقيا.. كان المدرب كعب.. يقولو ليك اشتريتو الحكم.. كان غلبتهم تلاته.. يقولو ليك المحموله جوا.. والمقصوره والاستاد و.. و... و... يوم كدا مافي واحد فوقهم قال لي ياخي لعبتو سمح امس.. والا ياخي قودلك ليكم في أفريقيا.. ياخي أنا مره خشيت كوره فريق قومي مع فريق بلغاري زائر في استاد المريخ.. الشوط الاول.. كنت قايل نفسي في بلغاريا.. الاستاد عن بكره أبيه يشجع في الفريق البلغاري.. عشان مازدا ملعب الغالبيه من الهلال.. في الشوط التاني نزل لعيبه زياده من المريخ.. حتن التشجيع استعدل.. عشان كدا.. ما مبروك للمريخ ولا أي حاجه.. هلالنا دا كان زي الواطه... فوق..
Post: #31 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-13-2011, 04:31 PM Parent: #30
يا ود جبارة والله ما قادر اتخيل زعلتك دي قدر ده ... يمين تاني رجعتني زعلت من المباراة من اول وجديد .... بعدين ود عيد فرحان كده ليه ... شكله اول مره يحس بطعم الفوز .... والله لكن اتاري كنا مجرسنه جرسه شديدة....
Post: #32 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: محمد عيد Date: 03-13-2011, 09:49 PM Parent: #31
والله ما قصــة فرح زايد ولا حاجة ... عاااااادى يعنى
لكن كيفنى تمام الجلسرين الكابينو ..
وبعدين انا لى شهر بطنى طامة بسبب الغبى الاسمو القذافى ده ...
ما صدقت افك الطمام فى الرشاشات على قول ود نجيلة
بس باقى لى جمال السنوسى .. لكن شكلى باكر بامشى ليهو عديل ... زى ده لازم تتمغى فيهو live ..!!
Post: #33 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: زهير الزناتي Date: 03-14-2011, 07:51 AM Parent: #32
والله يا محمد عيد حكاية لايف دي عجبتني قوي قوي ... بس لو قرا كلامك ده حا تلقاهو ... دق خروج وعودة عشرة ايام اقل حاجة ...
كامل التضامن مع جمال السنوسي
Post: #34 Title: Re: لماذا فاز المريخ و انهزم الهلال ... هنا نتقبل التعازي في الهزيمة الصامتة Author: شهاب الفاتح عثمان Date: 03-14-2011, 11:37 AM Parent: #33
