الرشيد: ما بتقيف آآآالطاهر !!!!

الرشيد بدوي عبيد..زول لذيذ خالص..

جايب الثقة دي من وين ما عارف..

في الاستديو التحليلي معاهو اتنين خبراء تحكيم.. الطاهر ودرمة..

قام الخبير الطاهر محمد عثمان قال : يا ريت مخرجنا يوقف لينا اللقطة دي..

أها الرشيد بثقة غريبة جداً قام قال: ما بتقيف آآالطاهر..


طيب وكت ما بتقدروا توقفوها.. حاكوا حاكوا في شنو؟؟

يعني خلاص الأولاد عاملين فيها ART ؟؟؟


كمان معاكم لقاءات من أرض الملعب..وطاقم المذيعين لابسين أسود؟؟

إنتو ما تجيبوا فنايل ART وتريحونا وتريحوا نفسكم..

الله يعلكم ياخ..

يا محمود

ياخي الرشيد ملك المصطلحات


عنده عبارة شي من حتة تحرق الفشفاش

وعبارة ارباع الساعات والثبات الانفعالي


وهجمة ضاغطة وله العبارة الشهيرة

ابراهيم عطا كاد ان يقتل الفرح

يا خليلو...صباحك خير.. يا وجه الخير..

إن شاء الله آخر الأحزان..قول آمين..

Quote: ياخي الرشيد ملك المصطلحات عنده عبارة شي من حتة تحرق الفشفاش وعبارة ارباع الساعات والثبات الانفعالي وهجمة ضاغطة وله العبارة الشهيرة ابراهيم عطا كاد ان يقتل الفرح

كأن الرجل لم يتتلمذ على يد الراحل علي الحسن مالك..

وكأنه لا يريد أن يستجيب للتطور من حوله..

طبعاً بيكون ليوم الليلة قاعد يقشر بتجربته بتاعة تغطية

نهائيات كأس العالم "أمريكا" الزمااااااااااان ديك..

ضمن فريق إتحاد الإذاعات العربية..

تلك التي قال فيها: وسط المنتخب فيهو كثافة سكانية أو اكتظاظ سكاني..

أو كما قال .. سامحه الله..

لكن أنا القاطعة قلبي..الثقة يا خليل..

ثقة على شنو؟؟ ما تعرف..

أححححححححححححححححح بس