Post: #1
Title: حكومـة بتـاء كرتـوم دا
Author: Abureesh
Date: 03-11-2011, 05:05 PM
قالوا جلابـة دايرين يسقتـوا حكومـة بتاوم فى كرتـوم..
أى واللاى.. قالوا هقوق بتا إنسـانات دا مافى.. باللاى هقوق إنسانات دا شنـو سـاتو؟
نينـا واللاى ءايشين فى اردنا دا من ولدونا.. ما شفنـا هكومة كلو كلو ولا يوليس وايد..
عايشين أهرار مية فى المية..
============================
قالوا السيـد الزعيـم حدد ثلاث سيناريوهـات لإستقاط النظام.
1-
أ-
أولاً:
ثاينـاً
ثالثـا
ب-
أولا
ثانيـا
ثالثـا
2-
أ-
أولاً
===================
الزعيـم التانى برضو حيسقط النظام..
فى زيارة للقصـر الجمهورى الذى يسكن فيه من يريد إسقاطـه (تعلمون من هو يعنى)..
يقول للرئيس وسط الإبتسامات والمجاملات.. أوع يا السيـد الرئيس.. ما تفتكرش إنى رجعت.. لا دى
هيحددهـا الحزب.. الحزب هو اليقرر انا ارجع متين.. الجيادى كانت للعزاء وبس.. الله! عاوزنى أاول
رجعت,, لا ما ينفعش.. دى يحقررها الحزب بعد يطمئن على الظروف الأمنية فى البلاد ويتأكد أنو سلامتى
غير مهددة من أجهـزة الامن..
الرئيس يجيبه ضاحكـا: خلاص يا عم، البركة فيكم وروح مطرح ما جيت.. بس لو الحزب إطمأن وقرر عودتك
عدى علينـا بأة..
==================
زعيم اخر من الذين يريدون اسقاط النظام:
هل تصلى؟
أنا (الان) لا أصلى..
يعنى موعودون بزعيم ذو ذكاء خارق يحاكى ذكاء والتواء الترابى فى الإجابات, وربما كانت إجابة الزعيم
هـذه تيمنـا بالترابى واسلوبه البهلوانى.. ومن شابه اباه فما ظلم.
.
|
Post: #2
Title: Re: حكومـة بتـاء كرتـوم دا
Author: jini
Date: 03-11-2011, 06:06 PM
Parent: #1
لو فعل الشعب السودانى عشر معشار ما فعله نقد والمرغنى والمهدى لما جثم هؤلاء النكرات امثال البشير على صدورنا!
المهدى والميرغنىى ونقد يشهد العالم بأجمعه إنهم لم يسيئوا إلى الشعبى ولم يسبوهوا ولم يزدروهوا او يسفهوا احلامه ولم يسرقوا أمواله ولم يحرموهو من مجانية التعليم او العلاج او يغتصبوا بناته او يسحلوا أبنائه أو يقصفوهم بالطائرات!
جنى
|
Post: #3
Title: Re: حكومـة بتـاء كرتـوم دا
Author: Abureesh
Date: 03-11-2011, 11:19 PM
Parent: #2
Quote: لو فعل الشعب السودانى عشر معشار ما فعله نقد والمرغنى والمهدى لما جثم هؤلاء النكرات امثال البشير على صدورنا!
المهدى والميرغنىى ونقد يشهد العالم بأجمعه إنهم لم يسيئوا إلى الشعبى ولم يسبوهوا ولم يزدروهوا او يسفهوا احلامه ولم يسرقوا أمواله ولم يحرموهو من مجانية التعليم او العلاج او يغتصبوا بناته او يسحلوا أبنائه أو يقصفوهم بالطائرات! |
سلام جنى..
اولا بالتبادى.. لو عرفت لى الزول القال الكلام التحتو خط الفوق دا تعال ورينى وينوبك ثواب.
بعدين ياخى بهداوة كدا.. أقرأ كلامك الفوق دا، وحتشـوف إنك ذكرت ما (لم يفعله) هذا الثالوث، ولم تأتى ولا بعشـر معشـار
مما فعلوه.
واللاى يا جنى هسى كنت عاوز اذكر ليك بعض الحاجات التى أنجزوهـا.. لكن قلت سيبك يا زول.. !!!
موش حاجـة غريبة كونو الســودانيين يعتبروا عدم السرقـة وعدم قتل الناس إنجازات الحكومـة والزعماء!!
.
|
Post: #4
Title: Re: حكومـة بتـاء كرتـوم دا
Author: jini
Date: 03-11-2011, 11:28 PM
Parent: #3
Quote: موش حاجـة غريبة كونو الســودانيين يعتبروا عدم السرقـة وعدم قتل الناس إنجازات الحكومـة والزعماء!!
|
طبعا انجاز ان تحكم دون ان تضطر للقتل!
على الاقل لم تتشظى بلادنا ابان حكمهم!
التاريخ لن يرحم يا ابو الريش!
المهدى وقرنق والمرغنى اناس أحسن اهاليهم تربيتهم اناس حاملى مسك وليس نافخ كير يتغوطون ويتبولون على رؤوس مواطنيهم!
جنى
|
Post: #5
Title: Re: حكومـة بتـاء كرتـوم دا
Author: Abureesh
Date: 03-12-2011, 00:00 AM
Parent: #4
Quote: طبعا انجاز ان تحكم دون ان تضطر للقتل!
على الاقل لم تتشظى بلادنا ابان حكمهم!
التاريخ لن يرحم يا ابو الريش!
المهدى وقرنق والمرغنى اناس أحسن اهاليهم تربيتهم اناس حاملى مسك وليس نافخ كير يتغوطون ويتبولون على رؤوس مواطنيهم! |
الحكاية شنو يا جنى، شابكنا مرة ما قتلوا ومرة متربيين..
أنجزوا شنو للشعب؟
هـذا هو الســؤال..
ما فى زول إتكلم عن تربيتهم واللا عن صحيفـة سوابقهـم.
موش فى الماضى.. خليناه.. عندهم شنو الحين غير تربصهم بإنتفاضة ترجعهم للحكم (اقرأ عدم الحكم).. ديل العقود
دى كلها ما سووا شئ غير مهدوا لحكومـة الجبهـة.. والسـودان كان ماشى بدفرة الإنجليز لامن الكومر وقف فى النهايـة
ولا يستطيعون إدعاء إنجاز ذو شـأن فى الإقتصاد ولا فى التعليم ولا فى الصحـة..
بعدين باللاى عليك ما تلم الزعيم قرنق وسط الضهبانين ديل.. قرنق ما كان ضهبان، كانت عندو خطـة محددة وأهداف
معلمـة حققهـا لشعبه وذهب.. ما زى ديل ناس رزق اليوم باليوم..
طبعـا أسهل شئ تتكلم فى نقد الحكومـة.. ويكفى فقط أنها حكومـة دكتاتورية جاءت بإنقلاب عسكرى وسرقت السلطـة
وكل الشرور والخراب الذى حدث للسودان تبع هـذا الشر الأكبر.. لكنى لست ممن ينط الشجـر القصـار.
ثم الجماعـة التلاتة ديل ومعهم عرابهم الترابى وقدوتهم فى النهج السياسى، كلهم لبن على عسل مع الإنقاذ.. تحتاج
تفصيل؟
يفصلوا شنـو ويخلوا شنو؟
.
|
Post: #6
Title: Re: حكومـة بتـاء كرتـوم دا
Author: jini
Date: 03-12-2011, 07:23 PM
Parent: #5
Quote: لحكاية شنو يا جنى، شابكنا مرة ما قتلوا ومرة متربيين..
أنجزوا شنو للشعب؟
هـذا هو الســؤال..
ما فى زول إتكلم عن تربيتهم واللا عن صحيفـة سوابقهـم.
موش فى الماضى.. خليناه.. عندهم شنو الحين غير تربصهم بإنتفاضة ترجعهم للحكم (اقرأ عدم الحكم).. ديل العقود
دى كلها ما سووا شئ غير مهدوا لحكومـة الجبهـة.. والسـودان كان ماشى بدفرة الإنجليز لامن الكومر وقف فى النهايـة
ولا يستطيعون إدعاء إنجاز ذو شـأن فى الإقتصاد ولا فى التعليم ولا فى الصحـة..
بعدين باللاى عليك ما تلم الزعيم قرنق وسط الضهبانين ديل.. قرنق ما كان ضهبان، كانت عندو خطـة محددة وأهداف
معلمـة حققهـا لشعبه وذهب.. ما زى ديل ناس رزق اليوم باليوم..
طبعـا أسهل شئ تتكلم فى نقد الحكومـة.. ويكفى فقط أنها حكومـة دكتاتورية جاءت بإنقلاب عسكرى وسرقت السلطـة
وكل الشرور والخراب الذى حدث للسودان تبع هـذا الشر الأكبر.. لكنى لست ممن ينط الشجـر القصـار.
ثم الجماعـة التلاتة ديل ومعهم عرابهم الترابى وقدوتهم فى النهج السياسى، كلهم لبن على عسل مع الإنقاذ.. تحتاج
تفصيل؟
يفصلوا شنـو ويخلوا شنو؟
|
يا ابو الريش انت تدافع عن الانقاذ بمهاجمتك للمعارضة وهذا لن ينطلى الا على ذوى القنابير!
جنى
|
Post: #7
Title: Re: حكومـة بتـاء كرتـوم دا
Author: Abureesh
Date: 03-13-2011, 00:52 AM
Parent: #6
Quote: يا ابو الريش انت تدافع عن الانقاذ بمهاجمتك للمعارضة وهذا لن ينطلى الا على ذوى القنابير!
جنى |
الأخ العزيز جنى، طيب.. انا اعتبر دى مزحـة منك، أو بالكتير مديدة حـارة..
لكن.. نصيحـة منى ليك، خالصـة لوجـه الله تعالى..
نفرين.. فى المنبر دا.. أبعـد كل البعـد من إتهامهم بالدفاع عن الإنقـاذ..
متوكل مصطفى الحسين، (عم مريـم بنت الحسين لو ما عارفو).. وأبو الريش.
ولو داير تعرف رد فعل متوكل، أسـأل زميلـه المحامى فى الخرطـوم.. شخصيـا لا أستطيـع شرحـه.
.
|
Post: #8
Title: Re: حكومـة بتـاء كرتـوم دا
Author: salah ismail
Date: 03-13-2011, 03:30 AM
Parent: #7
حكومة الخرطوم حكومة عسكرية ديكتاتورية
حكومة الاحزاب الطائفية حكومة ديكتاتورية مدنية مستغلة للنظام النيابي وللديمقراطيه للوصول للسلطه والمال
تتسبب في اعادة الديكتاتورية العسكريه
=================================================
الديباجة نمرة تلاته للاستاذ محمود
الثلاثاء30 اكتوبر 1984
=================================================
ثورة اكتوبر التي حدثت في السودان هي نفسها التي تحدث في مصر وتونس والجزائر والبحرين والحجاز وليبيا الان
مع اختلاف اللغات واللهجات والتقنية والاتصال الخ....
الشعب السوداني شعب معلم....وصل لي مرحلة الوعي المطلوب والتغيير الحاصل الان علي مستوي الافراد وفي نفس المستوي علي مستوي
الفكرة من الفرد وليس الجماعة...في شعوب جديدة في لملاعب...
===================================
|
Post: #9
Title: Re: حكومـة بتـاء كرتـوم دا
Author: Abureesh
Date: 03-14-2011, 04:24 PM
Parent: #8
Quote:
حكومة الاحزاب الطائفية حكومة ديكتاتورية مدنية مستغلة للنظام النيابي وللديمقراطيه للوصول للسلطه والمال
تتسبب في اعادة الديكتاتورية العسكريه |
يا دكتور صلاح ديل ما اتوا لحكم ولا لاصلاح وانما لاجندات اخرى
|
|