وياريت تسمع دي تسجيل:- يا طير الوِدي نزَّاح تسابق الشاردة بتجوب الفضا وتثكل ثكيل الفارده نياتك سلام ما حارة عينك بارده ميال للطبيعة والهبيبة البارده
أنيس الرياض ما بتخفى عنك شارده ويكيِّف غريدك زي دموع الحارده جفّال من حبايبك وما بتشيقك عارده والنيل بيك تآنس والصحاري الجارده
قول لي ما وراءك يا عصام بالواحدة عاطفتك كريمة وبالخبير ما جاحدة لا زال النخيل في توتي مادي الشاحده وشمبات لسه ترفل في نعيمة وجاحده
كنانة آمون مشغولة قايدة وشايدة من ولدانه بي تلك القصور الشايدة هديك الفلايك وديك (لوتس) و(عاندة) وداك عاشق مدلل وديك حبيبة معاندة
ناس الأم حنان وإن مني متعوا الرايده ما حسبو لي أنا وما أظنوا فيَ الفايده زينتي وشينني عاد إياها فوقن عايده والأيام ظروف صايدة وتكون ما صايده
طبعاً خليل فرح وبتلقاها عند خدر
Post: #5 Title: Re: والله الغنا يخلوهو ليك يا عم أحمد!!!!!!!!!! Author: jini Date: 03-11-2011, 09:23 AM Parent: #4
شكرا يا صديقى سفيان لهذه الهدية الرائعة والله انا كتبت البوست دا شرك لى خدر لعلى اخرجه من حزنه على الراحل المقيم خالد الحاج طارق مسكون بعشق شيخ طه طيب الله ثراه جنى
Post: #6 Title: Re: والله الغنا يخلوهو ليك يا عم أحمد!!!!!!!!!! Author: Ahmed al Qurashi Date: 03-11-2011, 09:23 AM Parent: #4
جني ازيك
وربنا يرحم شيخ طه
وشكرا ليك على هذه الاتكاءة الرائعة
مودتي
Post: #7 Title: Re: والله الغنا يخلوهو ليك يا عم أحمد!!!!!!!!!! Author: jini Date: 03-11-2011, 09:33 AM Parent: #6
Quote: جني ازيك
وربنا يرحم شيخ طه
وشكرا ليك على هذه الاتكاءة الرائعة
مودتي
نحن السودانيين نتكئ على خاصرة البتول ونغنى لعزة! حذينى باليمين وانا راقد شمال! بالله شوف شيخ طه فى الفؤاد ترعاه العناية بين ضلوعى الوطن العزيز والبلاد معروفات حدودا وسودانا جبهة نبقالو خوذا! أين أصبحت حدود الوطن وهل لا زال عزيزا! ولك التحايا يا ود القرشى جنى