Post: #1
Title: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 11:32 AM
شايف بني كوز ومن لف لفهم من السلعلع وماسحي الخوج لسلطة الانقاذ داقين صفائح وقاعدين يحرقو في جرائد اسفيرية فرحانين فرح السرور يا (يمة) بما الت اليه التظاهرة التي دعت اليها قوي المعارضة في ميدان ابو جنزيز...!!
وموسف ومخزي ان نري اشخاص فرحين بالتصدي عبر الشرطة والامن والقوات الماجورة لاناس خرجو من اجل تاييد ثورة في دول مجاورة والمضحك المبكي هو وفي نفس اللحظات التي يتصدي البوليس (ابو ضنب )لمواطنين سودانين خرجو لتاييد ثورة مصر نجد البشير في مصر بنجس ارض الثورة المصرية ويدعي بانه جاء مويدا...
في واااحدة من اندر اللقطات علي الارض السودانية والتي تعكس مدي تهتك وتناقض الخطاب الكيزاني البشيري العجيب,,,!!!!
تمشي تويد انت يا البشير لحدي القاهرة وتمنع الاخريين التاييد في ميدان ابو جنزير... ايششششششش دعوي...
|
Post: #2
Title: Re: ميكانيزم المظاهرات وشفقة زهرة....!!!
Author: Amira Elsheikh
Date: 03-10-2011, 11:36 AM
Parent: #1
تمشي تويد انت يا البشير لحدي القاهرة وتمنع الاخريين التاييد في ميدان ابو جنزير... ايششششششش دعوي...
انا غايتو مع جرسة اشرف الحلبى خلينا النظام غيرو لينا الزول دا
|
Post: #9
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 12:45 PM
Parent: #2
| Quote: انا غايتو مع جرسة اشرف الحلبى خلينا النظام غيرو لينا الزول دا |
هلاا يا دهشة
ووينك انتي اليومين دي متلبدة من عمك كيكي لووول
والزول ده يا اميرة مغير مغير وليك علي حنبدلو حتي ولو بعدة
بس انتي اصبري سااكت
|
Post: #3
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 11:37 AM
Parent: #1
مظاهرة هنا ومظاهرة هناك بكرة بتعمل انتفاضة..
والثابت بان التراكم الكركبي هو من سيقود الي الطوفان الكبير الذي حتما سياتي وان طال السفر..
وان استطاع رجال الامن الرعاديد من السيطرة وتفريق مظاهرة اليوم او غدا فهذا لايعني نهاية الدنيا ولا يمثل الا نصرا لحركة التراكم
وليس في هذا الامر مدعاة للاحباط والخنوع الي سطوة هذه الانقاذ وادواتها العسكرية الكرتونية...
وبنظرة قليلة لامر مصر ستري بان وقبل الانتفاضة الكبري فيها كان الفتية من كفاية وحركات التغيير يجدون التندر والاستخفاف من الاعلام المصري بقيادة عمر اديب ونفس هذا الخطاب وهذه اللغة التي ارسلها اخريين مثل عمر اديب قراتها اليوم من حروف صحفي يبدو بانه كسيح الفكر والوعي اعتقد بانه يسمي الصادق الرزيقي..
|
Post: #11
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 01:05 PM
Parent: #4
Quote: يا شرفاء لا تخلطو بين المعارضة الرسمية و معارضة الشباب و الجماهير الثائرة
|
هلا يا دكتور وشعارنا مع هذه السلطة الغاشمة
زنقة زنقة دار دار لا تفاوض ولا حوار
وحتما النصر اتي
|
Post: #5
Title: Re: ميكانيزم المظاهرات وشفقة زهرة....!!!
Author: معاوية المدير
Date: 03-10-2011, 11:43 AM
Parent: #3
Quote: في واااحدة من اندر اللقطات علي الارض السودانية والتي تعكس مدي تهتك وتناقض الخطاب الكيزاني البشيري العجيب,,,!!!!
تمشي تويد انت يا البشير لحدي القاهرة وتمنع الاخريين التاييد في ميدان ابو جنزير... ايششششششش دعوي... |
سلآم يا كيكي.
يا كيكي الزول ده ما وداهو تأييد، في مستندات تمّ تدميرها،
وهو رايح يشوف العقاب، لكن بعد آيه؟؟؟ ياما حاتظهر
فضايح بس ادوها صنّة...
|
Post: #6
Title: Re: ميكانيزم المظاهرات وشفقة زهرة....!!!
Author: Amira Elsheikh
Date: 03-10-2011, 11:44 AM
Parent: #5
الثورة تلاقيط
|
Post: #7
Title: Re: ميكانيزم المظاهرات وشفقة زهرة....!!!
Author: عبد المنعم ابراهيم الحاج
Date: 03-10-2011, 12:11 PM
Parent: #6
هلا ياكيكي وكمان ماتنسى تفكيك الخط التكتيكي
لمروق الزعماء ديل ..من جس نبض لي مدى إستعداد
القبضة الأمنية مرورا بمحاولة
تفريق شحنة الإنفعال وتفويت الفرصة على الشباب..
|
Post: #8
Title: Re: ميكانيزم المظاهرات وشفقة زهرة....!!!
Author: Mustafa Mahmoud
Date: 03-10-2011, 12:29 PM
Parent: #7
يا شرفاء لا تخلطو بين المعارضة الرسمية و معارضة الشباب و الجماهير الثائرة
يا شرفاء لا تخلطو بين المعارضة الرسمية و معارضة الشباب و الجماهير
المعارضة الرسمية قيادة احزابها و تكويناتها ديناصورات منغرضة
تناضل باسلوب النصف الاول من القرن الماضي
المعارضة التي فجرت ثورة الشباب الغاضب في 2011 في تونس و ليبا و مصر
هي المعارضة الحديثة التي سوف تزيل نظام مافيا الانقاذ في السودان في عام 2011
اساليب الثورة الحديثة نجحت في مصر و تونس و ليبا و سوف تنجح في اليمن و السودان
قيادة الثورات الحديثة تشكلت من رحم الثورة ذاتها
وكل القيادة القديمة للمعارضة الرسمية في مصر و تونس و ليبيا لفظتها الجماهير الثائرة
و التغير لن يقوده زعماء الاحزاب و الكيانات الهرمة التي تجاوزها التاريخ و عفي عليها الزمن
|
Post: #10
Title: Re: ميكانيزم المظاهرات وشفقة زهرة....!!!
Author: نجلاء قرافي
Date: 03-10-2011, 12:51 PM
Parent: #8
يفرحوا الليله ويبكوا باكر ياكيكي
ده تمرين وتسخينه كده
طلعوا كل عدتهم وقابلونا
اسلحه من كل الانواع من (المستر جون ) الاسود والعصي الي الاسلحه قصاد جماهير سلميه عزلاء .
جنس خوف هو ....
|
Post: #19
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 06:57 PM
Parent: #10
Quote: ده تمرين وتسخينه كده
طلعوا كل عدتهم وقابلونا |
هلا يا نجلاء وتحياتي..
وايوووه دي تسخينة كده وجس نبض حتي تاتيهم الصاعقة
وساعتها حلاقة الدقون الضلالية ما بضمن ليهم اليتها فقد تكون بالقزاز
|
Post: #17
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 04:54 PM
Parent: #8
Quote: المعارضة التي فجرت ثورة الشباب الغاضب في 2011 في تونس و ليبا و مصر
هي المعارضة الحديثة التي سوف تزيل نظام مافيا الانقاذ في السودان في عام 2011
اساليب الثورة الحديثة نجحت في مصر و تونس و ليبا و سوف تنجح في اليمن و السودان
|
هلا يا دكترة
وسياتيهم هذا الشعب من كل فجا عميق بخيرة ابنائه
|
Post: #14
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 01:32 PM
Parent: #7
Quote: هلا ياكيكي وكمان ماتنسى تفكيك الخط التكتيكي
لمروق الزعماء ديل ..من جس نبض لي مدى إستعداد
القبضة الأمنية مرورا بمحاولة
تفريق شحنة الإنفعال وتفويت الفرصة على الشباب.. |
هلا يا فن..
ومروق الاحزاب ده فعلا يا منعم فيهو كم باكورد كده ولقطة
وطبعا من الاكيد اعمامنا ديل متنبهين لحكاية الثنائية ما بين الجماهير والاحزاب في كل حركات التغيير في تونس ومصر وحتي اليمن...وكويس انهم ختو طوبتهم بدري بدري لانو الشارع ده لمن يطلع ما بعرف نقد ولا الصادق المهدي..والشباب في الاحزاب دي هم اقرب الي مزاج حركات التغيير الشبابية التي انتشرت ولاتبالي بالرياح ودورها جااااي جاااي..
الشي التاني الطلعات والكركبات دي بتعمل (غاغا) للقوات الامنية الشريرة ونظام سهر الجداد ولا نومو هو اكثر نظام قادر علي تفكيك حكاية الضبط والربط والتلعيمات العسكرية وخاصة ان وضع الجندي العادي او البوليس في مواجهة مدنين من بني وطنه..
عموما هو حجر جيد في بركة الحراك ومهما كانت مخرجاته الا اننا بنقول خير وبركة
والقادم احلي
|
Post: #13
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 01:17 PM
Parent: #6
صدق زهير الزناتي وان كذب المنجمون
وفعلا يا اميرة كركبة هنا وكركبة هناك وبكرة بعد بكرة قطر الكيزان حتما سيصفر
|
Post: #12
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 01:15 PM
Parent: #5
Quote: يا كيكي الزول ده ما وداهو تأييد، في مستندات تمّ تدميرها،
وهو رايح يشوف العقاب، لكن بعد آيه؟؟؟ ياما حاتظهر
فضايح بس ادوها صنّة... |
هلا يا معاوية
وبالله شفت الزول ده عينو قوية وسنو ملوية كيف..
عاوز يمشي يكاوش ويغشغش ناس (نوارة نجم ) ديل.. الواقفين بوعي وفهم مع حقوق وحقوق الشعوب المقهورة..
وعاوز يبيع للمصريين (ترماي مياه النيل) ويسمسر ..
وقمة الاستهبال ومحاولة اللعب علي دقون الشعوب هنا وفي خارج الحدود
|
Post: #15
Title: Re: ميكانيزم المظاهرات وشفقة زهرة....!!!
Author: أبوبكر أبوالقاسم
Date: 03-10-2011, 01:56 PM
Parent: #12
كيكـــى سلامات
Quote: ...وكويس انهم ختو طوبتهم بدري بدري لانو الشارع ده لمن يطلع ما بعرف نقد ولا الصادق المهدي..والشباب في الاحزاب دي هم اقرب الي مزاج حركات التغيير الشبابية التي انتشرت ولاتبالي بالرياح ودورها جااااي جاااي..
|
هنا مربط الفرس فقد كانت تلك الثورات لا شيِّة فيها فنجحت .... وشفقة زهرة
|
Post: #16
Title: Re: ميكانيزم المظاهرات وشفقة زهرة....!!!
Author: عبدالأله زمراوي
Date: 03-10-2011, 03:01 PM
Parent: #15
Quote: هلاا يا دهشة
ووينك انتي اليومين دي متلبدة من عمك كيكي لووول |
خليتني اضحك في الصقيع يا كيكي. يا حليلك وليد امبارح بقى عم. تحياتي للأميرة ايضا...
يا صاحبي في الهم...
هؤلاء أمرهم مقضىٌ مقضي. والله انا بديت افكر في ترشيحكم لرئاسة الجمهورية وأميرة الشيخ
كسفيرة للسودان الجديد في الدوحة القطرية....
يا رجل هذه المظاهرات التي تصيب العرب بالدهشة نحن محتشدون فيها منذ سقوط الخرطوم
في 1885، مرورا بهذه الثورة الحالية الآتية...
لذلك جهز بدلك الجميلة بألوان السودان وعلمه الجديد!
|
Post: #18
Title: Re: ميكانيزم المظاهرات وشفقة زهرة....!!!
Author: معاوية عبيد الصائم
Date: 03-10-2011, 05:45 PM
Parent: #16
كيكى سلامات
يازول الجيل ده جيل صعب وسوف يدهش
بن كوز ويدخلهم فى جحر ضب يصعب منه الخروج
دون مسهلات (كوعية) حينها سيفهم نافع لحسة الكوع
الفعلية التى لا فكاك منها الا الجنائية الدولية..مرافقا
اسد لاهـــــــــــــــــاى...حتى المطار بطابور صقرية
يتقدمه بن الباوقة البار عمر الصقار...
ما يتم الان من بروفات من هولاء الشباب ماهو الا تمارين
لمعرفة اللياقة القدو قدية....للسادة ال امنجى ..الكو كرام
سلام..كيكى
|
Post: #21
Title: Re: ميكانيزم المظاهرات وشفقة زهرة....!!!
Author: khaleel
Date: 03-10-2011, 07:33 PM
Parent: #18
سلام كيكي البراغماتي
فاروق ابوعيسي قال هذه
ليست مظاهرة
دي جكة فقط والغريق قدام
|
Post: #26
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 09:20 PM
Parent: #21
Quote: سلام كيكي البراغماتي
|
ايوه يا خلي ومع الكيزان ديل لازم تكون براغماتي وحتي برمائي
بس المهم البشير ده ينقلععع(او كما قال ناس اليمن لعلي عبد الله صالح)..
عندهم هتاف كده بقولو فيهو
يا علي انقلع
--------------------
البروفة الصغيرونة بتاعة ابو جنزير دي كانت (اسناك) وهبشة كده علي الماشي
ولكن الغريق حتما جاي لقدام
|
Post: #25
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 09:09 PM
Parent: #18
Quote: يازول الجيل ده جيل صعب وسوف يدهش
بن كوز ويدخلهم فى جحر ضب يصعب منه الخروج
دون مسهلات (كوعية) حينها سيفهم نافع لحسة الكوع
الفعلية التى لا فكاك منها الا الجنائية الدولية..مرافقا
اسد لاهـــــــــــــــــاى...حتى المطار بطابور صقرية
يتقدمه بن الباوقة البار عمر الصقار...
ما يتم الان من بروفات من هولاء الشباب ماهو الا تمارين
لمعرفة اللياقة القدو قدية....للسادة ال امنجى ..الكو كرام |
هلا يا معاوية..
والجيل ده شفنا طلائعه يوم ناس الحكومة ديل دربو الطلاب دفاع شعبي قبل ما يخشو الجامعة
واها اول دفعة بتاعة من الناس الودوهم الدفاع الشعبي ديل لمن جونا في الجامعة
في اول كعة مع الكيزان ديل دقو ليك الكيزان ديل دق العيش وحيرونا زاااتو..!!
عينك ما تشوف الا عتاة الكيزان متلبين بسور الجامعة صوب شارع النيل
|
Post: #23
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 07:59 PM
Parent: #16
Quote: خليتني اضحك في الصقيع يا كيكي. يا حليلك وليد امبارح بقى عم. تحياتي للأميرة ايضا...
يا صاحبي في الهم...
هؤلاء أمرهم مقضىٌ مقضي. والله انا بديت افكر في ترشيحكم لرئاسة الجمهورية وأميرة الشيخ
كسفيرة للسودان الجديد في الدوحة القطرية....
يا رجل هذه المظاهرات التي تصيب العرب بالدهشة نحن محتشدون فيها منذ سقوط الخرطوم
في 1885، مرورا بهذه الثورة الحالية الآتية...
لذلك جهز بدلك الجميلة بألوان السودان وعلمه الجديد! |
هلا يا زول يا مدهش بالحيل..
والانتفاضة جاية جاية يا زمراوي وبني كوز متراجفين رجف السنين
وفي اي لحظة احتمال يقولو ليك خالك كيكي هبط بالاراضي السودانية مشاركا في هذا الواجب..
وبسوق معاي اميرة الشيخ دي زاااتها الريالات طايرة وملحوقة لوووول
|
Post: #20
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-10-2011, 07:33 PM
Parent: #15
| Quote: هنا مربط الفرس فقد كانت تلك الثورات لا شيِّة فيها فنجحت .... وشفقة زهرة |
هلا يا ابوبكر وتحياتي ووين اراضيك يا زول
ونعم انه مربط الثورة وستنجح الثورة باذن الله
|
Post: #22
Title: Re: ميكانيزم المظاهرات وشفقة زهرة....!!!
Author: عبد المنعم ابراهيم الحاج
Date: 03-10-2011, 07:48 PM
Parent: #20
Quote: التحية للشرفاء
إذا كان الغرض من المظاهرات هو الضغط على الحكومة على قبول التفاوض وليس إسقاط
النظام فعلى الدنيا السلام أي خطوة الي الوراء هو تقهقر في المساحة المتاحة الحالية
للخروج ضد النظام وضد أجهزته القمعية ولا يحتاج ذلك إذن والخروج المعلن أثبت
فشله ، إذا كانت القوى الديمقراطية والوطنية جادة في مسألة إسقاط النظام فلتدعو جماهيرها
وتشجعهم على هذا الحق العصيان والتظاهر وكل الوسائل الأخرى ولكن حكاية يتجمع
الناس في مكان محدد هو عمل عاطفي يحمل فشله داخله نعم سيترك صدى إعلاميا
محدودا ولكن يسقط النظام الذي سلفا يستعد للقمع وللإعتقال، وهو أمر متوقع منه
قيادة الجماهير لا يعني بالضبط خروج القادة وتسلمها الشعارات الهتافية والمضي
في الشارع وحسب ولكن هو في الكيفية التي تخرج بها جماهيرك وتقنعهم بضرورة
هذا الفعل، تصرف الزعيم نقد تصرف غير موضوعي وفيه محاولة لإستفزاز بقية
قيادة القوى الأخرى لان الواقع يسمح لنا بالكلام عن ليس هنالك أي تنظيم لهذا العمل
وأن القوى ليست متفقة على الخروج من أساسه لأن في نفس الوقت الذي يعلن فيه
حزب الامة بإنتهاء سقف التفاوض يسافر هو خارج البلد دون أن يطلب حتى من جماهيره
تبني الخيار الآخر " إسقاط النظام " وحث جماهيره . في ذات اللحظة يأتي بيان الحزب
الإتحادي الديمقراطي عبر مرشحه للرئاسة الأستاذ حاتم السر بيانا تضامنيا كأنما الحزب
بعيدا عن الأحداث وفي طياته إشارة لدفع النظام للحوار كأنما هذا النظام لم يتم التحاور معه
من قبل ، و لم تكن نتائج ذلك هو المزيد من عدم الثقة بين الجماهير وقياداتها ، و أيضا تطويل عمر
هذا النظام الذي يلتقط أنفاسه ويعيد تنظيمه بعد الشروخات التي تنتابه من حين الي آخر
ومن ثم يحدث التهميس وركل الحوار نفسه.. الجماهير ليست غبية الي هذه الدرجة وهي
من كرمها تعطيهم الفرص تلو الفرص لهذه القيادة ولكنها ستأتي الساعة التي تنفصل هذه
الجماهير عنها وتتجاوزهم ، جماهير هذه الأحزاب شرفاء ومتيقنون من التغيير ولكنها تحترم
قيادتها للأبعاد الروحية والتأريخية وأدوارهم الماضية في بناء تلك الأحزاب ولكل زمن
خياله ولكل جيل تطلعاته.
التحية للشرفاء الذين تم إعتقالهم ونطالب بإطلاق سراحهم فورا
ولابد من التصعيد التصعيد لامن ولا أذى فمن يخرج يخرج لقناعاته
ولضرورة المواجهة . |
أعلاه مداخلة لي في بوست الأستاذة أماني العجب وأضيف اليها موضوع التسخين والجكة
لأن الامر يصبح يشبه الإحتفالات العامة وفقرات برنامجه التي دائما تكون نمطية :
- قراءة ماتيسر
- كورال
- الكلمة التقليدية لشخص معتبر.
- فقرات مختلفة ومتفرقة.
- ثم كومر الوردية سائلا عن التصريح ومعلنا نهاية الزمن المسموح .
|
Post: #24
Title: Re: ميكانيزم المظاهرات وشفقة زهرة....!!!
Author: كمبورة
Date: 03-10-2011, 08:00 PM
Parent: #22
كيكي كل التحايا
نعم سهر الجداد ولا نومو
وانو احنا موجودين
وحتما ستزول دولة الظلم والاستبداد
|
Post: #27
Title: Re: ميكانيزم المظاهرات وشفقة زهرة....!!!
Author: مها عبد الله
Date: 03-10-2011, 09:50 PM
Parent: #24
العزيز كيكي تحية طيبة
حالتهم تُثير الشفقة بالجد ، وقفة تضامن نسائية تقوم حكومة الحرامية علي فد رجل !! عالم جــــبانات بشكل 
|
Post: #28
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-12-2011, 04:00 PM
Parent: #27
Quote: أعلاه مداخلة لي في بوست الأستاذة أماني العجب وأضيف اليها موضوع التسخين والجكة
لأن الامر يصبح يشبه الإحتفالات العامة وفقرات برنامجه التي دائما تكون نمطية :
- قراءة ماتيسر
- كورال
- الكلمة التقليدية لشخص معتبر.
- فقرات مختلفة ومتفرقة.
- ثم كومر الوردية سائلا عن التصريح ومعلنا نهاية الزمن المسموح . |
هلا يا منعم وحبابك يا صديق
وشكرا علي الكلام الضافي الملان ..
والتصعيد التصعيد هو شعار المرحلة والاحزاب السياسية عليها ان تعي بان الشوارع لا تنتظر
وفليكن شعارنا العالي هو هتاف اهل ليبيا
زنقة زنقة دار دار لا تفاوض ولاحوار
|
Post: #30
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-12-2011, 04:09 PM
Parent: #27
Quote: العزيز كيكي تحية طيبة
حالتهم تُثير الشفقة بالجد ، وقفة تضامن نسائية تقوم حكومة الحرامية علي فد رجل !! عالم جــــبانات بشكل |
هلا يامها وتحياتي..
عالم ########ات ومعدومي النخوة وحرامية رعاديد..
وهذه المافيا الانقاذية تتحسس رصاصها كلما رات انسان يهتف بحقه..
ولكن ليهم يوم واني اراه قربيا باذن الله
|
Post: #29
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-12-2011, 04:06 PM
Parent: #24
| Quote: سهر الجداد ولانومو |
ونعم يا كمبورة
وفيلكن الهتاف والشعار هو
ما ينوم الكوز الحرامي ما ينوم
|
Post: #31
Title: Re: ميكانيزم المظاهرات وشفقة زهرة....!!!
Author: د.نجاة محمود
Date: 03-12-2011, 04:40 PM
Parent: #29
هاي كيكي
والله الجقلبة حقتكم كثرت شديد.. بعدين خداع النفس دا حاجة كعبة
الكم كوز الهنا ديل عديل كدا طالعين بيكم العالي
يا عمك الحبة ما حتحصل..
عمك نقد قرب يقول منين اجيب ناس.
|
Post: #32
Title: Re: ميكانيزم المظاهرات وشفقة زهرة....!!!
Author: khaleel
Date: 03-12-2011, 05:00 PM
Parent: #31
سلام يا كيكي يا راديكالي
اعتقد الناس شفقانة ومستعجلة
امر المظاهرات والتغيير يحتاج لي نفس طويل وصبر اطول
حقو الناس تخلي دورة الغلاء تكتمل وزيادة الاسعار
تكوي الناس لامن يقولو تعبنا
اعتقد الموضوع ممكن يتم بعد التاسع من يوليو
والناس ما بتكون محتاجة لي بوستات سودانيز اون لاين عشان تتطلع الشارع
سيخرجون لاسباب اقتصادية
ولن ينتظرو ناس الفيس ولا سودانيز
|
Post: #34
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-12-2011, 08:11 PM
Parent: #32
هلا يا خلي
والمرفعين قال بني ادم اكلو ناشف وما تبلو
فعشان كده ياخلي هذه العصابة يجب ان توكل وهي ناشفة
ولكن بترتيب وفن وجووووك جووووك ولا كتلوك حتي تاتي الصاعقة والطوفان
|
Post: #33
Title: Re: ميكانيزم المظاهرات وشفقة زهرة....!!!
Author: عبدالكريم الامين احمد
Date: 03-12-2011, 07:57 PM
Parent: #31
Quote: هاي كيكي
والله الجقلبة حقتكم كثرت شديد.. بعدين خداع النفس دا حاجة كعبة
الكم كوز الهنا ديل عديل كدا طالعين بيكم العالي
يا عمك الحبة ما حتحصل..
عمك نقد قرب يقول منين اجيب ناس. |
هلا يا بيان..
وجقلبة شنو يا بيان البنجقلبها احنا افووووو
دي اسمها مثابرة وصبر وايمان قاطع بقضايا دونها القتاد
وموقف مبدئي من العصابة الكيزانية بتاعة اللصوص والقتلة والمارقين..
فعشان كده كلو ما الكيرف يقع لاي سبب من الاسباب بنجي مارقين ذي طير الفينيق
وبنرش بني كوز بما لذ وطاب من الرشوش...!!!
وعارفة يا بيان انا عندي راي فقهي من زماااان مفاده بان الناس القاعدين في سودانيز وعاملين فيها كيزان ديل ما كيزان برنجي ولاحاجة وديل كيزان تايوان فمقدراتهم الفكرية والحوارية ضعيفة ويبدو انهم ناس تاكل عيش وما سحي جوخ اوجدتهم الظروف الاسفيرية علي الواجهة الكيزانية الاسفيرية.. فعشان كده انا شخصيا ما ممركز معاهم شديد.. والبجي طالي علينا بنديهو الفيها النصيب ..
وتحياتي
|
|