مغدمة برامج غناة قون فاطمة الصادغ

اعلامية واعدة ومغدمة برامج مميزة.
ارجو من غناة قون ان تغوم بزيادة المساحة المخصصة للاستاذة فاطمة.

صراحة من حيث المضمون برامجها مليانة ولغاءاتها مميزة

السودان (الشغيغ) مقال ساخر لكاتب عربي.
مغال غديم

Quote: فاطمة الصادق أوجاع حقيقية تواجه معظم الأسر السودانية يوميا .. ففي معظم البيوت (سكران ومدمن مخدرات) .. الآلام تواجه الأسر ومأساه لشباب ضائع .. تعاطٍ للبنقو وحبوب الهلوسة ومخدرات وشم فلة وويسكي وبيرة (وحاجات غريبة كدا) والموضوع عادي بالنسبة لهم .. اوضاع صارت الأسر تتعايش معها مجبرة ومرغمة , شباب مراهق انجرف وراء مخططات تجار المخدرات ظانين ان ذلك سيعالج مشاكلهم , من عطالة وفشل في الحياة العاطفية , عدم إيمان وغياب للوازع الديني. سؤال كبير يحتاج لإجابة وحلول ناجعة من الجهات المختصة , ما الذي يجعل شبابنا وهم في بدايات عمرهم يفكرون في الغياب عن الوعي وتدمير مستقبلهم ؟ أين دور الجهات المختصة ؟ أين دور الأسر نفسها ؟ هل فقدتم السيطرة على أبنائكم ؟ من يصبِّر أما ( شواها ) الألم وهي ترى ابنها يترنح ليلاً ؟ من يطيب بخاطر أب يعتصر قلبه وهو يرى فلذة كبده بلا مستقبل ولا هوية ؟ من لشابة محافظه تخطط لمستقبلها مع شاب محترم لتكمل حياتها في أمان وأحد إخوانها ضائع بهذه الطريقة ؟ أمر خطير ومؤلم يحتاج لتضافر كل الأطراف حتى يتم العلاج الناجع لهذه المعضلة , نأمل أن يكون الشباب ومشاكلهم من أولى أولويات فارس دار جعل البشير في فترته الجديدة لحل مشاكلهم وأزماتهم حتى لا نكون بلا مستقبل. { نقد جاء الطيش , عديل كدا , بالغت يا نقد , خلي بالك اعترافك بعدم الصلاة خرب عليك , في زول عاقل بقول أنا ما بصلي عديل كدا؟! , تعرف السودانيين ديل تركيبتهم غريبة خلاص , هسع لو عملت احصائية يطلع نص السودان ده ما بصلي , لكن لو في زول قال أنا ما بصلي يحمروا ليهو ويعملوه ونسة , ويشيلوا ويقولوا ليك الزول ده ما بخاف الله , راجل كبير كده فضل ليهو أيام وما بصلي! , عشان كده يا أخوي كان تخلي الطابق مستور , وبعد أربعة سنين كدا بعد ما فترة الجماعة دي تنتهي يكون عمرك يا أبو النقادد كم وتمانين سنة , وأول ما تجي الانتخابات ويسألوك قول ليهم صلاة شديدة , هي الدنيا دي فيها شنو غير صلة العبد بربه , أفكار الشيوعيين دي خليها , شيوعية ذاتها مافي وولت أيامها , استفدت شنو منها ؟ أربعين سنة تحت الأرض وعشرين فوق الأرض وعشرين ما معروفة وين , فكر وقدر وقرر , ولو لميت على الجماعة ديل أنا شايفة أحسن ليك , قالوا في حكومه قومية , باقي العشرين سنة دي يمكن إدوك وزير دولة , الوزير جاء , والوزير طلع , والوزير دخل وهيلمانة , بس أوع من الوزير ما بصلي تبقي كارثة، الناس ديل أهم شيء عندهم الصلاة ما تقوم تفضحنا , ولا شنو ؟ { حمص عملها فينا , شكيتو على الله , أما كمبسة قصتو قصة , فرتك الفريق وواقع مشاكل , يفكوه من لاعب يمسك في التاني , من الله خلقكم شوفتو ليكم مدرب بشاكل لعيبتو؟ , تكون ياربي دي نظرية برازيلية من أجل مصلحة الكورة نحنا لسع ما وصلتنا , الرجل دا من جاء الهلال غير (هاليفا) ما عارفين ليه حاجة , وبعد فضيحة الأحد فليذهب غير مأسوف عليه , أقرب طيارة للبرازيل الجمعة , ودعتك الله ربنا يخضر طريقك , نحن ما زلنا نحب هذا الشعار ولن نسمح لأحد أن يدمره. { من ولدوني والصادق المهدي شغال فينا , ندعو لإجماع وطني , لابد من حكومة ديمقراطية , الحل في مؤتمر جامع , وكلام كباااااااار كبار , الراجل دا داير يصل لشنو ماعارفة!. {يا كرم الله عباس الشيخ إياك ونافخ ( الكير ) إما أن يحرق ثيابك وإما أن تجد منه ريحا منتنة , فقط نذكرك من أجل القضارف وأهلها. { كل ما أفتح لي جريده ألقى خبر مفاده , الميرغني سافر, الميرغني ما جاي , والميرغني يمكن ما يجي , يا أخوانا ما تصلوا على النبي , غياب الميرغني من وجوده واحد , هسي الزول دا من جاء لبكى اخوه وحتى رجوعه غضبا على الانتخابات عمل شنو ؟ وغضبان على شنو انا ذاتي ما عارفة , بعدين انتا قاعد ليك دشليون سنة برة من قصر لقصر داير تكون عندك قواعد كيف ؟ وانت بعيد عن أوجاع وآلام الناس , يا أخوي زمن الأسياد دا انتهى , والناس وعت وفتحت عيونها , زول تاني بسلم على زول في يده مافي , وزول بشيل عباية زول مافي , تقعد وتطلع العربية وزول يشتغل بيك مافي , جيل جديد وفهم جديد , ياهو كدا عام 2010 بعدين تزعل من شنو؟ , يعني المؤتمر الوطني يديك أصوات ساي؟ , أنزل من هذا البرج العاجي للقواعد شاورهم , أطرح برامج بفهم متقدم , وستجد من يساندك وإلا وجدت نفسك لوحدك تعاني أمراض الزمن حتى لا تصبح في طي النسيان . { إكتسح الدكتور عبد الحميد كاشا دائرته وفاز والياً على ولاية جنوب دارفور , كاشا اثبت أنه ابن قبيلة كبيرة لا تضاهى وانه سيكون الرجل المناسب للمكان المناسب , نأمل أن تكون فترته خيرا وبركة على دارفور ويستطيع من خلالها أن يضمد الجراحات ويخمد نيران الحرب . { عشاء فاخر وأمسية جميلة قضيناها في منزل الدكتور الفاتح عزالدين مقرر الهيئة القومية لدعم البشير احتفاءً بفوز البشير وفوز الدكتور الفاتح في دائرته بأم درمان , شكرا دكتور الفاتح ورفاقه الميامين للمجهود الكبير الذي بذلوه من اجل البشير والسودان. { يا أخوانا الهلال والمريخ ديل بتأهلو ولا بفضحونا؟ , الله يستر من الكونفدرالية. {أحد القراء قال لي مشكلتك الوحيدة الهلال والمؤتمر الوطني , هو في أحلى من كدا؟!

وده مقال ليها كصافيةلا يشق لها غبار

http://www.alahramsd.com/ah_news/6257.html

ياخي دي بتقول (الكونفدرالية) بطريقة ماعادية..
يا أبوعلى: المسألة طبعاً صعبة جداً على المذيعين يتجاوزوا النقطة دي..
الواحد من غير ما يحس.. ومن غير ما يشعر.. بلقى نفسو بعمل كده..
وأغرب أغرب حاجة تلقى واحدين يقولوا ليك (تقيير).. قاصدين تغيير..
المسألة محتاجة شقلبة ووزنية وانتباه..

Quote: مغدمة برامج غناة قون فاطمة الصادغ اعلامية واعدة ومغدمة برامج مميزة. ارجو من غناة قون ان تغوم بزيادة المساحة المخصصة للاستاذة فاطمة.

ازيك يامعاذ ، في البداية افتكرت عندك لحمية

لكن لقيتك بتكتب قون عادي بالقاف فعرفت ان اللحمية

في كيبوردك ، لذلك ارجو الانتباه هههه

Quote: صراحة من حيث المضمون برامجها مليانة ولغاءاتها مميزة

دي لحمية واضحة!!


زهير الزناتي بالغت في جلب مغالاتها هنا!!

كتلتنا بالضحك الله يجازيك !!

Quote: الصُّدْغُ : ما انحدر من الرأْس إلى مَرْكَبِ اللَّحيين وقيل : هو ما بين العين والأُذن وقيل : الصدغان ما بين لِحاظَي العينين إلى أَصل الأُذن

شكرا وليد
توصيب موفق
وتناول بطريقة ذكية

..

فاطمة الصادق
طبعاً ما ممكن أشوف الاسم ده وما أخش البوست

محبة سااااااكت كدي

الغين السايلة دي نظام جيد في علم اللغة يا معاذ






غايتو حاقدين حقد !!!

Quote: غايتو حاقدين حقد !!!

قصدك حاغدين حغد؟؟

Quote: قصدك حاغدين حغد؟؟

بس ياها زاتها ..




ازيك يا غرضابي ... الشوغ بحر يا مان

أطرف تعليق قرأته عن قناة قوون أن برامجها كلها متشابهه و تقدمها مذيعة واحدة أسمها فاطمة الصادق بحيث أنكـ لا تعرف الفرق بين البرنامج و الآخر إلا بلون توب المذيعة

ازييك يا عبد اللطيف

أمبارح المذيعة فاطمة سالت ميشو مدرب الهلال
ان كان يفضل البغاء في السودان ام البغاء في مكان اخر
فرد غائلا : انه يفضل البغاء في السودان اكتر من صربيا والجبل الاسود

Quote: وده مقال ليها كصافيةلا يشق لها غبار

شكرا زهير
فعلا صحافية لا يشغ لها غبار.

سلام يا حلوين

الغردابي
مبروك بداية الدوري الممتاز
بالتوفيغ لكل الفرغ
وبصورة خاصة فريغي الهلال والاهلي شندي

Quote: فرد غائلا : انه يفضل البغاء في السودان اكتر من صربيا

يالطيف

بالله الحالة عندنا وصلت للدرجة دي

الموضوع ده داير ليهو وغفة حغيغية

Quote: أمبارح المذيعة فاطمة سالت ميشو مدرب الهلال ان كان يفضل البغاء في السودان ام البغاء في مكان اخر فرد غائلا : انه يفضل البغاء في السودان اكتر من صربيا والجبل الاسود

ازيك تاني يامعاذ

بعد كلامو عن ان المريخ يشتري الحكام اتضح انو ميشو احسن يخلي التدريب

ويمشي يشوف ليهو بغاء في صربيا

ومباراة بكرة ح تحدد مكان البغاء بتاعو

اما فاطمة الصادغ دي فحدها مع الغناة والكتابة حدوث تغيير حغيغي

يا معاذ حسن سلامات

معناها (البغاء) في صربيا و الجبل الاسود ما مربح وتقريبا بلاش على حسب افادة ميشو.