Post: #1
Title: 345
Author: khaleel
Date: 03-09-2011, 07:33 PM
دا سعر دولاركم
بالله عليكم
انتو هسع محتاجين انتفاضة
مفروض تتخارجو براكم
لكن دمكم تقيل ساكت
|
Post: #2
Title: Re: 345
Author: khaleel
Date: 03-09-2011, 07:38 PM
Parent: #1
وعشان انتو قلتو ناس شريعة
تعالو نكلمكم بالشريعة
قال رسول الله صلى الله علية وسلم: "الحياء و الإيمان قرناء جميعا فإذا رفع أحدهما رفع الآخر"...
والله لو عندكم حياء يجب ان تستقيلو
|
Post: #3
Title: Re: 345
Author: صبري طه
Date: 03-09-2011, 07:40 PM
Parent: #2
افتكرتك مهكور 
ـــــــــــ
دخلت لقيت الجنيه السوداني هو المهكور
|
Post: #4
Title: Re: 345
Author: khaleel
Date: 03-09-2011, 07:44 PM
Parent: #2
قارنو بدخل بمتوسط دخل الفرد في ليبيا وتونس
ومعدل بينها وبين السودان
ورغم ذلك انتفض الشعب الليبي والتونسي
|
Post: #5
Title: Re: 345
Author: khaleel
Date: 03-09-2011, 07:46 PM
Parent: #4
في احد جلسات المجلس الوطني
ذكر ان ربع الشعب السوداني عاطل
والله لو ما بتخجلو
انا خجلت ليكم
|
Post: #6
Title: Re: 345
Author: khaleel
Date: 03-09-2011, 07:49 PM
Parent: #5
حقو
تعملو جلسة مصارحة ومكاشفة بينكم
وتسالو انفسكم
يا اخوانا نحن تنظيم قوي وبه علماء وبروفسيرات واطباء وقانونيين
ودبابين
لماذا فشلنا في ادارة الدولة السودانية
|
Post: #7
Title: Re: 345
Author: ياسر بيناوي
Date: 03-09-2011, 07:53 PM
Parent: #5
Quote:
في احد جلسات المجلس الوطني
ذكر ان ربع الشعب السوداني عاطل
والله لو ما بتخجلو
انا خجلت ليكم |
ياخلي برلمان شنو....؟
لاقاك برلمان بيجيز سيادة اسعار وسط التصفيق والتكبير والتهليل .....؟
خالص الود
|
Post: #8
Title: Re: 345
Author: khaleel
Date: 03-09-2011, 07:55 PM
Parent: #7
| Quote: دخلت لقيت الجنيه السوداني هو المهكور |
يا صبري
يبدو انهم عايزين يستقيلو بعدما الدولار يحصل 1000 جنيه
وذلك ردا للجميل
نحن استلمناها جنازة بحر نسلمكم ليها
جنازة بحر
|
Post: #9
Title: Re: 345
Author: khaleel
Date: 03-09-2011, 07:57 PM
Parent: #8
| Quote: لاقاك برلمان بيجيز سيادة اسعار وسط التصفيق والتكبير والتهليل ..... |
بيناوي
ما لاقني برلمان مافيه معارضة
الا برلمان ناس الانقاذ ديل
|
Post: #10
Title: Re: 345
Author: محمد عبدالرحمن
Date: 03-09-2011, 09:17 PM
Parent: #9
حقائق عن الجماهيرية الليبية
تعداد السكان: 5.8 ملايين نسمة (الأمم المتحدة، 2005)
متوسط الأعمار: 71 عاما للرجال و76 عاما للنساء
العاصمة: طرابلس
اللغة الرئيسية: العربية (اللغة الرسمية)
الدين: الاسلام
نظام الحكم: "جماهيري"
الوحدة النقدية: 1 دينار ليبي (دل) = 1000 درهم
متوسط دخل الفرد سنويا 4,450 دولارا
الصادرات الرئيسية: النفط الخام ومشتقاته والغاز الطبيعي
رمز الإنترنت: ly.
التوقيت: جرينتش+2
مفتاح الهاتف الدولي: 218
***
صحى مابخجلوا ..اها ياخليل (اشرب وقارن ) ..
4450 دولار مع شقاوه ناس عشه وفاطنة
وحواء فى اصقاعنا البعيدة والحصاد الحصرم ..
|
Post: #11
Title: Re: 345
Author: الشفيع وراق عبد الرحمن
Date: 03-09-2011, 09:39 PM
Parent: #10
يا ود عبد الرحمن
لمعلوميتك
نسبة نصيب الفرد في السودان يساوي ثلاثة اضعاف نسبة نصيب الفرد في ليبيا
|
Post: #12
Title: Re: 345
Author: khaleel
Date: 03-09-2011, 10:33 PM
Parent: #11
Quote: يا ود عبد الرحمن
لمعلوميتك
نسبة نصيب الفرد في السودان يساوي ثلاثة اضعاف نسبة نصيب الفرد في ليبيا |
لا كان كدي خلااااس
|
Post: #13
Title: Re: 345
Author: khaleel
Date: 03-09-2011, 10:37 PM
Parent: #12
Quote: صحى مابخجلوا ..اها ياخليل (اشرب وقارن ) ..
4450 دولار مع شقاوه ناس عشه وفاطنة
وحواء فى اصقاعنا البعيدة والحصاد الحصرم .. |
لكن يا محمد البطلع لينا ناس العوض ود السر وموظفين ام الضراع
الشارع شنو مع الستة مرتبات دي
|
Post: #14
Title: Re: 345
Author: ياسر بيناوي
Date: 03-09-2011, 10:42 PM
Parent: #11
Quote: يا ود عبد الرحمن
لمعلوميتك
نسبة نصيب الفرد في السودان يساوي ثلاثة اضعاف نسبة نصيب الفرد في ليبيا |
الفرد ياتو يا الشفيع
الكوز وللا الانسان البسيط الزينا....؟
|
Post: #15
Title: Re: 345
Author: Ashraf el-Halabi
Date: 03-10-2011, 07:35 AM
Parent: #14
ليك أما الله أنا قايلا خطة أب رويس للديربي
قلت الخواجة ميشو دا ورقو زايد!
|
Post: #16
Title: Re: 345
Author: عمر الفاروق عبد الله الشيخ
Date: 03-10-2011, 07:41 AM
Parent: #15
لولا ثورة الانقاذ لأصبح الدولار ب 12 جنيه أو كما قال
|
Post: #17
Title: Re: 345
Author: أحمد ابن عوف
Date: 03-10-2011, 07:50 AM
Parent: #16
يا خليل
اذا اليوم هو 345
بعد يوليو ح يكون 456
ومع نهاية السنة بحصل 567
وهكذا دواليك، دي متوالية هندية وللا عددية
جاطو لينا الحساب في راسنا زاتو
|
Post: #18
Title: Re: 345
Author: Sana Khalid
Date: 03-10-2011, 08:20 AM
Parent: #17
سلام يا خليل..
دا واحد من الأسباب البتخلي الناس البرة بتتمنى التغيير يمكن أكتر من الناس الجوة.. نحن المكويين بلظى الدولار..
أنا المغترب المسكين الحاسي بالنار دي لأني مضطر أحسبها بالدولار .. كل سنة أخت دولار فوق دولار بحلم أرجع و إن شاء الله آكلها قروض وسط الأهل و الحبان.. بس أكون كايس أبني لي سقف أتلم فيهو مع أولادي..
و كل سنة تأمل.. تجي تلقى خيالك كان أحلى- طبعاً- من الواقع.. ترجع تلقى روحك زي البتحرت في البحر.. و هاك يا سنة غربة و راء سنة ..و عشرة يجوا بعدهم عشرة.. و نحن هرمنا و لم تأت اللحظة!
و بعد دا الناس بتعاين ليك بإنو يا بختك.. مغترب!!.. متجدع تحت الكندشة و أكل الهامبورجر..
و الما بيعرف.. بيقول عدس!
|
Post: #19
Title: Re: 345
Author: Sana Khalid
Date: 03-10-2011, 08:30 AM
Parent: #18
نسيت أقول و بما إنك - يا مغترب- متجدع و مرطب و ضارب الضللة.. يبقى ما من حقك تطالب بالتغيير..!
|
Post: #30
Title: Re: 345
Author: khaleel
Date: 03-10-2011, 07:03 PM
Parent: #15
Quote: ليك أما الله أنا قايلا خطة أب رويس للديربي
قلت الخواجة ميشو دا ورقو زايد |
ليتهم استعانو بميشو ليوقف هذا النزف الدولاري
|
Post: #20
Title: Re: 345
Author: الشفيع وراق عبد الرحمن
Date: 03-10-2011, 09:47 AM
Parent: #14
Quote:
Quote: يا ود عبد الرحمن
لمعلوميتك
نسبة نصيب الفرد في السودان يساوي ثلاثة اضعاف نسبة نصيب الفرد في ليبيا |
الفرد ياتو يا الشفيع
الكوز وللا الانسان البسيط الزينا....؟ |
الفرد العااادي يا هندسة
أحسبها وأرجع لي
|
Post: #21
Title: Re: 345
Author: ادريس خليفة علم الهدي
Date: 03-10-2011, 09:57 AM
Parent: #20
Quote: الفرد العااادي يا هندسة
أحسبها وأرجع لي |
قبل الانفصال ولا بعدوا
|
Post: #22
Title: Re: 345
Author: نورالدين بابكر بدري
Date: 03-10-2011, 10:32 AM
Parent: #21
| Quote: نسبة نصيب الفرد في السودان يساوي ثلاثة اضعاف نسبة نصيب الفرد في ليبيا |
ارجو شاكرا من الأخ وراق شرح المقتبس لأني بصراحة لم افهم ما يرمي اليه
سلام خليل وضيوفه
|
Post: #23
Title: Re: 345
Author: محمد عبدالرحمن
Date: 03-10-2011, 10:41 AM
Parent: #22
ياربى عثمان وجاد السيد دا قاعد زمنو دا كلو فى ليبيا
بسوى فى شنو ؟ سائب الاف الدولارات بتاعت ناس الشفيع ديل
وضارب سموم بنغازى دى (فى شنو) ؟
بعدين ياالشفيع زى كلامك دا بدون مستندات بصير (ونسه
ساكت) عندك مايدعم حديثك مرحب بيك ..ماعندك بنقبل كلامك
فى اطار الونسه و(العكاس) ...
|
Post: #25
Title: Re: 345
Author: ياسر بيناوي
Date: 03-10-2011, 11:33 AM
Parent: #20
يا الشفيع
الموضوع ما دايرلو حساب وللا كوار
Quote: الفرد العااادي يا هندسة
أحسبها وأرجع لي |
وخلهن باقي الناس الزيي
انا ده حقي وينو ... من الاساس مش تلاتة اضاعف الفرد في ليبيا
نص حق الفرد في ليبيا انا ما لامي فيهو الله
خالص الود
|
Post: #24
Title: Re: 345
Author: MOHAMMED ELSHEIKH
Date: 03-10-2011, 10:54 AM
Parent: #11
Quote: يا ود عبد الرحمن
لمعلوميتك
نسبة نصيب الفرد في السودان يساوي ثلاثة اضعاف نسبة نصيب الفرد في ليبيا |
الشفيع حمد الله ىعلى سلامة الباسوود وتحياتي لكم ولصاحب البوست والمرور
اهابالمناسبة
ما دام دخل الفرد في السودان 3*4450
يعني =13350 دولار
يعني انا والأولاد نكون
6*13550= 80000 دولار امريكي
طيب القاعدين ليها شنو هنا؟
نمشي نتجدع بي غادي
|
Post: #26
Title: Re: 345
Author: khaleel
Date: 03-10-2011, 12:04 PM
Parent: #24
العرب في أرقام
مصادر متفرقة * 6/1/2010
عدد الدول العربية : 22 دولة- 1 اسيا – افريقيا) 2- عدد القارات الموزع عليها الوطن العربى: 2 ( . 3- عدد الدول العربية فى قارة اسيا:12 دولة . 4- عددالدول العربية فى قارة افريقيا:10 دول دولة. عدد الدول العربية التى لها نظام جمهورى:13 5- . 6- عدد الدول العربية التى لها نظام ملكى:4 دول ). التى تنتمى الى نظام جماهيرى): 1 ( ليبيا )7- عدد الدول العربية 8- عدد الدول العربية التي تنتمي للنظام السلطاني دول.9 عدد الدول العربية التى تنتمى للنظام الاميرى: 9- . 10- عدد الدول العربية الاعضاء فى جامعة الدول العربية:22 دولة . 11- عدد سكان السعودية:25.6 مليون نسمة مربع. مساحة السعودية: 2.250.000 كيلو متر 12- . 13- متوسط دخل الفرد فى السعودية سنويا: 10.430 دولار امريكى . 14- متوسط العمر فى السعودية: 70 عاما للرجال و 74 عاما للسيدات مليون نسمة. عدد السكان فى مصر: 75 15- 16- مساحة مصر:1.000.000كيلو متر مربع. . 17- متوسط دخل الفردفي مصر سنوياً:1.390 دولار امريكى للسيدات. متوسط العمر فى مصر:67عاما للرجال و 71 عاما 18- . 19- عدد المحافظات فى مصر:26 محافظة مليون نسمة. عدد السكان فى السودان:35 20- . 21- مساحة السودان:2.505.813 كيلو متر مربع 22- متوسط دخل الفرد سنويا فى السودان:530 دولار امريكى. و:55 عاما للرجال . 23- متوسط العمر في السودان: 58عاما للسيدات . 24- استغرقت الحرب الاهلية فى السودان: 21عاما . 25- عدد ضحايا الحرب الاهلية فى السودان: 1.5 مليون قتيل 26- مساحة الاراضي الصالحة للزراعة فى السودان : 200 مليون فدان و المستغل منها 30 مليون فدان فقط. . 27- عدد السكان فى موريتانيا:3.1 مليون نسمة مربع. مساحة موريتانيا:1.030.700كيلو متر 28- . 29- متوسط دخل الفرد سنويا فى موريتانيا:420 دولار امريكى . 30- متوسط العمر فى موريتانيا:51 عاما للرجال و 54 عاما للسيدات . 31- عدد السكان في الامارات:3.1 مليون نسمة منهم 1.700.000 اجنبى متر مربع. مساحة الامارات:83600 كيلو 32- . 33- تتكون دولة الامارات من عدد:7 امارات . 34- متوسط العمر في الامارات:76عاما للرجال و 81 عاما للسيدات عدد السكان فى اليمن:21.5 مليون نسمة. 35- . 36- مساحة اليمن بدون الربع الخالى:555.000 كيلو متر مربع . 37- مساحة اليمن الاجمالية:650.000 كيلو متر مربع دولار سنوياً. متوسط دخل الفرد سنويا فى اليمن:570 38- . 39- متوسط العمر فى اليمن:59 عاما للرجال و 62 عاما للسيدات . 40- عدد سكان دولة قطر:1.1 مليون نسمة مربع. مساحة دولة قطر:11427 كيلو متر 41- . 42- عدد البلديات فى دولة قطر :9 بلديات . 43- متوسط العمر في دولة قطر:71عاما للرجال و 76 عاما للسيدات نسمة. عدد السكان فى سلطنة عمان: 3.6 مليون 44- . 45- مساحة سلطنة عمان:309.500 كيلو متر مربع .ا 46- متوسط دخل الفرد سنوياً فى سلطنة عمان:7.890دولار امريكى و73 عاما للرجال . 47- متوسط العمر في سلطنة عُمان : 76 عاما للسيدات . 48- عدد السكان فى الجزائر: 33مليون نسمة . 49- مساحة الجزائر:2.381.741كيلو متر مربع دولار امريكي. متوسط دخل الفرد سنويا فى الجزائر:2.280 50- للسيدات. متوسط العمر فى الجزائر:70 عاما للرجال و 72 عاما 51- . 52- عدد الولايات فى الجزاير 18 ولاية مليون نسمة. عدد السكان فى تونس:10 53- 54- مساحة تونس:164.150 كيلو متر مربع. . 55- متوسط دخل الفرد سنوياً فى تونس:2.630 دولار امريكى للسيدات. متوسط العمر فى تونس:71 عاما للرجال و75 عاما -56 . 57- عدد السكان فى البحرين:754 الف نسمة كيلو متر مربع. مساحة البحرين:706.55 58- . 59- متوسط دخل الفرد سنويا فى البحرين:12.410 دولار امريكى . 60- متوسط العمر فى البحرين:73 عاما للرجال و 76 عاما للسيدات ارخيل يضم: 30 جزيرة. تتكون البحرين من 61- . 62- عدد السكان فى سوريا: 21 مليون نسمة . 63- مساحة سوريا:18.517.971 هكتار . 64- متوسط دخل الفرد فى سوريا:1190 دولار امريكى . 65- متوسط العمر فى سوريا:71عاما للرجال و 75 عاما للسيدات 66- عدد السكان فى 66- الاردن:5.7 مليون نسمة . 67- مساحة الاردن:89206 كيلو متر مربع . 68- متوسط دخل الفرد في الاردن سنويا:2140 دولار امريكى 69- متوسط العمر فى الاردن:70 عاما للرجال و 73 69- عاما للسيدات . 70- تربع الملك حيسن على عرش الاردن: 47 عاما 71- عدد السكان في ليبيا:5.8 مليون نسمة. . 72- مساحة ليبيا:1.775.500 كيلو متر مربع 73- متوسط دخل الفرد فى ليبيا سنويا:4450 دولار امريكى. 74- متوسط الغمر في ليبيا :71 عاما للرجال و 76 عاما للسيدات. . 75- عدد السكان فى لبنان:3.8 مليون نسمة . 76- مساحة لبنان:10.452 كيلو متر مربع امريكي. متوسط دخل الفرد سنويا فى لبنان:4980 دولار 77- . 78- متوسط العمر فى لبنان: 70 عاما للرجال و 74 عاما للسيدات . 79- عدد السكان فى العراق:27 مليون نسمة . 80- مساحة العراق: 435052 كيلو متر مربع : 593 دولار امريكي. متوسط دخل الفرد سنويا فى العراق 81- . 82- متوسط العمر في العراق 57 عاما للرجال و 60 عاما للسيدات . 83- عدد محافظات العراق:18 محافظة . 84- عدد سكان الكويت: 2.7 مليون نسمة منهم 1.4 مليون اجنبى متر مربع. مساحة الكويت:17.818 كيلو 85- دولار امريكي. 86- متوسط دخل الفرد فى الكويت:17.970 . 87- متوسط العمر في الكويت 75عاما للرجال و 79 عاما للسيدات . 88- عدد السكان فى المغرب:31.6 مليون نسمة . 89- مساحة المغرب: 710.850 كيلو متر مربع 90- متوسط دخل الفرد سنويا فى المغرب: 1.520 دولار امريكي. للسيدات. متوسط العمر فى المغرب :67 عاما للرجال و 72 عاما 91- . 92- عدد السكان فى فلسطين:9 مليون نسمة ما بين فلسطين و الشتات . 93- مساحة فلسطين: 27009 كيلو متر مربع . 94- مساحة الصومال:637.657كيلو متر مربع . 95- مساحة جيبوتى:23.000 كيلو متر مربع . 96- تبلغ طول شواطى جيبوتى :800 كيلو متر . 97- عدد سكان جزر القمر:600.000 نسمة . 98- تتكون جزر القمر من ارخيل يضم: 70 جزيرة مربع. مساحة الصحراء المغربية :400.000 كيلو متر 99-
http://www.ekwas.net/gdetails.asp?g_id=787
|
Post: #27
Title: Re: 345
Author: ياسر بيناوي
Date: 03-10-2011, 02:29 PM
Parent: #26
متوسط دخل الفرد سنويا 4,450 دولارا ليبيا
وعلي حسب كلام الشفيع وراق
انا دخلي 4.450 مضروبا في 3
يعني 13.350 دولار في اليوم
وعلي حسب سعر صرف البوست مضروبا في 345
يعني دخلي في اليوم فوق ال 150 جنيه
والله قعد ابكي من المغسة
معقولة انا صاحب املاك قدر دي
وهسه جيبي مافيهو التكتح .....؟؟
غايتو انا تاني ما مارق من البوست الا اعرف حقي دا مشي وين
وشكرا ليك يالشفيع
خالص الود
|
Post: #28
Title: Re: 345
Author: الشفيع وراق عبد الرحمن
Date: 03-10-2011, 04:57 PM
Parent: #27
مرحبتين حبيبنا ود الشيخ
بمجرد رجوعنا قدمنا ليك صوت شكر في بوستك بس ما عارف اتلحس ليه
|
Post: #29
Title: Re: 345
Author: الشفيع وراق عبد الرحمن
Date: 03-10-2011, 05:21 PM
Parent: #28
الشغلة أبسط من ما تتخيلوا
وحسبة بسيطة
وما فيها اي خدع
كلامي واااضح بس مافي زول قراهو
انا قلت:
نسبة نصيب الفرد في السودان يساوي ثلاثة اضعاف نسبة نصيب الفرد في ليبيا
وما قلت
نصيب الفرد في السودان يساوي ثلاثة اضعاف نصيب الفرد في ليبيا
طيب
ليبيا بتصدر مليون و800 بترول
ونحنا بنصدر 450
يعني هم اربعة اضعافنا
عدد سكانا 35 وهم 6
يعني 6 اضعافهم
يعني النسبة 24
و المفروض يكون نصيب الفرد عندنا 185$
والحاصل انو نصيبنا 530$
يعني 3 اضعاف
يعني يا بيناوي حقك راح شمار في مرقة
وجديع ليك يا ود الشيخ مافي
|
Post: #31
Title: Re: 345
Author: khaleel
Date: 03-10-2011, 07:06 PM
Parent: #29
| Quote: لولا ثورة الانقاذ لأصبح الدولار ب 12 جنيه أو كما قال |
عمر الفاروق
من 12 جنيه الي 3450 جنيه قديم
انه القفز بالزانة يا صديقي
|
Post: #32
Title: Re: 345
Author: khaleel
Date: 03-10-2011, 07:09 PM
Parent: #31
Quote:
يا خليل
اذا اليوم هو 345
بعد يوليو ح يكون 456
ومع نهاية السنة بحصل 567
وهكذا دواليك، دي متوالية هندية وللا عددية
جاطو لينا الحساب في راسنا زاتو |
سلامات يا ابو حميد
انهم الانقاذيون الجدد
|
Post: #33
Title: Re: 345
Author: khaleel
Date: 03-10-2011, 07:11 PM
Parent: #32
| Quote: نسيت أقول و بما إنك - يا مغترب- متجدع و مرطب و ضارب الضللة.. يبقى ما من حقك تطالب بالتغيير..! |
سلامات سناء خالد
ما عايز تغيير عايز دولاراتي الدفعتها ضرائب وبس
|
Post: #34
Title: Re: 345
Author: khaleel
Date: 03-10-2011, 07:13 PM
Parent: #33
| Quote: قبل الانفصال ولا بعدوا |
ادريس
سلامات
بعد الانفصال سيزيد الوضع بؤسا
|
Post: #35
Title: Re: 345
Author: khaleel
Date: 03-10-2011, 07:16 PM
Parent: #34
سلامات محمد الشيخ والشفيع
عدد السكان فى السودان:35 20- . 21- مساحة السودان:2.505.813 كيلو متر مربع 22- متوسط دخل الفرد سنويا فى السودان:530 دولار امريكى
|
Post: #36
Title: Re: 345
Author: khaleel
Date: 03-10-2011, 07:19 PM
Parent: #35
عدد السكان فى تونس:10 53- 54- مساحة تونس:164.150 كيلو متر مربع. . 55- متوسط دخل الفرد سنوياً فى تونس:2.630 دولار امريكى
|
Post: #37
Title: Re: 345
Author: khaleel
Date: 03-10-2011, 07:22 PM
Parent: #36
مساحة ليبيا:1.775.500 كيلو متر مربع 73- متوسط دخل الفرد فى ليبيا سنويا:4450 دولار امريكى.
|
Post: #38
Title: Re: 345
Author: khaleel
Date: 03-10-2011, 07:26 PM
Parent: #37
متوسط دخل الفرد في ليبيا 4450 دولار
متوسط دخل الفرد في تونس 2630
ومتوسط دخل الفرد في السودان 530
ومع ذلك انتفضت تلك الشعوب وفي الانتظار
السودان
|
Post: #39
Title: Re: 345
Author: MOHAMMED ELSHEIKH
Date: 03-11-2011, 10:10 AM
Parent: #38
يا خليل اللف والدوران شنو ليك
تضريبات الشفيع دي ما عاجباك؟
والله يا الشفيع انا اختفيت الاسبوع الفات من البورد كنت حايم بالشرقية
|
Post: #40
Title: Re: 345
Author: khaleel
Date: 03-11-2011, 10:18 AM
Parent: #39
Quote: يا خليل اللف والدوران شنو ليك
تضريبات الشفيع دي ما عاجباك؟
والله يا الشفيع انا اختفيت الاسبوع الفات من البورد كنت حايم بالشرقية |
جمعة مباركة يا محمد الشيخ
خلينا نسال ناس الاقتصاد
يدونا فتوي
|
Post: #41
Title: Re: 345
Author: khaleel
Date: 03-19-2011, 06:01 AM
Parent: #40
350
|
|