Post: #1
Title: الي اصدقائي الصدوقين
Author: اساسي
Date: 03-09-2011, 12:07 PM
Parent: #0
طبعا الواحد بيمر بمرحلة انه Very confused (علي حسب قوقل )
وعشان الامور تبقي (فيري كلير) ويكون في مستند مأرشف مقبل الايام الواحد يستند عليهو , فانا بطلب من جميع اصدقائي المنبريين انهم يجو البوست دا وكل واحد يوريني اهاظر معاهو لاي درجة ونوعية الهظار البحتملو , لاني بصراحة وبدون نفاق ونقة كتيرة انا زول هظار ومعظم بوستاتي ممازحة او النسبة الاكبر منها فعشان ما يتم تفسيرنا بصورة مغايرة لما نكتبه ارجو من اصدقائي انهم يكونوا واضحين معاي من البداية وكل واحد فيهم يكتب لي مقاسه قدر شنو في احتمال الهظار والمزاح والبين الاقواس .
وبغض النظر عن اي حاجة , رشة حمودي العسل في الايام السابقة في البوست اياه ريحتني في حنان حناني زاتو
|
Post: #2
Title: Re: الي اصدقائي الصدوقين
Author: منال
Date: 03-09-2011, 12:14 PM
Parent: #1
مفتـــــــوح ,,,
|
Post: #3
Title: Re: الي اصدقائي الصدوقين
Author: اساسي
Date: 03-09-2011, 12:16 PM
Parent: #1
الزول الوحيد البقيت متاكد منه عمر الفاروغ , قبل فترة نزل ليهو بوست معنون باسمي وابت نفس بكري الا ان تحذفه , فاتصل علي متسائلاً عن حذف البوست , بالرغم من اني رددت عليه فيه , وسالني ان كنت تحسست من البوست ؟ استهجنت السؤال في البداية واديتو في صلعتو مباشرة , فاجاباني قائلا : والله قايلك بقيت فارة .
|
Post: #4
Title: Re: الي اصدقائي الصدوقين
Author: Maawya Hussein
Date: 03-09-2011, 12:20 PM
Parent: #3
انت الخير دا جليتو مالك ؟
|
Post: #5
Title: Re: الي اصدقائي الصدوقين
Author: اساسي
Date: 03-09-2011, 12:22 PM
Parent: #4
Quote: انت الخير دا جليتو مالك ؟ |
الخير طلع صديق منال الفوق دي
|
Post: #6
Title: Re: الي اصدقائي الصدوقين
Author: Faisal Elrasheed
Date: 03-09-2011, 12:24 PM
Parent: #4
Quote: وبغض النظر عن اي حاجة , رشة حمودي العسل في الايام السابقة في البوست اياه ريحتني |
(())
|
Post: #7
Title: Re: الي اصدقائي الصدوقين
Author: منال
Date: 03-09-2011, 12:30 PM
Parent: #6
Quote: الخير طلع صديق منال الفوق دي |
الخير ده منو كمان ؟؟
انا مابعرف خيرات هو خير واحد البعرفو جدى خال امى اسمو الخير غير كده ؟؟؟؟ تم الباقى براك ,,,,,
|
Post: #8
Title: Re: الي اصدقائي الصدوقين
Author: اساسي
Date: 03-09-2011, 12:31 PM
Parent: #7
وعشان الزول برضو يكون (فير) احمد التجاني صحبي دا كنا قاعدين في قهوة واخوكم مزنوق ليهو في ثلاثة الف ريال , وعلي حسب الصداقة البينا اتجرأت وقلت ليهو ديني تلاتة الف ريال , شفط ليهو نفس من الشيشة وعاين لي كدااااااا وجغم ليهو جغمة شاي وعاين لي تاني وقال لي : العلاقة البينا ما بتسمح ليك تهاظرني هظار بايخ زي دا !! وواصل شفت بالله برشلونة امس عملت شنو في ارسنال!! قلت ليهو شفتا . وسكت سكاتي
|
Post: #9
Title: Re: الي اصدقائي الصدوقين
Author: طارق جبريل
Date: 03-09-2011, 12:33 PM
Parent: #7
|
Post: #10
Title: Re: الي اصدقائي الصدوقين
Author: smart_ana2001
Date: 03-09-2011, 01:00 PM
Parent: #9
اساسي مع انى ما صديقتك الصدوقه و لا حاجه...لكن ما تهظر معاى اى هضار ليه علاقة بال اى فون.
منو اللى ادالك على راسك فى موضوع الهظار ده؟؟ على العموم تستاهل.* _________________________ * ما تزعل.....ده هظار
|
Post: #28
Title: Re: الي اصدقائي الصدوقين
Author: اساسي
Date: 03-09-2011, 07:28 PM
Parent: #10
Quote: مع انى ما صديقتك الصدوقه و لا حاجه...لكن ما تهظر معاى اى هضار ليه علاقة بال اى فون.
منو اللى ادالك على راسك فى موضوع الهظار ده؟؟ على العموم تستاهل.* |
اسع خلي الادوني ليهو شوفي ليك طريقة اتفكفكي من عمر الفاروغ دا , غايتو ما عندك طريقة الا تواجهي بي احمد التجاني هو كفيل بانه يخلي سقف طموحه ما يتجاوز التلاتين عشرة
|
Post: #11
Title: Re: الي اصدقائي الصدوقين
Author: محمد عبد الماجد الصايم
Date: 03-09-2011, 01:02 PM
Parent: #9
|
Post: #12
Title: Re: الي اصدقائي الصدوقين
Author: احمد التجانى احمد
Date: 03-09-2011, 01:12 PM
Parent: #9
Quote: وعشان الزول برضو يكون (فير) احمد التجاني صحبي دا كنا قاعدين في قهوة واخوكم مزنوق ليهو في ثلاثة الف ريال , وعلي حسب الصداقة البينا اتجرأت وقلت ليهو ديني تلاتة الف ريال , شفط ليهو نفس من الشيشة وعاين لي كدااااااا وجغم ليهو جغمة شاي وعاين لي تاني وقال لي : العلاقة البينا ما بتسمح ليك تهاظرني هظار بايخ زي دا !! وواصل شفت بالله برشلونة امس عملت شنو في ارسنال!! قلت ليهو شفتا . وسكت سكاتي |
يازول انت وقت مزنوق ليك فى تلاتة الف البيقعدك فى القهاوى شنو ؟
|
Post: #13
Title: Re: الي اصدقائي الصدوقين
Author: محمد البشرى الخضر
Date: 03-09-2011, 01:27 PM
Parent: #12
عني ما عندي مشكلة مع هظارك البايخ مستعد اتحملو لكن تاني مسنجر منك كان بقى لي دوا لا بقراه لا برد عليه
___________________
حموودي اترشيت وين ومتين وكيف؟ بقيت تلبد بيها يا عربي
|
Post: #23
Title: Re: الي اصدقائي الصدوقين
Author: محمد عبد الماجد الصايم
Date: 03-09-2011, 03:58 PM
Parent: #13
ألبد شنو يا عمكـ ياخ! ديل ( ) من أساسي العربي دا!!
|
Post: #32
Title: Re: الي اصدقائي الصدوقين
Author: اساسي
Date: 03-09-2011, 07:38 PM
Parent: #23
Quote: ألبد شنو يا عمكـ ياخ! ديل ( ) من أساسي العربي دا!! |
من اساسي يا كبير غالبك تقول من بيت ناس عقارب
|
Post: #30
Title: Re: الي اصدقائي الصدوقين
Author: اساسي
Date: 03-09-2011, 07:35 PM
Parent: #13
Quote: عني ما عندي مشكلة مع هظارك البايخ مستعد اتحملو لكن تاني مسنجر منك كان بقى لي دوا لا بقراه لا برد عليه
|
لا عاجياني مساسنجراتك المربوطة في رجل ود ابرك الزاجل
|
Post: #14
Title: Re: الي اصدقائي الصدوقين
Author: Tabaldina
Date: 03-09-2011, 01:31 PM
Parent: #12
.. . اخد راحتكـ على الأخر؛ بس اوعاك تقول عايز قروش حدنا معاك انا والشفت اخوى مقاهى ومطاعم وقعدات الخرطوم..
-------
ناس الواقع ديل لهم نكهة بطعم البرتقال تختلف تماما عن بقية السايبرستز
|
Post: #15
Title: Re: الي اصدقائي الصدوقين
Author: saadeldin abdelrahman
Date: 03-09-2011, 01:52 PM
Parent: #14
بقينا في النقالات و الفلايت و ودوني البصير
كلام القصير الما بنسمع:
Quote: بوستيكم يذكرني مباريات الروابط التكريمية.. تلك التي يلعب فيها مؤسسي الأندية و قدامى المحاربين.. فرغم روح التحدي و محاولة إظهار المهارات القديمة من نوع المحاورة الطويلة التي يقدم فيها اللاعب كرته على اليمين و ينطلق بالشمال فيكتشف المخضرم أن اللياقة ما عادت هي اللياقة و أن الزمن ما عاد هو الزمن و محاولات الBack ward إلا أنها كانت تعرض كوميديا واقعية جدا بتلك السراويل الفضفاضة و الانتفاخات الأمامية و الخلفيات الثقافية و خمة النفس.. وعادي المساعد الطبي بيكون stand by و حنك ما بعد المباراة (إذا عادت بنا الأيام)
------ ممتع.. ممتع بحق تحية خاصة لحمودي ال Honey |
|
Post: #16
Title: Re: الي اصدقائي الصدوقين
Author: doma
Date: 03-09-2011, 02:10 PM
Parent: #15
لووووووووول الزول ما ينوم ولا شنو ؟؟ تحايا خاصه للزول الكتاب جدا اساسي الاساسي من ست الشاي والجمهور معزوم شاي بالهبهان والكبابي بالمستكه .
|
Post: #17
Title: Re: الي اصدقائي الصدوقين
Author: دينا خالد
Date: 03-09-2011, 02:22 PM
Parent: #15
وماذا بشان اعدائك العدويين اقصد اللدودين ؟؟ لما يجى الدور بتاع ديل كورك لينا ... اليس فى نيتك تحويلهم الى اعدقاء بعد ؟
|
Post: #18
Title: Re: الي اصدقائي الصدوقين
Author: حمد فتح الرحمن
Date: 03-09-2011, 02:53 PM
Parent: #17
يا اسد ما تحاول تلمع اخوك دا ياخ اخوك قاعد في المحل دا خمس سنين للاسف غير بدري و دكين و نوبي ما صاحبتا و ديل بقوا ما بجو هنا تاني
|
Post: #19
Title: Re: الي اصدقائي الصدوقين
Author: حيدر حسن ميرغني
Date: 03-09-2011, 02:53 PM
Parent: #17
Quote: وكل واحد فيهم يكتب لي مقاسه قدر شنو |
غايتو جوعة الـ Free Size ديل ابعد منهم
_ لحذف حرف زائد
|
Post: #21
Title: Re: الي اصدقائي الصدوقين
Author: abuguta
Date: 03-09-2011, 03:00 PM
Parent: #19
ياساسى انت فلست,,,
اخير انا بجى فى المناسبات,,,
بالله بقيت تكوس للصداقة,,,
|
Post: #22
Title: Re: الي اصدقائي الصدوقين
Author: عمر الفاروق
Date: 03-09-2011, 03:04 PM
Parent: #19
يا إسمارت إنتي :
Quote: ...لكن ما تهظر معاى اى هضار ليه علاقة بال اى فون. |
انا جابني كلامك ده ياخ ..ومااا ح أهظر معاك جاااادي ..الرسول فيك كان ما رسلتي لي أي فون للدنيا والعالمين ..شحدت لي زول شدة عدييل كده يهدي لي موبايل وليهو تلاتة سنة شابكني أهو ده يسمع فييي كلامك وأهو ده الزول الجايبو ليك قااااعد معانا ..وإنتي الصادقة شاحدو التلفون ده من زمن كان " أااي" الفون زااتا كانت لسة ما جات .. أها دحين يا اللخت حاولي ضحي بي سودانيز أون لاين ووافقي على طلب بعلك المصون وشيلي منو ال500 دولار وانا من جانبي ما حا أقصر معاك حا أمدك بعنوني البريدي وما ح نختلف يا زولة ترسليهو بي الفيديكس أو الدي إتش إل ما بيناتنا وعلييك علي انا بدفع تكاليف التوصيل.. أها ودعتك الله خيتي وزي ما شايفة ده ما هظار اي فون ده جااادي ..
تخريمة : يا اساسي إنت الأيام دي مستقر* ولا شنو بقيت تخش سودانيز بكثرة كده ؟
ـــــــــــــــــــــــــــــــــــ * مستقر تعني قاعد عزوووبي بي لهجة السعوديين ..وعزاابي بي لهجة السودانيين
|
Post: #20
Title: Re: الي اصدقائي الصدوقين
Author: فيصل نوبي
Date: 03-09-2011, 02:56 PM
Parent: #17
مداخلة إسمارت دي قبل الأدمنة ولا بعدها ؛ عشان نكون عارفين حاجة برضو
|
Post: #24
Title: Re: الي اصدقائي الصدوقين
Author: محمد مصطفي مجذوب
Date: 03-09-2011, 04:00 PM
Parent: #20
يا اساسي زي ما بقول ود عبد الماجد ... انت رش رشك ....بس خليك حنين مع اجدادك
|
Post: #25
Title: Re: الي اصدقائي الصدوقين
Author: سفيان بشير نابرى
Date: 03-09-2011, 06:51 PM
Parent: #24
استاز استاز استاز أنت قصدك الرشه دي :-
Quote: ملحوظة: كان علي حمودي العسل أن يتريث قبل الدخحول إلى هذه المعمعة الخاسرة .. فارشيف حمودي لا يغري إلى انضمامه إلى ارشيف هنـاي داك .. في حزمة واحدة .. حيث أن رشة هناي داك لي حمودي العسل كانت بيضة جدا ..
Quote: كاااااااااااااااك
للصباح
ياخي يوم جدعها في بوست الشمارات , استغربت , رجعت اسابيع الجن الزمان ديك !!! لقيت نفس المداخلة باسم حمودي العسل. نططت عيوني !!؟؟؟؟ نططت شنو ياخ ديل جحظن عديل لمن قالن بققققـق رجعت تاني استغفرت الله قلت امكن في غلط خليني اراجع تاني رجعت تاني واريتني ما رجعت لقيتو هو نفسه حمودي العسل ما خجلت ليهو زيك انصدمت ... زهللت , ضحكت لمن عيوني رقرقن قشقشت دميعات ضحكتي وقلت حرم ما بتجي مني سكت ساي ,, غالبني السكوت .. ما مصدوم اتمنيت يكون معاي زول في المكتب من اعضاء سودانيز اون لاين ,, اتمنيتك انت بالذات يا ابو حتحوت عشان افتو معاك قلت كان فتيتو في البورد ... بتكون حامضة حامضة شديد ما بتتبلع ولا بليمونة احمض منها فكرت وقدرت وقلت القا للزول مخرج ... قلت لي نفسي وانت يا اساسي ما زمان مسمي رقبتك رومانسي وعندك قريب الفين مداخلة ... النصيحة لقيتها ما بتشبهها ,,, انا لمن غلبني اسم رومانسي دقيت صيوان بتاع سماية في البورد دا قدام الناس كولهوم وقلت ليهم ,,, رومانسي ما بشبهني ودي كانت لحظة تهور مني اصلي ايامها دخلت البورد كايس الجكيس لكن حمودي العسل دي ما بيكتبها زول داير الجكيس ,,, اللهم الا كان جكيس ما بتقال,,, زمان يا حمودي العسل البورد كان فيهو ناس صعبين خلاس .. سوالي ليك سلمت منهم كيف. الا تكون رسلت ليهم صورتك بعد ملاحقاتهم حتي قنعوا المشكلة يكون في جماعة ما مصدقين وما قنعانين لاسع اقولك يا ود من الليلة ما بتتابعني في بوست ... يود يا عسل كدا!!!
كدا يا ابردا!!؟
.. قولو آآآآآآآآمين تخيل النوعية البتكتب ليك من طلب العلى سهر الليالي .. والمكتوب في الجبين لابد تشوفو العين إلخ .. والتوقيع تحت Quote: تحياتي حمـ العسل ـودي
.. وكمان بيسال صاحب الموقع عن في حاجة جاياني في صندوق ما عارفه شنو .. صندوق شنو ياخ رحمك الله ..؟
|
ودي يا استاز قالو بدايت التعلم هنا وكده :-
Quote: اسمحوا لي ولحروفى هذه أن تأخذ اتكاءة قصيرة فى صفوف منبركم الأمامية ·· دعوها تخالط بقية الجالسين في المقدمة ربما يستجيب لها القدر فترتحل إلى مسقط قدمها وليس مسقط رأسها ·· فمساقط الرؤس انزوت ثكلى· ها أنا أجالس بعض أوراقي القديمة لأستلب منها بعض نشاز الحروف والكلمات·· قد تكون هذيانا كهذيان مريض الملاريا ·· تبا لأنثى الأنوفليس وإناث الـ ···، لا أقصد إناث البشر ·· فهن رحمة لنا· أصيل اليوم ·· إيقاع الظهيرة والمساء ·· قصاصات من صحف يومية شبه مهترئة ترتاح على أرضية غرفة صغيرة طولها وعرضها ثلاث أمتار ·· ارتفاعها لا يتجاوز قامتي مضافا إليه قامة شموخي المكفهر ·· أما العمق فيتعدى عمق المأساة· تلك أبعاد أربعة تدركها جيدا، طول وعرض عمق وارتفاع ·· ومن بعد خامس غير مرئي وغير محسوس ولدت هذه السطور ·· تحولات في مملكة الاحلام في تداعيات تتبرج عبر مقالات عائدة إلى حظيرة نداء الوطن ·· وما يدريك ما الوطن· كان من المفترض أن أواصل معكم الثرثرة ولكن على ألا أخرج من المقرر، فأسئلة امتحانكم توجب الاختصار، وحتى ألقاكم فى ثرثرة أخرى ·· لكم ودى·
حمـ العسل ــودي |
والله وما طالبني حليفة يا اساسي انا من كترت ما عجبتني كتابة حمودي العسل ده لما عملتها استيتوس في الفيس بوك
يا سلااااااااااااام علي حمودي العسل
|
Post: #26
Title: Re: الي اصدقائي الصدوقين
Author: محمد عبد الماجد الصايم
Date: 03-09-2011, 06:59 PM
Parent: #25
ههههههههههههههههههه يعني مصر تجيب الدليل الدامغ يا سوفي!! هسي أعد البصر كرتين في المداخلة الجبتها دي ح تلاقي عمكـ سيد الكنتين دا هو المرشوش رشّ الباسطة .. أنا جاتي سلاخية ساي!!
فيما يخص الكوت التاني .. أجدع إقنورد!!
|
Post: #27
Title: Re: الي اصدقائي الصدوقين
Author: Hassan Makkawi
Date: 03-09-2011, 07:28 PM
Parent: #26
يا أساس الناس ديل بقو ماعارفين الفرق بين (أسد) و (قبضونى لية)!!!!
_______________________
صديق قريب ... لكن من بعيييييييييد
|
Post: #31
Title: Re: الي اصدقائي الصدوقين
Author: سفيان بشير نابرى
Date: 03-09-2011, 07:36 PM
Parent: #26
يا حمودي العسل بالنسبة للكوت التاني دي ذاته كفاية طب :-
Quote: فيما يخص الكوت التاني .. أجدع إقنورد!! |
|
Post: #33
Title: Re: الي اصدقائي الصدوقين
Author: اساسي
Date: 03-09-2011, 07:44 PM
Parent: #14
Quote: حدنا معاك انا والشفت اخوى مقاهى ومطاعم وقعدات الخرطوم..
|
انت ووليد الشفت ركزوا لي علي مقاهي وقعدات الخرطوم دي وقروشي الدايرها منكم بتسلفوني ليها بدون ما تشعروا
|
Post: #29
Title: Re: الي اصدقائي الصدوقين
Author: اساسي
Date: 03-09-2011, 07:31 PM
Parent: #12
Quote: يازول انت وقت مزنوق ليك فى تلاتة الف البيقعدك فى القهاوى شنو ؟ |
واضح انه مشكلتي ما في القهاوي مشكلتي مع الناس البقعد معاهم في القهاوي
سمعت تحت تحت انك سقت (عمك) ومشيت بيهو عيد الميلاد
|
Post: #34
Title: Re: الي اصدقائي الصدوقين
Author: Yassir Tayfour
Date: 03-09-2011, 08:05 PM
Parent: #29
قلت لي دخلت في ضفورك؟
|
Post: #35
Title: Re: الي اصدقائي الصدوقين
Author: محمد على طه الملك
Date: 03-09-2011, 08:25 PM
Parent: #34
Quote: كل واحد يوريني اهاظر معاهو لاي درجة |
صدوقين دي ما بعرفها.. بس عادد روحي من القارئين المتابعين.. إذا هزارك فرش متاع عادي .. تشاشي يعني .. ( سكسك ، غوايش تبخ ، ختم وحلقان فالصو ، حجار بطارية ).. مافي مانع نقبل الـ Disturbance بتاعك ونسردب.. إلا اكان بتهازر بطريقة تجارة الجملة دي وبطلع الطلبات (بالكوتات) .. زميل ساي بنكرك.
|
Post: #36
Title: Re: الي اصدقائي الصدوقين
Author: نصرالدين صلاح
Date: 03-09-2011, 08:32 PM
Parent: #34
و اللة يا اساسي دي خرخرة منك ساي
بعد اللعب احلو داير تشتت اللعب و تقع في الميدان زي المصريين بضيع في الزمن و معروف انك خايف من
الانتفاضة الممفاجئة للفريق الخصم ما باقي ليك الا الانسحاب
بحجة انو في ( طقيع حجار من الجمهور )
اركز باقي دقيقه و مافي طريقة
غير كدة انت ما سمعت شعار علاء الدين بتاع نحن كالنحل داك
شنو كدة نلسعك و ما عارف شنو بالعسل
---------------------- الممطورة قالوا ما بتبالي من الرش
فأنكرب اخد الدش
|
Post: #37
Title: Re: الي اصدقائي الصدوقين
Author: محمد البشرى الخضر
Date: 03-09-2011, 08:45 PM
Parent: #36
Quote: لا عاجياني مساسنجراتك المربوطة في رجل ود ابرك الزاجل |
اهو دا زاتو الكلام البجيب (الإحتقان)
________________________________
تعرف يا معلم بعد البوست دا حتى يادوب مشيت قريت البوست إياهو - الإترش فيه حموودي حبيبي - وحزنت والله ياخ سودانيزاونلاين ارض غير صالحة للطابور ياقول الدياشة موبوءة بسوء الظن و اصحاب الغرض و الطاعنين من الخلف والمتوارين و النافثين سمهم في ثنايا مزاح الأصدقاء وخوتهم ودي ارض خصبة لإبليس ليبتهج ويفسد ما استطاع و للحساسية لتزيد وتؤثر على القراءات لذا في الفيس بوك ونحوه رحمه
|
Post: #38
Title: Re: الي اصدقائي الصدوقين
Author: smart_ana2001
Date: 03-09-2011, 09:52 PM
Parent: #37
Quote: انا جابني كلامك ده ياخ ..ومااا ح أهظر معاك جاااادي ..الرسول فيك كان ما رسلتي لي أي فون للدنيا والعالمين ..شحدت لي زول شدة عدييل كده يهدي لي موبايل وليهو تلاتة سنة شابكني أهو ده يسمع فييي كلامك وأهو ده الزول الجايبو ليك قااااعد معانا ..وإنتي الصادقة شاحدو التلفون ده من زمن كان " أااي" الفون زااتا كانت لسة ما جات .. أها دحين يا اللخت حاولي ضحي بي سودانيز أون لاين ووافقي على طلب بعلك المصون وشيلي منو ال500 دولار وانا من جانبي ما حا أقصر معاك حا أمدك بعنوني البريدي وما ح نختلف يا زولة ترسليهو بي الفيديكس أو الدي إتش إل ما بيناتنا وعلييك علي انا بدفع تكاليف التوصيل.. أها ودعتك الله خيتي وزي ما شايفة ده ما هظار اي فون ده جااادي .. |
عمر الفاروق انت ما نصيح ولا شنو ??? هسي متخيلنى (عشان انت تتفشخر ليك بتلفون) انا اضحى ب٥٠٠ دولارى و المنبر كمان. الصفقة دى ما عندى فيها اى مصلحة. لكن انا ممكن ارسل ليك تلفون فى حالة ان تثبت حاجتين: ١~ انك ح تدفع القروش ٢~ زوجتك يكون زوقها سمح و السبب فى التانى انك تدى زوجتك القروش تشترى لى بيها عدة من السعودية و ترسلها لى فى البلد دى. مش انت برضو متزوج و فى السعودية ? لو ما متزوج و ما عايش فى الخليج...انسي. فى زول اخونا كده حنستوا حنيس على الصفة دى ذاتها (ارسل التلفون و زوجته ترسل العده) ابى كلو ....كلو. ____________________________________________ لو اشتريت لى خمسة من ديل...موش احسن لى???
http://www1.macys.com/catalog/product/index.ognc?ID=545...%26sp%3D1%26spc%3D14
|
Post: #39
Title: Re: الي اصدقائي الصدوقين
Author: تبارك شيخ الدين جبريل
Date: 03-09-2011, 10:36 PM
Parent: #38
ممكن تهظر ... لاكين تكون مسؤول من كلامك البتهظّر بيهو ...
(عفواً ... اعتقد أننى غير معنى بهذا البوست ... وجيب لينا رابط لى رشة الرشاشة دا)
... المهم ....
|
Post: #40
Title: Re: الي اصدقائي الصدوقين
Author: Yassir Tayfour
Date: 03-09-2011, 10:42 PM
Parent: #38
Quote: فى زول اخونا كده حنستوا حنيس على الصفة دى ذاتها (ارسل التلفون و زوجته ترسل العده) ابى كلو ....كلو. |
ده أكيد نوبي يا سمارت.. ___ قطع شك، حتى لو ماهو هو؛)
|
Post: #41
Title: Re: الي اصدقائي الصدوقين
Author: smart_ana2001
Date: 03-09-2011, 11:04 PM
Parent: #40
ياسر مالك عاوز تدخلنى فى مشاكل مع نوبى?
ده ما نوبى يا اخى. نوبى كان عندو اى فون قبل ما انا افرز الفرق بين الاىفون و البلاك برى. الزمن داك انا كنت شايلا لى تلفون بلوتوث ما فيه.
لكن من ناحية فى زول ابى لى.....فى زول ابى لى.
|
Post: #42
Title: Re: الي اصدقائي الصدوقين
Author: يوسف محمد يوسف
Date: 03-09-2011, 11:16 PM
Parent: #40
اساسى انتا تستاهل !!
البوديك تقطع الكبارى .. و تقيف فى موقف البصات " البدفورد " وكمان تهظر شنو ؟؟؟؟
اها خم و صر .. انت قايل الهظار مفروش فى سوق الشمس ؟
مرة فتحت بوست هظار مع صديقى و حبيب البى - كما يقول قيقا - امير كباشى .. عارف الحصل شنو ؟
اهل أمو " ام بدة " .. و .. أهل ابوه " حى العرب " .. طلعوا شايلين سيوف لم تخرج من غمدها منذ عهد المهدية و هم يهتفون :
منْ مس " أمير " حفيد " الآمير أم بدة " .. سوف نقطعه اربا .. اربا.. و نصليه نارا ذات لهب !!
و من ديك .. و عيك !!
تحياتى لك و لعقابك
|
Post: #43
Title: Re: الي اصدقائي الصدوقين
Author: احمد التجانى احمد
Date: 03-09-2011, 11:33 PM
Parent: #40
Quote: سمعت تحت تحت انك سقت (عمك) ومشيت بيهو عيد الميلاد |
ياخ معقول تطلعنى من عندكم بدون عشاء , اااى للامانة عزمتنى برااحة كدة , عيزومة مراكبية وانا بينى وبينك خفت من مفعول حبوب الصراحة تقوم تقرانى بكرة فى نشرة 9 صباحا عشان كدة اتمنعت لانى كنت ضامن ال (Take away) جاى جاى , ولكن ولا اى حاجة عشان كدة انا حاليا عندى شعور بانى الضحية الوحيدة فى معركة ذات ال (Kodak و Polaroid) نسبة لاستوديو غوش وفائز
|
Post: #44
Title: Re: الي اصدقائي الصدوقين
Author: Yassir Tayfour
Date: 03-09-2011, 11:55 PM
Parent: #43
يا أحمد وكتين عارف الحال حيتشال كان تقعد تتعشى.. __ وتتساغل كمان!
|
Post: #45
Title: Re: الي اصدقائي الصدوقين
Author: خالد العبيد
Date: 03-10-2011, 00:46 AM
Parent: #44
سلام يا اساسي تعرف يا صديق هناك معارك وخفايا في المنبر انا آخر من يدري بها لعدم المتابعة .. فانا لا اقرأ كل ما يكتب هنا وللوقت دور كبير في عدم المتابعة .. لا اكثر اكتشفت هذه الحقيقة من قبل فترة!! انو انا ما متابع خفايا البورد والمشاكل والمشاحنات بين الزملاء هنا وبما انو نحن من حلة واحدة انت من الباطنية وانا جار ناس الرياض !!! يبقى ما بيننا يتسع لكل شئ ولو اتشاكلنا نقعد في مظلة محطة تمانية ونطلع حبايب مع احترامي
|
Post: #46
Title: Re: الي اصدقائي الصدوقين
Author: اساسي
Date: 03-10-2011, 06:45 AM
Parent: #45
يا شباب عن اذنكم ياسر طيفور دا عشان موعايد نومه جات وعشان جاني في الحساس
Quote: قلت لي دخلت في ضفورك؟ |
شفت لما تمشي ليك بيت ناس وتكون ضيف , وعندهم شافع شليق كدا , وانت ضيف ما ماخد راحتك علي الاخر , بتقوم تتظارف مع الشافع دا شوية , تقوم تمد يدك وتجضم الشافع جضيمة براااااااااااااااااااااااااااااحة بتاعة دلع كدا وتقول ليهو لِق لِق لِق , اها الشافع يطلع ابن ستين لزينا بدل يضحك ويتفاعل معاك يفتح حلقومه علي مية وتمانين درجة وقولة واااااااااااااااااااااااااااااااااا ويجعر بطول حسه شفت المنظر دا وخاصة لما ام الولد وابوهو يكونوا ما شافوا الفلم دا او كانوا بهناك ويسمعوا صوت بكا ولهم وهو يكمل الناقصة يقول ليهم دا عمو ويمد يده يأشر عليك !! بس دا كان منظري في الفلم .
|
Post: #47
Title: Re: الي اصدقائي الصدوقين
Author: Ahmed Yousif Abu Harira
Date: 03-10-2011, 07:21 AM
Parent: #46
Quote: شفت لما تمشي ليك بيت ناس وتكون ضيف , وعندهم شافع شليق كدا , وانت ضيف ما ماخد راحتك علي الاخر , بتقوم تتظارف مع الشافع دا شوية , تقوم تمد يدك وتجضم الشافع جضيمة براااااااااااااااااااااااااااااحة بتاعة دلع كدا وتقول ليهو لِق لِق لِق , اها الشافع يطلع ابن ستين لزينا بدل يضحك ويتفاعل معاك يفتح حلقومه علي مية وتمانين درجة وقولة واااااااااااااااااااااااااااااااااا ويجعر بطول حسه شفت المنظر دا وخاصة لما ام الولد وابوهو يكونوا ما شافوا الفلم دا او كانوا بهناك ويسمعوا صوت بكا ولهم وهو يكمل الناقصة يقول ليهم دا عمو ويمد يده يأشر عليك !! بس دا كان منظري في الفلم . |
ههههه الحافر على الحافر
تاني قدر ما تلقى ليك شافع غافل جضمو ... كويس؟!
|
Post: #48
Title: Re: الي اصدقائي الصدوقين
Author: منال
Date: 03-10-2011, 07:35 AM
Parent: #47
!Quote: اهل أمو " ام بدة " .. و .. أهل ابوه " حى العرب " .. طلعوا شايلين سيوف لم تخرج من غمدها منذ عهد المهدية و هم يهتفون :
منْ مس " أمير " حفيد " الآمير أم بدة " .. سوف نقطعه اربا .. اربا.. و نصليه نارا ذات لهب !!
و من ديك .. و عيك !! |
|
Post: #49
Title: Re: الي اصدقائي الصدوقين
Author: محمد مصطفي مجذوب
Date: 03-10-2011, 07:41 AM
Parent: #47
Quote: [شفت لما تمشي ليك بيت ناس وتكون ضيف , وعندهم شافع شليق كدا , وانت ضيف ما ماخد راحتك علي الاخر , بتقوم تتظارف مع الشافع دا شوية , تقوم تمد يدك وتجضم الشافع جضيمة براااااااااااااااااااااااااااااحة بتاعة دلع كدا وتقول ليهو لِق لِق لِق , اها الشافع يطلع ابن ستين لزينا بدل يضحك ويتفاعل معاك يفتح حلقومه علي مية وتمانين درجة وقولة واااااااااااااااااااااااااااااااااا ويجعر بطول حسه شفت المنظر دا وخاصة لما ام الولد وابوهو يكونوا ما شافوا الفلم دا او كانوا بهناك ويسمعوا صوت بكا ولهم وهو يكمل الناقصة يقول ليهم دا عمو ويمد يده يأشر عليك !! بس دا كان منظري في الفلم |
QUOTE]ههههه الحافر على الحافر تاني قدر ما تلقى ليك شافع غافل جضمو ... كويس؟!
|
ههههههههههههههههههههههههههههههههههههههههههها
حافر شنو يا ابو احميد هي اصبحت بتين لامن ..قمتو تضربو في السيجاره البني التزله ما خلتنا ننوم ... قاعدين نقرقر معاكم هيجتو علينا الكحه
[
|