Post: #1 Title: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 07:34 AM
السردين هو أحد أنواع الأسماك التي تعيش في المحيط الأطلسي . كما يوجد السردين في الجزء الغربي من البحر الأبيض المتوسط ويقل وجوده في شرق البحر المتوسط. ويوجد ايضا بقلة في البحر الأسود و بحر مرمرة. والسردين من أنواع الاسماك التي يكثر ألاعتماد عليها كغذاء. كما انها من الوجبات الرخيصة نوعا ما والتى يمكن الاعتماد عليها لفترات طويلة مع تغيير طريقة التحضير من وقت لاخر. هذه الاسماك تدر قدرا لايستهان به من الدخل لشركات الصيد والتصنيع وذلك لوجودها وتكاثرها بكميات مهولة وسهولة صيدها.
اذن هذه الاسماك هى صديقة الفقراء بمعنى الكلمة. فهى توفر لهم فرص العمل فى المصانع وفى سفن الصيد كما انها مصدر غذاء رخيص نوعا ما. نستطيع ان نقول انها هبة الله للفقراء.
Post: #2 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 09:09 AM Parent: #1
بالامس فقط شوهد فى اميركا ما تقشعر له الابدان من موت ملايين الاسماك من السردين فى منطقة رودندو بيتش جنوب لوس انجلوس. المنظر مهول اذ ان مساحات واسعة من سطح الماء تغطت بالاسماك النافقة. المشهد نقلته عدد من القنوات الفضائية والصحف الامريكية. الناطق الرسمى للشرطة صرح بان الاسماك تغطى ما سمكه قدم واحد من سطح الماء.
اسباب هذا الموت الجماعى لم تجد ما يفسرها عند علماء الاحياء الذين عزوها الى قلة الاوكسجين اذ ان هذه الاسماك ضلت طريقها الى خليج ضيق ربما تكون نسبة الاوكسجين به قليلة.
الاسماك بصفة عامة وتلك التى تتحرك فى مجموعات بصفة خاصة غالبا ما تتبع تكتيكات مختلفة للهجره والهروب من الاعداء ولها فى ذلك خدع وخدع. اما ان تضل طريقها وتصل الى حتفها فهو الامر المحير.
هنالك ما دفع هذه الاسماك الصغيرة لان تهرب فزعة فتضل طريقها وتموت. هل هنالك تجارب اسلحة فى المنطقة؟ هل هنالك براكين ثائرة فى المنطقة؟ ام انها ثورة غير معلومة المصادر؟ خصوصا بعد ان نفى علماء الاحياء وجود تلوث او تسمم بيئى فى المنطقة.
Post: #3 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 09:57 AM Parent: #2
Post: #4 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: محمد على طه الملك Date: 03-09-2011, 11:35 AM Parent: #3
Quote: ام علامة لما هو ات
ما يكون في بالك 2012 يا دكتور ؟ على كل حال مادام مافي يد متلاعبة .. يبقى ناموس الكون بزيد وبطرح حسب متطلبات التوازن.. واللا قولك غير؟
تحياتي.
Post: #5 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 12:06 PM Parent: #4
الاخ الفاضل محمد على الملك لك التحية والاحترام
لك جزيل الشكر على المرور الكريم.
Quote: ما يكون في بالك 2012 يا دكتور ؟ على كل حال مادام مافي يد متلاعبة .. يبقى ناموس الكون بزيد وبطرح حسب متطلبات التوازن.. واللا قولك غير؟
والله يا محمد على لم اكن اعتقد فى 2012 لكن النصيحة لله هسع خفتة شوية (امك الجعلى كبه الجرسة).
عليك الله خليك قريب النقول لك رأيى.
ألبوست العرضنا فيه البارح مشى الخور بعد ما رديت عليك انت وود طيفور.
Post: #6 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 12:13 PM Parent: #5
يا حليل السردين.
Post: #7 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 12:20 PM Parent: #6
الهم الطف!!!!!!
اها جنس البذار ده ماببكى!!!!
Post: #8 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 12:33 PM Parent: #7
اها ده سردين مو دود اللهم سترك يا حفيظ يا ودود.
Post: #9 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 01:04 PM Parent: #8
غايتو سرديناية واحدة ما فضلت فى البحر.
Post: #10 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Osman Musa Date: 03-09-2011, 01:47 PM Parent: #9
مشتاقين يا دكتور . الليلة الصباح تابعت التلفزيون . لقيت في الشاشات الحوت راقد فاصوليا . والله يادكتور ده كلام مخيف مخيف جد . الحوت ده بكون مالو ياود مساعد ؟
سلامات
Post: #11 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: محمد على طه الملك Date: 03-09-2011, 02:17 PM Parent: #10
Quote: والله اكنتا جاييكم راجع بى سكينى علا الله ستر.
ما لحقت قريتو.. علا بروفايك كفاني.. الحق قريبك دا كمان جابلو حوت .. بحت ورينا الحاصل شنو؟
Post: #12 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 02:55 PM Parent: #11
الاخ عثمان سلامات
شكرا على المرورالجميل
Quote: مشتاقين يا دكتور . الليلة الصباح تابعت التلفزيون . لقيت في الشاشات الحوت راقد فاصوليا . والله يادكتور ده كلام مخيف مخيف جد . الحوت ده بكون مالو ياود مساعد ؟
والله يا عثمان ربك يستر وان شاء الله ما يكون الفى بالى.
لك ودى.
------------------------------------------------------------------- البركة فيكم فى ود فرح ان شاء الله ربنا يرحمه ويغفر له. للاهل الصبر وحسن العزاء.
Post: #13 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: محمد الأمين موسى Date: 03-09-2011, 02:59 PM Parent: #1
السردين هبة الله للمغاربة... أكلناه لحدي ما قلنا بس: لذيذ ورخيص... ربنا يحفظوا شكرا أخي فوزي على إثارة الموضوع.
Post: #14 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 05:31 PM Parent: #13
Quote: ما لحقت قريتو.. علا بروفايك كفاني..
يا زول بروفايل رجال على قول زولكم (كعك رجال)
Quote: الحق قريبك دا كمان جابلو حوت ..
يازول حوت قريبى ياهو السردين زاتو علا بى لغة اهلنا.
Quote: بحت ورينا الحاصل شنو؟
جاى عليك فى الدرب.
Post: #15 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 05:40 PM Parent: #14
الاخ محمد الامين مرورك شرف لينا
Quote: السردين هبة الله للمغاربة... أكلناه لحدي ما قلنا بس: لذيذ ورخيص... ربنا يحفظوا شكرا أخي فوزي على إثارة الموضوع.
المغاربة الشعب الجميل ربنا يديهم العافية بكسر الفاء وتشديد الياء.
لكن بتموه بى هبات تانية مش!!!!!!
لك ودى
Post: #16 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-09-2011, 05:58 PM Parent: #15
يلا كدى نرجع نشوف السردين والثورات.
لو نظرنا للثورات التى حدثت والتى تحدث تجدها حدثت فى وقت واحد أو متزامنة.
ممكن تقول لى الانترنت والعالم بقى قرية واحدة والشعوب وعت.
طيب الانترنت دى ما ليها 20 سنة اشمعنى وعت الناس هسع.
ليه شعار حملة اوباما كان التفيير والتغيير لى منو وفى اى اتجاه؟
طيب ويكيليكس ليه فى الوقت ده بالذات ومن متين السستم الامريكى بقى زى الغربال.
الثورات ماشة فى كل اتجاه ما وقف على العالم العربى ولا العالم الثالث!!! السايقه كدى منو وبتصب فى مصلحة الشعوب واللا جهات ثانية.
طيب الثورات دى ثورات المقهورين والجوعى والمضطهدين وديل غير الحرية دايرين قوت.
لكن دحين الجوع مو ماشى عليهم؟
Post: #17 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: محمد على طه الملك Date: 03-09-2011, 07:10 PM Parent: #16
Quote: الثورات ماشة فى كل اتجاه ما وقف على العالم العربى ولا العالم الثالث!!! السايقه كدى منو وبتصب فى مصلحة الشعوب واللا جهات ثانية.
جهات تانية دي ما خابرها.. بس يمكن إكون لعلماء الفلك رأي مقرون بحركة النجوم.. زي ماقلت الجوع والحكم الطويل قاسم مشترك لحد الآن.. أها رمينا بياضنا.. بالمناسبة حلم ناذر الأبيت تدلى فيهو رأي جزءه الأول تحقق .
Post: #18 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-10-2011, 05:07 PM Parent: #17
Quote: جهات تانية دي ما خابرها.. بس يمكن إكون لعلماء الفلك رأي مقرون بحركة النجوم.. زي ماقلت الجوع والحكم الطويل قاسم مشترك لحد الآن.. أها رمينا بياضنا.. بالمناسبة حلم ناذر الأبيت تدلى فيهو رأي جزءه الأول تحقق .
الجزء الاول اتحقق والثانى فى الطريق بس اصبر شوية. انا قلت ليك التفسير لكن ما كتبته لى ناذر لانى خايف الممسوخ داك يكون مؤلف الحلم من راسو.
Post: #19 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-10-2011, 07:02 PM Parent: #18
السردين اسماك بارعة فى المحافظة على وحدة المجموعة تسبح بطريقة ديناميكية حرة من غير ان تفقد دقة نظام المجموعة.
المجموعات بارعة فى الصلابة التوحدية وعلى دراية تامة تستعمل فيها الموجات الصوتية والمغنطيسية أو الموجات الاكوهغناطيسية ان صح التعبير.
كيف لاسماك بمثل هذه الدقة ان تفقد بوصلة توجهها وتضل الطريق حتى ترد المهالك.
حتى عند الخوف والمطاردة هى مرنة جدا وسريعة فى استعادة تنظيمها.
اذن المؤثر الذى ادى الى التشتت والضياع هو شى اكبر من الموجات المستعملة عند هذه الاسماك.
الارجح ان تكون موجات اقوى من تلك التى تستعملها هذه الاسماك ادت الى تشويش الارسال والاستقبال ففقدت الاسماك بوصلة التوجيه.
Post: #20 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-10-2011, 07:51 PM Parent: #19
Post: #21 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: ناذر محمد الخليفة Date: 03-11-2011, 10:34 AM Parent: #20
سلام ناس عوضية سمك ..
Quote: الجزء الاول اتحقق والثانى فى الطريق بس اصبر شوية. انا قلت ليك التفسير لكن ما كتبته لى ناذر لانى خايف الممسوخ داك يكون مؤلف الحلم من راسو.
الجزئين إتحققوا حسب تأويلات محمد المك دا وناس كيكي وكم زول كدة ..
عليك الله أكتب لي التفسير القلتو حتى لو في الخاص خلينا نشوف الحاصل ..
وإتطمن أنا والله الاحلام دي ما قاطعا من راسي ..! زي ما شفتها حكيتا ...
الغريبة أنا هسي جاي من السوق المركزي إشتريت لي سمك وسردين وفسيخ جيت لقيت البوست دا في وشي طوالي فتحتو !!
العلاقة شنو ؟ هههههههه
Post: #23 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: محمد على طه الملك Date: 03-11-2011, 11:05 AM Parent: #21
المستغرب ليها يا ناذر رقشة الصلاح الظهرت فيك فجأة كده.. ياخي انت حتى شاشة الجزيرة جبتها! وسيرتك السيرتها مع المصرين وفرتكتوهابرضو سار بيها الريس قبل يومين ـ شفت إزاي.. دكتور فوزي دا غريق باين لي في الخاص الله عليم.
Post: #22 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-11-2011, 10:52 AM Parent: #20
ان صحت فرضية تغير المجال المغناطيسى فى المحيط الخارجى فان ما يترتب عليه هو تغيير كبير فى المناخ وفيزيائية البيئة.
اذن النتيجة الحتمية فيضانات او جفاف كامل تحدده طبيعة ظاهرة المجال المغناطيسى الجديد.
التغيير الكبير سيؤدى الى شح او نضوب المخزون الغذائى الطبيعى الذى يؤدى بدوره الى مجاعات جديدة وهجرات اضافية.
اما الثورات الحالية فى صورتها الراهنة واذا لم يتم امساك زمامها وشكم جنوحها فانها لا محالة ستقود الى حروب وفوضى.
الفوضى البشرية مضافا اليها الفوضى الطبيعية ستؤدى حتما الى التغيير الاكبر مثل الذى ذكرته ملائكة الرحمن عند خلق ادم وذلك الذى حدث فى عهد سيدنا نوح عليهما السلام.
Post: #24 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: محمد على طه الملك Date: 03-11-2011, 11:11 AM Parent: #22
Quote: الفوضى البشرية مضافا اليها الفوضى الطبيعية ستؤدى حتما الى التغيير الاكبر مثل الذى ذكرته ملائكة الرحمن عند خلق ادم وذلك الذى حدث فى عهد سيدنا نوح عليهما السلام.
كدا سويتها ساردين عديييل.. شايفك سايقنا ل 2012.. يعني نقول بدت من تالا الشرق ونفرش مصلايتنا؟
Post: #25 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: ناذر محمد الخليفة Date: 03-11-2011, 11:56 AM Parent: #24
اليسمعك يقول ظهرت فجأة يقول ناذر خليفة كان قمة في الفسوق والفجور هههههههه والله يا الملك لا فجأة لا شيتين ..اخوك ود قبائل بس مباراتي لي ناس في المنبر دا خلى الشغلانية تفلت حبتين والواحد ما كان عامل حسابو هههههههههه . وأزيدك من الشعر بيت وشوف تأويل لي دي :
المرحوم خالد الحاج صاحب منتدى سودانيات صديق عزيز للأسرة من زمن طويل لمن جاء الخرطوم جيتو الأخيرة ومنها توفاه الله ذهبت والدتي وأخي الأكبر لزيارته في المستشفى وعندما رأى والدتي خلع قناع الأوكسجين عنه وإحتضن والدتي وبكا الإثنان بكاء مراً ... وبعدها مرضت والدتي مرضاً شديدا حتى كامن بالكاد تتنفس ... ولم تشفع لها لأدوية التي أخذتها ولم يتم تشخيص حالتها بالوجه الاكمل وهنا ظهر إحتمال أن تكون إلتقطت العدوى من المرحوم خالد الحاج .. فتم عزلها في إحدى غرف المنزل تبعاً لنصيحة أحد الاطباء ثم جاء بعض الأطباء من معمل ستاك القومي وأخذوا بضع عينات منها لتحليلها والحمد لله إتضح أنها تعاني من إلتهاب حاد وقد شفيت والحمد لله ..
في ذلك الوقت كان المرحوم خالد الحاج قد غادر إلى كينيا للعلاج وكانت أخباره تصل إلينا تباعاً حتى غادر .. وبعدها حلمت ان خالد الحاج قد توفاه الله ورأيت صيوان عزاءه ورأيت اصدقائه ومعارفه الذين أعرفهم تماما ومنهم أخواني ووالدتي وبعض من أهله .. صحوت من نومي فزعاً ولم أقصص ذلك الحلم إلا لزوجتي وإثنين من البورداب ذلك الصباح وفي صبيحة اليوم الثاني نعى الناعي خالد الحاج ولم أكن في حالة نفسية تمكنني من الذهاب للعزاء وعندما عاد أخي الاكبر من العزاء سألته عن الذين حضروا للعزاء من المعارف فذكر لي بعض الأسماء وكانت هي ذاتها الشخوص الذين رأيتهم في حلمي ذلك اليوم !!
رحمه الله رحمة واسعة وألهمنا جميعا الصبر وحسن العزاء ..!!
لا أدري ماذا أسمي تلك الظاهر أو تلكم الرؤى !!
Post: #26 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-11-2011, 01:35 PM Parent: #25
الاخ ناذر شكرا على المرور الجميل
انا من المعجبين جدا بكتاباتك وتداخلاتك وتداخلت معك عدة مرات.
Quote: سلام ناس عوضية سمك ..
والله يا ريت كان لمينا الفكة قالوا الزولة دى شغالة صاح (اللهم لا حسد). هسع دى كلها حبيبات سردين راحن فى حق الله.
Quote: الجزئين إتحققوا حسب تأويلات محمد المك دا وناس كيكي وكم زول كدة ..
عليك الله أكتب لي التفسير القلتو حتى لو في الخاص خلينا نشوف الحاصل ..
وإتطمن أنا والله الاحلام دي ما قاطعا من راسي ..! زي ما شفتها حكيتا ...
انا لما قريت الاحلام فى البوست بتاعك قلت تفسيرى لى محمد على ولما محمد على قال لى اكتبه انا قلت ليهو ناذر ده ما مضمون بكون قاطع الحلم ده من راسو.
المهم انا قلت ليه من الحلم شايف انو الجنوب حا ينفصل والانفصال سينال تغطية اعلامية واسعة (ضياع البت الاولى ووجود الاعلامى)
بعد الانفصال قيام احتجاجات ومشاكل تؤثر سلبا على المواطن (وصول الماء لمكان سريرك) حصول شد وجذب بين الحكومة والشعب قد لا يكون دمويا لكن لن ينال اعلاما كافيا (الشد والجذب على البنت الثانية بينك وبين البحر وغياب الاعلامى).
اثناء المناوشات وربما الثورات بين الشعب والحكومة يقيف الصينيين والامريكان موقف المتفرج ( العسكريين الحارسين محطة الوقود) وديل ياهن المستفيدين من موارد السودان وعندهم استعداد يحموها لكن ما عندهم داعى بالشعب.
اما روحت حسنى مبارك دى فاتت على رغم انها كانت موجوده فى الحلم.
Quote: الغريبة أنا هسي جاي من السوق المركزي إشتريت لي سمك وسردين وفسيخ جيت لقيت البوست دا في وشي طوالي فتحتو !!
العلاقة شنو ؟ هههههههه
العلاقة الوحيدة عشان تقرأ لينا وتلقى اسمك هنا.
بالهناء ان شاء الله.
لك والاخ الملك اخلص الود
Post: #27 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-11-2011, 01:40 PM Parent: #26
محمد على
Quote: كدا سويتها ساردين عديييل.. شايفك سايقنا ل 2012.. يعني نقول بدت من تالا الشرق ونفرش مصلايتنا؟
تب ما ودرته اظنو شئ قريب من ذلك.
انظر لمل حدث فى اليابان.
بجيك صاد.
Post: #28 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Hani Arabi Mohamed Date: 03-11-2011, 01:55 PM Parent: #27
هل لموت الساردين علاقة بزلزال اليابان ؟
Post: #29 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: ناذر محمد الخليفة Date: 03-11-2011, 06:53 PM Parent: #28
سلام فوزي ..
Quote: انا من المعجبين جدا بكتاباتك وتداخلاتك وتداخلت معك عدة مرات.
تسلم كتير يا حبيبنا ...
Quote: المهم انا قلت ليه من الحلم شايف انو الجنوب حا ينفصل والانفصال سينال تغطية اعلامية واسعة (ضياع البت الاولى ووجود الاعلامى)
بعد الانفصال قيام احتجاجات ومشاكل تؤثر سلبا على المواطن (وصول الماء لمكان سريرك) حصول شد وجذب بين الحكومة والشعب قد لا يكون دمويا لكن لن ينال اعلاما كافيا (الشد والجذب على البنت الثانية بينك وبين البحر وغياب الاعلامى).
اثناء المناوشات وربما الثورات بين الشعب والحكومة يقيف الصينيين والامريكان موقف المتفرج ( العسكريين الحارسين محطة الوقود) وديل ياهن المستفيدين من موارد السودان وعندهم استعداد يحموها لكن ما عندهم داعى بالشعب.
تغرف يا فوزي الشي الغريب والمريب الما إتحقق هو إنعدام التغطية الإعلامية دي في إنفصال الجنوب ..!! إعلان الإنفصال مر بي سلاسة عجيبة جدا والناس قابلتو بي برود غريب رغم إنو كان متوقع تحصل مظاهرات وإضطرابات وإحتمال حرب أهلية لكن دا كلو ما حصل ..!!
وباقي تفسيرك بيوري إنو الجزء الأول فعلا تحقق ... غايتو لو بقينا على تفسيرك بنرجى الجزء التاني ..
تسلم ..
Post: #30 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-11-2011, 07:34 PM Parent: #29
الاخ هانى لك الشكر على المرور
Quote: هل لموت الساردين علاقة بزلزال اليابان ؟
لو نظرت لتاريخ فتح هذا البوست فهو بعد يوم فقط من حادث موت اسماك السردين الذى لم يوجد له أى تفسير علمى.
الان... والان فقط بالنسبة لى اصبح الامر واضح اذ ان هذه الاسماك غالبا ما استشعرت موجات التحرك الأبتدائى للزلزال وهو الذى شوش بوصلتها الذاتية وقادها للهلاك.
كما تعلم ان الحيوانات هى اقوى وسائل الانذار بحصول الزلازل اذ انها تشعر بها قبل مدة من حدوثها.
سبحان الله اكتشفتها الحيوانات وفشلت اجهزة الاميريكان شديدة الحساسية فى كشفها.
لله فى خلقه شؤون.
التعديل لتصحيح شؤون.
لك ودى
Post: #31 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: محمد على طه الملك Date: 03-11-2011, 08:16 PM Parent: #25
ألف حمد لله على سلامة الوالدة يا ناذر ربنا يمتعها بالصحة والعافية..
Quote: حلمت ان خالد الحاج قد توفاه الله رأيت صيوان عزاءه ورأيت اصدقائه ومعارفه
رحم الله خالدا وأحسن إليه .. كان ودودا شهما عزيزا لدي معارفه واصدقائه..
Quote: لا أدري ماذا أسمي تلك الظاهر أو تلكم الرؤى !!
يا زول لا بعرفك ولا عايز معاك.
Post: #32 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: ناذر محمد الخليفة Date: 03-12-2011, 05:45 AM Parent: #31
محمد علي طه ..
Quote: يا زول لا بعرفك ولا عايز معاك
يا زول في زول قال إني أنا نبي ههههههههه
Post: #33 Title: Re: موت السردين..........وثورات الغضب.........هل هى ثورة الطبيعة ام علامة لما هو ات. Author: Fawzi Babiker Date: 03-12-2011, 01:36 PM Parent: #32
الاخ ناذر
يا اخوى احلامك خطيرة لدرجة انى اعتقدت انك تؤلفها حسب الاحداث
الملك ليهو حق يخاف منك.
Quote: يا زول لا بعرفك ولا عايز معاك
وانا الحمد لله صورتى ما عندك ولو فى كفوة جيبها لى تيمون دة.
