Post: #1 Title: السودانيات في أمريكا وفن العواسة بالقرقريبة البانسونك Author: Osman Musa Date: 03-08-2011, 10:57 PM
تسمع قصص عجيبة في محل السوري في اتلانتك أفينيو لبيع دقيق ال CORN في بروكلن . نسوان فالحات بالجد . جابن خبر العيش ريف زاتو وكيف IMPORTED من ال BRAZIL . والنوع الأمريكي والمكسيكي وطعم حقنا المختلف وقرقريبة ال GIANT CARD حديث طويل عريض عن القرقريبة ال QUICK AND EASY لطرقة الكسرة وبدون طايوق .
Post: #2 Title: Re: السودانيات في أمريكا وفن العواسة بالقرقريبة البانسونك Author: Mohamad Shamseldin Date: 03-09-2011, 01:13 AM Parent: #1
عثمان ... نحن نستعمل الذره حقتنا ذاتها من دكاكين الهنود.... ..... أكثر إنسان إستهزأ بالنظام المالي الامريكي هو الوالده ...نسال الله لها الصحه... ضبطتها بتعوس "بالكردت كارد"
Post: #3 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 01:35 AM Parent: #2
عارف ياود شمس الدين لقيت ليك عمتي الجعلية المشلخة الشلوخ العراض ال 3 INCH . مع الخواجية دقش عجيب عن الكسرة . الخواجية سألتها عن هل الكسرة بتنفع في ال BREAKFAST ؟ قالت للخواجية وتنفع للدنر برضو . وممكن تتعلمي العواسة يا هيلاري EASY .
Post: #4 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 02:15 AM Parent: #3
في هجرتنا العجيبة احسن دقيق نجح للكسرة اسمو INDIAN HEAD كما قالت العمة صاحبة الشلوخ المطارق . وهو من دقيق الذرة الشامية يعني ( العيش ريف ) كنا . ويا ما كنا . كنا فى الستينات زمن الزمن زين .. العيش ريف كان عندنا خليط علوق للحمير . + الامباز والشعير . تبدل الزمن وأصبحت تاتينا القرقريبة في ال EXPRESS ENVELOE .
Post: #5 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 03:31 AM Parent: #4
حكيت للعمة عن واحد من العذابة . في رمضان الفات كان عندو قرقريبة كريدت كارد . وكان يفتش عن طايوق للعواسة . قام زهج من التفتيش وراح ماسح الصاج بي NIVEA . مسح الصاج بي نيفيا عديل .
Post: #6 Title: Re: السودانيات في أمريكا وفن العواسة بالقرقريبة البانسونك Author: محمد عبد الماجد الصايم Date: 03-09-2011, 07:17 AM Parent: #5
أسعد الله صباحكم .. أو مساكم!!
Post: #7 Title: Re: السودانيات في أمريكا وفن العواسة بالقرقريبة البانسونك Author: Amira Elsheikh Date: 03-09-2011, 09:01 AM Parent: #6
أكثر إنسان إستهزأ بالنظام المالي الامريكي هو الوالده ...نسال الله لها الصحه... ضبطتها بتعوس "بالكردت كارد"
محمد شمس الدين ...احى الوالدة خالص على هذا الابتكار .. نحن فى السودان بنستعمل كروت الشحن ...اى والله كروت شحن الموبايل .. زى زين واريبا وسودانى عااااادى .. اما موضوع ملاح المفروك ..برضو بقى فى بدايل للمفراكة ... فى خلاط بالكهرباء على شكل مفراكة فى كسر من الثانية البامية والخدرة والثلج بكونو ريدى ,,
يعنى ما براكم ياعثمان موسى اتعولمتو
Post: #9 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 03:41 PM Parent: #7
والله يا بنت الشيخ لم نتعولم ولم نتعلم من الغرب . في أمريكا يا بنت الشيخ . القنقر ولا العيش ريف نجح نجاح كبير . بحوث ما تديك الدرب . القصب معنكل قنقر زي الجراد . والمساحات ؟ المساحات اسكتي ساكت . ماشين في ولاية المسيسيبي بالسيارة الجيب 40 دقيقة . 40 دقيقة دي مزرعة زولة تخرجت من كلية الزراعة سنة 1982 . يا بنت الشيخ كم عد من تخرج من زراعة الخرطوم في نفس السنة وهم عاطلين عن العمل .
Post: #8 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 02:36 PM Parent: #6
ياود الصايم ياخ الكسرة بتاعت ال CORN دي عجيبة . كسرة ألف MG . عمتك ياود الصايم في 3 دقايق يكون عندها استوك جامد يكفي الجيش الهندي اسبوع . وكل يوم تجدع ليك طرقتين في ال MICROWAVE وتلبع شغل الاسكراتش ويلعن ابو السرطان زاتو .
( قصة الجيش الهندي دي يا ود الصايم ) عندنا صديق من الدومينكان ربابلك عندو 9 أولاد في موسم فتوح المدارس كان يجي يقول لي اديني 9 منطلون جينز للجيش الهندي .
Post: #10 Title: Re: السودانيات في أمريكا وفن العواسة بالقرقريبة البانسونك Author: Kostawi Date: 03-09-2011, 03:44 PM Parent: #8
Post: #11 Title: Re: السودانيات في أمريكا وفن العواسة بالقرقريبة البانسونك Author: Kostawi Date: 03-09-2011, 03:46 PM Parent: #10
Post: #12 Title: Re: السودانيات في أمريكا وفن العواسة بالقرقريبة البانسونك Author: Kostawi Date: 03-09-2011, 03:47 PM Parent: #11
Post: #13 Title: Re: السودانيات في أمريكا وفن العواسة بالقرقريبة البانسونك Author: محمد مصطفي مجذوب Date: 03-09-2011, 04:16 PM Parent: #12
Quote: عثمان ... نحن نستعمل الذره حقتنا ذاتها من دكاكين الهنود.... ..... أكثر إنسان إستهزأ بالنظام المالي الامريكي هو الوالده ...نسال الله لها الصحه... ضبطتها بتعوس "بالكردت كارد" ]
والله عفيت منها ربنا يديك Visa Gold و American Express وكل الوان قوس قزح وتديها ليهن كلهن بس دحين وريني انت يا جنا دحين ما غلتان اديتا ال Pin Number ليه؟
Post: #14 Title: Re: السودانيات في أمريكا وفن العواسة بالقرقريبة البانسونك Author: Kostawi Date: 03-09-2011, 04:26 PM Parent: #13
بالله إنتو لسع من زمن القرقريبة ما سمعتوا بكسرة الرموت كنترول!
ويا حليل كسرة فاطنة بت الشريف .. أمي القلاعة .. هو اسم الحديدة أو البلاستيكة البتعوس بيها الكسرة احيانا بتكون مقطوعة بعناية من جالون زيت أدنوك .. أو شل .. بقطعهن ابراهيم ود حاج شعبان ويبيعهم للنسوان بي رماد القروش وأحيانا بتاعة بلاستيك من جالون الزيت الأصفر .. بقطعها ليها أنا .. لكن بشرط ما اقطع ليها من الحتة (الفيها حزوز) والحزوز هي مقاييس اللترات في شق الجالون . ليها التحية ولجميع أمهاتنا .. ويا مغتربين .. لا كسرة إلا كسرة الدوكة التحتها نار القصب أو حطب القطن .. أو حطب اللوبيا العدس . . . تحياتي
Post: #17 Title: Re: السودانيات في أمريكا وفن العواسة بالقرقريبة البانسونك Author: رشا سالم Date: 03-09-2011, 04:46 PM Parent: #14
بوست جدر بالمتابعة..
Post: #23 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 10:16 PM Parent: #17
يا دكتورة رشا سالم اخواتك السودانيات في أمريكا الليلة في قلب السستم . وما خايفات من ما بعد العواسة . الخواجية قالت للعمة . حقو قبل التفكير في العواسة تقومي تختي تلفون قسم الطواريء علشان التاكد من سلامتك . وكلام عن التامين والبوليس report وكلام كتير . عمتك قالت للخواجية . هي عواسة ولا قوم جاري ؟
( والله يا رشا الزول الجاب دقيق العيش ريف ده )
Post: #21 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 09:11 PM Parent: #14
ياكوستاوي عندنا صاحب رباطابي جاب امو زيارة . في اليوم التاني عجنت دقيق رأس الهندي وهاك يا عواسة . صاحبك الرباطابي قال امو في العواسة زي الموسيقار عجاج فى الاورقن . شن شن شن شن . زولة سريعة وخطرية . واكتر زولة SMART في استعمال القرقريبة .
Post: #20 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 05:51 PM Parent: #13
ياود مجذوب ياخ صاحبك دخل في مشكلة بسبب تلفان الكريدت كارد حقو . يعني بدل تطلع قروش من المشين . تقوم تطلع طرقة كسرة . الوالدة يازول عملت في البرمجة عمايل . الفيتريتا جابت خبر البنوك العالمية يا حبة . ناس ليمان برازر وBANK أوف اسكوتلاند الليلة داون . وده بسبب القرقريبة . ياخ السودانيات ديل عجيبات .
Post: #16 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 04:43 PM Parent: #12
ياكوستاوي والله ياهو زاتو . ده جبتو كيف ؟ ياهو الدقيق السمح ماركة رأس الهندي . ياخ القصة دي بي ملاح الكرارة عجيبة . وبالتقلية كمان اعجب . والله ياكوستاوي عجبتني لوحة العواسة . تفاصيل عجيبات . الطشت المركون علي الحوش ومقشاشة سعف الدوم وحمالة الجر . والعنقريب ابوكراب ناصل ونار الصاج والحطب . وطافور الطايوق مع الزيت والمعراكة الجميلة . اللوحة دي مفروض تتعلق في البيت الأبيض . لوحة فيها معاني كبار . بعدين شوف البنت دي كيف . معناتو ياكوستاوي الكسرة دي مافيها FAT . مش كدي ؟
( شوف ياكوستاوي فى اللوحة دي . القرقريبة من سعف الدوم وحبال العنقريب من سعف الدوم وربما بعض العويش للنار من سعف الدوم وطبق العواسة من سعف الدوم والبرتال من سعف الدوم .
Post: #18 Title: Re: السودانيات في أمريكا وفن العواسة بالقرقريبة البانسونك Author: Kostawi Date: 03-09-2011, 04:49 PM Parent: #16
Post: #19 Title: Re: السودانيات في أمريكا وفن العواسة بالقرقريبة البانسونك Author: Fawzi Babiker Date: 03-09-2011, 04:56 PM Parent: #16
الاخ عثمان والضيوف الكرام لكم التحية والاحترام
القرقريبة (السعفة) والمعراكة وزيت المسحة.
كسرة بى ملح صاج قدام امى وهى بتعوس الذ من كل رستيورنتات كل العالم.
تسلم.
Post: #22 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 09:34 PM Parent: #19
لا لا لا يا نادر ياخ القرقريبة بتاعت بلاستيك جالون الزيت دي ماكويسة . الكسرة بتاعت قرقريبة البلاستيك ممكن تعمل الشلل الهزاز .. ياخ الزول المسح الصاج بال NIVEA لاهسع نفسو قايم . تقوم أنت تجيب لينا جالون عديل . بعدين الشلل الهزاز ده هسع لو الزول عندو معاينة لوظيفة في اليونايتد نيشن يعمل شنو ؟ لا لا ياخ كل شيئ ولا قرقريبة الجالون .
Post: #24 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 10:37 PM Parent: #19
والله يا دكتور فوزي جد كسرة امك عجيبة . صاحبك د / كمال بشير قال : في نسوان اناقة في العواسة . تقول هن بعوسن بواسطة الليزر . الواحدة تطلع من التكل نضيفة والكسرة تطلع تلمع زي الساعة الموفادو .
Post: #25 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-09-2011, 11:35 PM Parent: #24
متجر السوري بتاع الدقيق ده في شارع اتلانتك افينيو جوار مطعم اليمن السعيد . المتجر مفتوح من سنة 1919 . كل شيئ موجود من فندك الحراز وحتي لبن الطير وشحم الناموس . محل قديم وجميل روايح الصلصة والحرجل والمحريب والحلبة والدخن . مفاريك وسجاد والعود الحلبي والتمور والحلويات . المحل يستحق الزيارة ودقيق رأس الهندي في الرفوف . نيويورك مدينة حبيبة حتي في أيام الأزمة المالية المسنوحة .
Post: #26 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-10-2011, 01:40 AM Parent: #25
عايزين نعمل مطعم تقلية عالمي يكون في مكان كانت الويرلد تريدنق سنتر في ما نهاتن تقلية HOT . تقلية تجيب نجمات HOLIYWOOD ال HOT برضو . يعني زي OPRAH WINFREY تكون تبلع في التقلية وال SHOW حقها شغال . مطعم سوداني محترم من بلاد ديمقراطية محترمة يقدم الكرارة وأم تكشو وأم حبيبة وأم بق بق وأم شعيفة وأنواع من الكشنات والرشوشات وملاح البربور الأصلي . الشعب الامريكي زهج من سندوتشات البيف باري وال PIZZA . الاكل الامريكي عمل لينا CARPAL TUNNEL SYNDROME زي ما بيقول د / بخيت . بس انا والله ولا عارف المرض ده هو شنو . مطعم في قلب ما نهاتن . مطعم يسع الجميع حتي فنجطة شاكيرا .
Post: #27 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-10-2011, 02:03 AM Parent: #26
البوست ده محتاج مداخلات زولنا محمد المرتضي حامد . ومحمد زول شديد في الكلام .
.. انا ما عارف محمد هسع هو في الشرق ولا الغرب . عليك الله لو كنت جاي حاول روح ادخل السينما في اليومين ديل MOVIE اسمو THE ADJUSTMENT BUREAU تفرج سمح ابطال الفيلم ديل قالوا عايشين علي بليلة الذرة الشامية بزيت الزيتون . تصدق ياود حامد ؟
Post: #28 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-10-2011, 03:38 AM Parent: #27
زمان ياود حامد . مشيت ومعاي البطل هاشم بدرالدين . لي مطعم في فولتن بروكلن مطعم بتاع سوداني . المطعم تعبان . وصاحب المطعم سوداني زهجان وكاتب فوق للكاشير EVERYTHING YOU NEED TO EAT . اها يازول عندك شنو ؟ قال عندو بامية وعدس . ههههها . بس صاحبك ياسر طيفور بيعرف مكانات الفلافل والعصيدة اليمنية بملاح الملوج اليمني الأصلي . ياخ دي عصيدة عندها بوخ ودخان زي دخان بركان الفلبيين . الخواجة يا محمد ضرب العصيدة بعد ما لبس الجونتيات زي العندو عملية .
Post: #29 Title: Re: السودانيات في أمريكا وفن العواسة بالقرقريبة البانسونك Author: Mohamad Shamseldin Date: 03-10-2011, 04:57 AM Parent: #28
Quote: بس دحين وريني انت يا جنا دحين ما غلتان اديتا ال Pin Number ليه؟
محمد الحاجه تستعمل الكردت كارد بدون أي إمضاءت و بن نمبر....!!! لو عمك برنانكي أو غرين إسبان سمع بالكلام ده يقول شنو....!!!
هذا هو دقيق ال Juwar بالهندي.. أو بالانجليزي Sorghum.... فتريته عديل..... يصلح كسره .... و غير ذلك تجدونه في دكاكين الهنود او ال Organic
Post: #30 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-10-2011, 01:15 PM Parent: #29
والله ياود شمس الدين غايتو نحنا اكتر شعب مسكين في العالم . حتي سنة 1957 السودان كان يصدر للعالم عدد 48 من اهم السلع . شوف الليلة حال السياسة كيف . والسلع السودانية من اجود السلع وعليها طلب كبير . الحكومات دخلتنا في حتات عجيبة . وفقدنا السوق الأمريكي الكبير . هسع الواحد كان يكون عندو مخزن فيتريتا في الامبير استيت زاتو .
Post: #31 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-10-2011, 04:47 PM Parent: #30
في أمريكا عينك عينك الحبش سرقوا بضاعتنا . الغناء والموسيقي والكسره والتقلية والفول . نشتري الدقيق من دكاكين السوريين واليهود والقرقريبات من سوق السبت في اكوادوك فري ماركت .
Post: #32 Title: Re: السودانيات في أمريكا وفن العواسة بالقرقريبة البانسونك Author: محمد المرتضى حامد Date: 03-10-2011, 08:08 PM Parent: #31
Quote: في رمضان الفات كان عندو قرقريبة كريدت كارد .
وعواسة الرُقاق بال SIM CARD
Post: #33 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-10-2011, 11:53 PM Parent: #32
والله ياود حامد دقيق كسرتنا الليلة اصبح فوق مشهور ومعروف . حتي عند ناس NATALIE PORTMAN الزولة النباتية . والبتتكلم عن تقليتنا وبربورنا وكرارتنا .
Post: #34 Title: Re: السودانيات في أمريكا وفن العواسة بالقرقريبة البانسونك Author: Mamoun Ahmed Date: 03-11-2011, 02:12 AM Parent: #33
كعك المنين الامريكي!!
اها ياناس امريكا قصتو عجيبة
قبل اعوام جات الحج مجموعة حبوبات امريكا وبعد انتهاء عمليات الحج استضفنا في بيتنا في جده حاجة (صديقة من رهطنا) وكنا سعيدين بيها جدا شلوخ متامركة وحجا سمح لاولادنا وباب شريف زاتو المهم الحاجة عندها من بواقي زوادة الحج نوع عجيب مربع من الكعك.. تاكل منو تقول تاني ادوني ومشبع جدا اها بقيت كل يوم اشيلو معاي المكتب كفطور مع الشاي يوم زميلتنا سعوديه سالتني: ايش هادا؟ اديتا جربتو وعجبا ليك شديد قلت ليها دا اسمو (Minain) كعك امريكي واشتريتو من وين ؟ قلت ليها لا،، دا جابو لينا مخصوص من امريكا قالت خلاص بكره جيب لي صندوقه ممكن اطلبو لانو خفيف وسكرو شويه وبشبع رجعت البيت سالت الحاجة تديني صندوقه ضحكت لمن شلوخها اتفرقو (ياولدي دا المنين زواده بنسويها من زمن السفر باللواري والقطر ما بتعرفو؟ تم الشرح.. وانا لا اعرفه لاني من مدينة لايمر بها القطار وسفرنا قليل وقصير واعجبت لهذا الكعك الزوادة الذي عبر المحيطات اللجاج ثم يعود حافيا حالقا حتى اعرفه أنا! والتحية والسلام للحاجة ستنا بت عوض والدة مجدي قرشي ومحمد واخوانهم من حلة لوس انجلوس على الدرس البيليغ
Post: #35 Title: Re: السودانيات في أمريكا وفن العواسة بالقرقريبة البانسونك Author: محمد المرتضى حامد Date: 03-11-2011, 04:06 AM Parent: #34
Quote: في أمريكا عينك عينك الحبش سرقوا بضاعتنا . الغناء والموسيقي والكسره والتقلية والفول .
الحمدلله الوقفت على كدا يا عثمان.
Post: #36 Title: Re: السودانيات في أمريكا وفن العواسة بالقرقريبة البانسونك Author: رشا سالم Date: 03-11-2011, 12:29 PM Parent: #35
انت عارف يا عثمان يا اخوي..انا سيرة الكسرة دي بتعجبني شديد
طوالي بتوديني لخالتي زينب الله يديها الصحة والعافية..زولة قيافة وتحب الوجاهات
وتعشق الدهب والتياب السمحة وطوالي محننة وعلى سنجة عشرة والكحل ما بفارق عيونها
مرا perfect في المطبخ وتحب تسوي اي حاجة بطريقة مجيهة ومنظمة حتى غسيل العدة
الزمان بتاع الطشت يشهيك في العدة الو سخانة! الكبابي قدام في الطشت ومرصوصات
حسب الطول والشكل وتلقا العدة المغسلة ومكفية في الشبك تلمع في ضو الشمس
لما تجهرك..واكتر حاجة فنانة فيها وعندها ليها طقوس هي العواسة
وهي بتعوس الكسرة للغدا والفطير للروب بعد العشاء(تحلية يومية لا مناص منها)
نفس الشكل فيها الطايوق والمساحة بتاعتو ..وعجينها في الجردل وصينيتها مغطية
بالطبق بالجمبة التانية ولازم اخر تلاتة طرقات تختهن في الكورية بتاعت الطلس
وتعجنهم بايدها مع شوية سكر وموية دا لزوم الموصة بعد الفطور..وباقي العجين
لها فيه مآرب تجميلية اخرى..
غايتو ما جبدتني غير بحب الدهب ههههههههههههه
Post: #37 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-11-2011, 02:53 PM Parent: #34
والله ياود أحمد غايتو عماتك عجيبات . الحاجات اللوس انجلابيات ديل مدهشات . انا ماعارف سبب للكمبيوتر واكل ال PIZZA علي جبل عرفات ده كيف . بعدين انا خايف من رمي الجمرات بالنبلة . سوق باب شريف بتاع شنو يازول ؟ الحاجات ديل يا ود احمد ممنوع يروحن هناك . القصة DIFFERENT يا أخوي .
Post: #38 Title: Re: السودانيات في أمريكا وفن العواسة بالقرقريبة البانسونك Author: محمد المرتضى حامد Date: 03-11-2011, 03:24 PM Parent: #37
Quote: غايتو ما جبدتني غير بحب الدهب ههههههههههههه
عسى أن يكون قليلا جدا، يعني مجرد تسجيل موقف، قال لي صديق إن وزن ما ترتديه امرأة من ذهب يتناسب عكسيا مع مافي رأسها، صديقي دا متطرف، مش كده يا رشا؟ على أية حال بعض سودانيات أمريكا تجاوزن مرحلة الدهب ، واحده قالت لزوجها يمين تاني دهب ما بلبسوا ، دايره غوايش يورانيوم، أو بلوتونيوم مخصب، كي أصبح أكثر إشعاعا، وإشراقا، وتزداد وسامتي، فوافق على الفور ( وهو يحكي البرق مبتسما) قائلا:
تستاهلي.
Post: #39 Title: Re: السودانيات في أمريكا وفن العواسة بالقرقريبة البانسونك Author: رشا سالم Date: 03-11-2011, 08:10 PM Parent: #38
Quote: قال لي صديق إن وزن ما ترتديه امرأة من ذهب يتناسب عكسيا مع مافي رأسها، صديقي دا متطرف، مش كده يا رشا؟
سلامات يا محمد المرتضى..صاحبك دا مسخن بيهو الفلس ساي قام علينا
في صمة خشمنا وريدتنا للدهب..خالتي دا تريد الدهب زي اتنين عيونا
وراسها ملان يوزن بلد..مرة كانت عاملة عملية ويادوب طلعوها من العمليات
لسه ما فاقت كويس من التخدير ..اول حاجة قالت لبتها:لبسيني غويشاتي
ومسح لي كرعيني ديل مغبشات..نحنا كلنا اتفقعنا بالضحك
اما فيما يخص:
Quote: عسى أن يكون قليلا جدا، يعني مجرد تسجيل موقف،
فما بوعدك هههههههههههههه على حسب الظروف..لو ماشه ازور دناقلة
Post: #40 Title: Re: السودانيات في أمريكا وفن العواسة بالقرقريبة البانسونك Author: أسامة البلال Date: 03-11-2011, 08:41 PM Parent: #38
سلام عثمان موسي عريبي ال NY
بوست دسم دسامة كسرة الدبر بي ملاح كرارة بالسمن البلدي
يحتاج لعودة بي مهلة ورواقة لمداخلة أوسع .....
علا من وين إنت في الأهل يا اللخو؟ لأنو (ملاح الكرارة) الإسم دا ماركة مسجلة لمنطقة معينة ومتأكد إنو 99.9% من الناس المرت من هنا ما سمعوا بي الإسم دا
Post: #43 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-11-2011, 10:19 PM Parent: #40
عارف يا أسامة انا من منطقة . كتير من البترول الطلع فيها وحسب كلام مهندسيين البترول الصينيين . طلع ملاح كرارة . الكرارة عندنا قديمة . ماركة مسجلة ومشهورة اكتر من منطلون ال ROCA WEAR .. أنشاءالله يا أسامة سنة 2012 حيجينا ابروفد لتعليب وتصدير الكرارة ماركة ( كاك كر ) يعني ماركة كاك كر حتدفق في اسواق مانهاتن . وتاني خلي يجي يهودي ولا كوري يفتح ضنبو . نحنا عندنا سلع مش لعب . الكرارة دي لو تاكل منها 30 يوم مع بعض تموت طوالي .هههههههههها . دي ابوالكلسترول زاتو . بس جميلة .
Post: #41 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-11-2011, 09:33 PM Parent: #32
ياود حامد في زولة من الحاجات ال MODERN قالت كان مفروض تفرش زريعة الحلو مر في البلكونة بس الليلة الجو Sunny and brezy . الدنيا يا ود حامد صارت كيف كيف . ما تعرف . الهجرة شنتلتنا . يا ود حامد في شافع قال لعمتو . الملاح البيج ده حلو . عمتو قالت لو . الملاح ده اسمو نعيمية ( كرارة ) قام الشافع قال WHATEVER . برضو حلو
Post: #42 Title: Re: السودانيات في أمريكا وفن العواسة بالقرقريبة البانسونك Author: رشا سالم Date: 03-11-2011, 09:47 PM Parent: #41
تعرف يا عثمان..انا قبيل قلت ليك البوست دا جدير بالمتابعة لاني
كنت عايزة اعرف اكتر عن الكلام دا
Quote: من الحاجات ال MODERN قالت كان مفروض تفرش زريعة الحلو مر في البلكونة بس الليلة الجو Sunny and brezy
الخلطة العجيبة بين تقاليدنا وتفاصيلنا الكتيرة وبين بلاد المهجر
البعيدة كل البعد عننا..كيف قدرتو تطلعو بتركيبة ما تفصلكم من الجو العام
وفي نفس الوكت ما تنسيكم البلد..؟ السؤال دا محيرني وبيهمني شديد
اعرف ردك ورد كتيرين في اميركا وغيرها..
Post: #44 Title: Re: السودانيات في أمريكا وفن العواسة بالقرقريبة البانسونك Author: Mamoun Ahmed Date: 03-11-2011, 11:22 PM Parent: #42
,, ( وأكل كسيرة في عقر داري،،، أحب الي من أكل الرغيف)
لكن أكل الكسرة دي في ديار الآخرين لقن ليها الحل اها ياود عثمان الكسرة تتأقلم مع (غالب طعام أهل البلد) كسرة جدة تصنع من مسحون الرز مع قليل من دقيق الذره ما الرز متوفر وارخص من الذره وكمان عصيدة الزبادي والكورن فلور شغل الحنكوشات المابسرن الحبوبات والنسيبات! ولاحظت ان العصيدة تزداد كل يوم وهنا! ههههههههههه
لكن اولادكم ياناس امريكا جهجهونا بي ملاح ال(green) عملنا ليهم السلج قالو دا ماياهو (دسز سو سليمي!) B]n]
Post: #45 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-11-2011, 11:58 PM Parent: #44
غايتو يا د / رشا خالتك زينب دي لو جات بلدنا دي . دهب لا لا . كحل ممكن . ما تخلي الواحد يشيل هم . الحرامي هنا سريع . حرامي ضارب البطاطس المحسنة وجنو وجن الدهب . يعني يشم الدهب من مسافة 6 ميل . ممكن تجيب 9000 سعفة عواسة في 2 دولار تطلع بي 18000 دولار مش بطالين .
Post: #46 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-12-2011, 02:55 AM Parent: #45
والله يا ود أحمد زولك بتاع الملاح السو سليمي ضحكني ضحك شديد . شافع برضو امو عملت عصيدة بملاح لوبيا . الشافع زهج وطنطن وقال : عصيدة TASTE باد . .. بس يا ود أحمد والله الاكل عندكم في السعودية جد جميل . وبرضو في أشياء سمحة زي الفول بالتميس ولبن المراعي والتمور السعودية وكدي .
Post: #47 Title: Re: السودانيات في أمريكا وفن العواسة بالقرقريبة البانسونك Author: Mamoun Ahmed Date: 03-12-2011, 06:25 AM Parent: #46
عان دا !!! عارف السودانيين بيقولو عن جدة شنو؟ (جدة أجمل مدينة في السودان)
ملامج كتيرة من سودان زمان السمح. الحفلات حدها الفجر الزيارات العائلية بعد حداشر، التوب في كامل حضوره في المناسبات ناس الكشتينة ، ناس الكورة، الدراويش غايتو ما باقي ليهم الا الليدو ..هههههه
ياعمك مره مرة جارنا الله اداها الحمل بعد سنين وهاك ياوحم.. شي عرديب شي اقاشي والحي كلو متضامن معاها ههههههههه اها يوم طلبت ( مرس)! عليم الله البسال مابتوه .. وصفو لينا ومشينا وفد حاجة سودانية في بيت شعبي مجيه و( المرس المعبا في علب بلاستيكية انيقة)
اختفت (التملة) وبدلوها بي الكلينكس، والصاج بقي (تيفال) . ودخان حطب الصاج المسيل للشهية قهروه بالغاز اما الطايوق فقد تم اقصاءه الى مزبلة التاريخ زاتو
اها ناس جدة ديل قالوا تحسرا : (الخرطوم اجمل مدينة في افريقيا الوسطى)
Post: #48 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-12-2011, 04:19 PM Parent: #47
ياخ بس كسرة الرز مع شويتين الدقيق انا لا احبها . الطعم ماعارف كيف . يمكن علشان شكلها زي شاش المستشفي . عندكم في السعودية دقيق محترم خلاف قصة الرز المطحون ده . ياخ كسرة الرز المطحون دي بتخلي بطن الواحد تكركر زي الضرب الشغال في ليبيا اليومين ديل . والله يا ود أحمد مشتاق جدا لسوق باب شريف بعد عمرة كاربة . اوعدنا يا رب .
Post: #49 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-12-2011, 08:15 PM Parent: #1
في محل السوري في اتلانتك افينيو تستمع الي حكايات وكلمات لا تجدها حتي في المورد بتاع منير البعلبكي . يعني شوف زي ال WHITE SAUCE . انا اصلو ما كنت عارف في نوع من الصلصة البيضاء . وأول يوم اعرف في صلصة بيضاء . وهي خليط من الطحين والحليب والزبدة والخل . والصلصة عشرين لون . يعني ممكن تعمل ملاح السبروق بنفسجي . والكرارة خاتف لونين . والجرجير احمر . وحتي في محاولات لتلوين التمباك وجعل التمباك بنفسجي في عهد حكومتنا الرشيدة .
Post: #50 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-12-2011, 10:35 PM Parent: #49
والبجنن ظهور عواسة البخاخة . يعني تبخ العجين علي الصاج وسريع بالسعفة . بخ العجين بالبخاخة احسن من الكب بالفنجان واجمل . والطرقة ترحمنك . بس في أزمة بتاعت صاجات في أمريكا . يعني نحنا عندنا صاج في السودان عجيب . صاج كبير وموزع لمربعات 6 و4 و8 وكانت الوالدة عليها الرحمة . ممكن تعوس في كل المربعات 90 دقيقة . صاج صاج . وفي ركن الصاج البعيد ممكن تكون في هناك قراصة 7 بوصة .
Post: #51 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-13-2011, 04:06 PM Parent: #50
والكلام يطول عن العصيدة الحلال . قالوا العصيدة دي Natural وبتدي الجسم فتمينات . وقالوا لو تضرب العصيدة دي DAILY بتطلع ليك كضووم ولمعان في الجلحات . العصيدة صناعة صينية ماركة ( قدو 400 )
Post: #52 Title: Re: السودانيات في أمريكا وفن العواسة بالقرقريبة البانسونك Author: Mamoun Ahmed Date: 03-15-2011, 09:56 AM Parent: #51
دا بعد الكسرة المظبوطة
Post: #55 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-15-2011, 04:40 PM Parent: #52
والله يا ود أحمد اللوحة مجنونة جن . شايف العروس دي كيف . غايتو حظ الكديسة هههههههها . وشوف سعادة العريس المحدر الطاقية ويسمع في الاخبار وجمبو العكاز . في اللحظة دي الزول ده ولا خايف من حلف شمال الاطلسي زاتو . ياخ لوحة فيها كل تفاصيل الحياة . شايف المطبخ ( التكل ) ؟ وشايف العنبة الرامية فوق بيتنا ؟ والمركوب ؟ الناس ديل يكون عندهم كرارة تقطع نفس خيل الهامبيرقر .
Post: #53 Title: Re: السودانيات في أمريكا وفن العواسة بالقرقريبة البانسونك Author: Ammir Mohamed Date: 03-15-2011, 12:55 PM Parent: #1
سلام يا عثمان
والله ده ألذ بوست في 2011 .. خليت ريالتنا تسيل
Quote: في اتلانتك أفينيو
والله ده بذكرني الجخانين بتاعت المنطقة الصناعة في السودان
تحياتي وبرجع ليك يمكن نطلع لينا بي طرقة الليلة
أمير
Post: #54 Title: Re: السودانيات في أمريكا وفن العواسة بالقرقريبة البانسونك Author: الطيب مصطفى Date: 03-15-2011, 01:28 PM Parent: #53
يا اخ عثمان عندي أختي في فلاديلفيا كل ما أكلمها تقول لي ماشا أعوس الكسرة أتاريها مستفيدة من الـ facilities العندكم دي وكده بعدين اللوحة الجميلة دي الرسمها منو بالله والله قمة في الفن
Post: #63 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-15-2011, 08:07 PM Parent: #54
يا الطيب ياخ أختك دي بتكون خبرة في معرفة محلات ال Halal Meat . فلادلفيا فيها لحم عجلالي عجيب . وممكن تمشي تضبح في المزرعة .
Post: #58 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-15-2011, 06:55 PM Parent: #53
يا Ammir ياخ نحنا ريالتنا بتسيل من لحظة نشم الدقيق زاتو . ياخ جارتنا Carrie Underwood بعد ما لبعت الكرارة قالت I really Love الكسرة . والله لو في زول حريف يفكر في تعليب ملاح الكرارة ده كان يكون دخل السودان من الكرارة اكتر من دخل ولاية فرجينيا من المارلبورو . ياخ الخواجية اتعلمت كلمات زي ( طرقة ) و ( شطة )
Post: #56 Title: Re: السودانيات في أمريكا وفن العواسة بالقرقريبة البانسونك Author: معتصم الجعيلي Date: 03-15-2011, 05:34 PM Parent: #1
بوست جميل اسمحو لي بالمشاركة بهذا العمل شوفو محجوب شريف وشمت محمد نور قالو شنو في القرقريبة وارجو زول يجيب الفيديو هنا بدون اللنك
Post: #57 Title: Re: السودانيات في أمريكا وفن العواسة بالقرقريبة البانسونك Author: Mamoun Ahmed Date: 03-15-2011, 06:29 PM Parent: #56
اللوحة الاولى 0العواسه) لفنان بورتسودان الكبير ابوالحسن مدني شقيق الصحفي الاستاذ نور الدين مدني وهو من اكثر الموثقين للحياة اليوميه لشعبنا واظن الثانيه كذلك ، فهذا اسلوبه ، لكني لم اجد توقيعه
اها يا استاذنا معتصم الجعيلي مادام جيت هنا عندك موضوع قوي وواضح حاجات الثقافة السودانية البنشوفها عاديه دي هي العايزا التوثيق وممكن من موضوع العواسة والكسره تعمل برنامج او فيلم يهز ويرز (طبعا لديك خام ضخم تبنيهو علي الدراسات والمقابلات والتأريخ والتنوع.. الخ وانت سيد العارفين9 مايعيب كثير من برامجنا التلفزيونية السذاجة في الاعداد وجمع خام ومادة البرنامج
ابو الحسن مدني زاتو موضوع ما ساهل يا معتصم!
Post: #59 Title: Re: السودانيات في أمريكا وفن العواسة بالقرقريبة البانسونك Author: Salwa Seyam Date: 03-15-2011, 07:10 PM Parent: #57
شكرا استاذ معتصم واستاذ عثمان
Post: #60 Title: Re: السودانيات في أمريكا وفن العواسة بالقرقريبة البانسونك Author: Amani Al Ajab Date: 03-15-2011, 07:12 PM Parent: #57
بوست جميل وحنين قلب علينا المواجع .. شكراً الأخ عثمان موسى و لك التحية والتقدير .. عدل للتكرار
Post: #61 Title: Re: السودانيات في أمريكا وفن العواسة بالقرقريبة البانسونك Author: معتصم الجعيلي Date: 03-15-2011, 07:13 PM Parent: #57
تحياتي محمود ماشدني لهذا البوست هو موضوعه الهام في تقديري بالاضافة للمسة خفة الدم عند المتداخلين وذكاء التعليقات انا مهتم جدا بهذا التراث واقتراحك جميل وساتصل بالستاذ نور الدين للسوال عن ابو الحسن مدني والذي اتابع رسوماته منذ زمن طويل وامل بعد عودة هارموني في صراعها الازلي في البقاء ان استطيع التوثيق لهذا الفنان والتركيز علي مثل هذه المواضيع الجميلة
Post: #62 Title: Re: السودانيات في أمريكا وفن العواسة بالقرقريبة البانسونك Author: خلف الله عبود Date: 03-15-2011, 07:45 PM Parent: #61
شكرا عثمان موسى على البوست الجميل ... وشكرا كوستاوي الخطير على اللوحة البديعة وصورة العواسة وسلامات أستاذ مرتضى
Post: #64 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-15-2011, 08:24 PM Parent: #56
والله متكيف جدا لدخول معتصم الجعيلي والمشاركة الحديث علي برتال الكسرة التي اصبحت عالمية . والله الكسرة دخلت في الدليل التجاري الأمريكي زاتو . والكرارة والحلو مر في رمضان الفات في نص البيت الابيض . ياخ لابد من عودة هارموني . دي Channel دمها خفيف . والف شكر علي دعم التقلية
Post: #65 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-15-2011, 08:37 PM Parent: #64
يا سلوي قالوا بعد عودتك من السودان جبتي معاك مفراك جديد . مفراك شطفات . من المحمية Corporation . طبعن مفاريك المحمية من احسن المفاريك في الدنيا . يعني مفراك المحمية ممكن يفرك البحر الاحمر زاتو . وألف شكر علي نوع الغناء السمح المرتب .
Post: #66 Title: Re: السودانيات في أمريكا وفن العواسة بالقرقريبة البانسونك Author: Mamoun Ahmed Date: 03-15-2011, 09:06 PM Parent: #65
والله ياود عثمان خايف اكون اثقلت على البوست لكن انت بالجد هبشت شيتا ماساهل وخلي يبقي توثيق عديل للكسرة دي!
الصاج الصاج والصاج العارفنو الاصلي كان بيقص من صاج الحديد المعالج كسبيكة (اي غير الزهر).. حاليا هناك انواع مختلفة تماشت مع انوع الوقود الحديث اها حاليا انتشر صاج الالمونيوم المطلي بطبقة التيفال ويمكن استخدامه على البوتجاز 0اها دا حبوباتك جننا بيهو .. ومصدره جدة سوق العده وسعر جملتو 45 ريال س للحبة!
Post: #67 Title: Re: السودانيات في أمريكا وفن العواسة بالقرقريبة البانسونك Author: Mamoun Ahmed Date: 03-15-2011, 09:26 PM Parent: #66
الكويس ياناس امريكا ماعندكم طريقة لشراء الكسرة لكن سمع انو في دنفر في! اها شوف الطبيب رضوان هجو في منتديات ديم المشايخة قال شنو:
تم تشخيص حالة في اثناء عملي بمستشفى الخرطوم وهي حالة درن رئوي (سل) عافانا الله واياكم والغريب في الامر ان الحالة كانت لفتاة من الطبقات الراقية وتقيم بالعمارات وكما تعلمون ان مرض السل يصيب الاشخاص الذين ينتمون للمجموعات الاقتصادية الضعيفة اي الفقراء لانه ياتي نتيجة لسوء التغذية بالاضافة للوضع البيئي السيءداخل الاسرةاي ان المرض من امراض الفقراء وبالتالي كانت الحالة غريبة جدا مما ادى الى اهتمام الاطباء بعمل البحث عن مصدر العدوى واتضح بعد ذلك ان الاصابة اتت من بائعة الكسرة المصابة بالدرن حيث انها عند فتح الكيس لتبيعك الكسرة تقوم بنفخه وتضع الكسرة وافتكر المعنى واضح فاحذرررررررررروا الكسرة الجاهزة وارجعوا للعواسة او خلوا اكل الكسرة
حمانا وحماكم الله بالكسره النضفة
فيما ذكر آخر: كان في السابق عواسة الكسرة من أول الاختبارت والمعاينات للبنت قبل الخطوبة
Post: #68 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-15-2011, 09:30 PM Parent: #66
يا بنت العجب زولة فرجينيا بيتش بلد ال Ketchup الحلو . كيفك ؟ اسمعي . بعد ما كلام الدقيق جاب الكلام . سألت اليهودي عن الكركدي المهرب من السودان الي الغرب . وعن الكووضيم . وكيف الناس ديل عرفوا السلع اللتنا دي . اليهودي ضحك وقال : هنا في Information عن Market الدنيا كلها . القصة قروش والناس شغالة عشان الدراهم . تديني دراهم اجيب ليك الدقيق والكووضيم في أي مضرب .
Post: #69 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-15-2011, 10:17 PM Parent: #68
يا خلف الله ياخ ألف شكر علي المرور علي تكل الكسرة العالمي . هادا التكل يا خلف الله نحاول نخليك تجد فيه كل شيء . EVERYTHING قرقريبة . كنش . مفراك . مسحة . سعفة . خماره . كمون . شيح . تيلبون . والله يا خلف الله العيش ريف اجتاح العالم . الليلة العيش ريف مصدر للقوة في أمريكا شمال وجنوب . رأس الهندي فوق . مال احمر .
Post: #70 Title: Re: السودانيات في أمريكا وفن العواسة بالقرقريبة البانسونك Author: محمد المرتضى حامد Date: 03-15-2011, 10:20 PM Parent: #68
Quote: والبجنن ظهور عواسة البخاخة . يعني تبخ العجين علي الصاج وسريع بالسعفة . بخ العجين بالبخاخة احسن من الكب بالفنجان واجمل .
دا الطابق البوخه .. قام طايوقو يهتِّف .. نام باللخوخه .. وفي صاج التُكُل قرقريبتو مجلوخه..
Post: #71 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-16-2011, 00:21 AM Parent: #70
ياود أحمد عليك الله باكر دي تدقش لينا سوق باب شريف . عايزين 1000 حبة من الصاج العجيب ده .وتحاول تتهاود في السعر . بس الصاج ده مالو شكلو زي طبق كاشف الذهب X450 . يجوز يشتغل كاشف وصاج . كل شيء ممكن .
Post: #72 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-16-2011, 00:34 AM Parent: #71
قرقريبتو مجلوخة ؟ والله يا ود حامد بتبالغ . يوم يا ود حامد اشترينا كسرة حبش . مكتوب علي الكيس Made in USA . صاحبي قال : الحبشية دي الكسرة لو باتت بتعمل ليها RECYCLING وتاني ترجع . ونحنا ناكل ما جايبين خبر .
( ياخ ارفع التلفون ) وكيف حال الوليدات . تحياتي
Post: #73 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-16-2011, 01:14 AM Parent: #72
عواسة البخاخة من اهم الاكتشافات الجديدة في سنة 2010 . سريعة وممكن تنجح في حالات تجارة الجملة للكسرة . ال WHOLESALE . يعني ممكن الواحد يفتح محل بتاع فيتريتا WHOLESALE PRODUCTS . وتجيب ليك 50 عربية . وهاك يا دليفري . القصة في أمريكا كلها دعاية . والكرارة لا تحتاج لدعاية يكفي حديث Kristen عن الكرارة . ويكفي انتشار دقيق رأس الهندي .
Post: #74 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-16-2011, 07:35 AM Parent: #73
Natalie جارتنا الطيبة ادمنت الكسرة . وقالت بتحب الجلوس حول قدح الكسرة بالنعيمية . الزولة دي ارسلت خطابات و صور الكسرة لامها في اكلاهوما . امها قالت في رد الخطاب : السودانيين ديل يا بنتي جميلين من الداخل ومتسامحين .
Post: #75 Title: Re: السودانيات في أمريكا وفن العواسة بالقرقريبة البانسونك Author: الصادق صديق سلمان Date: 03-16-2011, 09:15 AM Parent: #74
اخي عثمان موسى
بوست حلو وجميل وخفيف الظل كنتو لا بدين بيهو بي جاي براكم ياخ
في السعودية النسوان برضو ما بيحبوا يعوسوا الكسرة رغم وجود الصاجات الظريفة بتاعت الكهرباء والغاز بنتي البكر اتولدت في قرية صغيرة جداً في وسط السودان وجائتني في السعودية وعمرها 7 شهور وهي ماشاء الله الآن في السنة الاولى ابتدائي, تعرف يا عثمان وشباب البوست بنتي دي ما بتاكل كويس ولمن اشوفه ليها يومين مثلاً ما اكلت امشي اجيب ليها هرفي ولا ماكدونالدز وكنتاكي لكن والله ما بتدخل واحد منهن في خشمها, اقوم اجيب ليها الكسرة من النسوان او المطاعم السودانية وتقوم تقول ليك هاك يا ضرب والله بتاكل بشراهة شديدة الكسرة دي بالذات وملاح الويكاب مع اللقمة وجميع الاكلات البلدية
الآن ماشاء الله اشترينا الصاج حق العواسة وهاك يا عواسة من ام العيال الله يديها العافية ويخليها لينا
نحن عاداتنا دي لو خليناها نحن انتهينا خلاص وهويتنا انتهت وماتت
الصادق
Post: #76 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-16-2011, 04:15 PM Parent: #75
يا الصادق ياخ وجود الصاج في البيت مهم جدا . انا عندي الصاج اهم من ال Green Card . ياخ العادات دي بتخليك تشعر بوجود السودان فيك . معاك . في كيانك
Post: #77 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-16-2011, 06:50 PM Parent: #76
السودانيات في أمريكا تحرفنن اكتر بعد الأزمة الأقتصادية الأمريكية . فكان اختراع العدس بال KETCHUP مع القدحة + الطاعمية للفطور . والرشوشة + سلطة الطماطم للعشاء . كان لابد من التركيز علي العدس والقرقوش لتوفير مبلغ ال 300 دولار مصارف السودان الحبيب . والتحية للسودانيات الكريمات الكادحات ما بين دكاكين اليهود والهنود وقطارات البرونس وبروكلن . لتوفير مصروف ال 300 دولار للسودان .
Post: #78 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-17-2011, 02:09 AM Parent: #1
الويكة الحلال . صناعة صينية جديدة . منتوجات الشركة توزع في أمريكا وكندا والخليج .
Post: #79 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-18-2011, 00:22 AM Parent: #1
000
Post: #80 Title: Re: السودانيات في أمريكا وفن العواسة بالقرقريبة البانسونك Author: Mamoun Ahmed Date: 03-18-2011, 01:29 AM Parent: #79
من اعمال الفنان ابو الحسن مدني لابد ان القوم مجتمعون على عصيدة وكسرة يا ود موسى السؤال: هل نيويورك حصل فيها كدي؟
Post: #81 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-19-2011, 00:05 AM Parent: #80
والله يا ود أحمد الزول ده فنان عالمي . حاول جيب لوحاتو كلها . شوف السعادة دي كيف . وشوف قدح العصيدة العجيب . تحياتي
Post: #82 Title: Re: السودانيات في أمريكا وفن العواسة بالقرقريبة البانسونك Author: Mamoun Ahmed Date: 03-19-2011, 00:40 AM Parent: #81
Post: #83 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-19-2011, 03:06 PM Parent: #82
متابعك ياود أحمد عليك الله حاول جيب اللوحة حقت أبوالحسن بتاعت سوق الكسرة ( أو الكساريات ) عندو برضو لوحة بايع البطيخ شفتها زمان في مطعم . لوحات جميلة من شرقنا الحبيب . متابعك . بلدنا جميلة ياخ
Post: #84 Title: Re: السودانيات في أمريكا وفن العواسة بالقرقريبة البانسونك Author: Osman Musa Date: 03-20-2011, 00:40 AM Parent: #1
حبوبتي كانت بتعمل كسرة اللوبيا المطحون مع الترمس والمخلوط بالفيتريتا والدخن . قالت دي الكسرة البتجبر الكسر .
