Post: #1 Title: المريخ يفاوض محمد نور رسمياً لضمه الموسم القادم ... Author: امير عوض الجمري Date: 03-08-2011, 07:33 PM
اكّد عادل ابو جريشة القيادي الكبير في نادي المريخ السوداني فتح خط مباشر للمفاوضات الرسمية مع اللاعب الدولي السعودي محمد نور كابتن فريق الاتحادبغرض الانضمام لصفوف نادي المريخ الموسم المقبل . مصادر مقرّبة من داخل نادي المريخ اكدت ان النادي عرض صفقة ضخمة ومغرية ولن تكون متوقعة لضم اللاعب المميز ولكنهم لم يفصحوا عن مقدارها ، غير انهم اكدوا على ان الخط الساخنً الذي فتحوه مع اللاعب الدولي ما زال مفتوحا وانه وعدهم بالرد في اقرب فرصة . كما اكدوا ان اللاعب قبل العرض مبدئياً واكد ان الرد عليه سيكون قريباً جداً. تجدر الاشارة ان اللاعب نفسه شارك قبل يومين في تخليد ذكرى لاعب المريخ النيجيري ايداهور ولدى اللاعب علاقة طيبة ومميزة مع رئيس النادي جمال الوالي .
المصدر : خدمة ابواب من شركة الاتصالات السعودية STC
Post: #2 Title: Re: المريخ يفاوض محمد نور رسمياً لضمه الموسم القادم ... Author: ALGARADABI Date: 03-08-2011, 09:09 PM Parent: #1
محمد نور مين؟؟ أخويا؟؟
Post: #3 Title: Re: المريخ يفاوض محمد نور رسمياً لضمه الموسم القادم ... Author: امير عوض الجمري Date: 03-08-2011, 09:59 PM Parent: #2
دا يا عمر .. تحياتي واشواقي
Post: #4 Title: Re: المريخ يفاوض محمد نور رسمياً لضمه الموسم القادم ... Author: عامر تيتاوى Date: 03-08-2011, 11:16 PM Parent: #3
Quote: محمد نور مين؟؟ أخويا؟؟
عمر وامير سلامات واشواق بغض النظر عن محمد نور بتاع نضارات النظر
Post: #5 Title: Re: المريخ يفاوض محمد نور رسمياً لضمه الموسم القادم ... Author: haroon diyab Date: 03-08-2011, 11:21 PM Parent: #4
يا امير ياخوي الناس يادوب
بقولو ياهادي مع صفقة الحضري
عاوز تجيب ليك سكتة لي زول ولا شنو....؟
تكونو بالغتو.....
محترف خليجي في السودان.....؟
غايتو برشلونة يقصر معاكم...؟
يوم بتكتلو ليكم رشاشة ....!!!!
Post: #6 Title: Re: المريخ يفاوض محمد نور رسمياً لضمه الموسم القادم ... Author: بهاء بكري Date: 03-09-2011, 00:36 AM Parent: #5
Quote: يوم بتكتلو ليكم رشاشة ....!!!!
عارف ياهارون ود عمي امير ده انا بشفق عليهو ............. الزول ده اظنو بيقرا جلكسات مزمل .... ويامؤمن يامصدق يحلم ......... غايتو كان عاوزين تنتهو من محمد نور ده سجلو عندكم الحضري بتاع هلال بورتسودان جاب فيهو القون من السوق الشعبي يعني كاريكا غالبا يكون هداف الدوري يوم الجمعة ............
Post: #9 Title: Re: المريخ يفاوض محمد نور رسمياً لضمه الموسم القادم ... Author: امير عوض الجمري Date: 03-09-2011, 07:01 AM Parent: #4
عامر تيتاوي ياخي نحنا حا نكون مشتاق ومشتاق اليه كدا لمتين (حلوة دي مش كدا) يعني الشوفة حا تكون متين يا اخوي !!
Quote: بغض النظر عن محمد نور بتاع نضارات النظر
الله يجازي محنك يا عامر ... بس انتو خليكم غاضين النظر كدا واعملوا نايمين .
Post: #11 Title: Re: المريخ يفاوض محمد نور رسمياً لضمه الموسم القادم ... Author: امير عوض الجمري Date: 03-09-2011, 07:10 AM Parent: #9
Quote: يا امير ياخوي الناس يادوب
بقولو ياهادي مع صفقة الحضري
الجماعة قلناليهم حا نجيب الحضري ضحكوااااااااا زي ضحكة معتصم الجمري دي ولما جبناهو قعدوا يذكرونا بي قون كرنقو ومرة بي مشاكلو ....
Quote: عاوز تجيب ليك سكتة لي زول ولا شنو....؟
نحن ما بنجيب ليهم سكتة يا هارون بس بنعمل ليهم منخوليا ونخليهم يهضربوا ويجقلبوا كدا
Quote: محترف خليجي في السودان.....؟
ممممكن طالما في فكّة اي حاجة تاني ممكنة .
Quote: غايتو برشلونة يقصر معاكم...؟
ما بعيدة على الوالي صديق لابورتا .
Post: #12 Title: Re: المريخ يفاوض محمد نور رسمياً لضمه الموسم القادم ... Author: امير عوض الجمري Date: 03-09-2011, 07:15 AM Parent: #11
ابن العم الغالي بهاء .. تحياتي .
Quote: عارف ياهارون ود عمي امير ده انا بشفق عليهو ............. الزول ده اظنو بيقرا جلكسات مزمل
هههههههها .. وحاتك يا بهاء دا خبر في الصحف السعودية وحا ينزل اليوم في جريدة الرياضية السعودية
Post: #7 Title: Re: المريخ يفاوض محمد نور رسمياً لضمه الموسم القادم ... Author: معتصم الجمري Date: 03-09-2011, 04:40 AM Parent: #1
اكّد عادل ابو جريشة القيادي الكبير في نادي المريخ السوداني فتح خط مباشر للمفاوضات الرسمية مع اللاعب الدولي السعودي محمد نور كابتن فريق الاتحادبغرض الانضمام لصفوف نادي المريخ الموسم المقبل
ههههههههها .. قبل كدا ضحتوا وقلتوا كدا على صفقة الحضري .. وبقى الامر حقيقة وصار الحارس الاول في افريقيا يلعب للزعيم ...
واسي السنة الجاية حا تقولوا نور دا راكوبة ساكت وسوّس ...هههههههها
Post: #15 Title: Re: المريخ يفاوض محمد نور رسمياً لضمه الموسم القادم ... Author: امير عوض الجمري Date: 03-09-2011, 07:23 AM Parent: #13
العزيز إيمو تحياتي
Quote: محمد نور من إتحاد جده إلى المريخ السوداني
مهمة تبدو مستحيلة
لا مستحيل مع الوالي يا غالي ...
محمد نور الموسم الجاي مع الزعيم وامكن يلحق يلعب معانا كاس العالم للاندية في طوكيو .. (امسكوا الخشب بس) .
Post: #16 Title: Re: المريخ يفاوض محمد نور رسمياً لضمه الموسم القادم ... Author: امير عوض الجمري Date: 03-09-2011, 07:41 AM Parent: #15
الحبيب تكعيب عبد الدائم سلامات يا غالي
Quote: حسب متابعتنا للدورى السعودى محمد نور لاعب مزاجى والسودانيين اخلاقهم فى نخرتم
بس دايما مزجو عالي يا ديمة وان شاء الله في السودان يلقى كل تقدير وترحيب .
Quote: شوف هو مبعد من الللعب فى المنتخب من متين ؟
وطبعا الاسباب لا تخفى عليك يا عبد الدائم وما اظن المواجية هي السبب باي حال .. ولا يختلف اتنين على انه افضل لاعب في السعودية ومن افضلهم في اسيا والوطن العربي .
Quote: نقدر له مشاركتة فريق المريخ
نعم نعم نقدر له ذلك كثيرا ونقول ليهو شكرا كتير وان شاء الله يكمل جميلو وينضم لبرشلونة العرب .
Post: #17 Title: Re: المريخ يفاوض محمد نور رسمياً لضمه الموسم القادم ... Author: عبد الدائم سيد أحمد Date: 03-09-2011, 07:56 AM Parent: #16
يا امير خوفى تنطبق عليهو النكتة دى
قالو فهد المفرج وعمر الغامدى قاعدين يرثو حالهم شوف بالله يا عمر انا فى الاتفاق وانت فى الشباب دخل عليهم احمد الدوخى قال ليهم وانا اقول ايه انا انا انا فى النصر وقعد يبكى
Post: #18 Title: Re: المريخ يفاوض محمد نور رسمياً لضمه الموسم القادم ... Author: طلحة عبدالله Date: 03-09-2011, 08:11 AM Parent: #17
Quote: عادل ابو جريشة القيادي الكبير في نادي المريخ السوداني
وعندك واحد كااااااك وصلحو للزول الكتب الكلام الفوق دا.. أبو جريشة قيادى كبير بالمريخ ...؟؟؟؟؟؟؟؟؟؟؟؟؟ (وش منفقع من الضحك)
Post: #19 Title: Re: المريخ يفاوض محمد نور رسمياً لضمه الموسم القادم ... Author: امير عوض الجمري Date: 03-09-2011, 08:41 AM Parent: #18
Quote: وعندك واحد كااااااك وصلحو للزول الكتب الكلام الفوق دا.. أبو جريشة قيادى كبير بالمريخ ...؟؟؟؟؟؟؟؟؟؟؟؟؟ (وش منفقع من الضحك)
الزول الكتب الكلام دا اعلامي رياضي .. وخدمة ابواب من الاتصالات السعودية تنقل الاخبار مباشرة وطازجة قبل نزولها اليوم التاني على الصحف السعودية وطبعا الخبر بيجي على رسالة ممهورة بالصور .. ومن اهم الاخبار الوردت لي عبر هذه الخدمة هو خبر اقالة او استقالة الامير سلطان من منصب رئيس الاتحاد السعودي لكرة القدم قبل نزوله بيوم في الصحف وقبل اذاعته على التلفزيون بساعات.
وقصة كبر قيادة ابو جريشة امكن بنوها على ان هو الكام ممثل للطرف المريخي في مفاوضات انتقال عصام الحضري للمريخ .
تحياتي طلحة ... ونتمنى كااااااااااااااك طويييييلة يوم الجمعة.
Post: #20 Title: Re: المريخ يفاوض محمد نور رسمياً لضمه الموسم القادم ... Author: امير عوض الجمري Date: 03-09-2011, 08:49 AM Parent: #17
Quote: يا امير خوفى تنطبق عليهو النكتة دى
قالو فهد المفرج وعمر الغامدى قاعدين يرثو حالهم شوف بالله يا عمر انا فى الاتفاق وانت فى الشباب دخل عليهم احمد الدوخى قال ليهم وانا اقول ايه انا انا انا فى النصر وقعد يبكى
لا طبعا ، بس كلام احمد الدوخي حا يزيد ويقول : شوفو محمد نور يااا بختو بيلعب في الزعيم السوداني
Post: #21 Title: Re: المريخ يفاوض محمد نور رسمياً لضمه الموسم القادم ... Author: علاء الدين حيموره Date: 03-09-2011, 09:27 AM Parent: #20
حقو يفاوض ( معتمد) عماد خوجلي
حكايتكم بقت غريبة مع العواجيز
Post: #22 Title: Re: المريخ يفاوض محمد نور رسمياً لضمه الموسم القادم ... Author: امير عوض الجمري Date: 03-09-2011, 06:12 PM Parent: #21
علاء حيمورة سلامات
Quote: حكايتكم بقت غريبة مع العواجيز
خلاص بديتو في التبخيس ! دا براهو مؤشر سمح لاني عارف حاستك قويييية وطالما بقيت تبخس معناتو الموضوع ماشي تمام.