أجر يوم واحد "عشان الحاجات تبقي كويسه " (نداء)....!!!

بسم الله الرحمن الرخيم
هذا نداء للسوداني الاصيل حيثما كان.... هذا نداء من القلب الى القلب ومن العقل الي العقل هذا نداء "عشان الحاجات تبقي كويسه ".
- الي الاب الذي ينفطر قلبه والرزق يضيق في كل صباح جديد , الي الاب الذي يحترق بالعجز والحرمان له وقد "تأكد أن الحاجات بقت ما كويسه".
- الي الأم التي تعاني من أجل توفير اللأساسيات, الي الام التي تصنع المعجزات لسترة الحال لها وقد أيقنت " بان الحاجات بقت ما كويسه" .
- الى الشاب الذي وجد احلامه سراب بقيع ومستقبله تاخذه رياح سبهللية الدولة مما ساهم في عدم مقدرته على القيام بدوره في إعالة اسرته .
- الي الموظف الذي تتداعي أمام عينيه كل قيم العمل النبيل ,له وهو يشهد المحسوبية تحل محل الكفاءه والرشوه تستبيح الأمانه والتسيب يصبح البديل للإلتزام.
- الي التاجر والجبايات تثقل كاهله الي التاجر الذي يرفع الأسعار مضطراً ومتألماً لأجل زبائنه .
- الي المعلم وهو يقف عاجزاً أمام إنهيار التعليم وأمام البزنس وهو يبتلع كل قيم التربية.
- الى كل عامل احرقت الشمس جلده من أجل توفير حق الفول والطعمية .
- الى الطبيب وهو يختار مضطراً بين مرضاه وسياسة الدولة ... الي الطبيب وهو يقتال مجبراً كل قيم وأخلاقيات مهنته.
- الي المراه والقوانين تحد من حرياتها كل يوم الي المرأه
- الي الطفل ... الجندي ..... عامل اليومية...... الكمساري..... السواق ..... صبي الورنيش.
- الي كل من وجد نفسه مجبراً علي الكفر بكل ما امن به من أجل لقمة العيش.
- الي السوداني الأصيل حيثما كان هذا نداء.
- أجر يوم واحد "عشان الحاجات تبقي كويسه " .
- أجر يوم واحد بس لدعم الإنتفاضه القادمة.... أجر يوم واحد لتضميد الجرجي والمصابين ,الواقفين كحد السيف رغم الآله القمعية أجر يوم واحد لدعم الإنتفاضة القادمة.

الفزعة ورجال ونساء الهوبة والشوبش في الخير والشر والختة البتمدها اليد السودانية بكل حنية وحب لقيم الخير هذه الخصل الجميلة اتي اليوم الوقت الذي يجعل من تسخيرها من اجل صناعة حاجات كويسة لكل الناس وواجب ...فعشان الحاجات تبقي كويسة فلنمد ايادينا بكل تسامي لهذا الوطن الذي هو الان يستغيث
من سياط جلادين قساة ....!!!

ابشر بالخير ياسودان العزة والكرامة

تحياتى

اجر يوم عشان الحاجات تبقي كويسة..!!
اينما كانت احداثيات تكوينك المكانية (بره او جوووه) فلنرسل اجر يوم من اجل واقع وغدا اجمل ومن اجل وطن خالي من الللصوص والقتلة.. ارسل لاقرب شخص يمكن ان يخدم بهذا الاجر قضية التغيير..!!

اجر يوم عشان الحاجات تبقي كويسة..!!

أبشر بالخير ،،جاهزين بكل شئ من اجل الوطن وعشان كمان الحاجات تبقى كويسة.

تسلم

اجر يوم عشان الحاجات تبقي كويسة..!!

أبشر بالخير ،،جاهزين بكل شئ من اجل الوطن وعشان كمان الحاجات تبقى كويسة.

تسلم

Quote: ابشر بالخير ياسودان العزة والكرامة

تحياتي يا مهيرة
ووطنا انتو ديل سيادو ما بتجيهو عوووجة تببب
وحتما ستسطع شمس الحرية وحتما سيعود الوطن
وابشري

Quote: اجر يوم عشان الحاجات تبقي كويسة..!! أبشر بالخير ،،جاهزين بكل شئ من اجل الوطن وعشان كمان الحاجات تبقى كويسة. تسلم

هلا والف مرحب يا نجاة
ومرحب بيك في حضورك الاسفيري كاضافة قوية وواعية الي قضايا الوطن الذي صار الان يئن ويترنح من اثر قبضة هولا الدقانة اللصوص...
ومعا من اجل سودان ديمقراطي وحر ويسع كل الجميع..
ومعا من اجل الحاجات عشان تبقي كويسة
وتحياتي

ابشر بالخير نحن لها. الناس تكون حلقات لجمع المال لصالح الانتفاضة فى اماكنهم.
أجمعوا ما استطعتم و بعدين الناس بتتفق على كيف توصيله

Quote: ابشر بالخير نحن لها. الناس تكون حلقات لجمع المال لصالح الانتفاضة فى اماكنهم. أجمعوا ما استطعتم و بعدين الناس بتتفق على كيف توصيله

هلا يا علوم
وايد علي ايييد جنجدع الكيزان بعيد..
ونعم حلقات حلقات وفي كل مدينة وبلد وفي كل حلة وفريق وفي المنافي والمطارات البعيدة الحضنت كل ابناء البلد لمن قام ليهم ريش وشتو عندما اتي الطاعون الكيزاني..

الزول الهميم كيكى , معاكم تب يا صديق فى كل ما من شأنه أن يساهم فى عتق الوطن
من أيدى هذه العصابة الفاسدة المتجبرة , شكرا على المبادرة الكريمة .

تحياتى كيكى

Quote: أجر يوم واحد ;عشان الحاجات تبقي كويسه

منى أجر يومين و ربما أكثر، يستحق هذا الأمر أكثر من ذلك، و أيد على ايد تجدع بعيد، ارسل رقم الحساب في الخاص. الى متى نقف مكتوفى الايدى و البلد كل يوم تتدحرج الى هوة سحيقة.

شكراً على هذه المبادرة، وأن كنت أعتقد انه من الأجدي توحيد المبادرات في جسم واحد، حتى يكتب لها النجاح.

الاستاذ بكرى
لرفع البوست اعلى المنبر
لكم منى اجر 7 ايام كاملة وعشان الحاجات تبقى كويسة
تحياتى

أجر يوم واحد عشان الحاجات تبقي كويسه



اللهم يا منزل الكتاب ويا مجري السحاب ويا سريع الحساب .... ويا هازم الأحزاب أهزم الكيزان
واعوانهم ومؤيديهم ومواليهم في داخل السودان وخارجة
اللهم أهزمهم وزلزلهم
اللهم أقذف الرعب في قلوبهم
اللهم فرق جمعهم
اللهم شتت شملهم
اللهم خالف بين آرائهم
اللهم أجعل بأسهم بينهم
اللهم أرنا بهم عجائب قدرتك يا قوي يا قادر
اللهم أشغلهم بأنفسهم عن المؤمنين
اللهم صب عليهم العذاب صبا
اللهم أخسف بهم الأرض
اللهم امين يارب العالمين

هلا وتحياتي
يا فيصل وسعد وياسر وعبدالعزيز
وفليكن البوست عاليا وعلينا ان ننسق هذا الامر وبالتعاون مع كل المبادرات او كما اقترح سعد
وحتما سوف نري الضوء في نهاية النفق وحتما سوف نصل بالوطن الي مدارات الحرية والانعتاق من هذه السلطة الزيف..
وخليكم قريب

shammashi

عاليا
نحي الفكرة وندعمها بشدة
وطلب من الاخ بكري بوضع هذا البوست اعلى المنبر
ويا كيكي حقو يكون في الية عملية للدعم وتجميعه وتوصيله

عاليا
نحي الفكرة وندعمها بشدة
وطلب من الاخ بكري بوضع هذا البوست اعلى المنبر
ويا كيكي حقو يكون في الية عملية للدعم وتجميعه وتوصيله

عاليا
نحي الفكرة وندعمها بشدة
وطلب من الاخ بكري بوضع هذا البوست اعلى المنبر
ويا كيكي حقو يكون في الية عملية للدعم وتجميعه وتوصيله

عاليا
نحي الفكرة وندعمها بشدة
وطلب من الاخ بكري بوضع هذا البوست اعلى المنبر
ويا كيكي حقو يكون في الية عملية للدعم وتجميعه وتوصيله

عاليا
نحي الفكرة وندعمها بشدة
وطلب من الاخ بكري بوضع هذا البوست اعلى المنبر
ويا كيكي حقو يكون في الية عملية للدعم وتجميعه وتوصيله

Up

هــذا النداء لابـد ان يكون عاليا وبالبونط العريض.
نـدا عاجل الي كل السودانيين

الأخ بكرى أبو بكر
الرجاء رفع البوست .
وفوق عشان الحاجات
تبقى كويسة .

Quote: بسم الله الرحمن الرخيم هذا نداء للسوداني الاصيل حيثما كان.... هذا نداء من القلب الى القلب ومن العقل الي العقل هذا نداء "عشان الحاجات تبقي كويسه ". - الي الاب الذي ينفطر قلبه والرزق يضيق في كل صباح جديد , الي الاب الذي يحترق بالعجز والحرمان له وقد "تأكد أن الحاجات بقت ما كويسه". - الي الأم التي تعاني من أجل توفير اللأساسيات, الي الام التي تصنع المعجزات لسترة الحال لها وقد أيقنت " بان الحاجات بقت ما كويسه" . - الى الشاب الذي وجد احلامه سراب بقيع ومستقبله تاخذه رياح سبهللية الدولة مما ساهم في عدم مقدرته على القيام بدوره في إعالة اسرته . - الي الموظف الذي تتداعي أمام عينيه كل قيم العمل النبيل ,له وهو يشهد المحسوبية تحل محل الكفاءه والرشوه تستبيح الأمانه والتسيب يصبح البديل للإلتزام. - الي التاجر والجبايات تثقل كاهله الي التاجر الذي يرفع الأسعار مضطراً ومتألماً لأجل زبائنه . - الي المعلم وهو يقف عاجزاً أمام إنهيار التعليم وأمام البزنس وهو يبتلع كل قيم التربية. - الى كل عامل احرقت الشمس جلده من أجل توفير حق الفول والطعمية . - الى الطبيب وهو يختار مضطراً بين مرضاه وسياسة الدولة ... الي الطبيب وهو يقتال مجبراً كل قيم وأخلاقيات مهنته. - الي المراه والقوانين تحد من حرياتها كل يوم الي المرأه - الي الطفل ... الجندي ..... عامل اليومية...... الكمساري..... السواق ..... صبي الورنيش. - الي كل من وجد نفسه مجبراً علي الكفر بكل ما امن به من أجل لقمة العيش. - الي السوداني الأصيل حيثما كان هذا نداء. - أجر يوم واحد "عشان الحاجات تبقي كويسه " . - أجر يوم واحد بس لدعم الإنتفاضه القادمة.... أجر يوم واحد لتضميد الجرجي والمصابين ,الواقفين كحد السيف رغم الآله القمعية أجر يوم واحد لدعم الإنتفاضة القادمة.

كيكي الصنديد
من أجل أهلنا ندعم هذه المبادرة بقوة
تحياتي

من أجل أهلنا ندعم هذه المبادرة بقوة

من أجل أهلنا ندعم هذه المبادرة بقوة

عشان الحاجات تبفى كويسه

حضور

هلا يا شماس
ودكتور اسامة
احمد محمد بشير
نزار يوسف
حاتم الفاضل
د محمد بابكر
نجلاء سيد احمد
دكتور احمد القرشي
والاخت رحاب الكارب

وشكرا علي الحضور عشان الحاجات تبقي كويسة

الاستاذ بكري اكرر رجائي بجعل هذا البوست اعلى المنبر
بعض الاليات
كونوا لجان الدعم باماكن تواجدكم
او ارسلها مباشرة لمتضرر-في حالة عدم توافر لجان الدعم-

كيكي الجسور
إت يا يابا تتعلا ما تدلا يا الفيك ملامحهم وحاسي بي وجع الغلابة والمهمشين
تسلم على الفكرة النيرة
معك عشان كل شيء يبقى كويس

كيكي


انشاء الله تبقي كويسه وميه ميه كمان

بت الجنيد الزولة الوطن
و تحياتي يا عباس ودكتورنا اسامة..
ونعم لجان الدعم في كل الدول
وفليكن هذا البوست عاليا

بت الجنيد الزولة الوطن
و تحياتي يا عباس ودكتورنا اسامة..
ونعم لجان الدعم في كل الدول
وفليكن هذا البوست عاليا

كيكي كدي اشرحوا لي انا ما متابعه او مخي صلب
بتقولوا رسلوا لاقرب زول ليك او متضرر ما فهمت والله ؟؟
كيف القروش ح تخلي الحاجات تبقفي كويسه ؟؟؟
هو في انتفاضه ح تقوم كيف ؟؟؟
ومتين ؟؟؟!!

فوق

عشان الحاجات تبقى كويسة

Quote: أجر يوم واحد بس لدعم الإنتفاضه القادمة.... أجر يوم واحد لتضميد الجرجي والمصابين ,الواقفين كحد السيف رغم الآله القمعية أجر يوم واحد لدعم الإنتفاضة القادمة.

رجاءا ان تشرحوا لي الفكره
يعني الانتفاضه للان ما حصلت عشان ماعندهم قروش ولا شنو ؟؟!!
بالجد انا عايزه افهم يا كيكي

دوما سلامات..
وطبعا بالتاكيد الانسان هو الاعلي قيمة من كل شي في هذه الدنيا بما فيها القروش..
والقروش فقط لن تجعل الحاجات تكون كويسة ولا ينبغي ان ننظرلامور التغيير بمثل هذا المنظار فقط
والاشياء تتكامل ما بين دعم مادي وترتيبات علي الارض والمساعدة في كل جزئية يمكن لانسان مومن بالتغيير ان يساهم بمقدراته..(منظمات حقوق انسان عالمية ..السفارات السودانية في الخارج بالاضافة الي الاعلام الخارجي..)
هذا النداء في فلسفته العليا هو محاولة لاستنفار كل المومنين بهذا التغيير للمساهمة في دعم التغيير الجاي من عرق جبينهم ...
والفكرة هي بان كل جهة او دولة يمكن للمومنين بالتغيير فيها ان يشيدو منصة دعمهم وارسالها بترتيباتهم هم

هلا يا سلمي
وحتما الحاجات حتكون كويسة..وان طال السفر

Quote: هذا النداء في فلسفته العليا هو محاولة لاستنفار كل المومنين بهذا التغيير للمساهمة في دعم التغيير الجاي من عرق جبينهم .

ود يا كيكي اشرح لي من غير فلسفه عليا بصفتي من المؤمنيين بالتغير الفوري والجذري كمان
القروش ال ح ترسلوها دي الحا يستلمها منو ؟؟
وح يعملوا بيها شنو لدعم الانتفاضه القادمه ؟؟

خالتى ..دوما
التغيير داير اجر يومك ويومى ناس الداخل بحتاجوا نشرات ومطبوعات
ولافتات وقروش للمطابع والحاجات بتبقى كويسة.
اول شى خلينا نؤمن على الفكره ويمكن يحتاجوا لاكثر من اجر يوم..
وعارفنك قدرها وقدود.
كتبت ليك واعرف انك غير منكره ولاناكره ولامستنكره ولاشاكه
فى اى زول هنا لكن عارفك قصدك الشغله دايره ليها نجيض شويه..
عليه كيكى حقو كل زول يكتب هنا يوضح عنوانه بالظبط
عشان نقوم نسوى لينا اليه لجمع هذه الايام حتى تصب فيما
جمعت من اجله..اتمنى ذلك...
لى قدام يا شباب عرق يوم ما كتير على الوطن
عشان الحاجات تبقى كويسه،،،

Quote: كتبت ليك واعرف انك غير منكره ولاناكره ولامستنكره ولاشاكه فى اى زول هنا لكن عارفك قصدك الشغله دايره ليها نجيض شويه..

والله ما كضب القال السن بتضاحك نديدها لووووووووووول
فهمتني والله يا ود اختي مما تعلمته من العيش مع الالماني دا
انه لازم تكون الخطه محكمه
والتارقت واضح
عشان يكون الاوت كم مضمون
.دايما بيقول انه السودانيين ارتجاليين
عشان كدا مواضيعهم كلها مطرشقه وما بطلعوا ليهم جبل اخضر .

Quote: ود يا كيكي اشرح لي من غير فلسفه عليا بصفتي من المؤمنيين بالتغير الفوري والجذري كمان القروش ال ح ترسلوها دي الحا يستلمها منو ؟؟ وح يعملوا بيها شنو لدعم الانتفاضه القادمه ؟؟

لا يا دوما
ومافي طريقة الا الشرح وبفلسفة وعمق كمان عشان علي الاقل نوضح لزائر هذه المساحة بان هذا النداء بفهم
وما ارتجالية عيييك عااك ساكت....
والقروش البسيطة دي يا دوما ممكن تساهم في حاجات لوجستية كثيرة وممكن تنقذ ليها روح متظاهر (بدرب او مصل) والتظاهر اليومي يا دوما له متطلبات (لافتات - علاج ميداني-مطابع...وغيره)
مافي زول قال حيرسل قروش يا دوما ومافي زول عاوز يجمع قروش ايضا من الناس الهنا..
بل كل زول يوصل مساهمته بمعرفته ولو احتاج مساعدة للتوصيل فيمكنه الاستعانة بالكثيرين من الموجوديين في محيطه للمساهمة والتنسيق,,,,,!!!
وبعدين يا دوما
وتحياتي

غايتوا يا كيكي اظنيتك طولت من السودان
اها طيب وكت ما في جهات محدده لاستلام المبالغ وتحديد بنود الصرف
ما ياهو الارتجال زاتو ؟؟!!!
انا بفتكر لو تم بالمسنجر الداخلي او مسنجراتنا الخاصه تحديد زول نرسل ليه
عشان ناس الامن ما يلقطوا منو الحا يستلم دا ويمشوا يطبطبوه باكر دي
كنا بنرسلها ليه او ليهاعشان يكون pooling of resources في الحاله دي ممن تعمل شئ .
كلامي دا كان ما نفع معاكم افتح ليهو و خلاص

Quote: انا بفتكر لو تم بالمسنجر الداخلي او مسنجراتنا الخاصه تحديد زول نرسل ليه عشان ناس الامن ما يلقطوا منو الحا يستلم دا ويمشوا يطبطبوه باكر دي كنا بنرسلها ليه او ليهاعشان يكون pooling of resources في الحاله دي ممن تعمل شئ . كلامي دا كان ما نفع معاكم افتح ليهو و خلاص

هلا يا دومة
وكلامك ياخي بنفع معاي ونص وخمسة وعلي عيني وراسي فوووق..
وبالتاكيد ما بتقال سلمو فلان وعلان عشان زي ما قلتي ما يقومو ناس الامن يخلو ريحتو طير طير..
ولو لاحظتي البوست ده ما قال اي حاجة في الجزئية دي وكراكير الاسفير كفيلة بان تتم الباقي
وانتي بس سلمي روحك لاقرب كركور اسفيري مع من تثقين فيه ...
والني للنار يا دوما والارتجال ده لسسع ما صرفو لينا في يوم الارتجال العالمي
وابشري يا حبوبة لوووووووول

جاهزون ومستعدون أبشروا بالخير
مودتي
شطة

Quote: وبالتاكيد ما بتقال سلمو فلان وعلان

كيكى ودوما فى الخارج لازم نقول يسلم فلان وعلان..
يعنى مثلا نقول تحول المساهمات لدوما حساب رقم كده..
لكن السريه يجب ان تحيط البستلم الاموال فى الداخل...
مجرد اقتراح،،،،

أجر إسبوع مني علشان الحاجات تبقي كويسة. إيميلي وتلفوناتي بالمسنجر الفاضل كيكي

Quote: أجر إسبوع مني علشان الحاجات تبقي كويسة

Amin

فوق
ومجددا لبكري ارفع لينا البوست اعلى المنبر عشان الحاجات تبقى كويسة

فوق

عشان الحاجات تبقى كويسة.

شكرا كيكي

والله يا كيكي عليك حاجات
يعني ما قدرتا افهم ابدا قصة القروش دي

اها افرض الزول الرسلوها ليه ما صرفها في الثورة القاددمة
كيف حتكون في محاسبة؟


عمرنا دا كلو نمشي في المظاهرات ما حصل اتجمعت تبرعات ليها..

الناس لو عايزة تقوم ما محتاجة لاي قروش..
الحاجات بتبقى كويسة لما تتعمل بطريقة كويسة؟

فوق

تمنيت أن أقرا لها مداخلة (واحدة بس) في سودانيزأونلاين لا تلبس فيها (القميص الأصفر).


...

عفوا للخطاء

هلا يا امين..خالد شطة
وامين السيد
مها عبدالله
صديق الموج
دكتور اسامة
الفاتح ميرغني
مصطفي قاسم
حاتم الفاضل

وتحياتي يا نجاة
وكون الناس ما تفهم حاجة من البوست مباشرة فدي بتوري انو البوست ماشي في الخط السليم
وبعدين ياخي الزول الرسلو ليهو القروش ده واكلها حلال وبلال عليه وان كنت اعتقد بان هذا الشعب لايزال مليان بالشرفاء الما بياكلو حقوق الناس وخاصة لمن تكون القروش دي لحاجة سامية واساسية زي دي..

فوق

تحياتي يا اسامة وفووووق

عشان الحاجات تبفى كويسه

21 مارس شرارة تشعل نار الثورة باذن الله
نبدأ نفر نفرين ووننتهي بجموع الشعب السوداني في ساحة التغير
لا نحلم بل مشروع نعمل له حتي ننجزه
فوق
والله الموفق

21 مارس شرارة تشعل نار الثورة باذن الله
نبدأ نفر نفرين ووننتهي بجموع الشعب السوداني في ساحة التغير
لا نحلم بل مشروع نعمل له حتي ننجزه
فوق
والله الموفق

Quote: 21 مارس شرارة تشعل نار الثورة باذن الله نبدأ نفر نفرين ووننتهي بجموع الشعب السوداني في ساحة التغير لا نحلم بل مشروع نعمل له حتي ننجزه فوق والله الموفق

up

كريم ارجو ان ترحل هذا البوست للربع القادم

كريم ارجو ان ترحل هذا البوست للربع القادم