Post: #1
Title: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-06-2011, 01:44 PM
Parent: #0
Quote: أخي كمال عكود
لك التحية والسلام
أود أن أشاركك في شكر الأستاذ بكري بالبكر لأنني أيضاً من الذين تم تسجيلهم مؤخراً بواسطة هذا الرجل الرائع ومن غير واسطة
واسطتي كانت فقط محاواة شعرية قام بنشرها في باب قصة وشعر بعنوان فريضة الحج إلى الوطن ثم أرسل لي لقبي ورقمي السري
فله منا كل الحب والاحترام ونتمنى له دوام التوفيق والسداد
صديق أبوفواز |
Re: شكراً باشمهندس بكرى على قبولي في المنبر الكبير وبغير واسطة
|
Post: #2
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-06-2011, 01:49 PM
Parent: #1
Quote: بسم الله الرحمن الرحيم
المنظمة السودانية لتنمية صناعة الطيران (سـايدو)
Sudanese Aviation Industry Development Organization(SAIDO-NGO
( رؤية شاملة نحو السلامة والجودة)
(A COMPERHENSIVE VISION TOWARDS SAFETY & QUALITY)
يسر المجلس التنفيذي للمنظمة الدعوة لجمعية عمومية استثنائية يوم الجمعة الموافق 14-3-2008م الساعة السابعة والنصف مساءاً بنادي الطيران - الخرطوم- شارع أفريقيا - عند مدخل الشارع المؤدي لصالة المغادرة ، وذلك لإجازة أعضاء المجلس الإستشاري ومواضيع أخرى.
وشكراً
مع تحيات
المكتب الإعلامي
For / SAIDO TEAM |
دعوة هامة
|
Post: #3
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-06-2011, 01:58 PM
Parent: #2
Quote: المنظمة السودانية لتنمية صناعة الطيران(ســايدو)
Sudanese Aviation Industry Development Organization (SAIDO) ((NGO))
دعوة لحضور الجمعية العمومية الاستثنائية
يسر المجلس التنفيذي لمنظمة سايدو أن يدعو جميع أعضاء المنظمة لحضور الجمعية العمومية الاستثنائية المزمع عقدها يوم الجمعة الموافق 14/مارس/2008م الساعة السابعة والنصف مساءاً بنادي الطيران بالخرطوم والذي بقع بشارع أفريقيا غرب مطار الخرطوم عند الزاوية الجنوبية الغربية للشارع المؤدي لصالة الوصول بمطار الخرطوم ، وذلك لإجازة أعضاء المجلس الاستشاري للمنظمة وإعلان انطلاقة العمل الميداني للمنظمة.
ولأهمية هذا الاجتماع نرجو من الجميع الحرص على الحضور
وشــــــــكراً
مع تحيات
سكرتارية المكتب الإعلامي
4/مارس/2008م |
المنظمة السودانية لتنمية صناعة الطيران(ســايدو) دعوة لح...العمومية الاستثنائية
|
Post: #4
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-06-2011, 02:03 PM
Quote: تهنئ المنظمة السودانية لتنمية صناعة الطيران الأخ طارق حسن عابدين سكرتير العلاقات العامة بالمنظمة وذوجته المصونة بقدوم باكورة إنتاجهما يمنى ...
جعلها الله من فتيات السودان وسايدو المصونات الفالحات الشاطرات العابدات ...إلخ آآآآميييييييين !!!!
الدعوة موصولة للجميع للاحتفال معها ووالديها اليوم الجمعة 14/مارس بنادي الزراعيين عقب إنتهاء الجمعية العمومية لمنظمة سايدو
مع تحيات أبو فواز |
مرحباً (يمنى) بنت طارق بن حسن آل عابدين
|
Post: #5
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-06-2011, 02:12 PM
Parent: #4
Quote: تم بحمد الله وفضله بالأمس الجمعة 14/مارس/2008م إجازة أعضاء المجلس الاستشاري للمنظمة السودانية لتنمية صناعة الطيران نتمنى لهم التوفيق والسداد والمساهمة الفاعلة في تطوير المنظمة الشابة وأن يكونوا عوناً حقيقياً للمجلس التنفيذي لتحقيق أهداف المنظمة ومبروك للجميع ،
أعضاء المجلس الاستشاري هم:
1- أبوسوار الشيخ عووضة أبوسوار.
2- الحاج الخضر أحمد البشير.
3- أحمد حسب الرسول أبو القاسم.
4- أحمد عطا المنان الخليفة.
5- أنور سليمان وقيع الله.
6- جمال الدين عثمان التوم.
7- عامر الزين الحسن الفكي عبد الله.
8- غازي مأمون البرير.
9- محمد الأمين محمد علي رستم.
10- محمد الطيب منصور صبرة.
11- صلاح الدين علي زمراوي.
مع تحيات المكتب الإعلامي
15/03/2008 |
الجمعية العمومية لمنظمة سايدو (SAIDO) تجيزمجلسها الاستشاري
|
Post: #6
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-06-2011, 02:25 PM
Parent: #1
معليش يا جماعة - عاوز أتفلسف أجيب صورة الصفحة بتاعتي زي ما بيعملوا الجماعة الطيبين ،، أبت تظبت معاي خالص .... !!!
اللهم زدنا علماً .... !!!
|
Post: #7
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-07-2011, 07:45 AM
Parent: #6
7 مارس 2008 - 7 مارس 2011
|
Post: #8
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: محمد الكامل عبد الحليم
Date: 03-07-2011, 08:00 AM
Parent: #7
تقبل تهانينا وامنياتنا الطيبة بدوام اثراء المنبر بما يفيد ...ولو حتي عن طريق الهبوط الاضطراري....نريد روادا للكلمة الهادفة الصادحة بالحق .....ويبدو وانت تستعد للاقلاع اننا سنقول ما قال العقاد....خذوا دنياكمو هذي فدنياوتنا كثر.....
مع الاحترام
|
Post: #9
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-07-2011, 09:32 AM
Parent: #8
شكراً أستاذ محمد الكامل على كلماتك الرائعة ...
ربنا يقدرنا ونساهم في عمل فرق (To make a deference) .... !!!
حقيقة أنا فكرت في فتح هذا البوست حتى أستطيع برواقة الأرشفة لنفسي ، لأنني بتعب جداً في إيجاد كتاباتي السابقة ، والأخ الباشمهندس سيد الحوش لسع ما حن علينا بمكتبة ، ربنا يديه العافية ...
تحياتي وتقديري
|
Post: #10
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: محمد الكامل عبد الحليم
Date: 03-07-2011, 11:12 AM
Parent: #9
تحية يا صديق .....الي ان يكنمل مطلوبكم ويتحقق دعنا نضيء الشموع ونغني لوطن ديمقراطي( لا نقول حدادي مدادي بعد الانشطار المريع)...لا نبنيه بالرادي ولا الخطب الحماسية....بالفجر الذي تصنعه الكلمة والعزم علي المسير...والمواصلةفي الاضاءات الحقيقة التي سيشرق صبحها ذات يوم....وهو ات
لك الاحترام....انت وغيرك من المهمومين ستصنعون الفرق قولا وعملا...
|
Post: #11
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: Elawad Eltayeb
Date: 03-07-2011, 03:29 PM
Parent: #10
| Quote: 7 مارس ؛ عيد ميلادي الثالث بسودانيز أون لاين دوت كوم الرائعة |
مبروك أخي صديق عيد الميلاد بهذا الوطن الصغير سودانيزأونلاين
هل تصدق أن اليوم 7 مارس يوافق عيد ميلادي لكن بالدنياأونلاين.
|
Post: #12
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-07-2011, 04:41 PM
Parent: #11
| Quote: هل تصدق أن اليوم 7 مارس يوافق عيد ميلادي لكن بالدنياأونلاين. |
أخي الفاضل العوض الطيب ...Happy Birth Day وكل سن وأنت طيب .. وإنشالله عقبال مائة شمعة ...
|
Post: #13
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: Elawad Eltayeb
Date: 03-07-2011, 09:33 PM
Parent: #12
| Quote: أخي الفاضل العوض الطيب ...Happy Birth Day وكل سن وأنت طيب .. وإنشالله عقبال مائة شمعة ... |
ألف شكر يا حبيب ونبارك ليك الأفراح يا رب
ولكل الوطن الحبيب
|
Post: #14
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-07-2011, 09:56 PM
Parent: #13
Quote: ألف شكر يا حبيب ونبارك ليك الأفراح يا رب
ولكل الوطن الحبيب |
تعيش يا غالي ...
ويعيش الوطن الغالي ...
|
Post: #15
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-07-2011, 10:03 PM
Parent: #14
لوماية و هتافاية
إلي مروي حبيبتي
ما كنت قايل إني بابعد كل دا
ولا كنت فاكر إنو البرجعني بس فقد الحبايب والعزا
بتحسر والوم نفسي الحبيسة علي زمن الجفا
واقول ياريت مصايرنا وقداح عيشنا ...
تودينا وتجيبنا علي مراحنا قفا
*****
جيت عشان أترحم علي الميتين
لقيت يا زولي مذهول وبتعجب علي الحيين
القابضين علي جمر المحنة الزين
الماسكين الوضوح بالكلمة حمرة عين
برغم ناس الطبلة والتمكين
لقيتك يا والدة يا مروي لكل أصالة إنتي عرين
ما زلت ياكي صنب العزيزة وحضنك أب رياحين
تودري كل من يرفع إنيفو عليك واللا ليكِ يشين
*****
وقفت بعد حججاً كتيرة علي تراب أطلالك الشامخة
مااحتجت لي لأياً ولا اتوهمت فشان اعرف الدار وريحتها الصارخة
وافرق بين الراسخة والماسخة
برغم حياً اسمه التعمير .. مسا مع الناس بترفض كل من نغمة مشروخة
سلامة الباشا تتلقاك ... وحي الثورة يمشي معاك ...
وحي الدومة يفرشلك أحلي الورود بي بسمة مطبوخة
*****
وكتين سمع نغمة نساوين الحزن والخوف
وييويبوي .. وييويبوي .. وييويبوي ... واسترجعت تاريخها
تأكد لي تمام لومي الكتير ....
وغيابنا المغلف دايماً باعزاراً مبيخة ومميسيخة !!
*****
وبرغم السد وكبري النيل
الشفتو فيك يا مهدي الجميل
بيقلب كل نهاراً في جوايا ليل
إنسان مروي بي أم برد والسهراجة ديمة عليل
وأحياناً حزام ناراً وتايفويد مسوي الويل
لا بيئة نضيفة ولاتثقيفاً يسبق التهليل
وكلو صورنا مقلوبة ومحتاجة للتعديل
*****
تعمير الشوارع والحجار.. يا مرحبابو ألف
والخزان وكبريه .. نقيفلو ألف
وتسوير أتر نبتة .. ندورو ألف
لكن فشان يتعمر الإنسان ويبقي ألف
عشان تتطور البيئة وتبقالا النضافة ولف
وضد كُل ضببينة وبويعيضة نسوي حلف
لا زمانة تشميرة وهتافاية ...
تقول للدولة وينك يا أم شعارها وقف ؟؟
*****
الإسبتالية البدخلها سليم يمرض ويلقطلو علاية
الممرضة توبها جاري وجناها فوق الصفحة وشايلالها إبراية
ومحضر العملية بالعراقي والسروال وكمان عامل حكاية
والدواء الملعون يا إما مافي .. يا إما القريشات ما كفاية
أما الدكاترة البطينين يا تلقي واحد والا إثنين ..
والمسيكنين حايرابهم الصرفة والغاية
*****
ليش يا أبين كلاماً ديمة حلواً مر سويعة الحق
ليش ما بتهاتفونا وتقولوا الحق
ليش تداروا علينا وماتورونا الشق وصوت الطق
ليش تخبوا علينا كل ما تجونا ... وما تدقوا جرس النجدة دقاً دق
*****
النفس العزيزة خلتكم كما المضبوح وبيغني
والكدسة السمان غشوكم وغشونا ونحن هناك بنغني
جالسين كما الهمبول وقايلين الأهل في ديارنا متهني
العذر مفقود ... والأسف آلاف ...
وياريت سوات الصاح لي هسي مستني
وداعاً ... وداع مشتاق وديمة مدلي
شان نرجع سوا وتاني نقفز الجنًيِ
بـــقـــــــلم:-
صديق عبد الجبار محمد ( أبو فواز )
مدينة مروي في 10/مارس/2005م
[email protected]
[email protected]
[email protected]
+249 9123 55113
قصيدة إلى مروي حبيبتي
|
Post: #16
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-07-2011, 10:13 PM
Parent: #15
فريضة الحج إلي الوطن
الخرطوم بحري 11/12/2004م
لبيك يا وطني لك لبيك ..
لبيك لا عشق لي غيرك لبيك ..
إن المنعة والسؤدد لك ولديك ..
لا بديل لك لبيك ..
****
معلق قلبي علي أستارك ..
مهرول أنا إلي محرابك ..
الرب آخذ بيدي إلي أمجادك ..
مائدة التوحد منسوج بخيطها بساطك ..
فالسماء أصدرت بيانها المبارك ..
بأن تتحد الأضداد في أمجادك ..
فليس لات حين مناص .. لبيك
****
السيد المسيح و ابن عبد الله كلهم لديك
النور ..
والإصحاح ..
والمزمار ..
والتلمود ..
والكوجور كلها تقدس الإله بين خافقيك
****
فباسمك اللهم نبدبيك
والمجد والتنزيه للإله في الأعالي
وأنت تحضن الجميع بين يديك
****
مناسك المثول في حضرتك
واضحة المعالم والأركان والفرائض
لو تشبث الفرقاء بدفتيك !!
وليفعل الجميع ما تفعله المياه في نيليك
****
فبذي الجنينة يحرم القادمون من غربيك
وحلفة القديمة الجديدة ميقات تلكم إليك
وأسوار نمولي مشرعة لزنجك الذين يعشقون المبيت في جانبيك
ومثلهم أهل شرقك الذين يرملون ويلقطون الجمر من سهليك
فسواكن ساكنة مادمت طيباً
وإن دعا الداعي .. فلبيك هادرة وسعديك
****
فسحقاً لبتك آذان النعم
ولتكن ذبائح مخضرة الدم
تلين اليبوسة ..
تفجر الزيوت ..
وتزين الصحاري بإستبرق ولؤلؤ بساحليك
ولتنشد العلياء تحت أخشبيك
بقلم:
( أبو فواز )
صديق عبد الجبار مجمد طه
جوال: 0912355113
[email protected]
[email protected]
الخرطوم بحري في 11/ديسمبر /2004م
http://www.sudaneseonline.com/ar/article_17875.shtml
|
Post: #17
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: ismeil abbas
Date: 03-08-2011, 08:35 AM
Parent: #16
إضافة جميلة يا كابتن أمنياتى لك بأقامة طيبة وثرة فى هذا المنبر ومزيدآ من العطاء.
|
Post: #18
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: محمد النيل
Date: 03-08-2011, 08:48 AM
Parent: #17
أخ صديق
كل عام وانت رمح ملتهب يطعن فى بؤر فساد حكم الكيزان
لك عاطر التحايا
|
Post: #20
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-08-2011, 11:05 AM
Parent: #18
Quote: أخ صديق
كل عام وانت رمح ملتهب يطعن فى بؤر فساد حكم الكيزان
لك عاطر التحايا |
ولك مني كل التحايا العطرة والأمنيات الجميلة عزيزي محمد النيل ...
تسلم وتسلم أيامك ...
كل الود
|
Post: #21
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-08-2011, 11:13 AM
Parent: #20
Quote: التحية للأخ عزالدين محمد عثمان وجميع المهتمين بأمر يافعتنا المنظمة السودانية لتنمية صناعة الطيران وننشر لكم أدناه أعضاء المجلس التنفيذي ، مع تحياتنا ولكم الود -- كابتن صديق أبوفواز/ رئيس المنظمة.
1- صديق عبد الجبار محمد طه -- رئيس المجلس -- كابتن طيار بسودانير
2- إبراهيم موسى محمد -- نائب الرئيس -- مستشار بإدارة الملاحة الجوية بالطيران المدني السوداني
3- أيمن محمد عثمان العبيد -- السكرتير العام -- مهندس وعميد أكاديمية الخرطوم للطيران والتكنولوجيا
4- أيمن سيد نصر -- نائب السكرتير العام -- مهندس ومحاضر ومساهم بشركة أكاديمية الخرطوم للطيران والتكنولوجيا
5- إسماعيل محمد إبراهيم-- سكرتير المكتب المالي(أمين الصندوق)-- مهندس صيانة طائرات وأستاذ محاضر
6- يوسف الطيب بابكر -- سكرتير المكتب القانوني -- مهندس جوي متقاعد يحمل درجة ماستر في القانون ومستشار بإدارة السلامة والعمليات بالطيران المدني السوداني
7- عثمان أحمد عيسى -- سكرتير مكتب الشئون الإدارية -- إداري وأستاذ بأكاديمية هاي لفل
8- أحلام طاهر فريد -- سكرتير مكتب الشئون الفنية-- مشرفة جوية متقاعدة -- وأستاذة بكلية علوم الطيران بالخرطوم بحري
9- وفاء ميرغني الحاج -- سكرتير مكتب الشئون الثقافية والتوثيق -- باحثة في مجال طب الطيران - بكلاريوس علوم طبية
10- طارق حسن عابدين -- سكرتير مكتب العلاقات العامة -- طيار بسودانير
11- أبوبكر الصديق محمد حماد بهاء الدين -- سكرتير المكتب الإعلامي والناطق الرسمي باسم المنظمة -- موظف بقسم الشحن الجوي بوكالة الطيار العالمية
12- سامي محمد بابكر علي -- سكرتير مكتب الأمن والسلامة -- إدارة أمن شركة بدر للطيران
13- السر حامد جميل -- سكرتير مكتب الجودة والتدقيق -- إدارة العمليات والسلامة بالطيران المدني السوداني
14- صبري شاهين -- سكرتير مكتب البحوث والدراسات -- المراقبة الجوية بمطار الخرطوم
15- محمد على يوسف -- سكرتير مكتب التنسيق والمتابعة -- دبلوم هندسة طيران |
أسماء أعضاء المجلس التنفيذي لمنظمة سايدو(SAIDO)
|
Post: #19
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-08-2011, 10:59 AM
Parent: #17
| Quote: إضافة جميلة يا كابتن أمنياتى لك بأقامة طيبة وثرة فى هذا المنبر ومزيدآ من العطاء. |
شكراً ليك عزيزي إسماعيل على مرورك الرائع ...
سعدت وطابت أيامك ...
تحياتي العطرة
|
Post: #22
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: هاشم محمد الحسن عبدالله
Date: 03-08-2011, 11:27 AM
Parent: #19
الأخ الحبيب صديق عبدالجبار ، تحياتى وكل عام وانت بالف بخير، ياأخى أمثالك من نعتز بزمالتهم فى هذا المنبر الراقى، مشاركاتك رائعة ومفيدة وذات معانى جميلة ، لك الود كله.
|
Post: #23
Title: Re: 7 مارس ؛ عيد ميلادي الثالث بسودانيز أون لاين دوت كوم الرائعة
Author: صديق عبد الجبار
Date: 03-08-2011, 12:22 PM
Parent: #22
| Quote: الأخ الحبيب صديق عبدالجبار ، تحياتى وكل عام وانت بالف بخير، ياأخى أمثالك من نعتز بزمالتهم فى هذا المنبر الراقى، مشاركاتك رائعة ومفيدة وذات معانى جميلة ، لك الود كله. |
عزيزي الغالي هاشم ،،،، والله يا خي هذه الكلمات الرائعة شهادة أعتز بها ، والشرف كله لي بمزاملتكم في هذا الحوش العظيم ،،،
لك مني كل الود والتحايا العطرة والتقدير ،،،، وربنا يديم العلاقت الجميلة ... وربنا يقدرنا ونساهم في صناعة وطن يسع الجميع مثلما يفعل هذا المنبر ..
تسلم يا حبيب وتسلم أيامك
|
|