الـدوري دوّر والفرق ملهلبة والعملاقين ناااار ... يللا يا ناس الكورة اجمعوا هنا ..

الهلال مرقتو الماسورة من التماسيح وبعد كدا النيل اتمدد جنازة
مرتضى عبد الله احرز احلى هدف في مرمى حارس افريقيا الأول واعتقد
ان الهدف سيكون الاحلى طيلة دوري هذا العام وان كنا نتمنى الاحلى
فيليكس طلع ماسورة وساكواها خطييير .. عبده جابر سيكون له شأن
وباسكال انهى مشكلة دفاعاتنا .. بكري المدينة دا الله يستر علينا
منّو ، ماشي لي قدااام طوااالي (ان شاء الله اسحرو ليكم) ومن الكورة
الجاية (الفي بالي) يدّردق لا وراء ...
النسور واهلي شندي حا يدّوا الدوري نكهة خاصة لانو امكانياتم الفنية
والبدنية والمادية كويسة ..
الجمعة الجاية العوة بدون جمهور وامبارح خالد احمد المصطفى قال يتمنى
يكون في شاشات كبيرة خارج الاستاد .. عشان الناس تتفرج من خارج الاستاد
وتكورك وممكن اللعيبة يسمعوا ويتحمسوا ....
مريخ - هلال بلا جمهور ... زي السروال من غير تكّة (مع الاعتذار والاحتشام) .

ناس المنبر كلكم والله مشتاقين شديد .. وناس الكورة بالذات الشوق مطر شوق العميان لي متعة النظر.

Quote: والعملاقين ناااار ...

المريخ واحد ... التاني منو يا امير

الحبييييب جنابو سلامات والله توقعتك اول المتداخلين ولم تخيّب ظني .

Quote: المريخ واحد ... التاني منو يا امير

عصام الحضري طبعاً يا جنابو ... ههههههههههههههههها .

ود الجمري

سلامات,,,,

الدوري ...المرة دي..( درقة بس ) البفرط ..

في

نيل وتماسيح وكماندوس , وبحارة و حاجات غريبة

المواسيير لابتحل لابتربط

غايتو صلاح ادريس عمل لينا( مراقة)... ارسنال شندي!!!!!

حبيبنا معتصم العربي
تحياتنا واشواقنا

Quote: الدوري ...المرة دي..( درقة بس ) البفرط ..

ان شاء الله الدوري السنة دي مسخن .. والمحترفين من العيار التقيل
والفريقين الجديدين مستواهم كويس وحا تكون في منافسة حامية على الاقل على التالت والرابع
للحظو بالتمثيل الخارجي .

إب بيي ني عمي الحبيب امير ... تحياتي واشواقي .. والتحية لبهجتك واولادك


ياخي الحمد لله الدوري عاد ... وعاد معاهو الاحباب .. ومنتظرين قفشاتك الجميلة


شكل الدوري فعلا نااااااااااار من اولو


وهلال الساحل كان عايز يعملها من اولو ...


وما قلنا ليك الدوري طريق قاسي وصعيب من اولو ...

ان شاء الله يعملها هلال الملايين يوم الجمعة (جمعة النصر) ... لغة مظاهرات وكده ... ههههههه


ومشتاقييييييييييييييييييييييين

الاخ / امير .. تحياتى واشواقى يا صفوة

ان شاءالله نستمتع بدورى جميل ويكون فيها المريخ عملاق

مودتى ...

اووووووووووووووو ابن عمي الغالي توموشيك
مشتاقيييين كيمان ياخي ليك ولوليداتك وامهم ..

Quote: ياخي الحمد لله الدوري عاد ... وعاد معاهو الاحباب

ايوة والله يا معتصم اهل الرياضة هنا هم صناع البسمة والحياة وبوستاتهم هي البلسم ..

..

Quote: ومنتظرين قفشاتك الجميلة

ان شاء الله السنة دي ما يكون عندي اي قفشات لانو انا قفشاتي بتجيبا الزنقة .. والمرة دي راجي مافي
يعني لو حصلت لينا زنقات السنة الفاتت تكون مصيبة .. لكن يا التوم ان شاء الله ابو السواكيه دا ما
يحوجنا لي فكة زنقة آخر الدقائق .

Quote: ان شاء الله يعملها هلال الملايين يوم الجمعة (جمعة النصر) ... لغة مظاهرات وكده ... ههههههه

ههههههههههها .. ان شاء الله دي جمعة النصر المؤزر للزعيم وطبعا المظاهرات ارتبطت بالمريخ .. مشى عسكر
في مصر ولّعها مشى ليبيا شعللها وان شاء الله في ام درمان حا يكون البركان الساكواهي .

تحياااااااااااااتي

الحبيب خالد درق صفوة الصفوة .. سلامات

Quote: ان شاءالله نستمتع بدورى جميل ويكون فيها المريخ عملاق مودتى ...

المريخ دائما عملاق يا خالد وازداد عملقة بجلبه لافضل حارس في افريقيا ومحترفين من العيار التقيل وان شاء الله الدوري مضمون ويمتد الامل لاحراز الكأس الافريقية .

يامرمر نجمع شنو!!!

عشان نمرق مظاهرااااات ،،،،

أنا قايلك مع الليقا يااخ امس الريال بدون كريستيان عمل البدع بس ضربتين جزاء ناس الهلال مابيضيعوها

أبقي مارق علينا بهناك.

مودتي

،،،،أبوقصي،،،،