شان الحاجات تبقى كويسة قالت صفية إسحق إنها نشرت شهادتها على جريمة اغتصابها “عشان الحاجات تبقى كويسة”، وتعبّرت وهاجمتها الدموع، ونكّست رأسها.. وأقول لها:
“شان الحاجات تبقى كويسة”.. ما لازم يا بت يا ريسة نحدوك نشيد ضد الأصفاد “شان الحاجات تبقى كويسة” ما لازم يا بت يا ريسة يا بت.. فنانة وفنك جاد يا ست الراي واللون الضاوي وما بنقاد يا ستنا.. حطمتي الأوغاد دكيتي حصون الخوف والعار يا محصنة من كل الأوزار يا الهامتك ..روحك عالية وما بتنهار يا ميرم .. يا كنداكة ننصب ليك مزار ما إنت الشرف الباذخ.. ما بتلطخ وإنتي الماس الما بتشلّخ وإنتي حجا البنوت.. للعفة وإنتي حكا الصبيان للفارسة الفاتت للأغيار “شان الحاجات تبقى كويسة” فلتعلمي يا بت يا ريسة ناصبنك فوق ساحلنا الضلم متل منارة شان تكشف إنه بلدنا الطول ذلها راجية اليوم النغسل عارا تحلف بكرة نحطم كل قيود أشرارا وترفض إنه نشيل أوزارا ونصمت.. مثل قبور الموتى.. وتفضح فعلا نحن قرفنا وحسي ضبحنا ولكن.. تبقى الروح بترفرف وتبقى الإيد بتقدف ويمشي المركب يقطع بحر الزيف والذلة ويصل الشط القرّب قسما.. ما بنتدلى وما بنتخلى وما بننذل وكيف تنذل نيزنقا ومندي مهيرة ورابحة وبت الفاشر وزولة شندي شيخة التاماي المقدامة الما ذلاها الباشا وافندي “شان الحاجات تبقى كويسة”.. ما لازم يا بت يا ريسة يا خية النور يا بنية الحق الدحض الزور يا الصوتك رقرق بالتصميم في خفضه مكين ما توطي الراس العالي دحين دمعاتك هذي الغالية.. تقول سكين في صدر الجور ملعون.. ملعون الليه بدور الأبدل بطلات السودان ببنات الحور الكضب الفاح من بدري وصار عريان النتن القيل في السودان ما إنتي نضافتو من الأدران ما إنتي العود الليه بخور باكر من ريشتك تجي ألوان تغسل آلامنا مع الأحزان “شان الحاجات تبقى كويسة”.. فلتعرفي يا بت يا ريسة يا بت يا جنب الحق البان ما بطعن في شرفك شيطان لو جرّب يلقى حجاب ألحان: للبت السمتها صار: ضد الخذلان! ضد الغربان. ضد الغيلان.. للبت الاسمها صار: بت السودان!
فنانة من حركة " قرفنا" زهرة من زهرات بلدنا علمتنا و درستنا... و منها الآن قد عرفنا كيفن الأخضر بناضل كيفن الأزرق بقاتل و كيفن الأحمر بشيل البندقية يا صفية.... يا سنية...... يا البتول المجدلية ليكي تعظيما سلام ليكي إجلالا تحية إنتي حررتينا يا بت الوطن إنتي طهرتينا من رجس الوثن إنتي وريتينا كيف إنو الشرف لا يمتهن يا حرة في القيد والرسن يا أقوي من كل المحن يا أصفى من صافي اللبن يا الفي الشروق نلقاكي حية وفي القلوب طاهرة ونقية وفي العيون خضرا و بهية ووالله بطلة و ماك ضحية و الحثالة الأرهبوك حبة سواقط تربوية فعلهم فعل الكلاب و جملة أنواع الذئاب ....و كل مساخيط البرية يا صفية.... يا بنيتن حلوة زي سكر نبات يا فارسة يا ست البنات باكر نسير أنا و انتي و الناس و القضية ندك حصون كل الطغاة يا صفية.....
يا سلاااااااااام يا كوستاوي دائما بتجي بالسمح التحية للشاعر ود الجزولي للكلمات المعبرة تماما والنص القوي التحية للاخ الفنان نادر للحن والاداء الجميل المتميز عمل متكامل تسلموا والله
Quote: يا سلاااااااااام يا كوستاوي دائما بتجي بالسمح التحية للشاعر ود الجزولي للكلمات المعبرة تماما والنص القوي التحية للاخ الفنان نادر للحن والاداء الجميل المتميز عمل متكامل تسلموا والله
هلا يا أستاذة أسماء شغل سمح مش كدا?
بالمناسبة ود الجزولي عضو معانا في المنبر دا
لكن قرفان بس....الله يديهما العافية هو و الزول السوداني دا
تسلمي يا إخيتي
خردة
Post: #12 Title: Re: هدية للكنداكة صفية بت إسحاق " تبت يدا حاكم سرق...تبت يدا دجال مرق" غنية Author: عادل نجيلة Date: 03-03-2011, 02:53 AM Parent: #11
عمل موفق .. ياريت أبقى كورال قوي ..
(بين الشعوب احنا الخيول التنجمح)
ويا ريت أخي الشاعر عبدالمنعم الجزولي يعدل ما نقلته في الكود إلى (بين الشعوب نحن الخيول المابتنجمح ) ,,
(شان الحاجات تبقى كويسة) ,, والتحية لأخي نادر السوداني وفرقته على هذا العمل القوي,,
(الخيول التنجمح) هي أكثر اكتمالاً في السياق العام للقصيدة يعني كيف ما تنجمح و يكون في خضرة و قمح و سلام و إطمئنان
و لكن (لا تنجمح) ممكن إستعمالها لكن ما في تلك اللحظة بالذات.
لاحظ الفنان المبدع صوتو إنخفض لمن وصل الحتة دي....يعني ما كانت في هتافية في تلك اللحظة مما يوضح إنو (التنجمح) مقصودة لعكس حالة معينة.
سلامي لكل الأرزونين الخرد
Post: #16 Title: Re: هدية للكنداكة صفية بت إسحاق " تبت يدا حاكم سرق...تبت يدا دجال مرق" غنية Author: علاء الدين يوسف علي محمد Date: 03-03-2011, 11:42 AM Parent: #15
الثلاثاء, 01 مارس 2011 11:06 الخرطوم: أميمة عبد الوهاب
أعلن زعماء أحزاب المعارضة الخروج في ثورة شعبية لإسقاط الحكومة لكنهم اختلفوا في تحديد الموعد. ففي الوقت الذي أكد فيه حزب الأمة القومي والمؤتمر الشعبي جاهزيتهما للخروج الفوري، قطع المؤتمر السوداني بضرورة تحديد السادس والعشرين من الشهر الحالي موعداً للثورة، فيما رأت الحركة الشعبية أن التغيير آت وقالت إن لكل «شيخ طريقته» وعلى النظام الاستفادة من الدروس المجانية.وقالت مريم الصادق القيادية بحزب الأمة القومي خلال اعتصام قوى المعارضة أمس بدار المؤتمر الشعبي إنهم لن يصبروا على الفشل الأخلاقي للنظام ولابد أن يكون للحوار سقفاً زمنياً.
وطالب رئيس حزب العدالة الأصل مكي علي بلايل بمواجهة النظام وإسقاطه فوراً وقال إنه يتمسك بالسطة ليس شهوة وإنما خوفاً من سلسلة الفضائح بعد ذهابه. لكن إبراهيم الشيخ رئيس حزب المؤتمر السوداني دعا للخروج في 26 مارس الجاري وقال لن ننتظر إذن أو تصريح من جهة و«سنعلن» سقف مطالبنا مردفاً المفوضية ستتراجع عن النتائج خوفاً من الشارع. وقال بارود صندل مقرر مجلس الشورى بالشعبي إن هذا النظام لا يصلح معه قانون أو دستور وإنما البتر وأضاف حتى «الترقيع» أصبح لا يجدي وتوقع الإفراج عن حسن الترابي الخميس المقبل وفقاً لقانون جهاز الأمن بعد إكماله 45 يوماً تجدد أو يطلق سراحه إذا لم تثبت عليه تهمة.
وأعلن شباب من أجل التغيير خروجهم للشارع يوم 21 مارس الجاري مطالبين جميع الشعب السوداني اللحاق بهم. وطالب بشير آدم رحمة القيادي بالشعبي استحداث قانون مساءلة لقيادات الوطني مشككاً في أموالهم وعقاراتهم التي لا يملكون جذوراً لها. واتهم ياسر عرمان نائب الأمين العام للحركة الشعبية الوطني بتسليح المسيرية مما أدى لتدهور الأوضاع الأمنية في أبيي داعياً السودانيين بالخارج لإطلاع وإشراك المنظمات الدولية للتقصي عن انتهاكات الوطني. وطالب علي الريح السنهوري رئيس حزب البعث الرئيس البشير بالتنحي فوراً وتسليم السلطة للشعب منادياً بتكوين سلطة انتقالية. وقال محمدإبراهيم نقد رئيس الحزب الشيوعي للحركة سوف «تلفوا وتعودوا» مرة أخرى لأنه ليس هناك دولة ستحضنكم «لا الكنغو ولا غيرها».
Quote: الشاعر: عبدالمنعم الجزولي لحن و غناء: نادر السوداني
الخيول
____oOoOoOo____
بي نورنا
بى فانوسنا
بى شمعتنا
بنسوى السمح
بين الشعوب احنا الخيول التنجمح
…وبين الخضار احنا القمح
تبت يدا حاكم ظلم
شعبا اذا مسك القلم
ما بنسج الشقا فى العلم
ولا بعرف الخوف والندم
لا بيسرق احلامو العدم
ولا بقبل يسجد للصنم
إنشاء الله يا نصرالدين سيكون هذا نشيد الإنتفاضه القادمه هل تذكر نشيد أصبح الصبح كان أول نشيديبث عبر الإعلام بعد إنتصار ثورة إكتوبر المجيده. شكرا عبدالمنعم الجزولى شكرا الفنان نادر السودانى.
Quote: إنشاء اللة يا نصر الدين سيكون هذا نشيد الإننتفاضة القادمة هل تذكر نشيد أصبح الصبح كان أول نشيد يبث عبر الإعلام بع إنتصار ثورة إكتوبر المجيدة
مولانا عبداللة لك السلام والتحية شكرا صديقي لما اورت زكرة ما تنسي صديقي نادر السوداني استنشق رحيق الحرية الاكتوبري المجيد فالهبت احاسيسنا اغانيها وملاحمها وتجلت عظمة فنانيها فلم يكن السواني القلبان مع هؤلاء الصفوة إلا شاب احب الحرية واحب رموزها في ذلك الوقت فعندما تتفجر ينابيعها داخل احساسي يفوح رحيق ذلك الزمن الوريف وياتي معبرا عن نفسة في صورة اغاني وموسيقي
Post: #21 Title: Re: هدية للكنداكة صفية بت إسحاق " تبت يدا حاكم سرق...تبت يدا دجال مرق" غنية Author: محاسن أحمد محمد Date: 03-03-2011, 10:51 PM Parent: #19
ياسلام يا نصر الدين شغل جميل من اجل كل الصفيات تسلم واكيد حنسمع الاغنيه القويه دى فى برنامج السبت ١٢ مارس وسوف نغنى جميعا من اجل صفيه
[B]center>
تحيكم وتدعوكم لحضور الاحتفال السنوى بمناسبة يوم المــــرأة العالمى تحت شعار فليكن صوتنا عاليا فى يوم المرأة العالمى من أجل السلام والديمقراطية والتصدى للعنف ضد النســــاء يشتمل البرنامج على العديد من الفقرات التهنئه لأستقلال حكومة جنوب السودان حوار حول العنف والسلام د/ ندى مصطفى والاستاذه امانى العجب كـــورال المنظمه رقصة السلام راب Citylimits Zeezo & Moeyze تكريم لبعض الاسر السودانيه بمشاركة ازواجهم وابنائهم كلاون والعاب ومفاجآت للاطفال غناء وطرب بمشاركة عدد من الفنانين والموسقين بواشنطون الاستاذ عمر بانقا , الاستاذ عاطف أنيس الاستاذ نادر السودانى الاستاذ نادرحميدى الزمان Saturday 03/12/201 from 8:00pm to 12:00pm المكان Minnie Howard HIGH SCHOOL WEST BRADOCK RD 3801 ALEXANDRIA VA 22302
Quote: إنشاء الله يا نصرالدين سيكون هذا نشيد الإنتفاضه القادمه هل تذكر نشيد أصبح الصبح كان أول نشيديبث عبر الإعلام بعد إنتصار ثورة إكتوبر المجيده. شكرا عبدالمنعم الجزولى شكرا الفنان نادر السودانى.