Post: #1 Title: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-01-2011, 11:07 PM
اعتقد "الموطـر" عادي ممكن يلف في الحيطة.... بس معقولة السيارة !!
Post: #2 Title: Re: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-01-2011, 11:17 PM Parent: #1
شئ عجيب. افتونا يا اهل العلم (ما تعملو رايحيين) انا شايف الحكاية دي زي انها احتمال دبلجة الجماعة المعانا في العزابة اتغالطوا بعضهم قال: "العربية" ممكن تمشي عادي فوق الحيطة.
Quote: شئ عجيب. افتونا يا اهل العلم (ما تعملو رايحيين)
فعلا شيء عجيب
انا غايتو ما من اهل العلم وما عارفة هل ممكن ام لا
لكن البعرفو انو جاتني دوشة وزغللة عيون
Post: #4 Title: Re: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-02-2011, 00:14 AM Parent: #3
زي ما قال القذافي: حنفتش على اهل العلم ديل شِبر-شِبر زنقة-زنقة بوست-بوست لحدى ما يجو يورونا سـر العربات دي شنو.
شاهدي الفيديو مرة واحد بس يا سامية, وسلامتك من الزغللة.
Post: #5 Title: Re: (فـيديو رهيب)...... فيزيائياً هل ممكن هـذا؟ Author: محمد الطيب يوسف Date: 03-02-2011, 11:42 AM Parent: #4
احمد ازيك لست من أهل العلم ولكن كلما زاد اقتراب مركز الثقل من الجدار كلما كان ثبات الجسم أعلي ... بالنسبة لضخامة السيارة التي أذهلتك فالتعامل مع الوزن هنا مختلف قليلا فالعلاقة بين قوة الجذب للجسم والوزن تكون طردية حتي وزن معين اعتمادا علي محيط الدائرة هنا ومن ثم تتحول العلاقة الي عكسية كلما زاد الوزن كلما صعب الثبات المعامل الثالث هو السرعة كلما زادت سرعة الجسم كلما زادت قوة الجذب ... الخلاصة أن الأمر من الممكن حدوثه فيزيائيا تحت شروط معملية خاصة مما يجعلني لا أفتي بصحة الفيديو من عدمه
Post: #6 Title: Re: (فـيديو رهيب)...... فيزيائياً هل ممكن هـذا؟ Author: Frankly Date: 03-02-2011, 11:48 AM Parent: #5
Quote: قوة الجذب
اعتقد اسمها قوة الطرد المركزية
Post: #9 Title: Re: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-02-2011, 06:53 PM Parent: #6
باشمهدنس كمال لك التحية. صحيح الذي جاء في تعليقك اسمها نظرية الطرد المركزي * في معلومات كثرة عن هذه النظرية وجدتها في النت عن طريق محرك بحث القوقل. الإخوة الفيزيائيين و المهتميين ممكن يطالعو المكتوب عن هذه النظرية في النت ويحللوا لظاهرة هذه السيارات.
مع الود
Post: #7 Title: Re: (فـيديو رهيب)...... فيزيائياً هل ممكن هـذا؟ Author: محمد عبد الماجد الصايم Date: 03-02-2011, 11:54 AM Parent: #5
غايتو يا أحمد يا عمكـ الفيديو دا بمثّل حال البورض تماما! كلو ساكي بعضو .. ماشين وين ما معروف!!
Post: #8 Title: Re: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-02-2011, 06:49 PM Parent: #7
Quote: احمد ازيك لست من أهل العلم ولكن كلما زاد اقتراب مركز الثقل من الجدار كلما كان ثبات الجسم أعلي ... بالنسبة لضخامة السيارة التي أذهلتك فالتعامل مع الوزن هنا مختلف قليلا فالعلاقة بين قوة الجذب للجسم والوزن تكون طردية حتي وزن معين اعتمادا علي محيط الدائرة هنا ومن ثم تتحول العلاقة الي عكسية كلما زاد الوزن كلما صعب الثبات المعامل الثالث هو السرعة كلما زادت سرعة الجسم كلما زادت قوة الجذب ... الخلاصة أن الأمر من الممكن حدوثه فيزيائيا تحت شروط معملية خاصة مما يجعلني لا أفتي بصحة الفيديو من عدمه
أ. محمد الطيب بعد التحية ... عاجز عن الشكر .... ممنون على الشرح الوافي ... وقد تكون النظرية صحيحة. نظرية الطرد المركزي واراك إستبدلت كلمة طرد بجذب. بعض الشباب اللي معانا في العزابة ذكرو انه ربما يكون هنالك حقل ميغناطيسي كبير خلف الجدار حيث يقوم بجذب اطارات وهيكل السيارة الحديدي.. هذا قد يكون إحدي التفاسير.
علي العموم ننتظر بقية الإخوة وتحليلاتهم.
Post: #10 Title: Re: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-02-2011, 07:01 PM Parent: #7
هههههههههههههههههههههههههاهههــ عمك محمد عبد الماجد. والله ياهو بالضبط حال العربات حال البورد. المطارده بقت شديدة اليوميين ديل بين البورضاب .. شايف الجماعة عامليين مطارد من زنقة لي زنقة, بوست لي بوست, ربع لي ربع.
انا غايتو تاني توبت وما حا اطارد زول الناس هنا عارفة الصح وراسها قوى ساااكت يا معلم. ما بيسمعو الكلام.
Post: #11 Title: Re: (فـيديو رهيب)...... فيزيائياً هل ممكن هـذا؟ Author: محمد قرشي عباس Date: 03-02-2011, 09:31 PM Parent: #10
الأخ / أحمد محمد بشير
قبال الكلام العلمي أحب أقول ليك إني شفت اللعبة دي بعيوني في سيرك في زمان ما .. و هي حقيقية و ما فيها أي دبلجة أو تلاعب .. يعني متحققة فيزيائيا ..!!
أما المبدأ العلمي البفسرها فهو في غاية البساطة .. و قالوه الأخوان قبالي .. قوة الطرد المركزي (حسب مصطلحات فيزياء نيوتن) و هي ببساطة القوة التي تمنع الماء من الإندلاق عندما تدير جردلا مملوئا به بواسطة حبل في حركة دائرية مستمرة .. فكلما زادت السرعة .. زادت القوة التي تضغط العربة على الجدار فتتجاوز قوة الجاذبية الأرضية التي تشدها لأسفل و الأمر يمكن حسابه ببساطة ليضمن راكب العربة ألا تسقط به مادام محافظا على حد أدنى للسرعة حسب وزن العربة ..
و لو نظرنا للأمر من منظور فيزياء النسبية لآينشتين فسنجد أن المبدأ الأساسي الذي تقوم عليه نظرية النسبية العامة التي فسرت الجاذبية يقول بتكافؤ التسارع و الجاذبية بمعنى أنه لا يمكن التفريق بين القوة الناجمة عن التسارع acceleration و تلك الناجمة عن الجاذبية و التسارع يكون إما بالزيادة المضطردة في السرعة على إمتداد خط مستقيم أو ثبات السرعة في مسار منحني .. كما هي حالة العربة هذه فالطاقة المصروفة لمقاومة شد الجاذبية الأرضية هنا هي هذا التسارع الذي يستهلك بنزين العربة (الطاقة الكيميائية بالبنزين) و بتطبيق مبدأ التكافؤ لآينشتين يكون الأمر و كأنما هناك قوة جاذبية تشد العربة للجدار (في تصاميم محطات الفضاء المستقبلية يوجد دوما إقتراح بجعلها دوارة حتى تنشأ جاذبية إصطناعية تمكن رواد الفضاء من تجاوز مثالب إنعدام الجاذبية و ممارسة حياتهم بطبيعية في الفضاء)
أرجو أن أكون قد أفلحت في تبديد حيرتك .. و شكرا جزيلا للإلتفاته الجميلة حول العقلانية و العلمية في أمر تسلية كهذا
مودتي
Post: #16 Title: Re: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-05-2011, 09:19 PM Parent: #11
شكرا د. محمد القرشي تحليل علمي "فيزيائي لتأكيد الظاهرة الغربية اكيد استفاد الجميع .. و الما مصدق (عليه بوضع ماء في الجردل ويدور الجردل )
بعد كلام الدكتور مافي زول يجي يغالطنا.
Post: #12 Title: Re: (فـيديو رهيب)...... فيزيائياً هل ممكن هـذا؟ Author: ذواليد سليمان مصطفى Date: 03-03-2011, 08:24 PM Parent: #1
زي ما ذكر الشباب طبعا علميا ممكن ونص وطبعا وممكن زول جراي يقدر يعملا برجليه من غير موتر أو عربية
موضوع الطائرة أعقد عشرات الأطنان معلقة في الهواء
Post: #14 Title: Re: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-04-2011, 11:26 PM Parent: #13
Quote: قبال الكلام العلمي أحب أقول ليك إني شفت اللعبة دي بعيوني في سيرك في زمان ما .. و هي حقيقية و ما فيها أي دبلجة أو تلاعب .. يعني متحققة فيزيائيا ..!!
أما المبدأ العلمي البفسرها فهو في غاية البساطة .. و قالوه الأخوان قبالي .. قوة الطرد المركزي (حسب مصطلحات فيزياء نيوتن) و هي ببساطة القوة التي تمنع الماء من الإندلاق عندما تدير جردلا مملوئا به بواسطة حبل في حركة دائرية مستمرة .. فكلما زادت السرعة .. زادت القوة التي تضغط العربة على الجدار فتتجاوز قوة الجاذبية الأرضية التي تشدها لأسفل و الأمر يمكن حسابه ببساطة ليضمن راكب العربة ألا تسقط به مادام محافظا على حد أدنى للسرعة حسب وزن العربة ..
و لو نظرنا للأمر من منظور فيزياء النسبية لآينشتين فسنجد أن المبدأ الأساسي الذي تقوم عليه نظرية النسبية العامة التي فسرت الجاذبية يقول بتكافؤ التسارع و الجاذبية بمعنى أنه لا يمكن التفريق بين القوة الناجمة عن التسارع acceleration و تلك الناجمة عن الجاذبية و التسارع يكون إما بالزيادة المضطردة في السرعة على إمتداد خط مستقيم أو ثبات السرعة في مسار منحني .. كما هي حالة العربة هذه فالطاقة المصروفة لمقاومة شد الجاذبية الأرضية هنا هي هذا التسارع الذي يستهلك بنزين العربة (الطاقة الكيميائية بالبنزين) و بتطبيق مبدأ التكافؤ لآينشتين يكون الأمر و كأنما هناك قوة جاذبية تشد العربة للجدار (في تصاميم محطات الفضاء المستقبلية يوجد دوما إقتراح بجعلها دوارة حتى تنشأ جاذبية إصطناعية تمكن رواد الفضاء من تجاوز مثالب إنعدام الجاذبية و ممارسة حياتهم بطبيعية في الفضاء)
أرجو أن أكون قد أفلحت في تبديد حيرتك .. و شكرا جزيلا للإلتفاته الجميلة حول العقلانية و العلمية في أمر تسلية كهذا
Post: #15 Title: Re: (فـيديو رهيب)...... فيزيائياً هل ممكن هـذا؟ Author: محمد البشرى الخضر Date: 03-05-2011, 07:29 AM Parent: #14
Quote: بعض الشباب اللي معانا في العزابة ذكرو انه ربما يكون هنالك حقل ميغناطيسي كبير خلف الجدار حيث يقوم بجذب اطارات وهيكل السيارة الحديدي.. هذا قد يكون إحدي التفاسير.
الشباب ديل أخير ما تباريهم تاني انت براك ما ناقص
Post: #19 Title: Re: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-05-2011, 09:31 PM Parent: #15
ود البشرى ..... والله صحي الجماعة العزابة اخيرا سكتو بعد تحليل دكتور محمد قرشي ما تتخيل -كان في تنظير عجيب-. غايتو عرفنا الدجال وبتاع التنظيرات منو وبتاع المبالغات منو.
Post: #18 Title: Re: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-05-2011, 09:27 PM Parent: #13
هلا بيك اسامة. اكيد استفدنا منالطرح العلمي بس يا اسامة ما اظن نلقى الزول الجراي الانت ذكرته وممكن يقلد السيارة اللي ظهرت في الفيديو.
دي الا يجيبو ليها -الزولة- النرويجية (لوشفتها) واللي فازت على مستوي العللم اليوم في مسابقة التزلج على الجليد.
Post: #17 Title: Re: (فـيديو رهيب)...... فيزيائياً هل ممكن هـذا؟ Author: احمد محمد بشير Date: 03-05-2011, 09:22 PM Parent: #12
الحكاية جد وحقيقية يا ذو اليد راجع مداخلة د. محمد قرشي انا ما كنت مصدق في الاول ولكن عن طريقة النظريات الفيزيائية كنت متأكد إنو حا يكون في تفسير لذلك عنونت البوست بإستفسارفيزيائي.
)