لماذا ينتفض الشعب الليبى على القذافى وقد بنى له النهر الصناعى العظيم

بتكلفة 25 بليون دولار (بدون قروض من الدول الكبرى)










هاك كبرى الفتيحاب ده( slang 1973)

القذافى موهوم و مقتنع انو الشعب الليبى يحبه ويموت فيه.....


تماما مثل زولنا داك ...

القذافى وصل الموية العذبة لطرابلس من الصحراء (4 الف كيلومتر)


زولنا عطش الناس فى بيت المال على ضفاف النيل

النصري
سلامات

Quote: لماذا ينتفض الشعب الليبى على القذافى وقد بنى له النهر الصناعى العظيم

الإجابة :
لأنه حسب الخطة مفروض يبني فيه سد وكما هو معلوم فإن السد هو أفضل رد
خاصة بعد إحالته إلى الجنائية الدولية غايتو دي دقس فيها
والله أعلم

سلام طه
القذافى بقى يهاتى بالنهر الصناعى العظيم..
كلما يزنقوه فى الكلام يقول انا بنيت النهر العظيم...

بالنسبة لزولنا فهو قد استعمل كرت السد للرد على الجنائية..
ومحتاج يجيب كروت جديدة...

دلوقت لازم يعمل ليه حاجة ب40 بليون دولار عشان
يتعذر بيها لحكم الشعب ...


حكاية كبارى دى ...ما بتخارج مع ناس السى ان ان
وال بى بى سى ..

دايرين مفاعلات نووية وصناعة السفن الحاويات

يا النصرى

سلام

مشروع النهر الصناعى العظيم مشروع فاشل لا يعبر الا عن رغبة الديكاتور لتجميل وجهه بهكذا مشاريع لا جدوى اقتصادية لها

تكلغة جالون المياه حتى وصولها للساحل تفوق تكلغة حالون البترول.

هذا بغض النظر عن تكلفة المشروع التى بلغت 25 مليار دولار و التىكانت تكفى لاطعام الشعب الليبى عشرات السنين بالشراء الطعام من السوق العالمى

الشركات الفرنسية و الابطالية المجرمة و التى قامت بتنفيذ المشروع كانت تدرى ولكنها كانت تريد سرقة هذه الاموال السائبة.


عندما يكون القرار بيد شخص واحد وهو الديكاتور هذا ما يحدث

لو استخدم القذافى هذه الاموال فى تطوير انتاج البترول و الصناعات البترولية لكان هذا افيد للشعب الليبى

سلام هشام
لا حولا ..... معقولة تكلفة ترحيل جالون الموية قدر سعر البترول..
حسب قراءتى عن المشروع ده انو كمية المياه التى يمكن ان يضخها النهر
تعادل مياه النيل لمدة 200 سنة وان المياه كافية لالاف السنين ......

انت متاكد انو المشروع فاشل ..لانو فى العقود القادمة ستكون المياه
ومصادرها والسيطرة عليها شئ استرتيجى تتقاتل حوله الامم....

بالنسبة للقذافى واصراره لبناء المشروع رغم وجود البدائل الافضل فقط
ليرضى غروره فدى انا متفق معاك فيها تماما

Quote: يا النصرى سلام مشروع النهر الصناعى العظيم مشروع فاشل لا يعبر الا عن رغبة الديكاتور لتجميل وجهه بهكذا مشاريع لا جدوى اقتصادية لها تكلغة جالون المياه حتى وصولها للساحل تفوق تكلغة حالون البترول. هذا بغض النظر عن تكلفة المشروع التى بلغت 25 مليار دولار و التىكانت تكفى لاطعام الشعب الليبى عشرات السنين بالشراء الطعام من السوق العالمى الشركات الفرنسية و الابطالية المجرمة و التى قامت بتنفيذ المشروع كانت تدرى ولكنها كانت تريد سرقة هذه الاموال السائبة. عندما يكون القرار بيد شخص واحد وهو الديكاتور هذا ما يحدث لو استخدم القذافى هذه الاموال فى تطوير انتاج البترول و الصناعات البترولية لكان هذا افيد للشعب الليبى

ود المجمر
أوفيت وأغنيت.....



الشايقي

http://www.youtube.com/watch?v=WjNosdjuv7s

فاوضني بلا زعل

[email protected]
http://alkatwah.com

.

النصري يا اخوي
محتجين مجهوداتك في تنيبه العالم لمذابح السود بليبيا.
قبل يومين قتلوا حوالي 27 شاب درافوري يقيمون في 3 منازل جوار بعضهم وقطعوا من خلاف
وتركوا ينزفوا حتى الموت!! قطع الايدي تم من منطقة الكتف كما يروي بعض الناجين!!




اي ثورة هذه؟؟تعتقدها؟؟؟
والانباء تقول اقتحموا سجنا اطلقوا الليبين البيض وقتلوا كل السود ولا يعرف ان كانوا ليبين او اجانب؟!
تخيل يقتلون حتى السجناء...؟؟؟
لعنة الله عليهم صبية القرضاوي.

لا ادري بماذا ليبيا موعوده
تخرج من القذافي المجنون لتقع متشنجين مهاويس اسلامين؟!

سلام مرة تانية يا النصري وعلى الدوام
تعرف الكابو دا أو الواحد كما يطلق عليه في ليبيا
عمرو ما احترم الشعب الليبي
وسمعتو بي أضاني الشقية مرة قال في واحدة
من شداتو اليومية في التلفزيون إنو التاريخ لم ينصفه
لأنو وقع في شعب رعاع
وقال مخاطباً الليبيين : التعب التعبتو معاكم لو كان
مع شعب آخر كان وصل النجوم
أي والله هكذا
وأما النهر البتاع دا فهو ثابت في كل خطاباتو
زي باي نق تربيع الفي قانون الدائرة ديك
..
لو أحرق الشعب الليبي هذا الشخص مئات المرات ما كفاه لكثرة ما أهان الليبيين

Quote: وقال مخاطباً الليبيين : التعب التعبتو معاكم لو كان مع شعب آخر كان وصل النجوم

والله مبالغة عديل ...
جاتنى فكرة رهيبة ..

نجمع اقوال القذافى الفوق دى
واقوال البشير (زى جلد كديسة ويبلها ويشرب مويتها ويلحس كوعه)


نجمع الاقوال دى ونعمل مقارنه ...

فى فيديو

ياخ ده حيكون الذ فيديو فى الدنيا
حديد لاقى حديد

الخارجية السودانية للثوار الليبين:- أقتلو السودانيين حيثما وجدتموهم .....


سلام تراجى
امثال الدجال القرضاوى والجزيرة وغيرهم من المهووسين سبب رئيسى فى الماساة الحاصلة
دلوقت .......

اما حكومة السجم فلها الدور الاكبر فى معاناة السودانيين فى ليبيا ....
كراهيتهم لدارفور ولناس دارفور دفعتهم للوشى بهم والتحريض على قتلهم

الاخ النصرى

المياه الجوفية توجد فى خزانات ارضية لا تجدد سنويا بمياه الامطار كالانهار

الخزانات الجوفية تحتاج لمئات او آلاف السنين لكى تتكون

و عندما تضخ منها المياه بصفة متواصلة تجف كما تجف آبار البترول

لذلك هذا النهر يعتمد على مصدر مضمحل لا يمكن تجديده هذا بالاضافة للتكفلة الباهظة لنقل المياه

انه مشروع فاشل بكل المقاييس

ح تلقي مقارنات بسيطه ممكن تنفع أستاذ النصري دا لو ما أُصبت بالجنون

و أضف لها الجنائية الآن ( مشترك بين الدكتاتوريين ، المخبول القذافي و البشير العوير )
المجنون القذافي في الجزيرة الآن !!!!!!

شكرا الشايقى على المرور

تعرف يالنصري واحدة من قنوات النهر العظيم تاخد المياه من خزان يبدأ من أمدرمان وحتى الحدود الليبية وأعني أكبر خزان مياه جوفية في السودان
يعني المشروع بيشفط ماء هذا الخزان .. ويعدمنا المياه الجوفية.

يا هشام

Quote: انه مشروع فاشل بكل المقاييس

المشروع بضخ 6 مليون متر مكعب من الماء يوميا,,,,

6 مليون متر مكعب من المياه يوميا,,

اتخايل لى ده رقم كبير جدا ومن الصعب ايجاد البديل ليهو....

اما الخزانات الارضية فحسب ما قريت انها تكفى لمئات السنين,,









بعد داك ياكلو نارهم

سلام مها

الشبه كبير بين الشخصيتين
لكن ملاحظ زولنا هادى الايام دى
ان شاء الله

يا عادل اذا كلامك ده صاح معناه النهر الصغيرونى الذى
يجرى تحت امدرمان يكون نشف لدلوقى....

مبنى بوستة امدرمان فوق النهر تماما..
حكى لى احد موظفى البوسته فى السبيعينيات انهم احيانا
يجدو الطابق الارضى(القبو) من المبنى تغمره مياه عذبة..

يتجه النهر شرقا ...هناك عمارة فى دار الزكرى اتشققت بعد بناءها فورا
بسبب المياه الجوية القريبة جدا من السطح واصبحت غير صالحة للسكن..

الغريبة وعلى بعد مربعين من البوسته يوجد بنك فيصل الاسلامى لم توجد مياه
جوفية لمسافات بعيدة....

اظن انو النهر ده يمر بحلتنا ..
لانو بعض ابار السايفون وصلت للموية فى مسافات قريبة جدا..
واخرى لم توجد فيها مياه..

ا

Quote: ما الخزانات الارضية فحسب ما قريت انها تكفى لمئات السنين,,

مستحيل يا النصرى

نريد الارقام و الحسابات

رغم ان الموضوع الذى اثرته يركز على الجدوى الاقتصادية لنقل المياه لكل هذه المسافة

بحسث يصبح سعر جالون المياه اغلى من جالون النفط

من ويكيبيديا يا هاشم

The fossil aquifer from which this water is being
supplied is the Nubian Sandstone Aquifer System.
It accumulated during the last ice age and is not
currently being replenished. If 2007 rates of retrieval
are not increased, the water could last a thousand years.[3][4]

المصدر

برضو هنا
<>



المصدر

خط رجعة
احتمال انا فهمت جملة
could last a thousand years
غلط ....

اظن المقصود انو الموية ممكن تكون قاعدة فى محلها لالاف السنين.....


الحقيقة انا فهمتها فى الاول انها ستستمر فى الامداد لالاف السنين

سلامات يا النصرى
المصدر التانى بيقول ان المياه تقدر بمقدر المياه البتجى من نهر النيل فى ٢٠٠ سنة. يعنى لو جمعنا مياه النيل و ختيناها فى خزان لمدة ٢٠٠ سنة ده بيدينا مقدار الماء الممكن ننقلها بالانبوب ده.
لكن المصدر ما قال مياه النيل وين?
هل هى كل المياه من كل المصادر (المنابع) ام هى المياه المستخدمة? ام هى المياه البتصل الدلتا ? ام هى المياه فى محطة معينة?

بشمهندس هشام

Quote: المياه الجوفية توجد فى خزانات ارضية لا تجدد سنويا بمياه الامطار كالانهار الخزانات الجوفية تحتاج لمئات او آلاف السنين لكى تتكون

الجملة الاولى ما صحيحة
صحيح الخزانات الجوفية تحتاج لسنوات طويلة عشان تتكون . لكنها ممكن تجدد و سنويا كمان.
فى دراسات (و مشاريع على ارض الواقع) كتيرة عن ما يسمى بالGroundwater recharge
وهى (ببساطة) تسرب المياه من سطح الارض للخزانات الجوفية. دى حاجه مفروض تحصل طبيعى لو كانت الارض ما كلها خرسانات و اسفلت.
فى حالة الارض كلها اسفلت و خرسانه ممكن الناس تعمل الحاجه دي بتحديد اماكن معينة تخزن فيها المياه فى فصول الامطار و تكون التربة فى المناطق دى بتسمح بتسرب المياه.
و فى كمان مشاريع لضخ المياه فى الخزانات الجوفية. يعنى فى فصول الامطار لو عندك موية كتيره ممكن تحفر ابار و تضخ مياه فى الخزانات الجوفية عشان تجدد و ترفع مستويات المياه فى الخزانات الجوفية دى.
فى برضو حاجه اسمها Groundwater banking
ده كلو بيكون عملى و مفيد لو ان الاستعمال لمياه الجوفية ما اكتر خالص من ال recharge
طبعا ده ما دليل على ان مشروع النهر الصناعى فاشل او ناجح. عشان نعرف لازم نعمل دراسة للحوض الجوفى و نعرف كل سنة بيخش فيه كم? و احنا بنستخدم كم ? او ما يعرف ب ground water sustainable yield
ليبيا بلد عندها بترول ...يعنى طاقة...و ممكن التحلية تكون خيار ارخص (اقول ممكن).
و فى مرات كتيرة فى مشاريع بتتعمل بس عشان الامن القومى. و ممكن القزافى يكون ما عاوز يشترى اكل جهاز من الخارج و يكون تحت رحمة بلاد اجنبية فى موضوع الاكل ده. عشان كده قرر يستعمل مياه جوفية.
و على ذكر الامن القومى ...امريكا بتدعم الزراعة حتى لو كانت ما اقتصادية و السبب (الامن القومى)

Quote: The fossil aquifer from which this water is being supplied is the Nubian Sandstone Aquifer System. It accumulated during the last ice age and is not currently being replenished. If 2007 rates of retrieval are not increased, the water could last a thousand years.[3][4]

الجملة اللى بالاحمر هى مفتاح الفقرة دى
لو كانت الجملة دى صحيحة. ده معناه ان الداخل للخزان الجوفى ده اكتر من المستعمل. و الفقرة بتقول انو لو الناس استمرت تستخدم مويه بنفس الكميا المستخدمة سنة 2007 فالخزان ده ممكن يستخدم لالاف السنيين.
اما تكلفة ضخ الموية فمفروض تكون عامل بسيط فى المعادلة. فليبيا عندها بترول كتير جدا.

Quote: و على ذكر الامن القومى ...امريكا بتدعم الزراعة حتى لو كانت ما اقتصادية و السبب (الامن القومى)

إيضاحات smart ana تبدو محتملة ,, وأقف في الكود الذي أخذته من آخر سطر ل smart ana فأوضح الآتي بالنسبة لأهمية الزراعة ووضع المياه في أميركا .. تتبع كل مياه الأنهار و الجوفية و المحيطات التي تقع داخل حدود الولايات المتحدة الأمريكية مباشرة لوزارة الدفاع (البانتيجون),, يعني لو حدثت ليك مشكة في الموية مشكلتك حتكون مباشرة مع وزارة الدفاع
قسم ال NATIONAL WATER RESOURSES .. والباقي معروف ..

سلامات الاخ عادل نحيلة
في الحقيقة القسم اللي بيجيك يتكلم معاك في موضوع المياه في امريكا هو ال U.S. Army Corps of Engineers
و اغلبهم مهندسين مدنيين و هم مدنيين لكنهم تبع الجيش. و كل الخزانات بتكون تحت مسوليتهم المباشرة في موسم الفيضانات.

I really enjoy this post

Quote: I really enjoy this post

That's it?1 ...اشيل و اكتب و انظر و تجى تقول لينا كده بس و تمشى؟؟
___________________________
Just kidding, man.I am here to please

معليش يا اسمارت ..
امبارح الحبوب دوختنى..غلبنى حتى احول الكيبورد من عربى لانجليزى....

الحقيقة من وانا صغير عندى obsession (هوس ولع) بالمياه الجوفية..

بكون فى قمة الاثارة وانا اشاهد حفر بير سايفون ولو بمرادى لسالت
مليون سؤال....



البوست مليان بالمعلومات المفيدة ...
لكن كبداية عندى سؤال محيرنى جدا ...

الموية دى ليه ما بتتلوث بالجراثيم؟
مافى جراثيم بهناك (فطريات مثلا)؟
هل هى راكدة ولا جارية ولا بتقدل ؟
والخزانات الارضية دى مش فيها فراغات .....الفراغات دى فيها هواء ؟ اكسجين؟
وكيف وصل هناك ؟






اتمنى برضو المجمر يجينا بجاى ....

سلامات النصرى....انا بهظر بس.
الاسئلة دى عبارة عن كورس كامل فى الجامعة فى الهندسة المدنية عن المياه الجوفية
و اول حاجه بدرسوك ليها هى ان المياه الجوفية تتحرك بمعادلة اسمها قانون دارسى. و الحركة فى المياه الجوفية بتعتمد على نوع التربة و الفرق فى الضغط فى الخزان الجوفى.
المياه الجوفية (غالبا) تعالج قبل الاستعمال الادمى. بيكون فيها املاح كتيرة. فى المنطقة اللى انا فيها فى كم بئر قفلت تماما لان الماء ملوث بارسنك (اظن).
ده موقع فيه معلومات كتيرة عن المياه الجوفية . مر عليه و قول لى "عوك " لو عندك سؤال
http://www.groundwater.org/gi/docs/GWBASICS2.pdf

راجعت الوصلة يا اسمارت وقريتها كلها
لكن برضو الشغلانه ما وقعت لى شديد...

اغرب معلومة انو
98% من المياه العذبة على الارض جوفية...

Of all of the earth’s water that’s useable
by humans, 98% is groundwater



وين البحيرات العظمى وين نهر النيل والوديان والخيران
والمحيطات المتجمدة

ايضا شاهدت الفيديو ده لكن ما ورانى شكل الموية تحت كيف

موضوع شيق

اهم حاجة لفتت نظري حتة انه الموية المسحوبة دي من الحوض الجوفي النوبي وحدوده في امدرمان

دا كلام خطير

نرجو مزيد من القاء الضوء عليه


وشكرا لصاحب البوست والمتداخلين

Quote: وين البحيرات العظمى وين نهر النيل والوديان والخيران والمحيطات المتجمدة

Useable is the key word. The Glaciers and ice caps are not useable. This graph may help




الانهار و البحيرات هى الشريحة اللبنية الصغيرة فى راس العمود ال فى النص.
المياه الجوفية مهمة جدا و لازم نحافظ عليها و نحاول نجددها و نمنع تلوثها.
و ده بذكرنى كلام سمعتوا من ناس ما اظن يعجبهم ذكر اساماءهم هنا. لكن العارفاه ان التلوث العملوه الصينيين المياه الجوفية فى مناطق البترول خرافى جدا. و ده كلام تانى لبوست تانى

What is groundwater?
Groundwater is water that comes from the ground. Sounds easy, doesn't it? Amazingly, many people use groundwater but don't even know it. In fact, half of everyone in the United States drinks groundwater everyday! Groundwater is even used to irrigate crops which grow food for tonight's dinner.

Where does groundwater come from? Groundwater comes from rain, snow, sleet, and hail that soaks into the ground. The water moves down into the ground because of gravity, passing between particles of soil, sand, gravel, or rock until it reaches a depth where the ground is filled, or saturated, with water. The area that is filled with water is called the saturated zone and the top of this zone is called the water table. Makes sense, doesn't it? The top of the water is a table! The water table may be very near the ground's surface or it may be hundreds of feet below.

Think about this: have you ever dug a hole in sand next to an ocean or lake? What happens? As you're digging, you eventually reach water, right? That water is groundwater. The water in lakes, rivers, or oceans is called surface water...it's on the surface. Groundwater and surface water sometimes trade places. Groundwater can move through the ground and into a lake or stream. Water in a lake can soak down into the ground and become groundwater.


Groundwater is stored in the ground in materials like gravel or sand. It's kind of like the earth is a big sponge holding all that water. Water can also move through rock formations like sandstone or through cracks in rocks.

An area that holds a lot of water, which can be pumped up with a well, is called an aquifer. Wells pump groundwater from the aquifer and then pipes deliver the water to cities, houses in the country, or to crops.Most groundwater is clean, but groundwater can become polluted, or contaminated. It can become polluted from leaky underground tanks that store gasoline, leaky landfills, or when people apply too much fertilizer or pesticides on their fields or lawns. When pollutants leak, spill, or are carelessly dumped on the ground they can move through the soil.

Because it is deep in the ground, groundwater pollution is generally difficult and expensive to clean up. Sometimes people have to find new places to dig a well because their own became contaminated.



http://www.groundwater.org/kc/whatis.html

سلام بكرى

عادل فكا لينا المعلومة و طشا-)
نتمنى يرجع ويضيف عليها ..
وياريت لو زول شرح لينا حكاية النهر الصغير البجرى تحت امدرمان
وياكد معلومة غرق مبنى البوستة بسببه.....والبيوت التشقق بسبب المياه
الجوفية فى مدينة يطلقون عليها "حجر" لطبيعة ارضها ...


بالنسبة للحوض النوبى اكيد بتكون حدوده جوة السودان

والقذافى يشطف ساكت و لا فى زول قال ليه عينك فى رجلك


اسمارت جاييك

الجدول بعد الترجمة لتعميم الفائدة (اتمنى تكون المصطلحات صحيحة)
<>

Quote: لكن العارفاه ان التلوث العملوه الصينيين المياه الجوفية فى مناطق البترول خرافى جدا

يا اسمارت الكلام ده انا برضو سمعتو من زول متخصص فى الحاجة دى
وليه معرفة دقيقة بظروف استخراج البترول فى السودان ....

لكن ما بطال يتعمل فى بوست منفصل

النصري أخوي أنا موجود في البوست و مستمتع جدآ بالمداخلات وخاصة
معلومات smart ana ..

المعلومة التي أوردتها هنا سمعتها من أحد مهندسي الخزانات وذكر لي أنهم رفعوا مذكرة يومها ألى مدير عام هيئة توفير المياه آنذاك ـ أعتقد في آخر عهد نميري ـ حول تأثير مشروع النهر العظيم على مخزون أكبر خزانات المياه الجوفية في السودان .. وبماأنني لست متخصصآ في هذا المجال فأننى أترك التوضيح للمتخصصين حول هذه المعلومة.

يا عادل ..بهزر معاك ساى...
المعلومة فعلا مدهشة وغريبة ونتمنى نلقى زول يسلط عليها ضوء اكتر

شوف المعلومات عن الحوض النوبى للمياه الجوفية من موقع الطاقة الدولية للطاقة النووية

<>






بالله مش حاجة تجنن عديل
يقول التقرير ان الموية المدفونه فى الصحراء تعادل ما يضخه
نهر النيل فى 500 سنة


زول يترجم الفقرات بالله
كلام يجنن الما بجنن

لاحولالالالالالالالا
عاين المعلومة دى من نفس موقع المنظمة الدولية للطاقة النووية
الترجمة تحت الصورة
<>


"واليوم ..الدول الاربع(السودان ليبيا تشاد ومصر) تعمل معا فى التخطيط
ودراسة الطرق التى يمكن فيها الاستفادة من الحوض النوبى فى بعض الحالات بالتعاون
مع منظمة الطاقة الدولية.

على سبيل المثال المنظمة اليوم تساعد السودان فى معرفة اسباب التلوث خاصة الناتجة عن
المبيدات الحشرية القمامة والفضلات البشرية التى تدخل "حوض الخرطوم" احدى
الاحواض التى ترتبط بالحوض النوبى الكبير
انتهى



لا حولالالالالالالالالالالالالا





كلامك صاح يا عادل نجيلة القذافى يشطف ساى

Quote: الجملة الاولى ما صحيحة صحيح الخزانات الجوفية تحتاج لسنوات طويلة عشان تتكون . لكنها ممكن تجدد و سنويا كمان. فى دراسات (و مشاريع على ارض الواقع) كتيرة عن ما يسمى بالGroundwater recharge وهى (ببساطة) تسرب المياه من سطح الارض للخزانات الجوفية. دى حاجه مفروض تحصل طبيعى لو كانت الارض ما كلها خرسانات و اسفلت. فى حالة الارض كلها اسفلت و خرسانه ممكن الناس تعمل الحاجه دي بتحديد اماكن معينة تخزن فيها المياه فى فصول الامطار و تكون التربة فى المناطق دى بتسمح بتسرب المياه. و فى كمان مشاريع لضخ المياه فى الخزانات الجوفية. يعنى فى فصول الامطار لو عندك موية كتيره ممكن تحفر ابار و تضخ مياه فى الخزانات الجوفية عشان تجدد و ترفع مستويات المياه فى الخزانات الجوفية دى. فى برضو حاجه اسمها Groundwater banking ده كلو بيكون عملى و مفيد لو ان الاستعمال لمياه الجوفية ما اكتر خالص من ال recharge طبعا ده ما دليل على ان مشروع النهر الصناعى فاشل او ناجح. عشان نعرف لازم نعمل دراسة للحوض الجوفى و نعرف كل سنة بيخش فيه كم? و احنا بنستخدم كم ? او ما يعرف ب ground water sustainable yield

لاخت اسمارت انا

شكرا على هذا السرد العلمى الدقيق

انا لم اقل ان الخزانات الارضية لا تتجدد سنويا ولكنى قصدت بالتحديد مقارنة التجديد السنوى للخزانات الجوفية مع التجديد السنوى لمياه الانهار وهى نسبة لا تذكر

عملية ال recharge عملية بطيئة جدا ولا يمكن مقارنتها بما تجلبه الانهار سنويا من مياه

علماء المياه الجوفية يقولون انه عمليا لا يوجد شئ يسمى safe yield وذلك بسبب أن نسبة ما يضخ من مياه لا يمكن تعويضها من ال recharge بانواعه المختلفة . (بالنسبة للنهر الصناعى العظيم الخزانات الارضية توجد فى منطقة صحراوية امطارها شحيحة جدا ولا يمكن تجديدها بأى من الطرق التى ذكرت)

لذلك تبقى الخزانات الجوفية مضدر مضحمل للمياه و يعتمد هذا على اشياء كثيرة وحسابات معقدة وقد اشرت انت لقانون دارسى

عادة فى مشروع مثل النهر الصناعى تحفر عدة او قل شبكة من الآبار الارتوازية للخزان الجوفى الواحد و هنا تصير الحسابات اكثر تعقيدا

لذلك الذين صممموا و نفذوا مشروع النهر الصناعى العظيم لابد انهم يملكون المعلومات و الحسابات التى تمكنهم من معرفة متى تستنفذ هذه الخزانات

مرة اخرى انا عندما قلت المشروع فاشل كان ذلك عطفا على تكلفة التشغييل و الصيانة التى عندما تحسب لكل جالون مياه يصبح الجالون اغلى من جالون البترول لذلك يصبح هذا المشروع لا جدوى له من الناحية الاقتصادية.

شكرا على النقاش المفيد

الكرة فى ملعب اسمارت ...

سلامات النصرى و عادل
سلامات بشمهندس هشام...و شكرا لك على النقاش المفيد.
لازم اوضح حاجه مهمة جدا جدا ..هى انى ما عندى اى معلومات علمية اكيده عن الحوض النوبى ده...كل العارفاه عنه معلومات من مقالات فى الجريد او ونسة ناس. عشان كده كل كلامى ح يكون بصورة عامة عن المياه الجوفية.

Quote: انا لم اقل ان الخزانات الارضية لا تتجدد سنويا ولكنى قصدت بالتحديد مقارنة التجديد السنوى للخزانات الجوفية مع التجديد السنوى لمياه الانهار وهى نسبة لا تذكر.

لو عاينا تانى لل Graph اللى ترجموا الاخ النصري ح نلقى ان المياه الجوفية تمثل حوال 98% من المياه العذبة الممكن استخدامها فى الارض. و ده بخليها واحد من اهم مصادير المياه. لو كانت المياه السطحية ما متوفرة اظن ان الناس ما عندهم حل تانى غير المياه الجوفية. و ده غالبا هو اللى حاصل فى لبيا

Quote: عملية ال recharge عملية بطيئة جدا ولا يمكن مقارنتها بما تجلبه الانهار سنويا من مياه

عملية الrecharge بتعتمد على نوع التربة. و فى احيان كتيرة ممكن تكون سريعة جدا. مع ان كلمة بطيئة و سريعة ديل كلمات نسبية. و دائما المهندسيين بيحاولوا يعاينوا لكمية المياه فى السنة اللى ممكن تعاد مره اخرى للحوض الجوفى المعين.

Quote: علماء المياه الجوفية يقولون انه عمليا لا يوجد شئ يسمى safe yield وذلك بسبب أن نسبة ما يضخ من مياه لا يمكن تعويضها من ال recharge بانواعه المختلفة . (بالنسبة للنهر الصناعى العظيم الخزانات الارضية توجد فى منطقة صحراوية امطارها شحيحة جدا ولا يمكن تجديدها بأى من الطرق التى ذكرت)

جملتك الاولى تبدوا من مدرسة محافظة جدا جدا. و انا عندى ادلة عملية على عدم صحتها. فى احد الاحواض الجوفية فى شمال كلفورنيا كان المزارعين بيستعملوا المياه الجوفية بصورة كبيرة جدا فى سنوات الجفاف (مياه الانهار ما كفاية لما ناخد منها مياه الشراب و مياه الاسماك). فى السنوات اللى فيها موية كتيرة بيستعملوا مياه الانهار و ما بيضخوا من المياه الجوفية. و لانWater resources management موضوع مهم جدا جدا و خاصة المياه الجوفية...كل المدن او المحافظات عندها ابار لقياس مستوى المياه الجوفية Monitoring wells و شهريا بيمشى الفنى ياخد القياس من البئر. و لما نخت القياسات دى فى Graph بيكون واضح جدا جدا متين المزارعين ديل كانوا بيضخوا موية و متين ما ضخوا و الحوض الجوفى اخد فرصة انه يستعيد صحته. و فى حالات حدوث عدد من السنوات الممطره متتاليات بنلاحظ ان المعدلات ارتفعت بصورة واضحة و احيانا بتصل لمعدلات اعلى مما كانت عليه قبل بداية سنوات الجفاف اللى كان فيها ضخ. ياريت لو ممكن اخت ليكم واحد من القارفات دى. لكنها تعتبر من اسرار العملاء و لا استطيع نشرها.
اما عن حوضننا النوبى فحقيقة انا ما عارفه امتداده من وين لوين. و فى كل الدنيا كل الناس المتشاركه فى الاحواض الجوفية بتتفق على استخدام المياه فى الحوض. لكن احنا بلدنا ما عندها وجيع. و كلامك صحصح عن الجفاف فى منطقى الحوض. لكن امكانية الrecharge للحوض من عدمه بعتمدعلى شكل الحوض هل هو حوض واحد عملاق ام احواض كتيرة صغير متصلة ببعض.

Quote: لذلك تبقى الخزانات الجوفية مضدر مضحمل للمياه و يعتمد هذا على اشياء كثيرة وحسابات معقدة وقد اشرت انت لقانون دارسى عادة فى مشروع مثل النهر الصناعى تحفر عدة او قل شبكة من الآبار الارتوازية للخزان الجوفى الواحد و هنا تصير الحسابات اكثر تعقيدا لذلك الذين صممموا و نفذوا مشروع النهر الصناعى العظيم لابد انهم يملكون المعلومات و الحسابات التى تمكنهم من معرفة متى تستنفذ هذه الخزانات

اكتر حاجه ح تكون صعبة فى الموضوع وده هو حفر ابار استكشافية لمعرفة حدود الحوض الجوفى (مقاساته)و نوع التربة المكونه له وطبيعة تداخل مياه الانهر و الخيران و مياه الامطار. لو عندنا المعلومات دى ما مهم فيه كم بئر و قاعدات وين. فى كتير جدا من برامج الكومبيوتر المستخدمة لحل المعادلات دي و معرفة الحاصل بالضبط فى الحوض. لكن ذى ما قلت اهم حاجه ان نفهم الحوض ذااتوا شكلو كيف. و برامج الكومبوتر دى بتكون مفيده بقدر صحة المعلومات الداخله ليه او ذى ما بيقولواGarbage in, garbage out يعنى لو ختيت فيها معلومات غلط ح يطلع لك من الموديل غلط.

Quote: مرة اخرى انا عندما قلت المشروع فاشل كان ذلك عطفا على تكلفة التشغييل و الصيانة التى عندما تحسب لكل جالون مياه يصبح الجالون اغلى من جالون البترول لذلك يصبح هذا المشروع لا جدوى له من الناحية الاقتصادية

المشكلة ان ليبيا بلد ما اظن فيها مياه سطحية كفاية. بيبقى الخيار التانى هو التحلية و هى برضو ما رخيصة و الصيانه بتاعتها برضو مكلفة جدا جدا. التكنلوجيا غالية جدا و فى حالة دولة كان عليها حصار (بغض النظر سبب الحاصر كان بسبب جن القزافى) ما اظن كان يقدر يعمل مشروع تحلية.

Large-scale desalination typically uses extremely large amounts of energy as well as specialized, expensive infrastructure, making it very costly compared to the use of fresh water from rivers or groundwater.[3]http://en.wikipedia.org/wiki/Desalination

اما شراء الاكل من الخارج فده خيار ما فى دولة عاقلة بتعمله. الامركان و الروس و الاستراليين فى اول زعله من اى واحد منهم يمسكوا عليهم قمحهم و تتحير شعوب العالم التالت.

فى النهاية المياه الجوفية ذيها و ذى اى ثروة طبيعية .لازم ندرسها عشان نقدر نحافظ عليها. و كون ان القزافى سرق مويتنا فدى مشكلتنا.. ..ما مشكلة القزافى. و لو كنت مكانه كنت عملت كده. ذى ما المصريين بنو السد اعالى فى حلفا

شكراً لصاحب البوست النصري ولكل المتداخلين

و شكر خاص للاخت smart_ana2001

سلام عمر
شكرا على الكلمات


















الخيل تجقلب والشكر لاسمارت




انا اشيل واترجم