Post: #1 Title: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-27-2011, 10:08 PM Parent: #0
جندريات .. براحه علينا، برانا مجهجهين
اعرف ان نضال المرأة السودانية له تاريخ طويل وهناك من كن على استعداد لتقديم ارواحهن فداءا لهذا الوطن وما زالت حواء السودانية تلد لنا كل يوم اخوات وبنات يسدوا عين الشمس ويرفعن الراس
واعرف انه ليس من حقناالتدخل في حريتكم الشخصية فيما تفعلون وما تريدون ان تفعلوه وان نعيدكم الى عصر الحريم وحبسكن كما يريد مهاويس السلفية
هناك رسائل كثيرة ارادت الحكومة ارسالها عبر جريمتهم القذرة ضد اختنا صفية، فالامر اذا ارادوا ان يكتموه لكتموه وكتموا انفساها معها
هل لتخويف النساء من الخروج للشارع؟؟ فكرامتهم لا تسمح لهم هؤلاء (حسب تصورهم المريض طبعا، فهؤلاء لا كرامة لهم)
هل هزمتهم مناهل في شوارع الخرطوم وارغمتهم لبلع كلماتها في الشوارع التي استحالت على اعتى الرجال المناضلين
هل اخافتهم السيدة مريم الصادق مما اضطراهم الى ضربها كانهم ينازلون رجلا بشنبات؟؟
وامكن احتمالاتي كلها خطأ
فربما ينقلب السحر على الساحر فبدل صفية واحدة تصور وتوزع قد تخرج آلاف الصفيات في المرات القادمة
المقدمة الطويلة دي كلها عشان اصل لـ :
هل تأخرنا كرجال في منازلة هؤلاء الكلاب كما يجب؟؟
Post: #2 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-27-2011, 10:24 PM Parent: #1
يوم دقة الكيزان في جامعة الخرطوم على يد القوى الوطنية في 1991 ن وعمدما بدأوا في الهروب بدأنا في المطاردة، كنت في شارع النشاط، وبدأت اجري في اتجاه كلية العلوم من الخلف، واختصارا جريت بالممر الذي يمر بمكتب امين المكتبة، من درسوا في السنتر بعرفوا الوصف، وكانت بجانبي فتاة "سامسك عن اسمها" اخوها يكتب معانا هنا، ليس هذا السبب لكن لاسباب كثيرة.
المنهم اول ما دخلنا الممر في اتجاه خلف المكتبة كان في منتصف الممر كوز ورمى باتجاهنا ملتوف الملتوف اول ما سقط، سقط على حائط المكتبة (يبدو انو كان قاصد يحرق المكتبة يومها) ولكن ربك لطف انها لم تسقط داخل المكتبة وانحرفت اتجاهنا، وربك لطف مرة تانية ان الملتوف لم ينشر البنزين واللهب وان كان ما زال فتيله مشتعلا
قفزنا انا والبنية في وقت واحد فوق الملتوف وتوقفت انا لثانية، وركلته باتجاه النجيلة وقلت لها، "احسن ترجعي بعد كده"
في ظني ان الامر جاب ملتوف والعكاكيز بقت مواسير حديد والبنية دي ما تتعوق ساكت
يا زول كحلتني ليك بنظرة فهمت انو احسن "تقطم" وسك سكك للناس ديل انا ما راجعة، وفعلا واصلت معي وبقية الطلبة في حصار فلول الكيزان الذين لم يجدوا مفرا الى القفز من السور بجوار كافتيريا علوم ومن يومها تاني ما شفنا كوز في الجامعة على الاقل لمدة تلاتة ايام الا ان اغلقها المدير الى اجل غير مسمى
يعني رجالة البت السودانية انا شوفتها شوف العين، نار على سيخ كله ما هماها
لكن جنس البقت فيهو صفية دا، يعملوا معاهو شنو؟؟
Post: #3 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-27-2011, 10:39 PM
عادي جدا كانوا يقبضوا الشباب من الجامعة يكسروهم كسر الجن في بيوت الاشباح فقط كنا نتمنى ان نراهم احياء، وتمضى الحياة ويمضي النضال
عادي جدا، يجوا كلاب الامن يسوقوا قريبك من البيت ويجيبوهو بعد شهرين وجلده مسلوخ يقعد كم شهر كده ويسوقوهو تاني وتالت وما خوف على صمودهم، فقط على حياتهم
لكن الكلاب ديل لو ساقوا ليهم بت تاني؟؟؟ نبقى في ح يحققوا معاه بس ويدوها كفين ويفكوها ام سيغتصبوها؟؟
Post: #4 Title: Re: حائرٌ انا .. مع او ضد خروج اخواتنا في مظاهرات مستقبلية Author: خدر Date: 02-27-2011, 10:55 PM Parent: #3
Quote: لكن جنس البقت فيهو صفية دا، يعملوا معاهو شنو؟؟
Quote: لكن الكلاب ديل لو ساقوا ليهم بت تاني؟؟؟ نبقى في ح يحققوا معاه بس ويدوها كفين ويفكوها ام سيغتصبوها؟؟
يا فنان .. !! مالك الليلة انت !! الحاصل عليك شنو ؟ الاسئلة دي ما بتشبهك و الحيرة دي ما مفروض تحصل ليك دي اسئلة ساهلة ياخ صفية فتحت الباب و حلتها تاني في شنو ؟
Post: #5 Title: Re: حائرٌ انا .. مع او ضد خروج اخواتنا في مظاهرات مستقبلية Author: الامين موسى البشاري Date: 02-27-2011, 11:00 PM Parent: #4
احمد ابن عوف
سلام يا دفعة حرية الانسان قيمة لا تعادلها
الا قيمة الحياة نفسها ومن تخرج عليها تقديم حياتها اولا
انت هكذا تساعد في نسج خيوطهم لتكون النساء من القواعد
فأيهما اولى واغلى الشرف ام الحياة نفسها؟
عليك الاجابة وعليهن الاختيار بين الذل والحرية
تحاياي
Post: #6 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-27-2011, 11:01 PM Parent: #4
سلام يا خدر
Quote: تاني في شنو ؟
Quote: هل تأخرنا كرجال في منازلة هؤلاء الكلاب كما يجب؟؟
بالاضافة للسؤال الصعب
هل ستخشى مناضلات قرفنا وحق وامة واتحادي وشيوعي وبقية الاحزاب المعارضة من الخروج مجددا؟؟
Post: #7 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-27-2011, 11:09 PM Parent: #6
سلام يا امينو ليك وحشة
Quote: احمد ابن عوف
سلام يا دفعة حرية الانسان قيمة لا تعادلها
الا قيمة الحياة نفسها ومن تخرج عليها تقديم حياتها اولا
انت هكذا تساعد في نسج خيوطهم لتكون النساء من القواعد
فأيهما اولى واغلى الشرف ام الحياة نفسها؟
عليك الاجابة وعليهن الاختيار بين الذل والحرية
تحاياي
تشكر يا حبيب على المداخلة وان زادتني حيرة على حيرتي
الرمم ديل النضال بكون معاهم بعد كده بالعضل بس، ودي ما بتغالطوا معاي فيها نفرين انها من واجب الرجال دون النساء
فالمعركة مع هؤلاء مافي طريقة بعد كده نتزاوغ منها، كاسوري بس
Post: #8 Title: Re: حائرٌ انا .. مع او ضد خروج اخواتنا في مظاهرات مستقبلية Author: خدر Date: 02-27-2011, 11:16 PM Parent: #7
ابنعوف بعد ردك لي و لي اخوك البشاري ده انا لو منك , بوستك ده يا انكروا طب او اطلب من بكري يحذفو يا كمان نحن نحاول نشوفك من الاول بي عين جديدة
______ ما عندي شي تاني اضيفو في بوستك ده و لو ما فهمتني نتراسل بالخاص (عشان الحاجات تبقي كويسة)
Post: #9 Title: Re: حائرٌ انا .. مع او ضد خروج اخواتنا في مظاهرات مستقبلية Author: Amani Al Ajab Date: 02-27-2011, 11:25 PM Parent: #8
الأخ أحمد أبو عوف .. هذه رسالة صفية والان الألاف معها من الجنسين ..
Quote: حديث صفية :انا دايره اوصل رسالة لأي بت اتعذبت دايره اقول ليها انو تكون قوية تصمد .. من اجل النضال.. من اجل انو الوضع يتغير ...لازم انحن نضحي فالحاجات هي ما ساهلة لكن الناس تصبر وانا بفني حاوصل رسالة حالون وحاعمل معارض عن المواضيع البتهم المرأة انا بشكر الناس كلهم الوقفو معاي وحابقى قوية عشان الحاجات تبقى كويسة
Post: #10 Title: Re: حائرٌ انا .. مع او ضد خروج اخواتنا في مظاهرات مستقبلية Author: تيسير عووضة Date: 02-28-2011, 05:28 AM Parent: #9
سلامات يا أحمد ..
تساؤلك وقلقك مشروعين ولكن أنا مع خروج النساء لمظاهرات مستقبلية إذا المرة دي إغتصبوا النساء المرقوا يتظاهروا بكرة كان قعدوا بيجوهم يغتصبوهم في بيوتهم!
نساء دارفور المغتصبات قبلاً هل خرجن متظاهرات؟ أم أنهن كن آمنات في بيوتهن وقراهن بين آبائهن وأبنائهن؟؟
Post: #11 Title: Re: حائرٌ انا .. مع او ضد خروج اخواتنا في مظاهرات مستقبلية Author: محمد عبدالرحمن محمد Date: 02-28-2011, 05:44 AM Parent: #10
Quote: و الحيرة دي ما مفروض تحصل ليك
طارق يا نجيضاً لامن محرق؛
أحمد ودبنعوف كايس معاهن [ نحنا ]..
و؛
آآآآآآخ يا [ نحنا ] وين؟
Post: #12 Title: Re: حائرٌ انا .. مع او ضد خروج اخواتنا في مظاهرات مستقبلية Author: Afraa Sanad Date: 02-28-2011, 05:55 AM Parent: #11
إنت يا أحمد من زمن البنات البشاورن اخوانهم
يا أخوي الزمن ده وبفضل الانقاذ بقن قدامكم و لو ما مصدق أسال صفية و مناهل و لدن و و و ... حواء والدة يا أخوي و حكمة الله بقت تلدي بنات يسدن عين الشمس
Post: #13 Title: Re: حائرٌ انا .. مع او ضد خروج اخواتنا في مظاهرات مستقبلية Author: Sana Khalid Date: 02-28-2011, 06:14 AM Parent: #12
تحياتي الأخ أحمد بن عوف..
جزء لا يستهان به من نساء السودان لا يقعدهن الإرهاب بأي سلاح كان! بالعكس.. في رأيي أنهن فقن الرجال قوة و عزيمة.. و دي أهم من العضلات و الا شنو؟ و بنات السودان ختو الإجابات بصورة عملية.. صفية نفسها ختت الإجابة بصورة عملية لما ما خافت بعد كل الاتعرضت ليهو.. و رغم إنها ضاقت العذاب في جلدها.. لكن ما استكانت.. و طلعت عشان تواصل و قالت عشان الحاجات تبقى كويسة.. صفية كانت و لا زالت أقوى من كثير من الرجال و أقوى من جلاديها و مغتصبيها..
على كل بعض من الإجابة لمثل هذه الحيرة و التساؤل جاء على لسان أختنا من مصر (أسماء محفوظ) ..
Post: #14 Title: Re: حائرٌ انا .. مع او ضد خروج اخواتنا في مظاهرات مستقبلية Author: مريم بنت الحسين Date: 02-28-2011, 09:31 AM Parent: #13
الاخ احمد... انت زول قلبك على اخواتك... وانا ادين بشدّة استنكار خدر عليك هذا التفكير
التفكير العملي يا خدر هو ان يفكر الناس في آلية لحماية البنات أثناء المظاهرات... تنظيم معيّن لمنع الاعتقال... وتغطية إعلامية كبيرة في حال حدوث اعتقال... صفية قطعت الطريق على الممارسات دي لأنها كشفتها... لكن برضه الحذر واجب...
تحياتي للجميع
Post: #15 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-28-2011, 04:17 PM Parent: #14
سلام يا تيسير تحياتي شكرا لمداخلتك واحييك على اصرارك لمواصلة الخروج ضد النظام
Quote: إذا المرة دي إغتصبوا النساء المرقوا يتظاهروا بكرة كان قعدوا بيجوهم يغتصبوهم في بيوتهم!
بسووها
Post: #16 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-28-2011, 04:26 PM Parent: #15
سلام يا اماني
Quote: الأخ أحمد أبو عوف .. لا لتثبيط الهمم .. هذه رسالة صفية والان الألاف معها من الجنسين ..
شكرا لكلماتك
بوستي ليس لتثبيط الهمم، بوستي ليكم انتو اخواتي في المنبر، لكي تبددوا اي مخاوف لآلاف البنات الممكن يخافوا عشان كده، ادعيت انني حائر عشان ما اسوق البوست بمزاجي
اكتبوا ما شئتم في هذا البوست، افتحوا بوستات اخرى، وشكرا لكل ما ادلت بدلوها
يا اماني، ومن غير الدخول في تفاصيل دقيقة، لانني لا املك حق نشر حوادث دون موافقة صاحبتها وهي قريبة جدا مني، وشرفها شرفي
قبل 15 سنة، انتهكت كرامة سيدة في نفس المكان القذر الذي اغتصبت فيه صفية، وليس لانها ناشطة سياسية فقط لمزيد من اذلال زوجها المعتقل حينها، ودا كله احنا ما ناسينو والقصاص آت ان شاء الله
الدافننو جوانا كتير
Post: #17 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-28-2011, 04:30 PM Parent: #16
غايتو يا محمد عبد الرحمن وخدر شبكتوني الغاز وودرتونا معاكم
Quote: طارق يا نجيضاً لامن محرق؛
أحمد ودبنعوف كايس معاهن [ نحنا ]..
و؛
آآآآآآخ يا [ نحنا ] وين؟
Post: #18 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-28-2011, 04:39 PM Parent: #17
الف تحية يا عفراء
Quote: إنت يا أحمد من زمن البنات البشاورن اخوانهم
يا أخوي الزمن ده وبفضل الانقاذ بقن قدامكم و لو ما مصدق أسال صفية و مناهل و لدن و و و ... حواء والدة يا أخوي و حكمة الله بقت تلدي بنات يسدن عين الشمس
والله مصدق
Post: #19 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-28-2011, 04:50 PM Parent: #18
تسلمي على كلماتك يا اخت سناء
معاك في كل كلمة قلتيها، كلمة كلمة وحرف حرف
Post: #20 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-28-2011, 05:00 PM Parent: #19
اختي مريم بت الحسين
Quote: الاخ احمد... انت زول قلبك على اخواتك... وانا ادين بشدّة استنكار خدر عليك هذا التفكير
آآي بالله ادينوهو بشدة استنكار خدر دا (تحياتي يا خدر)
Quote: التفكير العملي يا خدر هو ان يفكر الناس في آلية لحماية البنات أثناء المظاهرات... تنظيم معيّن لمنع الاعتقال... وتغطية إعلامية كبيرة في حال حدوث اعتقال... صفية قطعت الطريق على الممارسات دي لأنها كشفتها... لكن برضه الحذر واجب...
دي واحدة من المداخلات النجيضة في البوست دا
جهاز الامن اذا قرر منازلة المعارضة في الميدان وفتح بيوت الاشباح مرة اخرى، فالتأمين واجب
اذيال النظام بالمنبر بتوهموا ان المناضللين يفرحون عند اعتقال احد النشطاء السياسيين
وانا كناشط سياسي سابق، اقول وبمليء فمي، اقصى ما كنا نخشاه ان يسقط احد الشباب في قبضة هؤلاء الكلاب
Post: #21 Title: Re: حائرٌ انا .. مع او ضد خروج اخواتنا في مظاهرات مستقبلية Author: Safia Mohamed Date: 02-28-2011, 05:07 PM Parent: #19
سلام
غايتو في حل ساهل الكراتيه غايتو انا ماعندي مشكلة شوتة واحدة تشيل بيها ثلاثة من الشارع قبال يركبوك العربية ولا شنو
ثم ثانيا غاظني كلامك
لكن فيما معناه هل تقاعسنا نحن الرجال عن مهامنا
كانك تقر ضمنيا بان هذا الدور ليس لنا والصاح الدور مفروض يكون واجب الكل وليس نوع او عمر معين المهم ما دام الحكاية عضلات تبش كراتيه تاكوندو وغيره منعا لاغتقال وبعد داك الباقي هين
تحياتي صفية
Post: #22 Title: Re: حائرٌ انا .. مع او ضد خروج اخواتنا في مظاهرات مستقبلية Author: Amani Al Ajab Date: 02-28-2011, 05:40 PM Parent: #21
عذراً الأخ أحمد أبن عوف إذا كلماتي حادة وسوف أسحبها .. اتفق هناك المئات من حالات الإغتصاب تمت بمكاتب الأمن ولكن خوف الفتيات والنساء من نظرة المجتمع فضلن الصمت .. الأبنة صفية كسرت الحاجز وفضلت الخيار الصعب إنحيازاً لبنات جنسها وكشف عورة النظام القمئ.. هل يعني ذلك أن يكون جزاء ذلك الخضوع لنظام الإغتصاب والذي لن يتوقف ولن يغير اسلوبه والذي ليس بجديد عليه أم الصمود والتضحيات من أجل الحاجات تكون كويسة؟ هناك المئات من الفتيات من جيل صفية قد زادهن ذلك حماس والمضي في الطريق الصعب هل نبعث الخوف فيهن بتلك التساؤلات؟ السؤال الملح الأن أين الرجال ؟ هل أصبحن النساء هن المتصديات ؟
Post: #23 Title: Re: حائرٌ انا .. مع او ضد خروج اخواتنا في مظاهرات مستقبلية Author: rummana Date: 02-28-2011, 05:42 PM Parent: #21
اخي الكريم الرجل اتعود يستخدم المرأة كوسيلة ضغط ومحاربة لعدوه الرجل ولا يحارب المرأة لذاتها أو نضالها، وعموما في أعماق كل رجل سوداني ثقافة متأصلة اسمها المرة لو بقت فاس ما بتكسر الراس.. الأمن قاصد يخرسكم أنتم الرجال أكثر من اخافة المرأة.. قاصد يهينكم ويخوفكم ويستعرض عضلاته قدامكم عشان يكبلكم زيادة وده ما معناه انه – لحد الآن – ما شاف المرأة السودانية بتقدر تعمل شنو.. شايف وعارف بس حيظل يحمل نفس الثقافة ويحارب بنفس السلاح وصدقني ده ما حيوقف النساء..امكن يجعلهم أكثر حذر لكن ما حيوقفهم .. ده طوفان جاي.. زي ما قالت سعاد الشيخ "انها ثورة النساء" ما فيش داعي تحتار يا أخي.. النساء خرجوا للشارع من زمان وما حيرجعوا (تعرف أنا سمعت الليبين بهتفوا بما معناه النساء للبيوت والرجال للشوارع وأظنهم بقصدوا يحمسواالرجال للخروج للقتال وعدم البقاء في البيوت .. )
Post: #24 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-28-2011, 10:24 PM Parent: #23
الاخت صفية
Quote: كانك تقر ضمنيا بان هذا الدور ليس لنا والصاح الدور مفروض يكون واجب الكل وليس نوع او عمر معين
كلام سليم، لكن التكتيك مفروض شكله يتغير
Quote: المهم ما دام الحكاية عضلات تبش كراتيه تاكوندو وغيره منعا لاغتقال وبعد داك الباقي هين
بعد ان فشلت الحركة الشعبية واحزاب المعارضة في ان تمنع تمرير قانون الامن العام وبالتحديد المواد الخاصة بالاعتقال، كتبت بوست في مكان آخر ينصح اي مواطن ان يقاتل حتى آخر رمق ضد من يودون اعتقاله (اتحدث عن اعتقال بغير امر مكتوب من قاضي او وكيل نيابة) او ان يكونوا بلباس مدني
ما جرى للصحفي محمد طه يجب ان لا يتكرر، وما حدث لصفية لا يجب ان يتكرر
لكن فكرة الكراتيه دي رهيبة تحياتي
Post: #25 Title: Re: حائرٌ انا .. مع او ضد خروج اخواتنا في مظاهرات مستقبلية Author: محمد عبدالرحمن محمد Date: 02-28-2011, 10:35 PM Parent: #24
Quote: غايتو يا محمد عبد الرحمن وخدر شبكتوني الغاز وودرتونا معاكم Quote: طارق يا نجيضاً لامن محرق؛
Quote: آآي بالله ادينوهو بشدة استنكار خدر دا (تحياتي يا خدر)
Post: #26 Title: Re: حائرٌ انا .. مع او ضد خروج اخواتنا في مظاهرات مستقبلية Author: أحمد ابن عوف Date: 02-28-2011, 10:50 PM Parent: #24
سلام الاخت اماني
Quote: عذراً الأخ أحمد أبن عوف إذا كلماتي حادة وسوف أسحبها ..
تعتذري على شنو وتسحبي شنو؟؟ احنا ايامنا بالديموقراطية راسخ، ويعني اسمع كلام مخالفيك اكتر من مؤيديك زاتو
Quote: هل يعني ذلك أن يكون جزاء ذلك الخضوع لنظام الإغتصاب والذي لن يتوقف ولن يغير اسلوبه والذي ليس بجديد عليه أم الصمود والتضحيات من أجل الحاجات تكون كويسة؟
بس ما لدرجة ان تعرضوا انفسكن لمثل هذه المواقف، تريد ان تكون صفية هي الاخيرة
Quote: هناك المئات من الفتيات من جيل صفية قد زادهن ذلك حماس والمضي في الطريق الصعب
ربنا يطمنك
Quote: هل نبعث الخوف فيهن بتلك التساؤلات؟
كلام سليم، لا نريد بعث الخوف، لكن الحذر مطلوب
Quote: السؤال الملح الأن أين الرجال ؟ هل أصبحن النساء هن المتصديات ؟
وينو خدر، فالح فيني انا بس ههههههههههههه
دي طبعا ظاهرة في الآونة الاخيرة، والى الآن لم تجد تلك الظاهرة نصيبها في النقاش بصورة تستحقها
في حاجات يا اماني مهما ادعينا المساواة وحقكم في ممارسة ما تريدون بحرية، لكن العمل النضالي احيانا بتتطلب حاجات ما بتقدر عليها البنت، القصة ما بالضرورة تكون عضل، مثلا
تحتاج احيانا ان تبيت خارج البيت يومين، تلاتة، اسبوع او شهر، وتكون لابس نفس هدومك ما تغيرها واهلك ما عارفنك في مدني وللا الابيض وعادي اهلك بقلقوا عليك لكن ما للدرجة دي
اها يا اماني، وان قبلتم، هل في سوداني ممكن يطلب طلب زي دا من اخت وزميلة في التنظيم؟؟
الامر قد يختلف في بعض المجتمعات، وما نمشي بعيد، داخل السودان وبعض جيراننا
جبهة التحرير الارترية كانت حرصة ان يكون عدد مقاتليها في اي كتيبة او سرية او حتى فصيل صغير ان يكون نصفها من النساء ونصفها من الرجال، شرحوا لنا بعض الاسباب، المهم، الفتاة الارترية خرجت للعراء في ظروف قاسية جدا، وحملت البندقية وغابت عن ذويها بالشهور والسنين، وكشعب تقبل الامر
لكن في السودان، الحركة الشعبية وفي طيلة سنين نضالها لم تجند امرأة واحدة، حركات دارفور المسلحة لم تجند فتيات
لكن دورها في الجنوب ودرافور كان معروف ومقدر، ليس الآن فقط بل من زمن مهيرة