يا جماعة قولو لي غلطان!

هذا المنبر سوق رأي سوداني.
يعني فيهو العايز يبيع لينا كمبيوتر، والعايز يبيع لينا كلام، والجالب غنماية، والفارش تبش، والجاي عشان يقضي وكت ساي عشان قرفان وصليبو طالع وراسو ضارب.
لازم نتفق أن لا حجر على أحد، مهما اختلفنا معه.
دي حقو تكون مسالة مبدئية.

*******
بعض هذه المعروضات رابحة، وبعضها ح يبور.
وأنت الذي تحدد اتجاهات السوق بما تتخذ من قرارت حول أين تريد أن تصرف وقتك.
فالوقت من ذهب كما قيل.
ما عايز تبش؟ جدا. أمشي للبعدو. لا كين ما تقول ممنوع بيع التبش.
قد إكون في زول واحد بيحب التبش. خليهو اشتريهو.
إنت مالك ومالو.
إلا إذا قاليك لازم أنت برضو تاكل تبش وبس في سوقنا دا. دي تبقى مشكلة.
وقتها ستجدني في صفك.

*******
لازم نتجاهل شنآن الإنقاذيين.
ونعدل، لأن ذلك أقرب للتقوى.
أو بالعلماني كدا، ده ما يميز الاحرار عن الديكتاتوريين.

الأخ / موسى أحمد مروح

يا زول سلامات

كلامك سمح تب
والغلط برا وبعيد منك..

شكرا علي الكلام المسح ده..

مودتي

جمال، إزيك يا حبيب.
شكرا على وقتك وكلماتك.
لك التحية.