نداء لقبائل الجعليين والشايقية والبديرية .. وفقاً لنداء الثوار لقبيلة القذاذفة الليبية

إلى قبائلنا فى الشمال العظيمة ..

قبائل الجعليين، قبائل الشايقية وقبائل البديرية ..

أرجوكم أسمعوا إلى نداء الثوار فى ليبيا الذى يوجهونه مراراً وتكراراً إلى قبيلة القذاذفه التى ينتمى إليها الرئيس الليبى القذافى، بالأنضمام إلى ركب الثورة الليبية ..


بريمة

الاخ بريمة محمد

Quote: الى قبائلنا فى الشمال العظيمة .. قبائل الجعليين، قبائل الشايقية وقبائل البديرية .. أرجوكم أسمعوا إلى نداء الثوار فى ليبيا الذى يوجهونه مراراً وتكراراً إلى قبيلة القذاذفه التى ينتمى إليها الرئيس الليبى القذافى، بالأنضمام إلى ركب الثورة الليبية .. بريمة

اتوقع انك تعلم ان قبائل الشايقية و الجعلين و نوع ما البدرية و الكثير من قبائل الوسط من الحلاوين لا توجد لديهم وحدة قبلية متماسكة كما هو موجود في غرب السودان ربما يوجد تعاون لدرجة قليلة بين اسر او قري ...
فربما يكون الحزبية او الطرقية ( طرق صوفية ) ذات اثر اكبر من النداء القبلى في هذه المناطق الشمالية في السودان ....

ازيك يا بريمة

والله لو ما طولت منك كنت طلعت ليك بالرابع طوالي

انت الله ما ليك وللا شنو، نشيل ونعيدو ليك الف مرة

مالي انا كبديري ومال البشير اكان جعلي وللا دارفوري؟؟

والف مرة قلنا القبيلة في الشمال خلاص، با بح من زمان خالص، وجيبنا ليك
اثباتات من دفاتر المستعمر نفسه قبل كده وممكن نجيبها ليك تاني

لكن بعد كده اصلو ما ببرد ليك بطنك

انا احمد البديري دا، في حربي ضد هذا النظام الا ابدأ بالبقارة والمسيرية والفور والزغاوة
وعموم الغرابة في الاول حتى اقبل على علي عثمان ورهطه، لانو ديل ما اصحاب قضية ولا بعرفوا
مشروع اسلامي وصدام حضارات، ديل طفيليات شغالين بي بطونهم عشان القروش، عشان كده تجدهم
اكثرهم كفرا ونفاقا واكثرهم ضرواة في الدفاع عن النظام، عندك كاشا وهارون وكبر نموذجا

لمن نخلص من جراثيم الهامش دي بعدين بنعرف كيف ننظم صفوفنا للضربة القاضية، وبنعرف من وين
نعضى اخوانا

اها، الكلام القبيح الانا كتبته دا كيف معاك، دايرنا نواصل والله نواصل معاك للصباح

سيبك من العنصرية يا بريمة، سيبك منها، العنصرية انت ما قدرها، ليس تقليلا من شأنك
لكن العنصرية تيراها ممكن يجرف بلد بحالها زي ما حصل في السودان الاتفتت وفي طريقة
لمزيد من التفتت من جنس كلامك دا

تحياتي

الأخ مدثر

سلامات ..

مهما تنوعت أنتماءات هذه القبائل السياسية والدينية تظل هى قبائل ذات دور كبير فى مستقبل حكم السودان ..

وهذا النداء هو بمثابة لفت أنتباههم إلى ما يؤوله إليهم الشعب السودانى وأبناءه فى بناء سودان ديمقراطى ..



بريمة

ما هذا الا قرف وغثاء
الناس فى شنو وانت فى شنو

يعنى الا يقولوا ليك صفيه بقاريه

الأخ أحمد
سلامات ..

Quote: مالي انا كبديري ومال البشير اكان جعلي وللا دارفوري؟؟

أولاً أنا لم أذكر الرئيس أو علاقتهم به .. أنا أؤول على الدور التأريخى الذى لعبته هذه القبائل فى بناء السودان الحديث .. وهذا الدور التأريخى لا يمكن أن يختزل فى أجندات صغيرة كالأحزاب أو الحكومات ..

بخصوص الرئيس نحن البقارة لقد عاش الرئيس بيننا كقائد عسكرى لمنطقة النوير قبل أن يكون رئيساً وهو يعرف موقفنا منه كقائد حينها، كانت قبائلنا سند قوى سواء أجتماعياً أو عسكرياً ولكن ذلك السند لشخص الرئيس يستقله الحزب لمأربه الحزبية ..

أنا هنا ليس فى دواس أسفيرى ومحاولة جعجعة من أجل محاربة النظام، أنا هنا بصدد رفع همة شعوبنا السودانية للرقى بنظرتها إلى ما تتطلبه المرحلة وأستلهام تأريخها فى بناء هذا السودان ..

أبناء الشعب الليبى بكل فصائلهم السياسية والشعبية من الثوار ينادون بصوت واحد لأخوتهم من قبيلة القذاذفة .. ويذكرونهم بدورهم البطولى فى حروب التحرير من أجل تحرير ليبيا من المستعمر، ويذكرونهم بأن الهدف أكبر من أفراد أو حكومة أو ولاءات قبيلة .. الهدف بناء دولة تسع الجميع ..

بريمة

الأخ محمد زكريا
سلامات ..

Quote: ما هذا الا قرف وغثاء الناس فى شنو وانت فى شنو يعنى الا يقولوا ليك صفيه بقاريه

لا خلاف لى على نبل موقفك .. لكن أدى أخوك فرصة ..

بريمة

****
بريمة

Quote: نداء لقبائل الجعليين والشايقية والبديرية .. وفقاً لنداء الثوار لقبيلة القذاذفة الليبية

أستغفر الله العظيم أسع الواحد يكتب

يقول ليك شنو .