Quote: أنا صفية اسحق، عمري 25 سنة، تخرجت في كلية الفنون الجميلة – قسم التلوين بجامعة السودان في أكتوبر 2010م. كان مشروع تخرجي معرض يتحدث عن دور المرأة ضد التمييز العرقي والثقافي والديني. وكانت رسالتي تتحدث عن أنه بالألوان يمكنك التعبير أكثر من الحديث. شاركت في الملتقى الشبابي من أجل السلام الإجتماعي، وفي مظاهرة 30 يناير، وكنت عضوة في حركة قرفنا. وبعد مظاهرة 30 يناير شعرت بأن هناك من يراقبني، وقد أخبرت أصدقائي بذلك. وفي يوم الأحد 13 فبراير خرجت من الجامعة الى شارع الحرية لأشتري اوراق والوان من المكتبة، وفي طريق عودتي من المكتبة إستوقفني شخصان وهم يقولون لي (يابت أقيفي) حاولت الجري ولكنهم استطاعوا الامساك بي وإدخالي في عربة صغيرة بيضاء، حاولت الصراخ لكن احدهم وضع يده على فمي. لم انتبه الى أين سيأخذونني من كثرة الضرب الذي كانوا يضربوني داخل العربية، ولكن عند كبري بحري عرفت بان الوجهة بحري، توقفت العربة أمام مبنى أبيض بالقرب من موقف شندي أدخلوا العربة الى داخل المبنى ودخل شخصان، وبدأ الضرب عند إنزالي من العربة. (أمسك بي إثنان، ودخلوني جوه غرفة قعدوني في الارض وبدأوا يضربوا فيني، إنتي شيوعية؟ وعلاقتك شنو بحركة قرفنا؟ ومنو البيطبع ليكم الاوراق؟ وقالوا لي شفناك بتوزعي اوراق وانتي من المشاركات في مظاهرة 30 يناير. كانو بينبذوني بألفاظ كعبة بستحي اقولها. إتواصل الضرب مدة طويلة، ولما وقعت طرحتي وانا اصلاً قاصة شعري، فقام قال لي شعرك مقصوص دي حركات البنات الشيوعيات، إنتي بت ماكويسه، وقام سألني حصل مارستي جنس ؟ قلت ليه لا، قال لي كضابة، نحنا عاوزين نشوف عملتي كده وله لا، هو كان عاوز يطلع الاسكيرت بتاعي وانا حاولت أقاوم، قام ضربني واغمي علي، لما صحيت لقيت 2 ماسكني من كرعيني والتالت كان بيمارس معاي، كانوا ثلاثه البيتناوبوا علي، ربطوا لي يديني بالطرحة، وقلعوا الاسكيرت والملابس الداخلية، كانوا بيتوقفوا يخلوني شوية وتاني بيجوا يعملوا العملية، وهم 3 انفار، أثناء العملية كانوا بيضربوا فيني. انتهوا قالوا لي أمشي ولو لقيناك تاني حيكون الموضوع اكبر من كده). (…انا ماقوية عشان اقول الكلام ده، ماقوية، لكن كانوا في ناس محيطين بي خففوا عني العذاب الانا ضقتوا. عشان كده أنا كنت عاوزة اكون ملهمة للبنات يقولوا تجربتهم بشجاعة عشان نكشف الناس الهم ماناس، عشان نكشف الحيوانات ديل عشان ده ماموضوع انساني كده. دايره أوصل رسالة لكل بت إتعذبت دايره اقول ليها لازم تكون قوية، تصمد من أجل النضال ومن اجل انو الوضع يتغير، لازم نحنا نضحي والحاجات دي ماساهلة. وانا بي فني حأوصل رسالة، حألوِّن حأعمل معارض عن المواضيع البتهم المرأة. انا بشكر الناس كلهم الوقفوا معاي وحأبقى قوية، عشان الحياة تبقى كويسه. انا لمن طلعت المظاهرة ووزعت ورق عشان عارفة في حاجات كتيرة بتحصل، في دارفور في نساء بيغتصبوهم، وفي الخرطوم بس ماعندهم الشجاعة لأنه الموضوع ده عند الأهل صعب. انا عاوزة ابقى شجاعة. وحاوريكم انه حيحصل تغيير وانه الوضع ماحيستمر كده).
ان ذاكرة التاريخ الاليم لن تذكر صفيه وحدها وتنسى من اغتصبوها ,,,, واغتصبوا فينا كرامة الانسان ,,,,, لذا يبقى القصاص هدفا لا تنازل عنه ,,,,, فكلنا استبيحت فينا الاخلاق يوم اغتصبت صفيه
شكرا للدعم,,,,
Post: #12 Title: Re: ياصفيه : ابصقى على لحى وجوههم المصبغة بالعار والعهر فانتِ شرارة الغضب Author: أيمن التوم حسن Date: 02-25-2011, 08:47 AM Parent: #11