Post: #1
Title: طلب من الامام الصادق المهدي...... و الاستاذ محمد ابراهيم نقد...!
Author: بدر الدين احمد موسى
Date: 02-23-2011, 07:12 PM
لست في حاجة لاخبركما عن غاندي!
اعرف انكما تعرفانه, وتعرفان طرائق نضاله.
لكما الاثنان راسمال ضخم جدا, كرموز للديمقراطية في السودان.
نظام الانقاذ عتى, واستكبر!
رجاءا ان تذهبا شخصيا لمكاتب الامن وتعتصما هناك لوقف الانتهاكات ضد شرف الشعب السوداني, الي ان تتغير
قوانين الاعتقال التي تبيح للامن والشرطة اعتقال اي شخص وبلا تعريف باخراج امر قبض او بطاقة مهنية.
شكرا
مع فائق الاحترام والتقدير
|
Post: #2
Title: Re: طلب من الامام الصادق المهدي...... و الاستاذ محمد ابراهيم نقد...!
Author: Abureesh
Date: 02-23-2011, 07:21 PM
Parent: #1
| Quote: رجاءا ان تذهبا شخصيا لمكاتب الامن وتعتصما هناك لوقف الانتهاكات ضد شرف الشعب السوداني, الي ان تتغير |
برضو اخيـر من وليع شمعـة والقعاد قدام الباب.. واللا الوقوف ما عارف.
----
يا اخ بدرالدين وكت راجين خير من النفرين ديل واطاتكم اصبحت.
|
Post: #3
Title: Re: طلب من الامام الصادق المهدي...... و الاستاذ محمد ابراهيم نقد...!
Author: خدر
Date: 02-23-2011, 07:30 PM
Parent: #2
شكرا بدرالدين
إقتراح مقبول و يقع في خانة فن الممكن
نشوف رايهم شنو !!
|
Post: #4
Title: Re: طلب من الامام الصادق المهدي...... و الاستاذ محمد ابراهيم نقد...!
Author: Sabri Elshareef
Date: 02-23-2011, 10:40 PM
Parent: #3
نعم القول يا بدر الدين
اضف لهم مولانا الميرغني حتي يفرح السادة المراغنه والاتحاديين ان مشروع الاعتصام ما تجاوز زعيمهم
اقتراح طيب يا ريت لو وجهوا ادانة وذهبوا الي اسرة الفتاة للمواساة
اغتصاب هذه الفتاة وصمة عار علي كل الناس
لا ذنب لها ان تغتصب من افراد عصابة الخرطوم
|
Post: #5
Title: Re: طلب من الامام الصادق المهدي...... و الاستاذ محمد ابراهيم نقد...!
Author: بدر الدين احمد موسى
Date: 02-24-2011, 02:47 AM
Parent: #4
ابو ريش
احوالك?
يا ابو ريش في حال الخطر, الناس بتكوس الضرا
والسيد الصادق المهدي والاستاذ نقد ضرا السودانيين, ومعاهم السيد المرغني!
انت عارف يا ابو ريش وليع الشمع, والوقوف, كان ممكن يجيب عائد كبير جدا لو الناس صبرت!
انا شفت الفليم بتاع ناس شيلي, والاستخدموا نفس التكتيك بطفي النور وقرع الاواني لكن في خطوات عشان يبنو المومنتم بتاع حركتهم, وعلى مدى شهور, ولما وصلت الدرجة المخطط ليها, ما كان قدام بينوشي الا التسليم!
ناسنا استعجلوا, وزي ما عارف العجلة ليست احسن طريق لانجاز اي شئ.
شكرا على المرور!
|
Post: #6
Title: Re: طلب من الامام الصادق المهدي...... و الاستاذ محمد ابراهيم نقد...!
Author: بدر الدين احمد موسى
Date: 02-24-2011, 02:52 AM
Parent: #5
فناننا
خدر
شكرا يا خدر
مفروض يا خدر, كل الناس, نساء ورجال, يعتصموا امام جهاز الامن, ووزارة الداخلية, ووزارة العدل, لغاية
ما تقيف هذه الانتهاكات الفظيعة لحقوق الانسان.
|
Post: #7
Title: Re: طلب من الامام الصادق المهدي...... و الاستاذ محمد ابراهيم نقد...!
Author: بدر الدين احمد موسى
Date: 02-24-2011, 02:59 AM
Parent: #6
الاخ صبري الشريف
ياخ دي تستاهل خروف عديل كدة يا صبري اننا نتفق!
ايوة يا صبري السادة: الامام الصادق المهدي, الاستاذ محمد ابراهيم نقد, والسيد المرغني هم ضمير السودان,
ورموز يجب ان تستثمر قدراتها لوقف هجمة الانقاذ على قيم واخلاق الشعب السوداني.
---
شكرا, وان شاء الله يدوم الاتفاق.
|
|