Post: #1
Title: الخارجية السودانية للثوار الليبين:- أقتلو السودانيين حيثما وجدتموهم .....
Author: النصرى أمين
Date: 02-23-2011, 06:11 PM
ناس فى حالة ثورة وهيجان حيفرزو بين ده جالية وده متمرد دارفورى؟؟
|
Post: #3
Title: Re: الخارجية السودانية للثوار الليبين:- أقتلو السودانيين حيثما وجدتموهم .....
Author: النصرى أمين
Date: 02-23-2011, 06:19 PM
Parent: #2
زمان..لمن الدنيا كانت بخيرها...لمن يشكرو زول بقول عليهو زول دبلوماسى..
بعرف كيف يقعد (بكسر العين) الكلام وينظمو ويحسب عواقبه.....ما بفلت ..وما بشاتر
وما بردم......
دلوقت كرور الانقاذ كلو مشى الخارجية حيث المنح والبدلات والحوافز والسفر
|
Post: #4
Title: Re: الخارجية السودانية للثوار الليبين:- أقتلو السودانيين حيثما وجدتموهم .....
Author: Medhat Osman
Date: 02-23-2011, 06:20 PM
Parent: #2
النصري
سلام
والاستاذ احمد حسين المتحدث الرسمي لحركة العدل والمساواة يقول
| Quote: ونفى آدم وجود اي جندي من حركته في ليبيا ، وقال نؤكد وبصورة قاطعة وجازمة انه ليس لدى حركة العدل والمساواة جندي واحد في الجماهيرية الليبية وان الحركة ليس من شأنها ان تتدخل في هذه الامور فهي تمثل شعب له قضية عادلة ولا يمكن ان تزج بنفسها وقضية شعبها في هذه المواضع والمواقع ، معتبراً ان ما يجري في الجماهيرية الليبية شأن داخلي لا علاقة لحركته اي علاقة به، |
الحكومة السودانية التي تقتل شعبها في الداخل سوف تكون في غاية السعادة اذا قتل افراد
شعبها في الخارج لانو اقل حاجة حيفروا ليهم الجهد والمال لفعل ذلك بالداخل..
|
Post: #5
Title: Re: الخارجية السودانية للثوار الليبين:- أقتلو السودانيين حيثما وجدتموهم .....
Author: النصرى أمين
Date: 02-23-2011, 06:29 PM
Parent: #4
سلام يا مدحت
لو كان لهذا الدبلوماسى العبقرى اهل واقارب واصدقاء سودانيين فى ليبيا لما
صرح بالكلام العجيب ده..
كراهيته لاهل دارفور اعمت بصيرته تماما... وانجرف وراء احقاده وسعيه لالحاق
اكبر ضرر بسكان الاقليم.....
لو قتل سودانى واحد فى ليبيا مسئول عن قتله الدبلوماسى الكوز....
كان يمكنه ان يصرح لاحدى صحفنا المحلية(لا اظن ان الليبين يقراونها)
لكن الشرق الاوسط عديل .....
ده ما ياهو القصد وسوء النية عديل ...
|
Post: #6
Title: Re: الخارجية السودانية للثوار الليبين:- أقتلو السودانيين حيثما وجدتموهم .....
Author: عماد شمت
Date: 02-23-2011, 06:44 PM
Parent: #5
سلام اخي امين
فقدوا البوصلة لذا وجب التخبط والاصطياد في الماء العكر ...والتشويش ...
اين اثباتاته ..!!!
تحياتي ...
|
Post: #7
Title: Re: الخارجية السودانية للثوار الليبين:- أقتلو السودانيين حيثما وجدتموهم .....
Author: محمد الفاتح خالد حسون
Date: 02-23-2011, 07:24 PM
Parent: #6
الاخ النصري
قلوبنا مع كل سوداني في ليبيا
Quote: لو قتل سودانى واحد فى ليبيا مسئول عن قتله الدبلوماسى الكوز....
كان يمكنه ان يصرح لاحدى صحفنا المحلية(لا اظن ان الليبين يقراونها)
لكن الشرق الاوسط عديل .....
ده ما ياهو القصد وسوء النية عديل ... |
والغريبة يا اخ نصري دا اكتر وقت بتابعو فيهو الصحف والقنوات في كل حتة
بعدين ... ترديد كلمة افارقة من العديد من الليبين دي تعميم مخيف ومنعطف في حالة نجاح الثورة , الخوف الافارقة يكونوا هم كبش الفداء في حالة هروب القذافي
ودا كلام غير مسؤول يصدر من مسؤول , وكلام بدعم وجهة نظر حا تكون مضرة جداً بالسودانيين والليبين في نفس الوقت .
والله يلطف بي اهلنا في كل انحاء ليبيا
محمد الفاتح خالد
|
Post: #8
Title: Re: الخارجية السودانية للثوار الليبين:- أقتلو السودانيين حيثما وجدتموهم .....
Author: أحمد ابن عوف
Date: 02-23-2011, 08:07 PM
Parent: #7
الاخ النصري
الزول القال الكلام دا حقير
|
Post: #9
Title: Re: الخارجية السودانية للثوار الليبين:- أقتلو السودانيين حيثما وجدتموهم .....
Author: النصرى أمين
Date: 02-23-2011, 08:31 PM
Parent: #8
سلام شمت
احكى ليك قصة قصيرة (اتمنى فى نقلها فى 5 سطور)
فى عام 1993 حصلت الاستفتاء الشهير فى مقاطعة كويبك الفرنسية حول
استقلالهم من كندا...كانو محتاجين ل 51% فقط ليعلنو دولتهم الجديدة....
المنافسه كانت حامية جدا بين الانفصالين والوحدوين والمشاعر كانت ملتهبة..
فى ليلة اعلان النتيجة وصلت الاثارة قمتها واعلنت النتيجة بفوز الوحدويين
بفارق 1% من الاصوات ...خرج زعيم الانفصاليين ليلتها وخاطب الجمهور الغاضب منفعلا
قائلا "خسرنا الاستفتاء بسبب المهاجرين وراس المال الامريكى"
الجملة المتهورة دى كانت سبب فى زيادة الكراهية ضد المهاجرين واظنها(والله اعلم)
بداية نهاية ذلك الانفصالى المتعصب ...
داير اصل انو الناس لمن تكون فى حالة ثورة وهيجان مفروض مخاطبتهم تتم بصورة
واعية و حذرة ...
امثال خالد موسى مكانهم السوق الشعبى حيث لاى زول يقول الكلام الداير يقوله
|
Post: #10
Title: Re: الخارجية السودانية للثوار الليبين:- أقتلو السودانيين حيثما وجدتموهم .....
Author: النصرى أمين
Date: 02-23-2011, 10:38 PM
Parent: #9
سلام محمد الفاتح....
| Quote: والغريبة يا اخ نصري دا اكتر وقت بتابعو فيهو الصحف والقنوات في كل حتة |
وعشان كده الكوز القمئ افتكر انو دى فرصة ممتازة يوصل فيها رسالته الكريهة
الى كل الليبين داخل وخارج ليبيا... وفى نفس الوقت ينال عطف ورضا الجمهور العربى
الغير متعاطف مع القذافى ....
خبث كيزانى معروف ...
وتكتيك تم تجريبه فى الشعب السودانى واثبت نجاحه فى فرتيك كل شئء
ما مفرتك ..
|
Post: #11
Title: Re: الخارجية السودانية للثوار الليبين:- أقتلو السودانيين حيثما وجدتموهم .....
Author: النصرى أمين
Date: 02-23-2011, 11:58 PM
Parent: #10
سلام ابنعوف
| Quote: الزول القال الكلام دا حقير |
ابدا القال الكلام ده ما حقير..
ده كوز ....
|
|