Post: #1 Title: مـن أقوال الـقذافي Author: ناصر احمد الامين Date: 02-23-2011, 07:48 AM Parent: #0
اشهر اقوال القذافي: 1- للمرأة حق الترشح سواء كانت ذكر أو أنثى !! 2- ايها الشعب .. لولا الكهرباء لجلسنا نشاهد التلفاز في الظلام !! 3- أنا لست ديكتاتورا لأغلق الفيس بوك .. لكني سأعتقل من يدخل عليه !! 4- تظاهروا كما تشاؤن ولكن لا تخرجوا إلى الشوارع والميادين !! 5- ساظل فى ليبيا الى ان اموت او يوافينى الاجل !! 6- بر الوالدين اهم من طاعة امك و ابوك
Post: #11 Title: Re: مـن أقوال الـقذافي Author: ندى عثمان حسن Date: 02-23-2011, 09:21 AM Parent: #10
9- أنا أرفع من المناصب التى يتقلدها الرؤساء , أنا مقاتل مجاهد مناظل من الخيمة
Post: #13 Title: Re: مـن أقوال الـقذافي Author: محمد أبوالعزائم أبوالريش Date: 02-23-2011, 09:29 AM
يا جماعة الزول ده ما تفتكروا أصيب بفايروس جنون الليلة والا امبارح ... ده من يومو كدة.
في تسجيل إنشاء الله ألقاهو .... سنة 1970 في أول عيد لإنقلاب مايو كان حاضر مع أبعاج هو وجمال عبدالناصر. إعتلى المنصة عشان يخطب، والناس ماسكتوا (على ما أظن كانوا منفعلين مع خطاب عبدالناصر) .... زهج من الحركة الما لزيزة دي، وراح صرف للشعب السوداني (يلعن دينكم).
Post: #19 Title: Re: مـن أقوال الـقذافي Author: ناصر احمد الامين Date: 02-23-2011, 09:54 AM Parent: #13
Quote: زهج من الحركة الما لزيزة دي، وراح صرف للشعب السوداني (يلعن دينكم).
اها شوف جنس دا.
في واحد صاحبي قال لي القذافي قال (انا ابن الشعب) وهو فعلا ابن الشعب !!! ههههه
تحياتي يا محمد
Post: #17 Title: Re: مـن أقوال الـقذافي Author: ناصر احمد الامين Date: 02-23-2011, 09:48 AM
Quote: 9- أنا أرفع من المناصب التى يتقلدها الرؤساء , أنا مقاتل مجاهد مناظل من الخيمة
في القمةالعربية الكانت في الخرطوم .. الحكومة نزلت الرؤساء كلهم في الفلل الرئاسية وطبعا عمنا دا جاب خيمتو و جا ياخي مساميرها لي هسه مثبتة في الفسحة الورا الفلل
و اغرب حاجة الزول دا جاب معاهو (طن) فحم عشان الشيشة و نظام النيران قدام الخيمة اكياس الفحم زاتها لونها اخضر
ناصر إزيّك وينك ياخي مشتاقين يا صديق أما زولك دا فنقول اللهم لا شماتة:
حاجة تكسف موية مافي شان تجفّف لي أضانك بس ترهف والعقيل قط ما صار حتى يهفهف واللي صار ما عاد يعفف يللا شمّر حتى كفكف إن لم تستح فلا تخفف الفلاحة بس تبلّف والكضب ما يلقاله بلف أو طريقة كيف توقف والله شيء مؤسف مرة مؤسف في الصباح رايح يكلّف يا حليل زمن التعفف والمشي كان زي اللي لابس له خف أو كديسة ماشة ترجف إلا حسي صار يخوّف والراجل عقله خف بي قوّته كان بيرجف
Post: #25 Title: Re: مـن أقوال الـقذافي Author: محمد أبوالعزائم أبوالريش Date: 02-23-2011, 11:59 AM Parent: #24
أنا مجد لا تفرّط فيه ليبيا ولا يفرّط فيه الشعب الليبي ولا الأمة العربية ولا الأمة الإسلامية ولا إفريقيا ولا أمريكا اللاتينية ولا كل الشعوب التي تُريد الحرية والكرامة للإنسان وتقاوم الجبروت
Post: #28 Title: Re: مـن أقوال الـقذافي Author: ناصر احمد الامين Date: 02-23-2011, 09:19 PM Parent: #27
Quote: - الرجل ذكر , والمرأه أنثى (ياخي ؟؟ أصصلو ما بصدق )
و الديك ديك و الدجاج دجاج.!!! يا داليا الزول دا قايل نفسو بخاطب في كائنات جاية من المريخ
و قالو الرجال من الزهره و النساء من المريخ و القذافي من حيث لا تعلمون.
تحياتي يا داليا
Post: #29 Title: Re: مـن أقوال الـقذافي Author: ناصر احمد الامين Date: 02-23-2011, 09:23 PM Parent: #28
Quote: والله لو قال "الزارعنا غير الله اليجي يقلعنا" بالليبي تبقى تحفة عديل.
دي بالذات حقوق الطبع محفوظة يا شماسي. بعدين دي دايره ليها قدلة قدلتين كدا ... القذافي ما بقدر عليهن. لا عندو كرش و لا عصاية و لا تكنيك ... هههههه
تحياتي يا جميل
Post: #30 Title: Re: مـن أقوال الـقذافي Author: ناصر احمد الامين Date: 02-23-2011, 09:38 PM Parent: #29
Quote: أنا مجد لا تفرّط فيه ليبيا ولا يفرّط فيه الشعب الليبي ولا الأمة العربية ولا الأمة الإسلامية ولا إفريقيا ولا أمريكا اللاتينية ولا كل الشعوب التي تُريد الحرية والكرامة للإنسان وتقاوم الجبروت
واحد من اتنين ... يا اما الزول دا جا في وقت غير وقتو و نحن ما قدرنا نستوعبوا ، او انو الزول دا اكبر موهوم في التاريخ.
تعرف يا صبري يا ود طه، معمر ود القذافي دا ذكي جدا كرس كل سلطتة لجعل شخصيته (رمزا) للثورة و القيادة في ليبيا اسس اللجان الشعبية ليوهم الشعب ان القرار بيده
صدر ثقافته القيادية الي الدول الافريقية الفقيرة في محاولة لتعميمها دوليا صرف المبالغ الطائلة للتمهيد لتحقيق اهدافه و استمالة الشعوب لتنصيبه رمزا ثوريا عالميا
استجابت الدول الافريقية لحوجتها للدعم الليبي.
عشان كدا هو قال الكلام الفوق دا.
لكين هو ناسي انو الحكم لله يهبه لمن يشاء و يخلد فيه (فقط) العادلون الذين يعملون لمصلحة الرعيةن لا الرغبات الشخصية و لا الحزبية,