Post: #1
Title: مضطر اسأل .. كيف اكون عميلا لاسرائيل وايران وحماس والقاعدة وامريكا في نفس الوقت
Author: أحمد ابن عوف
Date: 02-21-2011, 11:34 PM
اغرب حجة يسوقها اذناب الانظمة العربية التي سقطت او التي في طريقها للسقوط
وصفهم للمحتجين والمتظاهرين بانهم عملاء لاسرائيل وايران وحماس والقاعدة وامريكاواوروبا والخمير الحمر
في نفس الوقت؟؟؟؟؟؟؟؟؟
لو في زول ممكن يورينا بكون ما قصر معانا
لانها تبدو مواصفات اساسية لمن يريد ان يتخلص من طاغية يحكم بلاده
|
Post: #2
Title: Re: مضطر اسأل .. كيف اكون عميلا لاسرائيل وايران وحماس والقاعدة وامريكا في نفس الوقت
Author: أحمد ابن عوف
Date: 02-22-2011, 00:48 AM
Parent: #1
لقيتوها يا مناضلي الكيبوردات من السودانيين
الكيزان حدهم معاكم بس ياهو قوله مناضلي الكيبورد
لا يوم جابو ليكم سيرة اسرائيل وللا امريكا ولا بتاعين اجندات اجنبية
|
Post: #3
Title: Re: مضطر اسأل .. كيف اكون عميلا لاسرائيل وايران وحماس والقاعدة وامريكا في نفس الوقت
Author: amir jabir
Date: 02-22-2011, 00:51 AM
Parent: #2
عديل كدة يعنى تاخد تركب 3 جوازت الاول اسرائلى تمشى اسرائل تاخد شرديد تركب الطيارة تمشى ايران برضوا المهم تركب
طيارتك وتركب عباد الله كلهم فى وقت 1
------------
والله دى ابليس ما يقدر يعملا
سلامات ياراجل كيف عامل مع العماله والارتزاق
|
Post: #4
Title: Re: مضطر اسأل .. كيف اكون عميلا لاسرائيل وايران وحماس والقاعدة وامريكا في نفس الوقت
Author: أحمد ابن عوف
Date: 02-22-2011, 01:12 AM
Parent: #3
سلام يا عامر
| Quote: سلامات ياراجل كيف عامل مع العماله والارتزاق |
والله بسطه شديد
زمان الواحد بجهجهوهو ليك، موساد يقول يمين وكي جي بي يقول شمال
هسع كله شغال اتجاه واحد
التعلميات من تل ابيب وظهران وواشنطن وغزة وتورا بورا كلها متفقة على ازاحة الطغاة هههههههههه
|
Post: #5
Title: Re: مضطر اسأل .. كيف اكون عميلا لاسرائيل وايران وحماس والقاعدة وامريكا في نفس الوقت
Author: almulaomar
Date: 02-22-2011, 08:24 AM
Parent: #4
أحمد بن عوف
تحياتي دي أوصاف العميل المزدوج أو الـ double Agent النوع الزي ما بتقول الحبوبات "يدي الحلة وصا والنقاره عصا" ودا أكيد نوع ذكي شديد وأوضاعنا وأنظمتنا ليست في حاجة إلى مثل هذا الذكاء والعمالة ، فبالريحه الناس شموها والحكاية في النهاية على المكشوف وما برفعوا ليها الضو.
الأنظمة يا سيدي المنهارة منها والآيلة للسقوط كلها مفلسة وتعلن إفلاسها بهذه الهرطقات والأكاذيب فهي أنظمة جثمت على صدور شعوبها سنوات طويلة لم تزداد فيها تلك الشعوب جراء هذه الأنظمة الفاسدة المفسدة إلا رهقا.
والإستعمار والعمالة والإرتزاق كلها أقل خطراً وأرأف بالعباد والخلق من سوء وفساد أهل الدار "وظلم ذوي القربي أشد مضادة على النفس من وقع الحسام المهند"
وسير سير يا بشير نحن جنودك للتقشير
الكلام لأحد سلاقين البيض
تخريمة
البيسأل ما بتوه ، بس دا كان زمان هسي البيسأل عن مواصلات كوبر بلقي واحد مشرئب يديهو رأي يوديهو سوق ليبيا
|
Post: #6
Title: Re: مضطر اسأل .. كيف اكون عميلا لاسرائيل وايران وحماس والقاعدة وامريكا في نفس الوقت
Author: أحمد ابن عوف
Date: 02-22-2011, 06:48 PM
Parent: #5
سلام يا الملا عمر
وهو كما قلت، هرطقات انظمة خائبة ومن الواضح تماما ان الشعوب الثائرة لم تنطلي
عليهم مثل هذه الاكاذيب
بعدين كوبر دي موش اسمها بقى عمر المختار؟؟
زمان الكماسرة في موقف ابو جنزير كانوا متعودين ينادوا الركاب بطريقتهم المعهودة بالتكرار
اركب كوبر .. اركب كوبر ... اركب كوبر
لمن غيروا اسمها لعمر المختار بقوا يرددوا
اركب عمر .. اركب عمر ... اركب عمر يااااااااااااا
مسكوهم كسروهم ليك زي الترتيب
|
|