كده ما كويس ..لكن نتعلم حاجة من الطغاة المعتوهين استعدادا لمنازلة البشير

من الثورة التونسية تعلمنا

كيفية التعامل مع السجناء المسرحين عمدا
قطع الانترنت

من المصريين تعلمنا

كيفية مواجهة قوات مكافحة الشغب
كيفية الاستفادة من نظام الرسائل
كيفية مواجهة الحصين والنوق الهائجة ههههههههه
سرعة تمييز البلطجية بانواعهم المختلفة (البلطجية الجد جد وبلطجية الثورات) قذف البرادعي خارج الميدان نموذجا
حماية المناطق السكنية بنظام الدوريات وتفويت الفرصة لاشغال الناس بامور جانبية

جانا دور المجنون الليبي

قصف بالطائرات (علينا استجلاب صواريخ مضادة للطائرات من هسع)
قصف بالمدفعية دا يسو معاهو شنو والله ما عارف
استجلاب مرتزقة بلغتنا جنجويد

غايتو حركات بن علي وحسني بنعرف ليها الا اساليب مجنون ليبيا دا الا نجيب ليها ناس من معسكرات
النازحين في دارفور، اصلهم خبرة مع قصص القصف الجوي والجنجويد

حقو يا معارضين تمشوا معسكر كلمة تاخدوا ليكم كورس في معسكر كلمة من الناجيين من محرقة دارفور

.

كمان جابت ليها زحف مقدس

هههههههههههههههههههههههههههه
والله يا ابن عوف عوافي عليك .. وضعت يدك علي نقطة مهمة خالص
وفعلا أنا دائما أقول : حقو نستخلص الدروس والعبر من ثورتي مصر وتونس ،
لأنه وسائل وأساليب الثورة والنضال دائما متجددة ومتطورة ..وكل ثورة وفيها عبر
لكن الجديد في وسائل القمع المستحدثة ما أبدعه مجنون ليبيا ..
شي طيارات حربية وهليكوبترات قتالية و شي دبابات و شي قذائف آربي جي
ودي أسلحة كثير من الجيوش ما استعملتها في حروبها ..
فاقتراحك بأخذ دورات في معسكر كلمة أعتقد عملي ووجيه للغاية
________________________________

غايتو الأنظمة القهرية دي حتخلينا ندخل مدارس من جديد
وناخد دروس عصر كمان في فن الاطاحة بالأنظمة الديكتاتورية
(جزاهم الله خيرا !!!)