Post: #1
Title: جـلع رئاسـى !!
Author: كمال سالم
Date: 02-21-2011, 04:18 PM
* والله أنا زمنى ده كلو ماعارف إنو فى فساد فى البلد
عشان كده حأعمل مفوضيه لمحاربة الفساد .
* ووالله أنا كنت قائل كل الخريجين إشتغلوا وأبدا ماكنت
عارف إنو عدد العاطلين عن العمل قدر ده ! عشان كـده
حأأعمل برضو مفوضيه لتشغيل كل الخريجين .
* وقسما عظما أنا كنت قايل الدستور ده إتعدل من زمـان
لكن أوعدكم بأننى سوف أقوم بتعديله فورا .
* وكمان لا يفوتنى أن أعلن لكم بأننى لم أرزق لا ببنت ولا ولد
عشان ماتقولوا أنا عائز أورثهم .
* وتأكدوا تماما إننى لن أقوم بترشيح نفسى فى الإنتخابات القادمه
فإستحملونى بس الأربعه سنين الباقيه دى .
وهذا هو جلع الرئيس البشير
ياربى الزول ده مالو ؟
هسـه فى زول هبشو ؟؟
|
Post: #2
Title: Re: جـلع رئاسـى !!
Author: كمال سالم
Date: 02-21-2011, 04:20 PM
Parent: #1
هذا البوست صنع خصيصا لرصد كل أنواع ( الجلع )
التى سوف يمارسها البشير فى الأيام القادمه .
|
Post: #4
Title: Re: جـلع رئاسـى !!
Author: كمال سالم
Date: 02-21-2011, 04:23 PM
Parent: #2
ولا مانع أن نرفده بجلع كل الرؤساء الذين غادروا أو الذين
فى طريقهم للمغادره ,, ونفسى أعرف جلع القذافى ,, ملك ملوك
أفريقيا .
|
Post: #3
Title: Re: جـلع رئاسـى !!
Author: احمد العربي
Date: 02-21-2011, 04:22 PM
Parent: #1
إن غدا لناظره قريب
كمال سالم تحياتي
وارقد عافية قربت
ودي العلامات ونفس الخطي
بس هنا بدا من الاخر
تحياتي
|
Post: #5
Title: Re: جـلع رئاسـى !!
Author: كمال سالم
Date: 02-21-2011, 04:24 PM
Parent: #3
وياود القريش ماعندى غير أقول ليك ( أحيى يا عوضيه ) .
|
Post: #6
Title: Re: جـلع رئاسـى !!
Author: كمال سالم
Date: 02-21-2011, 04:29 PM
Parent: #5
أحمد العربى ,, تحياتى يارجل ,,
نعم غدا لناظره قريب ,, والشعب السودانى
ليس بأقل من كل تلك الشعوب بل هو معلمها
وقريبا سوف يزلزل الأرض من تحتهم .
إلى ذلك الحين أتمنى أن ترفد البوست بأى
جلع رئاسى ,, مع تحياتى ,,
|
Post: #7
Title: Re: جـلع رئاسـى !!
Author: كمال سالم
Date: 02-21-2011, 04:36 PM
Parent: #6
نفسى أعرف من الآن ماسيكون عليه مصير الآتيه أسماؤهم :
1/ نافع على نافع
2/ عبد الرحيم محمد حسين
3/ صلاح قوش
4/ ( الصادق المهدى ) فهو أبغض من أولئك جميعا .
|
Post: #8
Title: Re: جـلع رئاسـى !!
Author: أيمن دياب
Date: 02-21-2011, 06:22 PM
Parent: #7
المهم ود القريش تلقو ليهو (الوزة)!!
| Quote: 4/ ( الصادق المهدى ) فهو أبغض من أولئك جميعا . |
يا زعيم مالك (طبزتها).. الراجل ده كان شغال بدون ماهية..
|
Post: #9
Title: Re: جـلع رئاسـى !!
Author: Shawgi Sulaiman
Date: 02-21-2011, 06:45 PM
Parent: #8
الاخ كمال لك تحياتي
ياخ ما في كلمة احسن من كلمة جلع دي؟؟؟؟
|
Post: #10
Title: Re: جـلع رئاسـى !!
Author: Alshafea Ibrahim
Date: 02-21-2011, 06:49 PM
Parent: #8
أخي كمال سالم
الجلع الرئاسي مرده أمرا واحدا محددا - إذا الشعب يوما أراد الحياة فلا بد .. ألخ . حتما الشعب السوداني قادم وبدون قيادات وزعامات وخيانات
البشير سعيد وعاش لمن شاف مبارك الفرعون يلحق بن علي والقذافي وعلي وآخرين على الطريق ماضين .
البشير لا يملك سدس أو ثمن أو عشر ما يملكه هؤلاء الطغاة من ترسانة حربية وأمن وجيوش نظامية وغير نظامية - يهتفون داخل خيمة القذافي والشارع أحرق كل مقار ودور الحزب الحاكم .
سيظل البوست عاليا لرصد الجلع الرئاسي والتنازلات والمسكنات التي تأتي تباعا من الرئيس وأعوانه ..
دمت وضيوفكم بخير
الشفيع
|
Post: #11
Title: Re: جـلع رئاسـى !!
Author: دينا خالد
Date: 02-21-2011, 10:31 PM
Parent: #10
ياااا كمال
Quote: وتأكدوا تماما إننى لن أقوم بترشيح نفسى فى الإنتخابات القادمه
فإستحملونى بس الأربعه سنين الباقيه دى .
|
المصريين لما منتظرين خطاب التنحى لحسنى عشية الخميس
وطلع عليهم قال ليهم قاعد السته شهور الباقية دى !
واحد بقولى خد حاووهم (حقهمم) ياشيخ ورووح ...
ــــــــــــــــــ
كمال سالم مشتاقين الواااحده دى !
|
Post: #12
Title: Re: جـلع رئاسـى !!
Author: كمال سالم
Date: 02-21-2011, 10:58 PM
Parent: #11
أيمن الطيب ياحبيب , وينك مشاقين والله ,,
تتصور يا أيمن , الصادق ده أخطر من الدبابين ذاتهم !
يأخ ده خدم الإنقاذ دى خدمه نافع ماخدمها !
|
Post: #13
Title: Re: جـلع رئاسـى !!
Author: كمال سالم
Date: 02-21-2011, 11:02 PM
Parent: #12
عليك الله ياشوقى شوف لى كلمه تناسب هذاالذى
يفعله عمر البشير وعصابته ؟
ولومك على أقوم بتغيير كلمة ( جلع ) دى .
ياشوقى الجلع غيروه ولا شنو ؟؟
|
Post: #14
Title: Re: جـلع رئاسـى !!
Author: كمال سالم
Date: 02-21-2011, 11:10 PM
Parent: #13
الشفيع إبراهيم ,, تحياتى ,,
قرايتك سليمه ميه الميه يا الشفيع , فعمر البشير ونظامه
شافوا شوف العين ماحدث فى تونس ومصر وما يحدث الآن فـى
ليبيا .
فهل ياترى تعلموا الدرس ,, أم سيسفكون الدماء ؟؟
ولو عمر البشير تعلم الدرس يجب عليه أن يتنحى منذ الآن
ولا مانع حتى لو سلمها لحنان بلوبلو .
|
Post: #15
Title: Re: جـلع رئاسـى !!
Author: كمال سالم
Date: 02-21-2011, 11:17 PM
Parent: #14
يادندون يأخ حمدلله على السلامه وإنشاء الله قضيتى
إجازه ممتعه ,, والله مشتاق ليك لكن ما الشوق الواحد
ده ,, قولى زى عشرمية شوق كده .
بعدين يا دينا حسنى مبارك ممكن يقبضوه حق سته شهور
ما مشكله ,, بـس أربعه سنين كتيره يأخ .
أخبار ثورتكم شنو ؟؟ يأخ روحنا ماطلعت !
|
Post: #16
Title: Re: جـلع رئاسـى !!
Author: مرتضى احمد عبد القادر
Date: 02-21-2011, 11:35 PM
Parent: #15
| Quote: أيمن الطيب ياحبيب , وينك مشاقين والله ,, |
 أيمن الطيب دا وين !!؟ قصدك أيمن دياب
انت رئيس ولا بتتكبكب مالك !!؟ اصلو الرؤساء اليومين دي عليهم جنس كبكبه
|
Post: #17
Title: Re: جـلع رئاسـى !!
Author: كمال سالم
Date: 02-22-2011, 08:14 PM
Parent: #16
والله فعلا يامرتضى الكبكبه حاصله ,, بـس ماكبكبت رؤساء ..
وللأخ أيمن دياب المعذره فقد تشابه على ( اليمن ) .
وبرضو بقول ليك يا أيمن دياب مشتاقين وتحياتى ,,
غايتو يامرتضى مابتفوتوا حاجه أصلوا !
|
Post: #18
Title: Re: جـلع رئاسـى !!
Author: عادل نجيلة
Date: 02-23-2011, 06:02 AM
Parent: #17
يا كمال ياسالم واديمآ سالم
ربما رأى رأس الذئب الطائر ..
----------------------------
ملحوظة: هل جلع >أو = رقيص !
لك الود
|
Post: #19
Title: Re: جـلع رئاسـى !!
Author: كمال سالم
Date: 02-23-2011, 04:48 PM
Parent: #18
عادل نجيله ,, تحياتى يازول يارائع ,,
بينى بينك الشافو الرئيس اليومين دى يخوف أتخن تخين
بـس إنشاء الله يتعظ ويتخارج قبل البهدله ورقاد الواطه .
|
Post: #20
Title: Re: جـلع رئاسـى !!
Author: بدر الدين الأمير
Date: 02-23-2011, 08:25 PM
Parent: #19
Quote:
أيمن الطيب ياحبيب , وينك مشاقين والله ,,
تتصور يا أيمن , الصادق ده أخطر من الدبابين ذاتهم !
يأخ ده خدم الإنقاذ دى خدمه نافع ماخدمها ! |
|
Post: #21
Title: Re: جـلع رئاسـى !!
Author: دينا خالد
Date: 03-17-2011, 08:21 AM
Parent: #20
| Quote: أخبار ثورتكم شنو ؟؟ يأخ روحنا ماطلعت ! |
ح تطلع روحكم قبل الثورة ؟؟
والله دى عوجة دى ..
ح تطلع الثورة اول .. ما تتعازموا !
ـــــــــــ
انشالله انت طيب يا كمال !!
|
Post: #22
Title: Re: جـلع رئاسـى !!
Author: محمد أبوالعزائم أبوالريش
Date: 03-17-2011, 08:30 AM
Parent: #21
Quote: 23-02-2011
بدر الدين الأمير
|
Quote: 17-03-2011
دينا خالد |
يحي العظام وهي رميم ...... زول تسلّم عليهو ..... يرد بعد شهر.
|
Post: #23
Title: Re: جـلع رئاسـى !!
Author: Mohammed Awad
Date: 03-17-2011, 08:33 AM
Parent: #21
الأخ كمال
ما المقصود بكلمة جلع؟
ومامدى بذاءة الكلمة فى التعبير عند استخدامها؟
ومتى بدأ استخدام هذه الكلمة فى الوصف وما المناسبة؟
وشكرآ
|
|