Post: #1
Title: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 02:34 PM
Quote: أول قضية في مواجهة (العنكبوت)!!
حجم الخط: 2011/02/20 - 13:39
{ رغم تعاطفي المستمر مع مستشارنا القانوني الأستاذ «خالد سيد أحمد» المحامي، وقناعتي بقدراته وإمكانياته و(شطارته)، خاصة في قضايا النشر، ورغم أنه كهيئة دفاع مع الأستاذ «كمال الجزولي»، قد كسب قضية الاتهام ضد كادر «الجبهة الديمقراطية» بجامعة الخرطوم (المخضرم) «وائل طه»، على خلفية معلومات كاذبة، وإساءات نشرها أحد أعضاء منبر «سودانيز أون لاين» - (لم يتم العثور عليه) - في حق المحامية «منال خوجلي» العاملة في مجال منظمات اللاجئين، إلاَّ أنني سعيد للغاية بأن المحامية المحترمة فتحت مع أستاذها المحامي «نبيل أديب» ملف توجيه الاتهامات ضد الناشطين في منتديات (الإنترنت) و(جرجرتهم) - قانونياً - إلى أقسام الشرطة، والنيابات، وقاعات المحاكم، حتى ولو كانوا مهاجرين وراء البحار.
{ فحتى الآن، ما زال الكثير من مناضلي «الكي بورد» يعتقدون أنهم في مأمن أمين، وحصن حصين، لا تطالهم فيه أيادي القانون وسلطاته الرادعة، والمقتصة للمظلومين والمجني عليهم بالآلاف.
{ ورغم أن المحكمة العليا وقبلها محكمة الموضوع - خلافاً لمحكمة الاستئناف - قد قررتا أن «وائل طه» ليس هو «محمد ناصر» (المفقود) الذي أساء إلى المحامية ونشر كذباً ضاراً تضررت منه الشاكية، إلاّ أن الثابت أن مثل هذه المنتديات (العنكبوتية) لا تعدو كونها (قعدات إلكترونية) لشلليات لا تتجاوز بضع عشرات من الأعضاء، يتداخل (الواحد) منهم بعشرة (أسماء مزيَّفة)، واحد منها فقط حقيقي، والبقية تأتي على شاكلة (سوداني، ود البلد، ود الحصاحيصا، ود الباوقة، بت النيل، جون قرنق - بدون «دي مبيور» - كوستا، كوستاوي، كوستاريكا،... إلخ)، أو يكتب أحدهم اسمه (الأول)، مع اسم جده (الخامس)..!! متبرئاً من اسم أبيه الذي (ولده من ضهره)!! أو كما يقولون.
{ ولا يكون الداعي إلى التخفي، اختيار اسم (فني) أو (أدبي) ظاهر.. وباهر.. كما يفعل (المخرجون) مع (الفنانات)، فمثلاً الفنانة «بوسي» اسمها الحقيقي «صافيناز مصطفى قدري»، و«نادية لطفي» اسمها «بولا محمد شفيق»، ومطربة (الخشلعة) «روبي» اسمها «رانيا حسين»، وسعاد حسني اسمها «سعدية حسني محمد»، و«نورا» اسمها «فكرية مصطفى قدري»، أما «فيفي عبده» فاسمها «فتكات عبد الحميد»!!
{ مناضلو «الكي بورد» يكتبون بالألقاب (من وراء حجاب)، مع أن بعضهم مهاجر في الولايات المتحدة، كندا، قطر، بريطانيا، وغيرها.. يتمتعون بحصانة الجوازات (الأجنبية)، يفعلون ذلك لأنهم (جبناء).. أجبن من (الجبنة)!! لا يتحملون وزر المواجهات المباشرة، ولا تبعاتها، ومسؤولياتها الشخصية والعائلية، والسياسية، دعك من القانونية.
{ المحامية «منال خوجلي» فتحت الباب للملاحقات القانونية و(جرجرة) المتهمين بالتجني على الناس دون أدلة وبراهين ووثائق ومستندات، إلى أقسام البوليس، والنيابات، والمحاكم، مثلما يتعذب رؤساء تحرير الصحف من يوم إلى آخر بالاستدعاءات والتحقيق في قضايا لا ترقى إلى مستوى أصغر (كذبة)، وأرقّ (إساءة) يكتبها (مناضل عنكبوتي) هايف في لمح البصر، ثم لا يبالي..!!
{ بالمناسبة: سبق وأن قيدتُ بلاغاً جنائياً ضد المدعو «وائل طه» قبل نحو ثلاث سنوات بقسم شرطة الخرطوم شمال، إثر تهديده العلني لي عبر مكبرات الصوت، حيث هتف أثناء حديثي في ندوة بجامعة الخرطوم: (الهندي عز الدين لن يخرج اليوم حياً من هذه الجامعة)!!! وقد شهد الشهود في محضر التحري بالواقعة، خاصةً وأن هرجاً ومرجاً ساد النشاط عقب هتافات وهتافات مضادة، وخرجتُ من الجامعة بعد أن أكملتُ حديثي تحت حماية مئات الطلاب من الإسلاميين، وتنظيمات أخرى، في مشهد رهيب لن أنساه.
{ وبعد أسابيع عفوتُ عن ذلك (الإرهابي) وجمدتُ البلاغ بعد وساطة كريمة من طلاب منسوبين إلى حزب (الأمة القومي) بجامعة الخرطوم.
{ الخلاصة: لا بد أن يكون كل (متحدث)، وكل (كاتب) في الصحف، أو على (الإنترنت) مسؤولاً عن كل ما يقول، ويكتب، وأن يخضع للقانون، حتى لا يظن البعض أن الكتابة (الإسفيرية) مجرد نزهة خلوية.
{ سيدي وزير العدل.. مطلوب قانون للنشر الإلكتروني.. عاجلاً غير آجل.
خارج النص:
{ لو فكّر (المؤتمر الوطني) ودبّر، وأبصر، وتبصّر، لفتح الطريق لفوز «صلاح إدريس» في جمعية «الهلال العمومية» يوم غدٍ «الاثنين»، فعندها سيخسر الانتخابات كادران أو ثلاثة من كوادره، بينما سيكون المكسب (إزالة الاحتقان) في القطاع الرياضي، وهو جزء من (الاحتقان) الكبير في كل المجتمع.. ولكن من يفكر؟ ومن يدبر؟
|
|
Post: #2
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 02:37 PM
Parent: #1
Quote: إلاّ أن الثابت أن مثل هذه المنتديات (العنكبوتية) لا تعدو كونها (قعدات إلكترونية) لشلليات لا تتجاوز بضع عشرات من الأعضاء، يتداخل (الواحد) منهم بعشرة (أسماء مزيَّفة)، واحد منها فقط حقيقي، والبقية تأتي على شاكلة (سوداني، ود البلد، ود الحصاحيصا، ود الباوقة، بت النيل، جون قرنق - بدون «دي مبيور» - كوستا، كوستاوي، كوستاريكا،... إلخ)، أو يكتب أحدهم اسمه (الأول)، مع اسم جده (الخامس)..!! متبرئاً من اسم أبيه الذي (ولده من ضهره)!! أو كما يقولون.
|
|
Post: #3
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 02:43 PM
Parent: #2
تعليقات القراء
|
Post: #7
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد عمر جبريل
Date: 02-21-2011, 02:51 PM
Parent: #3
والله أنا شايف لو الزول ده كان واصل لينا في موضوع الأسامي الحقيقية والحركية بتاعت الممثلين دي
كان أفيد من الكلام القالو ده ..
يعني يشوف لينا ناس سمير غانم وعادل إمام والزنكلوني ديل اساميهم الأصلية شنو
قال أجبن من الجبنة قال
|
Post: #16
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 04:10 PM
Parent: #7
واضح انه الهندي عز الدين كتب هذا المقال في لحظة غضب .... وضحكتني جداً حكاية اجبن من الجبنة دي .... عموماً المقال ضعيف لغوياً ولا يشبه كتابات الهندي عز الدين وان اختلفنا معها ....
|
Post: #4
Title: Re: الهندي عز الدين جاكم تاني يا ناس المنبر ... نيران ثقيلة ....
Author: قاسم المهداوى
Date: 02-21-2011, 02:46 PM
Parent: #2
| Quote: مناضلو «الكي بورد» يكتبون بالألقاب (من وراء حجاب)، مع أن بعضهم مهاجر في الولايات المتحدة، كندا، قطر، بريطانيا، وغيرها |
|
Post: #6
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد البشرى الخضر
Date: 02-21-2011, 02:50 PM
Parent: #4
ههههههههههههه
بالغ مع ود الباوقة
|
Post: #10
Title: Re: الهندي عز الدين جاكم تاني يا ناس المنبر ... نيران ثقيلة ....
Author: فيصل نوبي
Date: 02-21-2011, 03:05 PM
Parent: #6
Quote: ههههههههههههه
بالغ مع ود الباوقة |
كان بالغ مع ود الباوقة
طيب كوستا كوستاوي كوستاريكا
ديل يكون عمل شنو للخردة !
|
Post: #19
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 04:25 PM
Parent: #10
Quote: كان بالغ مع ود الباوقة
طيب كوستا كوستاوي كوستاريكا
ديل يكون عمل شنو للخردة ! |
معقولة يا نوبي التلاتة ديل يكون قاصد بيهم كوستاوي ...
|
Post: #18
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 04:18 PM
Parent: #6
يا ود البشري معقوله الهندي ما بيعرف ود الباوقة ... يكون بالغ عديل كده ...
|
Post: #17
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 04:12 PM
Parent: #4
قاسم سلامات .... دي زعله من الزول ده لو راجع سودانيز اونلاين بيلقي معظم كتابه من السودان ....
|
Post: #5
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 02:47 PM
Parent: #2
|
Post: #8
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد إبراهيم علي
Date: 02-21-2011, 03:00 PM
Parent: #5
| Quote: بالغ مع ود الباوقة |
ما لنا نرى اسماء كنا نظنها من الصالحين
كوستا وكوستاوي عرفناهم لكن كوستاريكاالا بكتب في نبو سودان
تمبس ممكن يفيدنا عنو بما انو عندو هاردسك 10 تيرا عن موقع تراجي ده
|
Post: #20
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 04:29 PM
Parent: #8
كوستاريكا ده بيكون يكتب في دومنيكانيان اونلاين ...
|
Post: #9
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد عمر جبريل
Date: 02-21-2011, 03:01 PM
Parent: #5
| Quote: أجبن من (الجبنة)!! |
أحد من السين
وأسرع من حرف العين
وأهدأ من السكون
ـــــــــــــ
..
|
Post: #11
Title: Re: الهندي عز الدين جاكم تاني يا ناس المنبر ... نيران ثقيلة ....
Author: ismeil abbas
Date: 02-21-2011, 03:24 PM
Parent: #9
شكرآ أخى الزناتى....وبالله دى مناسبة رجع لينا الفكى قوقل والله بقت زى البرادعى زمان...
Quote: (سوداني، ود البلد، ود الحصاحيصا، ود الباوقة، بت النيل، جون قرنق - بدون «دي مبيور» - كوستا، كوستاوي، كوستاريكا،... إلخ)، أو يكتب أحدهم اسمه (الأول)، مع اسم جده (الخامس)..!! متبرئاً من اسم أبيه الذي (ولده من ضهره)!! أو كما يقولون.
{ ولا يكون الداعي إلى التخفي، اختيار اسم (فني) أو (أدبي) ظاهر.. وباهر.. كما يفعل (المخرجون) مع (الفنانات)، فمثلاً الفنانة «بوسي» اسمها الحقيقي «صافيناز مصطفى قدري»، و«نادية لطفي» اسمها «بولا محمد شفيق»، ومطربة (الخشلعة) «روبي» اسمها «رانيا حسين»، وسعاد حسني اسمها «سعدية حسني محمد»، و«نورا» اسمها «فكرية مصطفى قدري»، أما «فيفي عبده» فاسمها «فتكات عبد الحميد»!!
|
سبقنى ألأخ/محمد عمر جبريل على هذا التعليق الذى يحمل فى مضمونه ما سأكتب..أن ألسيد/الهندى الصحفى يمط فى الكتابة من ألأمثال حتى ظننا أنه سوف ينهى مقالته على ذلك..
حشو ما بعده حشو..وهل مثل هذا الحشو دلالة على الثقافة.وما ذنب القارىء لمثل هذا الحشو ألأجوف.
هذا حال بعض صحافتنا والصحفيين منهم..
ألأخت والزميلة منال عوض خوجلى على حق وطالبت بحقها ولو لم تكن كذلك لما أرهقت نفسها وعانت جرجرت القضاياوالمحاكم كما زعم الصحفى الهمام الهندى عزالدين.
تقديرى للأخت الزميلة منال عوض خوجلى..وتقديرى لكل من ساندها فى قضيتها..والله يكفينا نيران الهندى عزالدين وان يجعلها بردآ وسلامآ علينا وعلى المنبر.
|
Post: #12
Title: Re: الهندي عز الدين جاكم تاني يا ناس المنبر ... نيران ثقيلة ....
Author: khaleel
Date: 02-21-2011, 03:33 PM
Parent: #11
يا ود الباوقة
تعال شوف المبربر دا
كتب عنك شنو
|
Post: #41
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-22-2011, 06:13 AM
Parent: #12
يا خلي الراجل شات من طرف ....
|
Post: #13
Title: Re: الهندي عز الدين جاكم تاني يا ناس المنبر ... نيران ثقيلة ....
Author: حمد عبد الغفار عمر
Date: 02-21-2011, 03:39 PM
Parent: #11
الاخ زهير
سلام
| Quote: (مناضل عنكبوتي) هايف |
دي ما شتيمة؟
يخلوك تشتم براك كدي يعني ولا شنو؟
حكم والله
|
Post: #15
Title: Re: الهندي عز الدين جاكم تاني يا ناس المنبر ... نيران ثقيلة ....
Author: wadalzain
Date: 02-21-2011, 03:54 PM
Parent: #13
هذا ما قاله الهندى عزالدين فى ايام الانتخابات وهل قالت المنتديات قولا غيره ؟
Quote: وحاربنا الانتهازيون.. والمنافقون.. فمنعوا عن ناخبينا شهادات السكن في الحارة الرابعة، والسابعة، ورفض المدعو «صلاح قورو» عضو اللجنة الشعبية بالحارة السابعة منح شهادة سكن لكل من يساند الهندي عز الدين ليسقط عنه حق التصويت..!
{ شهادات السكن التي زوروا بها في الحارة الرابعة ومنحوها لمواطنين من خارج الحارة، بل من خارج الدائرة، ورغم ذلك انهار رئيس اللجنة الشعبية المدعو «الريح علي الفضل» فلجأ لاستخدام العنف في مواجهة بعض الناخبين المخالفين لمرشحه حتى تدخلت الشرطة لفض الاشتباكات..!! هل هذه قيادات صالحة للمشروع الحضاري؟
{ سقطت المفوضية في امتحان الأمانة وهي تحشد المراكز بمن أسمتهم «مراقبين محليين» وهم أعضاء في حملات مرشحين، يحاصرون صناديق الاقتراع من الداخل، فكيف نأمن على أصوات ناخبينا في ظل وجود هذه الجمهرة المريبة..؟
{ انسحبنا، وانسحب (4) مرشحين آخرين بالدائرة (13)، ومرشحون من الدوائر (12) و(16) و(2، إنها مفوضية عاجزة بل كسيحة، وكان أولى بعد إعلانها الاعتراف بالأخطاء أن تلغي العملية الانتخابية، بتلك الدوائر، وتحدد لها موعداً آخر بعد استبدال الضباط ومحاسبتهم، فكيف يمكننا الوثوق بهؤلاء المهملين.. الغائبين..
{ يزعمون أنه خطأ «فني» ونحن نؤكد أنه شرخ كبير في نفوسنا لن يعالجه غير الانسحاب بشرف، وترك المجال واسعاً لمرشح مطرود من أهله «الرزيقات» ليفوز بالتزكية المثقوبة.. التزكية «المقدودة» بعد انسحاب (4) مرشحين كانوا يمثلون الجياد المرشحة للفوز، وقبلهم انسحب مرشحو حزب الأمة القومي، والحركة الشعبية، والإصلاح والتجديد، والحزب الشيوعي.. بينما أكد مرشّح «المؤتمر الشعبي»، المهندس علي شمار، على التجاوزات، وبدا راغباً في الانسحاب، غير أنه ينتظر موافقة «الشيخ الترابي» أو قرار المؤسسة.
{ إذن على من يفوز المدعو «مسار»؟ على نفسه؟ يفوز بشهادات السكن المزورة.. يفوز بتخويف الحرائر وتهديد النساء.. يفوز باستخدام سلاح البطاقات العلاجية في التهديد في الحارة الرابعة.. يفوز بالحبر الضارب والمضروب الذي يمكن غسله بعد دقائق فيصبح «غير موجود»..!!
{ انسحبنا وانسحب «محجوب عروة» من الخرطوم، و«عثمان ميرغني» من الثورة الشرقية، و«علي ماطوس» و«العوام قسم السيد» من الثورة الغربية.. وانسحب «مجتبى الزاكي» أقوى منافسي «الحاج عطا المنان» في الكلاكلات |
|
Post: #14
Title: Re: الهندي عز الدين جاكم تاني يا ناس المنبر ... نيران ثقيلة ....
Author: عاطف مكاوى
Date: 02-21-2011, 03:43 PM
Parent: #11
الغريب يا زهير أن بعض المعلقين أسماؤهم حركية (العميد ... أبوالنجاشي)
والأغرب أن يسمح لهم الهندى بالتعليق باسمائهم الحركية التي يرفضها في منبرنا!
|
Post: #22
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 04:40 PM
Parent: #11
ismeil abbas سلامات
جبنا ليك قوقل ... وربنا يخلي ليك الاثنين ...
|
Post: #21
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-21-2011, 04:35 PM
Parent: #9
Quote: أحد من السين
وأسرع من حرف العين
وأهدأ من السكون
|
هاههاههاهاها
|
Post: #23
Title: Re: الهندي عز الدين جاكم تاني يا ناس المنبر ... نيران ثقيلة ....
Author: Amira Elsheikh
Date: 02-21-2011, 04:58 PM
Parent: #21
{ مناضلو «الكي بورد» يكتبون بالألقاب (من وراء حجاب)، مع أن بعضهم مهاجر في الولايات المتحدة، كندا، قطر، بريطانيا، وغيرها.. يتمتعون بحصانة الجوازات (الأجنبية)، يفعلون ذلك لأنهم (جبناء
ناس قطر ؟؟??? يخربنا يا زهير ......جواز اجنبى واحد ماعندنا ....
النبى تصحح المعلومة دى للهندى
|
Post: #24
Title: Re: الهندي عز الدين جاكم تاني يا ناس المنبر ... نيران ثقيلة ....
Author: احمد الامين احمد
Date: 02-21-2011, 05:07 PM
Parent: #23
| Quote: واضح انه الهندي عز الدين كتب هذا المقال في لحظة غضب |
بل كتبه فى لحظة حضور وصفاء وواضح جدا ان هذا المنبر بعض مجالات المعرفة إلتى يرتكز عليها الهندى خاصة أنه نشر البوست الذى كتبه زهير الزناتى صاحب هذا البوست فى صدر صفحته الاولىقبل شهور أول صدروها كشهادة موجبه تؤكد أن صحيفته الاكثر توزيعا حسب شهادة الاخ زهير ....
|
Post: #25
Title: Re: الهندي عز الدين جاكم تاني يا ناس المنبر ... نيران ثقيلة ....
Author: ود الباوقة
Date: 02-21-2011, 05:46 PM
Parent: #24
خليل
الهندي دا شكلو زعلان مني
لانو قبل كم سنة كتبت عنه بوست عنوانو
الهندي عز الدين يجب ان تغدى به قبل ان يتعشى بنا
بكون زعلان انا مني في دي
والله اعلم
|
Post: #26
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد حيدر المشرف
Date: 02-21-2011, 07:56 PM
Parent: #25
تصور يا زناتى ان هدى سلطان اسمها بهيه عبدالعال !!
جهزو لى عمود صحفى ..
اخوك قرر يرجع السودان ..
غنيمة حبيب خليل ... مديحة يسري
معالي عبد الله أحمد المنياوي .. معالي زايد
أمينة مصطفى جمال... ميمي جمال
يولا شفيق .. ناديا لطفي
توحيد أبو زيد محمد .... ناريمان
نجاة محمد حسن البابا .. .. نجاة الصغيرة
عبد المعطي محمد الموجي .. نجاح الموجي
فاطمة الزهراء حسين أحمد ... نجلاء فتحي
عواطف محمد عجمي .. نجوى فؤاد
سهير أبو الفتوح أبو الأنوار ... نوال أبو الفتوح
محمد جابر ... نور الشريف
بهية عبد العال .... هدى سلطان
ميشال كفوري .. وائل كفوري
وجدان عبد البديع العربي .. وجدي العربي
مصطفى سيد أحمد سيف ... وحيد سيف
وديع فرنسيس ... وديع الصافي
وردة محمد فتوكي ... وردة الجزائرية
وفاء عبد السلام رحال .. وفاء سالم
وليد توتنجي ... وليد توفيق
محمد يحيى الفخراني ... يحيى الفخراني
سهير محمد نسيم ... يسرا
|
Post: #57
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-24-2011, 07:31 AM
Parent: #26
المشرف لكن والله لقيتك خطير مرة واحدة ... يا زول ما تجي نعمل صحيفة ... اهو المهارات الصحفية متوفرة
|
Post: #27
Title: Re: الهندي عز الدين جاكم تاني يا ناس المنبر ... نيران ثقيلة ....
Author: سفيان بشير نابرى
Date: 02-21-2011, 08:15 PM
Parent: #25
Quote: (سوداني، ود البلد، ود الحصاحيصا، ود الباوقة، بت النيل، جون قرنق -
بدون «دي مبيور» - كوستا، كوستاوي، كوستاريكا،... إلخ) |
و أم مغد!!!!
بالجد كده الهندي ده اسمو الحقيقي!!!!؟
يا زهير كيفك؟
هسي يقوم يجيك في الزناتي دي كمان.
|
Post: #28
Title: Re: الهندي عز الدين جاكم تاني يا ناس المنبر ... نيران ثقيلة ....
Author: مها عبد الله
Date: 02-21-2011, 08:31 PM
Parent: #27
Quote: تصور يا زناتى ان هدى سلطان اسمها بهيه عبدالعال !!
جهزو لى عمود صحفى ..
اخوك قرر يرجع السودان ..
غنيمة حبيب خليل ... مديحة يسري
معالي عبد الله أحمد المنياوي .. معالي زايد
أمينة مصطفى جمال... ميمي جمال |
والهندي عز الدين أصلا هو ( أميتاب باتشام )
مها عبد الله دي ميمي جمال
ومحمد حيدر المشرف دا هو زااااااتو برويز مشرف 
ليس الغالبية من أعضاء المنابر يكتبون بأسماء حركيه ، كدي شوف البوست دا بس يا أستاذ الهندي وأحكم !!
|
Post: #30
Title: Re: الهندي عز الدين جاكم تاني يا ناس المنبر ... نيران ثقيلة ....
Author: تيسير عووضة
Date: 02-21-2011, 08:39 PM
Parent: #28
إنت يا حيدر المشرف نجاة الصغيرة مش قالوا أخت سعاد حسني ولا يكون اسم على اسم ساي؟
|
Post: #31
Title: Re: الهندي عز الدين جاكم تاني يا ناس المنبر ... نيران ثقيلة ....
Author: مها عبد الله
Date: 02-21-2011, 08:46 PM
Parent: #30
Quote: الهندي عزالدين صحفي جربندي معروف لدينا
وتمت فككته في زمن اسفيري سابق واخد حقو كاش
فاحسن ليهو ما يقعد يفرفر ويهبش كثير حتي لا ننيشه مرة اخري |
 كيكي التفكيكي ح يفك ( نبلة )
في وجه الصحفي الهندي ويخاطبه بنفس لغة خطابه الأعلي !
|
Post: #37
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد علي شقدي
Date: 02-21-2011, 09:06 PM
Parent: #31
معليش يا شباب بعد التحية نستغل الفرصة دي ونقول للهندي بالله بدون سغالة سلم لي علي اخوك
الطبيب خريج سنار رجل حقيقي جدير بالاحترام
---------------------------------
سودانيز اولاين ده عالم افتراضي يسكنه الاشباح والافتراضيون انت مالك شاغل نفسك بيهم
و زعلان لمن تكتب كلام سكان الباقير من الطير الراكي فوق ده
|
Post: #33
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد أبوالعزائم أبوالريش
Date: 02-21-2011, 08:53 PM
Parent: #30
| Quote: سوداني، ود البلد، ود الحصاحيصا، ود الباوقة، بت النيل، جون قرنق - بدون «دي مبيور» - كوستا، كوستاوي، كوستاريكا،... إلخ) |
أها يا كوستاوي يا خُرده ... شنو ليك؟ ........ راكب في سرج واحد مع ود الباوقة.
بعدين يا ود الباوقة، يعني البتسوي فيهو هنا ده كلو ..... وصقريتك مع الرئيس ديل كلهم ما شفعوا ليك؟ أنا ما قلت ليك الناس ديل بيبيعوك في أقرب ملف؟
______
واحد يفهمنا ..... الجاب صلاح إدريس شنو في الموضوع؟ يكون (الراعي الرسمي) للحملة؟
|
Post: #34
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد حيدر المشرف
Date: 02-21-2011, 08:57 PM
Parent: #30
يا مها ..
| Quote: ومحمد حيدر المشرف دا هو زااااااتو برويز مشرف |
برويز دى اسمى الحركى فى باكستانيزاونلاين 
تعرفى ..
السودان ده أغرب بلد ..
عشان ما تنجح فيهو لازم قدراتك تكون محدوده ..
___________
عليك الله فكرى فى الكلام ده ..
|
Post: #38
Title: Re: الهندي عز الدين جاكم تاني يا ناس المنبر ... نيران ثقيلة ....
Author: مها عبد الله
Date: 02-21-2011, 09:09 PM
Parent: #34
Quote: تعرفى ..
السودان ده أغرب بلد ..
عشان ما تنجح فيهو لازم قدراتك تكون محدوده .. |
د. المشرف والله فعلا بلد عجيب وغريب ، هسه إمكانيات زي بتاعتك دي في معرفة أسماء المشاهير الحقيقة مفروض تكون وزير للثقافه والإعلام ما تقول لي ( قوقلت الأسماء بتاعت الممثلين دي  )
|
Post: #32
Title: Re: الهندي عز الدين جاكم تاني يا ناس المنبر ... نيران ثقيلة ....
Author: مرتضي عبد الجليل
Date: 02-21-2011, 08:49 PM
Parent: #27
الاخ زهير سلام وتحية:
حبيت اعلق علي تعليق الاخت (ام عمرو) التي تصف مناضلي الكيبورد بالحقييرين لسبب بسيط انهم يستخدمون اسامي مستعارة تماما كحالتها,فام عمرو ليس اسمها الحقيقي.
**وطبعا يا ام عمرو,انا اقدر تعاطفك مع من تظنين انها ظلمت بحكم القرابة او اي صفة اخري,ولكن ليس لك حق وصف من يكتبون باسماء مستعارة وصفهم بالحقيريين لانك الان, حسب تصنيفك منهم.
**الشئ التاني يا ام عمرؤ, كان تكتبي بإسمك في سودانيزاون لاين!!!!
شكرا زهير الزناتي.
|
Post: #35
Title: Re: الهندي عز الدين جاكم تاني يا ناس المنبر ... نيران ثقيلة ....
Author: عبدالكريم الامين احمد
Date: 02-21-2011, 08:58 PM
Parent: #32
Quote: كيكي التفكيكي ح يفك ( نبلة )
في وجه الصحفي الهندي ويخاطبه بنفس لغة خطابه الأعلي ! |
هلا يا مها
والهندي عز الدين ده كان (معانا) بجاي في المنبر ده
وقام يلخبت في الكلامات فقمنا عليهو علي طريقة (كدايس كاشا) الشهيرة
وفي النهاية طلعنو كرعينو من المنبر...
وحسع لو اراد ان يعود عدنا
|
Post: #36
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد حيدر المشرف
Date: 02-21-2011, 09:04 PM
Parent: #32
| Quote: نجاة الصغيرة مش قالوا أخت سعاد حسني ولا يكون اسم على اسم ساي؟ |
المصدر يا تيسير !!
___________
صعب جدا الواحد يمشى تانى محل قوقل الاسامى دى كلها
بستخدموا لون بمبى مزعج جدا
وعدد مهول من القلوب ..
|
Post: #39
Title: Re: الهندي عز الدين جاكم تاني يا ناس المنبر ... نيران ثقيلة ....
Author: صديق الموج
Date: 02-21-2011, 11:12 PM
Parent: #27
الزناتى ...سلام
ترانى انا صحفى كبير وماعارف روحى بالله ما تشوف
لى الطيب مصطفى ماعنده فرقه فى الانتباهة دى بالعدم
كلمى لى الكرنكى ان شاء الله فى الرائد بشتغل..
اها شوفنى.
كرومه......................اسمه عبد الكريم عبد الله مختار ارو
الكاشف.................... اسمه ابراهيم احمد ابو جبل
الكابلى.................. اسمه عبد الكريم عبد العزيز محمد
الجابرى.................. اسمه احمد محمد عبد الله
عشه الفلاتيه................اسمها عائشه موسى احمد
منى الخير................ اسمها امنه خير الله على
ايمان لندن............... اسمها ايمان الجيلى عبد المحمود
كمال ترباس................ اسمه كمال ابراهيم سليمان
ياسر تمتام................ اسمه ياسر محمد احمد
عاصم البنا............... اسمه عاصم بابكر عبدالله محمد عمر
جمال فرفور .............. اسمه جمال مصطفى حسن احمد
جلال الصحافه............... اسمه جلال سليمان جمعه
حنان بلوبلو.............. اسمها حنان عبد الله عبدالكريم
ندى القلعة............... اسمها ندى محمد عثمان
حسين شندى................ اسمه حسين احمد على جبريل
على قاقرين.................اسمه حيدر حسين حاج الصديق
الدحيش.....................اسمه عزالدين عثمان سليمان
الزناتى لقيتنى كيف؟
بالله كلم الهندى ده قول ليه ود الباوقه ده اسمه عمر محمد عبد القادر
وامه اسمها فاطمه وساكن فى البديعه اى معلومات جاهزين ان شاء الله
ما مرق منها،قول ليه بالله ختو اسمه فى الكشف بتاع لاهاى..
بالمناسبه ما سأل من صلاح غريبه؟؟
|
Post: #40
Title: Re: الهندي عز الدين جاكم تاني يا ناس المنبر ... نيران ثقيلة ....
Author: مها عبد الله
Date: 02-21-2011, 11:26 PM
Parent: #39
Quote: هلا يا مها
والهندي عز الدين ده كان (معانا) بجاي في المنبر ده
وقام يلخبت في الكلامات فقمنا عليهو علي طريقة (كدايس كاشا) الشهيرة
وفي النهاية طلعنو كرعينو من المنبر...
وحسع لو اراد ان يعود عدنا |
يعود تاني بعد كل الأسماء ( غير الحركية) الجاتو دي !! ما أظن يعملها يا كيكي
( يعود تاني ) دي ذكرتني أغنية (حنيني إليك  )
|
Post: #42
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد أبوالعزائم أبوالريش
Date: 02-22-2011, 06:31 AM
Parent: #40
| Quote: ( يعود تاني ) دي ذكرتني أغنية (حنيني إليك ) |
أها ... دا الكلام البيخلي عمّو الهندي يقول عليكم بتاعين فارغة ومقدودة.
بعدين واكبي التطورات رجاءاً واكتبي إسمك الحقيقي (ياماها ناجازاكي)
|
Post: #43
Title: Re: الهندي عز الدين جاكم تاني يا ناس المنبر ... نيران ثقيلة ....
Author: ناذر محمد الخليفة
Date: 02-22-2011, 07:03 AM
Parent: #40
ههههههههههه
| Quote: بالمناسبه ما سأل من صلاح غريبه؟؟ |
ودا إسمو الحقيقي منو يا ود الموج ..!!
|
Post: #44
Title: Re: الهندي عز الدين جاكم تاني يا ناس المنبر ... نيران ثقيلة ....
Author: مها عبد الله
Date: 02-22-2011, 09:12 AM
Parent: #43
Quote: أها ... دا الكلام البيخلي عمّو الهندي يقول عليكم بتاعين فارغة ومقدودة.
بعدين واكبي التطورات رجاءاً واكتبي إسمك الحقيقي (ياماها ناجازاكي) |
أبو العزائم ياخي الأغنية مهداة للهندي زاااااااتو
إسمي دا غايتو كلو من بكري
ما عجبني لود الباوقه بالجد بالجد 
| Quote: بالمناسبه ما سأل من صلاح غريبه؟؟ |
صلاح غريبه دا ياهو العضو صلاح فيس بوك تويتر ولا زول تاني
|
Post: #45
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-22-2011, 04:22 PM
Parent: #44
http://www.facebook.com/#!/?sk=messages&tid=10150172559929175
Quote:
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
ليس مستغرباً صعود نجم السفلة والفاقد التربوي لقيادة الدفة في صاحبة الانقاذيون الجلالة عودنا إذ ألانفا1يون أن أمثال الهندي عز الدجين يمكن أن يصبحوا بين ليلة وضحاها من الذين يقودون الوعي المقرؤ عبر الصحف السيلارة ، ولكن ما يؤلم حقاً أن يحاول الصحفي الهندي بناء أمجادة هذا إن كانت له أمجاد علي حساب الشرفاء من أبناء الوطن الذين إكتوو بنيران ولهيب منظومة الهندي السياسية، فقد ورد اليوم بعمود المدعو الهندي ما يفيد بأن له ثأر قديم مع الصديق- وائل طه وأنه تنازل عنه إحتراماً لبعض الناس ، وهنا انا ليس بصدد الدفاع عن وائل وإن كان لي الشرف ب1ذلك فهو أفدلر علي الدفاع عن نفسة ويمتلك من الادوات ما يجعلة قادراً علي خوض اي معركو مطمئن الخطي ، ةىوزلكن أود أن أود أوضح بعض الحقائق التي كنت شاهداً عليها . كنت عائداً من مجمع شمبات بعد المشاركة في نشاط سياسي حوالي الثانية ظهراً وانا أهم بعبور باب الميدان الشرقي إذ الحظ لافتة ضخمة كتب عليها ما معناه أن رابطة الطلاب الاسلامويون سيستضيفون الصحفي الهندي في ندوة بالاندرلاب تحت عنوان- الانقاذ الاعجاز والانجاز ، وبما أننا لنا ثأرات وعدوات مع المعو الهندي حينما وصف لجان ىدعم التحالف بالجامعة أنها تجمع الاموال من الطلاب بإسم التحالف وهي بذلك تبتز الطلااب حسب وجهة نظرة وقد سب التحالف الديمقراطي بما يكفي ، وبعد مضي عام كامل من تلك الشتائم ظن الغلام الهندي أن جامعة الخرطوم ستفتح له زراعيا بالاحضان وانها ستستقبلة بالورود عند مدخل باب المين ،هذا المسكين لا يعلم أن جامعة الخرطوم تتعلم وتحتفظ بالاحداث ولا تنسي أبداً، اعود لاقول انه عندما وقعت عيناي علي تلك اللافتة قمت بالاتصال بالصديق –وائل والحبيب الاعيسر وإقترحت عليهما عمل نشاط موازي للهندي حتي يعلم من نحن وما هي جامعة الخرطوم ؟ وقد وافقا علي الفور ولم يكونا في تلطك اللحظة موجودان بالجامعة وقد قمت بعمل الملصق الدعائي وإستجلاب مكبر الصوت وقد بدأ النشاط في تمام الثالثة والنصف وكان أول المتحدثين وائل بأمر الطلاب وأعقبة بالحديث الاعيسر ثم شخصي وقد وضح المتحدثون حقيقة وماهية المدعو الهندي ولم يقل أحد ما لم يكن فيه ، وبعد مرور أقل من نصف ساعة إنهار الهندي أمام الجميع ولم يقوي علي الصمود في معركة إمتلكنا فيها الحجة وظن الهندي أنه يمتلك الدوله ففر هارباً غير ماسوفاً عليه وقد عرف الطلاب أن عامل النفايات قد تحول لصحفي بأمر الانقاذ وإكتشفوا أن الذي لم يلج أبواب الجامعة ولو زائراً يريد الحديث داخل الجميله ومستحيلة : عرف الطلاب حقيقة الهندي من عاهتة الفسيلوجية وإلي غباءة الفكري وإنحطاطة الاخلاقي- والمقام ليس مقام توضيح أكثر من ذلك، ولكن فوجئنا في صبيحة الجمعة 10-6-2008 م أن المانشيت الرئيسي لصحيفة أخر لقطةكالاتي: ممثل الشيوعيين بجامعة الخرطوم يهدد نلئب رئيس التحرير بالقتل أراد الهندي أن يصرف الانظار عن ما جري له بالجامعة بعد كشف حقيقثة توهمه أمام الطلاب ولكن خاب فاله، فمن نعم الله علي الشيخ –وائل طة أنه عندما كانت صحيفة الهندي تعانق أعين القرا كانت جيوش خليل تروع الغمان أمثال الهندي فسكت عن الكلام المباح. أن ما ورد اليوم بعمود الهندي يمثل إجتراراً للمرارات وإعلان للهزيمة النفسية فقد مضي علي ذلك الحدث قرابة الثلاثة أاااعوام فلماذا يثيرة الان؟ ولماذا حاول الهندي الربط بين هذه المشكلة وأخري قال القضاء فيها كلمتة؟ وما سر دفاع الهندي عن المحامية التي تدعي أنها حامية حمي حوق الانسان؟ إن ربط قضية الهندي مع وائل، هذا إن كانت له قضية أصلاً وقضية النشر الالكتروني تمثل –حسب رائي حلفاً جديداً بين المتوهمون بدفاعهم عن حقوق الانسان وأبواق الامن من شاكلة الهندي وليعلم الهندي وأخرون أن ربطة لتلك القضية بقضيتة الشخصية له الف تفسير وإن حاول إخفاء دواعي الربط هذه ولكننا قادرون علي فك طلاسمها مهما إستعصت ، والان فقط إنكشف المستور بعد أن سبق الهندي الي الدفاع عن المحامية صحفي مغمور من صحفيي الوان ثم دفاع تلك التي تنكرت لمن أمسكوا بيدها وهي ما زالت تخطو أولي خطواتها في صاحبة الجلاة –ويستاهل الحاج وراق الذان كانا يفرضاها علينا فرضاً منذ أن تولا أمرها بجريدة الصحافة الغراء ولكننا اليوم نشاهدها في حلف الغلام الهندي تدافع عن الذين خانوا الامانة الانسانية ، وإثارة هذه القضية أو تلك وبتلك الصورة التي ربطت بها يعني الكثير والكثر ، وإن أراد الهندي وحلفة الجديد أن يهدد ويتوعد فعليه الرجوع وتجديد بلاغة المزعوم وسأكون أول الشاهدين وأذكر ما سمعتة بكل صدق وأيضاً ما قلته ولكن هل يحتمل الهندي سماع ما قيل؟ إنه كابوس لن يفيق منه إلا بعد يهتف الثوار في قليب الخرطوم ويهرب حامي حماه ومن معه حينا ىفقط سيعلم الهندي ماذا يعني إستعداء الثوار مثل الرفيق وائل طه
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>> |
|
Post: #46
Title: Re: الهندي عز الدين جاكم تاني يا ناس المنبر ... نيران ثقيلة ....
Author: احمد الامين احمد
Date: 02-22-2011, 04:40 PM
Parent: #45
| Quote: عامل النفايات قد تحول لصحفي بأمر الانقاذ |
تحية للشرفاء من عمال النفايات بكافة الدول
الصحافة مهنة وعى وضمير لا يهم الماضى الوظيفى لمن يمارسها ...
المؤسف والمزعج ًصعود الهندى إلى حصان الصحافة هذا هو السؤال بعيدا عن مهنة عمال النفايات الذين يسهمون قدر جهدهم فى نظافة البيئة التى يعيش فيها الطبيب/ رجل الاعمال/ المهندس وغيرهم
ليس مستغربا بروز الهندى كصحفى يشار إليه فى عصر الجهل والتخبط والقبح ....هذا هو السؤال
أكرر التحية لعمال النفايات الشرفاء فى عصر السمسرة واللصوص
|
Post: #51
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-23-2011, 08:37 AM
Parent: #25
يعني يا ود الباوقة الراجل كان صاريها ليك من الزمن داك .؟
|
Post: #48
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-23-2011, 08:15 AM
Parent: #24
تعرف يا احمد المنبر العام ... مرجع اساسي لكتاب الاعمدة والاخبار في الصحافة السودانية ... وكثير من الاعمدة مستقاة عن معلومات من هذا المنبر ... واعتقد ان تاثير سودانيزاونلاين اكثر مما يتوقع الكثير منا ...
|
Post: #47
Title: Re: الهندي عز الدين جاكم تاني يا ناس المنبر ... نيران ثقيلة ....
Author: زهير الزناتي
Date: 02-23-2011, 08:06 AM
Parent: #23
يا اميرة الكلام ده ما بنصدقوا في ناس كتار مشت عملت جنسات بره وجات تعارض من قطر ... الكلام ده قولوا لزول ما عنده حديدة
|
Post: #49
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد أبوالعزائم أبوالريش
Date: 02-23-2011, 08:24 AM
Parent: #47
| Quote: صلاح غريبه دا ياهو العضو صلاح فيس بوك تويتر ولا زول تاني |
إنقرعي ... والله هسي يكلّم ليك حبوبتو
|
Post: #50
Title: Re: الهندي عز الدين جاكم تاني يا ناس المنبر ... نيران ثقيلة ....
Author: أيمن الطيب
Date: 02-23-2011, 08:37 AM
Parent: #49
سلام يا زناتى,,
| Quote: بكون زعلان انا مني في دي |
| Quote: إنقرعي ... والله هسي يكلّم ليك حبوبتو |
ود الباوقة دا بعد كدا مفروض يحسبوه من الناطقين بغيرها,,
والود اللٌعبة الهندى نيرانو دى حدها شراباتو البُيض ديل,,
ذكرنى الإبتدائى والله,,
والله صحى,,,
|
Post: #52
Title: Re: الهندي عز الدين جاكم تاني يا ناس المنبر ... نيران ثقيلة ....
Author: shammashi
Date: 02-23-2011, 09:01 AM
Parent: #49
لمن جاء الجامعة ياربي كان شايل معاهو حاجات المكياج كلها؟
ود الباوقة
والله باضت ليك في قفص.
|
Post: #53
Title: Re: الهندي عز الدين جاكم تاني يا ناس المنبر ... نيران ثقيلة ....
Author: Kostawi
Date: 02-23-2011, 10:30 AM
Parent: #52
أفلام هندية
و جارك على الله
يا جانوار إنتا إسمك الهندي......
محلك هنا
[email protected]
يلا أكسح من هنا يا wana be sudani
|
Post: #54
Title: Re: الهندي عز الدين جاكم تاني يا ناس المنبر ... نيران ثقيلة ....
Author: قلقو
Date: 02-23-2011, 01:15 PM
Parent: #53
الأخ زهير الزناتى والأخوة المشاركون
انا لا أدرى لم تشغلون انفسكم بهذا الولد المخنث؟
|
Post: #55
Title: Re: الهندي عز الدين جاكم تاني يا ناس المنبر ... نيران ثقيلة ....
Author: محمد أبوالعزائم أبوالريش
Date: 02-23-2011, 01:16 PM
Parent: #53
وين إنت يا خُردة .... الراجل أعلن عليك حرب إسفيرية
|
Post: #56
Title: Re: الهندي عز الدين جاكم تاني يا ناس المنبر ... نيران ثقيلة ....
Author: عبدالقادر علي عبدالرحيم
Date: 02-23-2011, 01:42 PM
Parent: #55
تسقط اقلام الحواجب والكريمات من الشنط الستاتية
|
Post: #58
Title: Re: الهندي عز الدين جاكم تاني يا ناس المنبر ... نيران ثقيلة ....
Author: عبداللطيف حسن علي
Date: 02-24-2011, 11:15 AM
Parent: #56
| Quote: تسقط اقلام الحواجب والكريمات من الشنط الستاتية |
احب ال13 واموت في ال7 ت.ا.ي.ا
ــــــــــــــ
كود عضو جديد قادم!
|
Post: #59
Title: Re: الهندي عز الدين جاكم تاني يا ناس المنبر ... نيران ثقيلة ....
Author: عبدالدين سلامه
Date: 02-24-2011, 11:48 AM
Parent: #58
| Quote: إلاّ أن الثابت أن مثل هذه المنتديات (العنكبوتية) لا تعدو كونها (قعدات إلكترونية) لشلليات لا تتجاوز بضع عشرات من الأعضاء، يتداخل (الواحد) منهم بعشرة (أسماء مزيَّفة)، واحد منها فقط حقيقي، والبقية تأتي على شاكلة (سوداني، ود البلد، ود الحصاحيصا، ود الباوقة، بت النيل، جون قرنق - بدون «دي مبيور» - كوستا، كوستاوي، كوستاريكا،... إلخ)، أو يكتب أحدهم اسمه (الأول)، مع اسم جده (الخامس)..!! متبرئاً من اسم أبيه الذي (ولده من ضهره)!! أو كما يقولون. |
فليسأل عن ذلك زين العابدين ومبارك والقذافي ... ليقل لهم من أسقطكم ؟؟؟ أليسوا شباب الشبكة العنكبوتية خاصة بالفيس بوك ؟؟؟ لعن الله جهل القائمين على الصحف التي يفترض فيها أن تكون منارات المعرفة
Quote: وحاربنا الانتهازيون.. والمنافقون.. فمنعوا عن ناخبينا شهادات السكن في الحارة الرابعة، والسابعة، ورفض المدعو «صلاح قورو» عضو اللجنة الشعبية بالحارة السابعة منح شهادة سكن لكل من يساند الهندي عز الدين ليسقط عنه حق التصويت..!
{ شهادات السكن التي زوروا بها في الحارة الرابعة ومنحوها لمواطنين من خارج الحارة، بل من خارج الدائرة، ورغم ذلك انهار رئيس اللجنة الشعبية المدعو «الريح علي الفضل» فلجأ لاستخدام العنف في مواجهة بعض الناخبين المخالفين لمرشحه حتى تدخلت الشرطة لفض الاشتباكات..!! هل هذه قيادات صالحة للمشروع الحضاري؟
{ سقطت المفوضية في امتحان الأمانة وهي تحشد المراكز بمن أسمتهم «مراقبين محليين» وهم أعضاء في حملات مرشحين، يحاصرون صناديق الاقتراع من الداخل، فكيف نأمن على أصوات ناخبينا في ظل وجود هذه الجمهرة المريبة..؟
{ انسحبنا، وانسحب (4) مرشحين آخرين بالدائرة (13)، ومرشحون من الدوائر (12) و(16) و(2، إنها مفوضية عاجزة بل كسيحة، وكان أولى بعد إعلانها الاعتراف بالأخطاء أن تلغي العملية الانتخابية، بتلك الدوائر، وتحدد لها موعداً آخر بعد استبدال الضباط ومحاسبتهم، فكيف يمكننا الوثوق بهؤلاء المهملين.. الغائبين..
{ يزعمون أنه خطأ «فني» ونحن نؤكد أنه شرخ كبير في نفوسنا لن يعالجه غير الانسحاب بشرف، وترك المجال واسعاً لمرشح مطرود من أهله «الرزيقات» ليفوز بالتزكية المثقوبة.. التزكية «المقدودة» بعد انسحاب (4) مرشحين كانوا يمثلون الجياد المرشحة للفوز، وقبلهم انسحب مرشحو حزب الأمة القومي، والحركة الشعبية، والإصلاح والتجديد، والحزب الشيوعي.. بينما أكد مرشّح «المؤتمر الشعبي»، المهندس علي شمار، على التجاوزات، وبدا راغباً في الانسحاب، غير أنه ينتظر موافقة «الشيخ الترابي» أو قرار المؤسسة.
{ إذن على من يفوز المدعو «مسار»؟ على نفسه؟ يفوز بشهادات السكن المزورة.. يفوز بتخويف الحرائر وتهديد النساء.. يفوز باستخدام سلاح البطاقات العلاجية في التهديد في الحارة الرابعة.. يفوز بالحبر الضارب والمضروب الذي يمكن غسله بعد دقائق فيصبح «غير موجود»..!!
{ انسحبنا وانسحب «محجوب عروة» من الخرطوم، و«عثمان ميرغني» من الثورة الشرقية، و«علي ماطوس» و«العوام قسم السيد» من الثورة الغربية.. وانسحب «مجتبى الزاكي» أقوى منافسي «الحاج عطا المنان» في الكلاكلات |
هو أمر شخصي ...تعريتهم لبعضهم البعض وليس لنا في ذلك دخل ... أن يكيدوا لبعضهم ذاك شيء لايهمنا ولذلك لم يعلّق أحد عليه ...
والله حق لنا أن نرثي صحافتنا لو كان أرباب بيوتها بهذا المستوى
|
|