Post: #9 Title: Re: اللهم ارنا في القذافي يوما عبوسا قمطريرا .... Author: عبدالله شمس الدين مصطفى Date: 02-21-2011, 11:37 AM Parent: #5
سلام يا ود الباوقة إشمعنى القذافى يعنى, ما كلهم طغاة, جاؤوا بنفس الطريقة, حكموا بنفس الطغيان, ساموا شعوبهم نفس العذاب, أذاقوها من نفس الكأس, وسينقلبون جميعاً إلى نفس المصير, فلماذا القذافى دون نذيرنا يا ود الباوقة؟؟ إنطبق عليك قول الإمام الشافعى "وعين الرضا عن كل عيب كليلة ولكن عين السخط تبدي المساويا" مودتى يا رجل
Post: #12 Title: Re: اللهم ارنا في القذافي يوما عبوسا قمطريرا .... Author: domdom Date: 02-21-2011, 11:40 AM Parent: #5
اللهم ارنا في القذافي يوما عبوسا قمطريرا .... امييييييييين اللهم ارنا في كل ظالم و متجبرا و متكبرا و قاتل و متحيزا لاهلة فيهم غضبك اللهم من كان فيهم خيرا لامته فدم عليه الخير و علي امته و من كان فيهم شرا علي امته فارنا فيه قدرتك في نصرة المظلوم في الدنياو ابعدهم عنا و ابعدنا عنهم و باعد بيننا اميين
نخلي الحكم لي ربك لو الرجل معاهم يمشي لو ما معاهم يقعد بس ربنا يكفينا شر الفتن و الاحن و نخلي الحكم لي ربك لانو الظلم ما بدوم و الجرسة بتحصل اسع و الكيل بي معياريين حدوا قريب
Post: #16 Title: Re: اللهم ارنا في القذافي يوما عبوسا قمطريرا .... Author: يوسف السماني يوسف Date: 02-21-2011, 11:53 AM Parent: #14
Quote: اللهم فاكنس الانقاذ شر كنسة ...
Post: #17 Title: Re: اللهم ارنا في القذافي يوما عبوسا قمطريرا .... Author: حمزاوي Date: 02-21-2011, 11:56 AM Parent: #14
ود الباوقة اخوي سلام وتحية لسان حالك بيقول ثورات الشعوب العربية حولينا وما علينا
Post: #18 Title: Re: اللهم ارنا في القذافي يوما عبوسا قمطريرا .... Author: هاشم محمد الحسن عبدالله Date: 02-21-2011, 12:03 PM Parent: #14
(اللهم ان قيادتنا قد اعطته من الاحترام
ما لايستحقه وفي النهاية طعن الوطن في خاصرته
اللهم عجل برحيله
واقطمه قطمة عزيز مقتدر ..)أنتهى.
الحبيب عمر ، كيف حالك، صدقت والله بالنسبة لهذا الجبار فلقدخان الأمانة ، وأنقلب على العهود والمواثيق ، وتسبب كثيرا من الأذى للسودان وأهله، ربنا ينتقم منه ويحفظ شعب ليبيا الشقيق النغلوب على أمره.
Quote: والله بالنسبة لهذا الجبار فلقدخان الأمانة ، وأنقلب على العهود والمواثيق ، وتسبب كثيرا من الأذى للسودان وأهله، ربنا ينتقم منه ويحفظ شعب ليبيا الشقيق النغلوب على أمره.
اللهُمّ إرنا في القذافي يوماً عبوساّ قمطريرا. اللهُمّ ارنا في البشير الكذاب الأشر عجائب قدرتك. اللهُمّ كل الحكام الظالمين، ومن عاونهم وساندهم، أحصهم عددا، وبددهم بددا، ولا تغادر منهم أحدا...
كيف يدعو البشير ان يكون هذا البلد آمنا؟ انى يُستجاب له؟ وملبسه حرآم ومأكله حرآم، وغُذي بالحرآم !!! ؟ ...
دا ياخي عمل ليكم شارع الظلط من بعد حلة كوكو باتجاهين عملتو اتجاه واحد والاتجاه التاني وصلتوه لغاية جيوب حرامية الانقاذ
دا ياخي بيوزع قروش على الليبيين كاش داون كلما هفت ليهو
دا ياخي ما بنوم في القصور بعمل خيمة في كل دولة يزورها
دا ياخي بعد الزيارة الاخيرة للمملكة وعمل خيمة في المنطقة النوبية في طريقه الى بلده دون الذهاب الى هوس الخرطوم
دا ياخي احنا ياما ذلانا في عهد النميري وخلانا نرجع ليهو قرضا كان قد اعطاه للسودان وتراجع وقال عايزهم اسع وزنق النميري وحكومته ورجعه الشعب السوداني الطيب من جيبه (الا تذكرون قرش الكرامة)
دا ياخي مسك بابكر عوض الله في ليبيا لافشال الانقلاب على النميري
دا ياخي رسل لينا المرتزقة في انقلاب 1976م
دا ياخي شفط مياه النوبة الجوفية وعمل اكبر نهر صناعي في العالم والحكومة مطنشة
دا ياخي أم المسلمين في يوم جمعة في نيجيريا وكان عدد المصلين مليونين (ما بحصل الا في مكة)
خليل اخوي دي صورة مرعبة ومفزعة وزولنا ده بتجيهو (الهساسة) الليلة آمين يا باوقة والفي بالي وبالك عاجلا غير آجل فهو أكثر ظلما وجرما بل كفرا من القذافي الشفيع
Quote: اللهم ارنا في البشير وزمرتة يوما عبوسا قمطريرا ....
اللهم الحقهم بالفرعون
عاجلا غير اجل
يا رب العالمين
آآآآآآمين يا رب
Post: #36 Title: Re: اللهم ارنا في القذافي يوما عبوسا قمطريرا .... Author: مرتضى احمد عبد القادر Date: 02-22-2011, 00:25 AM Parent: #35
حبيب نورة أن تواصل البوست على هذا المنواال لا أستبعد أن يدعو صاحب البوست قريبا: يالله أنا دعوتي للقذافي فقط دون غيره من الطغاة خصوصا المذكورين في مداخلات المناتلين
اتذكرته نكتة الراجل الفي الحرم شغال بيدعو يا الله ترزقني مليون ريال وجمبو واحد بيدعو بإخلاص يارب ترزقني مية ريال يارب ترزقني مية ريال فما كان من طالب المليون ريال إلا ان أخرج مية ريال واعطاها إياه مواصلا يا الله ركز معاي أنا
Post: #37 Title: Re: اللهم ارنا في القذافي يوما عبوسا قمطريرا .... Author: amir jabir Date: 02-22-2011, 00:42 AM Parent: #36
يدعوكم المؤتمر الوطنى الحاكم يوم غداا للخروج فى مسيرة الغضب ضد القذافى بدون تصديق على الجماهير التوجة الى السفارة : لان حكومة الخرطوم سوف تقوم بطرد السفير الييبى من الخرطوم شر طردة
اها قصرنا معاك يا قريبى
--------------------- انتوا الناس ديل ما حكومة ولا شنوا
Post: #38 Title: Re: اللهم ارنا في القذافي يوما عبوسا قمطريرا .... Author: amir jabir Date: 02-22-2011, 00:44 AM Parent: #37
يجب ان يتلاحم الشعب السودانى ما قيادته فى هذا الموقف التاريخ الكبير
الى الشارع لن نسمح ابدااا بالقتل والدمار فى ليبيا الاسلام يناديكم رسول الله يناديكم
------------- ود الباوقة دعوة لية مش من استطاع منك ان يعمل اى يعمل فل يعمل نعمل مسيرة احسن من الدعوة
Post: #39 Title: Re: اللهم ارنا في القذافي يوما عبوسا قمطريرا .... Author: amir jabir Date: 02-22-2011, 00:48 AM Parent: #38
سوف نجعل من هذا البوست الشرار التى تحرق القاتل القذافى المارق القاتل الكفار الفاجر شارب السجائر
لن نسكت بعد اليوم الى الجهاااااااااااااااااااااااااااااااادددددددددددددد يا شباب
