Post: #1
Title: انت ولد القذافى دا مسطول
Author: محمد عادل
Date: 02-21-2011, 08:14 AM
Parent: #0
سجم خشم ليبيا لو دا المستوى بتاعو فى الحديث
|
Post: #2
Title: Re: انت ولد القذافى دا مسطول
Author: ناصر احمد الامين
Date: 02-21-2011, 08:47 AM
Parent: #1
دا حديث الجيل الجديد
برضو احسن من حديث ابوهو
ازيك يا محمد و حمدالله علي السلامة يا زول
|
Post: #3
Title: Re: انت ولد القذافى دا مسطول
Author: محمد عادل
Date: 02-21-2011, 08:59 AM
Parent: #2
الحبيب ناصر
والله لاخير فى الابن لا خير فى الاب
الله يسلمك ياحبيب
|
Post: #4
Title: Re: انت ولد القذافى دا مسطول
Author: Saifelyazal Elmaki
Date: 02-21-2011, 09:12 AM
Parent: #3
الأخ محمد عادل
تحياتي وحمد الله على السلامة
اتهموا نجيب الله حاكم أفغانستان سابقاً بالكفر
فقال لهم أنا لست بكافر ولكن هذا الكرسي الذي أجلس عليه هو الكافر
ــــــــــــــــــــــــــــــــــــــــــــــــــــــــــــــــــــــــــــــــــــــــــــ
زمان لما صعدوا حاتم محمد أحمد وشطبوا إبراهيم عطا
سألوا إبراهيم عطا عن شطبه وعن حاتم محمد أحمد فقال لهم
ده ولد فرحان ساي
هسه ياخوي ود القزافي ده بفرفر فرفرة مذبوح
|
Post: #5
Title: Re: انت ولد القذافى دا مسطول
Author: Abdlaziz Eisa
Date: 02-21-2011, 10:42 AM
سلامات يا ود عادل
والف حمد لله على سلامتك
ده مش مسطول.. ده عايش خارج التاريخ
|
Post: #6
Title: Re: انت ولد القذافى دا مسطول
Author: Yasir Aloob
Date: 02-21-2011, 12:27 PM
Parent: #5
سلامات
| Quote: انت ولد القذافى دا مسطول |
ده مسطول و مهجوم
|
Post: #7
Title: Re: انت ولد القذافى دا مسطول
Author: ابوعبيدة النعمان
Date: 02-21-2011, 01:40 PM
Parent: #1
محمد عادل
حمدلله على السلامة
القذافي قبل اسبوع كدة و اثناء تقليب القنوات صادفت الفضائية الليبية و لقيت عمك القذافي متحكر ليه في كرسي كبيييييير و حواليه مجموعة من ازلامه، صاحبك شابكهم ليك تنظير تقيل من النوع بتاع المساطيل داك.. قال ليهم الان العالم في حرب الوان بين اللون الاخضر الذي يمثل العالم الاسلامي و اللون الاحمر الاتحاد السوفيتي و اللون الابيض يمثل الغرب و اللون الاصفر يمثل الصين و آسيا و مفروض بحسب القذافي يتحالف اللونين الاخضر مع الاصفر عشان يعملوا خلطة لونية جديدة توقف اللون الابيض في حده ... تصور ساعتين قادي ليك الامة بالالوان و جماعة منهم يهتفوا ( الله معمر ليبيا) بهذا الترتيب.. قفز الى ذاكرتي عندما كنا في معسكر الدفاع الشعبي ( الاجباري) و حضر الينا يحاضرنا أمين حسن عمر و كان يتحدث عن زياراته لاوروبا فكلما يذكر اسم دولة اوربية كان هناك بعض الطلاب يكبرون و يهللون في تقليد انتقادي ساخر لسلوك الكيزان آنذاك حتى اشفقت على الرجل من شدة ما تعرض له من حرج امام طلاب يافعين لم ينطلي عليهم خطابه الساذج.. و رغم ذلك ملأني إطمئنان بأن بلادنا بخير و شبابنا واعي و لا يمكن خداعه بسهولة..
بالامس و انا استمع لخطاب هذا السيف استغربت و تعجبت حديثه مرتجف و غير ذي موضوع و ينم عن هشاشة في التفكير و سؤ في التقدير.. كان يقول الرجل انتم ليس فيكم من يستطيع قيادة البلاد و لا تملكون البديل الافضل و هو نفس ما تردده طغمة الخرطوم لعنها الله و ارنا فيها يوماً..
تحياتي
|
|