Post: #1
Title: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 05:17 AM
حكاية غريبة وعجيبة..
وس######ة ودموع تماسيح تقيلة انهمرت من الخطاب الكيزاني الاسفيري المقيم تندد وتشجب وتدين القتل والسحل والاغتصاب الذي يمارسه الان الطاغية الرعديد معمر القذافي علي شعبه في بنغازي وفي نواحي كثيرة من ارض ليبيا التي تقع علي مرمي حجر من الارض السودانية التي مارس فيها الطاغية والدكتاتور السوداني (عمر البشير)
واياديه المرتجفة من احمد هارون وكوشيب وموسي هلال (نفس الفعل) وبذات الادوات
1- الطائرات
2- الرصاص الحي
3- المرتزقة او الجنجويد
4- الاغتصاب
5- التجويع
6- التشريد
|
Post: #2
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 05:20 AM
Parent: #1
ونفس هذه الافاعيل والعمايل السوداء التي تقيمها السلطات الباطشة في شعوبها تم تدويرها في (كجبار) ورقدت الجثث علي الارض السودانية بكميات رهيبة وازهقت ارواح برئية من العزل الذين لا يحلمون سوي مواطنتهم وايمانهم بالمطالب المستحقة التي قامو من اجلها...
ولكن كان مصيرهم الموت والسحل والتعذيب والقمع
|
Post: #3
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 05:22 AM
Parent: #2
مجزرة بورتسودان هي مجزرة اخري تتقاطع مع ما يجري في بنغازي والبيضة ومصراتة بذات الطرق وبنفس الاسلوب
وفالطاغية هو الطاغية في كل مكان في هذا الكون
|
Post: #4
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 05:25 AM
Parent: #3
العيلفون وابناء السودان الطلاب العزل ورصاص الجيش الانقاذي ينهمر علي اجسادهم الطاهرة كامطار من القبح
حولت الاحلام في مخيلة الاسر السودانية التي كانت في انتظارهم حتي يصنعون لها (الغد الاجمل) الي مخيلات وقلوب مليئة بالحسرة
والحزن والغضب
|
Post: #5
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 05:28 AM
Parent: #4
بيوت الاشباح حيث كان المواطن السوداني الشريف تنتهك كل اشيائه النبيلة حتي الاعراض منها ثم في خواتيم الليل يدق المسمار المبرشم في راسه ليدفن ذات ليل دامس بايادي السلطة المرتجفة التي يكتب اطبائه المغضوب عليهم من قبل الله و(ابقراط).. يكتبون بانها الملاريا والتايفود...الالوف من المعذبين في الارض الكيزانية... المئات من القتلي والمئات من اليتامي والثكالي
|
Post: #6
Title: Re: دموع التماسيح الكيزانية تنهمرفي نهر الدم الليبي....!!!
Author: Kostawi
Date: 02-21-2011, 05:30 AM
Parent: #4
علي بالطلاق يا كيكي أنت محلل سياسي من الدرجة الأولى....
Love u bro
|
Post: #7
Title: Re: دموع التماسيح الكيزانية تنهمرفي نهر الدم الليبي....!!!
Author: معاوية الزبير
Date: 02-21-2011, 05:33 AM
Parent: #6
متابعون يا كيكي
|
Post: #10
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 05:39 AM
Parent: #7
Quote: علي بالطلاق يا كيكي أنت محلل سياسي من الدرجة الأولى....
Love u bro |
I love you too
يا كوستاوي
وبني في كوز في ذاكرتهم الخربةو(اللامبدئة) والاستهبال يحاولون ان يبيعو لنا دموعهم التمساحة وهم متلتخين بجرائم تفوق الجرائم التي قام بها القذافي في
الايام السابقة بملايين السنوات الضوئية...
ولكن الشعب السوداني يا كوستاوي لا ينسي دماء ابنائه التي صعدت وهي طاهرة الي السماء
وكل الحب يا كرمبا
|
Post: #9
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم أحمد الامين
Date: 02-21-2011, 05:39 AM
Parent: #3
| Quote: دموع التماسيح الكيزانية تنهمرفي نهر الدم الليبي....!!! |
** السمِى الباشمهندس كيكى..
** صباحك خير..
## ياخى لازم تفرق بين النظام الرسالى والنظام الإرسالى ,, الاول هو مبعوث العنايه الإلهيه وظل الله فى الإرض وفقه الضروره "المُفترى عليه" يُبيح لهم كما يدعون إخضاع الشعب لمشئتهم.. اما النظام الإرسالى الذى يدينونه الآن فهو الذى يُرسل إليهم الثوار الذين يختلفون معهم وقاموا بإبادة إسرهم وتشريدهم من قبل فى شكل أفواج بالتاتشيرات والأسلحه ,, وبالرُغم من ذلك يصمتون فى إذلال ..
## عند ضعف النظام الإرسالى يعلو صوت النظام الرسالى..
(ودام الود بيننا)
(ابو محمد فؤاد) - (الماكيكى.. منعاً للإلتباس على المُتداخليين)
|
Post: #16
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 06:07 AM
Parent: #9
Quote: ياخى لازم تفرق بين النظام الرسالى والنظام الإرسالى ,, الاول هو مبعوث العنايه الإلهيه وظل الله فى الإرض وفقه الضروره "المُفترى عليه" يُبيح لهم كما يدعون إخضاع الشعب لمشئتهم.. اما النظام الإرسالى الذى يدينونه الآن فهو الذى يُرسل إليهم الثوار الذين يختلفون معهم وقاموا بإبادة إسرهم وتشريدهم من قبل فى شكل أفواج بالتاتشيرات والأسلحه ,, وبالرُغم من ذلك يصمتون فى إذلال ..
## عند ضعف النظام الإرسالى يعلو صوت النظام الرسالى..
|
هلا يا ابو محمد واشواقي
وايوووه وكما يبدو هذا ارسالي وذاك رسالي قاصد يربط قيم السماء بالارض وتيبح قتل الابرياء كونهم مارقين علي (الاله)
اله العجوة عمر البشير الذي خلقه هولا القوم والذي سياكله هذا الشعب السوداني...
حكاية غريبة يا ابو محمد فحتي الدم الانساني عند هولا القوم (دمان) دم للقتل
واخر للسمسرة وتجريب المشاعر الدفاقة
وتحياتي
|
Post: #8
Title: Re: دموع التماسيح الكيزانية تنهمرفي نهر الدم الليبي....!!!
Author: أيمن الطيب
Date: 02-21-2011, 05:34 AM
Parent: #1
سلام يا كيك,,
الأيام ديل فى ناس كتاااااااااااار رايحة ليهم بكية!!!
كان واحد قال ليهم زحوا لى من الدرب بدوها جعرة,,
وبعد جعرة الجامع دى إحتمال تشوف كتير من زى دا,,
زى الشافع الصغير لما يكون عامل عملة ومحمبك وداير البهبشو عشان يفكها
وهى محاولة لتشتيت الإنتباه عن الموضوع الأساسى,,
الشغلانة دى ماشة بالصف وماشين فى السكة نمد,,,
الحال من بعضو يا صاحب وعند العصرات يطير الكلام ويصبح كلو خارم بارم,,
وما أسوأها عصرات الطغاء حينما تختلط بهضرباتهم وجعيرهم ودموع الخلعة,,
والفرق هنا دعوة صريحة للمطالعة واللقاء بالشارع ,,
كلام واضح وما فيهو أى لولوة,,
وغدار دموعك ما بتفيد فى زول حواسو إتحجرت .. 
|
Post: #11
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 05:43 AM
Parent: #8
هلا يا معاوية
وهي يا صديقي دموع التماسيح المشاعر الجياشة الكاذبة... وانا ماعارف البكائيات علي حافة نهر الدماء الليبي دي كانت ووووين
لمن الشعب السوداني ده بموت
في خور برنغا
وفي جبل الطينة
وفي حواف جبل مرة
وفي كجبار
وفي بورتسودان
انه الاستهبال الاكبر يا معاوية واللعب علي الدقون والقبح الانساني في اعلي معانيه والاستكراد
|
Post: #12
Title: Re: دموع التماسيح الكيزانية تنهمرفي نهر الدم الليبي....!!!
Author: MOHAMMED ELSHEIKH
Date: 02-21-2011, 05:50 AM
Parent: #11
سلام كيكي
و لن ننسى مذابح رمضان لخيرة ابناء القوات المسلحة
ومشانق مجدي وجرجس
|
Post: #15
Title: Re: دموع التماسيح الكيزانية تنهمرفي نهر الدم الليبي....!!!
Author: بشير أحمد
Date: 02-21-2011, 06:00 AM
Parent: #12
| Quote: دموع التماسيح الكيزانية تنهمرفي نهر الدم الليبي |
ده اسمو قمع اسفيري ياعبدو ؛
وكانك تريد ان تقول انو اعضاء المنبر من الكيزان ليهم يد فيما حدث
في السودان ؛و عايزهم يأجلو مشاعرهم دي لي بعدين ؟
وبرضو بيعني انو اي زول مؤيد للنظام في الخرطوم مايجي يبكي لينا هنا.
من حق اي كوز هنا يعبر عن نفسو عن مايحدث في ليبيا ؛
الفلم ده دخلناهو قبل كده ايام احداث غزة.
_________
تحياتي ياهندسة.
|
Post: #20
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 06:22 AM
Parent: #12
Quote: و لن ننسى مذابح رمضان لخيرة ابناء القوات المسلحة
ومشانق مجدي وجرجس |
نعم يا ود الشيخ
ونهر دفاق من الشهداء والارواح ذهبت الي السماء من اثر بطش وظلم هذه السلطة في السودان
سليم
وطارق
والتاية
ومحمد عبد السلام
والكثير الشهداء سياد الناس...
وبعد ده الاشواق والبكائية الكيزانية ضاربة باشواقها المرتجفة صوب نواحي جبل عوينات وهي ترقد علي جبال من الجثث
وتحياتي
|
Post: #13
Title: Re: دموع التماسيح الكيزانية تنهمرفي نهر الدم الليبي....!!!
Author: أيمن الطيب
Date: 02-21-2011, 05:53 AM
Parent: #11
يا كوستا,,| Quote: علي بالطلاق يا كيكي أنت محلل سياسي من الدرجة الأولى.... |
كلو من إدمان الإستماع لتجليات عزمى بشارة,,,
|
Post: #18
Title: Re: دموع التماسيح الكيزانية تنهمرفي نهر الدم الليبي....!!!
Author: Kostawi
Date: 02-21-2011, 06:17 AM
Parent: #14
| Quote: ياخى لازم تفرق بين النظام الرسالى والنظام الإرسالى |
يا كيكي الما كيكي
ياخ مافي داعي للفلسفة
و الناس بتموت و بتتعذب و بتغتصب!
wake up and
be real
bro
Best regard
|
Post: #30
Title: Re: دموع التماسيح الكيزانية تنهمرفي نهر الدم الليبي....!!!
Author: Mustafa Mahmoud
Date: 02-21-2011, 12:56 PM
Parent: #18
Quote: Kostawi
Quote: ياخى لازم تفرق بين النظام الرسالى والنظام الإرسالى
يا كيكي الما كيكي
ياخ مافي داعي للفلسفة
و الناس بتموت و بتتعذب و بتغتصب!
wake up and
be real
bro
Best regard |
كوستاوي يا صديق
انت رجل شريف زي اخونا كيكي
و الاتنين لا تحبو اللون الرمادي
و ما افتكر نوع الما كيكي دا يكون ريل real و يصحي في يوم من الايام
لانه يحب اللون الرمادي
|
Post: #19
Title: Re: دموع التماسيح الكيزانية تنهمرفي نهر الدم الليبي....!!!
Author: ABDELMAGID ABDELMAGID
Date: 02-21-2011, 06:20 AM
Parent: #14
Quote: حكاية غريبة وعجيبة..
وس######ة ودموع تماسيح تقيلة انهمرت من الخطاب الكيزاني الاسفيري المقيم تندد وتشجب وتدين القتل والسحل والاغتصاب الذي يمارسه الان الطاغية الرعديد معمر القذافي علي شعبه في بنغازي وفي نواحي كثيرة من ارض ليبيا التي تقع علي مرمي حجر من الارض السودانية التي مارس فيها الطاغية والدكتاتور السوداني (عمر البشير)
واياديه المرتجفة من احمد هارون وكوشيب وموسي هلال (نفس الفعل) وبذات الادوات
1- الطائرات
2- الرصاص الحي
3- المرتزقة او الجنجويد
4- الاغتصاب
5- التجويع
6- التشريد |
دى إسمها ( الُلبط ! ) ...
و الإستكرات ..
و الإستعباط ..
و منطق الضلال ..
و الهوس ..
و النفاق ..
الكيزانى ..
الأخوانى ..
المتخلف ..
بعينه ..
فى قاموس تلك الجماعةالإنتهازية المستبدة ..
....
و زى ما قال ليك كوستاوى يا هندسه ..
تقول لى عزمى بشاره !!!
مع خالص التحايا ..
....
عبدالماجد
|
Post: #28
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 09:48 AM
Parent: #19
Quote: دى إسمها ( الُلبط ! ) ...
و الإستكرات ..
و الإستعباط ..
و منطق الضلال ..
و الهوس ..
و النفاق ..
الكيزانى ..
الأخوانى ..
المتخلف ..
بعينه ..
فى قاموس تلك الجماعةالإنتهازية المستبدة ..
|
هلا يا دكترة وحبابك
وديل مستهبلين يا عبدالماجد ويمارسون الاشياء بانتهازية وبكتريا فكرية وسياسة وهلامية
كل همها هو تغذية انفسهم الانانية حتي وان اتت علي رقاب وجثث البني ادمين
ولكن باذن الله ساعات الخلاص دق اجراسها...
وتحياتي وتقديري
|
Post: #25
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 07:49 AM
Parent: #14
Quote: شنو يا كيكي يدك معانا بجاي....
|
هلا ياتراجي
وبجيك بهناك وللمساهمة في فضح هولا المجارمة الرعايد وعبثهم بالانسان السوداني عبر اياديهم الصدئة
واغتصاب الحرائر والجرائم التي يقفزون عنها بكل دم بارد للتنديد بجرائم خارج الحدود لشي في نفس يعقوبهم
وتحياتي
|
Post: #22
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 06:42 AM
Parent: #13
| Quote: كلو من إدمان الإستماع لتجليات عزمى بشارة,,, |
هلا يا ايمنوف
والمعلم عزمي بشارة امس استلم خلاااس (الملف الليبي) ودور اليته التفكيكيةوقاعد يفلفل في القذافي ونظامه
وقطع شك حيلحق القذافي (غنم زهرة)...!!
وعن ما قريب يا ايمن سنجلس القرفصاء ونشوف المعلم (عزمي) يفلفل ليك البشير وهو في طريقه الي مثواه الاخير
|
Post: #17
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 06:13 AM
Parent: #8
Quote: الأيام ديل فى ناس كتاااااااااااار رايحة ليهم بكية!!!
كان واحد قال ليهم زحوا لى من الدرب بدوها جعرة,,
وبعد جعرة الجامع دى إحتمال تشوف كتير من زى دا,,
|
هلا يا ايمنوف..
والايامات دي (دنيا خلااس ختمو هووووووقيا) او كما قال الهنود
والناس دي شافت (رمبة ) و(كتية) الشعوب ومخيلتهم وعقلهم الباطني (قارن) ما بين عمايلهم وعمايل الذين هم يشبهونهم في الاسلوب والاستايل
كما في امر بن علي وسي حسني والان القاتل الاكبر القذافي... فعشان كده (الجوعيييييير) بكون ابنصاتو رهيبة وتقيلة والضمير (الميت)
بحاول يقوم دفرة من اثر الصاعقة التي تتفنن قناة الجزيرة في بثها وعلي الهواء مباشرة من كل فج عربي عميق...
انها دموع التماسيح المفرفرة والقتلة في خواتيمهم
وتحياتي ناضرات او كما قال (تروتسكي) عليه المجد والخلود وهو في بين ايادي الجلاديين
|
Post: #21
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 06:32 AM
Parent: #17
Quote: ده اسمو قمع اسفيري ياعبدو ؛
وكانك تريد ان تقول انو اعضاء المنبر من الكيزان ليهم يد فيما حدث
في السودان ؛و عايزهم يأجلو مشاعرهم دي لي بعدين ؟
وبرضو بيعني انو اي زول مؤيد للنظام في الخرطوم مايجي يبكي لينا هنا.
من حق اي كوز هنا يعبر عن نفسو عن مايحدث في ليبيا ؛
الفلم ده دخلناهو قبل كده ايام احداث غزة.
|
هلا يا بشير وتحياتي..
الفيلم الدخلتو في ايامات غزة حتدخلو في كل مرة طاغية من الطغاة في الارض يقتل شعبه ونري منكم (جوعيرا)
فالدم السوداني ليس بالرخيص او البخيس يا بشير حتي تعتقدون بان هدره واباحته حلال ويقيم النظام بعد هدره الافراح والليالي الملاح
ثم تقيمون (النحيب) والبكائية علي حافة (الدماء) التي اسالها طاغية اخر..
فالمبداء هو ادانة القتل والاجرام ضد الانسانية في كل بقعة في العالم
وهذه الدموع ان لم تذرفها في محيط (بيتك- قريتك- مدينتك - وطنك)
فائدتها شنووووو يا بشير...
اتبكون غزة وبنغازي وترقصون طربا لجبل الطينة وبورتسودان والعليفون..
--------------
لا قمع للكيزان في التعبير عن مشاعرهم وارائهم بل بالعكس هي تهدينا فرصة كبيرة للتامل في هذا الخطاب
وفضحه وتعريته ..
|
Post: #23
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 06:51 AM
Parent: #21
Quote: وكانك تريد ان تقول انو اعضاء المنبر من الكيزان ليهم يد فيما حدث
|
الجزئية دي يا بشير عاوزة ليها (زووووم اوووت)...
بالتاكيد ما ليهم يد بطريقة (فيزكل) ولكنهم مويدين للسلطة التي اقامت هذه الجرائم واعترفت بها
فالبشير يقر ويعترف بقتل عشرة الف مواطن سوداني في دارفور يا بشير... الكيزان الهنا وانت اولهم مشاعرك الجياشة في هذاالامر وييييينا..؟؟؟
فمن يويد نظام يقوم بمثل هذه الجرائم هو يدعم وبصورة مباشرة قطار هذا النظام ويجد له التبرير والاخراجات
ويقفز علي العشرة الف المعترف بها ويهاجر بمشاعره الي خارج الحدود..
فالدم السوداني مش رخييييييص يا دكترة
|
Post: #24
Title: Re: دموع التماسيح الكيزانية تنهمرفي نهر الدم الليبي....!!!
Author: Haydar Badawi Sadig
Date: 02-21-2011, 06:58 AM
Parent: #23
شكراً، يا كيكي
فإن الذكرى تنفع الثائرين!
|
Post: #26
Title: Re: دموع التماسيح الكيزانية تنهمرفي نهر الدم الليبي....!!!
Author: Baha Elhadi
Date: 02-21-2011, 08:22 AM
Parent: #24
كيكي التفكيكي يا ود بلدي
نسيت أهم حاجة بيوت الأشباح والسحل الدي تم فيها
وإدلال الرجال براهو كوم وكوم كبير
نسيت من المبكيات بيع أهم مشاريعنا التي كان ممكن تكفي
العالم العربي
بيعت بثمن بخس
ونسيت الاستئثار بالسلطة واقصاء الأكفاء من بني وطني وشردوا
واصبحوا كما يسميهم صديقي تاج السر في منفاه (البني كج)
ونسيت فيما نسيت إدلال النساء ودا براهو كوم بجيب الدم ركب
والأمن الاقتصادي وادلاله للمزارعين
والأمن الشنو وشنو وشنو وفظائعهم
وتعويم الجنيه والسرقات
أخخخخخخ نفكك شنو ولا شنو
ياخ وجودهم معانا في بلد خير لا يستحق إلا كل خير براهو يخلينا نحن نبكي
ديل أدى وادى جسيم لأرواحنا
والله عزمي بشارة يقول ليكم خلوهم يقعدوا ما بقدر افكك عمايلهم
ابليس يحتار منهم
كيكي فكك كويس ياخ
الغبن يكاد يقتلنا
|
Post: #27
Title: Re: دموع التماسيح الكيزانية تنهمرفي نهر الدم الليبي....!!!
Author: البحيراوي
Date: 02-21-2011, 09:08 AM
Parent: #26
العزيز عبد الكريم
تحياتي - يا زول يوم واحد شفت ليك جمل قال رقبتي دي عوجه . ما كل الجمال بتشوف رقابها عدييييييلة بالحيل!!
بحيراوي
|
Post: #29
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 12:50 PM
Parent: #27
Quote: شكراً، يا كيكي
فإن الذكرى تنفع الثائرين! |
تحياتي يا دكتور
ونعم الوحش يقتل ثائرا والارض تنبت الف ثائر
وهذا الشعوب لن تنسي جرائم اولئك اللصوص
|
Post: #31
Title: Re: دموع التماسيح الكيزانية تنهمرفي نهر الدم الليبي....!!!
Author: معاوية عبيد الصائم
Date: 02-21-2011, 01:06 PM
Parent: #29
زولك ده بكون قال ليهو شنو ياكيكى
|
Post: #32
Title: Re: دموع التماسيح الكيزانية تنهمرفي نهر الدم الليبي....!!!
Author: Mustafa Mahmoud
Date: 02-21-2011, 01:15 PM
Parent: #31
العزيز كيكي
اقبض الحرامي البي يتاوق ورا الكنبه
|
Post: #34
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 07:27 PM
Parent: #27
| Quote: تحياتي - يا زول يوم واحد شفت ليك جمل قال رقبتي دي عوجه . ما كل الجمال بتشوف رقابها عدييييييلة بالحيل!! |
هلا يا بحيراوي
وفعلا الجمل ما بشوووف عوووجة رقبته
ناسي ديل اساسا عايرين وادوهم سوووووووط
|
Post: #33
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 06:46 PM
Parent: #26
Quote: نسيت أهم حاجة بيوت الأشباح والسحل الدي تم فيها
وإدلال الرجال براهو كوم وكوم كبير
نسيت من المبكيات بيع أهم مشاريعنا التي كان ممكن تكفي
العالم العربي
بيعت بثمن بخس
ونسيت الاستئثار بالسلطة واقصاء الأكفاء من بني وطني وشردوا
واصبحوا كما يسميهم صديقي تاج السر في منفاه (البني كج)
ونسيت فيما نسيت إدلال النساء ودا براهو كوم بجيب الدم ركب
والأمن الاقتصادي وادلاله للمزارعين
والأمن الشنو وشنو وشنو وفظائعهم
وتعويم الجنيه والسرقات |
هلا يا بهاء
وحبابك يا يا نيل يا ارزق ويا مراتع الاهل والفيافي المدهشة..
ونعم يا بهاء لو جلست عشرين سنة ونيف حتي اعدد جرائم هذه الانقاذ فاني لن اعطيها حقها
وهي جرائم تنو عن حملها الجبال ولاتزال مستمرة يوماتي في الارض السودانية
وذاكرة الشعب الجماعية حافظة للكثير والعديد من هذه الجرائم البشعة التي حتما سياتي يوم حسابها
وتحياتي
|
Post: #35
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 07:31 PM
Parent: #33
| Quote: زولك ده بكون قال ليهو شنو ياكيكى |
هلا معاوية
بكون البشير كقاتل لشعبه بالطائرات بوصي في القذافي في كيفية ضرب الشعب بالانتنوف والهاون
وراجمات الصواريخ
|
Post: #36
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 08:02 PM
Parent: #35
| Quote: اقبض الحرامي البي يتاوق ورا الكنبه |
الحرامي يومو جاي يا دكترة
واقسمنا بان ننجضه نجاض قبورة
|
Post: #37
Title: Re: دموع التماسيح الكيزانية تنهمرفي نهر الدم الليبي....!!!
Author: المكاشفي الخضر الطاهر
Date: 02-21-2011, 08:51 PM
Parent: #36
قال صلى الله عليه وسلم : ( وما يزال الرجل يكذب ويتحري الكذب حتي يكتب عند الله كذابا) صدق رسول الله
اولا أنا لست كوز كما تزعم
وجئت هنا لكي انصحك بأن لا ترسل الاتهامات جزافا فكثير من زوار هذه الموقع يقرأ ما تكتب
وأنصحك بأن تتحرى الصدق ولا تكتب إلا الصدق ولا تكتب كذب وترسل الاتهامات
|
Post: #38
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 09:00 PM
Parent: #37
| Quote: اولا أنا لست كوز كما تزعم |
هلا يا المكاشفي..
منو القال ليك انت كوز يا المكاشفي ووين الكلام ده..؟؟
ولكن انت مويد لنظام الكيزان وصوت اسفيري يمارس الدعم اللوجستي له
فان كنت غير ذلك فارمي عصاك يا المكاشفي وارني سحرك..
حتي نشوف منطلقاتك التي هي بالنسبة لي وحتي الان متقاطعة وبشدة مع الخطاب الكيزاني في حله وترحاله
|
Post: #39
Title: Re: دموع التماسيح الكيزانية تنهمرفي نهر الدم الليبي....!!!
Author: abubakr salih
Date: 02-21-2011, 09:12 PM
Parent: #38
يا كيكى هؤلاء الناس غير اسوياء يشهد الله، نفس مجاز القذافى هذه البشير ارتكب مثلها عشرات المرات.
قبح الله القذافى و عمر البشير و حشرهم فى قعر الجحيم.
|
Post: #40
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-21-2011, 09:24 PM
Parent: #39
Quote: يا كيكى هؤلاء الناس غير اسوياء يشهد الله، نفس مجاز القذافى هذه البشير ارتكب مثلها عشرات المرات.
قبح الله القذافى و عمر البشير و حشرهم فى قعر الجحيم. |
هلا يا علوم
وديل ناس ماعارف يا بكري (جابوهم من وووين) او من اين اتو..!!
بشيرهم في الداخل يقيم المجاذر واشلاء الشعب السوداني بالكوم..وبعد ده تجدهم يرفعون
القزاز بل يجدون التبرير السطحي والفطير لهذه الجرائم..
واين هم من مجاذر مثل مجذرة كلمة
فلتبقي صور كلما عاليا في هذا المنبر...!!!
فلنسود من اجل كلمة بالكلمة...!!!
|
Post: #41
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 02-23-2011, 06:17 AM
Parent: #40
الشعب يريد اسقاط البشير
|
Post: #42
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 03-05-2011, 08:39 AM
Parent: #41
| Quote: قبح الله القذافى و عمر البشير و حشرهم فى قعر الجحيم. |
يا سبحان الله يا ابوبكر
فالاثنين الان في طريقهم الي لاهاي معقل المجارمة
|
Post: #43
Title: Re: دموع التماسيح الكيزانية تنهمرفي نهر الدم الليبي....!!!
Author: عبدالكريم الامين احمد
Date: 03-26-2011, 07:36 PM
Parent: #42
الطغاة السودانيون يرسلون الاغاثة للضحايا في ليبيا والارض السودانية تئن من الضحايا
ضحايا الهببببببت الانتوفي
|
|