Post: #1
Title: اي إقتراحات !؟
Author: خدر
Date: 02-20-2011, 10:19 PM
Parent: #0
الموضوعي:
إقتصاد - حريات - طولة بال - فساد - دولي
الذاتي:
مطالب مُلحة + لا تنظيم= 3/10 و ده في السابق صفر ضخم.
القادم:
1- تحديدDeadline وفق , مساحة وقدرة الكادر علي الحركة
2- توفير الحد الاعلي المساعد للتحرك (تبرعات الخارج)
3- حصر و تحديد الدليل التنظيمي (الكادر الفاعل)
اواصل
|
Post: #2
Title: Re: اي إقتراحات !؟
Author: حذيفه ابراهيم الكباشي
Date: 02-20-2011, 11:28 PM
Parent: #1
بدرالدين اسحاق هكَر خدر يا قوم
..
|
Post: #3
Title: Re: اي إقتراحات !؟
Author: معاوية الزبير
Date: 02-20-2011, 11:36 PM
Parent: #2
يا خدر
راعي فروق التوقيت
|
Post: #4
Title: Re: اي إقتراحات !؟
Author: عزاز شامي
Date: 02-21-2011, 00:13 AM
Parent: #1
في و الله بالكوم و الردوم
بس ما وقتو حسي ... ما شايفنا مشغولين مع ناس ليبيا؟
انا جاني أرق و عيوني بقو سُغاااااار (فوق العليهن) من مقابلة التلفزيونات
خلال الشهر الفات و بقيت عادي افط سطر و افتكر الملعقة الريموت
لام
لااخشي لوم في هواك لااخشي زاجر
راء
|
Post: #5
Title: Re: اي إقتراحات !؟
Author: بدر الدين احمد موسى
Date: 02-21-2011, 00:22 AM
Parent: #4
خدر
ازيك
يا خدر اهم شئ, الخميرة!
وين اتحاد الشباب يا خدر?
|
Post: #8
Title: Re: اي إقتراحات !؟
Author: Elmuiz Haggaz
Date: 02-21-2011, 00:54 AM
Parent: #5
منتظرين يا خدر وكلنا اضنيينون صاغية....
انت قول بس.
|
Post: #6
Title: Re: اي إقتراحات !؟
Author: عزاز شامي
Date: 02-21-2011, 00:26 AM
Parent: #1
| Quote: توفير الحد الاعلي المساعد للتحرك (تبرعات الخارج) |
التبرعات دي لو بقيتوها صندوق و اديتوني الصرفة الأولى تكونو اخوان مية مية
وليك علي الكادر الفاعل عرسو اقوم بيهو من فطور العريس لغاية الجرتق
|
Post: #7
Title: Re: اي إقتراحات !؟
Author: خدر
Date: 02-21-2011, 00:43 AM
Parent: #6
حذيفة
بدرالدين إسحق لا يستطيع و أيم الله
ود الزبير
إتصلح معانا فالخطب جلل
عزوز
راء !!
رجال عُزل و شعب أعزل
بدرالدين
ذكرتني نقد- قال شروط الإنتفاضة ما متوفرة لانو النقابات و الـ ... الخ لسه ما جاهزة 
عزاز
لن تستطيعي صبرا لا مع الكادر الفاعل ولا فطور العريس
|
Post: #9
Title: Re: اي إقتراحات !؟
Author: بدر الدين اسحاق احمد
Date: 02-21-2011, 05:27 AM
Parent: #7
خدر والـ weekend
نطالب بيــه ( خدر FM )
|
Post: #10
Title: Re: اي إقتراحات !؟
Author: Elmuiz Haggaz
Date: 02-21-2011, 05:45 AM
Parent: #9
Quote: خدر والـ weekend
نطالب بيــه ( خدر FM ) |
جاي يتلازج كالعادة.... والله يا بدر الدين لو عرفت كم يمقتك خدر ونحن
معه لما سامحتك نفسك على قراءة ما يخطه ناهيك عن أن تواتيك شجاعة
أن ترد عليه . تكتب ردك هناك يا بدر الدين وتذهب لاهل بيتك وجيرانك ووطنك
وكل ما تشتهى امنا مطمئنا ويبيت خدر ليلته مسهدا مغتربا وحيدا لا يجد
الا الانترنت وسودانيز اون لاين كي يفش غبنه في من حكم عليه بكل هذا.
الله في وليكم يوم.
|
Post: #11
Title: Re: اي إقتراحات !؟
Author: قيقراوي
Date: 02-21-2011, 10:47 AM
Parent: #10
ايوة كدا
دا الكلام ..
كلام زي ي ي ي قِسم الدهب
صافي و مجمر كمان ... المافي شنو!؟
دا خدر البسبول رغم انف محمد حامد جمعة
ارح ... ارمي قدام
و ماشين في السكة ( دي ) نمد
مش هاشم صديق قال : طريقو الثورة هدى الاحرار؟
|
Post: #12
Title: Re: اي إقتراحات !؟
Author: محمد عبد الماجد الصايم
Date: 02-21-2011, 11:10 AM
البوست دا اتساقي ولّ توافقي؟
لو كمان خلط تكون القصة جاطت عديل!!
|
Post: #13
Title: Re: اي إقتراحات !؟
Author: بدر الدين احمد موسى
Date: 02-21-2011, 11:12 AM
خدر
يا فنان
ياخ امبوسيبل انك تفكر في كلامي كدا ياخ:
""""ذكرتني نقد- قال شروط الإنتفاضة ما متوفرة لانو النقابات و الـ ... الخ لسه ما جاهزة """""
يا خدر لو الاستاذ نقد قال حاجة امسكوا فيها كويس الزول دا عامل الهوم ويرك بتاعه كويس.
انا يا خدر كنت بتكلم عن الخميرة يا خدر ياخ! انتو ما قاعدين تخبزو ولا شنو?
وسؤالي لسة "وين اتحاد الشباب?" !
|
Post: #14
Title: Re: اي إقتراحات !؟
Author: وليد محمد المبارك
Date: 02-21-2011, 11:52 AM
Parent: #13
في خانة حقت ظلامي فاضية
لو حنستنا ممكن نحشرك فيها
|
Post: #15
Title: Re: اي إقتراحات !؟
Author: خدر
Date: 02-21-2011, 11:59 AM
Parent: #13
الـDeadline إقترح تحديدو بـ 30 يونيو (مثال)
Fase one التحضيرات مارس الي مايو
Fase two بداية التنفيذ اول يونيو
( تباعد الزمن بين التحضير و التنفيذ غرضو تربيط مفاصل التنظيم- تأمين الكادر)
تقسيم المهام:
قيادة الداخل .. البيانات و الطباعة (2 بيان)
طلاب الجامعات .. توزيع - قطاع السكن
الكوادر الحزبية .. توزيع - قطاع السكن
بحلول اول يونيو , تبدأ المرحلة الاولي - توزيع البيان الاول داخليا و خارجيا
منتصف يونيو البيان التاني المشتمل علي إعلان تاريخ الخروج الاخير
منتصف يونيو خروج الجامعات
فيما يخص قطاع سودانيزاونلاين
- حصر المقوي و المساعد
- خطة العمل بناء علي الـ Deadline
- توزيع المهام
- ترتيب الـ Fractions
- تحديد هيئة الإتصال و ربط الكادر بيها
- ناس الداخل - تفريغ للتنسيق او التنفيذ خارج القطاع.
انتهي
اي إقتراحات ؟ (تعديل - إضافة - توضيحات - حذف بنود .. الخ)
|
Post: #16
Title: Re: اي إقتراحات !؟
Author: محمد عبدالرحمن محمد
Date: 02-21-2011, 12:04 PM
Parent: #15
إضافة:
أدلات تبش
|
Post: #17
Title: Re: اي إقتراحات !؟
Author: وليد محمد المبارك
Date: 02-21-2011, 12:06 PM
Parent: #15
رغما عن الضحكات
تظل هذه المقترحات الاكثر موضوعية وعقلانية وعملية
|
Post: #18
Title: Re: اي إقتراحات !؟
Author: قيقراوي
Date: 02-21-2011, 12:06 PM
Parent: #13
بدرنا الفي السماء
Quote:
يا خدر لو الاستاذ نقد قال حاجة امسكوا فيها كويس الزول دا عامل الهوم ويرك بتاعه كويس.
انا يا خدر كنت بتكلم عن الخميرة يا خدر ياخ! انتو ما قاعدين تخبزو ولا شنو?
وسؤالي لسة "وين اتحاد الشباب?" !
|
انا ما موافق على كلامك دا
الكبار ليهم احترامنا قطعاً ..
لكن ...
يا بدرنا خلينا نتكلم هنا مواطن لاخيه المواطن ... من شاب لشاب
الهوم ويرك امس كان بكتبوهو بالقلم و لازم في البيت وتكون قاعد في مكتب ...
اتغير الزمن يا بدر .. اتغير كل الهوم ويرك في عضمو دي .. واتغير الهوم و الويرك ( المطلوب )!!
عصر جديد .. تحديات جديدة .. ادوات جديدة
تتطلب افكار جديدة قطعاً
و ( طريقة ) تفكير جديدة .. اوت اوف ذا بوكس اوف كووووووووورس
و لّ شنو !؟
|
Post: #19
Title: Re: اي إقتراحات !؟
Author: خدر
Date: 02-21-2011, 12:29 PM
Parent: #18
التخذيل:
إحباط سياسية التخذيل الاكترونية تتم بفضح كل المكتوب او المرسل في الخاص علي وسائط الانترنت . محتاجين لي 6 زملاء
يتفرغوا فقط لحصر و نشر الشتائم البتعرضوا لينا الناشطين في الفيسبوك او سودانيزاونلاين.
فيما يخص ما نحن فيه و تحويلها لمتخصصين في الايبيهات لحصر و تحديد اماكن و مقسمات ارسالها تمهيدا لنشرها في
كل الوسائط بأسماء اصحابها المستعارة او الحقيقية . يسري ذلك علي سودانيزاونلاين و منابر الحوار الاخري.
__
تكوين ايميل قروب لتجهيز الخطة البديلة - التزكية للإنضمام للقروب تتم بواسطة شخصين - علي القروب خلق صلة مع الداخل.
|
Post: #20
Title: Re: اي إقتراحات !؟
Author: حاتم كاهن
Date: 02-21-2011, 01:12 PM
Parent: #19
خدر يا حبيب
سلامات
Quote: الـDeadline إقترح تحديدو بـ 30 يونيو (مثال)
Fase one التحضيرات مارس الي مايو
Fase two بداية التنفيذ اول يونيو
( تباعد الزمن بين التحضير و التنفيذ غرضو تربيط مفاصل التنظيم- تأمين الكادر)
تقسيم المهام:
قيادة الداخل .. البيانات و الطباعة (2 بيان)
طلاب الجامعات .. توزيع - قطاع السكن
الكوادر الحزبية .. توزيع - قطاع السكن
بحلول اول يونيو , تبدأ المرحلة الاولي - توزيع البيان الاول داخليا و خارجيا
منتصف يونيو البيان التاني المشتمل علي إعلان تاريخ الخروج الاخير
منتصف يونيو خروج الجامعات
فيما يخص قطاع سودانيزاونلاين
- حصر المقوي و المساعد
- خطة العمل بناء علي الـ Deadline
- توزيع المهام
- ترتيب الـ Fractions
- تحديد هيئة الإتصال و ربط الكادر بيها
- ناس الداخل - تفريغ للتنسيق او التنفيذ خارج القطاع.
|
هسي الكلام ده عيبو لي ..
زي العسل والله.. بس تقول شنو
|
Post: #22
Title: Re: اي إقتراحات !؟
Author: خدر
Date: 02-21-2011, 01:38 PM
Parent: #21
يا قيقا
انت كلام بدرالدين اسحق الفوق ده
خدر weekend
ده دحين مو محاولة إشانة سمعة ؟
|
Post: #23
Title: Re: اي إقتراحات !؟
Author: osama fadlalla
Date: 02-21-2011, 01:51 PM
Parent: #21
وليه ما 6 ابريل ..للاستفاده من زخم الثورة الحالي.
واعتقد الزمن كافي لتطبيق نفس الخطوات
فالكوادر موجوده لكن التنسيق هو المشكلة.
|
Post: #24
Title: Re: اي إقتراحات !؟
Author: Motaz Ahmed
Date: 02-21-2011, 04:22 PM
Parent: #23
العزبز حاتم كاهن ..... أغالب إستيائي من كوني مغترباً .... فقط أفكر فيما يمكن أن نفعله (تقرأ .... تفعلوه)
دنيا بايخة ....
الأستاذ خدر .... أقترح ..... صلاة الجمعة ..... مكان مناسب لتجمع أكبر عدد من البشر ....
وهو .... أي (تجمع البشر) ..... التحدي الأكبر في حالة (الإنتفاضة)
لا ..... لتأمين الكادر .... ما ضر الناس إلا هذه الأوهام .... لو في كادر صحي .... اليكون قدام
لا .... لإتحاد شباب بدر الدين أحمد موسى .... ما ضر الناس إلا هذه الأوهام
لا ..... للأستاذ محمد إبراهيم نقد .... ما ضر الناس مثل هذه الأوهام
نعم .... للزمن الطويل الممهول
نعم ..... للترتيب الجيد
نعم .... للعملية ..... والعلنية
شكراً .... أستاذ خدر
|
Post: #25
Title: Re: اي إقتراحات !؟
Author: حاتم كاهن
Date: 02-21-2011, 05:37 PM
Parent: #24
خدر بعد إذنك
Quote: العزبز حاتم كاهن ..... أغالب إستيائي من كوني مغترباً .... فقط أفكر فيما يمكن أن نفعله (تقرأ .... تفعلوه)
دنيا بايخة .... |
طيب وشوقنا الغلبنا ده نغالبو كيفن ؟ مشتاقين يا صاحب
Quote: نعم .... للزمن الطويل الممهول
نعم ..... للترتيب الجيد
نعم .... للعملية ..... والعلنية |
|
Post: #26
Title: Re: اي إقتراحات !؟
Author: عزاز شامي
Date: 02-21-2011, 06:03 PM
Parent: #1
انصرافيتي قبيل دي زي ما وقعت ليك يا خدر ؟ :)
التأمين غيروهو؟
| Quote: تكوين ايميل قروب لتجهيز الخطة البديلة - التزكية للإنضمام للقروب تتم بواسطة شخصين - علي القروب خلق صلة مع الداخل. |
اثني، و يا ريت التزكية ما تلحق معاييرها تزكية بورد من لا بورد له،
محصوا كويس و اي زول بين بين ، برة
من مجرب المجرب ندمان يا اخوي
ما تتدوا العدو مفاتيحكم ... وسيروا على مهل .. على مهل ... على مهل
انصرفوا لقروباتكم المحكم بابها يرحمكم الله ... الشيء دم ناس بنريدهم وما هو ممهول لمهوسي الدم و العنف
|
Post: #27
Title: Re: اي إقتراحات !؟
Author: خدر
Date: 02-21-2011, 07:15 PM
Parent: #26
شنو يا عزوز حركات وليد المبارك دي
عاملة فيها ما معانا ولا شنو ؟
يا شباب , ارجو تنقيح المقترح اعلاه حتي تتكون خطة كاملة و من ثم ربطها بالداخل
|
Post: #28
Title: Re: اي إقتراحات !؟
Author: Amira Elsheikh
Date: 02-21-2011, 07:25 PM
Parent: #27
تكوين ايميل قروب لتجهيز الخطة البديلة - التزكية للإنضمام للقروب تتم بواسطة شخصين - علي القروب خلق صلة مع الداخل,,,
يخيل لى ياخدر الكوتيشن الفوق دا عليهو الرك ...
يتزبط كويس وباقى المقترحات تتم فيهو بكل تفاصيلها
والصلاة فيها السر وفيها الجهر ياقول حبوبة
|
Post: #29
Title: Re: اي إقتراحات !؟
Author: معاوية الزبير
Date: 02-22-2011, 05:45 AM
Parent: #28
التوقيت يا خدر
انتظر لما بعد 9 يوليو
تاريخ انتهاء نيفاشا
سينفصل الجنوب رسميا في 9 يوليو
وفي 10 يوليو سيبدأ البشير في تطبيق الحدود
وبعدها سيذوق الشعب الأمرات الثلاثة بعدما ذاق الأمرين
ومن ثم سيصبح مهيئا للثورة
انت كنت في السودان قريب وشفت الغيبوبة الحاصلة
الحالة دي ما بطلع منها ناس الداخل إلا بتطبيق الحدود
الجلد، القطع من خلاف للضعفاء ومناضلي الكيبورد، نطيط الحيط، إشانة السمعة
وهلم جرا، شريعة النميري التي خاف الصادق المهدي من إلغائها، رغم أنها لا تساوي الحبر الذي كتبت به
كما قال
|
Post: #30
Title: Re: اي إقتراحات !؟
Author: عزاز شامي
Date: 02-22-2011, 07:45 AM
Parent: #1
Quote: شنو يا عزوز حركات وليد المبارك دي
عاملة فيها ما معانا ولا شنو ؟ |
معاكم قطع شك يا خدر، ولا عندي خيار تاني،
كدي عاين لكلام أميرة الأميرة بتلاقي فيهو الخلاصة
كفانا يا خدر كفانا قصة يلمها النمل و ياطاها الفيل
ويا ريت يا ريت نرسّم الحدود بتاعة (مع) و (ضد)
بوضوح تام لأنو الطعنة قاعدة تجيك من القريب،
و يوم بنتلاقى يا صاحب اخلعك جنس خلعة بقدرة
البعض على التلون و الضرر ولبس مسوح الاصدقاء
و طعنك في الخلف وانت يا غافل لك الله!
|
Post: #31
Title: Re: اي إقتراحات !؟
Author: وليد محمد المبارك
Date: 02-22-2011, 08:00 AM
Parent: #30
خلاس
قمتو للطبيز
هو ذاتو البحدد منو ؟
ورونا البحد الناس ويرصهم منو من هسع ...
كدي ورونا البوزع الكيمان منو كان في المنبر ده او حتى في الثورة المحتملة
عشان الموضوع ده ما يتجوبك قبل ما يبدا
|
Post: #32
Title: Re: اي إقتراحات !؟
Author: بدر الدين احمد موسى
Date: 02-22-2011, 08:22 AM
Parent: #31
قيقراوي
يا وجيه
قيقراوي صدقني في كتير من المعلومات لسة ما اتحملت في الكمبيوتر ذاتو!
في كروت كتيرة, لسع الشباب ما عارف عنها اي شئ!
شوف الحصل في تونس, وفي مصر, وبكرة في ليبيا, الناس دي قعدت بعد الثورة ولسان حالهم بقول "اها وبعدين? "
في حاجات زي الدستور, وتقسيم السلطة بين الاقاليم والمركز, وتحديد شكل الحكومة النهائي, وغيرها. عايزة خبرة, ودراية, وممارسة, ومتابعة, وكلها, ما متوفرة بشكل كافي لدي ناس اتولدوا اول امبارح!
ايي نعم يا قيقراوي مفروض تبدا اجراءات تفويض بعض الصلاحيات للشباب, عشان يبنو خبرة, لكن دا مفروض يكون من خلال قنوات سلسة, عشان نؤكد المؤسسية في شغلنا, وشرعية ديمقراطية في تنظيماتنا.
الانقلاب سواء اكان عسكري او تنظيمي في النهاية سيؤدي للفوضى!!!
جاييك بهناك ان شاء الله
|
Post: #33
Title: Re: اي إقتراحات !؟
Author: بدر الدين احمد موسى
Date: 02-22-2011, 08:29 AM
Parent: #32
خدر
يا فنان
تراكا بتعزف كويس
كلامك كويس بس ابدوا طوالي
انا معاكم!
|
Post: #36
Title: Re: اي إقتراحات !؟
Author: قيقراوي
Date: 02-22-2011, 07:23 PM
Parent: #32
Quote:
شوف الحصل في تونس, وفي مصر, وبكرة في ليبيا, الناس دي قعدت بعد الثورة ولسان حالهم بقول "اها وبعدين? "
|
كلام سليم .. نواقص الثورة المصرية و التونسية واضحة
الما سليم ختنا وراءهم بس
نحنا - في السودان - عندنا تجاربنا الخاصة
ثورتين كاملة الدسم، بكل زخمهاو دروسهاو اخطاءهاا لكبيرة ..
على الاقل غيرت النظام و استعادت الديموقراطية
عندنا سلسلة تراكم نضالي حثيث
و عندنا و عندنا ... و عندنا
تحتاج تقييم ناقد ما اكتر
Quote:
الانقلاب سواء اكان عسكري او تنظيمي في النهاية سيؤدي للفوضى!!!
|
مافي فكرة انقلاب ابداً
بل هي الثورة دي ذاتا
المفتكر انو المد الثوري دا واقف على اقتلاع النظم الهشة العويش و الرؤساء الطغاة بس يكون واهم
السيستم كلو ما شغال ... كلو عاوز تغيير
كم زين العابدين و مبارك حالت دونهم ( الفرصة ) للتليب ثم الكنكشة فيها!؟
اي زول قاعد في منصبو لفترة طويلة يتحسس راسو كويس لو فاكر نفسو ما بخصو الكلام دا
و الابوية دي مكنة ما مقسمة .. كان بتنفع كان نفعت مبارك و القذافي ...
|
Post: #34
Title: Re: اي إقتراحات !؟
Author: هواري نمر
Date: 02-22-2011, 08:30 AM
Parent: #31
يا فنـــــــــان
تحياتي و عوّافي ...كيفنك؟؟
وأزيد معاك:
يا ريت لو نتقصّي الآخبار كويس , والكتابة بمسؤلية وموضوعية عن الحاصل
أتمني كل الناس المتخصصة تكتب في مجالاتها, عن الخدمات , الصحة, التعليم والفساد المالي و الإداري والآمني..
الناس كلها ما ممكن تكتب خطب سياسية أو بوستات سياسية .., لكن اكثر شئ ممكن يكون
قوي و فعال ..الكتابة بارقام و مصادر..
كثير من الناس هنا كانت و بعضها لا زال, في الخدمة المدنية (الله يرحمها) .. وممكن يكتبو الكثير والمفيد جداً للناس, عن السابق والآن و رؤيتهم للمستقبل
مثلاً: بوست ( ود العمدة) عن إنهيار الإقتصاد). وبوست (قمربوبا) عن السدود والتعريف بأخطارها.. وكثير من البوستات ..
و لو إتبع بي بوست عن ..التعليم, الثقافة, الاسعار, الصحة..... الخ
التنوير يا فنان و نشر المعلومة الصحيحة.... الصحيحة
معرفة الواقع السوداني الآن مهم جداً يا خدر ....عشان الناس تمشي لي قدام..
__
تحياتي وإحترامي يا فنان.
|
Post: #35
Title: Re: اي إقتراحات !؟
Author: خدر
Date: 02-22-2011, 06:42 PM
Parent: #34
مزيدا من التنقيح و الاقتراحات
|
Post: #37
Title: Re: اي إقتراحات !؟
Author: بدر الدين احمد موسى
Date: 02-22-2011, 08:24 PM
Parent: #35
هههههههه
لا ..... لتأمين الكادر .... ما ضر الناس إلا هذه الأوهام .... لو في كادر صحي .... اليكون قدام
لا .... لإتحاد شباب بدر الدين أحمد موسى .... ما ضر الناس إلا هذه الأوهام
لا ..... للأستاذ محمد إبراهيم نقد .... ما ضر الناس مثل هذه الأوهام
ما اي كادر بامنو ياخ!
في كوادر اساسا معمولة "للشوارع"! وناس اتحاد الشباب دا شغلهم!
لكن
نهايتك دي:
"نعم .... للزمن الطويل الممهول
نعم ..... للترتيب الجيد
نعم .... للعملية ..... والعلنية"
من الصعب تصل ليها لو ما اتحاد الشباب لعب دوره المفروض!
--------
اما نقد بالله طلعو برة اللعب هنا.
الله يجازي محن خدر الجابو في صمة خشمو!
يا خدر النبي (ص) قال في الحديث لا تسبوا ابائكم, ياخ! (ههههههههه)
|
Post: #38
Title: Re: اي إقتراحات !؟
Author: خدر
Date: 02-24-2011, 11:26 AM
Parent: #37
ههههههههههه
يا بدرنا .. ياخي انا ما سبت نقد
مالك داير تندرع في رقبتي و تقولني ساكت , انا قلت ليك ذكرتني كلامو
يا فنان .. انا عارف انو ودملين ظابط شغلوا و مجودو و ده كلام مجموعة ما كلام زول واحد
لكن ده ما الموضوع , الموضوع في شروط الثورة الراجية النقابات تمرق؟
طيب قول معاي .. ده كلام يا ريس؟
ثم ده ما موضوعنا ياخ
الجند هنا إقتراحات ما مراجعة مواقف
ده الكلام البمط القدد زاتو
|
Post: #39
Title: Re: اي إقتراحات !؟
Author: قيقراوي
Date: 02-24-2011, 12:12 PM
Parent: #38
Quote:
ثم ده ما موضوعنا ياخ
الجند هنا إقتراحات ما مراجعة مواقف
ده الكلام البمط القدد زاتو
|
تطول القدد مالو ...
بشرط ان تصب في الاهداف الاقترحا استاذنا معتز
- التكريب .. التكريب
- و عدم الركون للاوهام
-----
وليد الشفت اشار لحاجة مهمة جداً هنا - و لو بصورة تعسفية - اكن اعتقد انو مهم توفر حد ادنى من ( الثقة ) .. ركزوا على البجمع و ابعدوا عن البفرق
و مع بدرنا .. لا للاقصاء
اي زول ينتمي لفكرة ( التغيير ) و مستعد يتغير ( و ) عندو القدرة يتغير هو ذاتو في عضمو دي .. مرحب بيهو .. اي زول عاوز يشدنا لي وراء و ماسك في لم يرد ذكرها في الكتاب .. ما معانا .. الشغلة دي كلها برا الكتاب .. نجر اخضر متجاوزة رمادية النظرية ..
البنتمي لبكرة حبابو .. امس راح ببح .. ما عندنا ليهو غير ( نقد ) جارح بس
عاوزين بكرة اجمل من ظروفنا يا شباب ..
برضو كلام الشفت دا مهم : التركيز .. التنظيم الناس ما تشتت الجهود فتتكسر الرماح آحاداً .. و تضيفوا لينا احباط جديد
و يوم بكرة جميل .. و باكر ضواي
|
Post: #40
Title: Re: اي إقتراحات !؟
Author: esam gabralla
Date: 02-24-2011, 12:33 PM
Parent: #39
.
.
.
.
.
.
فضي نارك يا محارب و لا "سيب" البندقية
|
Post: #41
Title: Re: اي إقتراحات !؟
Author: الشفيع عوض شوشتا
Date: 02-24-2011, 04:06 PM
Parent: #40
خطوة
|
Post: #42
Title: Re: اي إقتراحات !؟
Author: Inaam Saad
Date: 02-24-2011, 10:48 PM
Parent: #41
أول إقتراح جاء من وليد المبارك هنا:
التركيز .. التنظيم
براحة....براحة "صعود البذرة والروح والشموس"
تحياتي
|
Post: #43
Title: Re: اي إقتراحات !؟
Author: خدر
Date: 03-20-2011, 07:29 PM
Parent: #42
مهمة المظاهرة محددة بتوصيل إحتجاج طلاب و احزاب -الطليعة - لاوسع قطاع من السودانيين
سلامة المتظاهرين هي الاهم
عدم الاشتباك المباشر مع الشرطة او اللامن في الايام الاولي للمظاهرات السلمية
محاولة تقليل الخسائر - الاعتقالات- لاقصي حد
|
|